Jump to content

மாதவிடாய் மன அழுத்தம்: கணவர்களுக்கும் காதலர்களுக்கும் ஓர் எச்சரிக்கை


Recommended Posts

மாதவிடாய் மன அழுத்தம்: கணவர்களுக்கும் காதலர்களுக்கும் ஓர் எச்சரிக்கை

 
பெண்கள்படத்தின் காப்புரிமைGETTY IMAGES

''திருமணமான புதிதில் இரண்டு வாரங்களுக்கு ஒரு முறை சினிமாவுக்கு செல்வோம். ஆனால் அலுவலகத்தில் வேலை இருந்ததால் அன்று திரைப்படத்திற்கு போகமுடியாது என்று மனைவியிடம் சொன்னதும், அவருக்கு வந்த கோபத்தைப் பார்த்து அதிர்ந்து போனேன்.''

இதைச் சொலிவிட்டு, மனைவி மோனாவை பார்த்து சிரிக்கிறார் சந்தோஷ், மோனாவால் சிரிப்பை அடக்க முடியவில்லை.

பெரியவர்களால் ஏற்பாடு செய்யப்பட்ட திருமண பந்தத்தில் இவர்கள் இருவரும் இணைந்து ஓராண்டுதான் ஆகிறது. தற்போது தம்பதிகளிடையே நல்ல புரிதல் ஏற்பட்டிருக்கிறது.

மோனாவிடம் திரைப்படத்திற்கு செல்ல நேரமில்லை என்று சொன்னபோது, அவர் மாதவிடாய்க்கு முன்னதாக ஏற்படும் மன அழுத்தம் அதாவது பி.எம்.எஸ் (Pre-Menstrual Stress) என்ற அழுத்தத்தால் பாதிக்கப்பட்டிருந்தார் என்பது சந்தோஷுக்கு தெரியாது.

பெண்கள்படத்தின் காப்புரிமைMONALISA/FACEBOOK Image captionசந்தோஷ் - மோனா தம்பதி

ராஜஸ்தான் மாநில விவாகாரம்

இது சிறிய விவகாரம். எனவே கோபமும் விரைவிலேயே அடங்கிவிட்டது. ஆனால் பல சமயங்களில் இதுபோன்ற சமயத்தில் நிலைமை உயிரையும் குடித்துவிடுகிறது.

ராஜஸ்தானில் அஜ்மீரில் ஒரு பெண் தனது மூன்று குழந்தைகளையும் கிணற்றில் தூக்கி வீசியெறிந்துவிட்டார். அதில் ஒரு குழந்தை இறந்துவிட்டது.

இந்த வழக்கு ராஜஸ்தான் உயர் நீதிமன்றத்தில் விசாரணைக்கு வந்தபோது, பெண் மாதவிடாய்க்கு முந்தைய மன அழுத்தத்தில் இருந்ததாக அந்த பெண்ணின் தரப்பில் வாதிடப்பட்டது. அதனால் தன்னுடைய செயலின் விளைவு என்ன என்று தெரியாத நிலையில் அந்த தாய் இருந்ததாக குறிப்பிடப்பட்டது. வாதத்தை ஏற்றுக்கொண்ட நீதிமன்றம் பெண்ணை விடுதலை செய்து தீர்ப்பளித்தது.

பி.எம்.எஸ் என்றால் என்ன?

பெண்களுக்கு மாதவிடாய் ஏற்படுவதற்கு ஐந்து முதல் ஏழு நாட்களுக்கு முன் இந்த காலகட்டம் துவங்குகிறது. உடலில் ஏற்படும் மாற்றங்கள் பெண்ணுக்கு மனதளவில் அழுத்தத்தை ஏற்படுத்துகிறது.

குறிப்பிட்ட ஒரு பொருளை சாப்பிட விருப்பம் அல்லது வெறுப்பு, கோபம் வருவது, படபடப்பு வழக்கமான நடவடிக்கைகளில் வித்தியாசம் ஏற்படுவதை கவனிக்கலாம்.

பெண்கள்படத்தின் காப்புரிமைGETTY IMAGES

டெல்லியில் உள்ள பெண்கள் நல சிறப்பு மருத்துவர் அதிதி ஆசார்யாவை சந்தித்து அவரிடம் பெண்களுக்கு மாதவிடாய்க்கு முன் ஏற்படும் அழுத்தம் பற்றி விரிவாக பேசினோம்.

