• advertisement_alt
  • advertisement_alt
  • advertisement_alt
Sign in to follow this  
ராசவன்னியன்

பேரறிவாளன் உள்ளிட்ட 7 பேர் விடுதலை; உள்துறை அமைச்சகத்துக்கு அறிக்கை அனுப்பவில்லை: ஆளுநர் மாளிகை திட்டவட்ட மறுப்பு..!

Recommended Posts

பேரறிவாளன் உள்ளிட்ட 7 பேர் விடுதலை; உள்துறை அமைச்சகத்துக்கு அறிக்கை அனுப்பவில்லை: ஆளுநர் மாளிகை திட்டவட்ட மறுப்பு !

21CHRGNPUROHITjpg

முன்னாள் பிரதமர் ராஜீவ் காந்தி கொலை வழக்கில் சிறையில் இருக்கும் 7 பேரையும் விடுதலை செய்வது தொடர்பாக மத்திய உள்துறை அமைச்சகத்திற்கு அறிக்கை அனுப்பியதாக வெளியான தகவலை ஆளுநர் மாளிகை இன்று திட்டவட்டமாக மறுத்துள்ளது. மிகவும் சிக்கலான இந்த வழக்கில் சட்ட நுணுக்கங்களை ஆராய்ந்து தான் முடிவெடுக்கப்படும் எனவும் தெரிவித்துள்ளது.

முன்னாள் பிரதமர் ராஜீவ் காந்தி 1991 மே 21-ம் தேதி ஸ்ரீபெரும்பதூரில் மனித வெடிகுண்டு மூலம் படுகொலை செய்யப்பட்டார். இந்த வழக்கை விசாரித்த பூந்தமல்லி தடா நீதிமன்றம் 26 பேருக்கு மரண தண்டனை விதித்தது. இதனை எதிர்த்து தொடரப்பட்ட மேல்முறையீட்டு மனுவை விசா ரித்த உச்ச நீதிமன்றம், பேரறி வாளன், முருகன், சாந்தன், நளினி, ரவிச்சந்திரன், ராபர்ட் பயஸ், ஜெயகுமார் ஆகிய 7 பேரை தவிர மற்ற 19 பேரையும் விடுவித்தது.

2000-ம் ஆண்டில் நளினியின் மரண தண்டனை ஆயுள் தண்டனையாக குறைக்கப்பட்டது. 2014-ல் மீதமுள்ள 6 பேரின் மரண தண்டனையை உச்ச நீதிமன்றம் ஆயுள் தண்டனையாக குறைத்தது. இதனையடுத்து அன்றைய முதல்வர் ஜெயலலிதா தலைமையிலான அரசு 7 பேரையும் விடுதலை செய்ய முடிவு செய்தது.

இதனை எதிர்த்து மன்மோகன் சிங் தலைமையிலான மத்திய அரசு உச்ச நீதிமன்றத்தில் மனு செய்தது. இந்த வழக்கு விசாரணையின்போது, 7 பேரையும் விடுவிப்பது தவறான முன்னுதாரணத்தை ஏற்படுத்தி விடும் என தற்போதைய மத்திய பாஜக அரசும் தெரிவித்தது.

இந்நிலையில் இந்த வழக்கில் கடந்த 6-ம் தேதி தீர்ப்பளித்த உச்ச நீதிமன்றம், 7 பேரையும் விடுதலை செய்வது குறித்து முடிவு எடுத்து ஆளுநருக்கு தமிழக அரசு பரிந்துரைக்கலாம் என உத்தரவிட்டது.

இதையடுத்து, தமிழக அமைச்சரவைக் கூடி, ராஜீவ் காந்தி கொலை வழக்கில் குற்றவாளிகளாக சிறையில் உள்ள பேரறிவாளன் உள்ளிட்ட 7 பேரையும் விடுதலை செய்ய அரசியல் சட்டம் 161-வது பிரிவின்கீழ் ஆளுநருக்கு பரிந்துரை செய்து தீர்மானம் நிறைவேற்றியது.

