Jump to content
  • advertisement_alt
  • advertisement_alt
  • advertisement_alt

பாலியல் கல்வி எனும் தேவையுள்ள ஆணி . . . . . . . . . . . !


Recommended Posts

  • கருத்துக்கள உறவுகள்

பாலியல் கல்வி எனும் தேவையுள்ள ஆணி . . . . . . . . . . . !

12.jpg

பாலியல் கல்வி (Sex Education) என்ற வார்த்தையை பார்த்தவுடன் பலருக்கும் ‘உவாக்’ என்றும் ‘இது தேவை இல்லாத ஆணி’ என்றும் நினைக்கத் தோன்றும். ஆனால் ஒரு சமூகத்தின் வளர்ச்சியை இந்த ஆணியைப் பற்றிய விவாதங்களையும் உள்ளடக்கியது தான் என்று கருதுகின்றேன். பாலியல் கல்வி என்றாலே ‘பலான விஷயங்களை’ எல்லாம் சொல்லிக் கொடுப்பாங்க என்றொரு பொதுபுத்தி நம் மனங்களில் பதியப்பட்டிருக்கிறது. அப்படி நினைக்கவேண்டியதில்லை. அது நம்முடைய அறியாமையே.

நான் பள்ளி பருவத்தைத் தொட்டு மாணவர் சங்கத்தோடு பயணித்த போது தான் வெளிவாசிப்பின் (out of syllabus) தேவைகளை உணர்ந்து எங்கள் பகுதியில் உள்ள ஒரு அரசு நூலகத்தில் உறுப்பினரானேன். எதை எதை வாசிப்பது என்று கூட தெரியாமல்,கண்டதை எல்லாம் வாசிக்க ஆரம்பித்தேன். எங்கள் ஊர் நூலகத்தில் பேப்பர் படிக்க தான் கூட்டம் வருமே தவிர,புத்தகம் படிக்க வெல்லாம் பெரிசா இருக்காது.அதனாலே எல்லா புத்தகங்களும் புத்தம் புதுசாகவே இருக்கும்.ஒன்றிரண்டு நபர்கள் படித்தாலே அது அதிசயம்.

ஆனால் அந்த நூலகத்தில் அடுக்கி வைத்திருந்த வரிசைகளில் ஒரேயொரு புத்தகம் மட்டும் கந்தல் கந்தலாக இருந்தது. அந்த புத்தகத்தை நானும் வாசிப்பதற்காக வீட்டுக்கு எடுத்துச் சென்றேன். அப்போது அந்த நூலகர் புத்தகத்தின் முன்னட்டையை பார்த்துவிட்டு என்னை ஒரு மாதிரியாகப் பார்த்தார். என்னமோ இதுல வேறுபல சமாச்சாரங்கள் தான் இருக்கிறது என்று நினைத்துக்கொண்டு வீட்டுக்கு வந்து படிக்க ஆரம்பித்தேன். மிருகங்கள்,பறவைகள்,மனிதர்கள் எல்லாரையும் பற்றிய சின்ன சின்ன பாலியல் கதைகளாக அதில் தொகுக்கப்பட்டிருந்தது. அப்புறம் தான் அந்த புத்தகத்தின் பெயர் ‘மறைவாய் சொன்ன கதைகள்’ என்று அச்சிட்டிருப்பதை பார்த்தேன். எழுதியவர் கி.ராஜநாராயணன் என்றிருந்தது. (தமிழ் இலக்கிய உலகம் சுருக்கமாக அழைக்கும் கி.ரா இவர் தான் என்பதை பின்னர் தெரிந்து கொண்டேன்.)

அதில் ஒரு கதை: ‘ஒரு காளையும் பசு மாடும் ஒரு ஓரமா ஒதுங்குச்சாம். அப்போ அந்த பசு மாட்டு மேல ஒரு காக்கை உக்காந்துட்டு இருந்துச்சாம். திடீர்ன்னு அந்தக் காளை மாடு பசு மாட்டு மேல ஏற, என்னடா இந்தக் காளை பண்ணுதுன்னு அந்த காக்க குனிஞ்சு பாக்க, அந்த காக்கா பசுமாட்டு வைத்துக்குள்ள போய்யிடுச்சி!’ என்று ஒரு கதை. அதே போல  ‘வெற்றிலைக்கு பெண் உறுப்பின் வாசனை வரும்’ என்று மற்றொரு கதையை வாசித்துவிட்டு ஒரு மாதிரி ஆகிப்போனதால் அப்படியே வைத்துவிட்டேன். (பின்பு பல நாள் கழித்து தான் அந்த புத்தகத்தை வாசித்து முடித்தேன்.)

இதை ஏன் இப்போது சொல்கிறேன் என்று தானே நினைக்கிறீர்கள்! வேறு என்ன பாலியல் கல்வி பற்றி எளிமையாக விளக்குவதற்கு தான். நம் இலக்கியங்கள் பலவும் நம் மனிதர்களின் பாலியல் உணர்வுகள், தேவைகள், கற்பனைகளைக் கொண்டே உருப்பெற்றிருக்கிறது. ஆனால் தற்போது அதன் தேவை நவீனமயமாக்கப்படும் போது கலாச்சாரச் சீர்கேடு என்ற பதட்டத்திற்குள்ளாகிறார்கள் பழமைவாதிகள். பாலியல் கல்வி என்ற வார்த்தையை வெறும் உடல் உறவை மட்டுமே சொல்லிக்கொடுப்பது என்று புரிந்து கொண்டதால் தான் அதை பற்றி பொதுவெளியில் நாம் விவாதிக்க முன்வருவதில்லை.

