Jump to content
  • 0

நான், செய்தது... சரியா... பிழையா?


தமிழ் சிறி

Question

  • கருத்துக்கள உறவுகள்

Bildergebnis für chefsessel gif

எனக்கு.... இன்று  வெள்ளிக் கிழமையும் (07.12.18),  வருகின்ற  திங்கள் கிழமையும் (10.12.18)  விடு முறை தேவை என்று,
எழுத்து பூர்வமாக கடந்த  செவ்வாய்க் கிழமை  (04.12.18) விண்ணப்பித்த போது....   

எனது மேல் அதிகாரி... வருட முடிவில்,  வேலைகள் அதிகம் உள்ளதால், எனக்கு விடுமுறை தர முடியாது,  என்று  கூறி விட்டார். 
இவரிடம் தொடர்ந்து வாதாடினால்.. எனக்குத் தான் நட்டம் வரும்  என்று, தெரிந்து...
நீங்கள் சொல்வது  சரி, என்று சொல்லி விட்டு.. சிரித்த முகத்துடன் திரும்பி வந்து விட்டேன்.
அவருக்கும்... நான் சொன்னது சந்தோசமாக இருந்ததை.. அவரின் முக பாவனையில் அறிந்து கொண்டேன்.   

ஆனால்... எனக்கு,  குறிப்பிட்ட நாளில் விடுமுறை தேவை.
இவ்வளவிற்கும்...  நான், கடந்த வருடங்களில்  சேமித்த விடுமுறை நாட்கள்  நாற்பதுக்கு மேல்.
இரண்டு நாள்... லீவு  கேட்க, இவ்வளவு நடப்பு  அடிக்கும்  இவருக்கு, ஒரு பாடம் கொடுக்க வேண்டும் என்று....

இன்று...  எனது  மருத்துவரிடம், இருமிக் கொண்டு சென்று...
ஆறு நாட்கள்.. மருத்துவ விடுமுறை எடுத்து... 
அதனை அவருக்கு... உடனே தொலை பேசியில் அறிவித்து உள்ளேன்.

இரண்டு நாள்...  விடுமுறை கேட்ட எனக்கு, 
இப்போ... மருத்துவர் மூலம்  ஆறு நாள் லீவு கிடைத்தது மட்டுமல்லாது...
எனது  விடுமுறை நாட்களும் சேமிக்கப் பட்டுள்ளது.

எந்த.. உயர் அதிகாரியாக இருந்தாலும், அங்கு.. வேலை செய்யும்.. ஆட்களின் தேவைகளையும், உணர்வுகளையும்  மதிக்கப் பழக வேண்டும்  என்ற படிப்பினையை.. அவருக்கு  கற்பித்ததாக நான் உணர்கின்றேன்.

உங்களுக்கு... இந்த விடயத்தில்... வேறு அணுகுமுறை இருக்கலாம்.
அல்லது... இப்படியான சந்தர்ப்பத்தில்,  நீங்கள் எப்படி நடந்து  கொள்வீர்கள்?

Link to comment
Share on other sites

  • Answers 54
  • Created
  • Last Reply

Recommended Posts

  • கருத்துக்கள உறவுகள்

நீங்கள் செய்தது சரியாக செய்யப்படாத ஒரு பிழை யான செயல்.

அலுவலக நடைமுறையையை சரியாக கணித்தபின் மேல் அதிகாரியின் குணாதிசயத்தை முன்கூட்டியே அறிந்து வைத்து அதன்படி நடப்பவராக இருந்தால்  நீங்கள் நேரடியாகவே வைத்தியரிடம் சென்று காரியத்தைச் சாதித்திருக்கவேண்டும். குறுக்கு வழியில் விடுமுறை பெற்றுக்கொண்ட உங்களின் நடத்தையை நிச்சயம் அதிகாரி புரிந்து கொண்டிருப்பார் அது உங்கள்மேல் அவருக்கு தப்பான அபிப்பிராயத்தையும் ஏற்படுத்தியிருக்கும்.

