Jump to content

'ஒரே நேரத்தில் தேர்தல்' நடத்துவதற்குத் தேவை என்ன? அது எப்படி நடக்கும்?

நவீனன்

Recommended Posts

நவீனன் Collaborator

நவீனன்

பதியப்பட்டது
பதியப்பட்டது

'ஒரே நேரத்தில் தேர்தல்' நடத்துவதற்குத் தேவை என்ன? அது எப்படி நடக்கும்?: அலசல் கட்டுரை-1

 
 

ஒரே நேரத்தில் சட்டமன்றத்திற்கும் நாடாளுமன்றத்திற்கும் தேர்தலை நடத்த விரும்பும் மத்திய அரசு இது குறித்து பல்வேறு தரப்பினரின் கருத்துக்களைப் பெற்றுவருகிறது. ஆனால், இது கூடுதல் செலவுபிடிக்கும் காரியம் என்பதோடு, வேறு பல குழப்பங்களையும் ஏற்படுத்தக்கூடும். பல அரசியல் கட்சிகள் இதை எதிர்க்கின்றன.

இத்திட்டத்தின் வரலாறு, நன்மை, தீமைகள், பல தரப்பின் கருத்துகளைக் குறித்து அலசி இரண்டு பாகங்கள் கொண்ட கட்டுரைத் தொடராக வெளியிடுகிறது பிபிசி தமிழ். இத்தொடரின் முதல் பாகம் இது. இதில், இத்திட்டத்தின் பின்னணி, வழிமுறைகள் குறித்து பேசப்பட்டுள்ளது.

நாடாளுமன்றத்திற்கும் சட்டமன்றத்திற்கும் ஒரே நேரத்தில் தேர்தல் சாத்தியமா?படத்தின் காப்புரிமைVIKRAMRAGHUVANSHI

ஒரே நேரத்தில் நாடாளுமன்றத்திற்கும் சட்டமன்றங்களுக்கும் தேர்தல் நடத்தும் யோசனை என்பது பல ஆண்டுகளாக விவாதிக்கப்பட்டுவரும் ஒரு விவகாரம். 1983ல் இந்தியத் தேர்தல் ஆணையம் தனது முதல் ஆண்டறிக்கையை சமர்ப்பித்தபோதே, இந்த விவகாரம் அதில் விவாதிக்கப்பட்டது. 1999ஆம் ஆண்டின் சட்ட ஆணையத்தின் அறிக்கையிலும் இந்த விவகாரம் பேசப்பட்டது. ஆனால், அதைத்தாண்டி இந்த திட்டத்தைச் செயல்படுத்துவதற்கான நடவடிக்கைகள் ஏதும் எடுக்கப்படவில்லை.

ஆனால், தற்போதைய மத்திய அரசு இந்தத் திட்டத்தை செயல்படுத்துவது குறித்து தீவிரமாக ஆலோசித்துவருகிறது. இந்த விவகாரம் குறித்து சம்பந்தப்பட்ட பல்வேறு தரப்பினரிடமும் இந்திய சட்ட ஆணையம் கருத்துக்களைக் கேட்டுவருகிறது. இம்மாத துவக்கத்தில் இந்தியா முழுவதுமுள்ள பல்வேறு அரசியல் கட்சிகள், சட்ட ஆணையத்திடம் தங்கள் கருத்துக்களை எழுத்து மூலம் தாக்கல்செய்துள்ளன.

இந்தக் கூட்டத்தில் கலந்துகொண்ட கட்சிகளில் சிரோண்மனி அகாலி தளம், அ.தி.மு.க., சமாஜ்வாதி கட்சி, தெலங்கானா ராஷ்ட்ரிய சமிதி ஆகியவை ஆதரவு தெரிவித்தன. தி.மு.க., திரிணமூல் காங்கிரஸ், ஆம் ஆத்மி, தெலுங்கு தேசம், சி.பி.ஐ., சி.பி.எம்., ஃபார்வர்ட் ப்ளாக், மதச்சார்பற்ற ஜனதா தளம் உள்ளிட்ட கட்சிகள் இதனை எதிர்த்திருக்கின்றன.

'ஒரே நேரத்தில் தேர்தல்' என்பது புதிய யோசனையா?

இந்தியாவில் 1967ஆம் ஆண்டுவரையில் பெரும்பாலும் நாடாளுமன்றத்திற்கும் மாநில சட்டப்பேரவைகளுக்கும் (கேரளா விதிவிலக்கு) ஒரே நேரத்தில்தான் தேர்தல்கள் நடைபெற்றுவந்தன. ஆனால், 1967, 1968ஆம் ஆண்டுகளில் சில மாநில சட்டப்பேரவைகள் கலைக்கப்பட்டதாலும் 1970ல் நாடாளுமன்றம் முன்கூட்டியே கலைக்கப்பட்டதாலும் தேர்தல்கள் மாநிலங்களிலும் நாடாளுமன்றங்களிலும் மாறிமாறி நடைபெற ஆரம்பித்தன.

இந்தியாவில் முதல் மூன்று மக்களவையும் முழு காலமும் பதவியில் இருந்தன. நான்காவது மக்களவை முன்கூட்டியே கலைக்கப்பட்டது. ஐந்தாவது மக்களவையின் காலம் ஓர் ஆண்டு நீட்டிக்கப்பட்டது. அதன் பிறகு, எட்டாவது, பத்தாவது, பதினான்காவது, பதினைந்தாவது மக்களவைகள் முழு பதவிக் காலமும் நீடித்தன. ஆறு, ஏழு, ஒன்பது, பதினொன்று, பன்னிரண்டு, பதிமூன்றாவது மக்களவைகள் முன்கூட்டியே கலைக்கப்பட்டன. இப்படி நிகழ்ந்ததால், 'ஒரே நேரத்தில் தேர்தல்' என்ற நோக்கம் முழுக்கவுமே குலைந்துபோனது.

தற்போது இந்தியாவில், ஒரு சில ஆண்டுகளைத் தவிர, பிற ஆண்டுகளில் எல்லாம் 5-7 மாநிலங்களுக்குக்கான சட்டப்பேரவைத் தேர்தல்கள் நடக்கின்றன. 2014ஆம் ஆண்டில் நடந்த நாடாளுமன்றத் தேர்தலின்போது, ஆந்திரா, அருணாச்சலப் பிரதேசம், சிக்கிம், ஒரிசா ஆகிய மாநிலங்களின் சட்டமன்றங்களுக்கும் சேர்த்து தேர்தல் நடத்தப்பட்டது.

அதற்குப் பிறகு, அதே ஆண்டு செப்டம்பரிலிருந்து டிசம்பருக்குள் மகாராஷ்டிரா, ஹரியானா, ஜார்க்கண்ட், ஜம்மு - காஷ்மீர் ஆகிய மாநிலங்களுக்குத் தேர்தல்கள் நடத்தப்பட்டன. 2015ல் தில்லி, பிஹார் மாநிலங்களுக்குத் தேர்தல்கள் நடத்தப்பட்டன. 2016ல் தமிழ்நாடு, அசாம், கேரளா, புதுச்சேரி, மேற்கு வங்கத்திற்குத் தேர்தல்கள் நடத்தப்பட்டன. இதைத் தவிர்த்து, உள்ளூராட்சித் தேர்தல்கள், இடைத்தேர்தல்களைக் கணக்கில் கொண்டால் ஒரே வருடத்தில் இந்தியாவில் பல முறை தேர்தல்கள் நடந்துகொண்டேயிருக்கின்றன.

தேர்தல்களை ஒரே நேரத்தில் நடத்துவதற்கு சொல்லப்படும் காரணம் என்ன?

எப்போதெல்லாம் தேர்தல் அறிவிக்கப்படுகிறதோ, அப்போதெல்லாம் தேர்தல் நடத்தை விதிமுறைகள் அமலுக்கு வரும் என்பாதல், வளர்ச்சி, நிர்வாகப் பணிகளை தொடர்ச்சியாக செய்ய முடியவில்லையென மத்திய அரசு கருதுகிறது.