சில வருடங்களுக்கு முன்பு சேலத்தில் இளம் பெண்கள் பங்கேற்ற மாநில அளவிலான ஒரு கூட்டத்தில் நான் கலந்துக்கொள்ள நேர்ந்தது. அப்போது அங்கு 300 இளம் பெண்களும் 30 ஆண்களுமாக பங்கேற்றோம். ‘பெண் உடலைப் பற்றி அறிவோம்’ என்கிற தலைப்பில் ஒருவர் பேச ஆரம்பித்த பொழுது அங்கிருந்த 30 ஆண்களும் வெளியேற எழுந்தோம். ஆனால் அந்த வகுப்பு எடுத்தவர் ஆண்கள் யாரும் வெளியேற வேண்டிய அவசியம் இல்லை, சொல்லப்போனால் பெண்களை விட நீங்கள் தான் அவர்களின் உடலை பற்றி புரிந்துக்கொள்ள வேண்டும் என்று தொடர்ந்தார். அப்போது அவர் அந்த இளம் பெண்களை நோக்கிக் கேட்ட முதல் கேள்வியே எத்தனை பேர் உங்கள் பெண் உறுப்பை நீங்களே தொட்டுப் பார்த்து இருக்கின்றீர்கள் என்று கேட்டார்.அங்கு இருந்த 300 பேர்களில் வெறும் 20 பேர்கள் தான் ஆம் என்று பதில் சொன்னார்கள். மற்றவர்கள் பதில் ஏதும் சொல்லாமல் கீழே இறக்கிய தலையை மேலே கூட தூக்கிப் பார்க்கவில்லை. அதில் பெரும்பாதி பேர் அச்சத்தாலும் கூச்சத்தாலும் சொல்லவில்லை என்று வைத்துக்கொண்டாலுமே கூட மீதி நபர்கள் உண்மையாகவே தன் பெண் உறுப்பைப் பார்க்க வேண்டும் என்ற அந்த யோசனையே அவர் கேட்கும் முன்பு வரை அவர்களுக்கு எழவில்லை என்று தான் புரிந்துகொள்ள முடிந்தது. தன் பெண் உறுப்பில் clitorius, vagina, urethral opening , labia majora, labia minora போன்ற பகுதிகள் இருக்கின்றன என்பதைக் கூட அறியாத நிலையில் தான் பல பெண்கள் இருப்பதைப்போல அவர்களும் இருந்தார்கள். இதை விடப் பெரிய அறியாமை என்னவென்றால் ஆண்களில் பல பேருக்கு பெண் உறுப்பில் இரண்டு துளைகள் இருக்கும்,அதில் ஒன்றில் தான் அவர்கள் சிறுநீர் கழிக்கிறார்கள் என்பது கூட அறியாதவர்களாகத்தான் இருக்கின்றார்கள். அவர்களைப் (ஆண்கள்) போலவே பெண்களுக்கும் சிறுநீரும் விந்தனுவும் ஒரே துளையின் வழியாகத்தான் வெளியேறுகின்றது என்று நினைத்துக்கொண்டு இருக்கின்றார்கள். (அதனால் இன்றும் ‘எப்படி மச்சான் urine போற இடத்துல எல்லாம் வாய் வைக்க முடியும்?’ என்றும் கேட்கும் ஆண்கள் தான் அதிகம்.)

இப்படித்தான் ஆண்கள் உடலைப் பற்றி பெண்களுக்கு தெரியாமலும்,பெண்கள் உடலமைப்பைப் பற்றி ஆண்கள் தெரிந்துக்கொள்ளாமலும் இருந்து வருகிறோம். குறைந்த பட்சம் நம் பள்ளிக் கல்வியில் இருக்கும் Reproductive Organ பற்றிய பாடத்தைக்கூட நம் ஆசிரியர்கள் நடத்தத் துணியாமல் தவிர்க்கிறார்கள். என்பது தான் வேதனையான விஷயம். எனது 10ஆம் வகுப்பு அறிவியல் பாடத்தில் இந்தப்  பகுதியை நடத்தாமல், ‘இதிலிருந்து எந்த கேள்வியும் கேட்கமாட்டார்கள்,’ என்று என் அறிவியல் ஆசிரியை சொல்லிவிட்டு, மாறாக ‘இந்திந்த சாப்டர்களில் இருந்து இத்தனை மதிப்பெண்களுக்கான கேள்விகள் கேட்பார்கள் அல்லது சாய்ஸ்ல விட்டிடலாம்,’ என்று சொல்லி அதை மட்டும் படித்தால் போதும் என்று சொல்லிக்கொடுத்து, அந்த ஒரு பக்கத்தை மட்டும் முழுமையாக நடத்த மறுத்துவிடுவார்கள்.

பின்பு 11ஆம் வகுப்பில் நடந்தது இன்னும் மோசம். நான் படித்தது ஆண்கள் மேல்நிலை பள்ளி என்பதால் உயிரியல் (Biology) பிரிவு மாணவர்களுக்கு மட்டும் உயிரியல் வாத்தியார் ஆணுறை (condom) பயன்படுத்துவது எப்படி என்று வகுப்பு எடுத்துக்கொண்டு இருந்தார். கம்பியூட்டர் சயின்ஸ் குரூப் மாணவர்களுக்கும் ஆர்ட்ஸ் குரூப் மாணவர்களையும் இந்த வகுப்பில் சேர்த்துக்கொள்வதில்லை. நமது பாடத் திட்டம் கூட, இந்த குரூப் மாணவர்களுக்கு ஆணுறை அணிய அவசியம் வராது என்ற முடிவுக்கு வந்துவிட்டது ஏனென்று இன்னும் கூட விளங்காத சங்கதியாகவே இருக்கிறது.

