யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
பிழம்பு

விடுதலைப் புலிகளின் முன்னாள் போராளி வாழ்வாதாரத்துக்கு போராடும் அவலம்

Recommended Posts

  •  
     
இலங்கை

புதிய ஊன்றுகோல் ஒன்றினை வாங்குவதற்கு வசதியற்றிருக்கும் ஜெகன், தமிழீழ விடுதலைப் புலிகள் அமைப்பின் முன்னாள் போராளி.

நந்திக் கடல் பகுதியில் நடந்த இறுதி யுத்தத்தில், இலங்கைப் படையினருக்கு எதிராக ஆயுதமேந்திப் போரிட்ட போது, தமது இடது காலினை அவர் இழந்தார். தன் 15ஆவது வயதில் விடுதலைப் புலிகள் அமைப்பில் இணைந்து 7 ஆண்டுகள் ஆயுதம் ஏந்திப் போராடிய அந்த இளைஞன், இப்போது அன்றாட உணவுக்கான வருமானத்தைத் தேடிக் கொள்வதற்கே மிகவும் போராடுகிறார்.

இலங்கை அம்பாறை மாவட்டம் - விநாயகபுரத்தில் மனைவி மற்றும் இரண்டு வயது பெண் குழந்தையுடன், ஜெகன் வசிக்கிறார். அவருக்கு இப்போது 32 வயதாகிறது. கூலி வேலைக்காக, 20 கிலோமீட்டருக்கும் அதிகமான தூரம் ஒற்றைக் காலால், சைக்கிள் மிதித்து பயணிக்கிறார். "ஆனால், ஒவ்வொரு நாளும் தொழில் கிடைப்பதில்லை. கிடைக்கும் வருமானத்தில் பாதிக்கும் மேல் குழந்தைக்கான பால்மாவு உள்ளிட்ட செலவுகளுக்கே போய்விடுகிறது" என்கிறார் ஜெகன்.

"ஒன்பதாம் வகுப்பு படிக்கும் போது, 2002ஆம் ஆண்டு எனது 15 வயதில் இயக்கத்தில் சேர்ந்தேன். கஞ்சிகுடியாறுக்கு அழைத்துச் சென்றார்கள். பின்னர் அங்கிருந்து மட்டக்களப்பு தரவைக்குச் சென்று, 8 மாதங்கள் பயிற்சி பெற்றேன்".

இலங்கை

"2009ஆம் ஆண்டு இறுதி யுத்தம் நடந்தபோது முல்லைத்தீவு மாவட்டத்தின் நந்திக் கடல் பகுதியில் ஆயுதமேந்தி சண்டையிட்டேன். அப்போது எனது இடது காலில் காயமேற்பட்டது. விஸ்வமடு பகுதியில் தற்காலிகமாக இயங்கிய வைத்தியசாலையில் சிகிச்சை பெற்றேன். அப்போது என் காலைத் துண்டிக்க வேண்டியேற்பட்டது" என சொல்லி விட்டுசிறிது நேரம் மௌனம் காத்தார் ஜெகன்.

"இறுதி யுத்தத்தின் ஒரு கட்டத்தில் படையினரிடம் சரணடையுமாறு இயக்கத்தின் மேலிடத்திலிருந்து உத்தரவு வந்தது. பெருந்தொகையானோர் படையினரிடம் சரணடைந்தனர்; நானும் சரணடைந்தேன். பின்னர், வவுனியா - பூந்தோட்டம் புனர்வாழ்வு முகாமில் தடுத்து வைக்கப்பட்டேன். 2010ஆம் ஆண்டு விடுதலையானேன்".

புனர்வாழ்வு முகாமுக்குச் சென்று 2 மாதத்துக்குப் பின்னர்தான் 'விடுதலைப் புலிகள் அமைப்பின் தலைவர் பிரபாகரன் இறந்து விட்டார்' எனும் செய்தி தனக்குத் தெரிய வந்ததாக கூறுகிறார் ஜெகன்.

இலங்கை

தமிழீழ விடுதலைப் புலிகள் அமைப்பில் இருந்த போது, சூசை மற்றும் தமிழ்ச் செல்வன் போன்ற தளபதிகளை தான் சந்தித்துள்ள போதும், பிரபாகரனை நேரில் கண்டதில்லை என்கிறார் இவர்.

2016ஆம் ஆண்டு திருமணம் செய்துகொண்ட இவருக்கு, இரண்டு வயதில் பெண் குழந்தையொன்று உள்ளது.

"கச்சான் (நிலக்கடலை) தோட்டத்தில் கூலி வேலை செய்கிறேன், ஆடுகளை கூலிக்காக மேய்த்துக் கொடுக்கிறேன். இதற்காக 20 கிலோமீட்டருக்கும் அதிகமான தூரம் சைக்கிள் மிதித்துப் பயணிக்கிறேன். வருமானம் போதாது. கிடைக்கும் கூலியில் குழந்தைக்கான பால் மாவு உள்ளிட்ட பொருள்களுக்கே அதிகம் செலவாகி விடுகிறது" என்றார்.

தனக்கு இதுவரை எந்தவொரு தமிழ் அரசியல்வாதியும் உதவவில்லை என்கிறார் ஜெகன்.

இலங்கை

இவர் குடியிருக்கும் வீடு கூட, அரசு வழங்கிய நிதி உதவியில் கட்டப்பட்டதாகும். 8 லட்சம் ரூபாயினை இதற்காக அரசு வழங்கியுள்ளது.

"ஓடும் சைக்கிளும் மிகவும் பழையதாகிவிட்டது. புதிதாக வாங்கவும் பணமில்லை. புதிதாக ஊன்றுகோல் ஒன்றும் வாங்க வேண்டும். அதற்கும் வசதியில்லை" என்கிறார், அந்த முன்னாள் போராளி.

விநாயகபுரத்தில் தன்னைப் போலவே, வாழ்வாதாரத்துக்காகப் போராடும் இன்னும் பல முன்னாள் போராளிகள் உள்ளனர் என்கிற தகவலையும் அவர் தெரியப்படுத்தினார்.

தனக்கு அரசு வேலை கிடைத்தால், நிம்மதியாக வாழ முடியும் என்று கூறும் ஜெகன், குறைந்தது, ஒரு மூன்று சக்கர வண்டி (ஆட்டோ) இருந்தாலும், அதனை ஓட்டி பிழைப்பு நடத்த முடியும் என்கிறார்.

இலங்கையில், அரச தொழில்கள் வழங்கும் போது, அவற்றில் 3 சத வீதத்தினை, அந்தந்த தொழில்களுக்கான தகைமைகளைக் கொண்டுள்ள மாற்றுத் திறனாளிகளுக்கு வழங்கவேண்டும் என்கிற சட்டம் உள்ளது குறிப்பிடத்தக்கது.

சமூகத்தின் விடுதலைக்காக தான் போராடிய போதும், தன்னுடைய சமூகத்திடமிருந்து, எந்தவித ஆதரவும் தனக்குக் கிடைக்கவில்லை என்கிற வருத்தமும் ஏமாற்றமும் தனக்கு இருப்பதாக ஜெகன் கூறுகிறார்.

https://www.bbc.com/tamil/sri-lanka-47555936

Share this post


Link to post
Share on other sites

எவராலும் கவனிக்கபடாமல் அல்லது கவனிக்க விருப்பமில்லாமல் அல்லது கவனித்தும் கவனிக்கப்படாமல் ஆனால் கவனிக்க பட வேண்டிய திரி.

அங்குள்ள எவராவது இவரது நேரடி தொடர்புகளை எடுத்து தர முடிந்தாலோ அல்லது உதவ முற்பட்டாலோ அறியத் தரவும்.

  • Like 1

Share this post


Link to post
Share on other sites

இதுக்கு எனது பங்களிப்பு நிச்சயம் உண்டு.

அதற்கு தனியாக ஒரு திரி திறவுங்கள் நிழலி 

 

Share this post


Link to post
Share on other sites
Posted (edited)
On 3/15/2019 at 9:04 PM, நிழலி said:

எவராலும் கவனிக்கபடாமல் அல்லது கவனிக்க விருப்பமில்லாமல் அல்லது கவனித்தும் கவனிக்கப்படாமல் ஆனால் கவனிக்க பட வேண்டிய திரி.

2 replies

322 views

இன்னுமா இவர்களை நம்புகின்றீர்கள்?

Edited by ஜீவன் சிவா

Share this post


Link to post
Share on other sites
On 3/15/2019 at 5:00 PM, ஜீவன் சிவா said:

இதுக்கு எனது பங்களிப்பு நிச்சயம் உண்டு.

அதற்கு தனியாக ஒரு திரி திறவுங்கள் நிழலி 

 

ஊரில்தானே இருக்கின்றீர்கள். நேரே சென்று நிலவரத்தை பார்த்து உதவி செய்ய வேண்டியது தானே. இதற்கு ஏன் தனித்திரி?

Share this post


Link to post
Share on other sites
1 minute ago, குமாரசாமி said:

ஊரில்தானே இருக்கின்றீர்கள். நேரே சென்று நிலவரத்தை பார்த்து உதவி செய்ய வேண்டியது தானே. இதற்கு ஏன் தனித்திரி?

ஊரில் இருப்பவனுக்கு வேறு தொழிலே இல்லையா?

உங்கை இருந்து கூவினது காணும் 

முடிந்தால் உதவி செய்யுங்கோ இல்லை கம்முன்னு இருங்கோ 

6 நாட்களாக கவனிப்பாரற்றிருந்த இந்த திரி உங்கள் விதண்டா வாதத்தினால் உயிர் பெறுகின்றது மறுபடியும்.

முடிந்தால் அந்த முன்னாள் போராளிக்கு உதவி செய்யுங்கள் இல்லை கப் சிப் 

இது எனது இறுதிப்பதிவு இந்த திரியில் - ஆனால் உதவி செய்தால் எனது பங்களிப்பு நிச்சயம்.

 

Share this post


Link to post
Share on other sites
10 minutes ago, ஜீவன் சிவா said:

ஊரில் இருப்பவனுக்கு வேறு தொழிலே இல்லையா?

உங்கை இருந்து கூவினது காணும் 

முடிந்தால் உதவி செய்யுங்கோ இல்லை கம்முன்னு இருங்கோ 

6 நாட்களாக கவனிப்பாரற்றிருந்த இந்த திரி உங்கள் விதண்டா வாதத்தினால் உயிர் பெறுகின்றது மறுபடியும்.

முடிந்தால் அந்த முன்னாள் போராளிக்கு உதவி செய்யுங்கள் இல்லை கப் சிப் 

இது எனது இறுதிப்பதிவு இந்த திரியில் - ஆனால் உதவி செய்தால் எனது பங்களிப்பு நிச்சயம்.

 

எனது மனச்சாட்சிக்கு ஜேர்மனிக்கு வந்த நாள்முதல் ஏதோ ஒருவகையில் உதவி செய்து கொண்டுதான் இருக்கின்றேன். அது ஒவ்வொன்றையும் உங்களைப்போன்றவர்களுக்கு பகிரங்கப்படுத்த வேண்டிய அவசியம் இங்கில்லை. அது போக யாழ்களத்தில் ஈழமக்களுக்கான  உதவிபற்றிய பல பழைய திரிகள் இங்குள்ளன. அவற்றையேல்லாம் வாசித்துவிட்டு திரும்ப இங்கே....இந்த திரிக்கு வாருங்கள். அதுவரைக்கும்..........

Share this post


Link to post
Share on other sites
Posted (edited)

அண்மையில் யாழ் உறவு ஜஸ்ரின் அவர்கள்  உதவி  சம்பந்தமாக எனக்கு தந்த பதில் கருத்தையும் வாசித்திருப்பீர்கள் என நினைக்கின்றேன்.

  நிழலி! அண்மையில் யாழ் உறவு ஜஸ்ரின் அவர்கள்  உதவி  சம்பந்தமாக எனக்கு தந்த பதில் கருத்தையும் வாசித்திருப்பீர்கள் என நினைக்கின்றேன்.

1 minute ago, ஜீவன் சிவா said:

 

நான் எப்போதும் செய்து கொண்டுதான் இருக்கின்றேன். முதலில் நீங்கள் கப் சிப்.அதுக்கு பிறகு மற்றவைக்கு சொல்லும்.

