யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு

Recommended Posts

பகுதி 6 

வீட்டுக்கு வந்து சேர்ந்தபிறகும் என் கோபம் ஆறவேயில்லை. கள்ளப்பயல் எனக்கும் றூட் போட்டபடி மாமிக்கும் லேஞ்சி வாங்கிக் குடுத்திருக்கிறானே என்று படங்களில் வாற வில்லன் போல் அவர் தெரிஞ்சார். ஒருவாரமா மாமியோடும் கதைக்கேல்லை. அவை வீட்டுப்பக்கம் எட்டியும் பாக்கேல்லை. என்ர கவலையை ஆருக்கும் சொல்லவும்முடியாமல் தவிச்சுக்கொண்டிருந்த நேரத்திலதான் ரஞ்சிமாமி ஒருநாள் மாலை வீட்டுக்கு வந்தா. "என்னடி உன்னை வீட்டுப்பக்கமே காணேல்லை. வருவாய் எண்டு பாத்துக்கொண்டிருந்தனான்" எண்டா. "ஏன் என்ன அலுவல். எனக்கு படிக்கநிறைய இருக்கு என்றேன்." "நாங்கள் வந்து ஒரு கிழமையாகேல்லை. அதுக்குள்ள கனநாள் ஆனமாதிரி இருக்கு. ஆனா அவர் பொறுக்கேலாமல் எனக்குக் கடிதம் போட்டிருக்கிறார் என்றா". எனக்கு உடனே சந்தேகம் எழ "என்ன துணிவில எழுதினவர்? தற்செயலா உங்கட அம்மா அப்பா கையில சிக்கியிருந்தால் "?? என்றேன் நான்.

நான் இந்த வருசம் வீட்டிலதானே நிப்பன். அப்பா வேலைக்குப் போவிடுவர். அம்மா குசினீக்குள்ளதானே இருப்பா. நான்தான் அவருக்குக் கடிதம் போடச் சொன்னனான் என்றுவிட்டு என்னைப்பார்க்க முகத்தில் எந்த உணர்ச்சியையும் காட்டக்கூடாது என்று ஓ என்றேன். ஆனாலும் என் முகம் காட்டியதோ அல்லது சும்மா கேட்டாவோ ஏனடி உன்ர முகம் ஒரு மாதிரி இருக்கு என்று. "ஏன் ஒரு மாதிரி. என்ர நோமலாத்தான் இருக்கு. உங்களுக்குத்தான் இப்ப எல்லாம் மாறிமாறித் தெரியுது" என்றுவிட்டு நான் அப்பால் போய்விட்டேன். 

என்னை நினைக்க எனக்கே கேவலமாய் இருந்துது. ஏன் இப்பிடி என்னை ஏமாற்றினவர் என்று எண்ணியெண்ணி மாய்ந்துவிட்டு, அவர் என்னட்டைக் காதலைச் சொல்லேல்லையே. நானாக்க் கற்பனை செய்தேனோ என்றெல்லாம் ஏதேதோ எண்ணி மனம் குமைந்துவிட்டு திடமாக அவரைப்பற்றி இனி நினைத்தே பார்ப்பதில்லை என முடிவெடுத்து அதன்படி நடக்கத் தொடங்கினேன்.

நான் ரஞ்சி மாமியுடன் கதைக்காததை அவதானித்த அம்மா ஏன் உவள் ரஞ்சியோட நீ கதைக் கிறேல்லை. உங்களுக்குள்ள ஏதும் பிரச்சனையோ என்று கேட்க, எனக்கு ஒரு பிரச்சனையும் இல்லை என்று சிரித்து மழுப்பிவிட்டுச் சென்றுவிட்டேன். இரண்டுமாதம் போனபின் திரும்பவும் மாமி நான் நிக்கிற நேரமா வீட்டை வந்து "எடி அவர் அஞ்சாவது கடிதம் போட்டிருக்கிறார்" என்று முடிக்க முதல் "அவர் அஞ்சாவது போட்டாலென்ன பத்தாவது போட்டால் என்ன. எனக்கு இனிமேல் வந்து சொன்னியள் எண்டா அம்மாட்டைச் சொல்லிப்போடுவன்" என்றவுடன் மாமி வெலவெலுத்துப்போய் ஒண்டும் சொல்லாமல் போட்டா. அதுக்குப் பிறகு ஆறு மாதமா மாமியும் என்னோட கதைக்க வரேல்லை. நானும் எல்லாத்தையும் மறந்து என்ர அலுவலைப் பாக்கத்தொடங்கீட்டன். 

எங்கள் வீட்டுக்குப் பக்கத்தில் ஒரு ரியூட்டறி. என் நண்பியின் அத்தான் தான் கணித ஆசிரியர். என் அங்கு என் நண்பியையும் வந்திருந்து படிக்கும்படி அத்தான் காறன் சொல்ல அத்தனை பெடியளுக்குள்ளும் தனி ஒருத்தியாய் படிக்க வெட்கப்பட்டுக்கொண்டு எடி நீயும் வாடி என்று கரைச்சல் தர நானும் கணிதபாடத்துக்கும் விஞ்ஞானத்துக்கும் ரியூசனுக்குப் போகப்போறன் என்றேன். எங்கே என அம்மா கேட்க நான் உதுல பக்கத்திலதான் என்று விபரம் சொன்னேன். அம்மாவும் உடனே ஓம் எண்டிட்டா. OL லுக்குப் பிள்ளை நல்லாத்தான் படிக்குது எண்டு அம்மாட எண்ணம். 

நானும் அவளும் படிக்கத் தொடங்கினபிறகு இன்னும் மூண்டுபேர் எங்களோட சேர முன் வாங்கில போய் இருப்பம் எண்டு சொல்லி படிப்பில கவனத்தோட இரண்டுநாள் இருக்க, முன் வாங்கு வேண்டாமடி. பெடியள் பின்னால இருந்து குறுகுறுவென்று பாக்கிறாங்கள் போல முதுகு கூசுதடி என்று சொல்ல நாங்கள் பின் வாங்கை நிறைத்துக்கொண்டம்.