மேலை நாடுகளில் சொல்லித்தரப்படும் பாலியல் கல்வியில் மூன்றில் ஒரு பகுதியைக்கூட இங்கு சொல்லிக்கொடுத்தால் போதுமானது. அப்படி செய்தால் தான் இளம் தலைமுறை தங்கள் வாழ்க்கையில் எதிர் நோக்கி சந்திக்க வேண்டிய உடலியல் பிரச்சனைகளுக்கு அவர்களுக்கு அவர்களாகவே குறைந்த பட்சமேனும் சரிசெய்துகொள்ளமுடியும்.

இளவயதில் ஏற்படும் உடல் மாற்றங்களுக்கும் பாலியல் சந்தேகங்களும் பதில் சொல்ல வேண்டிய அவசியத்தை பற்றி கவலைக் கொள்ளாமல், ஒரு உயர்கல்வி எப்படி ஆரோக்கியமாக அமையமுடியும். இந்த அடிப்படையான தேவையைப் பற்றி ஒரு அறிவார்ந்த சமூகம் விவாதித்திட வேண்டும்.

– அனஸ் சுல்தானா.

http://maattru.com/sex-education/

  • Like 3
Link to post
Share on other sites
  • கருத்துக்கள உறவுகள்

பாலியல் கல்வி சாதாரண விடயமல்ல, கற்பிக்கின்ற ஆசிரியர்களுக்கு கொஞ்சமாவது புலனடக்கம் இருக்க வேண்டும்.....தகுதியானவர்களைத் தெரிவு செய்ய வேண்டும்.அவர்களுக்கும் அவசியம் வகுப்பு எடுக்க வேண்டும்......!   🙂

