• advertisement_alt
  • advertisement_alt
  • advertisement_alt
Sign in to follow this  
பிழம்பு

காதல் காலத்தை மறக்கச் செய்யும்; காலம் காதலை மறக்க செய்யுமா?

Recommended Posts

சிவக்குமார் உலகநாதன் பிபிசி தமிழ்
காதலால் கசிந்துருகி வாழ்ந்த காலங்கள் கடந்துவிட்டதா?படத்தின் காப்புரிமை LOIC VENANCE

'மனிதர் உணர்ந்து கொள்ள இது மனித காதல் அல்ல, அதையும் தாண்டி புனிதமானது' - 90களின் துவக்கத்தில் வெளிவந்த இந்த தமிழ்த்திரைப்பட பாடல்வரியும், அந்த குரலில் வழிந்தோடும் உணர்வும் இன்றளவும் காதல்வயப்படுவர்களை சிலாகிக்க வைத்து கொண்டே இருக்கிறது.

'எனது காதலும் புனிதமானதுதானே! அதையும் தாண்டி புனிதமான காதல் என்றால் அது எப்படி?'' உவமைக்காக கற்பனையாக எழுதப்பட்ட சினிமா பாடல்வரி என்பதை தாண்டி அது குறித்து நண்பர்கள் பலமுறை விவாதித்துள்ளனர்.

''அவ்வளவு வலி, அதை தாண்டி வர எவ்வளவு கஷ்டப்பட்டேன், இப்ப நினைச்சாலும்....' சொல்லும்போதே கண்ணீல் நீர் கோர்த்துவிடும் மணமான தோழி ஒருவருக்கு.

''எப்படி சொல்லனு தெரியலை...அப்படியே பறக்கிற மாதிரி, மிதக்குற மாதிரி இருந்தது. நிலையில்லாம இருந்த நாட்கள்தான்...ஆனால், என் வாழ்க்கையோட பொன்னான நாட்கள்னா அதுதான். நீயும் அப்படி ஒரு வலையில விழணும்டா ...'' வாழ்க்கையின் வெறுமையை கடந்துவிட நண்பனின் சகோதரர் அளித்த அறிவுரை இது.

''யார் கல்யாணம்னு கூப்பிட்டாலும் போக பிடிக்கலை , அதுவும் லவ் மேரேஜ்ன்னு யாராவது சொல்லிட்டா கேட்கும்போது இனம் தெரியாத ஒரு பொறாமை, கோபம் உடனே தலைகாட்டுது'' இது எந்த நண்பனும் சொல்லியதில்லை. அண்மையில் நானே என் நண்பனிடம் வெளிப்படையாக பகிர்ந்து கொண்டது.

எல்லோரையும், எக்கணத்திலும் சிலிர்க்கவைக்கும் உணர்வு ஒன்று உள்ளது என்றால் அது காதல்தான். வாழும் அனைத்து உயிர்களையும் சிலிர்க்க வைக்கும் ஒற்றை சொல்லாக திகழ்கிறது காதல்.

காதலால் கசிந்துருகி வாழ்ந்த காலங்கள் கடந்துவிட்டதா?படத்தின் காப்புரிமை Hindustan Times

அநேகமாக பெரும்பாலானவர்கள் தங்கள் வாழ்க்கையில் ஏதோ ஒரு கட்டத்தில் காதல்வயப்பட்டு இருக்கிறார்கள்; காதலுடன் வாழ்கின்றார்கள்' காதலை கடந்துள்ளார்கள்; ஆனால், வாழ்வின் அனைத்து அம்சங்களிலும் ஏராளமான மாற்றங்கள் வந்துவிட்ட நிலையில், காதலும் மாறிவிட்டதா?

காதல் என்பதை மோகத்தின் ஒருமுகம்தான் என்றும், காமத்தை அணுக காதல் ஒரு நுழைவுசீட்டாக அமைகிறது என்றும் விமர்சனங்கள் உண்டுதான். ஆனாலும், திரைப்படங்களும், புதினங்களும் போட்டி போட்டுகொண்டு அமரத்துவ காதலை வர்ணிக்கின்றன.

