யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
நவீனன்

மதுப் பழக்கம் ஆண்களைவிட பெண்களை அதிகம் பாதிப்பது ஏன்?

Recommended Posts

மதுப் பழக்கம் ஆண்களைவிட பெண்களை அதிகம் பாதிப்பது ஏன்?

மேற்கத்திய நாடுகளை பொறுத்தவரை ஆண்களை பெரும் குடிகாரர்கள் என்ற ரீதியில் கூறுவார்கள். அமெரிக்காவில். பிரபலமான தொலைக்காட்சி தொடரான ‘டான் டிரேப்பரின் மேட் மென் க்ரானிஸ்‘ - லும் இது சிறப்பாக சித்தரிக்கப்பட்டிருக்கும்.

மதுவோடு பெண்படத்தின் காப்புரிமைGETTY IMAGES

இந்நிலையில் பெண்கள் மது அருந்தும் போக்கு அதிகரித்து வருவதாக கூறுகின்றனர் ஆராய்ச்சியாளர்கள். பொதுவாக மது அருந்துபவர்களில் பெண்களை விட ஆண்களின் எண்ணிக்கை இரு மடங்கு அதிகம்.

எனினும் இளம் தலைமுறையினருக்கு இந்த ஒப்பீடு பொருந்தாது. 1991 முதல் 2000 ஆண்டு வரை பிறந்த பெண்கள் ஆண்களுக்கு நிகராக மது அருந்துகின்றனர். இந்த நிலை நீடிக்குமானால் ஆண்களை விட பெண்களே அதிகம் மது அருந்துபவர்களாக மாற வாய்ப்புள்ளது.

மது அருந்துவதால் பெண்கள் சந்திக்கும் பாதிப்புகள் அதிகரித்து வருகின்றன. அமெரிக்காவில் 2000-2015க்கு இடைப்பட்ட ஆண்டுகளில் 45 - 64 வயதுக்குட்பட்ட பெண்கள் சிரோசிஸ் நோயால் பாதிக்கப்பட்டு இறக்கும் விகிதம் 57 சதவீதமாக இருந்தது.

இது ஆண்களில் 21 சதவீதமாக மட்டுமே இருந்தது. 25 - 44 வயதுக்குட்பட்ட பெண்களில் சிரோசிஸ் இறப்பு விகிதம் 21 சதவீதமாக உயர்ந்திருந்த நிலையில் ஆண்களில் இது 10 சதவீதமாக குறைந்திருந்தது.

பல்வேறு மது வகைகள்படத்தின் காப்புரிமைGETTY IMAGES

மது அதிகம் அருந்தி மருத்துவமனைகளின் அவசர சிகிச்சை பிரிவுக்கு வரும் வயது வந்த பெண்களின் எண்ணிக்கை கணிசமாக உயர்ந்துள்ளது. அளவுக்கு அதிகமாக, ஆபத்தான அளவுக்கு மது அருந்தும் போக்கு அதிகரித்து வருகிறது.

குறிப்பாக இந்தப்போக்கு பெண்களிடையே அதிகம் உள்ளது. ஆனால் அதிகளவில் பெண்கள் மது அருந்துவது மட்டுமே இங்கு பிரச்சனை அல்ல...

மது ஆண்களின் உடலில் ஏற்படுத்தும் பாதிப்பை ஒப்பிடும்போது பெண்கள் உடலில் ஏற்படுத்தும் பாதிப்பு வேறு விதமாக உள்ளது.

மது அருந்தும் பெண்களின் உடலில் குறைந்த அளவிலான ADH என்ற என்சைம் உற்பத்தி ஆகிறது. கல்லீரலில் உற்பத்தியாகும் இத்திரவம் சாராயத்தின் பாதிப்பை குறைக்க உதவுகிறது.

உடலிலுள்ள கொழுப்புச்சத்து சாராயத்தை தக்க வைத்துக்கொள்கையில் நீர் அதை கரைக்க முற்படுகிறது.

பெண்கள் உடலில் கொழுப்பின் அளவு இயற்கையாகவே அதிகமாகவும் நீரின் அளவு குறைவாகவும் இருப்பதால் இயல்பாகவே அவர்களின் உடலில் மதுவின் தாக்கம் அதிகமாக இருக்கிறது.