நீங்கள் சேமிக்கும் விடுமுறைகளை எப்போது எடுப்பதென்பதை நீங்கள் தீர்மானிக்க முடியாது. ஆனால் உங்கள் கோடைவிடுமுறையின் 3 வாரங்களை மட்டும் உங்கள் முதலாளியும் (அதிகாரியும்) நீங்களும் இணைந்து தீர்மானிக்கலாம். சிலவேளைகளில் சேமித்த லீவு நாட்களை வருடமுடிவில் ஒவர்ரைமாக கணக்கிட்டு அதற்குரிய பணத்தை தொழிலாளர் பெற்றுக்கொள்ளும் வாய்ப்பும் சில இடங்களில் உண்டு. ஏனெனில் ஒரு வருடத்தில் சேமித்த மேலதிக அல்லது மிகுதியான லீவு நாட்களை அடுத்த வருடத்துpற்கு கொண்டு செல்ல அனுமதியில்லை.

இது நான் வசிக்கும் நாட்டில் உள்ள நடைமுறை எனினும் இது நாட்டையும் உத்தியோகங்களையும்  தொழில் துறையையும் சார்த்து மாறுபடலாம்.

Link to comment
Share on other sites

  • கருத்துக்கள உறவுகள்
On 12/11/2018 at 3:10 AM, நிழலி said:

இன்று லீவு போட்டுட்டு ஆள் அப்படி என்னத்தை செய்து இருப்பார்? இதை அறியா விட்டால் தலையே வெடிச்சுடும் போல இருக்கு....ஆள் இன்று யாழ் பக்கமும் வரவில்லை போலிருக்கு.

நான் நினைக்கிறன்......

 

On 12/11/2018 at 4:04 AM, ஈழப்பிரியன் said:

நான் நினைக்கிறேன் பிள்ளைகளின் அலுவலாக இருக்கலாம்.

யாழ் கள  உறவுகளிடம், அளவுக்கு அதிகமாகவே...  பேச்சு வாங்கிய பின்பும்,
லீவு தேவை, என்பதற்காக....  மருத்துவ விடுப்பு எடுத்த காரணத்தை சொல்லாமல் இருப்பது சரியல்ல.

07.12.18 அன்று... மகள், பொறியியல் பட்டதாரி படிப்பை முடித்து, பட்டமளிப்பு விழாவும்,
10.12.18 அன்று.... மகன்,  மருத்துவ  பட்டதாரி படிப்பை முடித்தமைக்கான  பட்டமளிப்பு விழாவும்...
இரு வேறு நகரங்களில் நடை பெற இருந்ததாலும்... குடும்பத்தினருடன் கலந்து கொள்ள வேண்டி  இருந்ததாலும்....
எனக்கு வேறு தெரிவு இல்லாமையால் மட்டுமே... மருத்துவ விடுமுறையை எடுத்து,  அந்த விழாவில் கலந்து கொண்டேன்.

என்னுடைய நிலைமையில்... நீங்கள் இருந்திருந்தாலும், இதனைத்தான் செய்திருப்பீர்கள் என எண்ணுகின்றேன்.

Link to comment
Share on other sites

  • கருத்துக்கள உறவுகள்

அட இப்பத்தான் கவனித்தன், பொய் சொல்லி நானும் லீவு எடுத்திருக்கிறன், 

வாழ்த்துக்கள் உங்கள் பிள்ளைகளுக்கு......

Link to comment
Share on other sites

  • கருத்துக்கள உறவுகள்

தமிழ் சிறி என்னையும் மன்னித்துவிடுங்கள். நானும் உங்களை தவறாக திட்டி கருத்தெழுதி விட்டேன். பிள்ளைகளுக்கு வாழ்த்துக்கள்.

Link to comment
Share on other sites

  • கருத்துக்கள உறவுகள்
24 minutes ago, colomban said:

தமிழ் சிறி என்னையும் மன்னித்துவிடுங்கள். நானும் உங்களை தவறாக திட்டி கருத்தெழுதி விட்டேன். பிள்ளைகளுக்கு வாழ்த்துக்கள்.

டூ லேட் அடிக்கிறன் வலியை பொறுத்துக்கொள்ளுங்கள் என்பது போல இருக்கு  கொலும்ஸ்:27_sunglasses:

Link to comment
Share on other sites

  • கருத்துக்கள உறவுகள்
8 hours ago, தமிழ் சிறி said:

07.12.18 அன்று... மகள், பொறியியல் பட்டதாரி படிப்பை முடித்து, பட்டமளிப்பு விழாவும்,
10.12.18 அன்று.... மகன்,  மருத்துவ  பட்டதாரி படிப்பை முடித்தமைக்கான  பட்டமளிப்பு விழாவும்...
இரு வேறு நகரங்களில் நடை பெற இருந்ததாலும்... குடும்பத்தினருடன் கலந்து கொள்ள வேண்டி  இருந்ததாலும்....