Edited by குமாரசாமி

Share this post


Link to post
Share on other sites

யாழ் இணைய உறவுகள் நேசக்கரத்தின் ஊடாகவும், யாழ் இணையத்தின் ஊடாகவும், பாதிக்கப்பட்ட உறவுகள் பலருக்கு  நிறைய உதவிகள் செய்து இருக்கின்றனர் / இருக்கின்றோம். அதில் உடனடி உதவிகளில் இருந்து பிள்ளைகளை பொறுப்பெடுத்து மாதாமாதம் பணம் அனுப்புவது வரை தொடர்கின்றது.

உதவி என்று ஒரு திரி திறந்து காத்திரமான முறையில் கேட்டால், கருத்துக்களத்தில் அதிகளவு பங்கு கொள்ளாது 'உறங்கு நிலையில்' இருக்கும் உறவுகள் கூட ஓடி வந்து உதவிகள் செய்து இருக்கின்றனர்.

செய்தவர்கள் எவர் எவர் என்று பட்டியலிடுவதனூடாக அவர்கள் செய்த பேருதவிகளை மதிப்பிழக்க வைக்க விரும்பவில்லை என்பதால் பெயர்களை குறிப்பிடுவதை தவிர்க்கின்றேன்.

இந்த திரி கவனிப்பாரற்று கிடப்பதால் இதை மீண்டும் மேலே கொண்டு வருவதற்காகவே 'கவனிக்காமல் இருக்கு' என்று பதில் இட்டு இருந்தேன். ஆனால் அதை பார்த்த பின் மற்றவர்களை மட்டம் தட்டி, நக்கலடித்து, எப்பவும் தன்னை முன்னிலைப்படுத்தி மற்றவர்களை கேவலப்படுத்தும் விதமாக தொடர்ந்து பதில் இடுவதன் மூலமாக எந்த நோக்கத்திற்காக நான் எழுதினேனோ அந்த நோக்கத்தை மழுங்கடித்ததை தான் காண முடிகின்றது.

 

  • Like 2
  • Sad 1

Share this post


Link to post
Share on other sites
Posted (edited)
On 3/15/2019 at 4:34 PM, நிழலி said:

அங்குள்ள எவராவது இவரது நேரடி தொடர்புகளை எடுத்து தர முடிந்தாலோ அல்லது உதவ முற்பட்டாலோ அறியத் தரவும்.

தனிக்காட்டு ராசா 

ஒரு  முறை அவரை  சந்தித்து

நிலைமையை  அறியத்தர முடியுமா?

(அம்பாறை  என்பதால் தங்களிடம்)

Edited by விசுகு

Share this post


Link to post
Share on other sites
6 minutes ago, விசுகு said:

தனிக்காட்டு ராசா 

ஒரு  முறை அவரை  சந்தித்து

நிலைமையை  அறியத்தர முடியுமா?

(அம்மாறை  என்பதால் தங்களிடம்)

தொடர்புகள் சரி வந்தால் எனக்கும் அறியதாருங்கள் விசுகு.

  • Haha 1

Share this post


Link to post
Share on other sites

தொடர்புகள் சரிவந்தால் என்னுடைய பங்களிப்பும் இருக்கு விசுகர் .

அல்லது அவரின் வங்கி இலக்கம் இருந்தால் அறியத்தாருங்கள் .

Share this post


Link to post
Share on other sites
10 minutes ago, குமாரசாமி said:

தொடர்புகள் சரி வந்தால் எனக்கும் அறியதாருங்கள் விசுகு.

தனிக்காட்டு ராசா  வரட்டும்  அண்ணா

6 minutes ago, பெருமாள் said:

தொடர்புகள் சரிவந்தால் என்னுடைய பங்களிப்பும் இருக்கு விசுகர் .

அல்லது அவரின் வங்கி இலக்கம் இருந்தால் அறியத்தாருங்கள் .

பொறுங்கள்  சகோ

எம்மைப்போல்  பலரும்   உதவ  இருக்கக்கூடும்

உதவிகள்  சென்று விட்டால்....??

தனிக்காட்டு ராசா  வரட்டும்

Share this post


Link to post
Share on other sites

உதவி செய்யும் பொறிமுறையை அறியத்தரவும். 

ஜீவன்,

நீங்கள் இன்னும் இவர்களோடு மல்லுக் கட்டுவதை அடிக்கடி காண்பேன்.

ஏனப்பா இந்த விசர் வேலை 😂

I thought you were an enlightened soul 🙏

Share this post


Link to post
Share on other sites
3 hours ago, நிழலி said:

யாழ் இணைய உறவுகள் நேசக்கரத்தின் ஊடாகவும், யாழ் இணையத்தின் ஊடாகவும், பாதிக்கப்பட்ட உறவுகள் பலருக்கு  நிறைய உதவிகள் செய்து இருக்கின்றனர் / இருக்கின்றோம். அதில் உடனடி உதவிகளில் இருந்து பிள்ளைகளை பொறுப்பெடுத்து மாதாமாதம் பணம் அனுப்புவது வரை தொடர்கின்றது.

உதவி என்று ஒரு திரி திறந்து காத்திரமான முறையில் கேட்டால், கருத்துக்களத்தில் அதிகளவு பங்கு கொள்ளாது 'உறங்கு நிலையில்' இருக்கும் உறவுகள் கூட ஓடி வந்து உதவிகள் செய்து இருக்கின்றனர்.

செய்தவர்கள் எவர் எவர் என்று பட்டியலிடுவதனூடாக அவர்கள் செய்த பேருதவிகளை மதிப்பிழக்க வைக்க விரும்பவில்லை என்பதால் பெயர்களை குறிப்பிடுவதை தவிர்க்கின்றேன்.

இந்த திரி கவனிப்பாரற்று கிடப்பதால் இதை மீண்டும் மேலே கொண்டு வருவதற்காகவே 'கவனிக்காமல் இருக்கு' என்று பதில் இட்டு இருந்தேன். ஆனால் அதை பார்த்த பின் மற்றவர்களை மட்டம் தட்டி, நக்கலடித்து, எப்பவும் தன்னை முன்னிலைப்படுத்தி மற்றவர்களை கேவலப்படுத்தும் விதமாக தொடர்ந்து பதில் இடுவதன் மூலமாக எந்த நோக்கத்திற்காக நான் எழுதினேனோ அந்த நோக்கத்தை மழுங்கடித்ததை தான் காண முடிகின்றது.

 

நிழலி,

இவருடன் நேரடியாகத் தொடர்புகொள்ளும் வழி உங்களுக்கு இருக்கிறதா?

முடிந்தால்ச் சொல்லுங்கள்.

நன்றி

Share this post


Link to post
Share on other sites
21 minutes ago, ragunathan said:

நிழலி,

இவருடன் நேரடியாகத் தொடர்புகொள்ளும் வழி உங்களுக்கு இருக்கிறதா?

முடிந்தால்ச் சொல்லுங்கள்.

நன்றி

இல்லை ரகு. எனக்கு கிழக்கில் தெரிந்தவர்கள் என்று இப்ப எவரும் இல்லை.

இந்த போராளி பற்றி, பிபிசி தமிழிலும்  globaltamilnews இலும் தகவல் வந்திருப்பதால் பலர் இவர் பற்றிய விபரங்களை பெற முயன்று இருப்பர். எனவே அவரை நேரடியாக சந்தித்து விபரம் பெற்ற பின் அடுத்த கட்டத்தை பற்றி சிந்திப்பது நல்லது

 

Share this post


Link to post
Share on other sites
42 minutes ago, நிழலி said:

இல்லை ரகு. எனக்கு கிழக்கில் தெரிந்தவர்கள் என்று இப்ப எவரும் இல்லை.

இந்த போராளி பற்றி, பிபிசி தமிழிலும்  globaltamilnews இலும் தகவல் வந்திருப்பதால் பலர் இவர் பற்றிய விபரங்களை பெற முயன்று இருப்பர். எனவே அவரை நேரடியாக சந்தித்து விபரம் பெற்ற பின் அடுத்த கட்டத்தை பற்றி சிந்திப்பது நல்லது

 

நன்றி நிழலி,

Share this post


Link to post
Share on other sites

சனி கிழமை அல்லது    ஞாயிற்றுக்கிழமை இவருடை தகவல்களை தருகிறேன் முகநூலிலும் (பேக்) இவருக்கான உதவிக்கரங்களை கோரியும் இருந்தோம்  உதவிகள் கிடைத்ததா அல்லது கிடைக்கவில்லையா என்பது தெரியாது  இருந்தாலும் அந்த கிராம சேவகர் / பிரதேச செயலாளரிடம் கேட்டும் அறியத்தருகிறேன். நேரில் சென்று பார்க்கலாம் ஆனால் சமூகம் பல கண்களுடன் தான் உற்றுப்பார்த்துக்கொண்டிருக்கிறது . (***) விடுதலை செய்யப்பட்டவர்கள் எல்லோரும் ஓர் வட்டத்துக்குள் தான்.  என்பதையும் கூற முனைகிறேன் 

அல்லது வங்கி விபரங்களை தரவேண்டுமா என நீங்களே சொல்லுங்கள்
 

On 3/15/2019 at 9:04 PM, நிழலி said:

எவராலும் கவனிக்கபடாமல் அல்லது கவனிக்க விருப்பமில்லாமல் அல்லது கவனித்தும் கவனிக்கப்படாமல் ஆனால் கவனிக்க பட வேண்டிய திரி.

அங்குள்ள எவராவது இவரது நேரடி தொடர்புகளை எடுத்து தர முடிந்தாலோ அல்லது உதவ முற்பட்டாலோ அறியத் தரவும்.

 

14 hours ago, விசுகு said:

தனிக்காட்டு ராசா 

ஒரு  முறை அவரை  சந்தித்து

நிலைமையை  அறியத்தர முடியுமா?

(அம்பாறை  என்பதால் தங்களிடம்)

 

11 hours ago, ragunathan said:

நிழலி,

இவருடன் நேரடியாகத் தொடர்புகொள்ளும் வழி உங்களுக்கு இருக்கிறதா?

முடிந்தால்ச் சொல்லுங்கள்.

நன்றி

 

11 hours ago, goshan_che said:

உதவி செய்யும் பொறிமுறையை அறியத்தரவும். 

ஜீவன்,

நீங்கள் இன்னும் இவர்களோடு மல்லுக் கட்டுவதை அடிக்கடி காண்பேன்.

ஏனப்பா இந்த விசர் வேலை 😂

I thought you were an enlightened soul 🙏

 

  • Like 3
  • Thanks 1

Share this post


Link to post
Share on other sites

நன்றி த.கா. ராஜா.

எல்லாரும் தனித்தனியே போடாமல் நீங்கள் ஒருங்கிணைத்தால் நல்லம். முடியாவிட்டால் பரவாயில்லை. இது என் கருத்து மட்டுமே.

  • Like 1
  • Thanks 1

Share this post


Link to post
Share on other sites

ஒரு சிறிய உதவி மிகப்பெரிய மாற்றங்களை கொண்டுவரலாம்.

Share this post


Link to post
Share on other sites

இவருக்கான ஓரளவு உதவிகள் கிடைக்க்பெற்றுள்ளதோடு ஆடு வளர்புக்கு ஆடும் வழங்கப்பட்டுள்ளதாகவும் அறிய முடிகிறது , அவரும் சுயதொழிலில் ஈடுபட உதவிகள் செய்யப்பட்டுள்ளன. அதனை வைத்து வெற்றிக்கொள்வாரானால் வெற்றி 

அவரின்ற மகளின்ற வங்கி கணக்கு இலக்கம் கிடைக்கவில்லை கிடைத்தால் தருகிறேன் அந்த பிள்ளைக்கு நீங்கள் விரும்பிய உதவிகளை செய்யலாம்  படித்த பிறகு அவருக்கு அந்த உதவிகளை எடுத்து ஏதாவது செய்யலாம் 

  • Like 2

Share this post


Link to post
Share on other sites
4 hours ago, தனிக்காட்டு ராஜா said:

இவருக்கான ஓரளவு உதவிகள் கிடைக்க்பெற்றுள்ளதோடு ஆடு வளர்புக்கு ஆடும் வழங்கப்பட்டுள்ளதாகவும் அறிய முடிகிறது , அவரும் சுயதொழிலில் ஈடுபட உதவிகள் செய்யப்பட்டுள்ளன. அதனை வைத்து வெற்றிக்கொள்வாரானால் வெற்றி 

அவரின்ற மகளின்ற வங்கி கணக்கு இலக்கம் கிடைக்கவில்லை கிடைத்தால் தருகிறேன் அந்த பிள்ளைக்கு நீங்கள் விரும்பிய உதவிகளை செய்யலாம்  படித்த பிறகு அவருக்கு அந்த உதவிகளை எடுத்து ஏதாவது செய்யலாம் 

மிக்க நன்றி தனி

இதுவரை எவரும் / எந்த அமைப்பும் அவர் மகளின் வளர்ச்சிக்கு உதவாவிடின், மகளின் கணக்கில் இலங்கை ரூபா 150,000 இனை வைப்புச் செய்தால் அவர் 18 வயதை அடையும் போது அதை எடுத்து பயன்படுத்துவது போன்று செய்யலாம்.