  • Like 1
Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • இப்ப மடகாஸ்கர் லுமூர் பொரியல் தேடி திரியிறார்🤣
    • உணவகங்களில் 50 வீத  கழிவு என்ற  நாடகமும் நடந்ததே?? சனம்  அள்ளுப்பட்டு  ஓடித்திரிஞ்சுதே???
    • 9 மணி நேரங்களுக்கு முன்னர்   தினமும் கருத்தடை மாத்திரைகள் சாப்பிட வேண்டியுள்ளது என்று நீங்கள் எப்போதாவது கவலைப்பட்டிருக்கிறீர்களா? அல்லது ஆணுறையைப் பார்த்து வெறுத்தது உண்டா? நல்லது நண்பர்களே, கடந்த இரண்டு நூற்றாண்டுகளில் பொது சுகாதாரத் துறை கண்டுபிடிப்புகளில் இரண்டு கருத்தடை சாதனங்கள் அநேகமாக சிறந்தவையாக இருக்கும். அதனால்தான் ஒவ்வோர் ஆண்டும் செப்டம்பர் 26ஆம் தேதி, புத்திசாலித்தனமான இந்தப் படைப்புகள் - உலக கருத்தடை நாள் - என்று கௌரவிக்கப்படுகின்றன. கருத்தடை சாதனங்கள் மற்றும் அவற்றைப் பயன்படுத்தும் நடைமுறைகள் பற்றிய விழிப்புணர்வை அதிகரித்தலை நோக்கமாகக் கொண்டு உலகம் முழுக்க உள்ள வெவ்வேறு அமைப்புகளின் கூட்டு முயற்சியாக இந்த நாள் கடைபிடிக்கப்படுகிறது. "இளைஞர்கள் தங்கள் பாலியல் மற்றும் குழந்தை பெற்றுக் கொள்ளும் விஷயங்களை அறிந்து கொண்டு அதன் அடிப்படையில் முடிவு எடுக்க உதவியாக இருக்க வேண்டும்,'' என்று உலக சுகாதார நிறுவனம் கூறியுள்ளது. எனவே, கருத்தடை என்பது எவ்வளவு பெரிய விஷயம் என்று நாம் பார்ப்போம். உதாரணமாக, பாலுறவு மூலமாகத் தொற்றும் நோய்கள் பரவாமல் தடுப்பதில் ஆணுறைகள் முக்கியப் பங்கு வகித்தன. பெண்களுக்கான கருத்தடை மாத்திரைகள் கண்டுபிடிக்கப்பட்ட பிறகு, குழந்தை பிறப்பை தங்கள் கட்டுப்பாட்டில் வைத்துக் கொள்ளும் வாய்ப்பு முதன் முறையாக பெண்களுக்குக் கிடைத்தது. உண்மையில், இந்தக் கருத்தடை சாதனங்கள் எந்தப் பிரச்சனையும் இல்லாதவை என்று சொல்ல முடியாது. மாத்திரைகளின் பக்க விளைவுகள் பற்றி நாங்கள் சொல்லி உங்களுக்குத் தெரிய வேண்டும் என்ற அவசியம் இல்லை என நம்புகிறோம். ஆனால் கருத்தடை சாதனங்கள் இல்லாத காலத்தைவிட, இவை கண்டுபிடிக்கப்பட்ட பிறகு வாழ்க்கை நல்லபடியாக இருக்கிறது என்பதை மறுப்பது கடினமான விஷயம். அதனால்தான் ஆணுறைகள் என்ற ஓரளவுக்கு ஆடம்பரமான கருத்தடை சாதனம் கண்டுபிடிக்கப் படுவதற்கு முன்பு வரலாற்றில் பழக்கத்தில் இருந்து வந்த அபாயகரமான கருத்தடை முறைகளின் இருண்ட காலம் பற்றி உங்கள் வேகமான ஒரு பயணத்துக்கு நாங்கள் அழைத்துச் செல்கிறோம். இந்தக் கட்டுரையை படித்த பிறகு, மாத்திரை எடுத்துக் கொள்வது பரவாயில்லை என்று நீங்கள் நினைக்கக் கூடும். கந்தகத்தைக் குடிப்பதைக் காட்டிலும், உங்கள் கால்களுக்கு இடையில் ஒரு விலங்கின் விதைப் பைகளைக் கட்டிக் கொள்வதைக் காட்டிலும் இது நல்லதாகத்தான் இருக்கும். அதிர்ச்சியடையச் செய்யும் தகவல்களை அறிந்து கொள்ள உங்களை தயார்படுத்திக் கொள்ளுங்கள். 1. தோப்புக்கரணமும் தும்மலும் பழங்கால 'தோப்புக்கரணம் மற்றும் தும்மல்' முறை பற்றி உங்களுக்குத் தெரியுமா? கருத்தரிக்காமல் தடுக்க இது 100 சதவீதம் சரியான வழிமுறை என்று பழங்கால கிரேக்கர்கள் நம்பிக்கை கொண்டிருந்தனர். பாலுறவு முடிந்தவுடன், தோப்புக்கரணம் போடுவது போல நேராக உட்கார்ந்து எழுவது மற்றும் குதிப்பதன் மூலம், கருப்பையில் விந்தணு நுழைவது தடுக்கப்படும் என, நடக்காத ஒன்றை அவர்கள் நம்பியது இதன் 'அறிவியல்பூர்வ நுட்பமாக' உள்ளது. அத்துடன் கொஞ்சம் தும்மினால் பலன் உறுதி செய்யப்படும். குழந்தை உருவாகாது என அவர்கள் நம்பினர். * இதை நிரூபிக்க அறிவியல் காரணங்கள் மட்டுமல்லாது அடிப்படை அறிவுக்குக் கூட இது உகந்ததாக இல்லை என்பதால், இந்த நுட்பத்தைப் பின்பற்றிய பிறகும் குழந்தை உருவானால், அதற்கு நாங்கள் பொறுப்பாளியாக மாட்டோம். 