Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

ஐ.நா வில் ட்ரம்ப் அதிரடி முடிவு


Recommended Posts

ஐ.நா வில் ட்ரம்ப் அதிரடி முடிவு

 

 
 

தனது நாட்டுடன் நட்பு பாராட்டும் மற்றும் மதிப்பளிக்கும் நாடுகளுக்கு மட்டுமே அமெரிக்கா  நிதியுதவி வழங்குமென அந்நாட்டு ஜனாதிபதி டொனால்ட் ட்ரம்ப் தெரிவித்துள்ளார்.

tramp3.jpg

ஐக்கிய நாடுகள் அமைப்பின் 73 ஆவது பொதுச்சபை கூட்டத் தொடரின் பிரதான அமர்வு இலங்கை நேரப்படி இன்று  பிற்பகல் நியூயோர்க் நகரிலுள்ள ஐ நா தலைமையகத்தில் ஆரம்பமானது.

முழு உலகும் எதிர்பார்த்துள்ள ஐக்கிய நாடுகள் சபையின் இவ்வருட பொதுச்சபை கூட்டத்தொடர் “ஐக்கிய நாடுகள் சபையை சகல மக்களுக்கும் அணுகச் செய்தல், நீதியும் அமைதியும் பேண்தகு தன்மையும் கொண்ட சமூகத்திற்கான உலகளாவிய தலைமைத்துவத்தின் ஒன்றிணைந்த பொறுப்பு” எனும் தொனிப்பொருளில் இடம்பெறுகின்றது.

இந்நிலையில் குறித்த நிகழ்வில் பங்கேற்ற ஐக்கிய அமெரிக்க ஜனாதிபதி டொனால்ட் ட்ரம்ப் உரையாற்றுகையிலேயே மேற்கண்டவாறு தெரிவித்துள்ளார்.

"சோஷலிஸம், உலகமயமாதல் என்பன தோற்றுவிட்டன. இனி உலக நாடுகளுக்கு இலவச நன்கொடை தரமாட்டோம். எந்த நாட்டு பாதுகாப்பையும் பொறுப்பெடுக்கவும்  மாட்டோம். அனைத்தையும், அமெரிக்க நலனை முன்நிறுத்தியே தீர்மானிப்போம்".

ஐக்கிய அமெரிக்காவோடு எந்தெந்த நாடுகள் மதிப்பளித்து நடக்குமோ எந்த நாடுகள் தமது நாட்டுடன் நட்பு பாராட்டி செயற்படுமோ அந்த நாடுகளுக்கு மாத்திரமே ஐக்கிய அமெரிக்கா நிதியுதவிகளை வழங்கும் எனத் தெரிவித்தார்.

தற்போது அனைத்து நாடுகளிடத்திளும் பொருளாதார மற்றும் நிதிநெருக்கடிகளை ஏற்படுத்தி வருவதில் ஐக்கிய அமெரிக்கா தீவிரம் காட்டி வருகிறது.

இந்நிலையில் அதன் அடுத்தக் கட்டமாக குறித்த நடவடிக்கையை அமெரிக்கா மேற்கொண்டுள்ளது. இதன் காரணமாக பல உலக நாடுகள் பாதிப்புக்குள்ளாக உள்ளமை குறிப்பிடத்தக்க விடயமாகும்.

http://www.virakesari.lk/article/41166

Link to comment
Share on other sites

ஐ.நா.வின் 73 ஆவது பொதுச் சபை கூட்டத்தொடரின் பிரதான அமர்வு ஆரம்பம்

 

 
 

ஐக்கிய நாடுகள் அமைப்பின் 73 ஆவது பொதுச்சபை கூட்டத் தொடரின் பிரதான அமர்வு இலங்கை இன்று பிற்பகல் நியூயோர்க் நகரிலுள்ள ஐ நா தலைமையகத்தில் ஆரம்பமானது.

un1.jpg

முழு உலகும் எதிர்பார்த்துள்ள ஐக்கிய நாடுகள் சபையின் இவ்வருட பொதுச்சபை கூட்டத்தொடர் “ஐக்கிய நாடுகள் சபையை சகல மக்களுக்கும் அணுகச் செய்தல், நீதியும் அமைதியும் பேண்தகு தன்மையும் கொண்ட சமூகத்திற்கான உலகளாவிய தலைமைத்துவத்தின் ஒன்றிணைந்த பொறுப்பு” எனும் தொனிப்பொருளில் இடம்பெறுகின்றது.

