Sign in to follow this  
nunavilan

கழிசடைகள்

Recommended Posts

 
 
Rajavarman Sivakumar shared a post.
 
 
 
 
Image may contain: outdoor
Image may contain: sky and outdoor
No photo description available.
Kalaichelvan Rexy Amirthan
 

கழிசடைகள்

இப்போதெல்லாம் இலங்கைக்கு உல்லாசப்பயணிகளாகப் போவோரின் தொகை அதிகரித்துவிட்டது. அப்படிப் போவோர்கள் அந்தத் தீவில் தாம்
கண்டவைகளையும் ரசித்தவைகளையும் யூடியூப் காணொளியாகப் போடுவதை வழக்கமாகக் கொண்டுள்ளார்கள் சரி மேற்குலகத்தோரின் பார்வையில் இலங்கை எப்படித்தான் இருக்கிறது என்ற ஆவல் உந்தித்தள்ள அப்படிப்பட்ட ஒரு காணொளியைப் பார்க்கத் தொடங்கினேன்.

கட்டுநாயக்கா சர்வதேச விமான நிலையத்திலிருந்து சொகுசு பஸ்சில் சுற்றுலாப் பயணிக்ள் ஏறுகிறார்கள் பஸ் ஓடத்தொடங்குகிறது. உள்ளே இலங்கையர் ஒருவர் எழுந்து வணக்கம் சொல்லிவிட்டு இலங்கையின் வரலாறு என்று ஒன்றை ஆங்கிலத்தில் சொல்லத்தொடங்குகிறார் அது இப்படித்தொடங்குகிறது:

"இலங்கை சிங்கள பௌத்த நாடு இங்கே முப்பது ஆண்டுகளுக்கு மேல் இடம்பெற்ற பயங்கரவாத பிரச்சினை இப்போது முடிக்கப்பட்டுவிட்டது "

இதற்குப்பின் அந்தக்காணொளியைப் பர்க்கவே பிடிக்கவில்லை. அவுஸ்திரேலியா போன்ற பல இனங்கள் கூடி வாழும் மேற்குலக நாடுகளில் இப்படியாக குறிப்பிட்ட மதத்துக்கோ இனத்துக்கோ முக்கியத்துவம் கொடுத்து யாரும் உரையாடுவதில்லை அப்படி உரையாடுவோர் துவேஷிகளாகப் பார்க்கப்ப்பட்டு மனித சமூகத்திலிருந்து ஒரு படி குறைந்தவர்களாக ஒதுக்கப்படுகிறார்கள் இதனால்தான் இங்கெல்லாம் துவேஷத்தை முன்வைக்கும் அரசியல் கட்சிகளால் ஒரு நிலைக்கு மேல் வளர முடிவதில்லை

இங்கு பொதுவான இடத்தில் ஒருவர் வழிகாட்டியாகவோ வரலாற்று உரைஞராகவோ பணியாற்றும்போது உண்மையைப் பேசுவார்கள் . இது அபறோஜின மக்களின் பாரம்பரிய நாடு இங்கே எல்லோருமே வந்து குடியேறினோம், இது பல இன மத மொழி மக்கள் ஒன்றாகக் கூடி வாழும் பல்லினக்கலாச்சார நாடு என்று ஆரம்பிப்பார்கள் ஆனால் இலங்கை என்ற தீவில் பௌத்தம் சிங்களம் என்ற மத, இன வெறிகள் தோற்றுவித்த இனப்பாகுபாடு மக்களுக்கிடையில் வேற்றுமையை ஏற்படுத்தி யுத்தத்துக்குள் தள்ளி அந்தநாட்டையே சுடுகாடாக்கியது அந்த அழிவில் முப்பத்தைத்து வருடத்துக்கு மேல் சிக்கிச் சீரழிந்து ஒருவாறு மீண்டபின்னர் இன்று அந்த வழிகாட்டி கூறுகிறார்...

இலங்கை ஒரு பௌத்த சிங்கள நாடு.

... போங்கடா நீங்களும் உங்கடை துவேஷ மனமும் கழிசடை நாடும். உலகம் எங்கேயோ போய்விட்டது நீங்கள் இப்பவும் கிணத்துத்தவளைகளாக மத இன வெறி பிடிச்சு அலைகிறீர்கள். உங்களையும் உங்களை இப்பிடி வளர்த்துவிட்ட அரசியல்வாதிகளையும் நினைச்சு வெட்கப்படுங்கோ.