நீர்க்குமிழிபடத்தின் காப்புரிமைGETTY IMAGES

இந்த அம்சம்தான் ஆண்களை விட பெண்களுக்கு மதுவால் அதிக பிரச்னைகளை ஏற்படுத்துவதாக கூறுகிறார் டான் ஷுகர்மேன். இவர் ஹார்வர்டு மருத்துவ கல்லூரியில் உடலியக்க துறை பேராசிரியராக உள்ளார். மேலும் மாசாசூசெட்ஸில் மெக்லீன் மருத்துவமனையிலும் பணியாற்றுகிறார்.

அதிகம் மது அருந்தும் பெண்கள் அதற்கு அடிமையாவதும் ஆண்களை விட வெகுசீக்கிரம் உடல்நலக் கோளாறுகளுக்கு ஆளாவதும் நடக்கிறது. இந்த நிகழ்வு டெலஸ்கோப்பிங் எனப்படுகிறது.

ஆண்களுடன் ஒப்பிடுகையில் பெண்களுக்கு மதுப்பழக்கம் தாமதமாகவே ஏற்படுகிறது. அதே நேரம் ஆண்களை விட பெண்கள் விரைவாகவே மதுவிற்கு அடிமையாகிவிடுகின்றனர். கல்லீரல் தொடர்பான கோளாறுகள் சீக்கிரமே ஏற்பட்டு விடுகின்றன. இதயங்களும் நரம்புகளும் விரைந்து பழுதடைகின்றன.

திறந்தவெளி 'பார்' ஆன ரயில் தண்டவாளம்

ஆண்களின் உடலிலும் பெண்களின் உடலிலும் மது ஏற்படுத்தும் பல பாதிப்புகள் கடந்த சில தசாப்தங்களுக்கு முன்பு வரை அறியப்படவில்லை.

உதாரணமாக, ஆண்கள் மற்றும் பெண்களிடத்தில் மது ஏற்படுத்தும் ADH தொடர்பான தாக்கம் என்னவென்பது 1990ல் தான் தெரிய வந்தது.

மது தொடர்பான மருத்துவ ரீதியான சோதனைகள் அனைத்தும் 1990கள் வரை ஆண்களிடம் மட்டுமே மேற்கொள்ளப்பட்டன. மது என்பது ஆண்கள் தொடர்பான பிரச்சனை என நம்பப்பட்டதுதான் இதற்கு காரணம்.

மருந்துபடத்தின் காப்புரிமைGETTY IMAGES

மருத்துவ சோதனைகள் ஆண்களிடம் மட்டுமல்ல...பெண்களிடமும் சிறுபான்மையினரிடமும் மேற்கொள்ளப்பட வேண்டும் என ஆரோக்கியத்துக்கான அமெரிக்க தேசிய நிறுவனம் உத்தரவிட்டது. இதன் பின்பே நிலைமை மாறத் தொடங்கியது.

மருத்துவ ஆய்வுகளின்போது பெண்களைப் பற்றி சிந்திப்பதே இல்லை என்கிறார் ஷரோன் வில்ஸ்னாக். இவர் நார்த் டகோடா மருத்துவ மற்றும் மருந்து அறிவியல் கல்லூரியில் மனோதத்துவ துறை பேராசிரியராக உள்ளார்.

கோடு கோடு

ஆண்களுக்காக செய்யப்படும் எல்லா ஆய்வுகளும் பெண்களுக்கும் பொருந்தும் என்றே இத்தனை காலமாக நினைத்துக்கொண்டிருந்தனர் என்கிறார் ஷரோன் வில்ஸ்னாக்.

1970களின் தொடக்கத்தில் ஹார்வர்டு பல்கலைக்கழகத்தில் பிஎச்டி (முனைவர்) படித்துக்கொண்டிருந்த வில்ஸ்னாக், பெண்கள் மற்றும் மது குறித்த தன் பார்வையை எழுதினார்.

பெண்களின் மதுப் பழக்கம் பற்றிய தேசிய அளவிலான நீண்டதொரு ஆய்வுக்கட்டுரையை இவர் எழுதியுள்ளார். மதுப் பழக்கத்துக்கு அடிமையான பெண்கள் பலர் சிறுவயதில் பாலியல் வல்லுறவுக்கு ஆளானவர்களாக இருக்கின்றனர் என்கிறது அந்த ஆய்வு.

