Jump to content

மாவை சேனாதிராசாவை ஆதரிக்கிறேன்


Recommended Posts

மாவை சேனாதிராசாவை ஆதரிக்கிறேன்

இந்தியாவையும் அனைத்துலகத்தையும் கலந்தாலோசித்தே நவம்பர் 16இல் இலங்கை நாடாளுமன்றத்தில் இரணிலையா? இராசபட்சாவையா? யாரை ஆதரிப்பது எனத் தமிழ்த் தேசியக் கூட்டமைப்பு முடிவு எடுக்கும் எனத் தமிழரசுக் கட்சித் தலைவர் மாவை சேனாதிராசா கூறியுள்ளார்.
அவரது கருத்து இன்றைய சூழலில் முற்று முழுக்கச் சரியானது என்பதால் அவரது அக்கருத்தை நான் முழுமையாக ஆதரிக்கிறேன்.
வரலாற்றைப் படித்தால் மாவையின் கருத்து ஏற்றது என்ற முடிவுக்கு வருவீர்கள்.

வரலாறு 1. குடியுரிமை
1939 மலையகத் தமிழரை நாடுகடத்த முயற்சி. இலங்கைக்கு நேரு வந்தார். இந்தியா அவர்களை ஏற்காது என்றார். இலங்கை இந்தியக் காங்கிரசு உருவானது. நேருவைக் காலிமுகத் திடலில் தாக்க முனைந்தனர். நாடுகடத்தல் முயற்சி தளர்ந்தது.

1948-1949 மலையகத் தமிழர் குடியுரிமை பறிப்பு.
1988இல் இந்திய அரசு வற்புறுத்தலில் சத்தியக் கடதாசி முடித்துக் கொடுத்தாலே இலங்கைக் குடியுரிமை.

வரலாறு 2. நிலவுரிமை 
1952 முதலாகக் கிழக்கிலங்கையில் அரசு ஆதரவு சிங்களக் குடியேற்றம்.
1987 இலங்கை இந்திய உடன்பாட்டின் தொடக்க வரிகளில் வரலாற்றினூடாக வடகிழக்கை இலங்கை தமிழரின் மரபு வழித் தாயகமாக இலங்கை ஏற்றது. இராசீவ் காந்தியைச் சிங்களச் சிப்பாய் தாக்க முயயற்சி.

வரலாறு 3. மொழியுரிமை
1956 சிங்களம் மட்டும் சட்டம்.
1987 இலங்கை இந்திய உடன்பாடு, 
1988 சிங்களத்துக்கும் தமிழுக்கும் சம உரிமை.

வரலாறு 4. ஆட்சியுரிமைப் பகிர்வு 
1948 கூட்டாட்சிக் கோரிக்கை
1958 பிரதேச சபை உடன்பாடு முறிந்தது.
1968 மாவட்ட சபை உடன்பாடு கனவாயது.
1980 மாவட்ட வளர்ச்சிச் சபை கலைந்தது.
1987 இடைக்கால சபை குலைந்தது.
1988 முதலாக 8 மாகாண சபைகள் 13ஆவது திருத்தத்துக்கு அமைய, இலங்கை இந்திய உடன்பாட்டின் விளைவு. பின்னர் வடக்கையும் கிழக்கையும் பிரித்தனர். 9 சபைகளாக்கினர்.

இவை தவிரத் தமிழர் கோரிக்கை எதைச் சிங்களத் தலைமை எற்றது. 1925 தொடக்கம் 17 உடன்பாடுகள். இரண்டு மட்டும் உயிருடன் உள.

1.அருணாசலம் மேற்கு மாகாண வேட்பாளராக்கும் 7 திசம்பர் 1918 கடிதம். தமிழர் என்பதால் 1921இல் அவரை நீக்கும் கடிதம்.

2. 28 சூன் 1925இல் யாழ்ப்பாணத்தில் எழுதிய மகேந்திரா உடன்பாடு. 1926இல் காலியில் முறிப்பு.

3, 1947 செப்தெம்பர் 24 சுந்தரலிங்கத்துடன் உடன்பாடு. விடுதலைக்குத் தமிழரும் ஒப்பினவராக்குதல். 1949 இந்திய பாகித்தானிய வதிவிடச் சட்டத்தை எதிர்த்தார். அமைச்சர் பதவியிலிருந்து விலகினார். தனித் தமிழர் நாடு என முழங்கினார்.