இதையடுத்து ஆளுநர் ஆலோசனை செய்து வருவதாக தகவல்கள் வெளியாகின. இந்நிலையில், இதுகுறித்து ஆளுநர் மாளிகை தரப்பில் இன்று விளக்கம் அளிக்கப்பட்டுள்ளது. இதுகுறித்து ஆளுநர் மாளிகை வெளியிட்டுள்ள செய்திக்குறிப்பில் கூறப்பட்டுள்ளதாவது:

‘‘முன்னாள் பிரதமர் ராஜீவ் காந்தி கொலை வழக்கில் சிறை தண்டனை அனுபவித்து வரும் 7 பேர் விடுதலை குறித்து மத்திய உள்துறை அமைச்சகத்திற்கு அறிக்கை அனுப்பியதாக சில பத்திரிகைகளில் செய்தி வந்துள்ளன. சில தொலைக்காட்சி சேனல்கள் இதை வைத்து விவாதம் நடத்தியுள்ளன.

ஆனால், 7 பேர் விடுதலை குறித்து எந்த அறிக்கையும் உள்துறை அமைச்சகத்திற்கு அனுப்பவில்லை. இந்த வழக்கு சிக்கலான ஒன்று. சட்டம், நிர்வாகம் மற்றும் அரசியல் சட்ட ரீதியாக ஆய்வு செய்ய வேண்டியுள்ளது.

7விடுதலை குறித்து நீதிமன்ற உத்தரவு மற்றும் அமைச்சரவையின் பரிந்துரை ஆவணங்கள் 14ம் தேதி தான் ஆளுநர் மாளிகைக்கு வந்துள்ளன. இதுகுறித்து ஆலோசனைகள் மேற்கொள்ளப்படும். 7 பேர் விடுதலை குறித்து அரசியல் சட்டத்துக்கு உட்பட்டு நியாயமான முடிவு எடுக்கப்படும்’’ என ஆளுநர் மாளிகை வெளியிட்டுள்ள செய்தி குறிப்பில் தெரிவிக்கப்பட்டுள்ளது.