உங்களின் உள்ளம் இன மத வெறிகளால் அசுத்தமாக்கப்பட்டு அழுக்காக இருக்கும்போது உங்களின் நாடு அழகாக இருந்து என்ன பயன் ???

பி.கு.

1505 இல் போர்த்துக்கல் நாட்டவர் இலங்கையை தற்செயலாக வந்தடைந்தார்கள் அப்போது இலங்கை என்ற தீவில் மூன்று இராச்சியங்கள் இருந்தன அவையாவன :

1) கண்டி இராச்சியம்
2) கொழும்பு இராச்சியம்
3) யாழ்ப்பாண இராச்சியம்.

அன்னியப்படையெடுப்பு இலங்கைக்கு வரும்போது இருந்த மூன்று இராசதானிகளில் யாழ்ப்பாண இராசதானி தமிழர்களின் பாரம்பரிய பிரதேசம். இந்த இராசதானியின் இறுதித் தமிழ் மன்னனின் பெயர் சங்கிலியன்.

போர்த்துக்கேயரின் காலம் 1505 -1658 காலப்பகுதியாகும் அதன்பின்னர் ஒல்லாந்தர் எனப்படும் ஹாலந்து நாட்டவரும் இறுதியாக 1948 மாசி 4 வரை ஆங்கிலேயரின் கட்டுப்பாட்டிலும் இலங்கை இருந்தது.

மூன்று இராசதானிகளாக காலகாலமாகப் பிரிந்து இருந்த இலங்கைத்தீவை தமது நிர்வாகத்தை இலகுவாக்கும் பொருட்டு , ஒன்றாக்கி ஒரே தேசமாக ஆட்சி செய்யத்தொடங்கினர் ஆங்கிலேயர். அதுதான் அன்றுதான் இலங்கைக்கு போடப்பட்டது சாபம், இலங்கையில் தமிழர் சிங்களவர் பிரச்சினைக்கு வித்திட்டதே இந்த ஒன்றாக்கல்தான்.

அவர்களின் வெளியேற்றத்தின் பின்னர் ஏற்பட்ட பெரும்பான்மை சிறுபான்மை என்ற இனப் பாகுபாட்டால் , தமிழ்மாணவர்களின் பல்கலைக்கழகத் தேர்வில் கொண்டுவரப்பட்ட தரப்படுத்தலால் ஏமாற்றமும் கோபமும் அடைந்த தமிழ் தரப்பினர் தாம் மீண்டும் வெள்ளையர் காலத்துக்கு முந்திய ஆட்சியை அமைப்போம் எனத் தீர்மானித்தனர், ஆரம்பத்தில் காந்தீய வழியிலும் பொலிஸ் இராணுவத்தால் அதற்குக்கிடைத்த அடி உதைகளால் கோபப்பட்டு காலப்போக்கில் ஆயுதப்போராட்டத்திலும் குதித்தனர் தமிழ் இளைஞர்கள் ...

மன்னன் சங்கிலியனின் கோட்டையின் பிரதான வாசல் அல்லது முகப்பும், அவனின் மந்திரியின் தங்குமிடமும் சிதைந்தும் சிதையாமலும் இன்றும்யாழ்ப்பாணத்தில் உள்ளது , அதைத்தான் மேலே படமாக்ப் போட்டுள்ளேன், வெகுவிரைவில் இந்த வரலாற்று ஆதாரமும் அழித்தொழிக்கப்பட்டுவிடும்.காரணம் நான் படிக்கும் காலத்தில் இலங்கையில் மூன்று இராச்சியங்கள் இருந்த வரலாறு சிறு வகுப்புப் பாடப் புத்தகத்தில் இடம் பெற்றிருந்தது ஆனால் சமீபத்தில் சந்தித்த நண்பர் கூறினார் அந்த வரலாறு இப்போது பாடப்புத்தகத்தில் இல்லை !!!

இதுதான் இலங்கைத் தீவின் சுருக்கமான வரலாறு ஆனால் உண்மை வரலாறு, இதைத்தான் இப்போது பயங்கரவாதப் பிரச்சினை என்கின்றனர்.

ம்ம்ம்ம்... என்னத்தைச் சொல்ல.

 

Share this post


Link to post
Share on other sites

இப்படியான மத வெறி, இன வெறி பிடித்த நாட்டுக்கு உலக நாடுகள் சப்பை கட்டு கட்டுகிறது...