4, இலங்கைக்கான விடுதலைச் சட்டத்தில் 1948இல் விதி 29 தமிழர் ஒப்புதல் அளித்த சிறுபான்மையினருக்குப் பாதுகாப்பு. இலங்கை விடுதலை பெற்ற 285ஆவது நாள் (15.11.1948) தங்கள் குடியுரிமையை மலையகத் தமிழர் இழந்தனர். இந்திய பாகித்தானிய வதிவிடச் (குடியுரிமை) சட்டம் 05.08.1949. மலையகத் தமிழர் நாடற்றவராயினர்.

5. சிங்களவருக்கு ஒரு நாடு. தமிழருக்கு ஒரு நாடு. 1918இல் அருணாசலத்துக்கு எழுதிய கடிதத்தில் சிங்களவர் ஒப்பிய கொள்கை. 1925 மகேந்திரா உடன்பாட்டில் வலியுறுத்திய கொள்கை. 1948இல் ஆங்கிலேயரிடம் கூறியன யாவும் ஒப்புதல் மொழிகள். 1952இல் தமிழர் நிலங்களில் தமிழர் ஒப்புதலின்றிச் சிங்களவரைக் குடியேற்றத் தொடங்கினர்.

6. 1943 சூன் 22இல் சிங்களம் மட்டுமே ஆட்சி மொழி என்ற சட்ட மூலத்தை, சே. ஆர். செயவர்த்தனா சட்டசபையில் முன்மொழிந்தார். சிங்களமும் தமிழும் ஆட்சி மொழிகள் எனத் திருத்திய சட்டத்தைச் சட்ட சபை 1944இல் ஏற்றது. 1953இல் பண்டாரநாயக்கா 1954இல் யாழ்ப்பாணத்தில் பிரதமர் சேர் யோன் கொத்தலாவலை இருவரும் வாக்குறுதி சிங்களமும் தமிழும் ஆட்சி மொழிகள் என. 1956இல் இருவரும் முறித்தனர், அதனால் சிங்களமே ஆட்சிமொழிச் சட்டம்.

7. 1957 சூலை 25ஆம் நாள் பண்டாரநாகயக்கா செல்வநாயகம் உயன்பாடு. 1958 ஏப்பிரல் 5ஆம் நாள் உடன்பாட்டை முறித்தவர் பண்டாரநாயக்கா.

8. 1948இல் விடுதலையாகும் பொழுது சிங்களவர் ஒப்புக்கொண்ட அரசியலமைப்பு விதிகளை மீறி எழுதியதே சிறீமாவோ - சாத்திரி உடன்பாடு.

9. 1965 மார்ச்சு 24இல் இடட்லியும் செல்வநாயகமும் உடன்பட்டதை 1969இன் தொடக்க காலத்தில் இடட்டலி முறித்தார்.

10. அரசியலமைப்பின் 29ஆம் பிரிவு எதற்கு? ஆங்கிலேயருக்குக் கொடுத்த வாக்குறுதி, சுந்தரலிங்கத்துக்குக் கொடுத்த நம்பிக்கை யாவற்றையும் 19 சூலை 1970இல் நவரங்கலாவில் கூடி உடைத்தனர்.

11. 1970 சூலை 19ஆம் நாள் நவரங்கலாவில் புத்த சமயத்துக்கு முன்னுரிமை, சிங்களம் மட்டுமே ஆட்சி மொழி. ஆங்கிலேயருக்குக் கொடுத்த வாக்குறுதி காற்றில் பறந்தது.

12. மாவட்ட வளர்ச்சிச் சபைகளை அமைக்கும் சட்டம் 1980இல் நாடாளுமன்றத்தில் நிறைவேறியது. 24 சபைகளும் இரண்டு ஆண்டுகள் கூடத் தொடரமுடியவில்லை. நீலன் திருச்செல்வத்தை ஏமாற்றினார் சே. ஆர். செயவர்த்தனா.

