யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
கிருபன்

பாகிஸ்தான் அணிக்கெதிரான முதல் ஒருநாள் போட்டி: நியூசிலாந்து அணி வெற்றி

Recommended Posts

பாகிஸ்தான் அணிக்கெதிரான முதல் ஒருநாள் போட்டி: நியூசிலாந்து அணி வெற்றி

prv_1541650107-720x450.jpeg

நியூசிலாந்து கிரிக்கெட் அணி, மூன்று வகை கிரிக்கெட் போட்டிகளிலும் விளையாடுவதற்காக ஐக்கிய அரபு அமீரகத்திற்கு கிரிக்கெட் சுற்றுப்பயணம் மேற்கொண்டுள்ளது.

ஐக்கிய அரபு அமீரகத்திற்கு சென்றுள்ள நியூசிலாந்து அணி, மூன்று ரி-20 போட்டிகள், மூன்று ஒருநாள் போட்டிகள், மூன்று டெஸ்ட் போட்டிகள் கொண்ட தொடரில் விளையாடவுள்ளது.

இந்நிலையில் இந்த சுற்றுப் பயணத்தில் முதலாவதாக மூன்று போட்டிகள் கொண்ட ரி-20 தொடர் நடைபெற்றது. இதில் மூன்று போட்டிகளிலும் வெற்றிபெற்று பாகிஸ்தான் அணி தொடரைக் கைப்பற்றியது.

இந்நிலையில் இரு அணிகளுக்கிடையிலான மூன்று போட்டிகள் கொண்ட ஒருநாள் தொடர், நடைபெற்று வருகின்றது.
இதன் முதல் ஒருநாள் போட்டி, நேற்று அபுதாபியில் நடைபெற்றது. இந்த போட்டியின் முடிவினை தற்போது பார்க்கலாம்…

இரு அணிகளுக்கிடையிலான இப்போட்டியில், நாணய சுழற்சியில் வெற்றிபெற்ற நியூசிலாந்து அணி, முதலில் துடுப்பாட்டத்தை தீர்மானித்தது.

இதன்படி முதலில் களமிறங்கிய நியூசிலாந்து அணி, நிர்ணயிக்கப்பட்ட 50 ஓவர்கள் நிறைவில் 9 விக்கெட்டுகள் இழப்புக்கு 266 ஓட்டங்களை பெற்றுக் கொண்டது.

இதில் அணியின் அதிகபட்ச ஓட்டங்களாக ரோஸ் டெய்லர் 80 ஓட்டங்களையும், டொம் லதம் 68 ஓட்டங்களையும் பெற்றுக்கொண்டனர். பந்து வீச்சில் சயீன் அப்ரிடி மற்றும் சதாப் கான் ஆகியோர் தலா 4 விக்கெட்டுகளை வீழ்த்தினர்.

இதனைதொடர்ந்து, 267 என்ற வெற்றி இலக்கை நோக்கி பதிலுக்கு களமிறங்கிய பாகிஸ்தான் அணி, 47.2 ஓவர்கள் நிறைவில் 219 ஓட்டங்களுக்கு சுருண்டது. இதனால் நியூசிலாந்து அணி 47 ஓட்டங்கள் வித்தியாசத்தில் வெற்றிபெற்றது.

இந்த வெற்றியின் மூலம் நியூசிலாந்து அணி, மூன்று போட்டிகள் கொண்ட ஒருநாள் தொடரில் 1-0 என்ற கணக்கில் முன்னிலை பெற்றுள்ளது.

இதன்போது பாகிஸ்தான் அணி சார்பில், சப்ராஸ் அஹமட் 64 ஓட்டங்களையும், இமாட் வசிம் 50 ஓட்டங்களையும் பெற்றுக் கொண்டனர். பந்து வீச்சில் டிரென்ட் போல்ட் ஹெட்ரிக் விக்கெட்டுகளை வீழ்த்தினார். மேலும், லொக்கி பெர்குசன் 3 விக்கெட்டுகளையும், கொலின் டி கிரண்ட்ஹொம் 2 விக்கெட்டுகளையும் வீழ்த்தினர்.

டிரென்ட் போல்ட் ஹெட்ரிக் விக்கெட்டுகளை வீழ்த்தியதன் மூலம், ஒருநாள் போட்டிகளில் நியூசிலாந்து அணி சார்பில், ஹெட்ரிக் விக்கெட்டுகளை வீழ்த்திய மூன்றாவது வீரர் என்ற பெருமையை அவர் பெற்றுள்ளார்.

இதற்கு முன்னதாக கடந்த 1994ஆம் ஆண்டு, இந்திய அணிக்கெதிராக டேனி மோரிஸனும், 2007ஆம் ஆண்டு அவுஸ்ரேலிய அணிக்கெதிராக ஷேன் போண்டும் ஹெட்ரிக் விக்கெட்டுகளை வீழ்த்தியுள்ளனர்.

இப்போட்டியின் ஆட்ட நாயகனாக ஹெட்ரிக் விக்கெட்டுகளை வீழ்த்திய டிரென்ட் போல்ட், தெரிவுசெய்யப்பட்டார்.
இரு அணிகளுக்கிடையிலான இரண்டாவது ஒருநாள் போட்டி, அபுதாபியில் நாளை நடைபெறவுள்ளது.

 

http://athavannews.com/பாகிஸ்தான்-அணிக்கெதிரான/

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு