மீண்டும் கூத்தாடும் சிறிசேன - இம்முறை ஜெனீவாவில்

[Nathamuni]

மீண்டும் கூத்தாடும் சிறிசேன - இம்முறை ஜெனீவாவில் 

இரண்டு வருடங்களுக்கு முன்னர், 2 ஆண்டுகள் தருமாறு ஜெனீவாவில் கேட்டுக்  பெற்றுக்  கொண்ட மைத்திரி, இவ்வாரம், ஜனாதிபதி மாளிகையில் பத்திரிகையாளர்களை சந்தித்து, நாட்டில் பெறப்படுள்ள அமைதியினை பேண,  தான் பழைய காயங்களை கிளற விரும்பவில்லை எனவும், தான் ஐநாவுக்கு சொல்ல விரும்புவது எல்லாம், எங்களை, அப்படியே எங்கள் போக்கில் விட்டுவிடுங்கள், பழைய காயங்களை கிளற வேண்டுமென்று கூறாதீர்கள், என்று தெரிவித்தார்.

ஒரு சில மணிநேரங்களிலேயே, ரணில் விக்கிரமசிங்கவின் அரசு, அவர் நிலைப்பாட்டில் தமக்கு உடன்பாடு இல்லை எனவும், தாம் , யுத்த குற்ற விசாரணை விஷயத்தில், தொடர்ந்து ஐநாயுடன் செயல் படப் போவதாகவும் அறிவித்தது.

அரசின் அமைச்சர்கள் யாரும் போகாத நிலையில் அல்லது போவதற்கு மைத்திரி அங்கீகாரம் வழங்காத நிலையில், அரசு சார்பில், ஜெனீவாவில் உள்ள நிரந்தர பிரதிநிதி பங்கு கொள்கிறார்.

அதேவேளை, ஜனாதிபதி தனது பிரதிநிதிகளாக சுதந்திர கட்சி உறுப்பினர்கள், சமரசிங்க, அமுனுகம, மற்றும் கைத்தடி ஆளுனர் ராகவன் ஆகியோரை அனுப்பி வைக்கிறார்.

இவர்கள் என்ன குழப்பம் செய்யப் போகின்றனர் என்பதே வெளிவிவகார அமைச்சினை தனது பொறுப்பில் வைத்திருக்கும், ரணிலின் பதைபதைப்பு. ஆயினும், இருவேறு நிலைப்பாடுகளினால் வரக்  கூடிய பிரச்சனைகளை தவிர்க்கவே வெளிவிவகார அமைச்சர் திலக் மாறப்பன, ஜெனீவா செல்லவில்லை. 

எதிர்க்கட்சி தலைவர் மகிந்த  கூட, அரசுக்கும், ஜனாதிபதிக்கும் இவ்விடயத்தில் ஒரு பொது நிலைப்பாடு இல்லாமை குறித்து கவலை அடைவதாக சொல்லியுள்ளார்.

ரணில் அரசை பொறுத்தவரையில், இன்னும் இரு வருடங்கள் அவகாசம் கேட்க விரும்புகிறது. சிலவேளை, மைத்திரி பதவி இறங்கிய பின்னர், இதனை ஒழுங்காக செய்ய முடியும் என நினைக்கிறார் போலுள்ளது.

மறுபுறம், தேர்தலுக்கு தயாராகும், மைத்திரி, ஐநாவை கழட்டி விட்டால், அதை சொல்லியே தேர்தலில் அறுவடை செய்யலாம் என கணக்கு போடுகிறார்.

ஆக, மீண்டும், சுஜ நல நோக்கத்துக்காக சரவதேச ரீதியிலான ஒரு குழப்பத்துக்கு நாட்டினை தள்ள போகின்றார் என்பதே பலரின் கவலை.  

Source: the island