Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

தமிழ் அர­சியல் கைதி­களின் உண்­ணா­வி­ரதம் தொடர்­கி­றது


Recommended Posts

தமிழ் அர­சியல் கைதி­களின் உண்­ணா­வி­ரதம் தொடர்­கி­றது

 

(எம்.எப்.எம்.பஸீர்)

நிலை­மையை சட்ட மா அதி­ப­ருக்கு தெரி­ய­ப்ப­டுத்­தி­யுள்ளோம் என்­கிறார் சிறைச்­சா­லைகள் பேச்­சாளர் துஷார

அநு­ரா­த­புரம் சிறைச்­சா­லையில் தமிழ் அர­சியல் கைதி­களின் உண்­ணா­வி­ரத போராட்டம் நேற்று 11 ஆவது நாளா­கவும் தொடர்ந்து இடம்­பெற்­றது. இந் நிலையில் அர­சியல் கைதிகள் சிறைச்­சாலை உணவை புறக்­க­ணிக்கும், நிலையில் அவர்­க­ளது உடல் நிலை மற்றும் ஆரோக்­கியம் குறித்து விஷேட அவ­தானம் செலுத்­தப்­பட்­டுள்­ள­தா­கவும் உண்­ணா­வி­ர­தத்தில் ஈடு­பட்­டுள்ள தமிழ் அர­சியல் கைதி­களில் இரு­வ­ருக்கு தொடர்ந்தும் வைத்­தி­ய­சா­லையில் சிகிச்­சை­ய­ளிக்­கப்­பட்டு வரு­வ­தா­கவும் சிறைச்­சா­லைகள் ஊடகப் பேச்­சாளர் துஷார உப்­புல்­தெ­னிய கேச­ரி­யிடம் தெரி­வித்தார். 

 உண்­ணா­வி­ர­த­மி­ருக்கும் கைதிகள் தமது வழக்­கு­களை துரி­தப்­ப­டுத்­து­மாறு கோரிக்கை முன்­வைப்­ப­தாக கூறும் அவர், அது தொடர்பில் நீதி­மன்­றங்­க­ளிடம் அழுத்தம் பிர­யோ­கிக்கும் அதி­காரம் தமக்கு இல்லை எனவும், அதனால் கைதி­களின் கோரிக்­கையை தாம் சட்ட மா அதி­ப­ருக்கு தெரி­யப்­ப­டுத்­தி­யுள்­ள­தா­கவும் மேலும் தெரி­வித்தார்.

 இது தொடர்பில் சிறைச்­சா­லைகள் ஊடகப் பேச்­சாளர் துஷேர உப்­புல்­தெ­னிய தொடர்ந்தும் கருத்து தெரி­விக்­கையில்,

' குறித்த கைதிகள் தொடர்ந்தும் உணவை புறக்­க­ணிக்­கின்­றனர். அதனால் அவர்­க­ளது உடல் நிலை மோச­ம­டை­கின்­றது. எனவே எமது வைத்­தி­யர்கள் அவர்­களை பரி­சோ­தனை செய்து வரு­கின்­றனர். அவ­சியம் ஏர்­படும் போது அவர்­களை வைத்­தி­ய­சா­லை­யிலும் அனு­ம­தித்து சிகிச்­சை­ய­ளித்­துள்ளோம். தற்­போது இருவர் தொடர்ந்தும் வைத்­தி­ய­சா­லையில் உள்­ளனர்.