பெண் மது அருந்துதல்படத்தின் காப்புரிமைEDUCATION IMAGES/UIG VIA GETTY IMAGES

2000ம் ஆண்டில் செய்யப்பட்ட மதுவுக்கு அடிமையானவர்களின் மூளை ஸ்கேன் (வரிமம்) ஆய்வில், இதில் மதுவின் தாக்கம் ஆண்களின் பெண்களின் மூளையிலேயே அதிகம் இருப்பது தெரியவந்தது.

ஆனால் பாஸ்டன் பல்கலைக்கழக மருத்துவ கல்லூரி பேராசிரியர் மார்லன்ஆஸ்கர் பெர்மான் ஆய்வில் வேறுவிதமான முடிவுகள் வெளியாயின.

நீண்ட காலமாக மது அருந்துபவர்களின் மூளை ஆராயப்பட்டது. இதில் ஆண் மற்றும் பெண் மூளைகளில் ஒரு சிறிய வித்தியாசம் காணப்பட்டது.

ஆண்களில் மது அருந்தாதவர்களைவிட, மது அருந்துகிறவர்களின் மூளையில் 'ரிவார்டு சென்டர்' என்ற பகுதி சிறியதாக இருந்தது.

மூளையில் இந்த 'ரிவார்டு சென்டர்' எனப்படும் இந்த இடம்தான் முடிவுகள் எடுப்பதற்கும் உயிர் வாழ்தலுக்குமே முக்கியமான இடம்.

ஆனால் பெண்களில் மது அருந்தாத பெண்களை விட மது அருந்தும் பெண்களுக்கு இந்த ரிவார்டு சென்டர் பெரிதாகவே இருந்தது.

மது அருந்துபவர்களில் ஆண்களை விட பெண்களின் மூளையே அதிகம் பாதிக்கும் என்ற பொதுவான கருத்தை இந்த ஆய்வு மாற்றியது என கூறுகிறார் ஆஸ்கர் பெர்மான். எதனால் இந்த வித்தியாசங்கள் ஏற்படுகின்றன என்பது விஞ்ஞானிகளுக்கு இன்னும் தெரியவில்லை.

மதுபடத்தின் காப்புரிமைGETTY IMAGES

இது போன்ற ஆய்வு முடிவுகள் பாலின பேத அடிப்படையில் மது மற்றும் அதற்கு அடிமையாவது குறித்து ஆய்வு செய்வதன் அவசியத்தை விளக்குவதாக கூறுகிறார் ஷுகர்மேன்.

பெண்கள் மது அருந்துவது என்பது உணர்வு ரீதியான வலியாலும் ஆண்கள் மது அருந்துவது சமூக நெருக்கடியின் தூண்டுதலாலும் இருக்கலாம் என்று அண்மைய ஆய்வுகள் தெரிவிக்கின்றன.

இந்த தகவலை இதற்கு முன் நான் கேட்டதே இல்லை...மது ஆண்களை விட என்னைப் போன்ற பெண்களைத்தான் அதிகம் பாதிக்கும் என எனக்கு தெரியவே தெரியாது...இந்த மது என்னை வேறு மாதிரி பாதிக்கும் எனத்தெரியவே தெரியாது...என 5 முறை...6 முறை..10 முறை சிகிச்சைக்கு வந்தவர்கள் கூட சொல்லக் கேட்டிருக்கிறேன் என்கிறார் ஷுகர்மேன்.

பல்வேறு அம்சங்களை பார்க்கும்போது மதுப் பழக்கத்தால் பாதித்தவர்களில் ஆண்களை விட பெண்களுக்கு எவ்வாறு மாறுபட்ட சிகிச்சை தருவது என்பதை கண்டுபிடிப்பது அவசியம் என்கிறார் இவர். பாலியல் தாக்குதலால் பாதிக்கப்பட்ட பெண்ணுக்கு வழக்கமாக மதுவுக்கான சிகிச்சை பெறுபவர்களுடன் சிகிச்சை தந்தால் சரியாக இருக்காது. ஏனெனில் இந்த இடத்தில் அப்பெண்கள் பாதுகாப்பாக உணரமாட்டார்கள்.