வெட்கி குனிய வேண்டியது லங்களவன் அல்ல, போர் என்று காம களியாட்டம் போட்டு லச்ச கணக்கான மக்களை கொன்றொழித்து இந்த உலகின் ஒரு மூலையில் சிரித்து கொண்டும், பேசிக்கொண்டும் எந்தவித சஞ்சலமுமின்றி உலக நாடுகளுக்கு முன் வாழ்வதால் வல்லரசு என் பீத்திக் கொள்ளும் வல்லரசுகளும் ஐனா சபையுமே வெட்க்கி தலை குனிய வேண்டும்...

பின்லேடன் ஃப்ளைட்டை உட்டானென்று ஆஃப்கானிஸ்தானையே இப்பொழுது தன் கட்டு பாட்டில் கொண்டு வந்துள்ளது அமெரிக்கா... 

தனது இன போராட்டத்திர்க்கான களத்தையே இழந்து நர்கதியாய் நிக்கிறது தமிழினம்... மற்ற நாடு விழயத்தில் தலையிட மாட்டோம் என்கிறார்கள், மிக் ரக விமானங்கள் குண்டு மழையை பொழிந்தது என்ன ரகம் என்பது புரியவில்லை...

போராட்ட களத்தையே பிடுங்கியாகிவிட்டது, இப்பொழுது ஒரு இனத்தின் அடையாளங்களை அழிக்க துவங்கியாகிவிட்டது... தமிழினம் தன்மானத்துடன் வாழ தகுதியற்ற இனமா... அதற்க்கென்று தனி இடம் தேவை இல்லை என்று தீர்மானிக்கப் பட்டுவிட்டதா... அப்படியான கேவலமான இனம் தான் தமிழினம் என்றால் ஏற்றுக் கொள்கிறோம்... உலக நாடுகளுக்கான அறிவுருத்தல், தமிழ் பேசும் மற்றொரு நாடு(??) இந்தியாவில் உள்ளது... திறட்டி கொண்டு வாருங்கள், பயம் வேண்டாம் சின்ன சின்ன கதறல்கள் மட்டுமே எதிர்வினையாக இருக்கும்... 

இதுவும் செவிடன் காதுகளில் ஊதும் சங்கு தான் என்பது தெரியும், சப்பை மேட்டருக்கு கூட எதிர்பார்க்காததையெல்லாம் செய்தாகிவிட்டது, மாற்றம் கண்ணில் புலப்படவில்லை...

ஈழம், தமிழ்நாடு என்பது இடங்கள் மட்டுமே... தமிழ் மூச்சில் கலந்துள்ளது, செல்லும் இடங்களிலெல்லாம் சுவாசிக்கபடும், தேவைப்பட்டால் மற்றவர்களுக்கும் சேர்த்து...