2. மரநாய்களின் விந்தகங்கள் அறிவியலை விட மூடநம்பிக்கை மேலோங்கியிருந்த பழங்காலங்களில் (குறிப்பாக ஐரோப்பாவின் இருண்ட காலத்தில்), தொழில்முறை மாந்திரீகராக இருந்திருக்க வாய்ப்பிருந்த ஒருவரால், உருவாக்கப்பட்ட புனைக்கதை இது. உறவில் ஈடுபடும் பெண்ணின் கால்களுக்கு மத்தியில் மரநாய்களின் விந்தகத்தைக் கட்டி வைத்தால், விருப்பம் இல்லாத கருத்தரிப்பு நடக்காது என்று மக்களை அவர்கள் நம்ப வைத்திருந்தனர். மாந்திரீகம் உங்கள் பக்கம் இருக்கும்போது அறிவியலை ஏன் நம்ப வேண்டும் என்று அவர்கள் கருதினார்கள். ஆனால் உறவு கொள்ளும் நேரத்தில், இணையரின் கால்களுக்கு இடையில் வேறொரு விலங்கின் விதைப் பைகள் கட்டியிருப்பது, உறவின் இன்பத்தைக் கெடுப்பதாகத்தான் அமையும் என்பது யதார்த்தம். 3. கொல்லர் கூடத்து கசடுக் கலவை பழங்கால கிரேக்கர்களின் இன்னொரு கருத்தடை கலவை குறித்து பார்ப்போம். கொல்லர்கள் பயன்படுத்திய நீரின் கசடுகளை குடிப்பது கருவுண்டாக்காது என்று நம்பப்பட்டது. கொல்லர்கள் தங்களுடைய உபகரணங்களைக் குளிர்விப்பதற்காக இந்த நீரைப் பயன்படுத்தினர். ஒரு வகையில் அது பலன் அளித்தது என்றே சொல்லலாம். ஏனெனில் அந்த நீரில் கந்தகம் மிகுந்திருக்கும். இந்த முறை கரு உண்டாவதைத் தடுக்கும் என்றாலும் குமட்டல், சிறுநீரக செயலிழப்பு, மரத்துப் போதல், கோமா மற்றும் மரணம் போன்ற பக்கவிளைவுகள் இதில் உள்ளன. இந்த நுட்பம் வேறு மாதிரி, முதலாவது உலகப் போர் காலம் வரைகூட பயன்படுத்தப்பட்டது. தங்களுக்கு குழந்தை பிறக்காத நிலையை உருவாக்கும் என்பதால் கந்தகம் சார்ந்த தொழிற்சாலைகளில் வேலைபார்க்க பெண்கள் தாங்களாக முன்வந்தனர். 4. முதலை சாணம் பிறப்புறுப்பில் தடையை ஏற்படுத்தினால் யாராலும் கருத்தரிக்க முடியாது என்று பழங்கால எகிப்தியர்கள் நம்பினார்கள். இந்த யோசனை தோன்றிய தருணம் மனித குல வரலாற்றில் ஒரு ஒளிமயமான தருணமாக தெரியலாம் . ஆனால் அந்த ஒளி தந்த வெளிச்சம் நீண்ட நேரம் நீடிக்கவில்லை. ஏனென்றால் அந்த தடையை உண்டாக்குவதற்காக வழங்கப்பட்ட ஆலோசனை அப்படி. தேன் மற்றும் முதலையின் சாணத்தை கலந்து பிறப்புறுப்பில் பூசித் தடையை உண்டாக்கினால் கரு உண்டாகாது எனும் நம்பிக்கையே அது. சித்திர எழுத்துகளை எழுதுதல் போல கடந்த காலங்களில் எகிப்தியர்கள் என்ன செய்திருந்தாலும், அவர்களின் இந்தத் திட்டத்துக்கு, நாம் 'வேண்டாம்' என்றுதான் சொல்ல வேண்டும். 5. விந்தக டீ பட மூலாதாரம், Anna Huzar   மறுபடியும் விந்தகமா! இந்த முறை 16ஆம் நூற்றாண்டில் வாழ்ந்த கனெடியர்களின் கண்டுபிடிப்பு. இது விதைப் பைகளைக் கால்களுக்கு நடுவே கட்டிக் கொள்வதை பற்றி அல்ல. மதுபானத்தின் மூலம் கருத்தடையை உண்டாக்குவதை பற்றியது. "பீவர்" எனும் சிறு உயிரினம் ஒன்றின் விதைப் பைகளை நன்றாக அரைத்து, அதை பழங்கால மதுவில் கலந்து குடிப்பது கருத்தரிப்பை தடுக்கும் என்று அவர்கள் நம்பினார்கள். இது விதைப் பைகளைக் கால்களுக்கிடையே கட்டிக்கொண்டு உறவு கொள்வது எந்த அளவுக்கு பலனளித்ததோ , இதுவும் அந்த வகையில்தான் பலனளித்தது. அதாவது இதனாலும் எந்த பயனும் கிடையாது. 6. விலங்கு உணவுக் குடல்கள் வேறு வகையில் சொன்னால், இவை ஆரம்பகால ஆணுறைகள். ஆணுறுப்பை சுற்றி ஏதாவது ஒன்றை வைத்து கட்டிவது என்பது ஒன்றும் புதிய சிந்தனை கிடையாது. பல்வேறு பெயர்களில் ஆணுறைகள் கண்டுபிடிக்கப்படுவதற்கு முன்பு அவற்றின் தேவையை விலங்குகளின் குடல்களே பூர்த்தி செய்தன. ஆணுறை பற்றிய மிகவும் பழமையான பதிவு ஒன்றில், ஒரு வகை ஆணுறை பன்றியின் குடலில் இருந்து தயாரிக்கப்பட்டது என்று குறிப்பிட்டுள்ளது. அதை எவ்வாறு பயன்படுத்த வேண்டும் என வழிகாட்டும் பயனாளர் கையேடும் அதனுடன் தரப்பட்டுள்ளது. இந்த ஆணுறையை பயன்படுத்துவதற்கு முன்பு மிதமான வெப்பம் உடைய பாலில் இதை நினைத்து விட்டு பயன்படுத்த வேண்டும் என்று அந்த கையேட்டில் குறிப்பிடப்பட்டுள்ளது. அது எதற்காகப் பயன்படுத்தப்பட்ட பால் என்று தெரியாமல் யாராவது குடித்தார்களோ என்னவோ. 