இந்த பிரதான அமர்வில் ஐக்கிய அமெரிக்க ஜனாதிபதி டொனால்ட் ட்ரம்ப் உள்ளிட்ட சர்வதேச நாடுகளின் அரச தலைவர்களுடன், ஜனாதிபதி மைத்ரிபால சிறிசேனவும் இணைந்து கொண்டுள்ளார்.

un2.jpg

அமைச்சர்களான திலக் மாரப்பன, ராஜித சேனாரத்ன, மனோ கணேசன் மற்றும் பாட்டலி சம்பிக ரணவக்க ஆகியோரும் இலங்கையின் பிரதிநிதிகளாக கூட்டத்தொடரில் பங்குபற்றியுள்ளனர்

http://www.virakesari.lk/article/41167

Link to comment
Share on other sites

ஐ.நா.வில் டிரம்ப்: "லட்சக்கணக்கான மக்களை வறுமையில் இருந்து மீட்டுள்ளது இந்தியா"

ஐ.நா. பொதுச் சபையில் பேசிய அமெரிக்க அதிபர் டொனால்டு டிரம்ப்.படத்தின் காப்புரிமைSPENCER PLATT/GETTY IMAGES Image captionஐ.நா. பொதுச் சபையில் பேசிய அமெரிக்க அதிபர் டொனால்டு டிரம்ப்.

பல லட்சக்கணக்கான மக்களை வறுமையில் இருந்து மீட்டு நடுத்தர வர்க்கமாக மாற்றியிருப்பதாக இந்தியாவைப் புகழ்ந்தார் அமெரிக்க அதிபர் டொனால்டு டிரம்ப்.

நியூயார்க் நகரில் நடைபெறும் ஐ.நா. பொதுச் சபையின் 73-வது கூட்டத்தில் செவ்வாய்க்கிழமை பேசிய அவர் இவ்வாறு கூறினார்.

மத்திய கிழக்கு முழுவதிலும் குழப்பம், மரணம், அழிவு ஆகியவற்றை விளைவிப்பதாக இரானை அவர் குற்றம் சாட்டினார்.

இரானுடன் வல்லரசுகள் செய்துகொண்ட அணு ஒப்பந்தத்தை அமெரிக்கா முறித்துக் கொண்டதை அவர் நியாயப்படுத்திப் பேசினார். அமெரிக்க வரலாற்றில் வேறு எந்த நிர்வாகத்தைக் காட்டிலும் தமது தலைமையிலான நிர்வாகம் நிறைய சாதித்துள்ளதாக அவர் கூறினார்.

அவர் இதைக் கூறியபோது சபையில் இருந்த பலரும் சிரித்துவிட்டனர். இதற்குப் பதிலாக தாமும் சிரித்த டிரம்ப், தாம் இப்படிப்பட்ட எதிர்வினையை எதிர்பார்க்கவில்லை என்றார்.

அமெரிக்கா முன்னெப்போதையும்விட வலுவாக, வசதியாக, பாதுகாப்பாக இருப்பதாக அவர் குறிப்பிட்டார்.

டிரம்ப்படத்தின் காப்புரிமைJOHN MOORE/GETTY IMAGES Image captionடிரம்ப்

வட கொரியாவுடன் அமெரிக்கா தமது உறவை மேம்படுத்திக்கொண்டதையும், சீனாவுடனான வணிக உறவில் கடுமை காட்டியதையும் அவர் சரி என்று வாதிட்டார்.