Edited by மியாவ்
  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • பற்றி எரியும் வயல்கள்!! வவுனியாவில் நெல் அறுவடை செய்யபட்ட நிலையில் உள்ள வயல்வெளிகள் எரியூட்டபடுவதால் வீதிகள் எங்கும் புகைமூட்டமாக காட்சியளிக்கின்றன. கடுமையான வெப்பநிலை நிலவிவரும் நிலையில் இவ்வாறான செயற்பாடுகள் பொதுமக்கள் மத்தியில் விசனத்தை ஏற்படுத்திவ ருகின்றது. பூந்தோட்டம் வீதியின் இருபக்கமும் அமைந்துள்ள வயல்வெளிகள் கடந்த சில நாள்களாக எரிக்கப்பட்டு வருகின்றது. வவுனியா வைத்தியசாலைக்குப் பின்பக்கமா அமைந்துள்ள வயல்வெளிகள் எரியூட்டபட்டமையால் பேருந்து நிலையப் பகுதி,எ9 வீதி என்பன புகைமூட்டமாக காட்சியளித்திருந்தன. https://newuthayan.com/story/16/பற்றி-எரியும்-வயல்கள்.html
    • விடுதலைப் புலிகளின் பேரூட் இரகசியத் தளமும், அந்த தளத்தின் பின்னால் மறைந்துள்ள சில உண்மைகளும்!!   987 இன் இறுதிப்பகுதியில் மட்டக்களப்பின் அடர்ந்த காட்டுப் பிரதேசத்தில் அமைந்திருந்த விடுதலைப்புலிகளின் முக்கிய தளம் ஒன்றைச் சுற்றிவளைத்து அழிக்கும் நோக்குடன் இந்தியப்படையின்முக்கியமான ஒரு படைப்பிரிவான மவுன்டன் டிவிசன்(Mountain Division) படைப்பிரிவு பாரிய படை நடவடிக்கை ஒன்றினை மேற்கொண்டது. 'ஒப்பரேஷன் புளூமிங் டுளிப்| (Operation Blooming Tulip)என்று பெயரிடப்பட்டு மேற்கொள்ளப்பட்ட அந்தப் படை நடவடிக்கை, விடுதலைப் புலிகளின் மிகவும் முக்கியமான ஒரு ரகசியத் தளத்தை நோக்கிததான் மேற்கொள்ளப்பட்டது. மட்டக்களப்பு தரவைக் காடுகளின் மத்தியில் இரகசியமாக அமைக்கப்பட்டிருந்த புலிகள் அமைப்பின் முக்கிய தளம் ஒன்றைத் தாக்கி அழிப்பதே அந்த நடவடிக்கையின் குறிக்கோளாக இருந்ததாக இந்தியப்படையின் மட்டக்களப்புத் தலைமை புதுடில்லிக்கு அறிவித்திருந்தது. விடுதலைப்புலிகளின் அந்த முக்கிய தளத்தின் பெயர் 'பேரூட் பேஸ்' என்று இந்தியப் படையினருக்குதகவல்கள் கிடைத்திருந்தன.   புலிகளின்ஆயுதக் களஞ்சியங்கள், பிராந்தியத் தலைமை, பயிற்சி முகாம்கள், நடவடிக்கைத் தலைமையகம், தொலைத்தொடர்பு மையங்கள் என்பன இந்த 'பேரூட்' பேசிலேயே அமைந்திருப்பதாகவே இந்தியப்படையினர் நம்பியிருந்தார்கள்.   மட்டக்களப்பில்அந்தக் காலத்தில் இருந்த அந்த 'பேரூட் தளம்' அல்லது ‘பேரூட் பேஸ் (Beirut Base) பற்றியும், அந்த தளத்திற்கு ஏன் அந்தப் பெயர் வந்தது என்பது பற்றியும், அந்த முகாம் பற்றி மக்கள் மத்தியிலும், மற்றய போராளிகள் மத்தியிலும், ராணுவத்தினரிடமும் பரவியிருந்த வதந்திகளைக்கடந்த உண்மைகள் பற்றியும்தான் இந்தக் கட்டுரையில் நாம் விரிவாகப் பார்க்க இருக்கின்றோம். 