5-6 மணிவரை கணிதம். 6-7 மணிவரை விஞ்ஞானம். ஏழுக்கு வீட்டை. வீட்டில் தங்கை தம்பியுடன் என்னதான் செய்யிறது. அதனால அம்மாவுக்கு ரியூசன் எட்டுமணிவரை என்று சொல்லிப்போட்டு பெட்டையள் சிலர் கதைத்துக்கொண்டிருந்துவிட்டு எட்டு மணிக்கு AL பெடிபெட்டைகளின்  ரியூசன் முடிய வீட்டை போறதை வளக்கமாக்கிக்கொண்டம். 

என்ர வீட்டுக்கு சுத்திப் போக ஏழு நிமிட நடை. பக்கத்து ஒழுங்கையால போக மூன்று நிமிடங்கள் போதும். ஆனால் கும்மிருட்டு. எனக்குத் தனிய உதுக்குள்ளால போகப் பயமாய் இருக்கு. என்னை கொண்டுபோய் விடடி எண்டு சொல்ல அவள் திரும்பத் தனிய வர தனக்குப் பயமாய் இருக்கு என்று சொல்ல அத்தான் காறர் சொன்னார் எடேய் உந்தப் பெற்றோல் மக்ஸ்சைக் கொண்டுபோய் பிடிச்சுக்கொண்டு நில்லுங்கோ நிவேதா போகுமட்டும் என்றார். அன்றிலிருந்து யாராவது ஒருவர் பெற்றோல்மக்ஸ்சைப் பிடித்துக்கொண்டு நிற்க நான் ஓட்டமும் நனையும் வீடுபோய்ச் சேர்ந்திடுவன்.

எங்கட ரியூசன் முடிஞ்சு வெளியே வர ஒரு மூண்டுநாலுபேர் நிண்டு கதைச்சுக்கொண்டு நிப்பினை. அன்று பார்த்து புதிசா ஒருத்தர் அவர்களுடன் நிக்க, ஆரெடி இவன் புதிசாய் இருக்கு என்றேன் நண்பியிடம். கிளிநொச்சியில் இருந்தவை இத்தனைநாளும். தகப்பன் இப்ப மாற்றலாகி இங்க வந்திருக்கினை என்றும் இதே ஊரவைதான். உதில முன்னுக்குத்தான் வந்திரிக்கினை, புதிசா வந்ததால் ஒரு பிறெண்சும் இல்லை. அதுதான் இவங்களோட வந்து கதைச்சுக்கொண்டு நிக்குது ஆள் என்கிறாள்.

நான் சாதாரணமாக ஊரப்பெடியளைக் கணக்கிலையும் எடுக்கிறேல்லை. அவங்களும் பலரும் அம்மா அப்பாட்டைப் படிச்சபடியால் என்னைப் பார்த்துப் பல்லைக் காட்டுவதில்லை. ஆனால் பகிடிவிட்டுக் கதைப்பாங்கள். ஒருமாதமாப் பாக்கிறன் புதியவர் வகுப்புத் தொடங்க முதலும் முடியவும் வந்து பெடியளோட கதைச்சுக்கொண்டு நிக்கிறார். ஆனால் அவரைத் திரும்பியும் பார்ப்பதில்லை. அன்று ஏலெவல் ஆட்களின் வகுப்பு முடிய நான் வீட்டை போக வெளிக்கிட ஒருத்தன் பெற்றோல்மக்சைத் தூக்கிக்கொண்டு வாறான். மூண்டுநாலு பெடியள் வெளியில நிக்கிறாங்கள். நான் ஒழுங்கைக்குள்ள அப்பதான் காலெடுத்து வைக்கிறன். 

உங்களுக்கு வேற வேலை இல்லையோடா இவவுக்கு ஒவ்வொருநாளும் விளக்குப்பிடிக்கிறதுக்கு??? சுத்திப்போனால் தேஞ்சிடுவாவோ? என்று புதியவரின் குரல் என் காதுகளில் நாராசமாய் விழ எரிச்சலும் கோபமும் ஒருங்கே வர " ஏன் உங்களையே விளக்குப் பிடிக்கச் சொன்னனான். உதில நிண்டு தூங்காமல் போய் பாக்கிற அலுவலைப் பாரும்" என்கிறேன். உடனே அவர் " சரிதான் போடி வாயை மூடிக்கொண்டு என்கிறார். நீ வாயை மூடிக்கொண்டு போடா என்றுவிட்டு நான் ஒரே ஓட்டமாக ஓடி வீட்டுக்குள்ளே போக " ஏன் இப்பிடி ஓடி வாறாய்என்ற அம்மாவுக்கு நாய்க்குப் பயந்து ஓடி வந்தனான் என்றுவிட்டு முகம் கழுவச் செல்கிறேன். எல்லோரும் கொல்லென்று சிரித்த சிரிப்பொலி அடிக்கடி காதில் ஒலித்தபடி இருக்க நெஞ்சில் ஒரு பயமும் ஏற்பட்டது.

 

  • Like 4
  • Haha 1

Share this post


Link to post
Share on other sites

சுமே , கதை சுவையாக போகுது. நானும் தொடர்ந்து வாசித்துக்கொண்டு இருக்கிறேன் 

Share this post


Link to post
Share on other sites
49 minutes ago, நீர்வேலியான் said:

சுமே , கதை சுவையாக போகுது. நானும் தொடர்ந்து வாசித்துக்கொண்டு இருக்கிறேன் 

மிக்க மகிழ்ச்சியும் நன்றியும்.

Share this post


Link to post
Share on other sites

நல்ல வாயாடி பிள்ளை தான்!
சுமே அக்கான்ர தைரியத்த பாராட்டி ஒரு பட்டம் குடுக்கலாமே?

Share this post


Link to post
Share on other sites

இதை எல்லாம் வாசிக்கோணும் என்டது என் தலையெழுத்து 😁
 

Share this post


Link to post
Share on other sites
51 minutes ago, ஏராளன் said:

நல்ல வாயாடி பிள்ளை தான்!
சுமே அக்கான்ர தைரியத்த பாராட்டி ஒரு பட்டம் குடுக்கலாமே?

வேண்டாம் எண்டு சொல்வேனா??🤪🤪

37 minutes ago, ரதி said:

இதை எல்லாம் வாசிக்கோணும் என்டது என் தலையெழுத்து 😁
 

பின்ன விட்ட குறை தொட்டகுறை எண்டிறது இதுதான்.