தமிழ் இந்து

Share this post


Link to post
Share on other sites
Sign in to follow this  

  • Topics

  • Posts

    • கொரோனா பரவலை கட்டுப்படுத்த நடவடிக்கை 31-ந் தேதி வரை பஸ்கள் ஓடாது - தடையை நீட்டித்து தமிழக அரசு உத்தரவு கொரோனா பரவலை கட்டுப்படுத்தும் வகையில், பஸ் போக்குவரத்துக்கு விதிக்கப்பட்டுள்ள தடையை வருகிற 31-ந் தேதி வரை நீட்டித்து தமிழக அரசு உத்தரவிட்டு உள்ளது. இதனால் அன்று வரை பஸ்கள் ஓடாது. பதிவு: ஜூலை 14,  2020 05:30 AM சென்னை,  கொரோனா பரவுவதை கட்டுப்படுத்துவதற்காக தமிழகத்தில் கடந்த மார்ச் மாதம் 24-ந் தேதி முதல் முழு ஊரடங்கு அமல்படுத்தப்பட்டு உள்ளது. முழுஊரடங்கு நடைமுறைக்கு வந்ததை தொடர்ந்து, தமிழகத்தில் அன்று முதல் அரசு மற்றும் தனியார் பஸ் போக்குவரத்து நிறுத்தப்பட்டது. இந்த நிலையில் மக்களின் வாழ்வாதாரம் மற்றும் பொருளாதாரத்தை கருத்தில் கொண்டு ஊரடங்கு கட்டுப்பாடுகள் தளர்த்தப்பட்டன. அப்போது சென்னை, செங்கல்பட்டு, காஞ்சீபுரம், திருவள்ளூர் நீங்கலாக மற்ற மாவட்டங்களில் சில கட்டுப்பாடுகளுடன் அரசு பஸ் போக்குவரத்துக்கு மட்டும் அனுமதி வழங்கப்பட்டது. இதற்கிடையே, அந்த மாவட்டங்களிலும் கொரோனா பரவல் அதிகரித்தது. இதற்கு பொது போக்குவரத்தும் ஒரு காரணம் என்று மருத்துவ நிபுணர்கள் குழு கூறியதால், பஸ் போக்குவரத்துக்கு 15-ந் தேதி (நாளை) வரை தடை விதித்து தமிழக அரசு உத்தரவிட்டது. கொரோனா பரவலை கட்டுப்படுத்துவதற்காக மாவட்டம் விட்டு மாவட்டம் செல்வதற்கு இ-பாஸ் கட்டாயம் ஆக்கப்பட்டு உள்ளது. குடும்பத்தினரின் திருமணம், மருத்துவ சிகிச்சை, இறுதிச்சடங்கு போன்ற அத்தியாவசிய காரணங்களுக்கு செல்பவர்களுக்கு மட்டும் இ-பாஸ் வழங்கப்படுகிறது. மேலும் தொழிற்சாலைகளில் பணியாற்றுவோர் அந்தந்த நிறுவனங்கள் மூலம் இயக்கப்படும் பஸ்கள் உள்ளிட்ட வாகனங்களில் சென்று வர அனுமதிக்கப்பட்டு உள்ளது. அரசு அலுவலகங்களில் பணியாற்றுவோர், அலுவலகங்களுக்கு சென்று வருவதற்காக சில அரசு பஸ்கள் இயக்கப்படுகின்றன. இந்த நிலையில், பஸ் போக்குவரத்துக்கு நாளையுடன் முடிவடைவதாக இருந்த தடையை, வருகிற 31-ந் தேதி வரை மேலும் 16 நாட்கள் நீட்டித்து தமிழக அரசு நேற்று உத்தரவிட்டது. இதுகுறித்து தமிழக அரசு வெளியிட்டுள்ள செய்திக்குறிப்பில் கூறப்பட்டு இருப்பதாவது:- கொரோனா நோய்த் தொற்றை தடுப்பதற்காக, பேரிடர் மேலாண்மைச் சட்டத்தின் கீழ் கடந்த மார்ச் 24-ந் தேதி முதல் தமிழ்நாடு முழுவதும் ஊரடங்கு அமல்படுத்தப்பட்டது. இதைத்தொடர்ந்து கொரோனா தொற்றின் நிலைமையை கருத்தில் கொண்டும், மக்களின் வாழ்வாதாரத்தை கருத்தில் கொண்டும், சில தளர்வுகளுடன் 31-ந் தேதிவரை ஊரடங்கு நீட்டிக்கப்பட்டு உள்ளது. கொரோனா நோய்த் தொற்றை தடுக்க தமிழக அரசு, தொடர்ந்து தீவிர பாதுகாப்பு நடவடிக்கைகளை போர்க்கால அடிப்படையில் மேற்கொண்டு வருகிறது. தொற்று பரவலை கட்டுப்படுத்தும் நோக்கத்துடன், மாநிலத்தில் தனியார் மற்றும் அரசு பொது பஸ் போக்குவரத்து சேவை