'பேரூட் தளம்' மட்டக்களப்பில்அந்தக் காலத்தில் இருந்த புலிகளின் 'பேரூட் தளம்' மக்கள் மத்தியில் மாத்திரமல்ல சிறிலங்காப்படைகள் மத்தியிலும், மற்றய தமிழ் இயக்கங்கள் மத்தியிலும், இந்தியப் படையினர் மத்தியிலும் மிகவும் பிரபல்யமாகவே இருந்தது. மட்டக்களப்பில்இருந்த புலிகளின் மிகப் பெரியதொரு தளமே 'பேரூட் தளம்' என்றே பலரும் நம்பிக்கொண்டிருந்தார்கள். அந்த‘பேரூட் தளத்தில் பலவகையான கனரக ஆயுதங்கள், பயிற்சி முகாம்கள் நிலக்கீழ் சுரங்கங்கள்,பாரிய ஆயுதக் களஞ்சியங்கள் எல்லாம் அமைந்திருப்பதாகவே அனைவரும் நம்பிக்கொண்டிருந்தார்கள். மட்டக்களப்பின் தரவை மற்றும் குடும்பிமலைப் பிரதேசித்தில் உள்ள அடர்ந்த காட்டுப்பகுதியிலேயே புலிகளின் இந்த பாரிய ‘பேரூட் தளம்‘ அமைந்திருப்பதாகவும் மட்டக்களப்பு மக்கள் மத்தியில் பேச்சடிபட்டுக்கொண்டிருந்தது. ஆனால் உண்மையிலேயே 'பேரூட் பேஸ் (Beirut Base) என்று புலிகளால் குறிப்பிடப்பட்ட அந்தத் தளம் தரவையிலோ அல்லது குடும்பிமலைப் பிரதேசத்திலோ அமைந்திருக்கவில்லை. மட்டக்களப்பின் படுவான்கரைப் பிரதேசத்தில் உள்ள கொக்கட்டிச்சோலையில் உள்ள காடுகளின் மத்தியில் அமைக்கப்பட்டிருந்த ஒரு முகாமையே புலிகள் 'பேரூட் பேஸ்' என்று சங்கேத பாஷையில் அழைத்து வந்தார்கள்.     மக்கள் பேசிக்கொண்டது போன்று அல்லது மற்றய தமிழ் இயக்கங்கள் நம்பிக்கொண்டிருந்தது போன்று, அல்லது சிறிலங்காப் படையினர் அச்சப்பட்டுகொண்டிருந்தது போன்று புலிகளின் அந்த பேரூட்முகாமில் கனரக ஆயுதங்களோ அல்லது நிலக்கீழ் சுரங்கங்களோ இருக்கவில்லை என்பதுதான் உண்மை. இன்னும் குறிப்பாகக் குறிப்பிடுவதானால் அந்த பேரூட் தளத்திலும் அதனை அண்டிய கொக்கட்டிச்சோலைப் பிரதேசத்திலும் 48 போராளிகள் மாத்திரமே செயற்பட்டுக்கொண்டிருந்தார்கள் என்பதே உண்மை. பின்நாட்களில் மட்டக்களப்பு அம்பாறை மாவட்ட துணைத்தளபதியாக இருந்த தளபதி ரீகன் தலைமையில், பின்நாட்களில் பிரபல்யமான தளபதிகளான தளபதி ராம், தளபதி ரமேஷ், தளபதி ரமணன் போன்றோர்,அந்தக் காலகட்டத்தில் இந்த ‘பேரூட் பேசிலேயே’ செயற்பட்டுக்கொண்டிருந்தார்கள் என்பது குறிப்பிடத்தக்கது. அந்தக் காலகட்டத்தில் இயக்கங்கள் பற்றிய மிகைப்படுத்தல்கள் மக்கள் மத்தியில் மிக மிக வேகமாகப்பரவிக்கொண்டிருந்ததன் ஒரு அங்கமாக இந்த ‘பேரூட் பேஸ்’ பற்றிய மாயை மக்கள் மத்தியில்பெரிய அளவில் உருவாகி அடிக்கடி அச்சத்துடனும், பெருமையுடனும் பேசப்படுகின்ற ஒரு விடயமாகமாறியிருந்தது. லெபனானின் தலைநகரம் விடுதலைப்புலிகளின் அந்தத் தளத்திற்கு ஏன் ‘பேருட் பேஸ்’ என்ற பெயர் வந்தது என்பதற்கான காரணம் சரியாகத் தெரியவில்லை. அந்தக் காலகட்டத்தில் லெபனானின் தலைநகரான 'பேரூட்' என்ற பெயரானது போராடுகின்ற இனக் குழுமங்களினால்ஆச்சரியமாக நோக்கப்படுகின்ற, பேசப்படுகின்ற ஒரு பெயராகவே இருந்தது. அந்தநேரத்தில் தமிழ் இயக்க உறுப்பினர்களில் பல முக்கியஸ்தர்கள் லெபனானில் இராணுவப் பயிற்சியினை எடுத்துக்கொண்டிருந்ததால் லெபனானின் தலைநகரான பேரூட்டின் பெயர் போராளிகள் மத்தியில்அதிகம் பிரபல்யமாகியிருந்தது. இவை