ஆகா ஆகா
நான் சொன்னது தான் சரி.

வாழ்த்துக்கள் சிறி.பிள்ளைகளின் ஒவ்வொரு பட்டமளிப்பு விழாவென்று வரும் போதும் அதிஉச்ச சந்தோசமாக இருக்கிறோம்.
டாக்ரர் பொறியியலாளர் இதைவிட வேறு என்ன வேண்டும்.பிள்ளைகள் ஏற்றுக் கொள்வார்கள் என்றால் எனது வாழ்த்துக்களையும் தெரிவிக்கவும்.

Link to comment
Share on other sites

  • கருத்துக்கள உறவுகள்

ங்களுக்கும் உங்கள் மனைவிக்கும் உங்கள் பிள்ளைகளுக்கும் மனமார்ந்த வாழ்த்துக்கள்.

Link to comment
Share on other sites

  • கருத்துக்கள உறவுகள்
2 hours ago, தமிழ் சிறி said:

உங்களுக்கு... இந்த விடயத்தில்... வேறு அணுகுமுறை இருக்கலாம்.
அல்லது... இப்படியான சந்தர்ப்பத்தில்,  நீங்கள் எப்படி நடந்து  கொள்வீர்கள்?

சிறி எனக்கு இதில் எந்த அனுபவமும் இல்லை.வந்த  காலத்திலிருந்தே கூலி. போனால் காசு.எத்தனை மாதம் என்றாலும் எவருக்குமே முன்னறிவித்தல் கொடுக்கத் தேவையில்லை.நாளைக்கு வேணுமென்றால் போகலாம்.அடுத்த நாள் தேவையானால் நிற்கலாம்.24 மணி நேரத்தில் எப்போதும் போகலாம் வரலாம்.என்ன போனால்த் தான் பணம்.

விடுமுறையை குடும்பமாக சந்தோசமாக அனுபவியுங்கள்.

Link to comment
Share on other sites

9 hours ago, தமிழ் சிறி said:

 

யாழ் கள  உறவுகளிடம், அளவுக்கு அதிகமாகவே...  பேச்சு வாங்கிய பின்பும்,
லீவு தேவை, என்பதற்காக....  மருத்துவ விடுப்பு எடுத்த காரணத்தை சொல்லாமல் இருப்பது சரியல்ல.

07.12.18 அன்று... மகள், பொறியியல் பட்டதாரி படிப்பை முடித்து, பட்டமளிப்பு விழாவும்,
10.12.18 அன்று.... மகன்,  மருத்துவ  பட்டதாரி படிப்பை முடித்தமைக்கான  பட்டமளிப்பு விழாவும்...
இரு வேறு நகரங்களில் நடை பெற இருந்ததாலும்... குடும்பத்தினருடன் கலந்து கொள்ள வேண்டி  இருந்ததாலும்....
எனக்கு வேறு தெரிவு இல்லாமையால் மட்டுமே... மருத்துவ விடுமுறையை எடுத்து,  அந்த விழாவில் கலந்து கொண்டேன்.

என்னுடைய நிலைமையில்... நீங்கள் இருந்திருந்தாலும், இதனைத்தான் செய்திருப்பீர்கள் என எண்ணுகின்றேன்.

வேலை போனாலும் பரவாயில்லை என்று கட்டாயம் நானும் இதைத்தான் செய்து இருப்பேன். இதை விட சந்தோசம் ஒரு அப்பாவுக்கு வேறில்லை. உங்களுக்கும் உங்கள் பிள்ளைகளுக்கும் என் வாழ்த்துக்கள்.

