Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

2018 ஆம் ஆண்டின் சிறந்த கால்பந்து வீரருக்கான விருதை தட்டிச்சென்றார் லூகா மோட்ரிச்


Recommended Posts

2018 ஆம் ஆண்டின் சிறந்த கால்பந்து வீரருக்கான விருதை தட்டிச்சென்றார் லூகா மோட்ரிச்

 
 
 

பிபாவின் சிறந்த வீரருக்கான விருதை தட்டிச்செல்ல ரொனால்டோ, முகமது சலா, லூகா மோட்ரிச் இடையே கடும் போட்டி நிலவிய நிலையில் 2018 ஆம் ஆண்டின் சிறந்த வீரராக லூகா மோட்ரிச் தேர்வு செய்யப்பட்டுள்ளார். #FIFA #LukaModric

 
 
 
 
2018 ஆம் ஆண்டின் சிறந்த கால்பந்து வீரருக்கான விருதை தட்டிச்சென்றார் லூகா மோட்ரிச்
 
லண்டன் :

2018 ஆம் ஆண்டின் சிறந்த வீரருக்கான பிபா விருது அறிவிக்கப்பட்டுள்ளது. இதில், பிபா சிறந்த வீரர் விருதுக்கு, குரோசியா அணியின் கேப்டன் லூகா மோட்ரிச் தேர்வு செய்யப்பட்டுள்ளார்.

சர்வதேச கால்பந்து சம்மேளனம் (FIFA) ஆண்டுதோறும் உலகின் சிறந்த கால்பந்து வீரரை தேர்வு செய்து சிறந்த வீரருக்கான விருதை வழங்கி வருகிறது.

அதன்படி, 2018-ம் ஆண்டிற்கான விருதை வழங்குவதற்காக 5 முறை பிபாவின் சிறந்த வீரர் விருது பெற்ற கிறிஸ்டியானோ ரொனால்டோ, லிவபர்பூல் அணிக்காக 43 கோல்கள் அடித்துள்ள முகமது சலா மற்றும் லூகா மோட்ரிச் ஆகிய மூவரும் இறுதி பட்டியலில் இடம் பெற்றிருந்தனர்.

இந்நிலையில், ரொனால்டோ மற்றும் முகமது சலா ஆகியோரை பின்னுக்கு தள்ளி 33 வயதான லூகா மோட்ரிச் 2018-ம் ஆண்டிற்கான உலகின் சிறந்த கால்பந்து வீரராக தேர்வு செய்யப்பட்டுள்ளார்.

ரஷியாவில் நடைபெற்ற உலக் கோப்பை கால்பந்து போட்டியில் முதல்முறையாக குரோசியா இறுதிப்போட்டிக்கு முன்னேறியது. இதற்கு கேப்டன் மோட்ரிச்சின் ஆட்டம் முக்கிய காரணமாக அமைந்தது. உலகக்கோப்பையில் சிறப்பான ஆட்டத்தை வெளிப்படுத்தியதால் தங்க கால்பந்து விருதும் அவருக்கு வழங்கப்பட்டது குறிப்பிடத்தக்கது.

பிரேசிலை சேர்ந்த மார்டா என்பவருக்கு சிறந்த பெண் வீராங்கனைக்கான பிபா விருது அறிவிக்கப்பட்டுள்ளது. #FIFA #LukaModric

https://www.maalaimalar.com/News/TopNews/2018/09/25060810/1193558/Modric-wins-FIFA-mens-player-of-the-year.vpf

Link to comment
Share on other sites

11 ஆண்டுகளாக மெஸ்ஸி, ரொனால்டோ கைகளில் மட்டுமே இருந்த விருது இன்று குரோசிய கேப்டன் கைகளில்..! #FIFA

 
 

ஃபிஃபா வழங்கும் `Men's player of the year' விருதை குரோஷியா கேப்டன் லூகா மோட்ரிச் வென்றுள்ளார். இந்த விருதின் மூலம், கடந்த 11 ஆண்டுகளில் உலகின் சிறந்த வீரர் விருதை மெஸ்ஸி, ரொனால்டோ தவிர்த்து வெல்லும் முதல் வீரர் என்ற மகத்தான சாதனையைப் படைத்துள்ளார். 

