Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

கிழக்கு அரசியல், பல்கலைக்கழக காதல்?


Recommended Posts

கிழக்கு அரசியல், பல்கலைக்கழக காதல்?
 

-அதிரன்

பல்கலைக்கழகத்தில் கற்கும் காலத்தில், ஒரு பெண்ணுடன், பல பெண்களுடன் பழகுவோம். அந்தப்பெண்களைத்தான் வாழ்நாள் துணையாக தொடருவோம் என்றில்லை.  இதேபோலத்தான், இன்றைய கால அரசியல் கட்சிகளின் இணைவும் தேர்தல் கூட்டுகளும் ஆட்சிக் கூட்டுகளுமா என்ற கேள்விக்குப் பதில் தேடத்தான் வேண்டும்.

வாக்குறுதிகளை நம்பி, போராட்டங்களை நடத்துவதும் கைவிடுவதும் நடந்து கொண்டு தான் இருக்கின்றன. நல்லாட்சி அரசாங்கம் வருவதற்கு முன்னர், கொடுக்கப்பட்ட வாக்குறுதிகளை நிறைவேற்றிக் கொண்டதா என்ற கேள்வி எல்லோருடைய மனங்களிலும் வரத் தொடங்கியிருக்கிறது. 

இந்நிலையில் தான் மாகாண சபைத் தேர்தல், ஜனாதிபதித் தேர்தல், நாடாளுமன்றத் தேர்தல், ஆட்சிக்கலைப்பு, புதிய ஆட்சி என்ற கோர்வையான விடயங்கள் இருந்து கொண்டிருக்கின்றன.

யாரைக் கேட்டாலும் அரசியல், அதிகாரம், இருப்பு என்பவற்றைப் பற்றியதாகவே அரசியல் வட்டாரங்களில் பேச்சுகள் நடந்து கொண்டிக்கையில், தமிழ்க் கட்சிகள் அனைத்தும் எதிர்வரும் மாகாண சபைத் தேர்தலில், ஒரு பொதுச் சின்னத்தில், தேர்தலில் களமிறங்கி, தமிழ் மக்களின் அதியுச்ச வாக்குகளைப் பெற்று, மாகாண சபையில் அதிகூடிய தமிழர் பிரதிநிதித்துவத்தைப் பெறுவதற்காகப் அனைத்து தமிழ் கட்சிகளும் ஒன்று சேர்ந்து, கிழக்கு மாகாணத்தில் போட்டியிடவேண்டும் என்று, கிழக்குத் தமிழர் ஒன்றியத்தின் ஏற்பாட்டில், முயற்சிகள் நடைபெற்று வருகின்றன.

கிழக்கின், மட்டக்களப்பில் ஆரம்பிக்கப்பட்டு, திருகோணமலை, அம்பாறை என்று பரந்து செயற்பட ஆரம்பித்திருக்கும் கிழக்குத் தமிழர் ஒன்றியத்தின் அனைத்துக் கட்சிகளுடனான சந்திப்பொன்று கடந்த மாதத்தில் நடைபெற்றிருந்தது.

இக்கலந்துரையாடலில் அறிவிக்கப்பட்ட கட்சிகளில் அகில இலங்கை தமிழ்க் காங்கிரஸ் தவிர்ந்த இலங்கைத் தமிழசுக் கட்சி, டெலோ, புளொட், தமிழ் மக்கள் விடுதலைப் புலிகள், தமிழர் விடுதலைக் கூட்டணி, ஈ.பி.ஆர்.எல்.எப், ஈரோஸ், ஈ.பி.டி.பி, தமிழர் ஐக்கிய சுதந்திர முன்னணி, தமிழர் சமூக ஜனநாயகக் கட்சி போன்ற கட்சிகளின் பிரதிநிதிகள் கலந்துகொண்டிருந்தனர்.

கிழக்குத் தமிழர் ஒன்றியத்தின் செயற்பாடு, அதன் குறிக்கோள், தீர்மானங்கள் என்பன கட்சிப் பிரதிநிதிகளுக்குத் தெளிவுபடுத்தப்பட்டன. ஒவ்வொரு கட்சிப் பிரதிநிதிகளினதும் கருத்துப் பரிமாறல்கள் நடைபெற்று, இறுதியில் ஒரு புரிந்துணர்வு உடன்படிக்கை தயாரித்து, அதன் பிரகாரம் கட்சிகளின் நிலைப்பாடுகளை இனங்கண்டு, இறுதி முடிவுக்கு வருவது என்று தீர்மானிக்கப்பட்டது.