Share this post


Link to post
Share on other sites

பகுதி 7

அடுத்த நாள் ரியூசனுக்கு வர அந்தக் கும்பல் முதலே வந்து நிக்கினம். எனக்கு கொஞ்சம் புஜம் தான் இருந்தாலும் பயம் இல்லை என்று காட்ட தலையை நிமித்திக்கொண்டு கடந்து போக எதோ சொல்லி எல்லாரும் கொல் என்று சிரிப்பது கேட்டாலும் எதுவும் பேசாமல் போய் இருந்திட்டன். 

அடுத்த நாளில இருந்து பார்த்தா நான் காலை பள்ளிக்குப் போகேக்குள்ளை, பள்ளி முடிஞ்சு வீட்டை வரேக்குள்ள, நான் வீட்டில நிக்கிற நேரம் பார்த்தது எண்டு புதியவரும் இன்னும் இரண்டு குரங்குகளும் சைக்கிள்ள எனக்குப் பின்னால வாறதும் என்னை விலத்திக்கொண்டு பெல் அடிச்சுக்கொண்டு போறதுவும் மறைமுகமா ஏதும் கதை சொல்லுறதுமா .... முதல்ல எனக்குக்கோபம் வந்தாலும் போகப்போக அதை இரசிக்க ஆரம்பிச்சன். புதியவரின் பெயர் கூட அதன் பிறகுதான் அறிஞ்சன். நான் தற்செயலாக நிமிர்ந்து பார்த்தால் அந்தாள் பார்த்த பார்வை இன்னும் நெஞ்சில நிக்குது. 

ஒரு வாரம் போக நான் பஸ் எடுக்கிற பஸ்டாண்டுக்கு முன்னால வந்து நிக்க ஆரம்பிச்சார் அவர். நான் பயந்த மாதிரியே மற்றப் பெட்டையள்  ஆரடி அது உனக்கு காவலாய்த் திரியிறார் என்று கேட்க, எனக்குத் தெரியாது என்று மழுப்பினாலும் அவரின் பார்வையும் சிரிப்புமெனக்குப் பிடித்துப் போக நானும் அவரை சாடைமாடையாகப் பார்க்க ஆரம்பிச்சன். 

ஒருநாள் நானும் நண்பியும் கதைததுக்கொண்டு இருந்தபோது எம்மிலும் மூன்று வயது குறைவான எங்கள் பக்கத்து வீட்டுக்காரப் பெடியன் ஒரு என்வலப்பை என் கையில் கொண்டுவந்து தர நான் என்ன என்று கேட்க உதயன் அண்ணா தந்தவர் என்று சொல்லிவிட்டு போய்விட்டான். 

அன்புள்ள நிவேக்கு என்று கடிதம் ஆரம்பித்திருக்க எனக்குள் ஒரு சந்தோச ஊற்று பொங்குவதை உணர முடிந்தது.தொடர்ந்து தடதடக்கும் நெஞ்சோடு வாசிக்க மகிழ்வாக இருந்தது.
" சண்டையில் ஆரம்பித்தாலும் என்னால் உங்களை ஒரு நிமிடமேனும் மறந்திருக்க முடியவில்லை. உங்களை விட்டு வேறொருவரை என் வாழ்வில் நினைத்தும் பார்க்க முடியவில்லை. இத்தனைநாள் எந்தவித சலனமும் அற்றிருந்தேன். நீங்கள் எனக்கு சம்மதம் தெரிவித்தால் அதைவிட மகிழ்ச்சி என் வாழ்வில் இருக்காது. உங்கள் சம்மததத்திற்காக காத்திருக்கும் உங்கள் காதலன்" என்று கடிதம் முடிந்திருந்தது.

உடன கையுல ஒரு உதறல் எடுக்க உந்தப் பெடியன் ஆரிட்டையன் போய்ச் சொல்லப்போறானடி என்று சொல்லியபடி கடிதத்தை என் நண்பியிடம் கொடுத்தேன். அவள் சிரித்தபடி வாசிச்சிட்டு உதை நான் எதிர்பார்தது தானடி என்றாள். உடன பதில் ஒண்டும் குடுத்திடாதை. ஆறுதலா யோசிச்சு முடிவெடுப்பம் என்றாள். அதன்பின் ஓம் ஓம் என்று தலையாட்டியபடி அவள் சொல்வதைக் கேட்டுக்கொண்டிருந்தாலும் மனம் எங்கெங்கோ அலைந்தது.

அடுத்தநாள் அண்ணை கடிதம் கேட்டவர் என்று அந்தப் பெடி வந்து நின்றபோது ‘’போடா இனிமேல் இங்கை வரக்கூடாது “என்று கலைத்துவிட்டாலும் மகிழ்ச்சியும் குழப்பமும் மாறிமாறி ஏற்பட என்னம்மா ஏன் ஒரு மாதிரி இருக்கிறாய் என்றார் அம்மா. நல்ல பிள்ளைம்போல் ஓலெவல் சோதனைக்கு இன்னும் நாலு மாசம்தான் இருக்கு. அதுதான் என்று இழுத்தேன். முதலே பயப்பிடக்கூடாது. வடிவாப் படிச்சியெண்டா என்ன பயம் எண்டா அம்மா. ஓம்ம்மா என்றுவுட்டு ரியூசனுக்குக் கிளம்பினேன். 

என்னடி என்ன யோசிச்சு வைத்திருக்கிறாய் என்று என் நண்பி கேட்டதுக்கு நான் சம்மதம் என்று இப்பதான் பெடியிடம் கடிதம் குடுத்தேன் என்று கூற விசரி விசரி அவசரப்பட்டிட்டியே என்று திட்டத் தொடங்கினாள். 

விதி என்பது லேசுப்பட்டதல்ல என்பதை அப்போது நான் உணரவில்லை. உணர்ந்தபோது காலம் கடந்திருந்தது.

  • Like 4

Share this post


Link to post
Share on other sites

யாருடைய விதி என்று நீங்கள் குறிப்பிடவில்லை.உதயனை நினைக்கத்தான்....ம்........!  😁

Share this post


Link to post
Share on other sites
19 minutes ago, suvy said:

யாருடைய விதி என்று நீங்கள் குறிப்பிடவில்லை.உதயனை நினைக்கத்தான்....ம்........!  😁

அடுத்ததா அதைத்தானே சொல்லப்போறன் 😀

 

Share this post


Link to post
Share on other sites

பொறுத்த இடத்தில நிறுத்திவிட்டு நிற்பாட்டிவிட்டு  போய்விட்டீங்கள். விரைவில் அடுத்த பாகத்தை எதிர்பார்க்கிறேன் 

Share this post


Link to post
Share on other sites

இது தான் அத்தான் போல!