கைதி­களின் கோரிக்கை எமது அதி­கா­ரத்­துக்கு அப்பால் பட்டது. எம்மால் வழக்குகளை துரிதப்படுத்துமாறு நீதிமன்றங்களுக்கு அழுத்தம் கொடுக்க முடியாது. இந்த விடயம் குறித்து நாம் சட்ட மா அதிபருக்கு அரிவித்துள்ளோம். என்றார்.

http://epaper.virakesari.lk/newspaper/Daily/main/2018-09-25#page-1

Link to comment
Share on other sites

விசேட சலுகைகள் வழங்க முடியாது

city-1-blackGMGPage1Image0004-5856ef9be6f9600c7eeb867b428fe3f300bc3798.jpg

 

(இராஜதுரை ஹஷான்)

அரசியல் கைதிகளின் போராட்டம் தொடர்பில் நீதியமைச்சர் தலதா

பயங்கரவாத தடைச்சட்டத்தின் கீழ் கைது செய்யப்பட்டுள்ள தமிழ் அரசியல் கைதிகள்  தொடர்பில் தற்போது வழக்குகள் தாக்கல் செய்யப்பட்டுள்ளன. இவர்களின் விடுதலை  தொடர்பில் நீதிமன்றங்களே தீர்மானிக்க  வேண்டும். கைதிகள் உண்ணாவிரதப் போராட்  டத்தில் ஈடுபடுகின்றார்கள் என்பதற்காக விசேட சலுகைகளை வழங்க முடியாது என்று நீதி மற்றும் சிறைச்சாலைகள் மறுசீரமைப்பு அமைச்சர் தலதா அத்துக்கோரள தெரிவித்தார். 

தேசிய அரசாங்கத்தில்  நீதித்துறை சுயாதீனப்படுத்தப்பட்டுள்ளது. ஆகவே சட்டத்தின் முன்னிலையில் அனைவரும் சமமானவர்களே. அவ்விடயத்தில் அரசியல் கைதிகள் விதிவிலக்கல்ல எனவும் அவர் தெரிவித்தார். 

அநுராதபுரம் சிறைச்சாலையில் தமது விடுதலையை வலியுறுத்தி 8 தமிழ் அரசியல் கைதிகள் நேற்று 11 ஆவது நாளாக உண்ணாவிரதப் போராட்டத்தில் ஈடுபட்டுள்ளனர். இந்த அரசியல் கைதிகளின் போராட்டம் தொடர்பில் கேட்டபோதே நீதி அமைச்சர் தலதா அத்துகோரல இவ்வாறு தெரிவித்தார்.

இது குறித்து நீதி அமைச்சர் மேலும் குறிப்பிடுகையில்.

 கடந்த கால அரசாங்கத்தில் பயங்கரவாத தடைச்சட்டத்தின் கீழ் கைது செய்யப்பட்டு சிறையில் உள்ள தமிழ் அரசியல் கைதிகள் சிலர் பல கோரிக்கைகளை முன்வைத்து உண்ணாவிரத போராட்டத்தை முன்னெடுத்து வருகின்றனர். இவ்வாறான செயற்பாட்டின் காரணமாக எவ்வித மாற்றங்களும் ஏற்படாது.

 பயங்கரவாத தடைச்சட்டத்தின் கீழ் கைது செய்யப்பட்டுள்ள தமிழ் அரசியல் கைதிகள் விடயத்தில் தற்போது பாரிய மாற்றங்கள் ஏற்பட்டுள்ளது. கடந்த அரசாங்க காலத்தில் இவர்கள் தொடர்பில் எவ்வித வழக்குகளும் தாக்கல் செய்யப்படாமல் சந்தேகத்தின் பெயரில் தொடர்ந்தும் தடுத்துவைக்கப்பட்டிருந்தனர். ஆனால் தற்போது நிலைமை மாற்றமடைந்துள்ளது. இவர்கள் விடயத்தில் அரசாங்கம் முறையான சட்ட முறைகளையே பின்பற்றி வருகின்றது.