'சினிமால காட்டுறதெல்லாம் ரொம்ப செயற்கையானது. அப்படி ஒன்றும் காதல் புனிதமானதோ அல்லது அமரத்துவமானதோ இல்லை' எப்போதும் திரைப்படங்களை பரிகசிக்கும் ஒர் அலுவலக தோழர், தான் காதல்வயப்பட்ட சமயத்தில் புகழ்பெற்ற ஒரு திரைப்படத்தின் காட்சி ஒன்றைதான் உதாரணமாக கூறினார். ஆண்டுகள் சில கழிந்தபிறகு, ஒரு மது விருந்தில், மற்றொரு திரைப்படத்தையே தனது காதல் தோல்விக்கு எடுத்துக்காட்டாக அவர் குறிப்பிட்டார்.

காலப்போக்கில் காதல் மாறிவிட்டதா?

காதலால் கசிந்துருகி வாழ்ந்த காலங்கள் கடந்துவிட்டதா?படத்தின் காப்புரிமை FEDERICO PARRA

இந்த கேள்விக்கு விடைதேடும்முன், காதல் வளர்த்த அம்சங்கள், வளர்ந்த விதங்கள் காலப்போக்கில் மாறிவிட்டன என்பதை நாம் கண்கூடாக காண்கிறோம்.

ஆரம்ப காலங்களில் காதலை வளர்த்த திரைப்படங்களும், நாவல்களும் தற்போது அந்த பணியை சமூக ஊடகங்கள் மற்றும் நவீன மொபைல் செயலிகளுடன் பங்குபோட்டுள்ளன.

முன்பு நகரங்களில் 'பார்க், பீச், சினிமா' ஆகிய மூன்றும் காதல் வளர்க்கும் இடங்களாகவும், கோயில், குளக்கரை போன்றவை கிராமிய காதலை வளர்த்தன. கடந்த ஒரு தசாப்தமாக, காபிஃ ஷாப், ஷாப்பிங் மால்கள், நவீன அலுவலகங்கள் ஆகியவை இந்த போட்டியில் குதித்துள்ளன.

அதேபோல் முன்பு காதலை வெளிப்படுத்த கடிதங்களே பிரதானமாக இருந்தது. கடிதத்தை எப்படி தருவது, நேராக தருவதா, யார் மூலம் தருவது என பல கேள்விகள் இருந்தன. தற்போது வாட்ஸப் அத்தனை சைமத்தை ஏற்படுத்தவில்லை.

காதலை வெளிப்படுத்துவது எளிதாகி விட்டது; அதேபோல் காதலை பெறுவதும் எளிதாகி விட்டதா?

இந்த கேள்விகள் தொடர்பாக பிபிசி தமிழிடம் மனநல மருத்துவர் டி. வி. அசோகன் பேசினார்.

''ஆரம்ப காலங்களில் ஓர் ஆணும், பெண்ணும் நன்கு பேசி பழகினால் அது காதலாக மாறி திருமணத்தில் தான் பெரும்பாலும் முடிந்துள்ளது. ஆனால், தற்போது அப்படியெல்லாம் இல்லை. இதற்கு காரணம் தற்போது காதலை எளிதாக பெற முடிகிறது. அதனாலேயே காதல் தோல்வியையும் தற்போதைய தலைமுறையினரால் எளிதாக கடக்க முடிகிறது'' என்று அசோகன் தெரிவித்தார்.