Share this post


Link to post
Share on other sites

பாவம் உதயன் 😪அப்ப மாட்டுப் பட்டவர் என்னும் மீள முடியாமல் இருக்கிறார்...அதெல்லாம் இருக்கட்டும் அந்த மன்னார் பெடியனுக்கு என்னாச்யுது? உங்கட மாமியையும் விட்டுட்டாரா?
 

Share this post


Link to post
Share on other sites

சுமே அக்கா, (நீங்கள் அக்காவோ அல்லது தங்கச்சியோ தெரியவில்லை)
நல்ல சுவாரஸ்யமாக கதை போகுது. வாசகனை அடுத்து என்ன என்று தேடும் ஆர்வத்தை தரும் விதத்தில் உங்கள் எழுத்து /சம்பவங்கள் நிறைந்து இருக்கிறது...தொடருங்கள்.
ஒரே ஒரு வேண்டுகோள் ...கதையை முழுமையாக முடித்து விட்டு எங்களை போன்றவர்களின் பின்னூட்டங்களுக்கு பதில் தாருங்கள். 😍

Share this post


Link to post
Share on other sites
Posted (edited)
5 hours ago, நீர்வேலியான் said:

பொறுத்த இடத்தில நிறுத்திவிட்டு நிற்பாட்டிவிட்டு  போய்விட்டீங்கள். விரைவில் அடுத்த பாகத்தை எதிர்பார்க்கிறேன் 

விரைவில் எழுதி முடிப்பன்.கவலையை விடுங்கள்😁

4 hours ago, ஏராளன் said:

இது தான் அத்தான் போல!

🤓 இன்னும் ஒரு கிழமை பொறுங்கோவன்.

3 hours ago, ரதி said:

பாவம் உதயன் 😪அப்ப மாட்டுப் பட்டவர் என்னும் மீள முடியாமல் இருக்கிறார்...அதெல்லாம் இருக்கட்டும் அந்த மன்னார் பெடியனுக்கு என்னாச்யுது? உங்கட மாமியையும் விட்டுட்டாரா?
 

அடுத்த பகுதியில வரும் ரதி. பச்சைக்கும் கருத்துக்கும் நன்றி. 

27 minutes ago, Sasi_varnam said:

சுமே அக்கா, (நீங்கள் அக்காவோ அல்லது தங்கச்சியோ தெரியவில்லை)
நல்ல சுவாரஸ்யமாக கதை போகுது. வாசகனை அடுத்து என்ன என்று தேடும் ஆர்வத்தை தரும் விதத்தில் உங்கள் எழுத்து /சம்பவங்கள் நிறைந்து இருக்கிறது...தொடருங்கள்.
ஒரே ஒரு வேண்டுகோள் ...கதையை முழுமையாக முடித்து விட்டு எங்களை போன்றவர்களின் பின்னூட்டங்களுக்கு பதில் தாருங்கள். 😍

மிக்க நன்றி சசித் தம்பி வருகைக்கும் கருத்துக்கும்😄 கனடாவில காணேக்குள்ள தங்கச்சி போலவா இருந்தது???😅

Edited by மெசொபொத்தேமியா சுமேரியர்

Share this post


Link to post
Share on other sites
On 4/9/2019 at 1:22 PM, மெசொபொத்தேமியா சுமேரியர் said:

அடுத்த நாளில இருந்து பார்த்தா நான் காலை பள்ளிக்குப் போகேக்குள்ளை, பள்ளி முடிஞ்சு வீட்டை வரேக்குள்ள, நான் வீட்டில நிக்கிற நேரம் பார்த்தது எண்டு புதியவரும் இன்னும் இரண்டு குரங்குகளும் சைக்கிள்ள எனக்குப் பின்னால வாறதும் என்னை விலத்திக்கொண்டு பெல் அடிச்சுக்கொண்டு போறதுவும் மறைமுகமா ஏதும் கதை சொல்லுறதுமா ....

அதென்ன குரங்குகள்??????  

ஆனால் நாங்கள் லேடீசை மரியாதையாய்த்தான் கதைப்பம் தெரியுமே......😍


  இல்லை தெரியாமல் கேக்கிறன் வாலிப வயசிலை பெல் அடிக்காமல் கிழட்டு வயசிலையே பெல் அடிக்கிறது? 😎

 

Share this post


Link to post
Share on other sites
18 hours ago, ஏராளன் said:

இது தான் அத்தான் போல!

அத்தான் இவளவு உசாரா இருந்திருப்பாரோ  என்டு ஒரு டவுட்டு.

Share this post


Link to post
Share on other sites
1 hour ago, குமாரசாமி said:

அதென்ன குரங்குகள்??????  

ஆனால் நாங்கள் லேடீசை மரியாதையாய்த்தான் கதைப்பம் தெரியுமே......😍


  இல்லை தெரியாமல் கேக்கிறன் வாலிப வயசிலை பெல் அடிக்காமல் கிழட்டு வயசிலையே பெல் அடிக்கிறது? 😎

 

இப்ப மரியாதையாத்தான் கதைக்கிறது. அப்ப அப்பிடித்தான் 😅

22 minutes ago, சுவைப்பிரியன் said:

அத்தான் இவளவு உசாரா இருந்திருப்பாரோ  என்டு ஒரு டவுட்டு.

அத்தார் சரியான உசார்😄

பச்சை தந்த நீர்வேலியானுக்கும் கண்மணி அக்காவுக்கும் நன்றி

Share this post


Link to post
Share on other sites
Posted (edited)
On 3/17/2019 at 7:50 PM, மெசொபொத்தேமியா சுமேரியர் said:

எல்லாக் கப்பும் காலியாக இன்னும் ஒண்டு ஓடர் செய்யவோ என்று என்னைப் பார்த்துக் கேட்கிறார். தனியா இருந்தால் நான் ஓம் என்றுதான் சொல்லியிருப்பன். ஆனா மற்றவையும் முக்கியமா மாமிமாருக்கும் ஏன் இரண்டாவதை வாங்கிக் குடுக்கவேணும் என்று ஓடிய எண்ணத்தில வேண்டாம் வேண்டாம் வயிறு புல் என்கிறேன் நான்.