தவிர, இந்தத் தேர்தல்களை நடத்த அரசுகளுக்கும் அரசியல் கட்சிகளுக்கும் பெரும் பணம் செலவாகிறது. தேர்தல்கள் தனித்தனியாக நடக்கும்போது மக்களவைத் தேர்தல்களுக்கான முழுச் செலவையும் மத்திய அரசு ஏற்கிறது (ஆனால், பாதுகாப்புச் செலவுகளை மாநில அரசுகள்தான் செய்கின்றன). மாநிலங்களுக்கான தேர்தல் செலவை, அந்தந்த மாநிலங்கள் செய்கின்றன. தேர்தலை ஒன்றாக நடத்தினால், செலவுகளைப் பகிர்ந்துகொள்ள முடியும் என்கிறது மத்திய அரசு.

நாடாளுமன்றத்திற்கும் சட்டமன்றத்திற்கும் ஒரே நேரத்தில் தேர்தல் சாத்தியமா?படத்தின் காப்புரிமைGETTY IMAGES

சமீப ஆண்டுகளாக தேர்தலை நடத்தும் செலவுகள் கணிசமாக அதிகரித்திருக்கின்றன. 2009ஆம் ஆண்டில் நாடாளுமன்றத் தேர்தலை நடத்த 1,115 கோடி ரூபாய் செலவானது. ஆனால், 2014ஆம் ஆண்டு நாடாளுமன்றத் தேர்தலை நடத்த ரூ. 3,870 கோடி செலவாகியுள்ளதாக நிதி ஆயோகின் புள்ளிவிவரங்கள் தெரிவிக்கின்றன. மாநில அரசுகள் இந்தத் தேர்தலை நடத்த செய்த செலவுகள் இதில் சேர்க்கப்படவில்லை.

அரசியல் கட்சிகளைப் பொறுத்தவரை, மக்களவைத் தேர்தல்கள், சட்டமன்றத் தேர்தல்கள், உள்ளாட்சித் தேர்தல்களுக்குத் தனித்தனியாக செலவழிக்கின்றன. ஆகவே இந்தத் தேர்தல்களுக்குச் செலவழிக்க, பெருந்தொகையை அவை ஊழல் செய்து சேர்ப்பதாக நிதி ஆயோகின் அறிக்கை ஒன்று கூறுகிறது.

தற்போதைய சூழலில் மக்களவைக்கும் சட்டமன்றங்களுக்கும் தேர்தலை ஒரே நேரத்தில் நடத்தினால், ஒட்டுமொத்தமாக 4,500 கோடி ரூபாய் செலவாகுமென இந்தியத் தேர்தல் ஆணையம் கருதுகிறது.

தவிர, ஒவ்வொரு தேர்தலுக்கும் பெருமளவில் மனித சக்தியைப் பயன்படுத்த வேண்டியிருக்கிறது. 16வது மக்களவைக்கான தேர்தலில் சுமார் 1 கோடி தேர்தல் அலுவலர்கள் பணியில் ஈடுபடுத்தப்பட்டனர். பாதுகாப்புப் படையினரைப் பொருத்தவரை, இந்தியாவில் எங்காவது அவ்வப்போது தேர்தல் நடந்துகொண்டேயிருப்பதால், வருடம் முழுவதும் மத்திய ரிசர்வ் காவல் படையின் ஒரு பகுதியினர் தேர்தல் பணியில் இருந்துகொண்டேயிருக்கின்றனர்.

 

 

தவிர, வேறு சில சம்பவங்களும் தேர்தலையொட்டி நடக்கின்றன. தேர்தல் பிரச்சாரங்களையொட்டி எழுப்பப்படும் சத்தம், மாசுபாடு ஆகியவையும் குறிப்பிடத்தக்கவை. தவிர, தேர்தலையொட்டி ஜாதி, மத ரீதியான உணர்வுகளும் அரசியல் கட்சிகளால் உசுப்பப்படுகின்றன.

கடந்த முப்பது ஆண்டுகளில், இந்தியாவில் ஏதேனும் ஒரு பகுதியில் தேர்தல் நடக்காமல் கழிந்ததேயில்லை என்கிறது நிதி ஆயோக்.

ஆனால், இந்த வாதத்தைப் பலர் ஏற்பதாக இல்லை. "ஜனநாயக முறையில் தேர்தல் நடத்துவது என்று முடிவுசெய்துவிட்டால், அதற்கான செலவைச் செய்துதான் ஆகவேண்டும். தேர்தலே நடத்தவில்லையென்றால், செலவே இருக்காதே. அதற்காக அப்படி ஒரு யோசனையைச் சொல்ல முடியுமா?" என்று கேள்வி எழுப்புகிறார் விடுதலைச் சிறுத்தைகள் கட்சியின் பொதுச் செயலாளர் து. ரவிக்குமார்.

ஒரே நேரத்தில் தேர்தல் என்றால் என்ன?

தற்போது இந்தியாவில் நாடாளுமன்றம், சட்டமன்றம், உள்ளூராட்சி அமைப்புகள் என மூன்று மட்டங்களில் தேர்தல்கள் நடைபெறுகின்றன. ஆனால், உள்ளூராட்சி அமைப்புத் தேர்தல்களை மாநிலங்கள்தான் நடத்துகின்றன என்பதாலும் உள்ளூராட்சி அமைப்புகளின் எண்ணிக்கை மிகப் பெரிய அளவில் இருப்பதாலும் 'ஒரே நேரத்தில் தேர்தல்' என்ற திட்டத்திற்குள் உள்ளூராட்சி அமைப்புகள் கொண்டுவரப்படவில்லை.

நாடாளுமன்றத்திற்கும் சட்டமன்றத்திற்கும் ஒரே நேரத்தில் தேர்தல் சாத்தியமா?படத்தின் காப்புரிமைGETTY IMAGES

ஆகவே, . "ஒரே நேரத்தில் தேர்தல்" முறையின் மூலம், ஒரு வாக்காளர் ஒரே நாளில் நாடாளுமன்றத்திற்கான உறுப்பினரையும் சட்டமன்ற உறுப்பினரையும் தேர்வுசெய்வார். தமிழகத்தில் இதற்கு முன்பாக கடந்த 1996ஆம் ஆண்டில் இப்படி ஒரே நேரத்தில் நாடாளுமன்றத்திற்கும் சட்டமன்றத்திற்கும் வாக்குப் பதிவு நடைபெற்றது.

அதேபோல, ஒரே நேரத்தில் தேர்தல் என்றால், இந்தியா முழுவதும் வாக்குப் பதிவு ஒரே நாளில் நடக்கும் என்றும் அர்த்தமல்ல. அவை இப்போது நடப்பதைப் போல பல கட்டங்களாகவே நடத்தப்படும்.

https://www.bbc.com/tamil/india-44856032

Link to comment
Share on other sites
இசைக்கலைஞன் Grand Master

இசைக்கலைஞன்

Posted
Posted

இந்திய அரசிலமைப்பு சட்டத்தின்படி ஒரு சட்டத்தை அல்லது சட்ட திருத்தத்தை நிறைவேற்றுவதற்கு மக்களவை மற்றும் மாநிலங்கள் அவையின் ஒப்புதல் அவசியம். மக்களவை உறுப்பினர்கள் மக்களால் தேர்ந்தெடுக்கப் படுபவர்கள். மாநிலங்கள் அவை உறுப்பினர்கள் மாநில சட்டமன்ற உறுப்பினர்களால் தேர்வு செய்யப்படுவார்கள்.

இப்போது பல்வேறு காரணங்கள் காரணமாக மக்களைவை தேதலும் மாநில சட்டசபை தேர்தல்களும் வெவ்வேறு நேரங்களில் நடத்தப்படுகின்றன. இதன் காரணமாக மக்களவையிலும், மாநிலங்கள் அவையிலும் வெவ்வேறு கட்சிகளின் பிரதிநிதித்துவம் உள்ளது. இதன் காரணமாக சட்டங்களை நிறைவெற்றுவதில் பல தடைகளை தாண்டவேண்டியது உள்ளது. இது ஓரளவுக்கு ஜனநாயக தன்மையை நிலைநாட்ட உதவுகிறது.