  • Like 1
  • Thanks 1

Share this post


Link to post
Share on other sites
15 hours ago, தனிக்காட்டு ராஜா said:

அவரின்ற மகளின்ற வங்கி கணக்கு இலக்கம் கிடைக்கவில்லை கிடைத்தால் தருகிறேன் அந்த பிள்ளைக்கு நீங்கள் விரும்பிய உதவிகளை செய்யலாம்

11 hours ago, நிழலி said:

இதுவரை எவரும் / எந்த அமைப்பும் அவர் மகளின் வளர்ச்சிக்கு உதவாவிடின்,

தனிக்காட்டு ராஜா, அவரது முகவரியையும் கையடக்க தொலைபேசி இலக்கத்தையும் தனிமடலில் தந்தால், அவர்களுக்கு இதுவரை வேறு நீண்டகால உதவிகள் கிடைக்கவில்லை என்றால், அவரது ஒரு பிள்ளையின் கல்விக்கு / படிப்புக்கு நீண்டகால உதவிக்கான ஏற்பாடுகளை எங்களால் செய்ய முடியும்.

அவர்களுக்கு உண்மையில் உதவி தேவைப்பட்டால் (இதுவரை வேறு நீண்டகால உதவிகள் கிடைக்கவில்லை என்றால்) இது போன்ற நீண்டகால உதவிகளை எமது நண்பர்கள் நேரடி சந்திப்புக்களுக்கு பிறகே செய்வதால், உதவிகளை ஆரம்பிக்க சில மாதங்கள் செல்லும்! 

 

Share this post


Link to post
Share on other sites

இந்த உதவித் திட்டத்தில் என்னையும் இணைத்துக் கொள்ளுங்கள் (  முன்னர்நேசக்கரத்திலும் சில பங்களிப்பு செய்திருந்தேன் ) , ஆனால் பிள்ளைக்காக உதவி செய்யாமல் பெற்றோருக்கு உதவி செய்தல் தான் பொருத்தம் எனநினைக்கிறேன் , அவர்களின் பொருளாதார மேம்பாடு தான் முதலில் முக்கியம். இப்படியான ஒரு மனிதர் தன் பிள்ளையையும்  நிச்சயம் நன்றாக கவனிப்பார் . வரப்புயர ............ உயரும்....... இது என் தனிப்பட்ட கருத்து

  • Like 1

Share this post


Link to post
Share on other sites
On 3/28/2019 at 5:03 AM, போல் said:

தனிக்காட்டு ராஜா, அவரது முகவரியையும் கையடக்க தொலைபேசி இலக்கத்தையும் தனிமடலில் தந்தால், அவர்களுக்கு இதுவரை வேறு நீண்டகால உதவிகள் கிடைக்கவில்லை என்றால், அவரது ஒரு பிள்ளையின் கல்விக்கு / படிப்புக்கு நீண்டகால உதவிக்கான ஏற்பாடுகளை எங்களால் செய்ய முடியும்.

அவர்களுக்கு உண்மையில் உதவி தேவைப்பட்டால் (இதுவரை வேறு நீண்டகால உதவிகள் கிடைக்கவில்லை என்றால்) இது போன்ற நீண்டகால உதவிகளை எமது நண்பர்கள் நேரடி சந்திப்புக்களுக்கு பிறகே செய்வதால், உதவிகளை ஆரம்பிக்க சில மாதங்கள் செல்லும்! 

 