முரண்பாடுகளுக்குள்ளும் உடன்பாடு காணும் முயற்சியாகக் கொள்கைகள், கோட்பாடுகள், சித்தாந்தங்கள், கருத்தியல்கள், கட்சிகள், சின்னங்கள் எல்லாமே மக்களுக்காகத்தான் என்ற அடிப்படையில், கட்சித்தலைவர்களுக்கு அத்தகைய மனப்பக்குவம் ஏற்பட வேண்டும் என்பதாகவே அனைத்துமே நடந்து கொண்டிருக்கின்றன.

கிழக்குமாகாணத்தில் இன்று நிலவும் அரசியல் களநிலைவரத்தின் அடிப்படையில், தமிழ், சிங்கள, முஸ்லிம் ஆகிய மூன்று இனங்களுமே விகிதாசாரத்தில் ஒரே அளவுகளில் இருக்கின்ற நிலைமை காணப்படுகிறது. 

இந்தநிலையில், தமிழர்கள் மாத்திரம் தமக்கு அதிகாரம் தேவை என்று சொல்வதும், முஸ்லிம்கள் தங்களுக்குத்தான் என்று கூறுவதும், எந்தவகையில் நியாயம் என்பது ஒரு சில புத்திஜீவிகளது கருத்தாக இருக்கிறது. இதற்கு வேறு கணக்குகளும் இருக்கின்றன. அவை பற்றிப் பின்னர் பார்க்கலாம்.

கிழக்குத் தமிழர்கள் தங்கள் அடையாளத்தையும் இருப்பையும் தக்கவைத்துப் பேணிப்பாதுகாத்து வளர்த்தெடுக்க வேண்டுமாயின் தனிநபர்,கருத்தியல்  முரண்பாடுகளுக்கு அப்பால், அரசியல் ரீதியாக, ஒரே குடையின் கீழ், ஒரே அணியாகத் திரள வேண்டிய தேவைப்பாடு உள்ளது என்பது கிழக்குத் தமிழர் ஒன்றியத்தின் நிலைப்பாடாகும். 

இருந்தாலும், ஆரம்ப காலந்தொட்டே பல்வேறு முரண்பாடுகளுக்குள்ளே பயணங்களை மேற்கொண்டு வந்திருக்கின்ற தமிழ்க் கட்சிகள், ஏற்படப்போகும் புரிந்துணர்வு ஒப்பந்தத்தை எந்த வகையில் எதிர் கொள்ளும் என்பதே இப்போதைய கேள்வி.

ஜனாதிபதித் தேர்தலுக்கு முன்னர், நடைபெறும் என்று எதிர்பார்க்கப்படும் மாகாணசபைத் தேர்தலில், தமிழர்கள் சார்பில் கிழக்கில் அதிஉச்சபட்ச ஆசனங்களைப் பெற்றுக்கொள்வதன் மூலம், மாகாணத்தின் அதிகாரத்தை, முதலமைச்சினைத் தமிழர்கள் பெற்றுக் கொள்ளவேண்டும் என்பதுதான் அந்த இலக்கு.

அந்த வகையில், அனைத்துத் தமிழ் அரசியல் கட்சிகளும் ஒரு பொதுச்சின்னத்தின் கீழ் ஒரே அணியாகச் செயற்படவேண்டும் என்ற கிழக்குத்தமிழர் ஒன்றியத்தின் கோரிக்கைக்கு, கடந்த வாரத்தில், அனுப்பி வைக்கப்பட்டுள்ள புரிந்துணர்வு ஒப்பந்தத்துக்கான பதிலே முடிவைச் சொல்லவிருக்கிறது.