அப்படியே தமிழர்களின் குணம் தெறிக்கிறது 

 

On 3/21/2019 at 4:37 AM, மெசொபொத்தேமியா சுமேரியர் said:

ஆனாலும் மேல படிக்கேல்லை எண்டதும் ஒரு நெருடலாத்தான் இருந்தது.

ரொம்ப எதிர்பார்க்கப்படாது கண்டியளோ 

 

 

 

Edited by தனிக்காட்டு ராஜா

Share this post


Link to post
Share on other sites
22 hours ago, ரதி said:

.அதெல்லாம் இருக்கட்டும் அந்த மன்னார் பெடியனுக்கு என்னாச்யுது? உங்கட மாமியையும் விட்டுட்டாரா?
 

இதெல்லாம் ஏன் கேட்கிறியள் அதெல்லாம் கடந்து போன லிஸ்ட் ஆங் 

 

அந்த மனுசனை பார்க்கும் போதே தெரிஞ்சுது உதயன் அண்ணை

Share this post


Link to post
Share on other sites
32 minutes ago, தனிக்காட்டு ராஜா said:

அப்படியே தமிழர்களின் குணம் தெறிக்கிறது 

நாங்கள் எப்பவும் உண்மையைத்தான் சொல்லுவம்😎

13 minutes ago, தனிக்காட்டு ராஜா said:

அந்த மனுசனை பார்க்கும் போதே தெரிஞ்சுது உதயன் அண்ணை

என்ன தெரிச்சிது ?????

 

  • Haha 1

Share this post


Link to post
Share on other sites

பகுதி 8

நாங்கள் இருவரும் தனியாக நின்று கதைத்ததுகூடக் கிடையாது. கடிதப்போக்குவரத்து மட்டும்தான். உறை போட்ட புத்தகத்தின் அல்லது கொப்பியின் உறையின் உள்ளே கடிதத்தை வைத்து என் சிறிய தங்கையிடம் அல்லது அந்தப் பெடியனிடம் கொடுக்க  அவரும் தன் சின்னத் தம்பியிடம் அல்லது அவர் நண்பனிடம் கொடுக்க, மற்றவர்களுக்குத் தெரியாது என எண்ணிக்கொண்டு நாம் தொடர்ந்தோம். எங்கள் காதல் கதை அரசல்புரசலாக ஊரில் பரவலாயிற்று.ஆனால் நல்லகாலம் அம்மாவின் காதுக்கு இன்னும் வரவில்லை.

நாலு மாதங்களில் ஓலெவல் சோதினை எல்லாம் முடிய நல்ல நின்மதியாக வீட்டில இருக்க ஆன்ரியும்  விடுமுறைக்கு வீட்டுக்கு வந்தா தினேசோடு. எனக்குத் தினேசைப் பார்த்ததும் ஒரு கோபம் எட்டிப் பார்த்ததுதான் எனினும் வீட்டுக்கு வந்தவரிடம் மற்றவர்கள் முன்னால் என் கோபத்தைக் காட்டிட முடியாது சாதாரணமாகவே என் முகத்தை வைத்துக்கொண்டேன். ஆனாலும் பெரிதாக அவருடன் கதைக்காது மாலையில் என் நண்பி வீட்டுக்கு போட்டுவாறன் என்று அம்மாவிடம் சொல்ல, "தினேஷ் நிக்குது. நாளைக்குப் போவன்" என்று கூறியும் இல்லை போட்டுவாறன் என்றுவிட்டுக் கிளம்ப தினேஷின் பார்வையில் என்னை விட்டுவிட்டுப் போகிறாயா என்று கேட்பது போலிருந்தாலும் அதுதான் மாமி வருவா உன்னோடு கொஞ்சிக் குலாவ என்று மனதுள் திட்டியபடி போய்விட்டேன்.   

மாலை ஆறு மணிக்கு நான் வீட்டுக்கு வந்தபோது தினேசைக் காணவில்லை. நான் உள்ளே வரும்போது குசினியில் நின்று அம்மாவும் அன்ரியும் இரவுஉணவு தயார் செய்தபடி கதைத்துக்கொண்டிருந்தார்கள். நான் வந்ததைக் கவனிக்காது அன்ரி அம்மாவிடம் சொல்லிக்கொண்டிருந்தா. தினேஷ் போனமாதம் ஒருக்காக் கதைக்கேக்குள்ள என்னட்டைக் கவலைப்பட்டவர். "உங்கடை அக்கா நல்லாத்தான் எங்களைக் கவனிக்கிறா. உபசரிக்கிறா ஆனால் தன்ர மகளைக் கட்டித்தாங்கோ என்று கேட்டால்கட்டித் தருவாவோ" என்று. நான் சொன்னேன் அக்காவும் அத்தானும் ஆசிரியர்கள் என்றபடியால் பிள்ளையளுக்கு படிச்ச மாப்பிளைத்தானே பாம்பினம். அதோட நீங்கள் கிறீஸ்தவர்கள். அதனால அதை பிள்ளை என்று சொல்ல முடியாதுதானே என்று அவரின் வாயை அடக்கீட்டன் என்றா.

அம்மா எதுவோ சொல்வது கேட்டது. ஆனால் என்ன சொன்னா என்று விளங்கவில்லை.
உவர் ஏன் உப்பிடிக் கதை விட்டவர் என்று எனக்கு யோசனையாக இருக்க  நான் அப்போதுதான் வருவதுபோல் குசினிக்குள் வந்து எங்க தினேஷ் அண்ணை போட்டாரோ என்றேன். தெல்லிப்பளையில் யாரையோ பார்க்கப் போட்டார் என்று கூறிவிட்டு அன்ரி இடியப்பத்தைப்பிழியத் தொடங்க நான் உடுப்பை மாற்ற அறைக்குள் சென்றுவிட்டேன்.

சாதாரணமாக நாம் இரவு ஏழுமணிக்கெல்லாம் இரவு உணவை உண்டுவிடுவோம். அதனால் அம்மாவிடம் சென்று சமையல் முடிஞ்சுதோ என்றேன். கொஞ்சம் பொறன் தினேசும் வரட்டும் என்ற அம்மாவிடம் "அவர் வரும்வரையில் பார்த்துக்கொண்டு இருக்கேலாது" என்றேன். சரி சின்னக்கா நானும் நீயும் தினேசோட சாப்பிடுவம். உவைக்குக் குடன் என்று  தம்பி தங்கைகளையும் பார்த்துச் சொன்னா அன்ரி.