மாறாக, ஒரே நேரத்தில் மாநில மற்றும் மக்களவை தேர்தலை நடத்தும்போது, ஒரே மாநிலத்தில் பல கட்சிகளின் பிரதிநிதித்துவம் குறையும். ஒரு உதாரணத்துக்கு 2014 மக்களவை தேர்தலோடு மாநில சட்டசபை தேர்தலையும் நடத்தியிருந்தால், தமிழகத்தின் பிரதிநிதிகளாக அதிமுகவே டில்லியில் அமர்ந்திருக்கும். அதிமுகவை வளைப்பது சுலபமாகிவிடும். இதுபோல ஒவ்வொரு மாநிலத்திலும் ஓரிரு கட்சிகளை சமாளித்தாலே போதும். சட்டங்களை நிறைவேற்றிக்கொள்ள முடியும். இது ஜனநாயகத்துக்கு உகந்தது அல்ல.

Link to comment
Share on other sites
நவீனன் Collaborator

நவீனன்

Posted
  • தொடங்கியவர்
Posted

'ஒரே நேரத்தில் தேர்தல்' வந்தால் என்ன கூத்தெல்லாம் நடக்கும்?: அலசல் கட்டுரை-2

 
நாடு முழுதும் ஒரே நேரத்தில் தேர்தல் நடத்துவதில் என்ன பிரச்சனைகள்?படத்தின் காப்புரிமைGETTY IMAGES

'ஒரே நாடு, ஒரே தேர்தல்' என்ற முழக்கத்தின் கீழ் முன்மொழியப்படும் திட்டம் குறித்தும், அதன் தேவை, பின்னணி குறித்தும் இந்தக் கட்டுரைத் தொடரின் முதல் பாகத்தில் விவாதித்தோம். இந்த திட்டத்தில் உள்ள பிரச்சினைகள் குறித்தும், இதனை ஏன் அரசியல் கட்சிகள் எதிர்க்கின்றன என்பது குறித்தும், இந்த இரண்டாவது பாகத்தில் பார்ப்போம்.

'ஒரே நேரத்தில் தேர்தல்' முறையில் உருவாகக்கூடிய பல சிக்கல்கள் குறித்து, இந்திய தேசிய காங்கிரஸ், திரிணமூல் காங்கிரஸ், தி.மு.க., சி.பி.ஐ., தேசியவாத காங்கிரஸ் கட்சி உள்ளிட்ட கட்சிகள் தங்கள் கருத்துக்களை தேர்தல் ஆணையத்தில் பதிவுசெய்துள்ளன.

தேசியக் கட்சிகளுக்கு சாதகமா?

இந்த ஒரே நேரத்தில் தேர்தல் முறையில் உள்ள மிகப் பெரிய பிரச்சனையாக பிராந்தியக் கட்சிகள் சுட்டிக்காட்டுவது, இம்மாதிரி தேர்தல் நடத்தப்படும்போது ஒரு வாக்காளர் தேசியப் பிரச்சனைகளை மனதில் கொண்டு, தேசியக் கட்சிகளுக்கு ஆதரவாக வாக்களிக்கக்கூடும் என்பதைத்தான்.

1999, 2004, 2009, 2019 ஆகிய நான்கு மக்களவைத் தேர்தல்களோடு சேர்த்து சட்டமன்றத் தேர்தல் நடத்தப்பட்ட மாநிலங்களின் முடிவுகளை ஆராய்ந்தபோது, அங்குள்ள வாக்காளர்களில் 77 சதவீதம் பேர், நாடாளுமன்றத் தேர்தலில் எந்தக் கட்சிக்கு வாக்களித்தார்களோ, அதே கட்சிக்கே சட்டமன்றத் தேர்தலிலும் வாக்களித்துள்ளனர். தனித்தனியாக நடத்தும்போது இந்த விகிதம் வெகுவாகக் குறைந்திருக்கிறது. இது பிராந்தியக் கட்சிகளை வெகுவாக அச்சுறுத்துகிறது.

அதேபோல, முதல்முறையாக இந்தத் தேர்தலை நடத்தும்போது, வெவ்வேறு ஆண்டுகளில் நிறைவடையக்கூடிய பதவிக்காலங்களைக் கொண்ட சட்டமன்றங்களையும் நாடாளுமன்றங்களையும் ஒன்றாக இணைத்து தேர்தலை நடத்துவது எப்படி என்ற கேள்வியும் எழுகிறது.

சில மாநில சட்டமன்றங்களை நீட்டித்தும், சில மாநில சட்டமன்றங்களின் ஆயுளைக் குறைத்தும் ஒன்றாக நடத்திவிட முடியுமா? தேர்தல் நடத்திய பிறகு நாடாளுமன்றத்திலோ, சில மாநில சட்டமன்றங்களிலோ யாருக்கும் பெரும்பான்மை கிடைக்காவிட்டால் என்ன செய்வது?

தமிழக அரசை முன்கூட்டியே கலைக்கவேண்டுமா?

தவிர, 2019ஆம் ஆண்டில் ஒரே நேரத்தில் தேர்தலை அமல்படுத்த வேண்டுமென்றால், அசாம், கேரளா, தமிழ்நாடு போன்ற மாநிலங்களின் சட்டமன்றங்கள் இரண்டு ஆண்டுகளுக்கு முன்பாகவே கலைக்கப்பட வேண்டியிருக்கும். சில மாநிலங்களுக்கு நீட்டிக்கப்பட வேண்டியிருக்கும்.

ஆனால், இதில் மற்றொரு பிரச்சனை இருக்கிறது. ஒரே மாதிரி தேர்தல் நடந்தால் மட்டும் போதுமா? நடுவில் நாடாளுமன்றத்திலோ, சட்டமன்றங்களிலோ ஆட்சி கவிழாதா? புதிதாக அரசமைக்க முடியாமல் தேர்தல் நடத்த வேண்டிய சூழல் ஏற்படாதா? என்னதான், ஒரு நேரத்தில் தேர்தல் நடத்தினாலும் 1967க்குப் பிறகு ஏற்பட்ட சூழல் வெகு விரைவிலேயே ஏற்பட்டுவிடும் என்பதுதான் உண்மை.

நம்பிக்கையில்லாத் தீர்மானம் கொண்டுவருவது கடினம்

இதற்கு சில யோசனைகள் முன்வைக்கப்படுகின்றன. முதலாவதாக, மத்திய அரசின் மீது நம்பிக்கையில்லா தீர்மானம் கொண்டுவருபவர்கள், வேறொருவரை பிரதமராக முன்னிறுத்தி, நம்பிக்கை கோரும் தீர்மானம் ஒன்றையும் கொண்டுவர வேண்டும்.

தவிர்க்கவே முடியாத சூழலில் மத்திய அரசு கவிழுமானால், ஐந்தாண்டுகளில் மீதமிருப்பது குறுகிய காலமாக இருந்தால், அந்தக் குறுகிய காலத்திற்கு அமைச்சர்களாக சிலரை நியமித்து, குடியரசுத் தலைவரே நிர்வாகத்தைக் கவனிக்கலாம். நீண்ட காலமாக இருந்தால் மத்திய அரசை மட்டும் தேர்வுசெய்ய ஒரு இடைத் தேர்தலை நடத்த வேண்டும். அந்த நாடாளுமன்றம், மீதமிருக்கும் காலத்திற்கு மட்டுமே நீடிக்கும். பிறகு, பிற மாநில சட்டமன்றங்களுடன் சேர்ந்து தேர்தலைச் சந்திக்கும்.

நாடு முழுதும் ஒரே நேரத்தில் தேர்தல் நடத்துவதில் என்ன பிரச்சனைகள்?படத்தின் காப்புரிமைGETTY IMAGES

மாநில சட்டமன்றங்களுக்கும் இதேபோல செய்யலாம். தனித் தனித் தொகுதிகளுக்கான இடைத்தேர்தலைப் பொறுத்தவரை ஒவ்வொரு வருடமும் ஒரு குறிப்பிட்ட மாதத்தில் இந்த இடைத்தேர்தல்களை நடத்திவிட வேண்டும்.

இப்படிச் சிக்கல்கள் ஏற்படாமல் தடுக்க, ஒவ்வொரு நாடாளுமன்றத்திற்கும் சட்டமன்றத்திற்கும் ஒருமுறை தேர்தல் நடத்தப்பட்டுவிட்டால், அடுத்த ஐந்தாண்டுகளுக்கு அதே நாடாளுமன்றமும் சட்டமன்றமுமே நீடிக்கும் என்ற வகையில் ஒரு அரசமைப்புச் சட்டத்தை திருத்த வேண்டும். காரணம் இந்திய அரசமைப்புச் சட்டம் நாடாளுமன்றங்களுக்கோ, சட்டமன்றங்களுக்கோ நிலையான கால அளவைக் கொடுக்கவில்லை. அவை ஐந்தாண்டுகளுக்கு நீடிக்கலாமே தவிர, அதற்கு முன்பாக கலைக்கப்படலாம், அல்லது கலையலாம்.