அனைத்தையும்விட 1983ம் ஆண்டின் இறுதிப்பகுதியில் லெபனான் தலைநகரில் அமைக்கப்பட்டிருந்த அமெரிக்க இராணுவத் தளம் மீது இஸ்லாமிய போராளிகள் மேற்கொண்டிருந்த ஒரு பாரிய தற்கொலைத் தாக்குதலும், அந்த தாக்குதல் பற்றிய செய்தியும் தமிழ் ஈழப் போராளிகள் மத்தியிலும், தமிழ் மக்கள் மத்தியிலும் பாரிய தாக்கத்தினை ஏற்படுத்தியிருந்ததாலும் 'பேரூட்' என்ற பெயர் தமிழ் மக்கள் மத்தியில் அதிக பிரபல்யமாகியிருந்தது. 1983ஒக்டோபர் மாதம் 23ம் திகதி லெபனான் தலைநகரான பெரூட்டில் நிலைகொண்டிருந்த அமெரிக்க மற்றும் பிரெஞ்சுப் படையினரின் தளம் மீது இஸ்லாமிய ஜிகாத் போராளிகள் தற்கொலைத் தாக்குதலை மேற்கொண்டிருந்தார்கள். அதில் அமெரிக்காவின் 220 சிறப்பு அதிரடிப்படையினர் ( United StatesMarine Corps )உட்பட 299 இராணுவ வீரர்கள் கொல்லப்பட்டார்கள். அந்தக் காலகட்டத்தில் உலகம் முழுவதும்- குறிப்பாகப் போராடும் இனக்குழுமங்கள் மத்தியில் மிகவும் பிரபல்யமாகப் பேசப்பட்ட தாக்குதல் அது. இரண்டாம் உலகப் போருக்கு பின்னர் அமெரிக்க மரைன் பிரிவுக்கு மிகப் பெரிய இழப்பினை ஏற்படுத்திய தாக்குதல் இடம்பெற்ற பிரதேசம் என்பதால் மக்கள் மத்தியில் 'பேரூட்' என்றபெயர் மிகவும் பிரபல்யமாகியிருந்தது. குறிப்பாக தமிழ் மக்கள் மத்தியில் இந்த 'பேரூட்' என்ற பெயர் அதிக மரியாதையுடனும், பலத்த எதிர்பார்ப்புடனும் உச்சரிக்கப்பட்ட ஒரு பெயராகவே இருந்தது. ஆக்கிரமிப்பாளருக்கு அச்சத்தையும், போராடும் இனத்திற்கு விடுதலை உணர்வையும் ஏற்படுத்தும் ஒரு பெயராகவே இந்த "பேரூட்" என்ற பெயர் அந்தநேரத்தில் உலகில் வலம் வந்துகொண்டிருந்தது. (புளொட் அமைப்பு இந்தியாவின் தஞ்சாவூர் மாவட்டத்தின் ஒரத்தநாடு என்ற இடத்தில் அமைக்கப்பட்டிருந்த தனது தளத்தின் ஒரு முகாமிற்கு 'பேரூட் முகாம்' என்று பெயர் சூட்டியிருந்தார்கள். அதேபோன்று யாழ் பல்கலைக்கழகத்தில் பகிடிவதைக்குப் பெயர்போன ஒரு விடுதிக்கு 'பேரூட் விடுதி' என்றுபெயரிட்டிருந்தார்கள். 'பேரூட்' என்ற பெயர் அந்தக் காலகட்டத்தில் தமிழ் மக்கள் மத்தியிலும்போராளிகள் மத்தியிலும் எந்த அளவிற்குப் பிரபல்யமாக இருந்தது என்பதற்கு இவைகள் சில உதாரணங்கள்)     சரி. குறிப்பாக மட்டக்களப்பின் கொக்கட்டிச்சோலைப் பிரதேசத்தில் இருந்த புலிகளின் இந்த முகாம் அல்லது தளத்திற்கு 'பேரூட் பேஸ்' என்று எவ்வாறு பெயர் வந்தது? இதற்கானகாரணம் யாருக்கும் சரியாகத் தெரியவில்லை. ஆனால் ஊகங்கள், அனுமாணங்கள் பல இருக்கின்றன. தொலைத்தொடர்புக்கருவி அந்தக்காலகட்டத்தில் பிரதேசவாரியாக விடுதலைப் புலிகள் தமது தொடர்பாடல்களுக்குப் பயன்படுத்திய சக்திவாய்ந்த பிரதான தொலைத்தொடர்பு கருவிகளை மையப்படுத்தி சில குறியீட்டுகளைப் பயன்படுத்திவந்தார்கள். விடுதலைப்புலிகளின் தலைவர் பிரபாகரன் அவர்களின் தொடர்பாடலை மையப்படுத்தி அவர்சார்ந்த தொடர்பாடல்பிரதேசத்தை 