மோட்ரிச்

இந்த ஆண்டு நடைபெற்ற கால்பந்து உலகக் கோப்பை தொடரில் குரோஷிய அணியை இறுதிப் போட்டி வரை வழிநடத்திச் சென்று அனைவரின் கவனத்தையும் ஈர்த்தார் மோட்ரிச். நடுகளத்தில் சுழன்று அட்டாக், டிஃபன்ஸ் அனைத்துக்கும் பங்களித்து யாரும் எதிர்பாராத அணியை கோப்பைக்கு அருகிலேயே அழைத்துச் சென்றார். உலகக் கோப்பைத் தொடரின் சிறந்த வீரருக்கான `கோல்டன் பால்' விருதை வென்றதிலிருந்து தொடங்கியது மோட்ரிச்சின் விருதுப் பயணம். 

 

 

சர்வதேச அரங்கில் ஜொலித்ததற்காக மட்டும் அவருக்கு இந்த விருது வழங்கப்படவில்லை. சாம்பியன்ஸ் லீக் கோப்பையை மூன்றாவது முறையாக வென்ற ரியல் மாட்ரிட் அணிக்கு இவர் அளித்த பங்களிப்பு அசாத்தியமானது. கிளப் அளவிலும், சர்வதேச அளவிலும் தன் அணியை ஜொலிக்கவைக்க, இந்த விருதுக்கான போட்டியில் இருந்த கிறிஸ்டியானோ ரொனால்டோ, முகம்மது சலா இருவரையும் பின்னுக்குத்தள்ளி வெற்றி பெற்றுள்ளார் மோட்ரிச். 

மோட்ரிச்

கால்பந்து உலகில் எந்த விருது வழங்கப்பட்டாலும் அங்கு மெஸ்ஸி அல்லது ரொனால்டோவின் பெயர் இடம்பெற்றுவிடும். பல வீரர்கள் சிறப்பாகச் செயல்பட்டாலும், விருதுகள் அவர்கள் கைகளில்தாம் தவழும். அந்த இருவரின் ஆதிக்கத்துக்கு முற்றுப்புள்ளி வைத்துள்ளார் மோட்ரிச். சில வாரங்கள் முன்பு வழங்கப்பட்ட ஐரோப்பாவின் சிறந்த வீரர் விருதை வென்று அசத்தியவர், இப்போது உலகின் சிறந்த வீரர் விருதையும் வென்றுள்ளார். 

https://www.vikatan.com/news/sports/137960-luka-modric-won-fifa-mens-player-of-the-year-award.html

 

 

 

பிபா 2018-ம் ஆண்டின் சிறந்த கால்பந்து வீரராக ‘குரோஷியாவின் லூகா மாட்ரிச்’ தேர்வு

 

 
VBK-MODRIC

பிபாவின் இந்த ஆண்டு சிறந்த கால்பந்து வீரராக தேர்வு செய்து விருது பெற்ற குரோஷிய வீரர் லூகா மாட்ரிச்   -  படம்: ராய்டர்ஸ்

2018-ம் ஆண்டுக்கான பிபாவிந் சிறந்த கால்பந்து வீரராக குரோஷியாவின் லூகா மாட்ரித் சேர்வு செய்யப்பட்டு விருது வழங்கப்பட்டது. பிரேசில் வீராங்கனை மார்டா 6-வது முறையாகச் சிறந்த வீரராகத் தேர்வு செய்யப்பட்டு விருது வழங்கப்பட்டது.