தமது சொந்தப் பாதையை தேர்ந்தெடுத்துக்கொள்ள அமெரிக்காவுக்கு உள்ள உரிமையைப் பற்றி அவர் வலியுறுத்திப் பேசியது, அவரது பேச்சின் முக்கிய சாரங்களில் ஒன்று.

"இந்த கூட்டத்தில் பங்கேற்றுள்ள உள்ள ஒவ்வொரு நாட்டுக்கும் தமது சொந்த பழக்க வழக்கங்களை, நம்பிக்கைகளை, பாரம்பரியங்களை தொடர்வதற்கு உள்ள உரிமையை நான் மதிக்கிறேன். எப்படி வாழ்வது, வேலை செய்வது, வழிபடுவது என்பது குறித்து அமெரிக்கா உங்களுக்கு சொல்லாது. அதற்குப் பதிலாக எங்கள் இறையாண்மையை மதிக்கும்படி உங்களைக் கோருகிறேன்," என்று அவர் குறிப்பிட்டார்.

இரான் பற்றி...

அண்டை நாடுகளையோ, எல்லைகளையோ, நாடுகளின் இறையாண்மையையோ இரான் மதிப்பதில்லை. ஆனால், இராக்கின் தலைவர்கள் அந்நாட்டின் செல்வத்தை கொள்ளையடித்து அதை தம்மை வளப்படுத்திக் கொள்ளவும், மத்தியக் கிழக்கிலும் அதற்கப்பாலும் வன்முறை பரப்பவும் பயன்படுத்திக்கொள்கின்றனர் என்றார்.

இரான் மீது அமெரிக்கா மீண்டும் தடைகள் விதித்ததை மத்தியக் கிழக்கில் உள்ள மற்ற நாடுகள் ஆதரிக்கின்றன என்றார் டிரம்ப்.

வட கொரியா பற்றி...

சிங்கப்பூரில் நடந்த வடகொரியத் தலைவர் கிம் ஜோங்-உன் உடனான சந்திப்பு சில மாதங்கள் முன்புவரை நினைத்துப் பார்த்திராத மாற்றங்களை கொண்டுவந்ததாக அவர் தெரிவித்தார்.

வட கொரிய ஏவுகணைகள் நாலாபுறமும் பறப்பதும் அந்நாட்டின் அணு ஆயுதச் சோதனைகளும் நின்றுபோயுள்ளன. பல நாடுகளின் ஒத்துழைப்புடன் வட கொரியாவுடன் மோதல் போக்கை மாற்றி துணிச்சலான, புதிய அமைதிக்கான முயற்சியை எடுத்திருப்பதாகவும் அவர் குறிப்பிட்டார்.

https://www.bbc.com/tamil/global-45643693

Link to comment
Share on other sites

  • கருத்துக்கள உறவுகள்
3 hours ago, நவீனன் said:

இரானுடன் வல்லரசுகள் செய்துகொண்ட அணு ஒப்பந்தத்தை அமெரிக்கா முறித்துக் கொண்டதை அவர் நியாயப்படுத்திப் பேசினார். அமெரிக்க வரலாற்றில் வேறு எந்த நிர்வாகத்தைக் காட்டிலும் தமது தலைமையிலான நிர்வாகம் நிறைய சாதித்துள்ளதாக அவர் கூறினார்.

அவர் இதைக் கூறியபோது சபையில் இருந்த பலரும் சிரித்துவிட்டனர். இதற்குப் பதிலாக தாமும் சிரித்த டிரம்ப், தாம் இப்படிப்பட்ட எதிர்வினையை எதிர்பார்க்கவில்லை என்றார்.

:grin:      :grin:     :grin:     :grin:     :grin:

Link to comment
Share on other sites

Archived

This topic is now archived and is closed to further replies.

×
×
  • Create New...

Important Information

By using this site, you agree to our Terms of Use.