1-4 அதாவது வன்-போர் (One-Four) பேஸ் என்று அழைப்பார்கள். புலிகள்தலைவர் இந்தியாவில் தங்கியிருந்த பொழுது இந்தியாவில் இருந்த 'வன்-போர்' தளம் பின்னர்அவர் வன்னியில் அலம்பில் காடுகளில் தங்கியிருந்த பொழுது அங்கு செயற்பட்டது இந்தக் காரணத்தினால்தான். இதேபோன்று யாழ்பாணத்தை 2-2 டு-டு (Two-Two) பேஸ் என்றும் வடமாராட்சியை 2-3 டு-திறீ (Two-Three)பேஸ் என்றும் அழைப்பார்கள். இவை அனைத்தும் அந்தக் காலகட்டத்தில் விடுதலைப்புலிகளின் பிரதான தொலைத்தொடர்பு கருவிகளைஅடிப்படையாக வைத்தே நடைமுறைப்படுத்தப்பட்டன.     ஒருபெரிய தொலைத் தொடர்பு கருவி. ஏதாவது மரமொன்றில் அதன் 'அன்டனாக்களை' உயரத்தில் கட்டிவிட்டால் இலங்கை முழுவதும் மாத்திரமல்ல, இந்தியாவில் உள்ள புலிகளைக் கூட இதனூடாக இலகுவாகத் தொடர்புகொண்டுவிடமுடியும். அந்தக் காலகட்டத்தில் வடக்கு கிழக்கில் விடுதலைப் புலிகள் அமைப்பிடம் மாத்திரமேஇருந்த தொலைத் தொடர்பு வசதிகள் அவை. 80களின் நடுப்பகுதியில் தளபதி அருணா மட்டக்களப்பிற்கு வந்தபொழுது அவரால் மட்டக்களப்பு அம்பாறைமாவட்டத்திற்கென்று ஒரு பிரதான தொலைத்தொடர்புக் கருவி கொண்டுவரப்பட்டது. மட்டக்களப்பு வந்தறுமூலைப் பிரதேசத்தில் நிறுவப்பட்ட அந்தத் தொலைத்தொடர்பு கருவியை அடிப்படையாக வைத்து 4-6 போர்-சிக்ஸ் (Four-Six) பேஸ் என்று மட்டக்களப்பு பிரதேசதம் குறியீட்டுப் பெயரில்அழைக்கப்பட்டது. மட்டக்களப்பு-அம்பாறைமாவட்டத்தில் இருந்து புலிகள் அமைப்பில் தன்னை இணைத்துக்கொண்ட் முதலாவது போராளியும், இந்தியாவில் விடுதலைப் புலிகளுக்கு வழங்கப்பட்ட முதலாவது பயிற்சி முகாமில் பயிற்சிபெற்றவரும், பின்நாட்டகளில் புலிகள் அமைப்பில் மூத்த தளபதியாகப் பல களம் கண்டவரும், தற்பொழுதும் ஐரோப்பிய நாடொன்றில் உயிருடன் இருப்பவருமான தளபதி காந்தன் அவர்களே மட்டக்களப்பின் முதலாவது பிரதான தொலைத்தொடர்புக் கருவியை கையாண்டவர் என்பது குறிப்பிடத்தக்கது. இதேபோன்றுஅம்பாறை மாவட்டத்திற்கான தொலைத்தொடர்புக்கருவி அங்கு அனுப்பிவைக்கப்பட்டதைத் தொடர்ந்து அம்பாறைப் பிரதேசத்தை 4-8 போர்-எயிட் (Four-Eight) பேஸ் என்று அழைக்க ஆரம்பித்தார்கள். கொக்கட்டிச்சோலைப் பிரதேசத்தில் இருந்த புலிகள் அணிகளுக்கான தொலைத்தொடர்புகள் அம்பாறை மாவட்டத்துடனோயே அதிகம் இருந்ததால், கொக்கட்டிச்சோலை புலிகள் அணியின் தளங்களையும் ஆரம்பத்தில் 4-8 போர்எயிட் (Four-Eight) பேஸ் என்றே அழைத்துவந்தார்கள். இந்த 'போர்-எயிட்' - தான் கால ஓட்டத்தில் 'பேரூட்டாக' திரிவடைந்திருக்கலாம் என்றும் கூறப்படுகின்றது.     