  உண்ணாவிரத போராட்டத்தில் ஈடுப்பட்டுள்ள கைதிகள் குறிப்பிடுவதை போன்று வழக்குகளை துரிதப்படுத்த முடியாது. அதற்கான சட்ட விதிமுறைகளுக்கு அமையவே செயற்பட முடியும். விசாரணைகள் தற்போது முன்னெடுக்கப்பட்டு வருகின்றன. இவர்களை நியாயமற்ற முறையில் தடுத்து வைக்க வேண்டிய எவ்வித அவசியமும் அரசாங்கத்திற்கு கிடையாது .இருப்பினும் அனைத்து விதமான விசாரணைகளின் முடிவில் நீதிமன்ற தீர்ப்பிற்கு அமைவாகவே இவர்கள் விடுதலை செய்யப்படுவார்களே தவிர உண்ணாவிரத போராட்டங்களினால் அல்ல என்ற விடயத்தை இவர்கள் புரிந்துக் கொள்ள வேண்டும் என்றார்.

http://epaper.virakesari.lk/newspaper/Daily/main/2018-09-25#page-1

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Popular Now

  • Topics

  • Posts

    • வீட்டில் "இந்தப்பூனையும் பால் குடிக்குமா" என்று இருக்கும் அந்நிய ஆண்களுடன் கண்டம் விட்டு கண்டம் பறந்து சென்று டேற்ரிங் பண்ணிட்டு வருகுதுகள்.....சில மாதங்களில் வேறுஒருத்தரை மணமுடிக்குதுகள்....! சகோதரங்களுக்குள்ளேயே விடாப்பிடியாய் நின்று மணமுடிக்குதுகள்....இப்படி நிறைய பார்த்து மனசு மரத்து போய் விட்டது......! மரத்துக்கும் மரத்துக்கும் கலியாணம், கழுதைக்கும் கழுதைக்கும் கலியாணம்,நாய்க்கும் மனுசனுக்கும் கலியாணம் என்றும் நிறைய பார்த்தாச்சுது.......! வாழ்த்துவதாய் இருந்தால் அது மனப்பூர்வமாய் இருக்க வேண்டும்...... அது முடியவில்லை....! இதையெல்லாம் இரண்டு குலை போட்ட வாழை, நாலு கிளையுடன் நிக்கும் பனை என்று செய்தியாக பார்த்து கடந்து போக வேண்டும்......அவ்வளவுதான்.......!  
    • (ஆர்.யசி)   பயங்கரவாத தடை சட்டம் முழுமையாக நீக்கப்பட வேண்டும், பயங்கரவாத தடை சட்டத்தின் கீழ் கைது செய்யப்பட்டுள்ள தமிழ் அரசியல் கைதிகள் சகலரும் விடுவிக்கப்பட வேண்டும் என்பதையும்,  அண்மைக் காலங்களில்  பயங்கரவாத தடை சட்டத்தின் கீழ் பல கைதுகள் இடம்பெற்றுள்ளமை, பொது மக்களின் காணி அபகரிப்பு, ஜனநாயக செயற்பாடுகள் அடக்கி ஒடுக்கப்பட்டுள்ளமை போன்ற பல்வேறு விடயங்களை இலங்கை வந்துள்ள ஐரோப்பிய ஒன்றிய கண்காணிப்பு குழுவிடம் தமிழ் தேசிய கூட்டமைப்பினர் எடுத்துக்கூறியுள்ளதுடன் சிறுபான்மை மக்களின் நீண்டகால உரிமைகளை பெற்றுக்கொள்ளும் ரீதியில் அரசாங்கத்திற்கு அழுத்தங்கொடுக்க ஜி.ஸ்.பி பிளஸ் சலுகையை நீக்குமாறும் கேட்டுக்கொண்டுள்ளனர்.       