ஒவ்வொரு ஆண்டும் உலகக் கால்பந்து சம்மேளனம் சர்வதேச அளவில் சிறந்த கால்பந்து வீரர்களைத் தேர்வு செய்து விருதுகளை வழங்கி வருகிறது. அந்த வகையில் இந்த ஆண்டு சிறந்த வீரர்களுக்கான தேர்வில் குரோஷிய வீரர் லூகா மாட்ரிச், போர்ச்சுக்கல் வீரர் கிறிஸ்டியானோ ரொனால்டோ, லயனோனல் மெஸ்ஸி, முகமது சலா ஆகியோருக்கு இடையே கடும் போட்டி நிலவியது.

 

இந்த போட்டியின் முடிவில், ரியல் மேட்ரிட் அணிக்காக விளையாடி வருபவரும், குரோஷிய அணியின் கேப்டனுமான லூகா மாட்ரிச் சிறந்த வீரராகத் தேர்வு செய்யப்பட்டார். லண்டனில் நேற்று நடந்த நிகழ்ச்சியில் பிபா சார்பில் அந்த விருது அவருக்கு வழங்கப்பட்டது.

ரியல்மாட்ரிட் அணி இந்த முறை சாம்பியன் லீக்கில் 4-வது முறையாக சாம்பியன் பட்டம் வென்றது அந்த அணியிலும் இடம் பெற்றிருந்த லூகா மாட்ரிச், உலகக்கோப்பைப் போட்டியிலும் குரோஷிய அணியை இறுதிப்போட்டி வரை முதல்முறையாக அழைத்துச் சென்றார். இந்தச் சாதனைக்காக லூகாவுக்கு இந்த விருது வழங்கப்பட்டது.

கடந்த 2008-ம் ஆண்டில் இருந்து பிபாவின் விருதுகளை லயோனல் மெஸ்ஸி, கிறிஸ்டியானோ ரொனால்டோ ஆகிய இருவர் மட்டுமே மாற்றி தலா 5 முறை விருதுகளை வென்று வந்தநிலையில், முதல் முறையாக லூகா மாட்ரிச் பெற்றுள்ளார்.

கால்பந்து விளையாட்டில் மிகச்சிறந்த வீரரான லயோனல் மெஸ்ஸி இந்த முறை சிறந்த வீரர்களுக்கான தேர்வுப்பட்டியலில் முதல் 3 இடங்களில் கூட இடம் பெறவில்லை. 2-வது இடத்தில் கிறிஸ்டியானோ ரொனால்டோவும், 3-வது இடத்தில்முகம்மது சலாவும் இடம் பெற்றனர்.

இந்த விருது குறித்து மோட்ரிச் கூறுகையில், ‘‘இந்தச் சிறப்பான மேடையில் இருந்து இந்த விருதினைப் பெறுவது பெருமையாக இருக்கிறது. இந்த விருது எனக்கானது அல்ல ரியல்மாட்ரிட், குரோஷிய அணி, எனது பயிற்சியாளர்கள் அனைவருக்குமானது’’ எனத் தெரிவித்தார்.

மகளிர்பிரிவில் பிரேசில் வீராங்கனை மார்டா சிறந்த வீராங்கனைக்கான விருதைப் பெற்றார்.இந்த சீசனில் 32 கோல்கள்வரை அடித்த முகமது சலா அதிகமான கோல்கள் அடித்த வீரருக்கான புகாஸ் விருதைப் பெற்றார்.

சிறந்த கோல்கீப்பருக்கான கோல்டன் குளோவ் விருதை பெல்ஜியம் நாட்டு கோல்கீப்பர் திபாட் கோர்டியஸ் பெற்றார். பேர்ப்ளே வீரருக்கான விருதை ஜெர்மனி அணியின் பார்வேர்டு வீரர் லென்னார்ட் பெற்றார்.