நாடு முழுதும் ஒரே நேரத்தில் தேர்தல் நடத்துவதில் என்ன பிரச்சனைகள்?படத்தின் காப்புரிமைGETTY IMAGES

"இவையெல்லாம் மிகப் பெரிய சிக்கல்கள். இப்படி நாடாளுமன்றத்திற்கும் சட்டமன்றத்திற்கும் நிலையான கால அளவை (Fixed Term) கொண்டுவருவதன் மூலம், அதிபர் முறைக்கு நாட்டை மாற்றுவதற்கான முதல் அடியை எடுத்துவைக்கிறது மத்திய அரசு. அமெரிக்காவில்தான் இதுபோன்ற நிலையான கால அளவு கொண்ட அமைப்புகள் உண்டு. நம்முடைய அரசியல் சாஸனம் இதற்கு முற்றிலும் நேர் எதிரானது" என்கிறார் விடுதலைச் சிறுத்தைகள் பொதுச் செயலாளர் ரவிக்குமார்.

முன்னாள் தலைமைத் தேர்தல் ஆணையர்கள் மாறுபட்ட கருத்து

முன்னாள் தலைமைத் தேர்தல் ஆணையர் டாக்டர் எஸ்.ஒய். குரேஷி இந்த விவகாரம் தொடர்பாக சில கருத்துக்களை ஊடகங்களிடம் பகிர்ந்துகொண்டிருக்கிறார்.

அதாவது, ஒரு கட்சி நாடாளுமன்றத்திலோ, சட்டமன்றத்திலோ ஆட்சிக்கு வந்த பிறகு, அடுத்த ஐந்தாண்டுகளில் உள்ளாட்சித் தேர்தலையோ அல்லது மீண்டும் சட்டமன்றத் தேர்தல்களையோ சந்திக்கும் வாய்ப்பு இருந்தால், அவை பொறுப்போடு நடந்துகொள்ளும் என்கிறார் அவர். மேலும் தேர்தல்களின் மூலம், அடிமட்ட அளவில் பல வேலைவாய்ப்புகள் உருவாக்கப்படுகின்றன; அவை பொருளாதாரத்திற்கு உந்து சக்தியாக அமைகின்றன என்கிறார் அவர்.

அடிக்கடி தேர்தல் நடத்துவதன் மூலம் பல நாட்கள் வீணாகின்றன. நிர்வாகம் பாதிக்கப்படுகிறது. கோபால்சாமி, முன்னாள் தலைமைத் தேர்தல் ஆணையர்

ஆனால், முன்னாள் தலைமைத் தேர்தல் ஆணையரான கோபால்சாமி இந்தக் கருத்திலிருந்து மாறுபடுகிறார்.

"அடிக்கடி தேர்தல் நடத்துவதன் மூலம் பல நாட்கள் வீணாகின்றன. நிர்வாகம் பாதிக்கப்படுகிறது. நாடாளுமன்ற, சட்டமன்றத் தேர்தல்களை ஒரே நேரத்தில் நடத்த வேண்டும். இடையில் காலியாகும் தொகுதிகள் அனைத்துக்கும் இரண்டரை ஆண்டுகளுக்கு ஒரு முறை இடைத் தேர்தல் நடத்தலாம். பல நாடுகளில் உள்ளாட்சி அமைப்புகளுக்கான தேர்தல்களையெல்லாம்கூட சேர்த்து நடத்துகிறார்கள்" என பிபிசியிடம் கூறினார் கோபால்சாமி.

அதிமுக என்ன நினைக்கிறது?

இம்மாதத் துவக்கத்தில் 'ஒரே நேரத்தில் தேர்தல்' குறித்த ஆலோசனைக் கூட்டம் சட்ட ஆணையத்தால் நடத்தப்பட்டபோது, அ.தி.மு.க. சார்பில் கலந்துகொண்ட நாடாளுமன்ற உறுப்பினர், 'ஒரே நேரத்தில் தேர்தல் நடத்துவது சிறந்ததுதான். ஆனால், அப்படிச் செய்வதாக இருந்தால் அதனை 2024ல்தான் நடத்த வேண்டும்; அதற்கு முன்பாக நடத்தக்கூடாது' என்று குறிப்பிட்டார்.

இதைப் போன்ற நிலைப்பாட்டையே 2015ல் அப்போதைய முதல்வர் ஜெயலலிதா எடுத்தார் என்கிறார் ரவிக்குமார். அவர் அப்போது இந்த நிலைப்பாட்டை எடுத்ததற்குக் காரணம், 2016ல் தாம் திரும்பவும் ஆட்சிக்கு வருவோம் எனக் கருதவில்லை. அதனால், தி.மு.க. ஆட்சிக்கு வரும்பட்சத்தில் 2019 ஒரே நேரத்தில் தேர்தல் என்ற பெயரில் அந்த ஆட்சி கலைக்கப்படும் என்பதற்காக அந்த சமயத்தில் அவர் ஆதரித்தார். அதேபோன்ற நிலைப்பாட்டைத்தான் இப்போதும் அ.தி.மு.க. எடுக்கிறது என்கிறார் ரவிக்குமார்.

திமுக கடுமையாக எதி்ப்பது ஏன்?

ஒரே நேரத்தில் தேர்தல் என்பதைத் தி.மு.க. கடுமையாக எதிர்த்திருக்கிறது. இது தொடர்பாக தி.மு.கவின் செயல்தலைவர் மு.க. ஸ்டாலின் மனு ஒன்றைத் தாக்கல் செய்திருக்கிறார். அதில், மேலே குறிப்பிடப்பட்ட பல சிக்கல்களைச் சுட்டிக்காட்டியிருக்கும் மு.க. ஸ்டாலின், இது இந்தியாவின் கூட்டாட்சித் தத்துவத்திற்கு முரணானது என்று கூறியிருக்கிறார்.

"ஒரு முறை தேர்வுசெய்யப்பட்டுவிட்டால், அடுத்த ஐந்தாண்டுகளுக்கு ஆட்சி கவிழக்கூடாது என்பதற்காக, கட்சித் தாவல் தடைச் சட்டம் நீர்த்துப்போகச் செய்யப்படக்கூடும். இதை ஏற்கவே முடியாது. பிறகு, குதிரைபேரம் தொடர்ந்து நடக்கும்" என்கிறார் தி.மு.கவின் சார்பில் அந்தக் கூட்டத்தில் கலந்துகொண்ட நாடாளுமன்ற உறுப்பினரான திருச்சி சிவா.

இந்தியாவில் அடிக்கடி தேர்தல் நடக்கிறது என்றால், அப்படித்தான் நடக்கும். தேர்தல்கள் ஜனநாயகத்தை துடிப்புடன் வைத்திருக்கின்றன. திருச்சி சிவா, திமுக எம்.பி.

இந்தியாவில் அடிக்கடி தேர்தல் நடக்கிறது என்றால், அப்படித்தான் நடக்கும். தேர்தல்கள் ஜனநாயகத்தை துடிப்புடன் வைத்திருக்கின்றன. இந்தியாவைப் போல பல கட்சிகளை அனுமதிக்கும் ஜனநாயகத்தில் இவை தவிர்க்க முடியாதவை என்கிறார் சிவா. மேலும், ஒரே நேரத்தில் தேர்தல் என்ற முறையை நீட்டிக்கச் செய்வதற்காக கட்சித் தாவல் தடைச் சட்டத்தையே இல்லாமல் செய்ய முயற்சிக்கிறார்கள். இது பல குழப்பங்களுக்கு வழிவகுக்கும் என்கிறார் சிவா.

