கறி மிளகாய் தூள் தயாரிக்கும் முறை

[கிருபன்]

கறி மிளகாய் தூள் தயாரிக்கும் முறை

 

 

1 1/2 கி.கிராம் தூள் கிடைக்கும் 

தேவையான பொருட்கள் 

1. செத்தல் மிளகாய் - 500 கிராம் 
2. மல்லி - 400 - 500 கிராம் 
3. பெருஞ்சீரகம் - 100 கிராம் 
4. மிளகு - 50 கிராம் 
5. சிறிதாக வெட்டிய மஞ்சள் - 25 கிராம் 
6. கடுகு - 1 மே. க. ( நிரப்பி )
7. வெந்தயம் - 1 மே. க . ( நிரப்பி )
8. நற்சீரகம் - 2 மே . க ( நிரப்பி ) 
9. இறைச்சி சரக்கு - 2 பக்கட் ( சிறியது )
10. கறிவேப்பிலை - 10 நெட்டு 

செய்முறை :-

• மிளாகாய் , மல்லி , பெருஞ்சீரகம் ஆகியவற்றை துப்பரவு செய்து தனி தனியாக கழுவி காய வைத்து எடுத்துக் கொள்க . 

 

• மிளகாயின் காம்பை நீக்கிவிட்டு  சிறு சிறு துண்டுகளாக வெட்டி கையால் நன்கு கசக்கி கொண்டபின் , மிளகாய் விதைகள் வேறாகவும் , மிளகாய் தோல் வேறாகவும் பிரித்து எடுத்துக் கொள்க . ( விதைகளை வேறாக எடுக்கா விடல் வறுக்கும்போது கருகிவிடும் ) 

 

• பின்பு தாச்சியை அடுப்பில் வைத்து சூடானதும் மல்லியை இட்டு வறுக்கவும் . மல்லி சரியாக வறுக்கபட்டிருப்பின் விரல்களின் இடையே வைத்து நசுக்கி பார்க்கும் போது தூளாக உதிரும் பருவத்தில் மல்லியை எடுத்துக் கொள்க .மீண்டும் தாய்ச்சியில் பெருஞ்சீரகத்தை போட்டு வறுத்து , விரல்கள் இடையே வைத்து நசிக்கும் போது உதிரும் பருவத்தில் எடுத்துக் கொள்க . 

 

• மீண்டும் தாய்ச்சியில் நற்சீரகம் , மிளகு , வெந்தயம் , கடுகு , இறைச்சி சரக்கு , மஞ்சள் . கச்சான் முத்து , கறிவேப்பிலை என்பவற்றை போட்டு வறுத்துக் கறிவேப்பிலை முறுகிய பதத்தில் எடுத்துக் கொள்க  

 

• இவ் வண்ணமே மிளகாய் விதைகளைத் தனியாக பொன் நிறமாக  வறுத்தெடுத்துக் கொள்க . மிளகாய்த் தோலை தனியாக நன்றாக சூடாகும்வரை  வறுத்தெடுத்து  கொள்க . 

 

• பின்பு வறுத்த மல்லி , பெருஞ்சீரகம் , மிளகு , வெந்தயம் , கடுகு , இறைச்சி சரக்கு , மஞ்சள் , கச்சான் முத்து , கறிவேப்பிலை , மிளகாய் விதை , மிளகாய் தோல்  என்பவற்றை ஒன்றாக சேர்த்து நன்கு கலந்து திரித்தெடுத்து  நன்றாக ஆற வைத்து அரித்தெடுத்துக் கொள்க . 

 

• காற்று புகாத ஜாடியில் அடைத்து வைத்துப் பயன்படுத்தலாம் .

குறிப்பு :-

விரும்பினால் ஒரு பிடி உழுந்து , அரிசி , கடலைப் பருப்பு , கச்சான் முத்து  என்பவற்றை வறுத்து சேர்த்துக் கொள்ளலாம் .