'சிக்காக்கோ ' அதேபோன்று அந்தக் காலகட்டத்தில் விடுதலைப்புலிகள் செயற்பட்டுக்கொண்டிருந்த ஒவ்வொரு பிரதேசத்திற்கும் உலகின் பிரபல்யமா நகரங்களின் பெயர்களைச் சூட்டி அழைப்பது வளக்கம். யாழ்பாணப் பிரதேசத்தை 'சிக்காக்கோ ' என்றும், வடமாராட்சிப் பிரதேசத்தை 'கலிபோர்ணியா' என்றும் அழைத்ததைப் போன்று மட்டக்களப்பின் கொக்கட்டிச்சோலைப் பிரதேசத்தை 'பேரூட்' என்று அழைத்திருப்பதற்கும் சந்தர்ப்பம் இருக்கின்றது. ஆகமொத்தத்தில் 'பேரூட் பேஸ்' என்பது மட்டக்களப்பில் விடுதலைப்புலிகளின் பிரபல்யமான ஒருமுகாம் என்பதும், இந்த 'பேரூட் பேஸ்' என்பது கொக்கட்டிச்சோலைப் பிரதேசத்திலேயே அமையப்பெற்றிருந்தது என்பதும் குறிப்பிடத்தக்கது. இந்த கட்டுரை ஒரு பொது எழுத்தாளர் Niraj David அவர்களால் வழங்கப்பட்டு 22 Mar 2019 எமது செய்திப்பிரிவால் பிரசுரிக்கப்பட்டது. இந்த கட்டுரையின் எந்தவொரு தயாரிப்பிலும் IBC Tamil செய்திப்பிரிவு பங்கேற்கவில்லை. இக் கட்டுரை சம்பந்தமான கருத்துக்களை Niraj David என்பவருக்கு அனுப்ப இங்கே கிளிக் செய்யவும்.   https://www.ibctamil.com/articles/80/116446?ref=home-imp-flag&fbclid=IwAR0zvgkp67d57eB6TM2B-baS1DY4nUzByb53iwss7drP7Ib-sBqrvOF-5Og
    • சிறி நன்றாக ரசித்து என்னுடன் பயணம் செய்து கொண்டு வருகிறீர்கள்.மிக்க நன்றி. கூட்டம் அதிகமாக இருந்ததால் பழக்கமில்லாத பிள்ளைகளுக்கு கொஞ்சம் சிரமமாகவும் இருந்தது.அத்துடன் ஓரிரு தடவை வேணுமென்றே இடிக்கிறார்கள் என்று முறைப்பாடு வெய்யில் எல்லாவற்றையும் கருத்தில் கொண்டு சீக்கிரமே வீடு வந்துவிட்டோம். முன்னர் பந்தல்களில் களையோடவில்லை. ஓ எமது முதலமைச்சர் நிற்கிறார்.இப்போ தான் படத்தையே பார்க்கிறேன்.எந்த பந்தல் என்று யாருக்குத் தெரியும்.
    • (ஆர்.யசி, எம்.ஆர்.எம்.வஸீம்) கொழும்பில் விடப்படுகின்ற வவுனியா பொருளதார மத்திய நிலையத்தின் கேள்விக் கோரல்களை வவுனியாவுக்கு மாற்றியமைக்க நடவடிக்கை எடுக்க வேண்டும் என  பாராளுமன்ற உறுப்பினர்  சார்ள்ஸ் நிர்மலநாதன் பாராளுமன்றில் தெரிவித்தார். இது தொடர்பில் மேலும் குறிப்பிட்ட அவர்,  வவுனியா பொருளாதார மத்திய நிலையம் வடக்கு தமிழ் அரசியல்வாதிகளின் ஒற்றுமையின்மை காரணமாக தாண்டிக்குளத்தில் இருந்து இரட்டை பெரியகுளம் பகுதிக்கு இடம்மாறியது.  இந் நிலையில் வவுனியா மாவட்ட அபிவிருத்திக்குழுக்கூட்டத்தில் வன்னி மாவட்டத்தை பிரதிநிதித்துவப்படுத்தும் சகல கட்சி எம்.பிக்களும் இணைந்து பொருளாதார மத்திய நிலையத்திலுள்ள கடைத்தொகுதிகளை வவுனியா மரக்கறி சந்தை வியாபாரிகளுக்கு 12 ஆயிரம் ரூபா மாத வாடகைக்கு வழங்குவதெனவும் மிகுதிக்கடைகளை கேள்விக்கோரலுக்கு விடுவதெனவும் தீர்மானிக்கப்பட்டது. என்றாலும் தற்போது இதற்கான கேள்விக்கோரல் கொழும்பில் விடப்பட்டுள்ளது. விண்ணப்பத்தைப்பெற , நேர்முகத்தேர்வுக்கு தோற்ற கொழும்புக்கு செல்ல வேண்டிய நிலை ஏற்பட்டுள்ளது. நேர்முகத்தேர்வை ஏன் வவுனியாவில் செய்ய முடியாது? அதனால் இந்நடவடிக்கைகளை  வவுனியா மாவட்ட செயலகத்துக்குக்கு மாற்ற நடவடிக்கை எடுக்க வேண்டும் என்றார். http://www.virakesari.lk/article/52483