''பெண்களின் உடலில் ஏற்படும் ஹார்மோன் மாறுதல்களால் பி.எம்.எஸ் நிகழ்கிறது. சிலருக்கு உடல் வலி அதிகரிக்கும். சிலருக்கு வயிற்று வலியும், மார்பகத்தின் அருகே வலியும் ஏற்படும். சிலருக்கு தலைவலி ஏற்படலாம். சில பெண்களின் மனோநிலை திடீரென மாறலாம். காரணமே இல்லாமல் அழுகை வரலாம்'' என்று அதிதி சொல்கிறார்.

அறிவியல் பொது நூலகத்தின் PLosONE என்ற பத்திரிகையில் 2017 ஏப்ரலில் வெளியிடப்பட்ட ஒரு ஆய்வறிக்கையின்படி 90 சதவிகித பெண்கள் மாதவிடாய்க்கு முந்தைய மன அழுத்தத்தால் பாதிக்கப்படுகின்றனர்.

இதில் 40 சதவிகித பெண்களுக்கு இந்த காலகட்டத்தில் மன அழுத்தம் ஏற்படுகிறது. அதிலும் இரண்டு முதல் ஐந்து சதவிகித பெண்களுக்கு மிக அதிக மன அழுத்தம் ஏற்படுகிறது, இது அவர்களின் அன்றாட வாழ்க்கையையே பாதிக்கும் அளவுக்கு அதிகமாக இருக்கிறது.

ஆண்களுக்கு புரியாத மாதவிடாய் பிரச்சனை

இந்த சமயத்தில் பெண்களின் மனம் அமைதியாக இருக்கவேண்டியது அவசியம். அப்போது, மற்றவர்கள் தங்களை புரிந்துகொள்ள வேண்டும் என விரும்பும் பெண்கள், குடும்பத்தினர் தங்களுக்கு உதவியாக இருக்கவேண்டும் என்று எதிர்பார்ப்பதும் இயல்பே.

வணிகவியல் இளங்கலை பட்டம் பயிலும் ஆயுஷ், தனது தோழியின் மனோநிலையில் ஏன் மாறுதல் ஏற்படுகிறது என்று புரியாமல் குழம்பினார்.

''நாங்கள் பழகத் தொடங்கி இரண்டு ஆண்டுகள் ஆகிவிட்டன. ஆனால் எனக்கு ஆரம்பக்கட்டத்தில் மாதவிடாய் பிரச்சனைகள் பற்றி எதுவுமே தெரியாது. ஒரு நாள் காரணமே இல்லாமல் என் தோழி கோபித்துக் கொண்டபோது எனக்கு ஒன்றுமே புரியவில்லை. நானும் பதிலுக்கு கோபத்தை கொட்டிவிட்டு அங்கிருந்து சென்று விட்டேன்'' என்கிறார் ஆயுஷ்.

மாதவிடாய்படத்தின் காப்புரிமைGETTY IMAGES

கூகுளில் வேறு ஒரு செய்தியை தேடிக் கொண்டிருந்தபோது எதிர்பாராதவிதமாக மாதவிடாய் தொடர்பான விஷயங்களை ஆயுஷ் படித்தார். பிறகு அதுதொடர்பான தகவல்களை தேடிப்படித்து ஓரளவு விஷயங்களை புரிந்துகொண்டார். மாதவிடாய் தொடங்குவதற்கு முன்பும் பெண்களின் மனதில் அழுத்தம் உண்டாகலாம் என்றும் அதற்கு பெண்களின் சுபாவம் காரணமில்லை, ஹார்மோன்களே காரணம் என்பதையும் அறிந்துகொண்டார்.

ஆயுஷின் கருத்தை மேலும் விவரிக்கும் டாக்டர் அதிதி, ''என்னிடம் வரும் தம்பதிகளில் பலரின் கணவருக்கு மாதவிடாய், அதற்கு முன்பு ஏற்படும் மன அழுத்தம் பற்றி ஒன்றுமே தெரிவதில்லை. தனது வாழ்க்கைத் துணை எதிர்கொள்ளும் மன அழுத்தங்களையும், வலியையும் அவர்களால் புரிந்துகொள்ள முடிவதில்லை என்பது பெண்களுக்கு மேலும் அதிக எரிச்சலை கொடுக்கிறது. இது பிரச்சனையை மேலும் அதிகரிக்கிறது'' என்று சொல்கிறார்.

