பாயோடு ஒட்டியவர்கள் - மட்டக்களப்பு மக்களை பற்றி..

[நிழலி]

மட்டக்களப்பு மக்களை பற்றி சிலர் மக்கள் சொல்வது 'மட்டக்களப்பார் பாயோடு ஒட்ட வைத்து விடுவார்கள்" என்பது. அதாவது மந்திரத்தால ஆட்களை வசியம் செய்து (முக்கியமாக ஆண்களை) விடுவார்கள் என்பது.

உண்மையிலேயே அவர்கள் மந்திரத்தால் வசியம் செய்வார்களா என்பது பற்றிய ஒரு சுவாரசியமான பதிவு

 

[ரதி]

நான் உந்த வீடியோவை இன்னும் பார்க்கவில்லை...ஆனால் மட்டக்கிளப்பில் மாந்திரீகம் செய்பவர்கள் இருக்கிறார்கள் என்பது உண்மை
 

[தமிழ் சிறி]

15 minutes ago, ரதி said:

நான் உந்த வீடியோவை இன்னும் பார்க்கவில்லை...ஆனால் மட்டக்கிளப்பில் மாந்திரீகம் செய்பவர்கள் இருக்கிறார்கள் என்பது உண்மை
 

மட்டக்களப்பும், யாழ்ப்பாணமும்... 
ஈழத்து  தமிழ் இனத்தின்... இரு கண்கள்.  அதனை...  பாதுகாக்கா  விட்டால்,
காக்கா.. வந்து, தலையில்... எச்சம்  போட்டு விடும்.

யாழ்ப்பாண  புருசன்....  அழுததை, நினைக்க... கொஞ்சம்  சங்கடமாக இருந்தது.
மிச்ச.. கருத்துக்களை, ரதியிடம் இருந்து.. எதிர் பார்க்கின்றோம்.

நான்,  இந்தக் காணொளியை... 7´வது  நிமிடம்  வரை பார்த்தேன்.
அந்த இரு பெண்களிலும்.. யாழ்ப்பாண தமிழும், மட்டக்களப்பு  தமிழும் கலந்து வருவது... அழகு.

[பெருமாள்]

2 hours ago, ரதி said:

நான் உந்த வீடியோவை இன்னும் பார்க்கவில்லை...ஆனால் மட்டக்கிளப்பில் மாந்திரீகம் செய்பவர்கள் இருக்கிறார்கள் என்பது உண்மை
 

அது உண்மை என்று நிரூபித்தால் டொக்டர் கோவூரின் சொத்துக்கள் உங்களுக்கே ! கோடிக்கணக்கில் இருக்குது முடியுமா உங்களால் ?

[manimaran]

தமிழ்த் தேசிய சிதைவுக்கும் தமிழீழ விடுதலைப் போராட்ட வீழ்ச்சிக்கும் காரணமாகும் யாழ் வேளாள பிற்போக்குச் சிந்தனையை வெளிக்காட்டும் பதிவு

[suvy]

மந்திரமோ மண்ணாங்கட்டியோ அழகான பெண்கள் "இலவச இணைப்பாக அறிவும் இருந்தால் அதிஷ்டம்" என்றால் பாய் என்ன பைங்கிளியோடேயே ஒட்டிக் கிடைக்கலாம்.எத்தனையோ அழகான ஆண்கள் இன்றும்  தனி யாகத்தானே திரிகிறார்கள்.இதிலிருந்தே தெரியவில்லையா, அவர்களின் சிறந்த விருந்தோம்பலில்தான் விருந்தினர்கள் ஒட்டிக்கொள்கிறார்கள்.அதில் ஒரு பெண் சொன்னதுபோல் யாழ்பாணத்து பெண்கள் பேச்சு கொஞ்சம் ஓவர்தான் தாங்க முடியவில்லை.....!  

[ரதி]

On ‎11‎/‎24‎/‎2018 at 12:19 AM, பெருமாள் said:

அது உண்மை என்று நிரூபித்தால் டொக்டர் கோவூரின் சொத்துக்கள் உங்களுக்கே ! கோடிக்கணக்கில் இருக்குது முடியுமா உங்களால் ?

பெருமாள்,நான் இன்னும் பேயைக் கண்ணால் காணவில்லை?....நாங்கள் நகரத்தில் இருந்தோம்...பக்கத்து வீட்டு ஆன்டியின் தம்பி அவர்களோடு இருப்பதில்லை...எப்பவாவது கிராமத்தில் இருந்து வருவார்...அவர் இரவு 12 மணிக்கு றோட்டால் கத்திக் கொண்டு செல்லும் சத்தம் கேட்கும்....அவர் மாந்திரிகம் செய்ப்பவர் என்றும்,பேயை விரட்டி செல்கிறார் என்றும் சொன்னார்கள்.

அதை விட ரோட்டில் டொபி கொட்டிக் கிடக்கும்...யாரையோ வசியம் பண்ண போட்டதை அந்த வீட்டுக்காரர் கொண்டு வந்து வீதியில் போட்டு இருப்பார்கள்... அவர்கள்,அவர்களுக்கு இடையே உள்ள போட்டி,பொறாமை,காதல் போன்ற காரணங்களால் வசியம் செய்தார்கள்...அவர்கள் வீட்டில் வசியம் செய்யப்படட ஏதாவது புதைத்து வைப்பது,காலடி மண்ணை எடுத்து ,தலை முடி போன்றவற்றை வைத்து வசியம் செய்வது என்பன நான் இருக்கும் காலத்தில் நடந்து கொண்டு தான் இருந்தது.

இந்த வீடியோவில் சொல்லப்படுகின்ற மாதிரி மட்டு மக்கள் அன்பானவர்கள்...அவர்கள் தங்கள் அன்பாலே யாழ் ஆண்களை வசியம் பண்ணி இருக்கலாம்...எத்தனையோ யாழ் ஆண்கள் மட்டுவில் வேலைக்கு வந்து அங்கு இன்னொரு திருமணம் செய்திருக்கிறார்கள்{தங்களுக்கு முதல் திருமணம் நடந்ததை மறைத்திருப்பார்கள் அல்லது தெரிந்தும் அந்த பெண்கள் கல்யாணம் கட்டி இருப்பார்கள்}....மட்டு பெண்கள் மட்டும் தான் அழகு என்று சொல்வது ரொம்ப ஓவர்?...நான் படித்த பள்ளியிலையேயே நிறைய யாழ்,மட்டு பிள்ளைகள் படித்தவர்கள்...அவர்களை யார்,யார் என வித்தியாசம் காண்பது கஷ்டம் அழகு விடயத்தில் ?

இது பற்றி நிறைய விடயங்கள் ரகுநாதன்,குசா அண்ணா போன்றோருக்கு தெரிந்திருக்கும்....ஆனால் யார் என்ன சொன்னாலும் மாந்திரிகம் அங்கு இருந்தது...இப்ப இருக்குதோ தெரியாது ?