https://tamil.thehindu.com/sports/article25036200.ece

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • தோஷம் நீங்க கழுதைக்கு கலியாணம் கட்டி வைக்க கூடியவர் காசு வாங்கி கொண்டு யார் யாருக்கும் கட்டி வைக்கலாம்.திருமணம் செய்பவர்கள் அது அவரவர் இஷ்டம்.இதுல தூக்கி வைச்சு பாராட்டுற அளவிற்கு  என்ன சாதனை என்னு நானும் யோசிச்சு  யோசிச்சு பார்க்கிறேன் புரியுதில்லை.எதோ Elon musk ன் Spacex project ல் புது rocket design பண்ணினது போல,அல்லது கருந்துளையை கண்டறிந்தது போல, இல்லாவிட்டால் சரிந்திருந்த பொருளாதாரத்தை மீட்டெடுக்க புதிய பொருளாதார கொள்கையை அறிமுகப்படுத்தியது போல என்ன புர்ச்சி என்னு விளங்குதில்லை.கலாச்சாரம் என்றால் காலத்திற்கேற்ப சூழ்நிலைக்கேற்ப ஏற்கும் கருத்தியலுக்கு ஏற்ப மாறிக்கொண்டிருக்கும்.திருமணம் செய்பவர்கள் அது அவரவர் தனிப்பட்ட உணர்வு, முடிவு.இதுல சாதனை புர்ச்சி என்ன என்று தான் விளங்குதில்லை. இதற்கு புரட்சி முற்போக்கு வெங்காயம் என்று யாரும் சாயம் பூச வேண்டாம். யாரோ இருவர் தங்கள் விருப்பப்படி திருமணம் செய்கிறார்கள். அதை தங்கள் மத நம்பிக்கைக்கு ஏற்ப செய்வதாக எண்ணிக் கொள்கிறார்கள்.  முன்பு முகநூலில் ஒரு திருமணத்தில் பெண்ணுக்கு ஆணும், ஆணுக்கு பெண்ணும் தாலிகட்டி அதை புரட்சி என்று பீத்தி இருந்தார்கள். அந்த புரட்சியால் ஆதாயம் பெற்றது நகைகடைகாரர் மட்டுமே. ஒரு தாலிக்கு பதில் இரண்டு தாலி விற்றார்கள்.  அவர்கள் திருமணம் செய்வது இல்லை பிரச்சினை விசுகு சொன்னதுபோல் இவ்வாறானவற்றை தூக்கிவைத்து கொண்டாடி இதை ஒரு கலாச்சாரமாக மாற்றுவதுதான் இங்கு சுட்டிகாட்டப்பட்டு கண்டிக்கபட்டவேண்டியது.. சுவி அண்ணை சொன்னதுபோல் இதையெல்லாம் இரண்டு குலை போட்ட வாழை, நாலு கிளையுடன் நிக்கும் பனை என்று செய்தியாக பார்த்து கடந்து போக வேண்டும் அவ்வளவுதான்.. நீங்கள் போற்றவும் வேண்டாம் தூற்றவும் வேண்டாம் அவர்களைஅவர்கள் பாட்டுக்கு வாழவிடுங்கள்.. நம்ம தலைமுறையை நாம காப்பற்றிக்கொள்ளுவம்.. ஏற்கனவே அழிஞ்சு போன இனம்.. இனப்பெருக்கமும் இல்லாட்டி இருந்த தடமும் இல்லாமல் போயிடும்..
    • எனது சித்தப்பாவுடைய மகன் ஒருவன் அதாவது எனது தம்பி கனடாவில வாழ்கிறான் கனடாவில் அவன் சார்ந்த துறையில் கொஞ்சம் என்ன நல்ல பிரபல்யம் அவன் சார்ந்த துறையைக் குறிப்பிட்டல் கனடாவில வாழும் தமிழர்களில் அனேகர் உடனேயே கண்டுபிடித்துவிடுவினம் அதனால் நான் சொல்லவில்லை தவிர களவிதியும் இடம்கொடாது  அவனும் இப்போது கே ஆகத்தான் வாழ்கிறான் நிரந்தரமாக