நாங்கள் மேசையிலிருந்து சாப்பிட்டு முடிஞ்சு எழும்ப தினேஷ் உள்ளுக்கு வாறார். " என்னை விட்டிட்டு நீங்களெல்லாரும் சாப்பிட்டிட்டியள்போல என்றபடி அவர் வர சீச்சீ சின்னாக்கள் பசிக்குது என்றவை. நானும் அவளும் இன்னும் சாப்பிடேல்லை. நீங்கள் முகம் கழுவிவிட்டுவாங்கோ நாங்கள் சாப்பிடுவம் என்று சொல்ல அதன்பின் நான் அங்கு நில்லாது கையைக் கழுவிவிட்டு அங்காலே போய்விட்டேன். மாமி ஆட்கள் வந்தவையே என்று மெதுவாகத் தங்கையிடம் விசாரிக்க அவள் இல்லையென்று தலையாட்ட என்னடா இது அதிசயமாய் இருக்கு. அவ்வளவு தூரத்தில இருந்து அவவைப் பார்க்க இவர் வந்திருக்கிறார். அவ ஏன் வீட்டுப்பக்கம் வரவே இல்லை. இரண்டு பேருக்குள்ளும் ஏதும் பிரச்சனையோ என்று என் மனம் குழம்பத் தொடங்க யாரிடமும் இதுபற்றிக் கேட்க முடியாமல் தவிப்புடன் நின்றேன் நான்.

முன்பெனில் தினேஷ் வந்தால் கும்பலாகக் இரவிரவாகக் கதைத்துச் சிரித்து வேறுவழியில்லாமல் தூங்கப் போகும் நான் அன்று வெள்ளணவே தூங்கப்போனாலும் தூக்கம் வராமல் மாமி ஏன் வீட்டுப்பக்கமே வரவில்லை என்ற யோசனையோடு புரண்டு புரண்டு படுத்துத் தூங்கிப்போனேன். அதிகாலையில் வழக்கம்போல் விழிப்பு வர நான் எழுந்து வந்து பல் தீட்டி முகம் கழுவிவிட்டு வெளியே வர எதிர்ப்பக்கம் மாமி வீட்டு வேலிக்கு மேலால் மாமியும் தினேசும் கதைத்துக்கொண்டு நிற்பது தெரிய எரிச்சலோடு விடுவிடு என்று வீட்டுக்குள்போய் சுவாமி கும்பிட்டுவிட்டு குசினிக்குள் போகிறேன். அம்மா நான் எழும்பிய சத்தம்கேட்டு தேநீர் தயாரித்து வைத்து குடிக்கும் படி எடுத்துத் தருகிறதா. " தினேஷ் எழும்பிட்டுதா " என்று அம்மா என்னைக் கேட்க நான் ஓம் என்று தலையாட்டுகிறேன்.

தினேஷ் முகம்கழுவிவிட்டுதா என்று கேள் என்று அம்மா சொல்ல நான் பின்பக்கம் சென்று எட்டிப் பார்க்க அவர் முகம் கழுவிக்கொண்டு நிற்பது தெரிகிறது. நான் பார்த்துவிடடேன் என்று மாமி போட்டா போல என எனக்குள் எண்ணிக்கொண்டே வந்து முகம் கழுவிறார் என்கிறேன் அம்மாவிடம். இந்தா கோப்பியைக் கொண்டுபோய் தினேசுக்குக் குடு என்று மக்கைத் தருகிறா. நான் வாங்கிக்கொண்டு அவர் இருந்த அறைக்குள் செல்ல அவர் முகம் துடைத்தபடி இருக்க இந்தாங்கோ கோப்பி என்று அவரைப் பார்க்காமல் நீட்டுகிறேன்.

"என்னை ஏமாத்திப் போட்டீங்கள் நிவேதா" என்று அவர்சொல்ல திடுக்கிட்டுப் போய் அவரை நிமிர்ந்து பார்த்து "என்ன ஏமாத்தினானான்" என்கிறேன். "நான் உங்களையே நினைச்சுக்கொண்டிருக்க நீங்கள் இப்ப உதயனைக் காதலிக்கிறீங்களாம்" என்றவுடன் எனக்கு கோபம் வருகிறது. "என்னையும் நினைச்சுக்கொண்டு மாமிக்கும் கடிதம் குடுத்தனீங்களோ" என்று கேட்கிறேன். அவர் முகம் சுருங்குகிறது. "என்ன விசர்க் கதை கதைக்கிறீர். நான் எங்க கடிதம் குடுத்தனான்" என்று சொல்ல என் உச்சந்தலையில் யாரோ ஓங்கி அடித்ததுபோல் இருக்க, மாமி எனக்கு எல்லாம் சொலீற்றா. நீங்கள் லேஞ்சி வாங்கிக் குடுத்தது வரை என்கிறேன். "என் அம்மா சத்தியமாய் நான் உங்கள் மாமிக்கு ஒண்டும் வாங்கிக் குடுக்கவுமில்லை. கடிதமும் குடுக்கேல்லை. வாங்கோ இப்பவே உங்களுக்கு முன்னால அவவைக் கேட்கிறன்" என்கிறார்.  

என் கால்கள் தொய்ந்துபோக  பக்கத்தில் இருந்த கதிரையில் இருந்து மேசையில் முகம் கவிழ்த்தபடி  அழத் தொடங்குகிறேன் நான். "ஐயோ நிவேதா. உங்கள் அம்மாவுக்கு கேட்கப் போகுது. அழாதேங்கோ.  என்னோட இவ்வளவு பழகின்னீங்கள். எப்பிடி அவ சொன்னதை நம்பின்னீங்கள். என்னட்டை ஒருவார்த்தை கேட்டிருக்கலாமே" என்கிறார் தினேஷ். நான் நிமிர்ந்து அவரைப் பார்த்து "எப்பிடிக் கேட்டிருக்கமுடியும் ?? காலம் கடந்துபோச்சு என்கிறேன்".
நான் கேட்டதை மறந்திடுங்கோ. நீங்கள் சந்தோசமாய் இருங்கோ. ஆனாலும் உங்களோட பழகின நாட்கள் எப்பவும் மனதை விட்டுப்போகாது என்றபடி அவர் கட்டிலில் சோர்வாய் அமர நான் எழுந்து வெளியே சென்று அம்மாவுக்கும் மற்றவர்களுக்கும் தெரியாமலிருக்க முகத்தை மறுபடியும் கழுவி திருநீறு பூசியபடி வெளியே வந்து பூங்கன்றுகளுக்கு தண்ணீர் விடத் தொடங்குகிறேன்.