Link to comment
Share on other sites

  • கருத்துக்கள உறவுகள்

சரி சரி ... இப்படி நாங்களும் பிழைகளை சரி என்டு நினச்சு செய்து இருக்கிறம் தானே.
தமிழ் சிறி ஒரு கடின உழைப்பாளி ..இந்த ஒரு சம்பவம் பெரிதாக எந்த கெடுதலையும் தொழில் இடத்தில 
ஏற்படுத்தாது என்று தான் நினைக்கிறன்.
ஒரு மேலதிகாரியாக இருப்பவரும் யோசிக்க வேணும்... அடேய் நான் என்னுடைய நல்ல ஒரு தொழிலாளியை அனாவசியமாக பொய் பேச வைத்து அலைக்கழித்து விட்டேனே என்று.
இதுவும் கடந்து போகும் ... இவரை நம்பி அவங்களும் இல்லை... 
அவங்களை நம்பி நம்மவரும் இல்லை. 
ஒரு டீம் லீடாக இருக்கும் நான், நான் மேட்பார்வை பார்க்கும் சக தொழிலாளர்களின் இது போன்ற இக்கட்டான சம்பவங்களை கையாளும் முறையே வேறு.
- விட்டுப்பிடிப்பது 
- அவர்கள் ஒவ்வொருவரின் பங்களிப்பின் முக்கியத்தையும் , பெறுமதியையும் அடிக்கடி மெச்சுவது , நன்றியை தெரிவிப்பது .
- தேவை ஏற்பட்டால் அவர்களின் கடமைகளை சற்றேனும் பகிர்ந்து கொள்வது.
- திறந்த மனதுடன் அவர்களுடன் உரையாடுவது. (அவர்களின் வாழ்க்கை சூழ்நிலைகளை ஓரளவுக்கேனும் அறிந்து கொள்ள முடியும்)
- இவற்றின் அடிப்படையில் முடிவுகளை எடுப்பது அல்லது அவர்களையே நல்ல முடியை நோக்கி நகர்த்துவது.
** வின் வின் சிட்டுவேஷன் *** 😉

On 12/8/2018 at 2:01 AM, colomban said:

ஒரு வளர்ந்த/முதிர்ச்சியடந்த மனிதன் இப்ப‌டியான ஒரு காரியம் செய்து போட்டு, இதற்கு ஒரு திரியும் திறந்து அதற்கு வாசகர்களில் அபிப்பிராயமும் கேட்கப்படுகின்றது. என்னத்தை சொல்ல?

கொழும்பான் நீங்கள் திறந்து விடும் பல திரிகளை நான் இப்படித்தான் பார்த்திருக்கிறேன் என்றால் நம்புவீர்களா பாருங்களேன். 😲

Link to comment
Share on other sites

  • கருத்துக்கள உறவுகள்

இந்த லீவு எடுப்பு இன்னொரு விதத்தில் உங்களை பாதிக்காது இருக்கும் வண்ணம் அந்த சர்வ வல்லமை படைத்த இயேசுவை கேட்டுக்கொள்கிறேன்.
 யேசுவே உங்கள் குழந்தைகளின் சிறு தவறுகளை மன்னியும்.

அது சரி இந்த கதிரை படம் எதுக்கு ... ஏதாவது வெள்ளிக்கிழமை ஸ்பெஷல் ..?

Link to comment
Share on other sites

  • கருத்துக்கள உறவுகள்
2 minutes ago, Sasi_varnam said:

யேசுவே உங்கள் குழந்தைகளின் சிறு தவறுகளை மன்னியும்.

பண்டிகை காலத்தில் முழுநேர சேவகனாக ரொம்பவும் பிசியாக இருப்பவரை சின்ன சின்ன பிரச்சனைகளுக்கு ஏன் சசி கூப்பிடுகிறீர்கள்?

Link to comment
Share on other sites

  • கருத்துக்கள உறவுகள்

சராசரியாக நீங்கள் செய்தது சரிதான். பொய்யும் நன்மை பயக்கும் என்றால் தாராளமாய் சொல்லலாம் என்று அய்யனே சொல்லியிருக்கின்றார். உங்களுக்கு நன்மை பயந்துட்டுதுதானே பிறகென்ன விட்டுத்தள்ளுங்க......!  😁

இந்தக்குறள் இப்படியெல்லாம் பயன்படும் என்றால் அன்றே அவர் 1329 துடன் நிறுத்தியிருப்பார்.....!