நாடு முழுதும் ஒரே நேரத்தில் தேர்தல் நடத்துவதில் என்ன பிரச்சனைகள்?படத்தின் காப்புரிமைVIKRAMRAGHUVANSHI

உதாரணமாக, ஒரு அரசு கவிழ்ந்து இன்னொரு அரசைத் தேர்வுசெய்யும் சூழலில் ஒரு குறிப்பிட்ட கூட்டணிக்குப் பெரும்பான்மை கிடைக்கும் வகையில் கொறடா உத்தரவு பிறப்பிக்கப்படுவதாக வைத்துக்கொள்வோம். வாக்கெடுப்பு நடக்கும்போது உறுப்பினர்கள் அந்தக் கொறடா உத்தரவை ஏற்காமல் வாக்களித்தால், கட்சித் தாவல் தடைச் சட்டம் இல்லாத நிலையில், என்ன நடவடிக்கை எடுக்க முடியும் என்ற கேள்வியும் இருக்கிறது.

அரசியல் நிர்ணய அவை என்ன நினைத்தது?

''இந்திய அரசமைப்புச் சட்டத்தை அங்கீகரித்த அரசியல் நிர்ணய அவையில் இது தொடர்பான விவாதம் நடந்திருக்கிறது. அமெரிக்காவில் உள்ள நாடாளுமன்றம், நிலையான கால அளவைக் கொண்டது. ஸ்திரத்தன்மைக்கு முக்கியத்துவம் கொடுப்பது.

ஆனால், பிரிட்டன் நாடாளுமன்றம் ஸ்திரத்தன்மையைவிட பொறுப்புடைமைக்கு முக்கியத்துவம் கொடுக்கிறது. அரசியல் அமைப்பு சட்ட அவையில் இதை விவாதித்தவர்கள், 'இரண்டும் இணைந்து இருந்தால் நல்லது. அப்படி இருப்பதில்லை. அதனால், பொறுப்புடைமைக்கு முக்கியத்துவம் கொடுக்கலாம்' என்று முடிவுசெய்தார்கள். இதை மாற்றக்கூடாது'' என்கிறார் ரவிக்குமார்.

தற்போதுள்ள முறையில், ஐந்தாண்டுகளுக்கு ஒரு முறை மக்கள் ஒரு ஆட்சியை மதிப்பிடுகிறார்கள். பிறகு, நாடாளுமன்றத்திலும் சட்டமன்றத்திலும் தொடர்ந்து எதிர்க்கட்சிகளால் அந்த ஆட்சி மதிப்பிடப்படுகிறது.

ஐந்தாண்டுகளுக்கு எதுவும் செய்ய முடியாது என்ற தைரியத்தில் ஆட்சியாளர்கள் என்ன வேண்டுமெனாலும் செய்வார்கள் ரவிக்குமார்,, விசிக பொதுச் செயலாளர்

பெரும்பான்மை உறுப்பினர்கள் நினைத்தால், ஒரு ஆட்சியை எப்போது வேண்டுமானாலும் மாற்ற முடியும். நிலையான கால அளவு கொண்டுவந்துவிட்டால், ஐந்தாண்டுகளுக்கு எதுவும் செய்ய முடியாது என்ற தைரியத்தில் ஆட்சியாளர்கள் என்ன வேண்டுமெனாலும் செய்வார்கள் என்கிறார் ரவிக்குமார்.

தென்னாப்பிரிக்கா, ஸ்வீடல், பெல்ஜியம் போன்ற நாடுகளில் ஒரே நேரத்தில்தான் தேர்தல் நடத்தப்படுகிறது என்பதை சட்ட ஆணையம் சுட்டிக்காட்டியிருக்கிறது. ஆனால், தி.மு.க. இதனை ஏற்கவில்லை. 'இந்த மூன்று நாடுகளின் மக்கள் தொகையை ஒன்றாகக் கூட்டினாலும் தமிழகத்தின் மக்கள்தொகையைவிட குறைவாக இருக்கும். ஆகவே, அந்த உதாரணங்கள் பொருந்தாது' என்கிறது தி.மு.க.

வாக்குப் பதிவு இயந்திரங்களுக்கு கூடுதல் செலவாகும்

ஒரே நேரத்தில் நாடு முழுவதும் தேர்தல் நடத்தினால், முதன் முதலில் அப்படி நடத்தும் தேர்தலுக்கு கூடுதலாக 4,554 கோடி ரூபாய் செலவாகும் என தேர்தல் ஆணையம் தெரிவித்திருக்கிறது. காரணம், ஒவ்வொரு வாக்குச்சாவடியிலும் நாடாளுமன்றத் தேர்தலுக்கு தனியாக வாக்குப் பதிவு எந்திரங்களும் சட்டமன்றத் தேர்தலுக்கு தனியாக வாக்குப்பதிவு எந்திரங்களும் வைக்கப்பட வேண்டும்.

இவற்றை எடுத்துச் செல்லும் செலவும் இருமடங்காகும். தவிர ஒவ்வொரு பதினைந்தாண்டுகளுக்கு ஒரு முறையும் புதிதாக வாக்குப்பதிவு இயந்திரங்களை வாங்குவதற்கு, சுமார் பத்தாயிரம் கோடி ரூபாய் அளவுக்குச் செலவாகக்கூடும்.

நாடு முழுதும் ஒரே நேரத்தில் தேர்தல் நடத்துவதில் என்ன பிரச்சனைகள்?படத்தின் காப்புரிமைGETTY IMAGES

தவிர, இப்படி தேர்தலை நடத்த முடிவுசெய்தால், 1951ஆம் ஆண்டின் மக்கள் பிரதிநிதித்துவச் சட்டத்தை பெருமளவில் திருத்த வேண்டியிருக்கும். இந்திய அரசமைப்புச் சட்டத்தில் அடிப்படையான பல மாற்றங்களைச் செய்ய வேண்டியிருக்கும். இவையெல்லாம் எளிதில் நடக்கக்கூடியவை அல்ல.

இதற்கிடையில் மற்றொரு யோசனையும் முன்வைக்கப்படுகிறது. அதாவது 2019ஆம் ஆண்டில் நாடாளுமன்றத் தேர்தல் நடக்கும்போது, பாதி மாநிலங்களுக்கு ஒன்றாகத் தேர்தலை நடத்திவிட்டு, இரண்டரை ஆண்டுகள் கழித்து மீதமிருக்கும் மாநிலங்களுக்குத் தேர்தலை ஒன்றாக நடத்துவது என்பதுதான் அந்த யோசனை. ஆனால், அதிலும் இதே போன்ற பல பிரச்சனைகளை எதிர்கொள்ள வேண்டியிருக்கும்.

https://www.bbc.com/tamil/india-44860127

Link to comment
Share on other sites

Archived

This topic is now archived and is closed to further replies.

Go to topic listing


  • Tell a friend

    Love கருத்துக்களம்? Tell a friend!

  • Topics

  • Posts

    • Justin
      ஈரான் மீது இஸ்ரேல் பதில் தாக்குதல்

      By Justin · Posted

      பிபிசி செய்தி (பொய்யாகத் தான் இருக்கும்😎!) ஒன்றின் படி, நரான்ஸ் அணு ஆராய்ச்சி நிலையத்தைப் பாதுகாக்கும் ஒரு ரேடார் நிலையத்தை நோக்கி 3 விமானத்திலிருந்து ஏவும் கணைகளை இஸ்ரேல் ஏவியதாம். ரேடார் நிலையம் அழிக்கப் பட்டது என்கிறது அமெரிக்கா, சேதமில்லை என்கிறது ஈரான். ஈரான் ஏவிய 300 கணைகளுக்கு பதிலாக 3 ஏவியிருக்கிறார்கள். விளைவு என்னவென்று RT போன்ற உண்மை விளம்பும் ஊடகங்கள் செய்தி வெளியிட்டால் மட்டுமே தெரியவரும்🤣!
    • kandiah Thillaivinayagalingam
      "பண்டைய சுமேரியரின் உணவு பழக்கங்களும் மற்றும் சமையல் பலகைகளும் அல்லது செய்முறை புத்தகமும்" 