இன்னும் வரும்

  • Like 2
  • Confused 1

Share this post


Link to post
Share on other sites
3 hours ago, மெசொபொத்தேமியா சுமேரியர் said:

இன்னும் வரும்

இனி  தினேஷ் வரமாட்டார் போல

மாமி விளையாடீ இருக்கா போல 

Share this post


Link to post
Share on other sites

என்ன கொடுமை சரவணா?
மாமி உங்களை குழப்ப சொன்னது இப்பிடி நடந்திட்டுதே!
தினேஸ் பார்த்தா பாவமா இருக்கு.

Share this post


Link to post
Share on other sites

மாமி ஏன் இந்த நாத்த வேலை பார்த்தவ.😞..அவ தெரிஞ்சு செய்தாவோ தெரியாமல் செய்தாவோ தினேசுக்கு நல்லது தான் செய்திருக்கிறா😊 ...மாமியோட உப்ப பேச்சு வார்த்தை உண்டோ 🤐
 

Share this post


Link to post
Share on other sites
3 hours ago, தனிக்காட்டு ராஜா said:

இனி  தினேஷ் வரமாட்டார் போல

மாமி விளையாடீ இருக்கா போல 

இன்னும் ஒருக்கா வருவார்🤣

3 hours ago, ஏராளன் said:

என்ன கொடுமை சரவணா?
மாமி உங்களை குழப்ப சொன்னது இப்பிடி நடந்திட்டுதே!
தினேஸ் பார்த்தா பாவமா இருக்கு.

உலகத்தில பலவிசயங்கள் இப்பிடித்தான் நடக்கிறது. ஆனால் என்னைப்போல ஒருத்தரும் சொல்லுறேல்லை.🤓