அவர் சுயதொழிலில் ஈடுபடுவதால் தூர ஊர் சென்றாக அறிய முடிகிறது கிடைத்தால் தருகிறேன் 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • வைத்தியர் ஷாபி விவகாரம் : முறைப்பாடளித்த தாய்மாருக்கு கொழும்பில் மருத்துவ பரிசோதனை   (எம்.எப்.எம்.பஸீர்) வருமானத்தை மீறி சொத்து சேர்த்தமை மற்றும் சட்ட விரோத கருத்தடை விவகார குற்றச்சாட்டுக்களில் சி.ஐ.டி.யில் தடுத்து வைத்து விசாரிக்கப்படும் வைத்தியர் சேகு சிஹாப்தீன் மொஹம்மட் ஷாபி தொடர்பில் நேற்று வரை 758 பேரின் வாக்கு மூலங்கள் குறித்த விசாரணைகளை குற்றப்புலனாய்வு பிரிவின் அதிகாரிகள் பதிவு செய்துள்ளனர்.  கருத்தடை விவகாரத்தால் தாம் பாதிக்கப்பட்டதாக முறைப்பாடளித்துள்ள பெண்களில் 601 பேர், மகப்பேற்று மற்றும் பிரசவ விஷேட வைத்திய நிபுணர்கள் 7 பேர் உள்ளிட்ட 758 பேரின் வாக்கு மூலங்களே இவ்வாறு பதிவு செய்யப்ப்ட்டுள்ளதாக பொலிஸ் ஊடகப் பேச்சாளர் பொலிஸ் அத்தியட்சர் ருவன் குணசேகர கூறினார்.  பொலிஸ் தலைமையகத்தில் நேற்று அவர் நடாத்திய சிறப்பு செய்தியாளர் சந்திப்பின் போதே அவர் இதனைக் கூறினார். இந் நிலையில்  வைத்தியர் சேகு சிஹாப்தீன் மொஹம்மட் ஷாபி குறித்து விசாரணைகளை முன்னெடுக்கும்  சி.ஐ.டி.யின் சமூக கொள்ளை தொடர்பிலான விசாரணை அறை பொறுப்பதிகாரி பொலிஸ் பரிசோதகர் நிசாந்த சில்வா தலைமையிலான குழுவினர்  இந்த விசாரணைகளுக்கு தேவையான பல்வேறு நீதிமன்ற உத்தரவுகளைப் பெற்றுக்கொண்டுள்ளனர். அதன்படி சட்ட விரோத கருத்தடை தொடர்பில் வைத்தியர் ஷாபிக்கு எதிராக முறைப்பாடுகளை முன்வைத்துள்ள பெண்களை கொழும்பு பிரதான சட்ட வைத்திய அதிகாரியின் கீழ்,  பிரசவ மற்றும் மகப்பேற்று விஷேட வைத்திய நிபுணர்கள் இருவர் அடங்கிய  சிறப்பு குழு முன்னிலையில் மருத்துவ பரிசோதனைகளுக்கு உட்படுத்த நீதிமன்றின் அனுமதி பெறப்பட்டுள்ளது. குறித்த மருத்துவ  பரிசோதனைகள் கொழும்பு காசல் வைத்தியசாலை மற்றும் டி சொய்ஸா பெண்கள் வைத்தியசாலைகளில் முன்னெடுப்பதற்கான அனுமதியை சி.ஐ.டி. பெற்றுக்கொண்டுள்ளது. அதன்படி சி.ஐ.டி. மன்றில்  குருணாகல் நீதிவானிடம் முன்வைத்த கோரிக்கைக்கு அமைய,  குறித்த இரு வைத்தியசாலைகளுக்கும் குறிப்பிட்ட மருத்துவ பரிசோதனைகளை முன்னெடுக்க தேவையான உபகரணங்கள் உள்ளிட்ட வசதிகளில் குறைபாடுகள் இருக்குமாயின் அதனை உடனடியாக நிவர்த்தி செய்துகொடுக்குமாறு சுகாதார அமைச்சின் செயலாளருக்கு  உத்தரவு பிறப்பிக்கப்பட்டுள்ளது.  அத்துடன்  குருணாகல் போதனா வைத்தியசாலையில் செய்யப்பட்ட  சிசேரியன் சத்திர சிகிச்சைகள்  அவற்றில் பிரதி கூலங்கள்  தொடர்பில் பதிவான சத்திர சிகிச்சைகள் உள்ளிட்ட விடயங்களை மையப்படுத்தி விரிவான  அறிக்கையை சி.ஐ.டி.க்கு கொடுக்கவும் சுகதார அமைச்சின் செயலாளருக்கு நீதிமன்றம் உத்தரவிட்டுள்ளது. இதேவேளை நேற்று வரை வைத்தியர் சாபி விவகாரத்தில் சி.ஐ.டி. பதிவு செய்துள்ள 758  வாக்கு மூலங்களின் விபரங்களும் கேசரிக்கு கிடைக்கப் பெற்றுள்ளன. அதில் சட்ட விரோத கருத்தடை விவகாரம் தொடர்பில் வைத்தியருக்கு எதிராக முறைப்பாடுகளை முன்வைத்த தாய்மார்களில் 601 பேரிடமும்,  பிரசவ மற்றும் மகப்பேற்று  விஷேட வைத்திய நிபுணர்கள் 7 பேரிடமும், ஷாபி வைத்தியரின் தரத்துக்கு சமனான தரத்தை உடைய குருணாகல் வைத்தியசாலையின் பிரசவ மற்றும் மகப்பேற்று பிரிவு வைத்தியர் ஒருவரிடமும்,  குழந்தைகள் தொடர்பிலான  6 வைத்தியர்களிடமும்,  சிசேரியன் வைத்தியர்களுக்கு உதவி வைத்தியர்களாக கடமையாற்றும் 11 வைத்தியர்களிடமும், உணர்விழக்கச் செய்யும் செயற்பாடுகளை முன்னெடுக்கும் 10 வைத்தியர்களிடமும்  பதிவு செய்த வாக்கு மூலங்கள் உள்ளடங்குகின்றன. இதனைவிட, சிசேரியன் சிகிச்சைகளின் போது  இரு தாதியர்கள் அந் நடவடிக்கையில் பங்கேற்கும் நிலையில், அவ்வாறு அந்த சிகிச்சைகளில் பங்கேற்ற  பிரதான தாதி ஒருவர் உள்ளிட்ட 70 தாதியர்களிடமும்,  18 உதவியாளர்களிடமும் பாலியல் உறுப்புகள் தொடர்பிலான வைத்தியர் ஒருவரிடமும் வாக்கு மூலங்கள் பதிவு செய்யப்பட்டுள்ளன. இதனைவிட  குருணாகல் வைத்தியசாலையின் பணிப்பாளரின் வாக்கு மூலத்தையும் சி.ஐ.டி. பதிவு செய்துள்ளது. குருணாகல் வைத்தியசாலை பனிப்பாளரின் வாக்கு மூலத்தை பதிவு செய்ய முன்னர், சி.ஐ.டி. அவருக்கு எதிராக விஷேட நீதிமன்ற உத்தரவொன்றினைப் பெற்றிருந்தது. அதில் சி.ஐ.டி. விசாரணைகளுக்கு பூரண ஒத்துழைப்பு வழங்குமாறு குருணாகல் வைத்தியசாலையின் பணிப்பாளருக்கு நீதிமன்றம் உத்தரவிட்டிருந்தது. இந் நிலையில் வைத்தியர் ஷாபி விவகாரத்தில் முன்னெடுக்கப்பட்டுள்ள விசாரணைகளின் தொகுப்பு எதிர்வரும் 27 ஆம் திகதி குருணாகல் நீதிவானுக்கு சமர்ப்பிக்கப்படவுள்ளமை குறிப்பிடத்தக்கது.   https://www.virakesari.lk/article/58611
    • இந்துசமுத்திரத்தை நோக்கி கவனத்தை திருப்பியுள்ளது ஐஎஸ்- இந்திய புலனாய்வு அமைப்பு   சிரியா ஈராக்கில் ஏற்பட்டுள்ள தோல்விகளை தொடர்ந்து எஸ் அமைப்பு தனது கவனத்தை இந்து சமுத்திரத்தை நோக்கி திருப்பியுள்ளது இதன் காரணமாக இந்தியா இலங்கைக்கு ஆபத்துக்களை எதிர்கொள்ளவேண்டிய நிலையேற்படலாம் என இந்திய புலனாய்வு அமைப்பொன்று எச்சரிக்கை விடுத்துள்ளது. கேரள காவல்துறையினரிற்கு இந்திய புலனாய்வு அமைப்பு அனுப்பியுள்ள மூன்று கடிதங்களில் இந்த ஆபத்து குறித்து சுட்டிக்காட்டியுள்ளது. ஈராக் சிரியாவில் தனது கட்டுப்பாட்டின் கீழ் காணப்பட்ட நிலங்களை இழந்த பின்னர் தங்கள் நாடுகளில் இருந்தபடியே வன்முறைகளில் ஈடுபடுமாறு ஐஎஸ் அமைப்பு தனது உறுப்பினர்களிற்கு வேண்டுகோள் விடுத்துவருகின்றது என இந்திய புலனாய்வு அமைப்பு தனது கடிதத்தில் தெரிவித்துள்ளது. கொச்சியில் வணிகவளாகங்கள் உட்பட முக்கியமான இடங்கள் இலக்குவைக்கப்படலாம் எனவும் இந்திய புலனாய்வு அமைப்பு தெரிவித்துள்ளது. ஐஎஸ் அமைப்பு இந்தியாவில் தனது இணைய நடவடிக்கைகளை தீவிரப்படுத்தியுள்ளது இது தாக்குதல் நடைபெறலாம் என்பதற்கான அறிகுறி எனவும் இந்திய புலனாய்வு அமைப்பு தெரிவித்துள்ளது.   https://www.virakesari.lk/article/58617
    • உல­க­ளா­விய ரீதியில் 70 மில்­லி­ய­னுக்கும் அதி­க­மான மக்கள் இடம்­பெ­யர்ந்­துள்­ளனர்   உல­க­ளா­விய ரீதியில் போரால் இடம்­பெ­யர்ந்­த­வர்கள் தொகை கடந்த வரு­டத்தில் 70 மில்­லி­ய­னாக அதி­க­ரித்­துள்­ள­தாக  ஐக்­கிய நாடுகள் அக­திகள் முகவர் நிலை­யத்தால் நேற்று புதன்­கி­ழமை புதி­தாக வெளியி­டப்­பட்­டுள்ள அறிக்­கையில் தெரி­விக்­கப்­பட்­டுள்­ளது.  கடந்த வரு­டத்தில் 70.8 மில்­லியன் பேர் இடம்­பெ­யரும் நிர்ப்­பந்­தத்­திற்குள்­ளா­கி­யுள்­ளனர் எனவும் அதற்கு முந்­திய வரு­டத்தில் இடம்­பெ­யர்ந்­த­வர்கள் தொகை­யுடன் ஒப்­பி­டு­கையில் அந்த வரு­டத்தில் இடம்­பெ­யர்ந்­த­வர்கள் தொகையில்  2.3 மில்­லி­ய­னுக்கும் அதி­க­மான அதி­க­ரிப்பு இடம்­பெற்­றுள்­ள­தா­கவும் ஐக்­கிய நாடுகள் அக­திகள் முகவர் நிலை­யத்தால்  வெளியி­டப்­பட்ட  வரு­டாந்த  உல­க­ளா­விய போக்­குகள் அறிக்­கையில்  சுட்­டிக்­காட்­டப்­பட்­டுள்­ளது. இந்த இடம்­பெ­யர்ந்த அக­திகள் தொகை­ யா­னது 30 வரு­டங்­க­ளுக்கு முன்­பி­ருந்­ததை விடவும் இரு மடங்­காக அதி­க­ரித்­துள்­ளது. உல­க­ளா­விய ரீதியில் தின­சரி சரா­ச­ரி­யாக 37,000 புதிய இடம்­பெ­யர்­வுகள் இடம்­பெற்று வரு­வ­தாக அந்த அறிக்­கையில் சுட்­டிக்­காட்­டப்­பட்­டுள்ளது. இது போர், மோதல்கள், துன்­பு­றுத்­தல்கள் என்­பன­வற்­றி­லி­ருந்து பாது­காப்பு தேவை­யான மக்­க­ளது தொகையில் நீண்ட  கால ரீதியில் அதி­க­ரிக்கும் போக்கு காண ப்­ப­டு­வதை மேலும் உறு­திப்­ப­டுத்­து­வ­தாக  உள்­ளது" என ஐக்­கிய நாடுகள் அக­திகள் உயர்ஸ்­தா­னிகர் பிலிப்போ கிரான்டி தெரி­வித்தார். வெனி­சு­லா­வி­லான நெருக்­க­டிகள் தொட ர்­பான தக­வல்கள் முழு­மை­யாக வெளிப்­ப­டுத்­தப்­ப­டாத நிலையில் மேற்­படி இடம்­பெ­யர்ந்த அக­தி­களின் தொகை மதிப்­பி­டப்­பட்­டதை விடவும் அதி­கமாக  இருப்­ப­தாக தோன்­று­வ­தாக அவர் கூறினார். இவ்­வாறு இடம்­பெ­யர்ந்­த­வர்­களில்  தாய் நாட்­டி­லான  மோதல்கள், போர் மற்றும் துன்­பு­றுத்­தல்கள் கார­ண­மாக  நாட்டை விட்டு வெளியே­றி­ய­வர்கள், தாம் பிறந்த நாட்டை விட்டு வெளியேறி  சர்­வ­தேச பாது­காப்பின் கீழ் இருக்கும் நிலையில்  அகதி அந்­தஸ்து வழங்­கப்­ப­டாத  புக­லி­டக்­கோ­ரிக்­கை­யா­ளர்கள் மற்றும் உள்­நாட்­டுக்குள் இடம்­பெ­யர்ந்­த­வர்கள் என 3 பிரி­வினர் உள்­ள­டங்­கு­வ­தாக தெரி­வித்த பிலிப்போ கிரான்டி, கடந்த ஆண்டில் உல­க­ளா­விய அக­திகள் தொகை 25.9 மில்­லி­ய­னா­கவும் புக­லி­டக்­கோ­ரிக்­கை­யா­ளர்கள் தொகை 3.5 மில்­லி­ய­னா­கவும்  உள்­நாட்டில் இடம்­பெ­யர்ந்­த­வர்கள் தொகை 41.3 மில்­லி­ய­னா­கவும் உயர்ந்துள்­ள­தாக  கூறினார். உல­க­ளா­விய அனைத்து அக­திகள் தொகையில்  மூன்றில் இரண்டு பகுதியி னர் சிரியா, ஆப்­கா­னிஸ்தான், தென் சூடான், மியன்மார் மற்றும் சோமா­லியா ஆகிய நாடு­களைச் சேர்ந்­த­வர்­க­ளாவர். சிரி­யா­வி­லி­ருந்தே அதி­க­ள­வான அக­திகள் இடம்­பெ­யர்ந்­துள்­ளனர். அந்­நாட்­டி­லி­ருந்து 6.7 மில்­லியன் பேர் இடம்­பெ­யர்ந்­துள்ள அதே­ச­மயம் அந்­நாட்­டிற்கு அடுத்த இடத்­தி­லுள்ள  ஆப்­கா­னிஸ்­தா­னி­லி­ருந்து 2.7 மில்­லியன் பேர்  இடம்­பெ­யர்ந்­துள்­ளனர். 