காதலால் கசிந்துருகி வாழ்ந்த காலங்கள் கடந்துவிட்டதா?படத்தின் காப்புரிமை Bernard Annebicque

''தனக்கு பிடித்த பெண்ணின் கவனத்தை ஈர்க்க பஸ் ஸ்டாப்பில் இளைஞர்கள் காத்திருந்த காலம் மாறிவிட்டது. தற்போது டேட்டிங் செய்ய ஏராளமான வலைத்தளங்கள் வந்துவிட்டன. சமூக அமைப்பு மாற தொடங்கியதும், காதலும், அது குறித்து சொல்லப்பட்ட பல இலக்கணங்கள் மற்றும் கோட்பாடுகளும் உடைய தொடங்கிவிட்டன'' என்று அசோகன் மேலும் கூறினார்.

நவீன கண்டுபிடிப்புகள் நம் வாழ்க்கைமுறையை மாற்றிவிட்டது. உலகில் நடக்கும் பல விஷயங்களை அடுத்த வினாடியில் நம் கையில் உள்ள மொபைல் மூலம் அறிய முடிகிறது அற்புதமான விஷயம்தான். அதேவேளையில் இவற்றின் மீதான மோகம் நம் மனதையும் சுருங்கிவிட்டது என்றே கூறலாம் என்று தெரிவித்த அசோகன், இதன் தாக்கம் குடும்ப அமைப்பு மற்றும் காதல் போன்றவற்றிலும் எதிரொலிக்கிறது என்றார்.

காதல் மற்றும் காமம் - என்ன தொடர்பு?

காதல் மிக புனிதமானது , காதல் போயின் சாதல் சாதல், முதல் காதலை போல எதுவும் வராது - சிறு வயதில் இருந்து நாம் கேட்டு வளரும் இவையெல்லாம் கட்டுக்கதைகளா அல்லது மிகைப்படுத்தப்பட்ட விஷயங்களா?

''ஒரு முறைதான் காதல் வரும், முதல் காதல்தான் புனிதமானது அல்லது உண்மையானது என்பவை எல்லாம் மிகையானவை. ஒருவருக்கு காதல் எத்தனை முறை வேண்டுமானாலும் வரலாம், எந்த வயதிலும் வரலாம்'' என்று மருத்துவர் அசோகன் குறிப்பிட்டார்.

காதல் தோல்வியை ஒருவரால் கடக்க முடியுமா என்று கேட்டதற்கு, ''ஆரம்பகால காதல் (முதல் காதல்) நாளடைவில் சாதாரணமாக தோன்றும். ஒரு காலத்தில் அதுதான் பிரதானமாக இருந்தது. மீண்டும் காதலில் விழ மாட்டேன் என்று உறுதியாக இருந்தவர்கள், அடுத்த காதலில் முதல் காதலை மெல்லமெல்ல மறக்க தொடங்குவர்'' என்று அசோகன் கூறினார்.

''தற்கால காதல் குறித்து சில குறைகள் கூறினாலும், காதல் தோல்வி என்றால் உடனே தற்கொலை என்ற முடிவுக்கு தற்போது பெரும்பாலானோர் செல்வதில்லை என்பது ஓர் ஆரோக்யமான விஷயம்''

காதலால் கசிந்துருகி வாழ்ந்த காலங்கள் கடந்துவிட்டதா?படத்தின் காப்புரிமை CHRISTOPHE SIMON

''காதல் இல்லாத காமம் இல்லை; அதேபோல் காமம் இல்லாமல் காதலும் இல்லை. இது குறித்தும் சிலர் தவறாக புரிந்து கொள்வதுண்டு. காதலும், காமமும் ஒன்றையொன்று நிழல் போல துரத்தும். அதில் தவறும் இல்லை'' என்று அவர் மேலும் கூறினார்.

''ஆனால் எல்லா காலங்களிலும் உண்மையான அன்பும், காதலும் இருந்து கொண்டேதான் இருக்கும். ரசனை உள்ளவரை காதல் இவ்வுலகில் இருக்கும். ரசனை உள்ளவர்கள் காதலை தொடர்ந்து தழைக்க செய்வர்'' என்றார்.