13. இந்திரா காந்தியின் பணிப்புரையில் பார்த்தசாரதி. 1984 சனவரி 3 தொடக்கம் கொழும்புக்கு வந்தார். பலமுறை வந்தார். 1984 ஆகத்து 26ஆம் நாள் இலங்கையின் அனைத்துக் கட்சி மாநாடு இணக்கக் கருத்துரைகளைத் தந்தது. அவற்றை அப்படியே மண்ணுக்குள் புதைத்தவர் சே. ஆர். செயவர்த்தனா

14. 1987 சூலை 29ஆம் நாள் இராசீவர் – செயவர்த்தனா உடன்பாடு கொழும்பில் ஒப்பமாகியது. அதிலும் பலவற்றை நடைமுறைக்குக் கொண்டுவராவிட்டாலும் உயிரோடு உள்ள உடன்பாடாகத் தொடர்கிறது.

15. 1995 சனவரி 5ஆம் நாள், போர் இடைநிறுத்த உடன்பாட்டில் பிரபாகரன், யாழ்ப்பாணத்திலிருந்தும் சந்திரிகா கொழும்பில் இருந்தும் ஒரே நேரத்தில் கையொப்பமிட்டு, அனைத்துலகச் செஞ்சிலுவைச் சங்கத்தின் வழி ஆவணங்களைக் கொடுத்து வாங்கினர். 1995 ஏப்பிரல் 18ஆம் நாள் உடன்பாட்டிலிருந்து ஒருதலைப்பட்சமாகப் பிரபாகரன் விலகினார். முதன் முறையகத் தமிழர் தரப்பில் சிங்கள - தமிழ் உடன்பாட்டை முறித்த நிகழ்ச்சி.

16. 2002 பெப்ருவரி 22ஆம் நாள் இலங்கை அரசுக்கும் தமிழீழ விடுதலைப் புலிகளுக்கும் இடையே புரிந்துணர்வு உடன்பாடும் போர் நிறுத்த உடன்பாடும் நோர்வே அரசின் துணையுடன், உத்தரவாதத்துடன் அமைந்தன. 2008 சனவரி 8ஆம் நாள் சிங்கள – தமிழ்ப் புரிந்துணர்வு உடன்பாட்டைக் குடியரசுத் தலைவர் மகிந்த இராசபக்சா ஒரு தலைப் பட்சமாக முறித்தார்.

17. 2015 அக்தோபர் முதலாம் நாள், 47 உறுப்புரிமை நாடுகளோடு சேர்ந்து செனீவாவில் ஐநா மனித உரிமை ஆணையத்தில் உடன்பட்டவர் மைத்திரிபாலா சிறிசேனா.

1987 இலங்கை இந்திய உடன்பாடு, 2015 செனிவாத் தீர்மானம். ஏனைய அனைத்தையும் ஒன்றைத் தவிர (1995) ஒரு தலைப் பட்சமாக முறித்தவர் சிங்களவர்.

இந்தியாவும் அனைத்துலகும் இல்லாவிடில் 1 குடியுரிமை 2 நிலவுரிமை 3 மொழியுரிமை 4 ஆட்சிப் பகிர்வு நோக்கிய நகர்வு என நான்கும் நடந்திருக்குமா? வேறு எதற்குச் சிங்களவர் உடன்பட்டனர்?

இப்படிப் பேசினால் என்னை இந்திய உளவுத் துறையின் கைக்கூலி எனக் கூறுவர்.

தமிழர் உதவி இல்லாமலே ஆட்சி அமைப்பர் இராசபக்சா. சுதந்திரக் கட்சியின் வரலாறே அவ்வாறு தான் 1956, 1960, 1971 எனத் தொடர்ச்சியாக. ஒரு சில தமிழர் ஆதரவு தருவர்.

தமிழ்த் தேசியத்தார் ஆதரவைச் சுதந்திரக் கட்சியினர் கோரார். அப்படிக் கோரினால் பெற்றால், அத் தேசியத்தையும் பூண்டோடு அழிக்க அடித்தளம் இடுவதாகப் பொருள்.

இதனாலன்றோ மாவை சேனாதிராசா தெரிவித்த கருத்து, சமகால அரசியலுக்கு ஏற்ற கருத்து எனக் கருதி ஆதரிக்கிறேன். இக்கருத்தை மாவை தொடர்ந்து வலியுறுத்துவாராக.