கடந்த 1-ந் தேதி முதல் 15-ந் தேதிவரை நிறுத்தப்பட்டது. தற்போது, தமிழ்நாட்டில், கொரோனா நோய்த் தொற்றை தொடர்ந்து கட்டுப்படுத்தும் நோக்கத்துடன் 31-ந் தேதி முடிய தனியார் மற்றும் அரசு பொது பஸ் போக்குவரத்து சேவை இயக்கப்படாது. தமிழ்நாடு அரசின் கொரோனா நோய் தொற்று தடுப்பு நடவடிக்கைகளுக்கு பொதுமக்கள் முழு ஒத்துழைப்பு நல்க வேண்டும். இவ்வாறு அதில் கூறப்பட்டு உள்ளது. https://www.dailythanthi.com/News/TopNews/2020/07/14030816/Measures-to-control-corona-spread-Buses-will-not-run.vpf    
    • கடவுள் உள்ளமே ஓர் கருணை இல்லமே கடவுள் உள்ளமே ஓர் கருணை இல்லமே தந்தை இல்லை தாயும் இல்லை தெய்வம் அன்றி யாரும் இல்லை கடவுள் உள்ளமே ஓர் கருணை இல்லமே கடவுள் உள்ளமே ஓர் கருணை இல்லமே சின்ன சின்ன பூக்கள் சிந்திய வேலை அன்பு என்னும் நூலில் ஆக்கிய மாலை பாதம் செல்லும் பாதை காட்டிடும் தலைவா என் தலைவா ஊணம் உள்ள பேரை காத்திடும் இறைவா என் இறைவா ஜீவன் யாவும் ஒன்று இங்கு யாரும் சொந்தமே இது தான் இயற்கை தந்த பாச பந்தமே... கடவுள் உள்ளமே ஓர் கருணை இல்லமே கடவுள் உள்ளமே ஓர் கருணை இல்லமே கண்ணிழந்த பிள்ளை காணும் உண்மை கண்ணிருக்கும் பேர்கள் கண்டது இல்லை ஊருக்கு ஒரு வானம் இல்லையே இறைவ உன் படைப்பில் ஆளுக்கொரு ஜாதி இல்லையே அது போல் உயிர்பிறப்பில் உன்னும் உணவும் நீரும் தினம் தந்த தெய்வமே உன்னும் உனவும் நீரும் தினம் தந்த தெய்வமே என்றும் உமக்கே நாம் நன்றி சொல்லுவோம்.... கடவுள் உள்ளமே ஓர் கருணை இல்லமே கடவுள் உள்ளமே ஓர் கருணை இல்லமே அடைக்கலம் கொடுத்தவன் அருளை பாடுவோம் தந்தை இல்லை தாயும் இல்லை தெய்வம் அன்றி யாரும் இல்லை கடவுள் உள்ளமே ஓர் கருணை இல்லமே கடவுள் உள்ளமே ஓர் கருணை இல்லமே    
    • பௌத்த மதத்திற்கு முன்னுரிமை! மஹிந்த தெரிவிப்பு!   பௌத்த மதத்திற்கு முன்னுரிமை வழங்கி ஏனைய மதங்களின் உரிமைகளும் பாதுகாக்கப்படும் என பிரதமர் மஹிந்த ராஜபக்ஷ தெரிவித்துள்ளார். மொறட்டுவை – லுனாவை பகுதியில் இடம்பெற்ற பிரச்சாரக் கூட்டத்தில் கலந்துகொண்டு உரையாற்றுகையில் பிரதமர் மேற்கண்டவாறு குறிப்பிட்டார். இதன்போது மேலும் தெரிவித்த அவர், “அனைத்து இன மக்களும் சுதந்திரமாகவும் தத்தமது கலாசாரங்களை முழுமையாக பின்பற்றவும் முழு சுதந்திரம் உள்ளது. ஒற்றையாட்சியில் நாட்டுக்குள் பௌத்த மதத்திற்கு முன்னுரிமை வழங்கி ஏனைய மதங்களின் உரிமைகளை பாதுகாத்து அனைத்து இன மக்களும் ஒற்றுமையுடன் வாழும் சூழ்நிலை மீண்டும் உறுதிப்படுத்தப்படும். எமது ஆட்சியில் விகாரை, கோயில், பள்ளிவாசல் மற்றும் தேவாலயம் ஆகியவை மறுசீரமைக்கப்பட்டன. அபிவிருத்தி பணிகளின்போது இனங்களுக்கு முக்கியத்துவம் கொடுக்கப்படவில்லை. நாட்டுக்கே அபிவிருத்தி பணிகள் ஒருமித்த விதத்தில் முன்னெடுக்கப்பட்டன. வடக்கு, தெற்கு என வேறுப்படுத்தி பார்க்கவில்லை” என மேலும் தெரிவித்துள்ளார்.   https://newuthayan.com/பௌத்த-மதத்திற்கு-முன்னுர/
    • யா அல்லா யா ரஹீம் என்று சொல்