இவற்றையெல்லாம் வைத்துப் பார்க்கும்போது மது அருந்தும் ஆண்களுக்கு தரப்படும் சிகிச்சையே பெண்களுக்கும் போதும் என நினைத்த காலம் மலையேறி விட்டது என கருத தோன்றுவதாக நிபுணர்கள் கூறுகின்றனர்.

https://www.bbc.com/tamil/science-45023649

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • மறு அறிவித்தல் வரை அனைத்து பல்கலைக்கழகங்களுக்கும் பூட்டு! நாட்டின் நிலவும் பதற்றமான சூழ்நிலை காரணமாக மறு அறிவித்தல் வரை அனைத்து பல்கலைக்கழகங்களையும் மூடுவதற்கு நடவடிக்கை எடுக்கப்பட்டுள்ளதாக பல்கலைக்கழக மானியங்கள் ஆணைக்குழுவின் தலைவர் மொஹான் டிசில்வா குறிப்பிட்டிருக்கின்றார். அத்துடன் விடுதிகளில் தங்கியிருக்கும் மாணவர்களுக்கு தொடர்ந்தும் விடுதிகளில் தங்கியிருக்க முடியும் எனவும், அவர்களுக்கு தேவையான வசதிகளை செய்து கொடுக்க நடவடிக்கை எடுக்கப்பட்டுள்ளதாகவும் அவர் சுட்டிக்காட்டியுள்ளார்.  http://www.virakesari.lk/article/54353
    • ஒரே பார்வையில் இலங்கையின் கறுப்பு நாள் ! உயிரிழந்தோரின் எண்ணிக்கை 207 ஆக உயர்வு  நாட்டின் பல்வேறு பகுதிகளில் இடம்பெற்ற தொடர் குண்டுவெடிப்புக்களையடுத்து நண்பகல் 12.30 வரையான காலப்பகுதியில் 207 பேர் உயிரிழந்துள்ளதுடன்  450 க்கும் மேற்பட்டோர் காயமடைந்துள்ள நிலையில் கொழும்பு தேசிய வைத்தியசாலையில் அனுமதிக்கப்பட்டுள்ளனர். கொழும்பு, கொச்சிக்கடை அந்தோனியார் தேவாலயம், நீர்கொழும்பு, கட்டான கட்டுவப்பிட்டிய தேவாலயம், மட்டக்களப்பு, சியோன் தேவாலயம், கொழும்பு, கிங்ஸ்பெரி ஹோட்டல், கொழும்பு, சங்கரில்ல ஹோட்டல், கொழும்பு, சினமன் கிராண்ட் கொழும்பு, தெஹிவளை ட்ரொபிகல் இன் , கொழும்பு, தெமட்டகொடை மகவில பூங்காவில் இரு வெடிப்பு மற்றும் தற்கொலை சம்பவங்கள் பதிவாகியுள்ளன.  மட்டக்களப்பில் இடம்பெற்ற சம்பவத்தில்  29 பேர் கொல்லப்பட்டுள்ளதாகவும் நீர்கொழும்பில் இடம்பெற்ற சம்பவத்தில் 111 பேர் கொல்லப்பட்டுள்ளதாகவும் கொழும்பில் இடம்பெற்ற சம்பவத்தில் இடம்பெற்ற சம்பவத்தில் 51 பேர் உயிரிழந்துள்ளதாகவும் வைத்தியசாலை வட்டாரங்கள் தெரிவிக்கின்றன. ஏனைய 13 பேர் இவ்வனர்த்தத்தில் சிக்கி உயிரிழந்துள்ளனர். இதேவேளை, தெமட்டகொடைப் பகுதியில் இடம்பெற்ற குண்டு வெடிப்புச் சம்பவத்தில் 3 பொலிஸார் உயிரிழந்துள்ளனர். இச் சம்பவத்துடன் தொடர்புடைய 7 பேரை கைதுசெய்துள்ளதாக பாதுகாப்பு இராஜாங்க அமைச்சர் ரூவான் விஜயவர்தன தெரிவித்துள்ளார். இந்நிலையில் 11 நாடுகளைச் சேர்ந்த 27 வெளிநாட்டவர்கள் கொல்லப்பட்டுள்ளதாக கொழும்பு தேசிய வைத்தியசாலை வட்டாரங்கள் தெரிவிக்கின்றன.  