Link to comment
Share on other sites

  • கருத்துக்கள உறவுகள்

என்ன காரணம் சொல்லி விடுமுறை  கேடடீர்கள் . நேரடியாகவா அல்லது  தொலைபேசி எழுத்து மூலமாகாவா? ... . டாகடர்  மூலம்  விடுமுறையை சாதித்திருக்கிறீர்கள். அதிகாரிக்கு நன்றாக விளங்கி இருக்கும்.  இவன் கம்பெனிக்காக உழைக்க மாடடார் வேலை யில் பயபக்தி இல்லை  என  உங்கள்மீது ஒரு  கருப்பு புள்ளியிருக்க கூடும்.  எதற்கும் வருங் கா லத்தில்கவனமாய் இருக்கோ வீட்டுக்கு அனுப்பினாலும் அனுப்பி போடுவார்.:grin:

Link to comment
Share on other sites

  • கருத்துக்கள உறவுகள்

அனுமதியில்லாமல் விடுமுறை எடுத்தது சரியான செயல் என சொல்ல இயலாது. இந்த மருத்துவ விடுப்பு ஒர் 'டுபாக்கூர்' விசயம் என நிச்சயம் அதிகாரிக்கு தெரிந்திருக்கும்.

விடுமுறை என்பது உரிமை அல்ல, அது சலுகை. அதை அனுமதிப்பது சூழ்நிலையை பொறுத்தது.

அதிகாரியின் மனநிலையையும், வேலைப்பளுவையும் அனுமானித்து முன்கூட்டியே அவரிடம் சொல்லி வைத்திருக்கலாலாமென்பது எனது கருத்து.

Link to comment
Share on other sites

  • கருத்துக்கள உறவுகள்
12 hours ago, தமிழ் சிறி said:

 

யாழ் கள  உறவுகளிடம், அளவுக்கு அதிகமாகவே...  பேச்சு வாங்கிய பின்பும்,
லீவு தேவை, என்பதற்காக....  மருத்துவ விடுப்பு எடுத்த காரணத்தை சொல்லாமல் இருப்பது சரியல்ல.

07.12.18 அன்று... மகள், பொறியியல் பட்டதாரி படிப்பை முடித்து, பட்டமளிப்பு விழாவும்,
10.12.18 அன்று.... மகன்,  மருத்துவ  பட்டதாரி படிப்பை முடித்தமைக்கான  பட்டமளிப்பு விழாவும்...
இரு வேறு நகரங்களில் நடை பெற இருந்ததாலும்... குடும்பத்தினருடன் கலந்து கொள்ள வேண்டி  இருந்ததாலும்....
எனக்கு வேறு தெரிவு இல்லாமையால் மட்டுமே... மருத்துவ விடுமுறையை எடுத்து,  அந்த விழாவில் கலந்து கொண்டேன்.

என்னுடைய நிலைமையில்... நீங்கள் இருந்திருந்தாலும், இதனைத்தான் செய்திருப்பீர்கள் என எண்ணுகின்றேன்.

மிக்க மகிழ்ச்சி. கல்வியை தவிர வேறு எந்த நிரந்தரமான, பறிக்க முடியாத, கொள்ளை போகாத, வரி விதிக்க முடியாத தேட்டமும், ஒரு தந்தையால் பிள்ளைகளுக்கு வழங்க முடியாது. பாராட்டுக்கள்.

இதுக்கு லீவு தர முடியாத பண்ணாடையா  இருக்காரே (னே) உங்கட மேனேஜர். 

எரிச்சல் போல கிடக்குது, அது சரி, உங்களுக்கு தேதிகள் முன்னமே தெரிந்திருக்குமே.... ஏன்  கடைசி வரை விட்டீர்கள்?
 

Link to comment
Share on other sites

  • கருத்துக்கள உறவுகள்

தவறு சிறி

இந்த  நேரத்தில் விடுமுறை  கிடைக்காது  என 

உங்களுக்கு  அனுபவத்தின்அடிப்படையில் (கன  காலமாக  அங்கு  வேலை செய்வதால்)

தெரிந்திருக்கும்

எனவே  லீவு  கட்டாயம்  உங்களுக்கு  இந்நாளில் தேவை  என்றால்

லீவை  மேலதிகாரியிடம்  கேட்டு  உங்களுக்கு இந்த நாளில் லீவு  தேவை  என்பதை  அவர் உணராதநிலையில்