      By kandiah Thillaivinayagalingam · பதியப்பட்டது

      "பண்டைய சுமேரியரின் உணவு பழக்கங்களும் மற்றும் சமையல் பலகைகளும் அல்லது செய்முறை புத்தகமும்"    மெசொப்பொத்தேமியாவில் இருந்து ஒரு சில சமையல் செய்முறை மட்டுமே தப்பி பிழைத்துள்ளன. எனினும் இதற்கு விதிவிலக்காக  7 " X 9 .5 " அளவைக் கொண்ட, மூன்று பெரிய பாபிலோனிய களி மண் பலகையில் கியூனிபார்ம் எழுத்துக்களில், அவை ஓரத்தில் சிறிது சிதைவுண்டு இருந்தாலும் கூட, சுமார் 35 உணவு வகைகள் குறிப்பிடப்பட்டுள்ளது. இவை இப்ப யேல் பலகலைக்கழகத்தில் [Yale university] வைக்கப்பட்டுள்ளன. அவை யேல் பலகலைக்கழக பேராசிரியர்களால் கண்டு பிடிக்கப்பட்டதால், யேல் சமையல் பலகைகள் என்றே அழைக்கப்படுகின்றன. இதுவே உலகின் மிகப் பழமையான சமையல் புத்தகம் ஆகும். இந்த கியூனிபார்ம் எழுத்துக்கள் எல்லோராலும் வாசிக்கக் கூடியவை அல்ல. இவை கியூனிபார்மை பற்றி சிறப்பாக எழுத வாசிக்க ஆண்டு கணக்காக படித்த எழுத்தர்களால் மட்டும் விளங்கிக் கொள்ளக் கூடியவை. ஆகவே இந்த சமையல் குறிப்பு அல்லது புத்தாகம்  சாதாரண சமையல்காரர் அல்லது தலைமைச் சமையற்காரருக்கு எழுதப்பட்டவையாக அதிகமாக இருக்காது. இது அன்று, 4000 ஆண்டுகளுக்கு முன்பு, நடைபெற்ற சமையலைப் பற்றிய ஒரு ஆவணமாக இருக்கலாம். இங்கு சமையல் குறிப்பு விரிவாகவும் ஆனால், அபூர்வமான, அரிதான கூட்டுப் பொருள்களை கொண்டதாகவும் இருக்கிறது. ஆகவே இவை மெசொப்பொத்தேமியாவின் அரண்மனைக்கான சிறப்பு உணவாக, அதாவது மேல் தட்டு வர்க்கத்தினருக்கான அல்லது கோயிலின் மடைப்பள்ளியில் தயாரிக்கும் மத பிரசாதமாக, சிறப்பு [விசேஷ] கால சிறப்பு சமையல்களாக  இருக்கலாம்.  ஆகவே இன்றைய உலகின் மிகப் பழமையான சமையல் குறிப்பு, பாபிலோனிலிருந்து தொல்பொருள் ஆய்வின் மூலம் எமக்கு கிடைத்திருக்கிறது. அதன் வயது சுமார் 4,000 ஆண்டுகள். ஆனால் இதிலுள்ள சமையல் குறிப்புகளை புரிந்து கொள்வதில் மிகவும் சிரமம் உள்ளது. காரணம் இந்த களிமண் பலகை உடைந்த, சிதைந்த நிலையில் உள்ளது. இதிலுள்ள வார்த்தைகள், மொழி நமக்கு புரியாததாக உள்ளது. மேலும் அந்தக் கால மக்கள் சமையல் செய்த பொருட்கள் பற்றி நாம் முழுவதும் அறியவில்லை. அதிலுள்ள சமையல் முறையில் -  சமைக்கும் நேரம், சமையலுக்குத் தேவையான பொருட்களின் அளவு போன்றவை காணப்படவில்லை. ஆனால் அந்தக் குறிப்பைப் படிக்கும் போது, அவை கை தேர்ந்த சமையல்காரருக்காக  தயாரிக்கப்பட்டது போல் தோன்றுகிறது.மேலும் உயிரியல்,விஞ்ஞானம் , தொல்பொருள், இலக்கியம் சார்ந்த ஒரு ஊகத்தின் அடிப்படையில் அங்கு குறிக்கப்பட்ட கூட்டு பொருள்கள், இன்று ஓரளவு அடையாளம் காணப்பட்டுள்ளன.  அசிரியன்கள்[Assyrian] பற்றி ஆராயும்  பிரெஞ்சு நாட்டின்  ஜீன் போட்டீரோ (Jean Bottero), என்ற ஆராய்ச்சியாளர், மார்ச் 1985 ல் அருங்காட்சியக பத்திரிகை ஒன்றில் உலக மக்களுக்கு பேட்டி அளிக்கும் போது,இதிலுள்ள தகவல்கள் நம்மை வியப்பில் ஆழ்த்தி மயக்கமடையச் செய்கின்றன. சமையல் குறிப்பில் அவர்களின் செல்வ வளம், துல்லியமாய் சமைத்தல், நெளிவு சுளிவுகள், ஆடம்பரமான நுணுக்கங்கள் போன்றவற்றைத் தெள்ளத் தெளிவாகக் குறிப்பிடப்பட்டுள்ளன என்றும் அந்த ஆதிகாலத்திலேயே இத்தனை தகவல்கள் சொல்லப்பட்டிருப்பது மிகவும் ஆச்சரியமான ஒன்று என்றும் குறிப்பிட்டுள்ளார் முதலாவது, கி மு 1750 ஆண்டை சேர்ந்தது என கருதப் படும், YBC 4644, என அழைக்கப்படும் வில்லையாகும். இது 25 சமையல் செய்முறைகளை கொண்டுள்ளது. இவை 21 புலால் துவட்டலும் [மெதுவாக வேகவைத்த சமையல் / stews] 4 காய்கறி துவட்டலும் ஆகும். இந்த சமையல் குறிப்பு கலக்கும் அல்லது சேர்க்கும் மூலப் பொருட்களின் பட்டியலையும் அது எந்த வரிசையில் சேர்க்கப்பட வேண்டும் என்பதையும் தருகிறது. ஆனால் எவ்வளவு, எவ்வளவு நேரம் போன்ற தரவுகள் இல்லை.  இரண்டாவது வில்லை YBC 8958, ஆகும்.இது 7 சமையல் குறிப்பை விரிவாக தருகிறது. வில்லை பல இடங்களில் முறிந்து காணப்படுவதுடன் இரண்டாவது சமையலின் பெயர் காணப்படவில்லை. ஆனால் இது ஒரு சின்ன பறவை ஒன்றில் சமைத்த உணவு. அதிகமாக அந்த பறவை கௌதாரியாக [partridges] இருக்கலாம்?  அதில் ஒரு சமையல் குறிப்பு இப்படி சொல்கிறது: "தலையையும் பாதத்தையும் அகற்று, உடலை விரித்து பறவையை கழுவு, பின் இரைப்பை, இதயம், கல்லீரல், நுரையீரல் போன்றவற்றை பிடுங்கி ஒதுக்கி வை,  பின் இரைப்பையை பிரித்து துப்பரவு செய், அடுத்து, அந்த பறவையின் உடலை அலசி [கழுவி] அதை தட்டையாக கிடத்து, ஒரு சட்டி எடுத்து அதற்குள் பறவையின் உடலையும் இறப்பையையும் மற்றும் இதயம், கல்லீரல், நுரையீரலையும் போட்டு பின் அடுப்பில் வைக்கவும்" ஆனால் நீர் அல்லது கொழுப்பு சேர்த்து அடுப்பில் வைக்க வேண்டும் என்பது குறிப்பிடவில்லை. இது ஒரு பொதுவான பழக்கப்பட்ட சமையல் என்பதால், அறிவுறுத்தல் ஒன்றும்  தேவையில்லை என அதிகமாக விட்டிருக்கலாம். சமையல் குறிப்பு மீண்டும் இப்படி தொடர்கிறது: "முதலாவது கொதித்தலின் அல்லது கொழுப்பில் பழுப்பாய் வறுத்த பின், மீண்டும் சட்டியை நெருப்பில் வை, புதிய தண்ணீரால் சட்டியை கழுவு, பாலை நன்றாய் அடிச்சு சட்டியில் விட்டு பறவையுடன் நெருப்பில் வை, பின் சட்டியை எடுத்து வடி, சாப்பிட முடியாத பறவையின் பகுதிகளை வெட்டி ஏறி, மற்றவைக்கு உப்பு சேர், அவையை சட்டியில் பாலுடனும் கொஞ்ச கொளுப்புடனும் இடு, மேலும் இதனுடன் சில ஏற்கனவே கழுவி உரித்து வைக்கப்பட்ட அரூத அல்லது அருவதா என்ற மூலிகையை சேர், அந்த கலவை கொதிக்கத் தொடங்கியதும், அதனுடன் துண்டு