காதல் வயது சார்ந்தது என்று என் மூளையில் ஆழமாக பதித்திருந்த எண்ணத்தை சாலையை கடக்க முயன்ற ஒரு தாத்தா, பாட்டியின் அன்புதான் மாற்றியது. சாலையை கடக்க சிரமப்பட்ட அவர்கள் இருவரும் ஒருவரையொருவர் பற்றியவாறு நடந்ததும், அருகாமை தேநீர் கடைக்கு வந்த அவர்கள் ஒருவரின் உடல் வியர்வையை மற்றவரின் ஆடையால் ஒற்றி எடுத்ததும் - அடடா! இது தானே உண்மையான காதல் என்று எண்ண வைத்தது.

'அவள் சாப்பிடாம எனக்காக காத்திருப்பா, நான் வீட்டுக்கு போகணும்' என்று அவசரம் காட்டும் நண்பனும், 'ஏன் எனக்கு கால் பண்ணலை, எவ்வளவு நேரம் காத்திருந்தேன் தெரியுமா உனக்காக' என மெட்ரோ ரயிலில் தனது காதலனுடன் சிணுங்கிய யுவதியும், உண்மையான காதல் என்பது எப்போதும் இருக்கும் என்பதை அழுத்தமாக பதிவு செய்கின்றனர்.

காதல் குறித்து பேசிக் கொண்டே இருக்கலாம், எழுதிக் கொண்டே போகலாம். கடல் அலைகள் போல காதலும் ஓய்வதில்லைதான். ஆனால், மீண்டும், மீண்டும் புதிதாய் பிறக்கும் அலைகள் காதலும் மீண்டும் பிறக்கும். தோல்வி என்று எதுவுமில்லை. இழப்புகளை பற்றி மட்டுமே எண்ணி காலத்தை விரயமாக்காமல் துளிர்க்கும் புதிய இலைகளின் வரவை மகிழ்வோடு வரவேற்க வேண்டும்.