இலங்கையின் நிலைமைகளை நேரில் ஆய்வு செய்து இலங்கைக்கு ஜி.எஸ்.பி பிளஸ் வரிச்சலுகை வழங்க முடியுமா என்பது குறித்து ஆராயும் நோக்கில் இலங்கை வந்க்துள்ள  ஐவர் கொண்ட  ஐரோப்பிய ஒன்றிய குழுவினர் இன்று மாலை  தமிழ் தேசிய கூட்டமைப்பினருடன் கலந்துரையாடியிருந்தனர் . தமிழ் தேசிய கூட்டமைப்பின் தலைவர் ஆர்.சம்பந்தனின் கொழும்பு இல்லத்தில் மாலை 5.15 மணியளவில்  இந்த சந்திப்பு இடம்பெற்றிருந்தது.   இந்த சந்திப்பில் தலைவர் சம்பந்தனுடன் தமிழ் தேசிய கூட்டமைப்பின் ஊடகப்பேச்சாளரும் பாராளுமன்ற உறுப்பினருமான எம்.எ.சுமந்திரன்,இலங்கை தமிழரசு கட்சியின் தலைவர் மாவை சேனாதிராஜா,  தமிழ் தேசிய கூட்டமைப்பின் பங்காளிக்கட்சி தலைவர்களான ரெலோ தலைவர் செல்வம் அடைக்கலநாதன், புளொட் தலைவர் தர்மலிங்கம் சித்தார்த்தன், கூட்டமைப்பு பாராளுமன்ற உறுப்பினர்களான இராசமாணிக்கம் சாணக்கியன், கோவிந்தன் கருணாகரம் ஆகியோரும் சந்திப்பில் கலந்துகொண்டிருந்தனர். சந்திப்பு குறித்து கூட்டமைப்பின் ஊடகப்பேச்சாளரும் பாராளுமன்ற உறுப்பினருமான எம்.எ.சுமந்திரன் கூறுகையில், வருடா வருடம் அவர்களின் மீளாய்வு  குழுவினர் இலங்கை உள்ளிட்ட நாடுகளுக்கான விஜயத்தை மேற்கொண்டு நிலைமைகளை ஆராய்வது வழமையான ஒன்றாகும். அவ்வாறே இம்முறையும் அவர்களின் கண்காணிப்புக்குழு இலங்கை வந்துள்ளதுடன் தமிழ் மக்களின் பிரதிநிதிகள் என்ற விதத்தில் எம்முடனும் அவர்கள் கலந்துரையாடி தமிழர் தரப்பின் பிரச்சினைகள் மற்றும் நிகழ்கால அரசியல் செயற்பாடுகள், வடக்கு கிழக்கு மக்களின் பிரச்சினைகள் குறித்தும், தற்போது நாட்டில் காணப்படும் மனித உரிமை செயற்பாடுகள், நல்லிணக்க முயற்சிகள், ஜனநாயகத்திற்கு எவ்வாறான சவால்கள் ஏற்பட்டுள்ளன, சிறுபான்மை மக்கள் எதிர்கொள்ளும் சவால்கள் நெருக்கடி நிலைமைகள் குறித்து ஒவ்வொன்றாக எம்மிடம் கேட்டறிந்து கொண்டனர், இதே வேளையில் பயங்கரவாத பயங்கரவாத தடை சட்டம் நீக்கப்பட வேண்டியதன் தேவை குறித்து நாம் எடுத்துக் கூறினோம். குறிப்பாக தற்போது நடைமுறையில் உள்ள பயங்கரவாத தடை சட்டம் முழுமையாக நீக்கப்பட வேண்டும், அதேபோல் பயங்கரவாத தடை சட்டத்தின் கீழ் கைது செய்யப்பட்டுள்ள தமிழ் அரசியல் கைதிகள் சகலரும் விடுவிக்கப்பட வேண்டும். நீண்ட காலமாக இவர்கள் தடுத்து வைக்கப்பட்டுள்ளனர். அத்துடன் அண்மைய கால செயற்பாடுகளின் போதும் பயங்கரவாத தடை சட்டத்தின் கீழ் பல