துண்டாக வெட்டப்பட்ட லீக்ஸ், உள்ளி, மற்றும் ரவை, மற்றும் தேவைக்கு மட்டும் அளவான வெங்காயம் சேர்த்து கொள்," "Remove the head and feet. Open the body and clean the birds, reserving the gizzards and the pluck [heart, liver, and lungs]. Split the gizzards and clean them. Next rinse the birds and flatten them. Prepare a pot and put birds, gizzards and pluck into it before placing it on the fire" It does not mention whether fat or water is added -- no doubt the method was so familiar that instructions were considered unnecessary- After the initial boiling or braising, the recipe continues  "Put the pot back on the fire. Rinse out a pot with fresh water. Place beaten milk into it and place it on the fire. Take the pot (containing the birds) and drain it. Cut off the inedible parts, then salt the rest, and add them to the vessel with the milk, to which you must add some fat. Also add some rue [aromatic woody herbs or shrubs], which has already been stripped and cleaned. When it has come to a boil, add minced leek, garlic, samidu [Semolina?] and onion (but not too much onion)" இப்படி பறவையை சமைக்கும் அதே தருவாயில், சமைத்த உணவை  பரிமாறுதலுக்கான ஆயுத்தம் செய்யவேண்டும் என்பதால், அதன் அறிவுறுத்தல் இப்ப இப்படி அதன் பின் போகிறது: "நொறுக்கப்பட்ட தானியத்தை கழுவு, பாலில் அதை மென்மையாக்கு, அதை பிசையும் போது, உப்பு, ரவை, லீக்ஸ், உள்ளியும் அத்துடன் தேவையான பாலும் எண்ணெயும் கலந்து மென்மையான கூழாக்கி - மாவு பசையாக்கி -, அதை ஒரு சில நேரம் நெருப்பில் வாட்டு. பின் இரு துண்டுகளாக வெட்டு, பின் பறவையை தாங்கக் கூடிய பெரிய தட்டை எடு, தட்டின் அடியில் முன்னமே மேற்கூறியவாறு தயாரிக்கப்பட்ட பிசைந்த மாவை வை, விளும்புக்கு வெளியே அது பெரிதாக தொங்க்காதவாறு பார்த்துக்கொள், அடுப்பிற்கு மேல் அதை வேக வை, ஏற்கனவே பக்குவபடுத்தப் பட்ட அந்த வெந்த பிசைந்த மாவிற்கு மேல் பறவையின் உடலையும் மற்றும் பிடுங்கி எடுத்த பகுதிகளையும் வை, அதை வேகவைத்த ரொட்டியின் இரண்டாவது வெட்டிய பகுதியால் மூடு, அதை பரிமாறலுக்கு அனுப்பு."  "Rinse crushed grain, then soften it in milk and add to it, as you kneed it, salt, samidu, leeks and garlic along with enough milk and oil so that a soft dough will result which you will expose to the heat of the fire for a moment. Then cut it into two pieces. Take a platter large enough to hold the birds. Place the prepared dough on the bottom of the plate. Be careful that it hangs over the rim of the platter only a little. Place it on top of the oven to cook it. On the dough which has already been seasoned, place the pieces of the birds as well as the gizzards and pluck. Cover it with the bread lid [which has meanwhile been baked] and send it" [to the table.] என்கிறது. மூன்றாவது வில்லை 3 சமையல் குறிப்பை கொண்டுள்ளது. இந்த வில்லை உடைந்து காணப்படுவதுடன் இது ஒரு பானையில் பறவை, அடையாளம் காணப்படாத ஒரு வித தானியம் [butumtu?], இறைச்சி போன்றவையை  சேர்த்து சமைக்கும் ஒரு முறையாகும். என்றாலும் நின்காசியை கௌரவிக்கும், சுமேரியர்களின் பியர் மது தயாரிக்கும் முறையைப்பற்றி, வரிசையில் பாடப்பட்ட  கி மு 1900 ஆண்டு துதி பாடல் ஒன்றே [Sumerian Hymn to Ninkasi] உலகின் முதல் முழுமையான, சமையல் புத்தாகமாக கருதப்படுகிறது. இந்தப்பாடல் அதன் என் மொழிபெயர்ப்பும் என் "மதுவும் மாதுவும் - சுமேரியாவில் இருந்து சங்கத் தமிழ் நாடுவரை" என்ற கட்டுரையில் இங்கு நாவூற வாயூற பகுதியில் 18  / 04 / 2024  தந்துள்ளேன்.   இறுதியாக,  இப்போது, இன்றைய நவீன உலகில், பெண்ணோ ஆணோ பொதுவாக சமையல் புத்தகம் இல்லாமல் சமைப்பதில்லை. ஏராளமான சமையல் புத்தகங்கள், சஞ்சிகைகள் பரந்த அளவில் காணப்படுகின்றன. ஆனால் எமது பாட்டியை, பாட்டனை  கேட்டால், அவர்கள் எள்ளி நகையாடு கிறார்கள்? அப்படி என்றால், உண்மையாகவே, சமையல் புத்தகம், சமையல் குறிப்பு முன்பெல்லாம் எழுதப்படுவதில்லையா? என கேட்பவர்களும் உள்ளார்கள்.  அவர்களுக்கு  அதெல்லாம் இல்லை. கிட்டத்தட்ட நாலாயிரம் ஆண்டுகளுக்கு முன்பே, இந்த நாளாந்த சமையல்கள் பதிவு செய்யப்பட்டிருக்கின்றன என்ற உண்மையை பழங்கால 'யேல் சமையல் பலகைகள்' இன்று எடுத்துகாட்டு கின்றன.  இந்த சமையல் குறிப்புகளில் ஒன்று மட்டும் தெளிவாகவும், பொதுவானதாகவும் உள்ளது. என்ன தெரியுமா? அதுதான் எல்லா உணவிலும் கோழி, மரக்கறிகள், தானியம் மற்றும் தண்ணீர் என்பவை பயன்படுத்தப் பட்டன. இதற்கு முன்பு பொதுவாக,  நேரடியாய் நெருப்பில் போட்டு அல்லது சுட்டு  அல்லது எதாவது பாத்திரம் மாதிரி ஒன்றில் வதக்கி அல்லது வறுத்து அல்லது தீத் தணலில் புரட்டி புரட்டி வாட்டி தமது உணவுகளை தயாரித்தனர். அதன் வளர்ச்சியாகத் தான், இந்த  நீரில் போட்டு சமைப்பது நாளடைவில் பரிணமித்து இருக்கலாம்? அப்படி என்றால் நீராவிச் சமையல் ?? உங்கள் கேள்வி என் காதில் ஒலிக்கிறது . விரைவில் உங்களுக்கு சமர்ப்பிப்பேன்    நன்றி [கந்தையா தில்லைவிநாயகலிங்கம் அத்தியடி, யாழ்ப்பாணம்]         
    • கிருபன்
      யாழ் கள ஐபிஎல் T20 கிரிக்கெட்போட்டி -  2024