குறிப்பாக போலந்து, டென்மார்க், சீனா, ஜப்பான், பாகிஸ்தான், ஐக்கிய அமெரிக்கா, இந்தியா, மொறோக்கோ, மற்றும் பங்ளாதேஷ் ஆகிய நாடுகளைச் சேர்ந்த வெளிநாட்டவர்கள் கொல்லப்பட்டுள்ளதாக வைத்தியசாலை வட்டாரங்கள் மேலும் தெரிவிக்கின்றன. நாட்டில் இன்று இடம்பெற்ற குண்டுவெடிப்பு மற்றும் தற்கொலைத் தாக்குதலுக்கு எந்தவித பயங்கரவாத அமைப்போ அல்லது எந்த அமைப்போ உரிமைகோரவில்லையென தெரிவிக்கப்படுகின்றது. இதேவேளை, கொழும்பு சங்கரில்ல ஹோட்டலில் இடம்பெற்ற தற்கொலைத் தாக்குதலில் சி-4 ரக வெடிபொருட்கள் பயன்படுத்தப்பட்ட 25 கிலோகிராம் நிறையுள்ள குண்டுகள் பயன்படுத்தப்பட்டுள்ளதாக தெரிவிக்கப்படுகின்றது. குறித்த ஹோட்டலில் இரு நபர்கள் நேற்றையதினம் (20.04. 2019) அறை இலக்கம் 616 இல் தங்கியிருந்துள்ளதாகவும் குறித்த இரு நபர்களே இவ்வாறு தற்கொலைத் தாக்குதலில் ஈடுபட்டிருக்கலாமெனவும் சந்தேகிக்கப்படுகின்றது. தற்கொலை தாக்குதல் தாரிகளின் செயற்பாடுகள் ஹோட்டலின் உணவகப்பகுதி மற்றும் விறாந்தைப் பகுதிகளிலுள்ள சி.சி.ரி.வி. கமராக்களில் பதிவாகியுள்ளது. வெளிநாட்டவரா அல்லது உள்ளூரைச் சேர்ந்தவர்களா ஹோட்டல் தற்கொலைத்தாக்குதலில் சம்பந்தப்பட்டுள்ளனர் என இது வரை தெரியவரவில்லை. இந்நிலையில் நாட்டின் பாதுகாப்புக் கருதி சமூகவலைத்தளங்களின் செயற்பாடுகள் முடக்கப்பட்டுள்ளதாகவும் போலிச் செய்திகள் மற்றும் வதந்திகள் பரவுவதை தடுக்கும் நோக்கில் சமூகவலைத் தளங்களின் செயற்பாடுகுள் முடக்கப்பட்டுள்ளதாக அரசாங்கம் தெரிவிக்கின்றது. குறிப்பாக முகப்புத்தகம், இன்ஸ்ரகிராம், வட்ஸ்அப், வைபர் போன்ற சமூக ஊடகங்களின் செயற்பாடுகள் பாதுகாப்புக் காரணங்களுக்காக முடக்கப்பட்டுள்ளன. நாட்டில் ஏற்பட்ட தற்கொலை குண்டுத்தாக்குதல் மற்றும் வெடிப்புச் சம்பவங்களையடுத்து நாடளாவிய ரீதியில் பொலிஸ் ஊரடங்கு இன்னு மாலை 6 மணி முதல் நாளை காலை 6 மணி வரை பிறப்பிக்கப்பட்டுள்ளது. இதேவேளை, குறிப்பாக கிறிஸ்தவர்களின் முக்கிய நாளான உயிர்ப்பு ஞாயிறு தினமான இன்று உலகிலுள்ள அனைத்து கிறிஸ்தவர்களும் உயிர்ப்பு ஞாயிறு வழிபாகளில் ஈடுபட்டிருந்த தருணம் குறித்த குண்டுத்தாக்குதல்கள் ஆலயங்களில் நடத்தப்பட்டது மிகவும் கொடூரமானதும் மிலேச்சத்தனமானதுமான செயல் என