கைதுகள் இடம்பெற்றுள்ளன. இவற்றையெல்லாம் நாம் அவர்களிடத்தில் எடுத்துக் கூறியுள்ளோம், தேசிய பாதுகாப்பு விடயங்களை போலவே ஜனநாயகமும் பாதிக்கப்படக்கூடாது என்பது கவனிக்கப்பட வேண்டிய முக்கிய விடயமாகும். அவ்வாறு இருக்கையில் அப்பாவி பொதுமக்கள் பயங்கரவாத தடை சட்டத்தின் கீழ் கைது செய்யப்படுவது மிக மோசமான செயற்பாடு என்பதை நாமும் எடுத்துக்கூறினோம் மேலும் நாட்டில் இடம்பெறும் நில ஆக்கிமிப்பு செயற்பாடுகள் குறித்தும் இராணுவத்தின் மூலமாக மேற்கொள்ளப்படும் நில ஆக்கிரமிப்பு செயற்பாடுகள் குறித்தும் எடுத்துக்கூறினோம். வடக்கு கிழக்கில் இதுவரை இடம்பெற்றுள்ள ஆகிரமிப்பு செயற்பாடுகள், தமிழ் பேசும் மக்களின் காணிகள்  எவ்வாறு எப்போது ஆக்கிரமிக்கப்பட்டுள்ளது என்ற ஆதாரங்களுடன் நாம் உரிய காரணிகளை எடுத்துக்கூறியுள்ளோம். நீண்டகால அரசியல் தீர்வு விடயங்களில் எமது எதிர்பார்ப்பு என்னவென்பதை கூறியுள்ளோம், தமிழ் மக்க்களின் நீண்டகால அபிலாசைகள் ,சுய உரிமைகளை, கௌரவத்தை உறுதிபடுத்தும் புதிய அரசியல் அமைப்பு உருவாக்கப்பட வேண்டும். இதுவரை காலமாக எமக்கான சம உரிமைகள் நிராகரிக்கப்பட்டதன் விளைவாக தமிழ் மக்கள் பலவற்றை இழந்துள்ளோம். அதற்கான நியாயம் கேட்டு இன்று நாம் போராடிக்கொண்டு உள்ளோம். தேசிய ரீதியிலான எந்தவித முன்னேற்றகரமான நகர்வுகளும் அவதானிக்க முடியாத காரணத்தினால் தான் நாம் சர்வதேச தரப்பை நம்பி செயற்பட வேண்டிய நிலைக்கு தள்ளப்பட்டுளோம். ஆகவே தமிழ் மக்களின் உரிமைகள், சுய கௌரவம், சமத்துவம் மொழி உரிமைகள் உறுதிப்படுத்தும் புதிய அரசியல் அமைப்பு உருவாக்கப்பட வேண்டும் என்பதையும் நாம் வலியுறுத்தியதுடன், சர்வதேச ரீதியில் அவர்களின் ஒத்துபைப்பையும் நாம் கேட்டுக்கொண்டும். மேலும், ஜி.எஸ்.பி பிளஸ் சலுகை குறித்து கலந்துரையாடப்பட்டது. இலங்கைக்கு ஜி.எஸ்.பி பிளஸ் சலுகை இல்லாமால் போனால் நாடாக சகலருக்கும் அதில் பாதிப்பு ஏற்படும். ஒட்டுமொத்த நாட்டின் பொருளாதரத்தைத்தையும் அது பாதிக்கும். ஆகவே அதற்கு நாம் விரும்பாது போனாலும் கூட, எமது மக்களுக்கான உரிமைகளை, அந்தஸ்தை  பெற்றுக்கொள்ளவும், நீண்டகால முரண்பாடுகளுக்கான தீர்வுகளை பெற்றுக்கொள்ளவும் எந்த வகையிலேனும் அழுத்தங்களை பிரயோகித்து எமது இலக்கை அடைய வேண்டியுள்ளது என்பது வெளிப்படையாகவே நாம் தெரிவித்துள்ளோம். ஆகவே நாட்டில் இல்லாது போயுள்ள மனித உரிமைகளை பெற்றுக்கொள்ளவும், சிறுபான்மை மக்களை இலக்குவைத்து பாயும் சட்டங்களிய நீக்கிக்கொள்ளவும் அதற்கான வழியில் அரசாங்கத்தை இயங்க வைக்கும் நோக்கத்தில் ஜி.