2018 ஆம் ஆண்டில் 92,400 அக­திகள்  மட்­டுமே மீளக் குடி­ய­மர்த்­தப்­பட்­டு ள்­ளனர்.  இது மீளக்குடி­ய­மரக் காத்­தி­ருப்­ப­வர்கள் தொகையில் 7 சத­வீதம் மட்­டு­மே­யாகும்.   https://www.virakesari.lk/article/58615
    • நேற்று தமிழர்கள், இன்று முஸ்லிம்கள், நாளை யார்? கலாநிதி அமீர் அலி 1956 பொதுத்தேர்தலில் எஸ்.டபிள்யூ.ஆர்.டி.பண்டாரநாயக்கவின் வெற்றிக்குப் பிறகு இலங்கையின் அரசியல் கட்சிகளின் பிரசாரங்களில் ஆதிக்கம் செலுத்திவருவது ஒரேயொரு பிரச்சினையே இனவாதமே அது. ஐம்பது வருடங்களுக்கும் மேலாக இந்த பிரசாரங்களின் பிரதான இலக்காக தமிழ் சமூகமே இருந்தது. இறுதியில் ஒரு முப்பது வருடகால போருக்கும் வழிவகுத்தது. அந்த போரினால் நாட்டுக்கும் மக்களுக்கும் ஏற்பட்ட இழப்பு  உண்மையில் மதிப்பிடமுடியாததாகும். தமிழர் பிரச்சினை இப்போது அதன் தாக்கத்தை இழந்து வாக்காளர்களைக் கவருவதற்கு தென்னிலங்கையில் பயன்படுத்தமுடியாத ஒன்றாகிவிட்டது. என்றாலும்கூட, குறிப்பிட்ட சில ' அரசியல் ஹீரோக்கள் ' தமிழர் பிரச்சினைக்கு புத்துயிர் கொடுக்க முயற்சித்துக்கொண்டிருப்பதையும் காணக்கூடியதாக இருக்கிறது. 2009 ஆம் ஆண்டுக்குப் பிறகு அதுவும் குறிப்பாக 2015 ஆம் ஆண்டிலிருந்து சிங்கள அரசியல்வாதிகள் அச்சுறுத்தும் புதிய பிரசாரங்களை முன்னெடுப்பதற்கு இன்னொரு இலக்கை தேடிக்கொண்டிருந்தார்கள் ; அந்த தேடலில் அவர்கள் முஸ்லிம் சமூகத்தை கண்டுபிடித்தார்கள். சிங்களவர்களுக்கு மேலாக அரசியல்ரீதியிலும் கலாசாரரீதியிலும் தமிழர்கள் மேலாதிக்கம் செலுத்தும் ' அச்சுறுத்தல் ' இருப்பதாக புனைவுசெய்து சிங்களமக்களை நம்பவைக்கக்கூடியதாக பிரசாரங்கள் முன்னெடுக்கப்பட்டதைப் போன்று முஸ்லிம்கள் வர்த்தகரீதியிலும் குடிப்பரம்பல் ரீதியிலும் சிங்களவர்கள் மேலாக ஆதிக்கம் செய்யும் அச்சுறுத்தல் வந்துவிட்டது என்று இப்போது பிரசாரங்கள் முழுவீச்சில் முன்னெடுக்கப்படுகின்றன.சஹரான் & கோ.வின் ஈஸ்டர் ஞாயிறு தற்கொலைக் குண்டுத்தாக்குதல்கள் ( அவற்றின் பின்னணி பற்றிய விபரங்கள் இப்போது விளக்கமாக வெளிவந்துகொண்டிருக்கின்றன) காரணமாக முஸ்லிம்களுக்கு எதிராக ஏற்கெனவே முன்னெடுக்கப்பட்டுவந்த பிரசாரங்களில்  ' முஸ்லிம் பயங்கரவாத ' பரிமாணமும் சேர்ந்துகொண்டுள்ளது. அதேவேளை, எந்தவொரு அரசியல் கட்சியுமே பொருளாதாரம், சுகாதாரம், கல்வி,சுற்றாடல் பாதுகாப்பு போன்ற மக்களை பெரிதும்  வாட்டிவதைக்கின்ற உண்மையான பிரச்சினைகளைப் பற்றி பேசுவதாக இல்லை.கடந்த காலத்தில் கூட, இடதுசாரிகளைத் தவிர வேறு எந்தவொரு அரசியல் கட்சியின் தலைவரும் தேர்தல் சமர்களின்போது உண்மையான பிரச்சினைகளில் கவனம் செலுத்தியதில்லை. இ்ன்று ஆட்சியதிகாரத்துக்காக மல்லுக்கட்டிக்கொண்டிருக்கின்ற மூன்று பிரதான கட்சிகளும் -- ஐக்கிய தேசிய கட்சி, ஸ்ரீலங்கா சுதந்திர கட்சி , ஸ்ரீலங்கா பொதுஜன பெரமுன திறந்த பொருளாதாரத்தை ஏகமனதாக ஆரத்தழுவியிருக்கின்றன. அரசாங்கத்துறையை பொருளாதார பங்கேற்பிலும் முகாமைத்துவத்திலும் இருந்து படிப்படியாக விடுவிப்பதற்கு தயங்காத அளவுக்கு இந்த கட்சிகள் திறந்த பொருளாதாரத்தை நேசிக்கின்றவையாக மாறிவிட்டன. அதனால் முஸ்லிம் அச்சுறுத்தலைப் பற்றி பேசி மக்களை திசைதிருப்புவதைத் தவிர அவற்றுக்கு ஆக்கபூர்வமான திட்டம் எதையும் மக்கள் முன்வைக்கக்கூடிய வல்லமை இல்லை.மார்க்சியத்துடன் ஒரு புனைவுத்தன்மையான பிணைப்பைக் கொண்ட ஜனதா விமுக்தி பெரமுன ( ஜே.வி.பி.) யாவது ஆக்கபூர்வமான பொருளாதார நிகழ்ச்சித்திட்டத்துடனான நம்பகத்தன்மையான மாற்றாக அமையும் பார்த்தால் அதுவும் ஏமாற்றமாகப் போய்விட்டது. ஜே.வி.பி.யையும் கூட இனவாத வைரஸ் தோற்றிக்கொண்டுள்ளது. தீவிர வலதுசாரிக்கட்சிகளிடம் எந்தவிதமான உருப்படியான கொள்கையும் இல்லை.அவை படுமோசமான அரசியல் வங்குரோத்து நிலையில் இருக்கின்றன. இதுதான் எமது தேசத்தின் இன்றைய நிலை. இவற்றினால் ஏற்படக்கூடிய விளைவு எத்தகையதாக இருக்கும் இருக்கும்? தமிழ்ச் சிறுபான்மை இனத்தவர்களை கண்ணியமாக நடத்தி அவர்களுக்கு சிலவகையான அதிகாரப் பகிர்வுகளை வழங்குவதற்கு தொடர்ச்சியாக மறுத்துவந்த காரணத்தால்தான் இறுதியில் உள்நாட்டுப் போர் வந்தது. இப்போது என்ன நடந்திருக்கிறது.தமிழர்களுக்கு அதிகாரத்தைப் பகிர மறுத்தவர்கள் அம்பாந்தோட்டை துறைமுகத்தை சீனர்களுக்கு 99 வருடங்களுக்கு  கொடுத்திருக்கிறார்கள். எப்போது அவர்கள் இங்கிருந்து போவார்கள்? இந்த கேள்விக்கு கடவுளினால் மாத்திரமே பதில் சொல்லமுடியும்.  அதேபோன்றே 2009 ஆம் ஆண்டுக்குப் பிறகு இலங்கை விவகாரங்களில் இந்தியாவின் செல்வாக்கும் கணிசமானளவுக்கு அதிகரித்திருக்கிறது. உள்நாட்டில் எந்தவொரு நடவடிக்கையையும் முன்னெடுப்பதற்கு முன்னதாக இந்திய தலைவரிடம் ஆசீர்வாதம் பெறுவதற்காக இலங்கையின் ஜனாதிபதிகளும் பிரதமர்களும் புதுடில்லிக்கு விஜயம் செய்வதென்பது பெரும்பாலும் ஒரு சடங்காகவே மாறிவஞ்டது எனலாம்.மதரீதியான ஆசீர்வாதத்துக்காக திருப்பதியும் அரசியல்ரீதியான ஆசீர்வாதத்துக்காக புதுடில்லியும் இலங்கைத் தலைவர்களுக்கு அரசியல் யாத்திரை மையங்களாக மாறிவிட்டன. அம்பாந்தோட்டையைப் போன்ற சொத்துக்களை நீண்டகால அடிப்படையில் பெற்றுக்கொள்வதன் மூலம் இலங்கைத் தீவில் சீனப்பிரசன்னத்தை எதிரீடு செய்வதற்கு இந்தியா விரும்புகிறது.பிரதமர் நரேந்திர மோடி சிறிசேன அன்ட் கம்பனிக்கு வெறுமனே ' ஹலோ ' சொல்வதற்கு ' கடந்தவாரம் இலங்கைக்கு விஜயம் செய்யவில்லை.சீன -- இந்திய புவிசார் அரசியலுக்குள் இலங்கை வசமாக மாட்டிக்கொண்டுள்ளது.  அதிகாரம் செய்யவிரும்புகின்ற  மூன்றாவது நாடும்  மிகவும் பலம்பொருந்தியதுமான  அமெரிக்கா ஈஸ்டர் ஞாயிறு குண்டுத்தாக்குதல்களை அடுத்து  திருகோணமலையில் தனது கடற்படை கப்பல்களுக்கு தரிப்பு வசதிகளைப் பெற்றுக்கொள்வதற்கு ஏதுவாக இலங்கையிடமிருந்து சலுகைகளை வலிந்து கேட்பதற்கு சர்வதேச முஸ்லிம் பயங்கரவாத அச்சுறுத்தலை ஊதிப்  பெருப்பித்துக்காட்டும் என்பது நிச்சயம். ( எல்லாவற்றுக்கும் மேலாக அமெரிக்க ஏகாதிபத்தியமே ஜிஹாதிகளையும் ஜிஹாதிகளுக்கு எதிரானவர்களையும் உருவாக்கியது. இப்போது  இலங்கையைப் போன்ற கேந்திரமுக்கியத்துவம் வாய்ந்ததும் பொருளாதார மற்றும் அரசியல் ரீதியில் வலிமையற்றதுமான நாடுகளில் நிரந்தரமாகக்  காலூன்றுவதற்கு அமெரிக்க வெளியுறவு  கொள்கைவகுப்பாளர்களுக்கு சர்வதேச ஜிஹாதிய அச்சுறுத்தல் ' வசதியான ஒரு சந்தைப்படுத்தல் ' கருவியாக மாறியிருக்கிறது ) மோடியைத் தொடர்ந்து அமெரிக்க வெளியுறவு அமைச்சர் மைக் பொம்பியோ இலங்கை வருகிறார். அமெரிக்காவின் கோரிக்கையையும் நெருக்குதலையும் எவ்வளவு காலத்துக்கு இலங்கையினால் மறுத்துநிற்க முடியும் ? மூன்று மேலாதிக்க நாடுகள் மத்தியில் இலங்கை இப்போது சிக்கியிருக்கிறது. அதேவேளை, இலங்கையின் பொருளாதாரம் ஒரு பக்கத்தில் செயலிழந்துபோன அரசாங்கத்தின் காரணமாகவும் மறுபக்கத்தில் தொடரும் இனவாக பதற்றநிலை மற்றும் வன்செயல்கள் காரணமாகவும் பாரதூரமான தாக்கத்துக்குள்ளாகியிருக்கிறது. சீர்குலைந்துபோயிருக்கும் பொருளாதாரத்தை மீட்டெடுக்க மத்திய வங்கி ஆளுநர் என்னதான் முயற்சிகளை எடுத்தாலும் -- தேசத்தின் பெரும்பாக பொருளாதாரத்தின் அத்திபாரங்கள் கெட்டியானவையாக இருப்பதாக பிரகடனம் செயதாலும் மக்கள் அனுபவிக்கின்ற கஷ்டங்கள் வேறுபட்ட கதையையே சொலகின்றன.