மருத்துவ லீவை  நீங்கள்  கொடுத்திருக்கணும்

 

இப்பொழுது  நீங்கள் ஒன்று அவரை  மதிக்கவில்லை

இன்னொன்று  பொய் சொல்கிறீர்கள்

அடுத்தது  முக்கியமானது  சட்டத்தை  ஏமாற்றுகிறீர்கள்

 

எனவே  அதை  அவர் மறக்கமாட்டார்

கொஞ்சம்   கவனமாக இருங்கள்

அதிலும் எமது வயதில் (பென்சனை  நெருங்கும்போது)

அதிக அழுத்தங்களை  அல்லது  மன  உழைச்சலை  தந்து வெளியேற்றவே  நிறுவனங்கள் முயல்கின்றன

முயலும்.

Link to comment
Share on other sites

  • கருத்துக்கள உறவுகள்

வாழ்த்துக்கள் பிள்ளைகளுக்கு உங்களுக்கும்

Link to comment
Share on other sites

  • கருத்துக்கள உறவுகள்

வாழ்த்துக்கள் பெற்றோரின் பொறுப்பான முயற்சிக்கும், பிள்ளைகளின் அக்கறையான படிப்புக்கும்......! 🌼

Link to comment
Share on other sites

  • கருத்துக்கள உறவுகள்

லீவு கேட்டு கிடைக்கவில்லை என்பதால் அதே நாட்களில் சுகவீன லீவில் செல்வது கட்டாயம் மேலதிகாரிக்கு கடுப்பை உருவாக்கும். இதை எப்படியும் வேறு பக்கத்தால் பழிவாங்க முயற்சிப்பார். எனவே இதில் தமிழ் சிறி அண்ணா கெட்டித்தனமாக நடந்ததாகச் சொல்லமுடியாது.

அவசரம் லீவு தேவை என்றால் இயலுமானவரை முன்கூட்டியே அனுமதி பெறுவது நல்லது. கேட்டால் கிடைக்காது என்று சந்தேகம் இருந்தால் லீவு எடுக்கவேண்டிய நாளுக்கு முதல்நாளில் இருந்து குறைந்தது நான்கு நாட்கள் சுகவீன லீவில் போவது நல்லது. 

நான் வருத்தம் என்று சொல்லி வேலையில் இருந்து லீவு எடுப்பது குறைவு. எனது வேலையில் எப்போதும் லீவு எடுக்கலாம். இரண்டு வாரங்களுக்கு மேல் லீவு தேவை என்றால்தான் பல மாதங்களுக்கு முன்னரே சொல்லவேண்டும். 

சுகவீன லீவு எடுக்கவேண்டுமென்றால் திங்கள் ஷேவ் செய்யாத முகத்துடன் போய் இடையிடையே இருமிக்கொண்டு இருந்துவிட்டு அடுத்த நாலு நாளும் வருத்தம் என்று சொல்லி போகாமல் விட்டிருக்கின்றேன்!

Link to comment
Share on other sites

  • கருத்துக்கள உறவுகள்

உங்கள் பிள்ளைகளுக்கு எனது வாழ்த்தினையும் சொல்லி விடுங்கள்...உங்களுக்கு எனது பாராட்டுக்கள் 

Link to comment
Share on other sites

அதிகாரி உங்கள் விடுமுறையையை நிராகரித்ததுக்கு தனிப்பட்ட வெறுப்பு விருப்பு காரணமாக அமையாவிடின் என்னைப் பொறுத்தவரைக்கும் நீங்கள் செய்தது தவறு தமிழ் சிறி. அவருக்கு வலுவான ஒரு காரணம் இருக்கலாம். அத்துடன் உங்கள் விடுமுறைக்கான காரணம் உங்களுக்கு அலுவலகத்தில் இருக்கும் பொறுப்புகளுடன் ஒப்பிடுகையில் வலு குறைந்ததாக இருக்கலாம்.

வேலையில் accountability யும் realiability யும் முக்கியம். உங்கள் செயல் உங்கள் accountability இனையும் உங்கள் மீதான நம்பிக்கையையும் அசைத்து இருக்கும்.