7. கேசனோவாவின் லெமன் இது இத்தாலிய சாகசக்காரர் கியாகோமோ கேசனோவாவின் லெமன் கிடையாது. ஆனால் பெண்களை வசீகரிக்கும் குணம் கொண்டவர்கள் இந்த நடைமுறையை விரும்பியவர்களாக இருந்தனர். இதற்கு அரை எலுமிச்சை தேவை. உள்ளே இருக்கும் சதைப் பகுதியை நீக்கிவிட்டு, பெண்ணுறுப்பின் உள்ள இதை வைத்துவிட வேண்டும். எலுமிச்சை தோல் பெண் உறுப்பில் தொப்பி போல செயல்படும். அமிலச்சாறு விந்தணுவை கொல்லக் கூடியதாக இருக்கும். எனவே இது ஒரு வகையில் வேலை செய்தது என்று சொல்லலாம். மேலும், நாள்முழுதும் அந்த இடத்தை புத்துணர்ச்சியுடன் வைத்துக் கொள்கிறது. 8. பாதரசத்தில் வறுத்த தவளைக்குஞ்சு கி.மு. 900 ஆண்டு வாக்கில், உடலுறவு முடிந்தவுடன் பெண்கள், பாதரசத்தில் வறுத்த 16 தலைப் பிரட்டைகளை (தவளைக்குஞ்சு) சாப்பிட வேண்டும் என்று சீன பிறப்புக் கட்டுப்பாட்டு நிபுணர்கள் கூறி வந்துள்ளனர். கொல்லர்களின் தண்ணீரைப் போல, இதுவும் தவறான வழிகாட்டுதலாக இருந்துள்ளது. இதுவே விஷமாகும் ஆபத்து உள்ளது. இதை சாப்பிட்டால் பெண்கள் கருத்தரிக்கவில்லைதான். பலரும் நிரந்தரமாகவே கருத்தரிக்கும் தன்மையை இழந்தனர். கல்லீரல், சிறுநீரகங்களில் கோளாறு மற்றும் பிற முக்கிய உறுப்புகளில் கோளாறு ஏற்படும் பக்க விளைவுகள் இதில் உள்ளது. நிலைமை மிக மோசமாகிப் போனால் மரணமும் ஏற்படும். 9. அபின் பூ ஷெர்லாக் ஹோம்ஸ் ஸ்பெஷல் இது. ஹோம்ஸ் கதாபாத்திரம் கருவில் உருவானதற்கு முன்பே கண்டறியப்பட்ட முறை இது. அபின் என்பது வெறும் பூ மட்டுமல்ல என்று சுமத்ரா தீவு மக்கள் கண்டறிந்தனர். இருபுறம் வெடித்துள்ள இந்தத் தாவரத்தின் பூவை உடலுறவின்போது ஒரு மெல்லிய திரையைப் போல பயன்படுத்துவார்கள் அல்லது அதற்கு மாற்றாக பெண் உறுப்புக்குள் இதன் பூக்களை நுழைத்துக் கொள்வார்கள். புகைபிடித்தல் போன்ற அதே தாக்கத்தை இது ஏற்படுத்தும் என்று அவர்கள் நம்பினார்கள். இது எந்த அளவுக்குப் பயன் தந்தது என்பது தெரியவில்லை. குறைந்தபட்சம், ஒரு முறை முயற்சித்துப் பார்ப்பது வித்தியாசமான அனுபவத்தைத் தந்திருக்கலாம். நீங்கள் என்ன நினைக்கிறீர்கள் என்று தெரிகிறது. வார இறுதி இரவுகளில் முயற்சிக்க புதிய வழிமுறை என்று நினைக்கிறீர்களா? ஆனால் வேண்டாம், அப்படி செய்யக் கூடாது. பட மூலாதாரம், Anna Huzar   10. கோக-கோலா 'பீய்ச்சியடித்தல்' நம்ப முடியாத வரலாற்றுச் செய்திகளைப் படித்தீர்கள். இன்னொன்றும் இருக்கிறது. இது 60 ஆண்டுகளுக்கு முன்பு பின்பற்றப்பட்ட நடைமுறை. கோக-கோலா பல வகைகளில் பயன்படுத்தப் படுகிறது. வோட்காவில் கலக்கலாம், கோடையில் புத்துணர்வூட்டும் பானமாகக் குடிக்கலாம், தேவை இல்லாமல் முளைத்த பற்களை கரைய வைக்கலாம். ஆனால் ஒரு காலத்தில் அது கருத்தடை சாதனமாகப் பயன்படுத்தப்பட்டது என்பது உங்களுக்கு நிச்சயம் தெரிந்திருக்காது. 1950களில் உடலுறவு முடிந்ததும் பெண்கள் கோக-கோலாவை பெண் உறுப்பில் ஊற்றிக் கொள்வார்கள். அதில் உள்ள சர்க்கரை விந்தணுக்களை செயல் இழக்கச் செய்யும் என்றும் காபனேற்றம் செய்த பானம் பெண்ணுறுப்பில் வலிந்து உள்ளே போகும் என்றும் நம்பினார்கள். இவ்வளவு அறிவியல்தான் தேவைப்பட்டது. உறவுக்குப் பிந்தைய பயன்பாடு பற்றி தெரிய வந்த பிறகு கோக் மிகவும் பிரபலம் ஆனது. வரலாற்றில் பைத்தியக்காரத்தனமான கருத்தடை நடைமுறைகளை அறிந்து கொண்டிருக்கிறீர்கள். இவற்றில் எதையும் வீட்டில் முயற்சித்துப் பார்க்காமல் இருப்பது நல்லது. வரலாற்றின் இருண்ட பக்கங்களுடன் அவை முடிந்துவிட்டன.https://www.bbc.com/tamil/global-54314302
    • கற்பிதன், இந்திய/மேற்கின் இலங்கை பற்றிய அணுகுமுறை ஒன்றுதான். அதாவது இலங்கை மீது தமக்கு ஒரு பிடி இருக்கும் வரைதான் இலங்கை முற்றாக சீனாவின் வலைக்குள் போகாமல் இருக்கும். இலங்கைக்கு நிகரான சமபல அமைப்பு ஒன்றை தமிழர்கள் அதே தீவில் நிறுவினால் காலப்போகில் அது ஒரு தனியரசாக கூடும். அப்படி நடந்தால் - அந்த தனியரசு இந்தியாவுடன் இருந்தால், இலங்கை சீனாவுடன் இருக்கும்.  இலங்கை இந்தியாவுடன் இருந்தால் அந்த தனியரசு சீனாவுடன் இருக்க நிர்பந்திக்கப்படும். ஆகவே இந்த தீவில் ஏதாவது ஒரு அரசு தமது எதிர் முகாமுக்கு செல்வதை தவிர்க முடியாததாகி விடும். 87 இல் இருந்து விடுதலை புலிகளை ஒரு அளவுக்கு மேல் வளர விட கூடாது என்பதில் இந்தியாவும் மேற்கும் அதி அக்கறையாய் இருந்தமைக்கு இதுவே பிரதான காரணம் என்பது என் கணிப்பு.   