சோடி சேர்ந்து இருக்கிறாணோ இல்லை அடிக்கடி இபடியான கோஸ்டியளுடன் உறவாடுகிறாணோ தெரியாது  ஆனால் அவன் ஊரில இருக்கும்போதே இப்படியான தொடசல்கள் இருந்ததை நான் அறிவேன். யாழ்ப்பாணத்தில் பிரபல்யமான கோவில் உரிமையாளர் ஒருவரும் இந்த விடையத்தில் அதிக நாட்டமுள்ளவர். எனது நெருங்கிய நண்பன் ஒருவனும் அதேதான் அவனுக்கு ஒரு பெண்ணுடன் திருமணம் நடந்த்தது ஆனால் சரிப்பட்டு வரவில்லை இப்படியான பிரச்சனை என்றவுடன் மனைவி விட்டுப்பிரிந்து போய்விட்டார்.  திருமணம் நடந்தபின்பும் அவருக்கு ஒரு ஆண் நண்பர் ஒருவருடன் உறவு இருந்தது அவருக்கும் திருமணம் நடந்து அதுவும் சரிவரவில்லை இரண்டு பெண்களது வாழ்க்கையும் அப்படியே போய்விட்டது இறுதியில் எனது நண்பனது ஆண்துணையும் நோய்வாய்ப்பட்டு இளவயதிலேயே இறந்துவிட்டார். அண்மையில் யாழ்ப்பாணம் போகும்போதும் எனது நண்பனைச்சந்தித்தேன் அவருக்கு என்ன ராசியோ தெரியவில்லை இப்போதும் ஓரிருவருடன் சகவாசம் வைத்திருக்கிறர் என உணர்ந்தேன். இது அவரது தனிப்பட்ட விடையம் அதைத்தவிர்த்துவிட்டுப் பார்த்தால் குண இயல்புகளில் சுத்தத் தங்கம். பொய் பொறாமை ஏமாற்று சூது வஞ்சகம் எதுவுமே இல்லாதவர்.  போன இடத்தில் வாரும் ஐசே ஏதாவது சாப்பாட்டுக்கடையில சாப்பிடுவம் என அழைத்தல் வருவார் ஆனால் வெளிநாட்டிலிருந்து வந்திருக்கிறேன் என்பதற்காக என்னைச் செலவுசெய்ய விடமாட்டார்.  உண்மையாகச் சொல்லப்போனால் சந்டிக்கும்போது எனது கையைப்பர்த்ததாக எனக்கு நினைவே இல்லை. இப்போதும் அவர் எனக்கு நல்ல நண்பரே. அவருடன் பழகியதாலோ இல்லையோ எனக்கு இப்படியான செய்திகளை வாசிச்சாலோ கேள்விப்பட்டளோ மாறுதலான கருத்துகள் எதுவும் ஏற்படுவதில்லை.
    • இதற்கு காரணம் சில வேளை குறையுள்ள பிள்ளை பிறக்கலாம் என்கிறார்கள். நான் உட்பட எனது ஊரில் பல ஆயிரம் ஆண்டுகளாக நடைமுறையில் உள்ள விடயம் தான் இது. அப்படி யாரையும் நான் கண்டதில்லை. ஆனால் பிறக்கும் குழந்தைக்கு சிலவேளை குறையிருக்கலாம் என்பதற்காக அதை தடுக்கும் சட்டம் குழந்தையே பிறக்காத விடயத்துக்கு சட்ட சேவைகளை வழங்குகிறது?? கொஞ்சம் உறுத்தலாக இல்லையா?
    • வாழ்க்கை வெறுத்து போச்சா? சந்நிநாசம்போகலாமே?    இந்த அமைப்புகள் 10 வருடங்குக்கு மேலாக இயங்கி வருகின்றன. இது தெரியாமல் இருக்கும் நீங்கள் இலங்கைத் தமிழரின் வரலாற்றுக்கு புதியவராக வந்த புதினம் பார்க்கும் ஒருவராகவே இருக்கும் சாத்தியம் அதிகம்.
×
×
  • Create New...

Important Information

By using this site, you agree to our Terms of Use.