பெண்கள்படத்தின் காப்புரிமைLAURÈNE BOGLIO

வாழ்க்கைத்துணையின் பங்கு

ஓராண்டு திருமண வாழ்க்கையில் தன் கணவரின் புரிதலில் பல மாறுதல்கள் ஏற்பட்டிருப்பதை ஒப்புக்கொள்கிறார் மோனா.

என் கணவருக்கு சகோதரிகள் இருந்தாலும், மாதவிடாய் பற்றி அவருக்கு எதுவுமே தெரியவில்லை. அந்த சமயத்தில் ஏற்படும் பிரச்சனைகளை புரிந்துகொள்ளாமல் கோபப்படுவார். ஆனால் இப்போது அவரிடம் நல்ல மாற்றம் தெரிகிறது. அவரின் ஆதரவு இருப்பதால் நான் மாதந்தோறும் அந்த கொடுமையான காலகட்டத்தை கடப்பது சற்று இலகுவாக இருக்கிறது.''

PLosONE ஆய்வறிக்கையின்படி, இயல்பான தம்பதிகளுடன் ஒப்பிடும்போது லெஸ்பியன் ஜோடிகளிடம் மதாவிடாய்க்கு முந்தைய மன அழுத்தம் குறித்த புரிதலும், ஆதரவும் அதிகமாக இருக்கிறது. அதற்கு காரணம் என்னவென்றால், இருவருமே பெண்களாக இருப்பதால் ஒருவரின் உணர்வுகள் மற்றவருக்கு புரிவது இயல்பாகவே இருக்கிறது.

எனவே, கணவனோ, காதலனோ அல்லது ஆண் நண்பரோ ஒரு பெண்ணின் மனோநிலையையும், குறிப்பாக மதாவிடாய் மற்றும் அதற்கு முந்தைய காலகட்டத்தில் அவர்களின் உடலிலும் மனதிலும் ஏற்படும் மாற்றங்களையும் சிரமங்களையும் புரிந்து கொண்டால், பல பிரச்சனைகள் ஏற்படுவதையே தவிர்க்கலாம். ஆனால் பி.எம்.எஸ் காலகட்டத்தில் ஏற்படும் மன அழுத்தம் அதிகமாக இருந்தால், மருத்துவரை அணுகுவதே நல்லது என்கிறார் அதிதி.

பெண்கள்படத்தின் காப்புரிமைGETTY IMAGES

மருத்துவ சிகிச்சை

பிரிட்டனில் த கன்வர்சேஷன் என்ற வலைதளத்தில் பி.எம்.எஸ் தொடர்பாக ஆய்வுகள் மேற்கொள்ளப்பட்டன. அதில் மாதவிடாய்க்கு முந்தைய காலகட்டத்தில் மனோநிலையில் மாறுதல்கள் ஏற்படும் பெண்களுக்கு தனியாகவும், அவர்களின் துணைவர்களோடு இணைந்தும் சிகிச்சை அளிக்கப்பட்டது.

துணைவரோடு சிகிச்சையளிக்கப்பட்ட பெண்கள் பி.எம்.எஸ்-இல் இருந்து குணமாகும் வாய்ப்புகள் அதிகமாக இருந்ததையும், தனியாக சிகிச்சை பெற்ற பெண்களுக்கு பெரிய அளவில் வித்தியாசம் தெரியவில்லை என்று இந்த இந்த ஆய்வில் தெரியவந்தது.''

பெண்கள்படத்தின் காப்புரிமைGETTY IMAGES

அதிதியின் கருத்துப்படி, ''பி.எம்.எஸ் சமயத்தில் பெண்களின் வயிறு, மார்பகங்கள் மற்றும் பிறப்புறுப்புகளில் ரத்த ஓட்டம் அதிகரிக்கிறது. இதனால் அவர்கள் வழக்கத்தைவிட வித்தியாசமாக உணர்வார்கள். ஒருவரின் அந்தரங்க உறுப்புகளில் வலி ஏற்பட்டால் அவர்களால் எப்படி இயல்பாக இருக்கமுடியும் என்று சற்றே சிந்தித்துப் பாருங்கள். அந்த சமயத்தில் வாழ்க்கைத் துணை புரிந்து கொண்டு உதவி செய்தால் அது எவ்வளவு ஆறுதலைக் கொடுக்கும்!''