Link to comment
Share on other sites

  • கருத்துக்கள உறவுகள்
On 12/7/2018 at 2:54 PM, தமிழ் சிறி said:

எனக்கு.... இன்று  வெள்ளிக் கிழமையும் (07.12.18),  வருகின்ற  திங்கள் கிழமையும் (10.12.18)  விடு முறை தேவை என்று,
எழுத்து பூர்வமாக கடந்த  செவ்வாய்க் கிழமை  (04.12.18) விண்ணப்பித்த போது....   

எனது மேல் அதிகாரி... வருட முடிவில்,  வேலைகள் அதிகம் உள்ளதால், எனக்கு விடுமுறை தர முடியாது,  என்று  கூறி விட்டார். 

திடீர் லீவுகளுக்கு உரிய காரணம் சொல்லவேணும்.....இல்லையெண்டால் லீவுக்கு 1,2 மாதம் முன்னமே விண்ணப்பித்திருக்கலாம். குசும்புக்கு வீம்புக்கு உவருக்கு நான் ஆரெண்டு காட்டுறன் எண்டு நினைச்சால் தொழில் தர்மத்துக்கு கூடாத விளையாட்டு....இல்லாட்டி நீங்கள் செய்யிற வேலையை நிவர்த்தி செய்யக்கூடிய இன்னொரு ஆள் இருந்தாலும்  ஓரளவு ஓகே....

வேலையிடத்து சண்டித்தனங்கள் பிள்ளைகளின் வாழ்க்கை வரைக்கும் செல்லும். பெற்றோர்களின் நற்பெயர்தான் பிள்ளைகளின் வாழ்க்கைகும் உதவும்.:)

நீங்கள் செய்தது சரி பிழைகளுக்கப்பால்........

செய்யும் தொழிலே தெய்வம் என நினைத்து முதலாளி முதல் மேலதிகாரி வரைக்கும் அன்னியோன்யமாக நடப்பீர்களேயானால் அந்த இடத்தில் நீங்களும் முதலாளி போல் இருக்கலாம். நினைத்த நேரத்தில் லீவு எடுப்பது முதல்.......:cool:

Link to comment
Share on other sites

7ஆம் திகதி விடுமுறை வேண்டும் என்று 4 ஆம் திகதி அறிவித்தது சற்று அதிகம்.

பல வருடங்களாக இரவு பகல் அலுப்புப் பாராமல் உங்கள் நிறுவனத்துக்காக நீங்கள் உழைத்தவராகவும் அவசரமாக முக்கியமாகத் தேவையான நேரத்தில் அதிகாரி உங்கள் கோரிக்கையை உதாசீனம் செய்திருந்ததாகவும் எடுத்துக் கொண்டால் நீங்கள் செய்தது திருப்தியான காரியம்.

விடுமுறை முடிந்து நெஞ்சை நிமிர்த்திக் கொண்டு அதிகாரி முன்னால் போய் நிற்க எல்லாம் வல்ல ஆஞ்சநேயரை வேண்டிக் கொள்ளுங்கள். tw_blush:

 

Link to comment
Share on other sites

  • கருத்துக்கள உறவுகள்
14 hours ago, நிழலி said:

இன்று லீவு போட்டுட்டு ஆள் அப்படி என்னத்தை செய்து இருப்பார்? இதை அறியா விட்டால் தலையே வெடிச்சுடும் போல இருக்கு....ஆள் இன்று யாழ் பக்கமும் வரவில்லை போலிருக்கு.

நான் நினைக்கிறன்......

நிழலி....   நீங்கள் என்னை... எவ்வளவு மட்டமாக நினைத் திருந்திருந்தாலும்,
அதனை... வெளிப்படையாக சொல்லுங்கள். சத்தியமாக நான்.. கோவிக்க  மாட்டேன். 
சொல்லா.. விட்டால்... என் மண்டை வெடித்து விடும் போல்.. உள்ளது ஐயா. :grin:

இந்தத் திரியில்... எத்தனை பேரிடம்,  பேச்சு  வாங்கி விட்டேன்.  
உங்களின்... பேச்சையும் கேட்காமல்  இருப்பது சரியல்ல.
நண்பர்களிடம்... உரிமையாக... பேச்சு வாங்குவதே... தனி சுகம். ⛑️

Link to comment
Share on other sites

Archived

This topic is now archived and is closed to further replies.




×
×
  • Create New...

Important Information

By using this site, you agree to our Terms of Use.