      By கிருபன் · Posted

      போட்டியில் இணைந்துகொண்ட @வாதவூரான் வெற்றிபெற வாழ்த்துக்கள். இன்னும் 4 மணித்தியாலங்களே உள்ளதால் தாமதிக்காமல் விரைவில் கலந்துகொள்ளுங்கள்.   இதுவரை போட்டியில் இணைந்தவர்கள்: @பையன்26 @முதல்வன் @suvy @ஏராளன் @நிலாமதி @Ahasthiyan @ஈழப்பிரியன் @kalyani @கந்தப்பு @கறுப்பி @Eppothum Thamizhan @வாதவூரான் @கிருபன்
    • கிருபன்
      யாழ் கள ஐபிஎல் T20 கிரிக்கெட்போட்டி -  2024

      By கிருபன் · Posted

      நானும் போட்டியில் குதித்துள்ளேன்!   # Question Team1 Team 2 No Result Tie Prediction 1) ஆரம்பச் சுற்றுப் போட்டிகளில் முன்னணியில் வரும் நான்கு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும். தவறான பதில் ஒவ்வொன்றுக்கும் தலா 2 புள்ளிகள் குறைக்கப்படும்.     No Result Tie     CSK     Select CSK CSK   DC     Select DC Select   GT     Select GT Select   KKR     Select KKR KKR   LSG     Select LSG Select   MI     Select MI Select   PBKS     Select PBKS Select   RR     Select RR RR   RCB     Select RCB Select   SRH     Select SRH SRH 2) முதல் நான்கு அணிகளையும் சரியான வரிசையில் பட்டியல் இடுக.             #1 - ? (சரியான பதில்: +4 புள்ளிகள், தவறான பதில்: -4 புள்ளிகள் )         RR   #2 - ? (சரியான பதில்: +3 புள்ளிகள், தவறான பதில்: -3 புள்ளிகள் )         KKR   #3 - ? (சரியான பதில்: +2 புள்ளிகள், தவறான பதில்: -2 புள்ளிகள்)         CSK   #4 - ? (சரியான பதில்: +1 புள்ளி, தவறான பதில்: -1 புள்ளி )         SRH 3) ஆரம்பச் சுற்றுப் போட்டிகளில் இறுதியாக வரும் அணி எது? (சரியான பதில்: +2 புள்ளிகள், தவறான பதில்: -2 புள்ளிகள்)         PBKS 4) மே 21, வெள்ளி 19:30 அஹமதாபாத் Qualifier 1 போட்டியில் வெற்றி பெறும் அணி எது? (சரியான பதில்: +3 புள்ளிகள், தவறான பதில்: -3 புள்ளிகள்) Qualifier 1: 1st placed team v 2nd placed team         RR 5) மே 22, புதன் 19:30 அஹமதாபாத் Eliminator போட்டியில் வெற்றி பெறும் அணி எது? (சரியான பதில்: +3 புள்ளிகள், தவறான பதில்: -3 புள்ளிகள்) Eliminator: 3rd placed team v 4th placed team         CSK 6) மே 24 வெள்ளி 19:30 சென்னை Qualifier 2 போட்டியில் வெற்றி பெறும் அணி எது? (சரியான பதில்: +3 புள்ளிகள், தவறான பதில்: -3 புள்ளிகள்) Qualifier 2: Loser of Qualifier 1 v Winner of Eliminator         KKR 7) Final போட்டியில் வெற்றி பெறும் அணி எது? (சரியான பதில்: +5 புள்ளிகள், தவறான பதில்: -5 புள்ளிகள்) Final: Winner of Qualifier 1 v Winner of Qualifier 2         KKR 😎 இந்த தொடரில் ஏதாவது ஒரு போட்டியில் அதிக ஓட்டங்களை பெறும் அணி எது? (சரியான பதில்: +3 புள்ளிகள், தவறான பதில்: -1 புள்ளி)         SRH 9) இந்த தொடரில் ஏதாவது ஒரு போட்டியில் குறைந்த ஓட்டங்களை பெறும் அணி எது? (சரியான பதில்: +3 புள்ளிகள், தவறான பதில்: -1 புள்ளி)         GT 10) இந்த தொடரில் அதிக ஒட்டங்கள் (Orange cap) பெறும் வீரர் யார்? ( சரியான பெயரைக் குறிப்பிடுபவருக்கு +4 புள்ளிகள், தவறான பெயருக்கு -2 புள்ளிகள்)         Sanju Samson 11) இந்த தொடரில் அதிக ஒட்டங்கள் பெறுபவர் (Orange cap) எந்த அணியை சேர்ந்தவர்? (சரியான பதில்: +3 புள்ளிகள், தவறான பதில்: -1 புள்ளி, கேள்வி 10 க்கான வீரர் இந்தப் பதிலுக்கான அணியில் இருக்கவேண்டிய அவசியமில்லை! )         RCB 12) இந்த தொடரில் அதிக விக்கற்றுகள் (Purple cap) பெறும் வீரர் யார்? (சரியான பெயரைக் குறிப்பிடுபவருக்கு +4 புள்ளிகள், தவறான பெயருக்கு -2 புள்ளிகள்)         Yuzvendra Chahal 13) இந்த தொடரில் அதிக விக்கற்றுகள் (Purple cap) பெறுபவர் எந்த அணியை சேர்ந்தவர்? (சரியான பதில்: +3 புள்ளிகள், தவறான பதில்: -1 புள்ளி, கேள்வி 12 க்கான வீரர் இந்தப் பதிலுக்கான அணியில் இருக்கவேண்டிய அவசியமில்லை! )         MI 14) இந்த தொடரில் ஏதாவது ஒரு போட்டியில் அதிக ஒட்டங்கள் பெறும் வீரர் யார்? (சரியான பெயரைக் குறிப்பிடுபவருக்கு +4 புள்ளிகள், தவறான பெயருக்கு -2 புள்ளிகள் )         Virat Kohli 15) இந்த தொடரில் ஏதாவது ஒரு போட்டியில் அதிக ஒட்டங்கள் பெறுபவர் எந்த அணியை சேர்ந்தவர்? (சரியான பதில்: +3 புள்ளிகள், தவறான பதில்: -1 புள்ளி, கேள்வி 14 க்கான வீரர் இந்தப் பதிலுக்கான அணியில் இருக்கவேண்டிய அவசியமில்லை! )         RCB 16) இந்த தொடரில் ஏதாவது ஒரு போட்டியில் அதிக விக்கெட் எடுக்கும் பந்து வீச்சாளர் யார்? (சரியான பெயரைக் குறிப்பிடுபவருக்கு +4 புள்ளிகள், தவறான பெயருக்கு -2 புள்ளிகள்)         Jasprit Bumrah 17) இந்த தொடரில் ஏதாவது ஒரு போட்டியில் அதிக விக்கெட் எடுக்கும் பந்து வீச்சாளர் எந்த அணியை சேர்ந்தவர்? (சரியான பதில்: +3 புள்ளிகள், தவறான பதில்: -1 புள்ளி, கேள்வி 16 க்கான வீரர் இந்தப் பதிலுக்கான அணியில் இருக்கவேண்டிய அவசியமில்லை! )         MI 18) இந்த தொடரில் சிறந்த் ஆட்டக்காரர் (Player of the Series) யார்? (சரியான பெயரைக் குறிப்பிடுபவருக்கு +4 புள்ளிகள், தவறான பெயருக்கு -2 புள்ளிகள்)         Sanju Samson 19) இந்த தொடரில் சிறந்த் ஆட்டக்காரர் (Player of the season) எந்த அணியை சேர்ந்தவர்? (சரியான பதில்: +3 புள்ளிகள், தவறான பதில்: -1 புள்ளி, கேள்வி 18 க்கான வீரர் இந்தப் பதிலுக்கான அணியில் இருக்கவேண்டிய அவசியமில்லை! )         RR 20) இந்த தொடரில் Fair Play Award யை பெறும் அணி எது? (சரியான பதில்: +3 புள்ளிகள், தவறான பதில்: -1 புள்ளி)         SRH
    • island
      சுற்றுலாப் பயணிகளை ஏமாற்றும் இலங்கையர்கள்! கடை உரிமையாளர் ஒருவரின் திமிர் பேச்சு

      By island · Posted

      பையன்,  இந்த 800 ரூபா  வீடியோ post செய்யப்பட்டது 10.04.2024 என்று tim tense இன் யூருப் தளத்தில் உள்ளது. நீங்கள் எப்படி இந்த வீடியோவை சென்ற  வருடம் மே மாதத்தில்  பார்திருப்பீர்கள்?  காலப்பயணம்(time travel) சென்றீர்களா? 

  • Our picks

    • மனவலி யாத்திரை.....!

      shanthy posted a topic in கதை கதையாம்,

      மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
      மோகன்

      Picked By

      மோகன்,

    • பாலியல் சுதந்திரமின்றி பெண்விடுதலை சாத்தியமில்லை

      mooki posted a topic in சமூகச் சாளரம்,

      பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
      மோகன்

      Picked By

      மோகன்,

    • ஒரு சித்தர் பாடல்

      பண்டிதர் posted a topic in மெய்யெனப் படுவது,

      எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
      மோகன்

      Picked By

      மோகன்,

    • கடவுள் இருக்கிறாரா.............?

      வானவில் posted a topic in மெய்யெனப் படுவது,

      களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
      மோகன்

      Picked By

      மோகன்,

    • சமூகத்துக்கு பயனுடைய கல்விநிலை எது?

      narathar posted a topic in பேசாப் பொருள்,

      சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
      மோகன்

      Picked By

      மோகன்,
    View All
×
×
  • Create New...

Important Information

By using this site, you agree to our Terms of Use.

  I accept