மனைவி மோனாவுடன் அமர்ந்திருக்கும் சந்தோஷ் புன்சிரிப்புடன் இவ்வாறு கூறுகிறார், ''திருமணமான புதிதில் மனைவிக்கு மாதவிடாய் வருவதற்கு முன்பே ஆண்கள் பாதுகாப்பு கவசங்களை அணிந்து கொள்ளவேண்டும் என நினைப்பேன். ஆனால், இப்போது அந்த சிரமமான நேரத்தில் அவர்களுக்கு பாதுகாப்பு கவசமாக இருக்க வேண்டும் என்று விரும்புகிறேன்.''

https://www.bbc.com/tamil/science-45142846

Link to comment
Share on other sites

மாதவிடாய் மன அழுத்தம்: தெரிந்து கொள்ள வேண்டியவை

ரம்யா சம்பத்மனநல மருத்துவர்

(இந்த கட்டுரையில் இடம் பெற்றுள்ள கருத்துக்கள் அனைத்தும், கட்டுரையாளரின் தனிப்பட்ட கருத்துக்கள். பிபிசி தமிழின் கருத்துக்கள் அல்ல. - ஆசிரியர்)

மாதவிடாய்படத்தின் காப்புரிமைGETTY IMAGES

பெண்கள் ஆண்களுக்கு நிகராக அலுவலகங்களிலும் வெளியிடங்களிலும் அவர்களுக்கே உரித்தான முத்திரை பதித்து வரும் இந்நிலையில், மாதசுழற்சியும், அதையொட்டிய நாட்களில் பெண்களுக்கு ஏற்படக்கூடிய உடல் மற்றும் மன ரீதியான மாற்றங்களை குறித்தும் நாம் இந்த கட்டுரையில் அறிய இருக்கிறோம்.

சமீபத்தில், ஒரு புதுமணத் தம்பதியை சந்தித்தேன். மனைவியின் சுபாவத்தில் சில நாட்கள் வித்தியாசத்தை உணர்வதாக கூறினார் அவர்.

சில வாரங்கள், அவள் மிக மகிழ்ச்சியாக இருப்பதாகவும், சில நாட்கள் அதிக கோபம், வாக்குவாதங்கள், அழுகை என இருப்பதாகவும் அவர் தெரிவித்தார் .

இதன் பின்னணியில், அவர்களுக்கிடையே மனவிரிசல்களோ சிக்கல்களோ இல்லை என்பதை ஒரு மனநல மருத்துவராக உறுதிசெய்த பிறகு, இந்த சுபாவ வித்தியாசத்திற்கான மருத்துவ பின்னணியை அவர்களுக்கு சொல்ல ஆரம்பித்தேன்.

ஹார்மோன்கள் பாதிப்பு

பெண்களுக்கு உடல் ரீதியாக, ஹார்மோன்களின் தாக்கம் அதிகம். பூப்படையும் சமயம் தொடங்கி, மாதவிடாய் நிற்கும் சமயம் வரை ஒரு முப்பது நாற்பது வருடங்கள் பெண்கள் பல உடல் ரீதியான மாற்றங்களை சந்தித்து வருகிறார்கள்.

தோராயமாக எழுபது சதவீத பெண்களுக்கு பிஎம்எஸ் (PMS) எனப்படும் மாதவிடாய்க்கு முந்தைய மன அழுத்தம் (Pre-Menstrual Syndrome) அவர்களுக்கு ஏற்படுவதாக கூறுகிறார்கள்.

காதலர்கள்

ஹார்மோன்கள் நம் உடலின் இயக்கத்தையும், மனதின் தன்மையையும் மாற்ற வல்லவை என்பதை நாம் உணர வேண்டும்.

மாதவிலக்கு முடிந்தவுடன் தொடரும் முதல் இரண்டு வாரங்கள் பெண்கள் ஈஸ்ட்ரோஜென் (Oestrogen) எனப்படும் ஹார்மோனின் பாதிப்பில் இருக்கிறார்கள்.