எஸ்,பி பிளஸ் சலுகையை ரத்து செய்யுமாறும் நாம் ஐரோப்பிய ஒன்றிய விசேட  குழுவிடம் கேட்டுக்கொண்டுள்ளோம். தமிழ் மக்களுக்கு எதிரான செயற்பாடுகள், மற்றும் அண்மைக்கால மனித உரிமை மீறகள் குறித்து அவர்கள் அறிந்திருந்த விடயங்களை ஒவ்வொன்றாக அவர்கள் எம்மிடம் கேட்டறிந்துகொண்டனர். சுமார் ஒரு மணிநேரம் இந்த கலந்துரையாடல் இடம்பெற்றது. ஏனைய எதிர்க்கட்சி தரப்பினருடனும் அவர்கள் காலையில் இருந்து பேச்சுவாரத்தைகளை முன்னெடுத்துள்ள நிலையில் சகல தரப்பின் காரணிகளையும் அவர்கள் கருத்தில் கொண்டுள்ளனர். நாளைய தினம் (இன்று) அரசாங்கத்துடன் அவர்கள் பேச்சுவார்த்தைகளை முன்னெடுக்கவுள்ள நிலையில் நாம் முன்வைத்துள்ள சகல காரணிகளையும் அரச தரப்பிடம் கூறி அதன் பின்னர் அவர்களின் நிலைப்பாட்டையும், தாம் சேகரித்துள்ள காரணிகளையும் தமது அறிக்கையில் முன்வைப்பதாகவும் நாம் கூறியுள்ள காரணிகளையும் குறித்த அறிக்கையில் இணைப்பதாகவும் கூறியுள்ளனர் என்றார். ஐரோப்பிய ஒன்றிய கண்காணிப்பு குழுவிடம் தமிழ் தேசிய கூட்டமைப்பினர் விடுத்துள்ள கோரிக்கை | Virakesari.lk
    • நீங்கள் இருவரும் சொல்வதில் ஒன்றுடன் உடன்படுகிறேன்.  மேற்குலகை பொறுத்தவரை ஹோமோசெக்சுவாலிட்டி இப்போ ஒரு settled matter சட்டரீதியாகவேனும். இப்போ இங்கே பேசு பொருள் gender dysphoria, ஆண்/பெண்ணாக மாறுவது, எந்த வயதில் ஆப்பரேசன் செய்யலாம், அது சம்பந்தமான உரிமைகள் பற்றியே. இப்போ யார் பெண் என்பதே இங்கே பேசுபொருளாக இருக்கிறது. Women v trans women, are trans women, women ? இவைதான் இங்கே பேசப்படுகிறன.
    • நடந்த நிகழ்ச்சிக்கும் இங்கு வாழ்த்துக்கள் கூறியவர்களுக்கும் எந்த சம்பந்தமில்லை நாங்கள் வாழ்த்தவிட்டாலும். எதிர்காலத்தில் இப்படி நடைபெறும்...இருந்தும் வாழ்த்தியது  ஒரு ஊக்குவிப்பு என்பதை எற்றுக்கொள்கிறேன்.  ஆனாலும் வாழ்த்துவதைவிட வேறு வழி இல்லை 
    • Free யா விடுங்க பங்கு 😀. வரலாறு என்பது காட்டாறு, அதை தடுக்க முடியாது.  இந்த வரைவிலக்கணம் நாட்டுக்கு நாடு வேறுபடும். யூகேயில் ஆணும்-ஆணும், பெண்ணும்-பெண்ணும் சிவில் திருமணம் செய்யலாம்.
×
×
  • Create New...

Important Information

By using this site, you agree to our Terms of Use.