அன்றாடம் அதிகரித்துக்கொண்டிருக்கும் வாழ்க்கைச் செலவு, குவியும் தனிப்பட்ட கடன்கள் மற்றும் வறுமை அதிகரிப்பு  எல்லாமே தற்கொலைகள் அதிகரிப்பதற்கு வழிவகுக்கின்றன ; இவை விரைவாக வீழ்ச்சியடைந்துகொண்டிருக்கும் பொருளாதாரம் ஒன்றின் வெளிப்பாடுகள். இந்த பொருளாதார இடர்நிலை இனவாத வைரஸுக்கு பெருமளவுக்கு ஊட்டம் கொடுக்கிறது. ஒரு குடும்பத்தில் தாராளமாக வளம் இருந்தால் மூத்த சகோதரன் கூடுதலான வளத்தை அபகரிப்பதாகவும் தனக்கு சொற்பமே கிடைப்பதாகவும் இளைய சகோதரன் முறையிடமாட்டான். பகிர்வதற்கு சொற்பமே இருக்கின்றபோது தான் தகராறு தொடங்குகிறது. பொருளாதாரத்தை முழுமையாக எடுத்துப் பார்க்கும்போது இது தான் உண்மை நிலை.பொருளாதாரம் சுபிட்சம் அடைந்து பன்முக அரசியல் சமூகத்தில் பகிர்ந்துகொள்வதற்கு தாராளமாக இருக்கும்போது மக்களினால் அமைதியையும் சமாதானத்தையும் அனுபவிக்கக்கூடியதாக இருப்பதை வரலாறு நிரூபித்து நிற்கிறது. பொருளாதார இடர்நிலையின்போது மக்கள் கொந்தளிப்புக்கு முகங்கொடுக்கவேண்டியிருக்கிறது என்பதுடன் பன்முகத்தன்மையும் ஆபத்துக்குள்ளாகிறது. கடந்த பல தசாப்தங்களாக இலங்கையின் பன்முகத்தன்மையின் கதை இதுதான்.இனவாதம் பொருளாதாரத்தை பலவீனப்படுத்துகிறது ; அந்த பலவீனம் இனவாதத்தை போஷித்து வளர்க்கிறது. நாட்டின் பன்முக சமூகம் உயர்வாழவேண்டுமானால் இந்த தொடர்பு துண்டிக்கப்படவேண்டும்.இந்த உண்மையை முறையாகப் புரிந்துகொண்ட நாடு என்றால் அது சிங்கப்பூர் தான்.அந்த நாடு லீ குவான் யூவின் தலைமைத்துவத்தின் கீழ்  அதன் தோற்றத்தின் போதே இந்த விளக்கத்தை பெற்றிருந்தது.அதன் காரணத்தினால்தான்  1980களில் பேரினவாதத்தன்மையான கோரிக்கைகளை முன்வைத்த சிங்கப்பூரின் பெரும்பான்மையினத்தவர்களான சீனர்களைப் பார்த்து அந்த நாட்டை ஒரு இலங்கையாக்கிவிடாதீர்கள் என்று லீ குவான் யூ எச்சரிக்கை செய்தார்.  அந்த நிலைப்பாட்டை எடுத்ததன் மூலம் அவர் தான் ஒரு அரசியல்வாதி அல்ல, அரசியல்ஞானி என்பதை உலகிற்கு நிரூபித்தார். 1950 களிலும்  1960 களிலும் தொடங்கி( ஒரு சிலர் விதிவிலக்காக )  சிங்கள அரசியல்வாதிகள் பெரும்பான்மையினத்தவர்களுக்கும் சிறுபான்மையினத்தவர்களுக்கும் இடையிலான  அபிவிருத்தி இடைவெளிக்கு மற்றைய  சமூகத்தவர்களையே குற்றஞ்சாட்டினார்கள். அந்த இடைவெளியை நிரப்புவதற்கு  கடுமையான தீர்மானங்களை எடுக்காமல் அவர்கள் இனவாத அடிப்படையில் பாரபட்சமான அணுகுமுறைகளையே கடைப்பிடித்தார்கள்.அப்போது குற்றச்சாட்டு  தமிழர்களுக்கு எதிராகத் திரும்பியது.... இப்போது முஸ்லிம்களுக்கு எதிராகத் திரும்பியிருக்கிறது ; அடுத்து யாருக்கு எதிராகத் திரும்பும்? இந்திய வம்சாவளி தமிழர்கள்? தேசத்தைக் கட்டியெழுப்புதல் என்பதே நாடு இன்று முகங்கொடுக்கின்ற அடிப்படை பிரச்சினையாகும். ' மென்மையான இன ஒதுக்கல் ' ஒன்றின் அறிகுறிகளை இலங்கை ஏற்கெனவே காண்பிக்கத் தொடங்கிவிட்டது ; அது  ' வன்மையான இன ஒதுக்கலாக ' பலமடைவதற்கு முன்னதாக அரசியல்வாதிகள் நிதானமாகவும் விவேகமாகவும் செயற்பட்டு, குணப்படுத்த முடியாத முறிவு நாட்டுக்கு ஏற்படுவதைத்  தடுக்கவேண்டும். ஏனெ்ன்றால், வெளிநாட்டு சக்திகள் இந்த முறிவை பெரிதும் விரும்புகின்றன. ஏனென்றால், வறியவையும் பலவீனமானவையும் உறுதிப்பாடற்றவையுமான  நாடுகளை ஒன்றுக்கு  எதிராக  ஒன்றை தொர்ச்சியாகப் பயன்படுத்தமுடியும் ;அதன் மூலமாக உள்நாட்டு அரசியல் அதிகார சக்திகளை தங்களது தாளத்துக்கு ஏற்ப ஆடவைக்கலாம் என்று அவை நம்புகின்றன. முஸ்லிம்களுக்கு எதிரான தற்போதைய அலையைப் பொறுத்தவரை, முஸ்லிம் சமூகத்திற்குள் சீர்திருத்தங்களுக்காான தேவை குறித்து நிறையவே சொல்லப்பட்டிருக்கின்றன.ஆனால், எந்தவொரு சமூகமும்  அதன் இருப்புக்கு வெளியில் இருந்து அச்சுறுத்தலை எதிர்நோக்கும்போது உள்சீர்திருத்தங்களை முன்னெடுக்கப்போவதில்லை. அந்த பினபுலத்தில் நோக்குகையில், சீர்திருத்தங்களை நியாயப்படுத்துகிறவர்கள் கூட தங்களது சொந்தச் சமூகத்தினால் துரோகிகளாகவே கருதப்படுவர். நாட்டின் பொருளாதாரம் கட்டியெழுப்பப்பட வேண்டும்.அதற்கு சகல சமூகங்களினதும் ஒத்துழைப்பு தேவை.பொருளாதாரம் என்பது வெறுமனே புள்ளிவிபரங்களுடனும் வகைமாதிரிகளுடனும் சம்பந்தப்பட்ட விவகாரம் அல்ல. அதைவிடவும் பெரியது.அது மக்களைப்பற்றியது.மக்கள் அச்சத்துடனும் ஏக்கத்துடனும்்வாழும்போது எந்த பொருளாதாரமும் செழிக்க முடியாது. மதத்தை அனுஷ்டித்து கலாசாரத்தை கொண்டாடுவதற்கு மக்களின் வயிறு நிரம்பவேண்டும் என்பதை மதத்தையும் கலாசாரத்தையும் பேணிப்பாதுகாக்கவேண்டும் என்ற அதீத பற்றுதலை கொண்டவர்கள் முதலில் விளங்கிக்கொள்ளவேண்டும். வ்வாறு கூறுவதை பொருள்முதல்வாதத்தை போதிக்கும் ஒரு மடத்தனமான காரியம் என்று அர்த்தப்படுத்தக்கூடாது. மாறாக இதை  மனிதவாழ்வு பற்றிய பகுத்தறிவுபூர்வமான நோக்காக கருதவேண்டும். இலங்கை அரசியல்வாதிகள் நாட்டினதும் அதன் மக்களினதும் சிறந்த எதிர்காலத்தைப் பற்றி உண்மையான  அக்கறைகொண்டவர்களாக இருந்தால், அவர்கள் தமிழ் மக்களுடனும் முஸ்லிம் மக்களுடனும் நல்லிணக்கச் செயன்முறையைத் துரிதப்படுத்தவேண்டும் ;  வன்முறையைக் கட்டவிழ்த்துவிடுகின்ற ( சில காவியுடைக்காரர்களையும் உள்ளடக்கிய ) கும்பல்களிடமிருந்து முஸ்லிம்களைப் பாதுகாக்கவேண்டும். அனுகூலமான சில சமிக்ஞைகளையும் காணக்கூடியதாக இருக்கிறது. மக்கள் மத்தியில் பிளவை ஏற்படுத்துகின்ற போக்கிற்கு எதிராக பல சிவில் உரிமை குழுக்கள் வெளிப்படையாகப் பேசுவதற்கு முன்வந்திருப்பதை உதாரணத்துக்கு கூறலாம்.  நிலைவரம் மட்டுமீறிச் சென்று பயங்கரமான கட்டத்தை எட்டிவிட்டதை செல்வாக்குமிக்க சில மதத்தலைவர்கள் கூட இப்போது உணருகின்றார்கள்.அவர்கள் எல்லோரும் ஒன்று சேர்ந்து  எந்தளவு விரைவாக செயற்படுகிறார்களோ அந்தளவுக்கு அது நாட்டின் கௌரவம் மீட்கப்படுவதற்கு நல்லதாக இருக்கும்.   https://www.virakesari.lk/article/58596
    • தொடரும் தவறுகள்..! தமிழ் அர­சியல் ஓர் இக்­கட்­டான நிலை­மைக்குள் பிர­வே­சித்­தி­ருக்­கின்­றது. இந்த நிலை­மையில் இருந்து அது எவ்­வாறு வெளி­வரப் போகின்­றது என்­பதும், பல்­வேறு நெருக்­க­டி­க­ளுக்கும், அர­சியல் ரீதி­யான அச்­சு­றுத்­தல்­க­ளுக்கும் ஆளா­கி­யுள்ள தமிழ் மக்­களை எவ்­வாறு அது வழி­ந­டத்தப் போகின்­றது என்­பதும் சிந்­த­னைக்­கு­ரி­யது.  நல்­லாட்சி அர­சாங்கம் வாய்ப்­பேச்சில் தனது வீரத்தைக் காட்­டி­ய­தே­யொ­ழிய, காரி­யத்தில் எத­னையும் சாதிக்­க­வில்லை. எதேச்­ச­தி­கா­ரத்தை ஒழித்­துக்­கட்டி, ஜன­நா­ய­கத்துக்குப் புத்­து­யி­ர­ளித்து, பிரச்­சி­னை­க­ளுக்குத் தீர்வு காணப்­போ­வ­தாக நல்­லாட்சி அரச தலை­வர்கள் உறு­தி­ய­ளித்­தி­ருந்­தனர். ஆனால், காலப் போக்கில் அந்த உறு­தி­மொ­ழி­களை அவர்கள் காற்றில் பறக்­க­விட்­டனர்.  தம்மை ஆட்­சி­ய­தி­கா­ரத்தில் இருத்­திய நாட்டு மக்­களின் மன­ம­றிந்து அவர்­களின் தேவை­களைப் பூர்த்தி செய்து நல்­லாட்சி புரி­வ­தற்கு மாறாக மனம் போன­போக்கில் ஆட்சி செலுத்­தி­ய­தையே இந்த ஆட்­சி­யா­ளர்­களின் 4 வருட காலத்தில் மக்கள் அனு­ப­வ­மாகப் பெற்­றி­ருக்­கின்­றார்கள். தமிழ் மக்­களைப் பொறுத்­த­மட்டில், யுத்­தத்தை வெற்­றி­க­ர­மாக முடி­வுக்குக் கொண்டு வந்த மஹிந்த ராஜ­பக் ஷ அர­சாங்கம் இரா­ணுவ ஆட்­சி­யி­லேயே ஆர்வம் காட்­டி­யி­ருந்­தது. யுத்­தத்தின் பின்னர் அர­சியல் தீர்வு காண்­ப­திலும், யுத்­தத்­தினால் பாதிக்­கப்­பட்ட தமிழ் மக்­களின் பிரச்­சி­னை­க­ளுக்குத் தீர்வு காண்­ப­திலும் அக்­கறை காட்­டவே இல்லை.  மஹிந்த அர­சாங்­கத்­துக்கு மாற்­றீ­டாக, பல முன்­னேற்­ற­க­ர­மான மாற்­றங்­களைச் செய்­யப்­போ­வ­தாக உறு­தி­ய­ளித்த, சந்­தி­ரிகா குமா­ர­துங்க, ரணில் விக்­கி­ர­ம­சிங்க மற்றும் மைத்­தி­ரி­பால சிறி­சேன ஆகிய மும்­மூர்த்­தி­க­ளுக்கும் தமிழ்த் தரப்பு தேர்­தலில் ஆத­ர­வ­ளித்­தது. இந்த ஆத­ரவின் மூலம் ஆட்சி அதி­கா­ரத்தைக் கைப்­பற்­றிய நல்­லாட்சி அர­சாங்கத் தலை­வர்கள் முன்­னைய அர­சாங்­கத்­தை­யும்­விட தமிழ் மக்­களை மோச­மாக நடத்­து­வ­தி­லேயே கவ­ன­மாக இருக்­கின்­றனர். அவர்கள் நாட்டை சீர­ழிப்­ப­தி­லேயே வெற்றி கண்­டி­ருக்­கின்­றனர்.  