இந்த காலக்கட்டத்தில் (phase) பெண்களுக்கு அதிக உற்சாகமும் ஆர்வமும் ஏற்படும். ஆடித்தள்ளுபடியில் பொருட்களை வாங்குவதில் இருந்து , வீட்டு வேலைகளை பம்பரமாய் சுழன்று செய்வது வரை அனைத்தையும் உற்சாகத்துடன் செய்து முடிப்பார்கள். புதிய ஆக்கபூர்வமான சிந்தனைகள் ஏற்படும் . குடும்பத்தில் உறவுநிலைகளை கச்சிதமாக சகிப்புத்தன்மையுடன் அணுகுவார்கள்.

மாதவிடாய்க்கு முந்தைய மன அழுத்தம் என்றால் என்ன?

மாதவிடாய் தொடங்குவதற்கு ஓரிரு வாரங்களுக்கு முன்னர் பல பெண்கள் உடல் ரீதியாகவும், மன ரீதியாகவும், மாற்றங்களை உணர்கிறார்கள்.

மாதவிலக்கு முடிந்தவுடன் தொடரும் முதல் இரண்டு வாரங்கள் ஈஸ்ட்ரோஜென் ஹார்மோனின் பாதிப்பால் அதிக உற்சாகமும் ஆர்வமும் பெண்களிடம் ஏற்படும் ரம்யா சம்பத், மனநல மருத்துவர்

வயிறு உப்புவது , மார்பகங்கள் கனத்து போவது போன்ற உணர்வு , அஜீரண கோளாறுகள், உயிர் உறுப்புகளில் வலி, உடல் அசதி, தலை வலி போன்ற உபாதைகள் ஏற்படும்.

மனதளவிலும் பெண்கள் பல உளைச்சல்களை உணர்வதுண்டு. யாரைப் பார்த்தாலும் எரிந்து விழுவது , காரணமில்லாமல் அழுகை, வேலையிடங்களில் சக ஊழியர்களிடம் தேவையில்லாத வாக்குவாதங்களில் ஈடுபடுவது, தனிமையாக உணர்வது, பதற்றம் மற்றும் மன அழுத்தம் போன்றவை பிஎம்எஸ்-இன் ('PMS') அறிகுறிகளே !

 

 

பசியின்மை, தூக்கமின்மை, நமக்கு பிடித்த விஷயங்களைக் கூட செய்வதற்கு ஆர்வமில்லாமல் இருப்பது போன்ற அறிகுறிகள் உங்களுக்கு ஏற்பட்டதுண்டா ?

பிஎம்எஸ் அறிகுறிகள் மாதவிடாய் தொடங்குவதற்கு முன் தொடங்கி, ரத்தப்போக்கு தொடங்கியபின் படிப்படியாக குறையும். எல்லா அறிகுறிகளும் எல்லா பெண்களுக்கும் ஏற்படுவது இல்லை.

வயதாக வயதாக இதன் தன்மையும் மாறுபடும். உணவுப்பழக்கங்களும் வாழ்க்கைமுறையும் இதனுடன் நெருங்கிய தொடர்புடையவை.

முத்துக்கண்ணம்மாள் : 80 வயதிலும் சதிர் நடனம் ஆடும் தேவதாசி மரபின் கடைசி வாரிசு

அதிகமாக எண்ணெய் பதார்த்தங்களை உண்பது, உடல் பருமன், ஒரே இடத்தில மணிக்கணக்காக உட்கார்ந்திருப்பது, போதிய தூக்கமின்மை, அதிக அழுத்தங்கள் போன்றவை பிஎம்எஸ் வீரியத்தை அதிகரிக்கும் .

பிஎம்எஸ் ('PMS') உள்ளதா என்பதை எப்படி அறிவது ?

உங்களுக்கு மேற்கூறிய அறிகுறிகள் எப்போது ஏற்படுகிறது என்பதை ஒரு டைரியிலோ, நாள்காட்டியிலோ குறித்துவையுங்கள்.

மனதளவில் ஏற்படும் மாற்றங்களை நடுநிலையாக ஒரு மூன்றாவது நபராக இருந்து கவனியுங்கள். உங்களுக்கு ஏற்படும் அறிகுறிகளை பட்டியலிடுங்கள் .

 

பிஎம்எஸ் என்பது நான்கில் மூன்று பெண்களுக்கு ஏற்படுவதாக ஆய்வுகள் கூறுகின்றன. இதன் தாக்கம் குறைவாக இருந்தால் நீங்கள் கவலைப்பட வேண்டியதில்லை.