தமிழ் அரசியல் கட்சிகளுடனும் தனித்தனியே சந்தித்து, அக்கட்சிகளின் நிலைப்பாடுகளை அறிந்து, அதன் பின்னர் பொதுக் கூட்டங்களை நடத்தி, அனைத்துக் கட்சிகளையும் ஒன்று சேர அழைத்துச் சந்தித்து, இப்போது புரிந்துணர்வு ஒப்பந்தம் ஒன்று வரை வந்திருக்கின்ற கிழக்குத் தமிழர் ஒன்றியம், அண்மையில் வடக்கு, கிழக்கின் பிரதான தமிழ் அரசியல் கட்சியாக இருக்கின்ற தமிழரசுக் கட்சி ( தமிழ்த் தேசியக் கூட்டமைப்பு) 2008ஆம் ஆண்டு, முதல் கிழக்கு மாகாண சபைத் தேர்தலில் போட்டியிடாமைபோன்று, நடைபெறப்போகும் மாகாணசபைத் தேர்தலிலும், கிழக்கில் போட்டியிடாது ஒதுங்கிக் கொள்ள வேண்டும் என்று, ஒரு வேண்டுகோளையும் முன்வைத்திருந்தது.

கிழக்குத் தமிழர் ஒன்றியத்தின் இந்த வேண்டுகோள், அரசியல் வட்டாரங்களில் ஒரு பெரும் சலசலப்பையும் குழப்பத்தையும் உருவாக்கி இருக்கிறதாக உணரப்படுகிறது. 

கிழக்கில் இந்தக் கட்சிகளின் ஒருமைப்பாட்டை சாத்தியமாக்கும் நடவடிக்கையில் அனைத்துக் கட்சிகளும் சேர்ந்து செயற்பட வேண்டும் என்றாலும் இந்தக் குழப்பம் எவ்வாறு புரிந்துணர்வு ஒப்பந்தத்தில் தாக்கம் செலுத்தும் என்று பொறுத்திருந்தே பார்க்க வேண்டும்.

புரிந்துணர்வு ஒப்பந்தத்தைப் பொறுத்தவரையில், புதிய கட்சியாகப் பதிவு செய்வதில் உள்ள குழப்பம், வேட்பு மனுப்பட்டியல் தயாரிப்பில் பெயர்ப் பட்டியலிடல், கையொப்பமிடல், அதன் அதிகாரம், புதிய தேர்தல் முறையின் அடிப்படையில் தெரிவு முறை அடிப்படைக்கான பட்டியல் தெரிவு, அனுமதியளித்தல், பிரதிநிதிகளை நியமித்தல் எனப் பல்வேறு விடயங்களுக்குப் பதில் கிடைத்தாக வேண்டும்.

புரிந்துணர்வு ஒப்பந்தத்தின் படி நிலைகளில், வடக்கு, கிழக்கு இணைந்த தாயகக் கோட்பாடு, கிழக்கு மாகாணத்தில் இருக்கின்ற மீள்குடியேற்ற புனர்நிர்மாணப் பிரச்சினைகளைத் தீர்த்தல், அபிவிருத்திக் கட்டுமானங்கள், கல்வித் தாராதரத்தை அதிகரித்தல், பெண்கள் தலைமை தாங்கும் குடும்பங்களின் வாழ்வாதாரத்தைக் கட்டியெழுப்புதல், இந்தியாவிலுள்ள இலங்கை அகதிகளை அழைத்துவருதல் எனப் பல்வேறு விடயங்கள் உள்ளடக்கப்பட்டிருப்பதாக அறியமுடிகிறது.

அத்தோடு, கிழக்கு மாகாணத்திலிருந்து வெளிநாடுகளுக்குச் சென்று வாழ்ந்துவரும் மூன்று இலட்சம் தமிழர்களையும் உள்ளடக்கிய வாக்களிப்பு முறையின் தேவை, இதில் பிரஸ்தாபிக்கப்பட்டிருக்கிறது.

இவ்வாறான பல்வேறு விடயங்களுடன் உடன்பட்டு முடிவுக்கு வரும் அனைத்துத் தமிழ் அரசியல் கட்சிகளையும் ஒன்றிணைத்ததாக கட்சி ஏற்படுத்தப்படுவதுடன்,  அந்தக் கட்சி  புதியதொரு சின்னத்தின் அடிப்படையில் செயற்படுவதும் தேர்தலில் போட்டியிடுவதும்தான் இப்போதைய முடிவாக இருக்கிறது.

