உலக நடப்பு......’16 வயதில் பாலியல் வல்லுறவுக்கு உள்ளானேன்’: தொலைக்காட்சி தொகுப்பாளர்

[நவீனன்]

’16 வயதில் பாலியல் வல்லுறவுக்கு உள்ளானேன்’: தொலைக்காட்சி தொகுப்பாளர்

• பகிர்க

கடந்த சில மணி நேரங்களில் நிகழ்ந்த உலக நடப்புகளில் சிலவற்றை தொகுத்து வழங்குகிறோம்.

16 வயதில் பாலியல் வல்லுறவு

படத்தின் காப்புரிமைAXELLE/BAUER-GRIFFIN/GETTY

நான் 16 வயதில் பாலியல் வல்லுறவுக்கு உள்ளானேன் என அமெரிக்க தொகுப்பாளர் பத்மா லட்சுமி தெரிவித்துள்ளார். நாற்பத்து எட்டு வயதான பத்மா நியூயார்க் டைம்ஸ் நாளிதழுக்கு எழுதிய கட்டுரையில் ஒரு புத்தாண்டு தினத்தன்று தன் நண்பரால் பாலியல் வல்லுறவுக்கு உள்ளானதாக தெரிவித்துள்ளார். அண்மையில் அமெரிக்க அதிபர் டொனால்ட் டிரம்ப் நீதிபதிகள் மீது பாலியல் குற்றச்சாட்டு சுமத்திய இரண்டு பெண்கள் குறித்து சந்தேகத்தை எழுப்பி இருந்தார். இது குறித்து பத்மா எழுதிய கட்டுரையில் தனக்கு நிகழ்ந்த நிகழ்வை சுட்டிக்காட்டி உள்ளார்.

தந்தைக்கு சிறை

படத்தின் காப்புரிமைFACEBOOK

பாரீஸ் நகர் ஒன்றில் பால்கனியிலிருந்து மீட்கப்பட்ட குழந்தையின் தந்தைக்கு மூன்று மாதங்கள் சிறை தண்டனை விதித்து நீதிமன்றம் தீர்ப்பளித்துள்ளது. பால்கனியில் தொங்கிக் கொண்டிருந்த அந்த குழந்தை குடியேறி ஒருவரால் மீட்கப்பட்டது. ஸ்பைடர்மேன் போல கட்டடத்தில் ஏறி அவர் அந்த குழந்தையை மீட்டார். அதற்காக அவர் பலராலும் பாரட்டப்பட்டார். பிரான்ஸ் நாட்டு குடியுரிமையும் அவருக்கு வழங்கப்பட்டது. குழந்தையின் தந்தை முறையாக குழந்தையை பராமரிக்கவில்லை என்று கூறிய நீதிமன்றம், அவர் 'பெற்றோர் கடமை'-க்கான பயிற்சி எடுக்க வேண்டும் என்றும் கூறி உள்ளது.

• இந்தியாவில் தமிழ் - இந்தி; மொழி அரசியல் ஆதிக்கம் செலுத்திய உலக நாடுகள்
• 'சிந்துச் சமவெளி விட்ட இடமும் சங்க இலக்கியம் தொட்ட இடமும் ஒன்றே'

புனித நகரங்களை இணைக்கும் ரயில்

படத்தின் காப்புரிமைREUTERS

செளதி அரசர் சல்மான் புனித நகரங்களை இணக்கும் அதிக வேக ரயிலை தொடங்கி வைத்தார். இந்த ரயிலானது மெக்கா மதினா ஆகிய நகரங்களை இணைக்கிறது. இந்த ரயில் திட்டத்தின் மதிப்பு 6.7 பில்லியன் டாலர்கள். மணிக்கு 300 கி.மீ வேகத்தில் இந்த ரயில் செல்லும் .

சுட்டுக் கொலை

படத்தின் காப்புரிமைAL-WEED AL-ALAIAMI FOR HUMAN RIGHTS

இராக் மனித உரிமை பெண் செயற்பாட்டாளர் சுட்டுக் கொல்லப்பட்டுள்ளார் . அரசாங்கத்திற்கு எதிராக கடுமையான போராட்டங்கள் நடந்துவரும் பாஸ்ரா நகரத்தில் இந்த சம்பவமானது நிகழ்ந்துள்ளது. இந்த சம்பவம் தொடர்பாக வெளியிடப்பட்டுள்ள காணொளியில், செளதா அல் அலி ஒரு சூப்பர்மார்க்கெட் அருகே தனது வாகனத்தில் ஏறும் போது அடையாளம் தெரியாத நபர்களால் சுடப்படுகிறார்,

கைதான சீன உளவாளி

படத்தின் காப்புரிமைGETTY IMAGES

சீனாவை சேர்ந்த ஒருவர் அமெரிக்க பொறியாளர்கள் மற்றும் விஞ்ஞானிகளை சீனாவின் சார்பில் உளவுப் பார்த்ததாக கைது செய்யப்பட்டுள்ளார் என அமெரிக்க விசாரணை அதிகாரிகள் தெரிவித்துள்ளனர்.

சட்ட விரோத உளவாளியாக செயல்பட்டதாக 27 வயதாகும் ஜு ஷாக்குவான் சிகாகோவில் கைது செய்யப்பட்டார் என அமெரிக்க அட்டார்னி அலுவலகம் தெரிவித்துள்ளது.

மின் பொறியியல் படிப்பதற்காக 2013ஆம் ஆண்டு அமெரிக்கா வந்துள்ளார் ஷாக்குவான். 2016ஆம் ஆண்டு அமெரிக்க ராணுவத்தில் அவரின் பெயர் சேர்க்கப்பட்டுள்ளது.

சிகாகோ நீதிமன்றத்தில் பதிவான குற்றவியல் புகாரின்படி ஷக்குவான் ஜி உயர்மட்ட உளவுத்துறை அதிகாரி ஒருவருக்கு பணி புரிந்ததாக குற்றம் சுமத்தப்படுகிறது.

https://www.bbc.com/tamil/global-45648479