Image may contain: 1 person, sitting and indoor
 

ஐப்பசி 12, 2049 திங்கள் (29.10.2018)

Link to comment
Share on other sites

  • கருத்துக்கள உறவுகள்

2009 தொடக்கம் இந்தியாவை கேக்கினம்....கேக்கினம்  கேட்டுக்கொண்டேயிருக்கினம். ஆனால் சிங்களம் தான் நினைச்சதை செய்து கொண்டுதான் இருக்குது.

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Posts

    • யாழ் களத்தை புதுப்பொலிவுடன் மீண்டும் கண்டதில் சந்தோசம்.  பல சிரமங்களின் மத்தியிலும் இடைத்தடங்கலை சரி செய்த நிர்வாகத்தினர்க்கு மனமார்ந்த நன்றிகள். ஐயா மோகனுக்கும் நன்றிகள். உறவுகள் அனைவர்க்கும் கார்த்திகை தீப வாழ்த்துக்கள். வீடெங்கும் ஒளி பரவட்டும்.  
    • மதுவினால் நாளாந்தம் 55 இலங்கையர்கள் உயிரிழக்கின்றனர் -சமாதி ராஜபக்ஷ, எந்தவொரு மதுபானத்தையும் உட்கொள்வது புற்றுநோயை ஏற்படுத்தும் என புகையிலை மற்றும் மதுபானம் தொடர்பான தேசிய அதிகாரசபையின் தலைவர் பேராசிரியர் சமாதி ராஜபக்ஷ, எச்சரித்துள்ளார். கடந்த புதன்கிழமை தேசிய அபாயகர மருந்துகள் கட்டுப்பாட்டு சபையால் பெறப்பட்ட போதைப்பொருள் தொடர்பான ஆய்வுகள் 2022க்கான சர்வதேச கருத்தரங்கில் அவர் இந்த எச்சரிக்கையை மீண்டும் வலியுறுத்தியுள்ளார். ‘கேட்வே மருந்துகள்’ என்ற சொல், மது மற்றும் சிகரெட் போன்ற எளிதில் கிடைக்கக்கூடிய சில மருந்துகளின் பயன்பாடு ஏனைய மருந்துகளின் பயன்பாடு மற்றும் குற்றச் செயல்களில் ஈடுபடுவதில் அதிக ஆபத்துக்கு வழிவகுக்கும் என்ற கோட்பாட்டை விளக்குவதற்குப் பயன்படுத்தப்படுகிறது. ஆரம்பகாலத்தில் புகையிலை பொருட்கள் அல்லது மதுபானங்களை பயன்படுத்தத் தொடங்கும் நபர்கள் மரிஜுவானா, கொக்கெய்ன், ஹெரோயின், ஐஸ் போன்ற பிற பொருட்களைப் பயன்படுத்துவதற்கான விருப்பத்தை அடிக்கடி வளர்த்துக் கொள்வார்கள் என ஆய்வுகள் தெரிவிக்கின்றன என பேராசிரியர் ராஜபக்ஷ தெரிவித்தார். மேலும் 2021 இல் இலங்கையின் மக்கள் தொகையில் 28% ஆனோர் மது அருந்தினர். உயர் இரத்த அழுத்தம், இதய நோய், பக்கவாதம், கல்லீரல் நோய்கள், செரிமான பிரச்சினைகள், புற்றுநோய்கள் (மார்பகம், வாய், தொண்டை, உணவுக்குழாய்) போன்ற மது அருந்துவதால் ஏற்படும் நோய்களால் இலங்கையில் நாளொன்றுக்கு 55 பேர் உயிரிழப்பதாக பேராசிரியர் ராஜபக்சே விளக்கம் அளித்துள்ளார். , குரல்வளை, கல்லீரல், பெருங்குடல், மலக்குடல் போன்றவை) மற்றும் நோய் எதிர்ப்பு சக்தியை பலவீனப்படுத்துகிறது. அற்ககோல் குடும்பம் மற்றும் வேலை தொடர்பான உறுதியற்ற தன்மை உள்ளிட்ட சமூக பிரச்சனைகளையும் உருவாக்குகிறது. புகையிலை அதன் பாவனையாளர்களில் பாதிப்பேரைக் கொல்வதாகவும், புகையிலை