தமிழ் அரசியல் கட்சிகளின் வரலாற்றில் அமரர் ஜி.ஜி.பொன்னம்பலம், 1944 இல் ஆரம்பித்த அகில இலங்கைத் தமிழ் காங்கிரஸ்; அதன் சின்னம் சைக்கிள். அக்கட்சியிலிருந்து பிரிந்துவந்த அமரர் எஸ். ஜே. வி. செல்வநாயகம் 1949 இல் இலங்கைத் தமிழரசுக் கட்சியை ஆரம்பித்தார். அதன் சின்னம் தான் வீடு. இச் சின்னத்தில்தான் தமிழ்த் தேசியக் கூட்டமைப்பு நான்கு கட்சிகளை இணைத்துத் தேர்தல்களில் போட்டியிட்டது. 

தமிழ் மக்களின் ஐக்கியம் கருதியும் அரசியல் தேவை கருதியும் இரண்டு கட்சிகளும் இணைந்து தமிழர் விடுதலைக்கூட்டணி, 1976 இல்  உருவாக்கப்பட்டது.  இந்த அரசியல் கூட்டமைப்பின் பொதுச்சின்னமாக உதயசூரியன் கொண்டுவரப்பட்டது.

எஸ். ஜே. வி. செல்வநாயகம், ஜி. ஜி. பொன்னம்பலம் ஆகியோர் தமது கட்சிகளில் கடைப்பிடித்த கொள்கைகளைக் கைவிட்டு புதிய கட்சிக்கும் சின்னத்துக்கும் உடன்பட்டனர். அதுபோன்று கிழக்கில் ஒரு கட்சியும் சின்னமும் உருவாவதில் என்ன தவறு என்பதே கிழக்குத் தமிழர் ஒன்றியத்தின் கேள்வியாக இருக்கிறது.

கிழக்கு மாகாணத்தின் அரசியல் களநிலையைக் கருத்தில் கொண்டு, சமகால அரசியல் தேவைகருதி தத்தம் அரசியல் கட்சிகளையும் கருத்தியல் முரண்பாடுகளையும் கட்சிகளுக்கு இடையேயுள்ள தனிநபர் முரண்பாடுகளையும் ஒருபுறம் ஒதுக்கிவைத்துவிட்டு, அனைத்துத் தமிழ் அரசியல் கட்சிகளும் முன்வரவேண்டும்.

என்றாலும், ஒரு புதிய கட்சியைப் பதிவதும் அதற்கான சின்னத்தை உருவாக்குவதும் ஒழுங்குவிதிகள் கட்டுப்பாடுகளை கொண்டிழுப்பதும் சிறியதொரு விடயமல்ல என்பதுதான் இப்போதைய தொங்கு நிலை.

இலக்கினை அடைவதற்கு கிழக்கு மாகாண தமிழர்கள் அனைவரும் கட்சி வேறுபாடுகளுக்கு அப்பால் ஒன்றிணைவார்களா, இணைந்து செயற்படுவார்களா, பின்னர் பல்கலைக்கழகக் கல்விக்கால வாழ்க்கை போன்றுதான் நடைபெறப் போகிறதா என்பதுதான் காத்திருப்புக்கானது.

http://www.tamilmirror.lk/சிறப்பு-கட்டுரைகள்/கிழக்கு-அரசியல்-பல்கலைக்கழக-காதல்/91-222669