 

http://yarlsamayal.blogspot.com/2013/02/blog-post_9228.html?m=0

 

[குமாரசாமி]

•  

Quote

 

• மிளாகாய் , மல்லி , பெருஞ்சீரகம் ஆகியவற்றை துப்பரவு செய்து தனி தனியாக கழுவி காய வைத்து எடுத்துக் கொள்க . 

 

• மிளகாயின் காம்பை நீக்கிவிட்டு  சிறு சிறு துண்டுகளாக வெட்டி கையால் நன்கு கசக்கி கொண்டபின் , மிளகாய் விதைகள் வேறாகவும் , மிளகாய் தோல் வேறாகவும் பிரித்து எடுத்துக் கொள்க . ( விதைகளை வேறாக எடுக்கா விடல் வறுக்கும்போது கருகிவிடும் ) 

 

 

ஆரோ ஒண்டு வேலை மினைக்கெட்டு எழுதியிருக்கு....

[கிருபன்]

7 hours ago, குமாரசாமி said:

•  

ஆரோ ஒண்டு வேலை மினைக்கெட்டு எழுதியிருக்கு....

மிளகாயைக் கசக்கி விதைகளை வேறாக்குவதால் கருகாமல் வறுக்கலாமாம். ஆனால் கசக்கின கையால் தொடக்கூடாத இடத்தில் தொட்டால் நடப்பதற்கு பரிகாரம் தரப்படவில்லை🤓

[suvy]

மிளகாய் காம்பையும் நீக்க தேவையில்லை. நல்ல தூளுக்கு கச்சான் எல்லாம் அவசியமில்லை.பிரயோசனமான குறிப்பு.......!  😁

[Nathamuni]

14 hours ago, கிருபன் said:

 

குறிப்பு :-

விரும்பினால் ஒரு பிடி உழுந்து , அரிசி , கடலைப் பருப்பு , கச்சான் முத்து  என்பவற்றை வறுத்து சேர்த்துக் கொள்ளலாம் .

 

http://yarlsamayal.blogspot.com/2013/02/blog-post_9228.html?m=0

 

உது எந்த ஊரு தூள் ?

ஐயோ. அய்யோ ...

[கிருபன்]

1 hour ago, Nathamuni said:

உது எந்த ஊரு தூள் ?

ஐயோ. அய்யோ ...

நீங்கள் சொந்தமாக தூளைத் திரிக்காமல் கடையில் வாங்கினால் செங்கல் உட்பட தெரியாத கலவை எல்லாம் இருக்கும்.😯

அதைவிட கடலைப்பருப்பு, கச்சான் முத்து பரவாயில்லை🤪

[குமாரசாமி]

18 hours ago, கிருபன் said:

மிளகாயைக் கசக்கி விதைகளை வேறாக்குவதால் கருகாமல் வறுக்கலாமாம். ஆனால் கசக்கின கையால் தொடக்கூடாத இடத்தில் தொட்டால் நடப்பதற்கு பரிகாரம் தரப்படவில்லை🤓

நீங்கள் சூரிய வெளிச்சம் படாத இடத்தைப்பற்றி கதைக்கிறியள்

ஆனால் இவையள்?????? 

Quote

காற்று புகாத ஜாடியில் அடைத்து வைத்துப் பயன்படுத்தலாம் .

 

[தமிழ் சிறி]

17 hours ago, Nathamuni said:

உது எந்த ஊரு தூள் ?

ஐயோ. அய்யோ ...

குழம்பு.. தடிப்பாக  வர வேண்டும் என்பதற்காக ஊரில்... சிலர் கொஞ்ச அரிசி போட்டு, மிளாகாய்த் தூள் தயாரிப்பார்கள்.
ஆனால்.... உளுந்து, கடலைப் பருப்பு,  கச்சான்  போடுவது புதிதாக உள்ளது.

[கறுப்பி]