https://www.bbc.com/tamil/arts-and-culture-47221984

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • பால் மாவின், விலையில் மாற்றம். இறக்குமதி செய்யப்படும் பால்மாவுக்கான விலை குறைக்கப்பட்டுள்ளதாக நுகர்வோர் அலுவல்கள் அதிகாரசபை தெரிவித்துள்ளது. அதற்கமைய இன்று (திங்கட்கிழமை) அமுலுக்கு வரும் வகையில் பால்மாவுக்கான விலை குறைக்கப்பட்டுள்ளது. அதன் அடிப்படையில் 1 கிலோ கிராம் பால்மாவின் விலை 40 ரூபாயினாலும் 400 கிராம் பால்மாவின் விலை 15 ரூபாயினாலும் குறைக்கப்பட்டுள்ளது. ஆட்சி மாற்றத்திற்கு பின்னர், இறக்குமதி செய்யப்படும் பால்மாவின் விலை கடந்த 24ஆம் திகதி முதல் அதிகரிக்கப்பட்டிருந்தது. இதற்கமைய ஒரு கிலோகிராம் பால்மாவின் விலை 50 ரூபாயினாலும் 400 கிராம் பால்மாவின் விலை 20 ரூபாயினாலும் அதிகரிக்கப்பட்டிருந்தமை குறிப்பிடத்தக்கது. http://athavannews.com/பால்மாவின்-விலையில்-மாற்/
    • வடக்கில் இடம்பெற்ற ஊழல் மோசடிகள் குறித்து ஆராய குழு – டக்ளஸ் நல்லாட்சி அரசாங்கத்தில் வடக்கு மாகாணத்தில் இடம்பெற்ற ஊழல் மோசடிகள் குறித்து ஆராய்வதற்காக குழுவொன்று நியமிக்கப்படவுள்ளதாக தெரிவிக்கப்படுகிறது. கடற்றொழில் மற்றும் நீரியல்வளத்துறை அமைச்சர் டக்ளஸ் தேவானந்தா இதனை தெரிவித்துள்ளார். யாழ்ப்பாணத்தில் நேற்று (ஞாயிற்றுக்கிழமை) இடம்பெற்ற செய்தியாளர் சந்திப்பில் கலந்துகொண்டு உரையாற்றியபோதே அவர் இவ்வாறு குறிப்பிட்டார். இதேவேளை, 13வது அரசியலமைப்பை முழுமையாக நடைமுறைப்படுத்துவதற்கான நடவடிக்கையே முன்னெடுக்கப்பட வேண்டியுள்ளதாகவும் அவர் தெரிவித்தார். http://athavannews.com/வடக்கில்-இடம்பெற்ற-ஊழல்/
    • தமிழ் பெண்களின் நெற்றிப்பொட்டு விடயத்திற்கு முற்றுப்புள்ளி வைக்குமாறு கோரிக்கை கடவுசீட்டுக்கு தமிழ் பெண்கள் நெற்றிப்பொட்டு வைக்கும் விவகாரத்தில் சட்டங்களின் பெயரால் தமிழர் பாரம்பரியங்களை சிதைக்கவேண்டாம் என மேல்மாகாண சபையின் முன்னாள் உறுப்பினர் சண்.குகவரதன் கேட்டுக்கொண்டார். மேலும் இந்த விடயம் தொடர்பாக அமைச்சர் ஆறுமுகம் தொண்டமானுடன் தொடர்புகொண்டு நெற்றிப்பொட்டு விடயத்திற்கு உடனடியாக முற்றுப்புள்ளி வைக்கப்பட வேண்டும் என கேட்டுக்கொண்டதாகவும் அவர் குறிப்பிட்டார். புதி­தாக கட­வுச்­சீட்­டுக்கு விண்­ணப்­பிப்­ப­வர்கள் அல்­லது தமது பழைய கட­வுச்­சீட்டை புதுப்பிக்கும் தமிழ்ப் பெண்கள் நெற்­றிப்­பொட்­டுடன் படம் எடுப்­பதை தவிர்க்க வேண்டும் என குடி­வ­ரவு குடி­ய­கல்வு திணைக்­களம் தெரி­வித்­துள்ளது. இந்நிலையில் இந்த விடயம் தொடர்பாக அவர் ஊடகங்களுக்கு அனுப்பிவைத்துள்ள அறிக்கையிலேயே இவ்வாறு தெரிவித்துள்ளார். அந்த அறிக்கையில் அவர் மேலும் தெரிவிக்கையில், “இலங்கைத்தீவில் வாழும் தமிழ் மக்கள் நீண்ட