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • நாதமுனி, நீங்கள் tony பிளேயர் இன் பின் என்பது  , நான் சொல்லிய உங்கள் மதியில் உருவாகி இருக்கும் "கட்டணம்,  பல்கழலை under graduate  செலவுகள் முழுவதையும் செலுத்தி விடுகிறது"   என்பதற்கு மேலும் வலு சேர்க்கிறது. அதன் ஆதாரம், உங்கள் மதியில்  இருந்தே, ஆரம்பத்தில் (கிருபன், டோனி Blair, 2010 வர முதல்) "எனது காசில் அல்லது கடனை வாங்கி படித்தேன்." "தனி அமைப்பான பல்கலைக்கழகங்களில், (அதாவது அரசுக்கு சொந்தமில்லாத), பயிலும் எனக்கு, பயில்விக்க, எங்கே வரிப்பணம் செலவாகிறது என்று விளக்க முடியுமா?"  அது அரச மானியம் அல்ல. தர்மஸ்தாபன status. இங்குள்ள secondary independant ஸ்கூல் அனைத்துக்கும் இதே ஸ்டேட்டஸ் தான். அதாவது, லாபத்துக்கு வரி இல்லை. ஆனால் லாபம் ஒரு அளவுக்கு மேல் போகாதவாறு, ஸ்காலர்ஷிப், பர்சரி கொடுத்து விட வேண்டும், என்ற நிபந்தனையுடன்"  "கட்டணம்,  பல்கழலை under graduate  செலவுகள் முழுவதையும் செலுத்தி விடுகிறது"  என்பதில் இருந்து உங்களால் விடு பட முடியவில்லை (வேறு புள்ளி விபரங்கள் தரப்பட்டும்,  அதில் எனது நண்பர்களுடன் அடைந்த  தனிப்பட்ட அவதான  குறைபாடுகளை நான் ஏற்றுக் கொண்டும், கோசானும் அந்த புள்ளி விபரத்தின் ball park ஆக சரியாக இருக்கிறது என்று அவரது வட்டத்தின் வழியாக அடைந்த தரவுகளை கொண்டு சொல்லியும்).    அதுவே, மறுபடியும் Tony Blair  ஐ நீங்களாவே கொண்டு வந்த போது, மறு படியும், உங்களை அறியாமலே  "1997ம் ஆண்டு டோனி ப்ளாயர் அரசின் பின்னர் தான், பல்கலைக்கழக இலவசக்கல்வி முறை ஒழிந்து, கட்டணம் செலுத்தும் முறை வந்தது."   குறிப்பாக, Tony Blair ஐ நீங்களாவே கொண்டு வந்ததே,  உங்களின்    "கட்டணம்,  பல்கழலை under graduate  செலவுகள் முழுவதையும் செலுத்தி விடுகிறது" மதி பிம்பத்தை (state of mind) தெளிவாக வெளிக்காட்டியது, நான் சந்தேகித்ததை மீள் உறுதிப்படுத்தியது.    மருவளமாக, Tony Blair ஐ  நீங்கள் கொண்டு வந்து இருக்க விட்டால், நீங்கள் சொல்லும் இப்பொது சொல்லும் விளக்கமும் ஓரளவு பொருந்தி வரும். Tony Blair இதில் முற்றுமுழுதான reference point  என்பதை (இப்போது கூட) நீங்கள் உணரவில்லை. நாதமுனி, மனித discrepancies ஐ திட்டமிட்டாலும் தடுக்க முடியாது.  இதுவே crime scene இல் கூட செய்த நபர்களை  எதோ ஓர் வழியில் தொடர்பு படுத்துவது (implicate). 
    • விசுகு அண்ணா!!! இந்த மாதிரி சிந்திப்பவர்கள் மிகவும் குறைவு.. அதிகமான பெற்றோர் தங்களது பெருமைக்காகவும் safe side lifestyleற்காகவும் தங்களது விருப்பங்களை பிள்ளைகள் மீது திணிப்பவர்களே அதிகம்.. அதனால்தான் பெரும்பாலும் மருத்துவம் ஒரு உன்னதமான சேவை என்ற கரு அவர்களின் மனதில் பதிவதில்லை.. அதற்கு மனதளவில் தயாராகாமல் பெற்றோர் கவலைப்படுவார்கள் என்பதால் படித்து ஒரு வேலை என்ற ரீதியில் போய்வருபவர்கள் அதிகம்.. அவர்களால் முன்னேற முடிவதில்லை.. விதிவிலக்குகளும் இருக்கலாம்..  ஓரளவு வயதிலிருந்தே பிள்ளைகளின் குணாதியங்களை கவனித்து வந்தால் அவர்களை அவர்களால் திறமையாக செயற்படக்கூடிய துறைகளை தெரிவு செய்ய ஆதரவு அளித்தால் அவர்கள் மகிழ்ச்சியாக இருப்பார்கள் என நம்புகிறேன்..  உங்களது மகளிற்கு வாழ்த்துக்கள்!!!   உண்மைதான்.. இந்த திரியில் வரும் விடயங்களில் இந்த 3 விடயங்களை படித்திருப்பீர்கள்👇🏼