    • தில்நவாஸ் பாஷா பிபிசி செய்தியாளர் உத்தர பிரதேச மாநிலம் கான்பூரில் 19 வயது பட்டியலின பெண்ணை நான்கு பேர் கூட்டுப்பாலியல் செய்து கடுமையாகத் தாக்கிய சம்பவத்தில் 14 நாட்களாக உயிருக்குப் போராடியவர் செவ்வாய்க்கிழமை காலையில் உயிரிழந்தார். டெல்லி சஃப்தர்ஜங் மருத்துவமனையில் உயிருக்கு ஆபத்தான நிலையில், சேர்க்கப்பட்ட அவரது இறப்பை அவரது உடன் பிறந்த சகோதரர் பிபிசியிடம் உறுதிப்படுத்தினார். கடந்த திங்கட்கிழமை அலிகார் முஸ்லிம் மருத்துவ கல்லூரி மருத்துவமனையில் இருந்து அந்த பெண் டெல்லி சஃப்தர்ஜங் மருத்துவமனைக்கு மாற்றப்பட்டிருந்தார். என்ன நடந்தது? கடந்த செப்டம்பர் 14ஆம் தேதி, வயல்வெளியில் புல் வெட்ட தனது தாய் மற்றும் சகோதரருடன் அந்த பெண் சென்றிருந்தார். அப்போது உயர் ஜாதியைச் சேர்ந்த நான்கு பேர் அந்த பெண்ணை பலவந்தப்படுத்தி கூட்டுப்பாலியல் செய்து பிறகு கடுமையாகத் தாக்கியதில் பலத்த காயங்களுடன் அவர் சுயநினைவை இழந்ததாக கூறப்படுகிறது. உயிரிழந்த பெண்ணின் சகோதரர் பிபிசியிடம் பேசும்போது, செப்டம்பர் 14ஆம் தேதி எனது சகோதரி, தாய், மூத்த சகோதரர் புல் வெட்ட சென்றோம். பிறகு சகோரர் கைநிறைய புல்லுடன் திரும்பினார். எனது தாயார் முன்பகுதியில் புல் வெட்டச்சென்றார். அப்போது அங்கு நான்கு பேரும் எனது சகோதரியை கூட்டுப்பாலியல் வல்லுறவு செய்தனர் என்று தெரிவித்தார். சுயநினைவிழந்த நிலையில், அருகே உள்ள உள்ளூர் சமுதாய மருத்துவ நிலையத்துக்கு அந்த பெண்னை அவரது குடும்பத்தினர் சிகிச்சைக்காக அழைத்துச் சென்றனர். பிறகு அங்கிருந்து அவர் அலிகர் மருத்துவக்கல்லூரி மருத்துவமனைக்கு மாற்றப்பட்டார். கடந்த 13 நாட்களாக வென்டிலேட்டர் உதவியுடன் அவருக்கு சிகிச்சை அளிக்கப்பட்டு வந்தது. பிறகு திங்கட்கிழமை அவர் டெல்லி சஃப்தர்ஜங் மருத்துவமனைக்கு கொண்டு செல்லப்பட்டார். இந்த நிலையில், அவரது உயிர் செவ்வாய்க்கிழமை காலை பிரிந்தது என்று மருத்துவர்கள் தெரிவித்தனர். பட மூலாதாரம், Getty Images   தனது சகோதரிக்கு நேர்ந்த துயரத்தை பகிர்ந்து கொண்ட அவரது சகோதரர், "எனது சகோதரியின் முதுகெலும்பு உடைந்திருந்தது. அவரது நாக்கு வெட்டப்பட்டிருந்தது. அவரது கையை அசைக்கக்கூட முடியவில்லை. செய்கை மூலம் வலியைத் தாங்கிக் கொண்டு அவர் பேச முற்பட்டார்" என்று தெரிவித்தார். உத்தர பிரதேச மாநிலத்தில் நடந்த இந்த சம்பவம் தொடர்பான தகவல்கள், சமூக ஊடகங்களில் வைரலாகி வருகின்றன. நடந்த சம்பவத்தை உத்தர பிரதேச மாநிலத்தின் எதிர்கட்சிகளான பகுஜன் சமாஜ் கட்சி, சமாஜ்வாதி கட்சி கடுமையாக கண்டித்துள்ளன. பாதிக்கப்பட்ட பெண்ணின் குடும்பத்துக்கு நீதி கிடைக்கவும், சம்பந்தப்பட்ட குற்றவாளிகளுக்கு விரைவாக தண்டனை கிடைக்கவும் அரசு உரிய அனைத்து நடவடிக்கைகளையும் எடுக்க வேண்டும் என்று உத்தர பிரதேச முன்னாள் முதல்வர் மாயாவதி வலியுறுத்தினார். மற்றொரு முன்னாள் முதல்வரான அகிலேஷ் யாதவ், பெண்களுக்கு எதிரான குற்றங்கள் மீது அரசு உணர்வற்று இருப்பதையே இதுபோன்ற சம்பவங்கள் காட்டுவதாக அதிருப்தியை வெளிப்படுத்தினார். கடந்த வார இறுதியில் பாதிக்கப்பட்ட சிறுமியின் வீட்டுக்கு உத்தர பிரதேச மாநிலத்தில் பட்டியலின சமூகத்தினருக்காக குரல் கொடுக்கும் செயல்பாட்டாளரும் ஆஸாத் சமாஜ் கட்சி தலைவருமான சந்திரசேகர் ஆஸாத் சென்று அவரது குடும்பத்தினருக்கு ஆறுதல் தெரிவித்தார். நடந்த சம்பவத்தை கண்டித்து தேசிய அளவிலான போராட்டத்துக்கும் அவர் அழைப்பு விடுத்துள்ளார்.