தொடர்பான நோய்களால் ஒவ்வொரு நாளும் சுமார் 60 இலங்கைப் பிரஜைகள் மரணமடைவதாகவும் தெரியவந்துள்ளது. புகையிலை பயன்பாட்டினால் ஏற்படும் உடல்நலப் பிரச்சினைகள் புற்றுநோய், இதய நோய், பக்கவாதம், நுரையீரல் நோய், நீரிழிவு நோய், நாள்பட்ட தடுப்பு நுரையீரல் நோய் மற்றும் நாள்பட்ட மூச்சுக்குழாய் அழற்சி ஆகியவை பயனர்களின் குடும்ப நல்வாழ்வையும் எதிர்மறையாகப் பாதிக்கின்றன. 2016 இல் புகையிலை வரி மூலம் கிடைத்த வருமானம் ரூ. 88.5 பில்லியனாகும் அதேவேளை புகையிலை தொடர்பான நோய்களுக்கான சுகாதாரச் செலவு 15.3 பில்லியனாகும். இந்தத் தொகையில், வரி செலுத்துவோர் ரூ.8.3 பில்லியனைச் சுமக்க வேண்டும், தனிநபர்கள் ரூ.5.9 பில்லியனைச் செலுத்தினர் மற்றும் சுகாதார காப்பீடு ரூ. 1.1 பில்லியன் எனவும் அவர் தெரிவித்தார். https://thinakkural.lk/article/226417
    • இனவாதிகளே வலியுறுத்தும் சூழல் உருவாக்கப்பட வேண்டும் அதிகாரப் பகிர்வினை மேற்கொள்ளுமாறு இனவாதிகளும் சொல்வதற்குரிய சூழலை ஏற்படுத்த வேண்டுமே தவிர, இனவாத சக்திகளுக்கு மெல்வதற்கு அவலை கொடுக்க கூடாது என்று அமைச்சர் டக்ளஸ் தேவானந்தா வலியுத்தியுள்ளார். பாராளுமன்றத்தில் இன்று (06) இடம்பெற்ற கடற்றொழில் அமைச்சு தொடர்பான வரவு செலவுத் திட்ட குழு நிலை விவாதத்தில் கலந்து கொண்டு உரையாற்றும் போதே மேற்கண்டவாறு தெரிவித்தார். குறித்த விவாதத்தில், கடற்றொழில் அமைச்சின் செயற்பாடுகள், கடந்த கால அடைவுகள் மற்றும் எதிர்காலத் திட்டங்கள் தொடர்பாக தெளிவுபடுத்திய கடற்றொழில் அமைச்சர் தொடர்ந்தும் உரையாற்றுகையில், ஜனாதிபதி தமிழ் மக்களின் பிரதிநிதிகளுக்கு விடுத்திருக்கின்ற அழைப்பினை ஏற்று அதனை எமது மக்களுக்கு சாதகமாக பயன்படுத்திக் கொள்வதற்கு தமிழ் அரசியல் தரப்பினர் முன்வர வேண்டும். எம்மைப் பொறுத்தவரையில், தற்போது இந்த நாட்டின் அரசியல் யாப்பில் நடைமுறையில் இருக்கின்ற எமது அரசியல் யாப்பின் 13 ஆவது திருத்தத்தினை பலப்படுத்தி அதனை முன்னெடுப்பதையே எமது மக்களின் அரசியல் ரீதியான பிரச்சினைக்கு ஓர் ஆரம்பத் தீர்வாகக் கருதுகிறோம். இல்லாததைப் பற்றிக் கதைத்து இருப்பதையும் கைவிட்டு விடக்கூடாது என்பதை நாம் வலியுறுத்துகிறோம். தமிழ் மக்களது பிரச்சினை தொடர்பில், கிணறு வெட்ட பூதம் கிளம்பிய கதையாக இப்போதே சில நாடகங்கள் அரசியல் அரங்கில் மேடையேற்றப்பட்டு வருவதையும் அவதானிக்க முடிகின்றது என்று சுட்டிக்காட்டியுள்ளார். https://tamil.adaderana.lk/news.php?nid=168438