பல உலகநாடுகளும் அரசியல் தலைவர்களும்  கண்டனங்களையும் கவலையையும் வெளியிட்டுள்ளனர். இதேவேளை பரிசுத்த பாப்ரசரும் இலங்கையில் இடம்பெற்ற குண்டுத் தாக்குதல் தொடர்பில் கவலை தெரிவித்துள்ளார். நாட்டிலுள்ள பாடசாலைகள் நாளை 2 ஆம் தவணைக்காக ஆரம்பமாகவுள்ள நிலையில், நாளையும் நாளை மறுதினமும் பாடசாலை விடுமுறைநாளாக கல்வி அமைச்சர் அகிலவிராஜ் காரியவசம் அறிவித்துள்ளார். இதேவேளை அனைத்து பொலிஸ் உத்தியோகத்தர்களின் விடுமுறைகளும் தற்காலிகமாக இரத்துச்செய்யப்பட்டுள்ளன. நாட்டிலுள்ள பல தேவாலயங்களுக்கு ஆயுதமேந்திய பொலிஸார் மற்றும் இராணுவத்தினர் பாதுகாப்புக் கடமையிலீடுபட்டுள்ளனர். தாக்குதல் சம்பவங்கள் குறித்து ஜனாதிபதி, பிரதமர், எதிர்க்கட்சித் தலைவர் மற்றும் ஏனை இலங்கையின் அரசியல்வாதிகள் கண்டனங்களையும் கவலையையும் வெளியிட்டுள்னர். வடமாகாண சபைக்குட்பட்ட அனைத்து அரச அலுவலகங்களுக்கும் நாளை (22) விடுமுறை வழங்குமாறு வடமாகாண ஆளுநர் சுரேன் ராகவன் பணித்துள்ளார்.  நாட்டின் நிலைமை கருதி, நாடளாவிய ரீதியில் உள்ள அனைத்து பல்கலைகழகங்களினதும் கல்வி நடவடிக்கைகள் இடை நிறுத்தப்பட்டுள்ளதாகவும் அத்துடன் நாளை மற்றும் நாளை மறுதினம் நடக்கவிருந்த பல்கலைகழக பரீட்சைகள் ஒத்தி வைக்கப்பட்டுள்ளதாக தெரிவிக்கப்படுகின்றது. நாட்டின் பாதுகாப்பு நிலைமை தொடர்பில் பாதுகாப்புத் துறை உள்ளிட்ட சகல துறைகளினதும் தலைமை அதிகாரிகளின் பங்குபற்றலில் விசேட கலந்துரையாடலொன்று இன்று இடம்பெற்றது. இதன்போது, பொலிஸார், முப்படையினர் மற்றும் சிவில் பாதுகாப்பு திணைக்களத்தின் உத்தியோகத்தர்களை கடமையில் ஈடுபடுத்தி மத வழிபாட்டு தலங்கள், சுற்றுலா விடுதிகள், வைத்தியசாலைகள், தூதரகங்கள், கத்தோலிக்க மதகுருமார்கள், கத்தோலிக்க வணக்கஸ்தலங்கள் மற்றும் முக்கியத்துவமிக்க அரச நிறுவனங்கள் ஆகியவற்றை பாதுகாப்பதற்கான நடவடிக்கைகள் அரசினால் மேற்கொள்ளப்பட்டுள்ளன. http://www.virakesari.lk/article/54362
    • அதே போல் இலங்கை முஸ்லீம் அகதிகள் எனும் பெயரில் மேற்கத்தேய நாடுகளில் அசேலம் அடித்தவர்களின் பின்புலங்களை திரும்பவும் இங்குள்ள பாதுகாப்பு தரப்புக்கள்  சரி பார்ப்பது நல்லது முக்கியமான தீவிரவாதிகள் குறிப்பிட்ட நாடுகளில் மட்டுமே உருவாகின்றார்கள் எனும் கருத்தை இன்றைய தாக்குதல்கள்  உடைத்து விட்டு சென்றுள்ளது .
    • குண்டுவெடிப்பில் பலியாகிய மக்களுக்கு ஆழ்ந்த இரங்கல்கள்.