பாரம்பரியங்களையும் கலை கலாசாரங்களையும் பேணிப்பாதுகாத்து பரம்பரை பரம்பரையாக வாழ்ந்து வருகின்றார்கள். இந்த நாட்டின் பிரஜைகள் என்ற சமத்துவத்திற்காக அவர்கள் ஏங்கி நிற்கின்ற சூழலில் மிகமுக்கிய விடயமாக கடவுச்சீட்டில் நெற்றிப் பொட்டை நீக்க வேண்டும் என்று அறிவிக்கப்பட்டுள்ளது. இவ்வாறான அறிவிப்பொன்றை குடிவரவு, குடியகவல்வு திணைக்களம் செய்துள்ளமையானது தமிழ் மக்கள் மத்தியில் பாரிய அதிர்வலைகளை ஏற்படுத்தியிருந்தது. நெற்றிப்பொட்டு வைப்பதற்கு பல காரணங்கள் உள்ளன. நெற்றிப்பொட்டு வைப்பது பரம்பரை ரீதியாக கடத்தப்பட்ட பழக்கமாகவும் விஞ்ஞான ரீதியிலும் இன, மத, சமூக அடையாளகமாகவும் அது காணப்படுகின்றது. போர் உக்கிரமாக நடைபெற்ற காலங்களில்கூட தமிழ் பெண்கள் தமது நெற்றிப்பொட்டு வைக்கும் பாரம்பரியத்தினை கைவிட்டிருக்கவில்லை. அவ்வாறான சூழலில் சர்வதேச நியமனங்களின் பிரகாரம் கடவுச்சீட்டு உருவாக்கப்படுகின்றது என்பதற்காக ஒரு இனத்தின் பாரம்பரிய பழக்கத்தையும் வழக்கத்தையும் மாற்ற முயல்வதானது பெரும் தவறான விடயமாகும். இந்த விடயம் தொடர்பாக பலதரப்பட்டவர்களும் பெண்கள் அமைப்புக்களும் என்னைத்தொடர்பு கொண்டு பல்வேறு கருத்துக்களை பகிர்ந்துகொண்டார்கள். அதனடிப்படையில் அமைச்சர் ஆறுமுகம் தொண்டமானுடன் தொடர்புகொண்டு நெற்றிப்பொட்டு விடயத்திற்கு உடனடியாக முற்றுப்புள்ளி வைக்கப்பட வேண்டும் என கேட்டுக்கொண்டேன். இந்த நெற்றிப்பொட்டு விவகாரத்தினை ஜனாதிபதி, பிரதமரின் கவனத்திற்கு உடனடியாக கொண்டு செல்வதாக உறுதியளித்தார். எதிர்வரும் நாட்களில் ஜனாதிபதி, பிரதமர் இவ்விடயம் சம்பந்தமாக சாதகமான பிரதிபலிப்பினை வெளிப்படுத்துவார்கள் என்று எதிர்பார்த்துள்ளேன். தமிழினத்தின் பாரம்பரிய செயற்பாடுகளையும் பண்புகளையும் மறுதலிக்கும் எந்தவொரு விடயத்திற்கும் ஒருபோதும் துணைபோவதற்கோ இடமளிப்பதற்கோ முடியாது” என மேலும் தெரிவித்தார். http://athavannews.com/தமிழ்-பெண்களின்-நெற்றிப்/
    • காணாமல்போன மீனவர்களை தேடும் நடவடிக்கை தொடர்ந்தும் முன்னெடுப்பு திருகோணமலை – உப்பாரு பகுதியில் மீன்பிடி படகொன்று விபத்துக்குள்ளானதில் காணாமல்போன மீனவர்கள் இருவரை தேடும் நடவடிக்கைகள் தொடர்ந்தும் முன்னெடுக்கப்பட்டு வருகின்றன. அவர்களை தேடும் பணியில் பொலிஸார் மற்றும் கடற்படையினர் தொடர்ந்தும் ஈடுபட்டுள்ளனர். குறித்த பகுதியில் நேற்று காலை படகில் ஐந்து இளைஞர்கள் பயணித்துள்ள நிலையில் திடீரென படகு கவிழ்ந்துள்ளது. இதில் ஒருவர் உயிரிழந்துள்ளதுடன் ஏனைய இரண்டு பேர் உயிருடன் மீட்கப்பட்டனர். இந்நிலையில் காணாமல்போன ஏனைய இருவரை தேடும் நடவடிக்கை நேற்றிலிருந்து முன்னெடுக்கப்பட்ட நிலையில், இன்று (திங்கட்கிழமை) 2ஆவது நாளாகவும் தொடர்கிறது. இதேவேளை, பாதிக்கப்பட்டவர்கள் கின்னியா பகுதியில் வசிப்பவர்கள் என பொலிஸார் தெரிவித்துள்ளமையும் குறிப்பிடத்தக்கது. http://athavannews.com/காணாமல்போன-மீனவர்களை-தேட/