    • இலங்கையில் 3 இலட்சம் பேருக்கு கொரோனா தொற்று   இலங்கையில் கொரோனா வைரஸ் தொற்றினால் பாதிக்கப்பட்டவர்களின் மொத்த எண்ணிக்கை 3 இலட்சத்து ஆயிரத்து 832 ஆக அதிகரித்துள்ளது.     மேலும் கொரோனா மரணங்களின் மொத்த எண்ணிக்கை 4 ஆயிரத்து 258 ஆக அதிகரித்துள்ளமை குறிப்பிடத்தக்கது. இலங்கையில் பயன்பாட்டிலுள்ள அனைத்து கொவிட் தடுப்பூசிகளும் டெல்டா கொரோனா வைரஸ் மாறுபாட்டிற்கு எதிராக செயற்படுகின்றன என சுகாதார அமைச்சு வலியுறுத்தியுள்ளது. டெல்டா கொரோனா வைரஷிற்கு எதிராக தடுப்பூசி போடுவது சிறந்த பாதுகாப்பாகும் என சுகாதார அமைச்சின் தொற்றுநோயியல் பிரிவின் தலைமை தொற்றுநோயியல் நிபுணர் வைத்தியர் சமித கினிகே தெரிவித்துள்ளார். இந்நிலையில், தடுப்பூசிகளைப் பெற்றுக்கொண்டாலும் சுகாதார பாதுகாப்பு நடைமுறைகளை  தொடர்ந்து பின்பற்ற வேண்டுமென வடக்கு மாகாண சுகாதார சேவைகள் பணிப்பாளர் ஆ.கேதீஸ்வரன் தெரிவித்தார்.   இதைத் தொடர்ந்து தனியார் பேருந்துகளில் கோவிட்-19 தடுப்பூசிகளை ஏற்றிக் கொண்டவர்களை மாத்திரம் ஏற்றிச் செல்வது குறித்து அவதானம் செலுத்தப்பட்டுள்ளதாக இலங்கை தனியார் பேருந்து உரிமையாளர்கள் சங்கம் தெரிவித்துள்ளது.   https://www.ilakku.org/sri-lanka-surpasses-300000-total-coronavirus-cases/  
    • என்னப்பா நிக்ஹா வா? எத்தனையாவது🤣. Whatever it is - have fun.
    • மேலே நீங்கள் சொன்னதையும், அதை கடஞ்சா மேற்கோள் காட்டியதையும் கவனிக்கவே செய்தேன். இதற்கு இப்படி ஒரு விளக்கத்தை நீங்கள் கொடுப்பீர்கள் எனவும் உங்களுடன் உரையாடிய அனுபவம் மூலம், முன்பே எதிர்பார்த்தேன்.  இப்படியான நேரங்களில், நீங்கள் சடைகிறீர்களா, அல்லது முதலில் எழுதியதை தெளிவில்லாமல் எழுதிவிட்டு பின்னர் விளக்கம் கொடுக்கிறீர்களா என நான் எப்போதும் யோசிப்பதுண்டு. அத்தோடு நேற்று கடஞ்சாவை சாட்டி கோசான் என்னை தாக்குகிறார் என்று வேறு சொன்னீர்கள்.  அதுதான் சும்மா இருந்தேன்.   👆🏼இது தரவுப் பிழை.  வேலை தருகிறேன் ஆனால் 3 வருடம் வேலை செய் என சொல்லலாம் என்று யாரும் சொல்லவில்லை. ஆனால் வேலை தர முன்னர் உனக்கு இன்ன பயிற்சி தருவேன், அதற்கு இத்தனை செலவாகும் வேலையை விட்டு விட்டு இத்தனை வருடத்தில் வெளியேறினால், ஒரு reducing scale இல் பயிற்சிக்கான பணத்தை மீள தரவேண்டும் என்ற சரத்து வழமையானதுதான். மேலே பஸ் டிரைவர் உதாரணத்தை பார்க்கவும்.
×
×
  • Create New...

Important Information

By using this site, you agree to our Terms of Use.