நூறில் ஐந்து பெண்களுக்கு பிஎம்எஸ்-இன் தன்மை மிகவும் அதிகமாகி அவர்களுடைய வாழ்க்கையில் எதிர்மறை தாக்கங்களை ஏற்படுத்தும். அப்படி இருந்தால், அது மாதவிடாய்க்கு முந்தைய பதற்ற மனநிலை [Pre Menstrual Dysphoric Disorder (PMDD) ] என சொல்லக்கூடிய மனநலம் சார்ந்த கோளாறாக இருக்கலாம் . அதற்கு நீங்கள் ஒரு மனநல மருத்துவரை அணுகி சிகிச்சை பெறுவது மிக முக்கியம்.

பிஎம்எஸ் - எப்படி சமாளிப்பது ?

ஹார்மோன்கள் உங்களில் ஏற்படுத்தும் பாதிப்புக்களை, உணவுப்பழக்கங்கள் மற்றும் வாழ்க்கை முறைகளை மாற்றி அமைப்பதன் மூலம் சரிசெய்ய முடியும் .

முத்துக்கண்ணம்மாள் : 80 வயதிலும் சதிர் நடனம் ஆடும் தேவதாசி மரபின் கடைசி வாரிசுமுத்துக்கண்ணம்மாள் : 80 வயதிலும் சதிர் நடனம் ஆடும் தேவதாசி மரபின் கடைசி வாரிசு

ஒரே நேரம் அதிகமாக உண்பதைவிட, அடிக்கடி, அளவாக சாப்பிடுவது நல்லது. மாதவிலக்கு ஏற்படுவதற்கு முன் சில நாட்கள், பொரித்த உணவு வகைகள், அதிகம் உப்பு சேர்த்து பதப்படுத்தப்பட்ட உணவு போன்றவற்றை குறைத்தால், வயிறு உப்புவது , மார்பகங்கள் கனப்பது போன்றவற்றை தவிர்க்கலாம்.

நார்சத்து அதிகம் உள்ள காய்க்கறிகள், பழவகைகள், சிறுதானியம் உள்ள உணவு வகைகள் அதிகமாக உண்ணவேண்டும். காபி, டீ, குளிர்பானங்கள் போன்றவற்றை தவிர்க்கலாம் .

ஒரு நாளில் முப்பது நிமிடமாவது உடற்பயிற்சி செய்வதை வழக்கமாக்கிக் கொள்ளுங்கள். அது நடைபயிற்சியாகவோ, நடனமாகவோ, மிதி வண்டிஓட்டுதல், நீச்சல் போன்ற உங்களுக்கு முடிந்த விருப்பமுள்ள எதுவாக வேண்டுமானாலும் இருக்கலாம்.

ரம்யா சம்பத், மனநல மருத்துவர் Image captionரம்யா சம்பத், மனநல மருத்துவர்

பொதுவாக மாதவிலக்கு நாட்களில் உடற்பயிற்சியை பலர் நிறுத்திவிடுவோம். ஆனால், மிதமான உடற்பயிற்சி பிஎம்எஸ்-ஐ குறைப்பது மட்டுமின்றி தாளாத வலியை ஏற்படுத்தும் மாதவிடாய் பிடிப்புகளையும் (menstrual cramps) குறைக்கும் என்பது பலருக்கு தெரிவதில்லை .

பகலில் எத்தனை தூங்கினாலும், அது இரவு தூக்கத்திற்கு ஈடாகாது. தூங்குவதற்கு இரண்டு மணிநேரத்திற்கு முன் திறன்பேசி, மடிக்கணினி போன்ற மின்னணுப் பொருட்களை தவிர்த்து (gadgets) தவிர்த்து புத்தகம் படிப்பது, குடும்பத்தினருடன் பேசி மகிழ்வது என மனதை இளைப்பாற்றி கொண்டால் உறக்கத்தின் தரம் மேம்படும் .

நினைவிருக்கட்டும் ! பிஎம்எஸ் ஒரு நோயல்ல. அதை நோயாக மாறாமல் இருப்பது, உங்கள் கையில் தான் இருக்கிறது. நம் உடலும் மனமும் இயங்கும் விதத்தை நாம் புரிந்துகொண்டால், எல்லாம் நலமே.

https://www.bbc.com/tamil/india-45238848

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.