எதேச்­ச­தி­காரப் போக்கைக் கொண்­டி­ருந்த மஹிந்த ராஜ­பக் ஷ ஆட்­சி­யிலும் பார்க்க இந்த அர­சாங்கம் முன்­னைய அரசாங்கத்­திலும் பார்க்க மோச­மா­னது என்ற அவப்­பெ­ய­ரையே இது­வ­ரையில் சம்­பா­தித்­துள்­ளது.  உறு­தி­யற்ற (ஸ்திர­மற்ற) அர­சியல் நிலைமை, பொரு­ளா­தார பாதிப்பு, பொறுப்பு கூறு­கின்ற சர்­வ­தேச கடப்­பாட்­டையும், யுத்­தத்­தினால் பாதிக்­கப்­பட்ட மக்­க­ளுக்கு நிலை­மா­று­கால நீதியை வழங்­கு­கின்ற கட­மை­யையும் புறக்­க­ணித்த போக்கு, சிங்­கள பௌத்த தேசி­ய­வா­தத்தின்  மேலாண்­மைக்கு வழி­யேற்­ப­டுத்­தி­யமை, மத சிறு­பான்­மை­யி­ன­ருக்கு எதி­ரான வன்­மு­றை­க­ளுக்கு இட­ம­ளித்­தமை, சர்­வ­தேச பயங்­க­ர­வாதம் நாட்­டுக்குள் பிர­வே­சித்­ததைத் தடுப்­பதில் பொறுப்­பற்ற முறையில் செயற்­பட்­டமை, மக்கள் மத்­தியில் நல்­லு­றவு, நல்­லி­ணக்கம், ஐக்­கியம், சக வாழ்வு என்­ப­வற்றை ஏற்­ப­டுத்தத் தவ­றி­யமை போன்ற பல்­வேறு குறை­பா­டு­க­ளையே இந்த அர­சாங்கம் சாதனைப் பட்­டி­ய­லாகக் கொண்­டி­ருக்­கின்­றது. கேள்­விகள் இந்த நிலையில் நன்­மை­களைப் பெற்றுத் தரும். பிரச்­சி­னை­களைத் தீர்த்து நாட்டின் சுபிட்­சத்­துக்கு வழி­கோலும் என்ற நம்­பிக்­கையில் இந்த அர­சாங்­கத்­துக்கு நிபந்­த­னை­யற்ற ஆத­ரவை வழங்­கிய தமிழ்த்­தே­சிய கூட்­ட­மைப்பு, அதனை சரி­யான வழியில் கையாள முடி­யாமல் தடு­மாற்­றத்­துக்கு ஆளாகி இருக்­கின்­றது.  முன்­னெப்­போதும் இல்­லாத பலத்த சவாலை நாம் இன்று எதிர்­கொண்­டுள் ளோம் என்று தமிழ்த்­தே­சிய கூட்­ட­மைப் பின் பேச்­சா­ளரும், பாரா­ளு­மன்ற உறுப்­பி­ன­ரு­மா­கிய சுமந்திரன் தெரி­வித்­துள்ளார். அவ­ரு­டைய கூற்று இன்­றைய தமிழ் அர­சி­யலின் கடி­ன­மான சூழலைப் பிர­தி­ப­லித்­தி­ருக்­கின்­றது.  தமிழ் மக்­களின் அர­சியல் பய­ணத்­திலே பல வித்­தி­யா­ச­மான தசாப்­தங்­களைக் கடந்து வந்­தி­ருக்­கின்றோம். ஆனால், இன்று நாங்கள் இருக்­கின்ற சூழல் இதற்கு முன்­னெப்­போதும் இல்­லாத சூழ­லாக இருக்­கின்­றது என்று அவர் குறிப்­பிட்­டி­ருக்­கின்றார்.  யாழ்ப்­பாணம் ஆழி­ய­வ­ளையில் இடம்­பெற்ற நிகழ்­வொன்றில் பேசு­கை­யி­லேயே அவர் இதனைத் தெரி­வித்­துள்ளார்.  எங்­க­ளுக்கு உகந்த ஒரு சூழலை நாம் உரு­வாக்­கி­விட்டோம் என்று நினைத்­தி­ருந்­த­போது, அந்தச் சூழலே எங்­க­ளுக்கு மாறா­ன­தா­கவும், நாங்கள் சறுக்கி விழக்­கூ­டி­ய­தா­கவும், விழுந்தால் பாரிய காயம் ஏற்­படக் கூடி­ய­தா­கவும் இன்று எங்கள் முன்னால் இருந்து கொண்­டி­ருக்­கின்­றது. கஷ்­ட­மான இந்த சவா­லுக்கு முகம் கொடுத்து தமிழ் மக்­களின் இலக்கை அடைந்தே தீருவோம் என அவர் கூறி­யுள்ளார்.  தமிழ்த்­தே­சிய கூட்­ட­மைப்பின் தலைவர் இரா.சம்­பந்தன் மற்றும் கூட்­ட­மைப்பின் தலைமைக் கட்­சி­யா­கிய தமி­ழ­ரசுக் கட்­சியின் தலைவர் மாவை சேனா­தி­ராஜா ஆகி­யோரும் இந்த அர­சாங்கம் தங்­க­ளையும் தமிழ் மக்­க­ளையும் ஏமாற்­றி­விட்­டது என்றே தெரி­வித்­தி­ருக்­கின்­றனர். அர­சாங்­கத்தின் மீது அவர்கள் கொண்­டி­ருந்த நம்­பிக்கை இப்­போது ஏமாற்­ற­மாக மாறி­யி­ருக்­கின்­றது.  தமிழ்த்­தே­சிய கூட்­ட­மைப்பு, தமிழ் மக்­களின் அர­சியல் தலைமை என்ற பொறுப்பில் சரி­யான வழி­மு­றையைத் தெரிந்­தெ­டுத்துச் செயற்­படத் தவ­றி­யி­ருக்­கின்­றது என்ற ஒப்­புதல் கூற்­றா­கவும் சுமந்­தி­ர­னு­டைய கூற்றைக் கருத முடியும். அதே­போன்று, இரா.சம்­பந்தன் மற்றும் மாவை சேனா­தி­ராஜா ஆகி­யோரின் அரசு மீதான ஏமாற்ற உணர்­வையும், தலை­வர்கள் என்ற ரீதியில் அவர்கள் தீர்க்­க­த­ரி­ச­ன­மான முடி­வு­களை மேற்­கொள்ளத் தவ­றி­விட்­டார்கள் என்­பதை வெளிப்­ப­டுத்­தி­யி­ருக்­கின்­றன என்றே கொள்ள வேண்டி இருக்­கின்­றது. ஏனெனில் அடுத்த கட்­ட­மாக அவர்கள் என்ன செய்யப் போகின்­றார்கள், இந்த அர­சாங்­கத்­தையும் பேரின அர­சியல் தலை­வர்­க­ளையும் எவ்­வாறு கையாளப் போகின்­றார்கள் என்­பது தெரி­யாத ஒரு நிலை­மை­யி­லேயே தமிழர் தரப்பு அர­சியல் காணப்­ப­டு­கின்­றது.   இந்த கடி­ன­மான அர­சியல் சூழலில் இருந்து தமிழ் மக்­களின் அர­சியல் அபி­லா­சை­களை எவ்­வாறு வென்­றெ­டுக்க முடியும்? எவ்­வாறு தமிழ்த்­தே­சிய கூட்­ட­மைப்பு செயற்­படப் போகின்­றது? – என்ற  கேள்­விகள் பூதா­க­ர­மாக எழுந்து நிற்­கின்­றன. பொறுப்­புக்கள் தமிழ் மக்­களின் அர­சியல் தலைமை என்ற பாரிய பொறுப்பை ஏற்­றுள்ள தமிழ்த்­தே­சிய கூட்­ட­மைப்பு, வெறு­மனே தேர்­தல்­களை இலக்கு வைத்த கொள்­கை­களைக் கொண்­ட­தா­கவே இது­வ­ரையில் செயற்­பட்டு வந்­துள்­ளது. தமிழ் மக்­களின் பிரச்­சி­னை­க­ளுக்குத் தீர்வு காண்­ப­தற்­கான மூலோ­பாயத் திட்­டங்கள் எதுவும் கூட்­ட­மைப்பின் தலை­மை­யிடம் இல்லை. அதே­போன்று கூட்­ட­மைப்பின் தலைமைக் கட்­சி­யா­கிய தமி­ழ­ரசுக் கட்­சி­யி­டமும் இல்லை.  தமிழ்த்­தே­சிய கூட்­ட­மைப்பு என்­பது பல கட்­சிகள் ஒன்­றி­ணைந்­ததோர் அர­சி யல் கூட்டு என்­பதில் எந்­த­வி­த­மான சந்­தே­கமும் இல்லை. வடக்கு கிழக்கு இணைந்த தாயகம், பகிர்ந்­த­ளிக்­கப்­பட்ட இறை­மையின் அடிப்­ப­டையில் அதி­காரப் பகிர்வு, சுய­நிர்­ணய உரி­மை­யுடன் கூடிய சமஷ்டி ஆட்சி முறைமை என்ற பொதுக் கொள்­கை­களை அடிப்­ப­டை­யாகக் கொண்டே பங்­காளிக் கட்­சிகள் தமிழ்த்­தே­சிய கூட்­ட­மைப்பில் இணைந்­துள்­ளன.  ஆனால் கல் தோன்றா, மண் தோன்றா காலத்­துக்கு முன் தோன்­றிய மூத்த குடி­களே தமி­ழர்கள் என்ற மிகவும் பழை­மை­யான பெருமை பேசு­வதைப் போன்று தாயகம், பகிர்ந்­த­ளிக்­கப்­பட்ட இறைமை, சுய­நிர்­ணய உரிமை, சமஷ்டி  என்ற பழைய கொள்­கைகள் பற்றிப் பேசு­வ­திலும் அதன் அடிப்­ப­டை­யி­லான தீர்வே வேண்டும் என்று பிர­சாரம் செய்­வ­தி­லுமே, தமிழ்த்­தே­சிய கூட்­ட­மைப்பின் அர­சியல் காலம் கரைந்து கொண்­டி­ருக்­கின்­றது.  தமிழ்த்­தே­சிய கூட்­ட­மைப்பின் இந்தத் தேர்தல் காலப் பிர­சாரக் கொள்­கையை அல்­லது இலக்கை அடை­வ­தற்­கான ஓர் அர­சியல் வழித்­தடம் பற்­றிய திட்­டங்கள் எதுவும் கூட்­ட­மைப்பின் தலை­மை­யிடம் இருப்­ப­தாகத் தெரி­ய­வில்லை. அத்­த­கைய வழித்­தடத் திட்­டத்­துக்­கான வேலைத் திட்டம் பற்­றிய சிந்­தனை ஏற்­பட்­டி­ருப்­ப­தா­கவும் தெரி­ய­வில்லை.  தமிழ் மக்­களின் அர­சியல் அபி­லா­சை­களை வென்­றெ­டுப்­ப­தற்­கு­ரிய தீர்க்­க­த­ரி­ச­ன­மிக்க பார்வை அவர்­க­ளிடம் இருப்­ப­தா­கவும் தென்­ப­ட­வில்லை. அத்­த­கைய பார்வை ஒன்று குறித்த கலந்­து­ரை­யா­டல்­களோ விவா­தங்­களோ யுத்தம் முடி­வுக்கு வந்த பின்­ன­ரான ஒரு தசாப்த காலப் பகு­தியில் இடம்­பெ­ற­வு­மில்லை.  ஆறு தசாப்த கால வர­லாற்றைக் கொண்­ட­தோர் அர­சியல் போராட்­டத்தைத் தொட ர்ந்து முன்­னெ­டுப்­பது என்­பது சாதா­ரண அர­சியல் செயற்­பா­டல்ல. அது மிகவும் பொறுப்பு வாய்ந்­தது. மிகுந்த தொலை நோக்­குடன், அர­சியல் தீர்க்­க­த­ரி­ச­னத்­துடன் திட்­ட­மி­டப்­பட வேண்­டி­யது. அது, வெறு­மனே காலத்துக்குக் காலம் தேர்­தல்­களில் வெற்றி பெற்று பாராளு­மன்றக் கதி­ரை­களை அலங்­க­ரிக்­கின்ற சாதா­ரண அர­சியல் செயற்­பா­டல்ல. தேர்தல் வெற்­றி­களின் மூலம், பாராளு­மன்­றத்தில் தமது அர­சியல் சக்­தியை காட்­சிப்­ப­டுத்­து­கின்ற சாதா­ரண அர­சியல் அவர்­க­ளுக்கு அவ­சி­ய­மில்லை.  தமிழ் அர­சியல் என்­பது சாதா­ர­ண­மா­ன­தல்ல. தீர்­மானம் மிக்க இர­க­சி­ய­மான தந்­தி­ரோ­பா­யங்­களைக் கொண்ட பேரி­ன­வாத பௌத்த மேலா­திக்கம் கொண்­டதோர் இன­வாத அர­சியல் செயற்­பா­டு­க­ளுக்கு ஈடு­கொ­டுத்துச் செயற்­பட வேண்­டிய பாரிய பொறுப்பை அது கொண்­டி­ருக்­கின்­றது.  ஜன­நாயகப் போர்­வையில் பெரும்­பான்மை என்ற பாரிய பலத்தைக் கொண்­டுள்ள இன­வாத, மத­வாத போக்­கையும் சிறு­பான்மை இன மக்­களை இன ரீதி­யா­கவும், மத ரீதி­யா­கவும் அடக்கி ஒடுக்கி மேலாண்மை கொண்­டதோர் ஆட்­சியைக் கொண்டு செலுத்­து­கின்ற பலம் வாய்ந்த ஆட்­சி­யா­ளர்­க­ளுக்கு எதி­ராக அர­சியல் செய்ய வேண்­டிய பொறுப்பை, தமிழ் அர­சியல் கொண்­டி­ருக்­கின்­றது.  