    • குடியுரிமை மசோதாவில் இலங்கை தமிழ் அகதிகளுக்கு மட்டும் ஏன் இடமில்லை? ராஜ்நாத் விளக்கம் இலங்கையில் இருந்து வந்த தமிழ் அகதிகளுக்கு மட்டும் இந்திய குடியுரிமை வழங்கும் திருத்தம் மசோதாவில் சேர்க்கப்படாதது ஏன் என்பது குறித்து மத்திய பாதுகாப்பு துறை அமைச்சர் ராஜ்நாத் சிங் விளக்கம் அளித்துள்ளார். அண்டை இஸ்லாமிய நாடுகளான பாகிஸ்தான், வங்கதேசம், ஆப்காஸ்தான் ஆகிய நாடுகளில் மத துன்புறுத்தலுக்கு உள்ளான இந்துக்கள், கிறிஸ்தவர்கள், சீக்கியர்கள், சமணர்கள், புத்தர்கள் மற்றும் பார்சிகள் ஆகிய ஆறு மதத்தினருக்கு இந்திய குடியுரிமை வழங்குவதை நோக்கமாக கொண்டு குடியுரிமை (திருத்த) மசோதாவை மத்திய அரசு நாடாளுமன்றத்தில் இன்று தாக்கல் செய்கிறது, இந்நிலையில் இலங்கையில் இருந்து வந்த தமிழ் அகதிகளுக்கு மட்டும் இந்திய குடியுரிமை வழங்கும் திருத்தம் மசோதாவில் சேர்க்கப்படவில்லை. இதனால் இந்த மசோதா நிறைவேறினாலும் இலங்கையில் இருந்து வந்து தமிழகத்தில் அகதிகளாக வசிக்கும் மக்களுக்கு இந்திய குடியுரிமை கிடைக்காது.ஆனால் அதேநேரம் பாகிஸ்தான், வங்கதேசம், ஆப்காஸ்தான் ஆகிய நாடுகளில் இருந்து இந்தியாவில் சட்டவிரோதமாக குடியேறியவர்களுக்கு விலக்கு அளிக்கும் வகையில் தற்போதுள்ள சட்டங்களை திருத்தி இந்த மசோதாவை பிரதமர் மோடி தலைமையிலான அரசு கொண்டு வந்துள்ளது.மத அடிப்படையில் குடியுரிமை வழங்கும் இந்த மசோதா அரசியலமைப்பில் கூறப்பட்டுள்ள மதச்சார்பற்ற கொள்கைகளுக்கு முரணானது என்று எதிர்க்கட்சிகள் கடுமையாக விமர்சித்துள்ளன.இந்நிலையில் குடியுரிமைதிருத்த மசோதா குறித்து மத்திய பாதுகாப்பு துறை அமைச்சர் ராஜ்நாத் சிங் ஆங்கில ஊடகம் ஒன்றுக்கு பேட்டி அளித்தார். அப்போது அவர் கூறுகையில், குடியுரிமை (திருத்த) மசோதாவின்படி பாகிஸ்தான், ஆப்கானிஸ்தான் மற்றும் வங்காள தேசம் ஆகிய நாடுகளில் இருந்து மத துன்புறுத்தல் காரணமாக இந்தியாவுக்கு வந்தவர்களுக்கு இந்திய குடியரிமை வழங்க முடிவு செய்யப்பட்டுள்ளது என்றார்.இலங்கையில் உள்ள தமிழர்கள் ஏன் குடியுரிமை திருத்த மசோதாவில் சேர்க்கப்படவில்லை என்ற கேள்விக்கு பதில் அளித்த அமைச்சர் ராஜ்நாத் சிங், "இலங்கையில் உள்ள தமிழர்கள் தங்கள் மதத்திற்காக மட்டுமே துன்புறுத்தப்படவில்லை. சில ஆண்டுகளுக்குப் பிறகு தமிழ் பிரச்சினை தீர்க்கப்பட்டது. மோதலுக்கும் துன்புறுத்தலுக்கும் வித்தியாசம் உள்ளது" என்றார்.Read more at: https://tamil.oneindia.com/news/delhi/why-tamils-in-sri-lanka-are-not-covered-under-cab-rajnath-singh-explain-370782.html