ஹத்ராஸ் கூட்டுப்பாலியல் சம்பவம், பட்டியலின பெண்களும் சிறுமிகளும் நடைமுறையில் எவ்வாறு தாக்கப்படுகிறார்கள் என்ற யதார்தத்தை புரிய வைக்கிறது என்று மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு உறுப்பினர் கவிதா கிருஷ்ணன் தெரிவித்துள்ளார். இது தொடர்பாக அவர் தனது டிவிட்டர் பக்கத்தில், இதுபோன்ற சம்பவங்களில் உள்ள புள்ளிகளை இணைத்தால், தலித்துகள், தலித் பெண்களுக்கு எதிரான கட்டமைப்பு ரீதியிலான வன்முறைகளின் பெரிய விஷயம் புரியும். இதை மட்டும் விதிவிலக்கான கொடூர வழக்காக தனித்துப் பார்க்காமல் மிகப்பெரிய பார்வையுடன் இந்த விஷயத்தை அணுகவும் என அவர் கூறியுள்ளார். ஹத்ராஸ் காவல்துறை கண்காணிப்பாளர் விக்ராந்த் வீரிடம் பெண்ணுக்கு நேர்ந்த சம்பவம் தொடர்பாக பிபிசி பேசியது. "குற்றம்சாட்டப்பட்ட நான்கு பேரும் கைது செய்யப்பட்டு சிறையில் அடைக்கப்பட்டுள்ளனர். விரைவாக நீதிமன்றத்தில் விசாரணை நடக்கவும் நடவடிக்கை எடுக்கப்பட்டு வருகிறது. பாதிக்கப்பட்ட பெண்ணின் குடும்பத்தாருக்கு பாதுகாப்பு வழங்கப்பட்டுள்ளது" என்று தெரிவித்தார். இந்த விவகாரத்தில் அனைத்து உதவிகளையும் செய்ய மாவட்ட நிர்வாகம் தயாராக உள்ளது என்று மாவட்ட ஆட்சியர் உறுதியளித்துள்ளார். காவல்துறை அலட்சியமாக செயல்பட்டதா? ஹத்ராஸ் சம்பவத்தில் தொடக்கத்திலேயே புகார் தெரிவிக்கப்பட்டபோதும் அதை பெரிதாக யாரும் எடுத்துக் கொள்ளவில்லை என்று உயிரிழந்த சிறுமியின் குடும்பத்தினர் பிபிசியிடம் தெரிவித்தனர். சம்பவத்துக்கு பிந்தைய 10 நாட்களில் கூட குற்றம்சாட்டப்பட்டவர்கள் கைது செய்ப்படவில்லை என்றும் அவர்கள் முறையிட்டனர். சர்க்கிள் அதிகாரியிடம் எனது சகோதரி வாக்குமூலம் அளித்த பிறகே கூட்டுப்பாலியல் வல்லுறவு பிரிவுகள் கூடுதலாக சேர்க்கப்பட்டன என்று கூறிய அவர், தொடக்கத்தில் கொலை முயற்சி சட்டப்பிரிவுகளின்கீழ் மட்டும் புகாரைப் பதிவு செய்து ஒருவரை மட்டுமே குற்றம்சாட்டப்பட்டவராக காவல்துறையினர் சேர்த்தனர் என்று உயிரிழந்த பெண்ணின் சகோதரர் கூறினார். இது குறித்து காவல்துறை கண்காணிப்பாளரிடம் பிபிசி கேட்டபோது, தொடக்கத்தில் சம்பந்தப்பட்ட பெண்ணின் குடும்பத்தினர்தான் புகார் கூறினர். விசாரணையின் தொடர்ச்சியாக அந்த பெண்ணின் வாக்குமூலம் பெறப்பட்ட பிறகு உரிய நடவடிக்கை எடுக்கப்பட்டது என்று தெரிவித்தார்.     கூட்டுப்பாலியல் தொடர்பான விவரம் மருத்துவ அறிக்கையில் முன்பே உறுதிப்படுத்தப்பட்டது குறித்து அவரிடம் பிபிசி சுட்டிக்காட்டியபோது, அந்த விவரங்களை இப்போதைய நிலையில் பகிர்ந்து கொள்ள முடியாது என்று காவல்துறை கண்காணிப்பாளர் கூறினார். முதுகெலும்பு உடைக்கப்பட்டு, நாக்கு அறுபட்ட நிலையில் சுயநினைவை இழந்த ஹத்ராஸ் பெண்ணின் சம்பவம், எட்டு ஆண்டுகளுக்கு முன்பு டெல்லியில் ஓடும் பேருந்தில் கூட்டுப்பாலியல் வல்லுறவு கொடுமைக்கு உள்ளான துணை மருத்துவ மாணவிக்கு நேர்ந்த கொடுமையை நினைவூட்டுவதாக பலரும் டிவிட்டர் பக்கத்தில் இடுகைகளை பகிர்ந்துள்ளனர். நிர்பயா சம்பவத்தை நினைவூட்டும் வழக்கு டெல்லி சம்பவத்தில் உயிரிழந்த அந்த 23 வயது பெண் "நிர்பயா" வழக்கில் குற்றவாளிகள் நால்வருக்கு கடந்த மார்ச் மாதம் தூக்கு தண்டனை நிறைவேற்றப்பட்டது. ஒருவர் விசாரணை காலத்திலேயே உயிரிழந்து விட்டார். மற்றொரு நபர், சம்பவம் நடந்த நாளில் சிறார் என கூறியதால், அவரை சிறார் கூர்நோக்கு இல்லத்தில் வைக்க உத்தரவிட்ட நீதிமன்றம் தண்டனை காலம் முடிந்ததும் அவரை விடுதலை செய்தது. அவரது இருப்பிடம், பாதுகாப்பு காரணங்களுக்காக ரகசியமாக வைக்கப்பட்டிருக்கிறது. அந்த சம்பவத்துக்குப் பிறகு, பெண்களுக்கு எதிரான பாலியல் குற்றங்கள், கூட்டுப்பாலியல் குற்றங்களில் ஈடுபடுவோருக்கு அதிகபட்சமாக மரண தண்டனை விதிக்கும் சட்டம், இந்திய நாடாளுமன்றத்தில் 2018ஆம் ஆண்டில் நிறைவேற்றப்பட்டது. ஆனால், சட்டம் இயற்றப்பட்ட பிறகும், தொடர்ந்து பல இடங்களில் ஹத்ராஸ் சம்பவங்கள் போல பல கொடுமைகள் தொடர்ந்து நடக்கின்றன. https://www.bbc.com/tamil/india-54341469
×
×
  • Create New...

Important Information

By using this site, you agree to our Terms of Use.