இத்­த­கைய பொறுப்­பு­மிக்க தமிழர் தரப்பு அர­சி­யலைக் கொண்டு நடத்­து­வது என்­பது தனிப்­பட்ட ஒரு சிலரின் தீர்­மா­னங்­க­ளிலோ அல்­லது கட்சி அர­சியல் நலன்­களை முதன்ைமப்­ப­டுத்­திய அர­சியல் செயற்­பா­டு­க­ளிலோ தங்­கி­யி­ருக்­க­வில்லை. அவ்­வாறு தங்­கி­யி­ருப்­ப­தென்­பது தமிழ்த் தரப்பு அர­சி­யலின் பொறுப்­பு­ண­ராத செயற்­பா­டா­கவே அமையும். இத்­த­கைய ஓர் அர­சியல் பின்­ன­ணியில் தமிழ்த் தரப்பு அர­சியல் எந்தத் திசையில் சென்று கொண்­டி­ருக்­கின்­றது, அது எத்­த­கைய அர­சியல் செல்­நெ­றியில் வழி­ந­டத்­தப்­ப­டு­கின்­றது என்­பதைத் தெளி­வாகப் புரிந்து கொள்ள முடியும்.  வெற்றுப் பிர­க­டனம்   பெரும்­பான்மை இனத்­த­வ­ரா­கிய சிங்­கள மக்­க­ளுடன் இணைந்து, சம அர­சியல் உரி­மை­க­ளுடன் வாழ்­வ­தற்­கான சாத்­வீகப் போராட்­டத்தில் ஈடு­பட்­டி­ருந்த மித­வாத தமிழ் அர­சியல் தலை­வர்கள், தங்­க­ளு­டைய முயற்­சிகள் தொடர்ந்து தோல்­வியைத் தழு­வி­ய­தை­ய­டுத்தே தனி­நாட்டுக் கொள்­கையைப் பிர­க­டனம் செய்­தி­ருந்­தனர். ஆனாலும் அந்தத் தனி­நாட்டை அடை­வ­தற்­கான அர­சியல் ரீதி­யான வழி­மு­றைகள் குறித்த எந்­த­வொரு திட்­டமும் அவர்­க­ளிடம் இருக்­க­வில்லை.  அர­சியல் உரி­மை­க­ளுக்­கான சாத்­வீகப் போராட்­டத்தை மக்கள் மயப்­ப­டுத்­து­வ­தற்­காக மேற்­கொண்ட அர­சியல் பிர­சா­ரத்­தையே தனி­நாட்டுக் கோரிக்கை தொடர்­பான திட்­டத்தின் செயற்­பா­டா­கவும் அவர்கள் கொண்­டி­ருந்­தார்கள்.  சம அர­சியல் உரி­மைக்­கான பேச்­சு­வார்த்­தைகள் வெற்­றி­க­ர­மாக இடம்­பெற்ற போதிலும், பேச்­சுக்­க­ளின்­போது எட்­டப்­பட்ட உடன்­பா­டுகள் நடை­மு­றையில் செயற்­ப­டுத்­தப்­ப­ட­வில்லை. மாறாக அந்த ஒப்­பந்­தங்­களும் உடன்­பா­டு­களும் கிடப்பில் போடப்­பட்­டன. அல்­லது கிழித்­தெ­றி­யப்­பட்­டன. அதனைத் தொடர்ந்து முன்­னெ­டுக்­கப்­பட்ட சாத்­வீகப் போராட்­டங்கள் தொடர்ச்­சி­யாகத் தோல்­வியைத் தழு­வின.  அது மட்­டு­மல்ல. சாத்­வீகப் போராட்­டத்தில் ஈடு­பட்ட அர­சியல் தலை­வர்­களும், அவர்­க­ளுக்கு ஆத­ர­வாக அணி­தி­ரண்­டி­ருந்த தமிழ் மக்­களும் அடித்து நொறுக்­கப்­பட்­டார்கள். அரச படை­களின் ஆயுத முனையில் அவர்­களை அடக்கி ஒடுக்­கு­கின்ற செயற்­பா­டு­களை ஆட்­சி­யா­ளர்கள் முன்­னெ­டுத்­தி­ருந்­தனர். இதனால் போராட்­டங்கள் நசுக்­கப்­பட்­டது ஒரு புற­மி­ருக்க, தமிழ் அர­சியல் தலை­வர்­க­ளி­னதும் தமிழ் மக்­க­ளி­னதும் பொது பாது­காப்பு அச்­சு­றுத்­த­லுக்கு ஆளா­கி­யி­ருந்­தது. இத்­த­கைய ஒரு நிலை­யி­லேயே தனி­நாட்­டுக்­கான கொள்கைப் பிர­க­டனம் செய்­யப்­பட்­டது.  ஆனால் அந்த தனி­நாட்டு கொள்­கையை நிறை­வேற்­று­வ­தற்­கான அர­சியல் செல்­நெறி குறித்த திட்­டங்­களோ முன் ஆயத்­தங்­களோ மித­வாத அர­சியல் தலை­வர்­க­ளிடம் இருக்­க­வில்லை. ஆனால், அவர்­களின் அர­சியல் விழிப்­பூட்­ட­லுக்­கான பிர­சா­ரங்கள், தமிழ் இளை­ஞர்கள் மத்­தியில் உணர்ச்­சி­யையும் வேகத்­தையும் தூண்­டி­விட்­டி­ருந்­தன. இந்தத் தூண்­டு­தலின் அடிப்­ப­டை­யி­லேயே ஆயுதப் போராட்டம் முளை­விட்­டி­ருந்­தது.  அர­சியல் வழி­ந­டத்­தல்கள் தமிழ் மக்­களின் அர­சியல் விடு­த­லைக்­கான ஆயுதப் போராட்டம் இந்­தியப் பிர­தமர் இந்­திரா காந்­தியின் அனு­ச­ர­ணை­யையும், ஆத­ர­வையும் பெற்­றி­ருந்த போதிலும், அது பிராந்­திய நலன்­சார்ந்­ததோர் அர­சியல் நட­வ­டிக்­கை­யா­கவே அமைந்­தி­ருந்­தது. தமிழ் மக்­களின் அர­சியல் உரி­மைக்கும் நலன்­க­ளுக்கும் முன்­னு­ரிமை கொண்­ட­தா­கவோ அல்­லது அதனை முழு அளவில் முதன்­மைப்­ப­டுத்­தி­ய­தா­கவோ அமைந்­தி­ருக்­க­வில்லை.  புற­நி­லையில் இந்­தி­யாவின் ஆத­ரவு இருந்­தது போன்று அக­நி­லையில் அர­சியல் வழி­ந­டத்­தல்­களோ அல்­லது அர­சியல் சாணக்­கியம் மிகுந்த உத­வி­களோ ஆயுதப் போரா­ளி­களுக்கு இருக்­க­வில்லை. மித­வாத அர­சியல் தலை­வர்­க­ளுக்கும், போரா­ளி­க­ளுக்கும் இடையில் இறுக்­க­மான பிணைப்பு இருக்­க­வில்லை. மாறாக முரண்­பா­டான ஓர் அர­சியல் நிலை­மையே காணப்­பட்­டது. இந்த முரண்­பாட்டின் விளை­வா­கவே மித­வாத அர­சியல் தலை­வர்கள் அவ­ல­மாக உயி­ரி­ழக்க நேர்ந்­தது என்­று­கூடக் கூறலாம்.  ஆயுதப் போராட்­டத்தின் ஆரம்­ப­காலம் மட்­டு­மல்ல. ஆயுதப் போராட்டம் வீறு­கொண்­டி­ருந்த விடு­த­லைப்­பு­லி­களின் காலத்­தி­லும்­கூட உரிய இரா­ஜ­தந்­திர ரீதி­யி­லான அர­சியல் தந்­தி­ரோ­ப­ாய அனு­ச­ர­ணையோ அல்­லது அர­சியல் வழி­மு­றை­க­ளுக்­கான வழி­ந­டத்­தல்­க­ளுடன் கூடிய உத­வி­களோ கிட்­டி­யி­ருக்­க­வில்லை. அந்தப் போராட்டம் முழுக்க முழுக்க இரா­ணுவ மய­மா­ன­தா­கவே காணப்­பட்­டது. அர­சுக்கும் விடு­த­லைப்­பு­லி­க­ளுக்கும் இடை­யி­லான நீண்­ட­கால யுத்த நிறுத்தம் மற்றும் நோர்­வேயின் மத்­தி­யஸ்­தத்­து­ட­னான பேச்­சு­வார்த்­தை­க­ளின்­போதும் அர­சியல் தந்­தி­ரோ­பாயச் செயற்­பா­டுகள் அரு­கியே காணப்­பட்­டன என்­பதே அர­சியல் அவ­தா­னி­க­ளி­னதும், இரா­ணுவ ஆய்­வா­ளர்­க­ளி­னதும் கருத்­தாகும். யுத்தம் முடி­வ­டைந்த பின்னர், தமிழ் மக்­களின் அர­சியல் தலை­மையைப் பொறுப்­பேற்றுக் கொண்ட தமிழ்த்­தே­சிய கூட்­ட­மைப்பு உள்­ளக ஜன­நா­ய­கத்­துக்கு அதிக மதிப்­ப­ளித்­தி­ருக்­க­வில்லை. வலி­மை­யான ஆயுதப் போராட்டம் மௌனிக்­கப்­பட்­டதன் பின்­ன­ணியில் சாத்­வீக ரீதியில் அர­சியல் போராட்­டத்தை முன்­னெ­டுப்­பது என்­பது இல­கு­வான காரி­ய­மல்ல.  ஆட்­சி­யா­ளர்கள் ஆயுதப் போராட்டத்தை வெற்­றி­கொண்டு, பயங்­க­ர­வாதத்தை இல்­லாமல் செய்­து­விட்டோம் என்ற வெற்றி மம­தையில் உள்ள அர­சியல் உள­வியல் நிலையில் திட்­ட­மிட்ட வகையில் இரா­ஜ­தந்­தி­ரோ­பாய ரீதியில் முன்­னெ­டுத்­தி­ருக்க வேண்டும். அத்­த­கைய முற்­த­யா­ரிப்­பு­ட­னான போராட்டம் என்­பது தனியே தமிழ்த்­தே­சிய கூட்­ட­மைப்­பினால் மட்­டு­மன்றி, தமிழர் தரப்பின் துறை­சார்ந்த பல­த­ரப்­பி­ன­ரு­டைய பங்­க­ளிப்­பு­டனும், வழி­ந­டத்­த­லு­டனும் ஈன்றெடுக்­கப்­பட்­டி­ருக்க வேண்டும்.  யுத்தம் முடி­வுக்கு வந்­த­பின்னர்,  அத்­த­கைய போராட்டம் முன்னெடுக் கப்படவில்லை. அத்தகைய போராட்டத் துக்கான முன் ஆயத்தங்கள்கூட செய் யப்படவில்லை என்றே கூற வேண் டும். மொத்தத்தில் கட்சி அரசியல் நலன் சார்ந்த நிலையில் கூட திட்டமிட்ட வகையில் அரசாங்கத்திற்கு அழுத்தம் கொடுக்க வல்ல போராட்டங்கள் முன்னெடுக்கப்பட வில்லை.  பாதிக்கப்பட்ட மக்களை முதன்மைப்படுத்தி பிரசார அரசியல் நலன்சார்ந்த போராட்டங்களே வலிந்து காணாமல் ஆக்கப்பட்டவர்களுக்குப் பொறுப்பு கூறுதல், அரசியல் கைதிகளின் விடுதலை, இராணுவத்தின் பிடியில் உள்ள பொதுமக்களின் காணி விடுவிப்பு போன்ற எரியும் பிரச்சினைகளை முன்வைத்து மேற்கொள்ளப்பட்டன. அந்தப் போராட்டங்களும்கூட, பாதிக்கப்பட்ட மக்களை முன்னிலைப்படுத்தியதாக இருந்ததேயொழிய பெரிய அளவில் மக்கள் மயப்படுத்தப்பட்ட போராட்டங்களாக பரிணமிக்கவில்லை.  பாதிக்கப்பட்ட மக்கள் தன்னெழுச்சி பெற்று வீதிகளில் இறங்கிப் போராடிய போது, தமிழ்த்தேசிய கூட்டமைப்பு மேட் டுக் குடி அரசியல் போக்கில் ஒதுங்கி நிற் கின்ற ஒரு போக்கைக் கடைப் பிடித்ததே தவிர போராட்டத்தில் ஈடுபட்டிருப்பவர்க ளின் நம்பிக்கையை வென்றெடுத்து, அவர் களுக்கு அவசியமான அரசியல் தலை மையை வழங்கவில்லை.  இத்தகைய ஒரு பின்னணியில்தான், தமிழ் அரசியல் ஒரு இக்கட்டான சூழ லில், கடினமான சவாலுக்கு முகம் கொடுத்தி ருக்கின்றது. இந்தியாவின் தலையீடு ஒரு வாய்ப்புக்கான வழி திறந்திருக்கின்ற ஒரு சமிக்ஞையைக் காட்டியுள்ள இந்தச் சூழலில் தமிழ்த்தேசிய கூட்டமைப்பு பரந்த அரசியல் மனப்பான்மையுடன் ஏனைய அரசியல் கட்சிகள், புத்திஜீவிகள் மற்றும் துறைசார்ந்தவர்களையும் இணைத்துக் கொண்டு வகுத்தொதுக்கப்பட்ட ஒரு வேலைத் திட்டத்தின் கீழ் அரசியல் நட வடிக் கைகளை முன்னெடுக்க வேண்டும்.  அத்தகையதோர் அரசியல் முயற்சியே தமிழ் அரசியலில் இப்போது அவசியம். இது குறித்து தமிழ் அரசியல் தலைவர் களும், அரசியல் தலைமைகளும் சிந்திப் பார்களா? சிந்திக்க முன் வருவார்களா?   https://www.virakesari.lk/article/58553