    • யாழ். பல்கலை மாணவிகளுக்கு பாலியல் தொல்லை!       யாழ்ப்பாண பல்கலைக்கழக மாணவிகளுடன் வீதிகளில் பாலியல் ரீதியான சேட்டைகளில் ஈடுபடும் கும்பல்களுக்கு எதிராக கோப்பாய் பொலிஸ் நிலையத்தில் முறைப்பாடு பதிவு செய்யப்பட்டுள்ளது. விடுதிகள் மற்றும் வாடகை அறைகளில் தங்கியுள்ள மாணவிகள், பல்கலைக்கழகத்தில் தமது கற்றல் செயற்பாடுகளை முடித்துக்கொண்டு தமது தங்குமிடத்திற்கு திரும்பும் வேளைகளில் பல்கலையை சூழவுள்ள வீதிகளில் அநாவசியமாக கூடி நிற்கும் இளைஞர்கள் கும்பல்கள் மாணவிகளை இலக்கு வைத்து பாலியல் சேட்டைகளில் ஈடுபட்டு வருகின்றனர். மாணவிகளை நோக்கி ஆபாச வார்த்தைகளால் பேசுதல் , தமது அந்தரங்க உறுப்புக்களை காட்டுவது , ஆபாசமாக சைகைகளை காட்டுவது போன்ற செயற்பாடுகளில் ஈடுபட்டு வருகின்றனர். இது தொடர்பில் அண்மையில் பாதிக்கப்பட்ட மாணவிகள் 300 பேர் கையொப்பம் இட்டு , பல்கலைக்கழக நிர்வாகத்திற்கு முறையிட்டு இருந்தனர். பல்கலைக்கழகத்திற்கு வெளியே இவ்வாறான செயற்பாடுகள் நடப்பதனால் , மாணவிகளால் கோப்பாய் பொலிஸ் நிலையத்தில் முறைப்பாடு பதிவு செய்யப்பட்டுள்ளது. முறைப்பாட்டின் பிரகாரம் பொலிஸார் விசாரணைகளை ஆரம்பித்து உள்ளத்துடன் ,பல்கலைக்கழக சூழலில் சிவில் உடைகளில் கண்காணிப்பு நடவடிக்கைகளிலும் ஈடுபட்டுள்ளனர்.   -யாழ். நிருபர் பிரதீபன் https://tamil.adaderana.lk/news.php?nid=168441
    • 60 வயதுக்கு மேல் சேவையாற்ற முடியாது!       அனைத்து அரசு அதிகாரிகளும் 60 வயதை எட்டியதும் பணியில் இருந்து ஓய்வு பெற வேண்டும் என்ற உத்தரவுக்கான வர்த்தமானி அறிவித்தல் ஒன்று வெளியிடப்பட்டுள்ளது. இது தொடர்பான வர்த்தமானி நேற்று (05) பிரதமர் தினேஷ் குணவர்தனவின் கையொப்பத்துடன் வெளியிடப்பட்டுள்ளதாக தெரிவிக்கப்படுகின்றது. அதன்படி, இந்த உத்தரவு அடுத்த ஆண்டு (2023) ஜனவரி 1 ஆம் திகதி முதல் அமலுக்கு வருகிறது. இதற்கமைய, அனைத்து அரச ஊழியர்களும் 60 வயதை நிறைவு பெற்றவுடன் பணியில் இருந்து ஓய்வு பெற வேண்டும் என்று இந்த வர்த்தமானியில் தெரிவிக்கப்பட்டுள்ளது. எந்தவொரு அரசாங்க ஊழியரும் 55 வயதை எட்டிய பின்னரோ அல்லது அதற்குப் பின்னரோ அரசாங்கப் பணியில் இருந்து ஓய்வு பெறலாம். மேலும், ஓய்வுபெறும் உத்தியோகத்தருக்கு மாற்றீடாக ஒருவர் இல்லாத சந்தர்ப்பங்களில் அரச சேவை ஆணைக்குழுவின் அனுமதியைப் பெற்று மேலும் ஒரு வருடத்திற்கு 60 வயதுக்கு மேற்பட்ட அதிகாரியைத் தக்கவைத்துக் கொள்ள முடியும். ஓய்வூதியச் சட்டத்தின் 17ஆவது சரத்து முற்றாக நீக்கப்பட்டு திருத்தத்துடன் புதிய வர்த்தமானி வெளியிடப்பட்டுள்ளது. https://tamil.adaderana.lk/news.php?nid=168417
×
×
  • Create New...

Important Information

By using this site, you agree to our Terms of Use.