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • பொன்னாலை மற்றும் கல்விளான் கிராமங்களில் மதம் பரப்பும் நோக்கத்துடன்  கூட்டம் நடத்துவதற்கு முற்பட்ட மத சபை ஒன்றின் உறுப்பினர்கள் பலவந்தமாக வெளியேற்றப்பட்டனர்.   குறித்த சம்பவம் நேற்று ஞாயிற்றுக்கிழமை மாலை இடம்பெற்றது. அது தொடர்பில் தெரியவருவதாவது,  பொன்னாலையில், குறித்த மதத்தை சார்ந்த மக்கள் எவரும் வசிக்காத இடத்தில், தனியார் காணி ஒன்றில் இசை நிகழ்வுடன் கூடிய கூட்டம் ஒன்றை நடத்துவதற்கு ஏற்பாடுகள் செய்யப்பட்டன. வெளி இடத்தில் இருந்து பஸ் ஒன்றிலும் மோட்டார் சைக்கிள்களிலுமாக நூற்றுக்கணக்கானோர் கொண்டுவந்து இறக்கப்பட்டனர். இதை அவதானித்து அங்கு சென்ற அவ்வூர் பொது அமைப்புக்களின் பிரதிநிதிகள் இருவர் யார் அனுமதி வழங்கியது என அப்பகுதி மக்களைக் கேட்டபோது அவர்கள், தாங்களாகவே வந்து இங்கு கூட்டம் நடத்துகின்றார்கள் என்றனர்.   எதற்காகக் கூட்டம் நடத்துகிறீர்கள் என வந்தவர்களிடம் கேட்டபோது, நோய், பிணிகளில் இருந்து மக்களை விடுவிப்பதற்கான நிகழ்வு எனப் பதிலளித்தனர். அப்படியாயின் வைத்தியசாலைகளை மூடிவிட்டு நீங்களே ஜெபியுங்கள் என ஆத்திரத்துடன் கூறிய அவ் இளைஞர்கள் உடனடியாக இந்த இடத்தில் இருந்து வெளியேறுங்கள் என அவர்களை எச்சரித்தனர். பொன்னாலை பூர்வீகமாக சைவப் பூமி. இங்கு மதம் பரப்பும் செயற்பாடுகளில் ஈடுபட்டால் விளைவுகள் விபரீதமாக முடியும் என ஊரவர்களுடன் இணைந்து அவர்களைக் கடுமையாக எச்சரித்தனர். உடனடியாக இந்த இடத்தை விட்டு வெளியேறுங்கள் எனக் கூறி பலவந்தமாக அவர்களை வெளியேற்றினர்.   பொன்னாலையில் இருந்து வெளியேற்றப்பட்ட குறித்த குழுவினர்  அயல் கிராமமான கல்விளானில் கூட்டத்தை நடத்த முயற்சித்தனர். அதன் போது அந்தப் பகுதியைச் சேர்ந்த சனசமூக நிலையத்தின் பிரதிநிதிகள் அங்கு சென்று அவர்களைப் பலவந்தமாக வெளியேற்றினர். இதேவேளை, மதம் பரப்பும் நோக்கத்துடன் எந்தக் எவர் பொன்னாலை மற்றும் கல்விளானுக்குள் நுழைந்தாலும் பலவந்தமாக வெளியேற்றப்படுவார்கள் என ஊர் இளைஞர்கள் எச்சரித்துள்ளனர். https://www.virakesari.lk/article/60910?fbclid=IwAR3d1QTf5XtuHWdBTlAfZgAyfzWncsAhLvMuvy62BtiFO_XI-ODt4-EUS9s
    • இலங்கை கிழக்கு மாகாணம்: 300 தமிழர் கிராமங்கள், முஸ்லிம் கிராமங்களாக மாற்றப்பட்டுள்ளன - முன்னாள் முதலமைச்சர் விக்னேஷ்வரன் ஒரு மணி நேரத்துக்கு முன்னர் இதை பகிர ஃபேஸ்புக்கில்   இதை பகிர Messenger   இதை பகிர டுவிட்டரில்   இதை பகிர மின்னஞ்சல்   பகிர்க இலங்கையின் கிழக்கு மாகாணத்தில் சுமார் 300 தமிழர் கிராமங்கள், முஸ்லிம் கிராமங்களாக மாற்றப்பட்டுள்ளதாக, வடக்கு மாகாண முன்னாள் முதலமைச்சரும், தமிழ் மக்கள் கூட்டணியின் செயலாளருமான சி.வி. விக்னேஷ்வரன் குற்றம்சாட்டியுள்ளார். கிழக்கு மாகாணத்தின் மட்டக்களப்பு பிரதேசத்தில் நடைபெற்ற செய்தியாளர் சந்திப்பில் கலந்து கொண்டு பேசியபோது இதனை அவர் கூறினார். இதேவேளை, கிழக்கு மாகாணத்தில் 9000 தமிழ் பெண்கள், இஸ்லாத்துக்கு மாற்றப்பட்டுள்ளதாக, தன்னிடம் ஐக்கிய தேசியக் கட்சியின் நாடாளுமன்ற உறுப்பினரும் பௌத்த பிக்குவுமான அத்துரலியே ரத்ன தேரர் கூறியதாகவும் இதன்போது விக்னேஷ்வரன் குறிப்பிட்டார். "எமது காணிகள் மற்றும் உரிமைகள் பறிபோவதோடு, எமது பெண்களும் பறிபோகின்றனர்" என்றும் இதன்போது அவர் விக்னேஷ்வரன் தெரிவித்தார். இதனையடுத்து, 300 தமிழர் கிராமங்கள் முஸ்லிம் கிராமங்களாக மாற்றப்பட்டமையை நிரூபிப்பதற்கான ஆதாரங்கள் உங்களிடம் உள்ளனவா என்று, முன்னாள் முதலமைச்சர் விக்னேஷ்வரனிடம் பிபிசி தமிழ் வினவியது. அதற்கு அவர் பதிலளிக்கையில், பத்திரிகையொன்றில் சில வருடங்களுக்கு முன்னர் வெளியான தொடர் கட்டுரைகளின் மூலம் இதனை தான் அறிந்து கொண்டதாக கூறியதோடு; "ஆதாரங்களை நீங்களே தேடிப்பார்க்க வேண்டும்" என்றார். இலங்கையில் இனி இந்த உடை அணியக்கூடாது: ஏன் தெரியுமா? ”இலங்கையில் இந்து அடையாளங்களை அழிக்கும் முயற்சி நடக்கிறது” "தமிழர் - முஸ்லிம் மக்களுக்கிடையில் முறுகல் நிலை ஏற்பட்டுவிடும் என்பதற்காக, இந்த உண்மையை சொல்லாமல் இருக்க முடியாது" என்றும் அவர் பிபிசி யிடம் கூறினார். இந்நிலையில், முன்னாள் முதலமைச்சர் விக்னேஷ்வரன் கூறியுள்ள இந்த விடயமானது, தமிழர் - முஸ்லிம் நல்லுறவை பாதிக்கும் என, கிழக்கு மாகாண முன்னாள் முதலமைச்சர் எம்.எல்.ஏ.எம். ஹிஸ்புல்லா கவலை தெரிவித்துள்ளார். விக்னேஷ்வரன் கூறுகின்றமை போல் தமிழர் கிராமங்கள் முஸ்லிம் கிராமங்களாக மாற்றப்பட்டிருந்தால், அது தொடர்பில் ஆராய்ந்து அந்தக் கிராமங்களை முடியுமான வரை தமிழர்களிடம் ஒப்படைக்க வேண்டிய தேவை தமிழர், முஸ்லிம் மக்களின் தலைமைகளுக்கு உள்ளதாகவும் ஹிஸ்புல்லா சுட்டிக்காட்டியுள்ளார். அதேவேளை, "பல முஸ்லிம் கிராமங்கள் தமிழர் கிராமங்களாக மாற்றப்பட்டுள்ளதாக, முஸ்லிம் தரப்பினரும் தொடர்ச்சியாக குற்றச்சாட்டுகளை முன்வைத்து வருகின்றனர்" எனவும் ஹிஸ்புல்லா குறிப்பிட்டுள்ளார். "முன்னாள் முதலமைச்சர் விக்னேஷ்வரன் தன்னிடத்தில் முழுமையான ஆதாரங்கள் இல்லாமல், இந்த விடயத்தைக் கூறியிருக்க மாட்டார் என்று நம்புகிறேன். ஆகவே, அவர் குறிப்பிட்ட 300 தமிழர் கிராமங்களும் எந்த மாவட்டத்தில் உள்ளன என்ற விவரத்தினை அவசரமாக ஊடகங்கள் மூலமாக தெரியப்படுத்த வேண்டும்" என்றும் ஹிஸ்புல்லா வேண்டுகோள் விடுத்துள்ளார். https://www.bbc.com/tamil/sri-lanka-49069613
    • ஃபேஸ்புக் தமிழக இளைஞருக்கு 20 லட்சம் வெகுமதி கொடுத்தது - காரணம் தெரியுமா? சாய்ராம் ஜெயராமன்,பிபிசி தமிழ் 6 மணி நேரங்களுக்கு முன்னர் இதை பகிர ஃபேஸ்புக்கில்   இதை பகிர Messenger   இதை பகிர டுவிட்டரில்   இதை பகிர மின்னஞ்சல்   பகிர்க Image captionலக்ஷ்மன் முத்தையா இன்ஸ்டாகிராம் செயலிலுள்ள ஒரு மிகப் பெரிய பாதுகாப்பு குறைபாட்டை கண்டறிந்த தமிழகத்தை சேர்ந்த கணினி பாதுகாப்பு ஆய்வாளரான லக்ஷ்மன் முத்தையாவை பாராட்டி ஃபேஸ்புக் நிறுவனம் 30,000 அமெரிக்க டாலர்கள் (இந்திய மதிப்பில் சுமார் 20 லட்சம் ரூபாய்) வெகுமதி அளித்துள்ளது. ஏற்கனவே 30க்கும் மேற்பட்ட முறைகள் ஃபேஸ்புக் நிறுவனத்திடமிருந்து இதுபோன்ற வெகுமதியை பெற்றுள்ள லக்ஷ்மன், இம்முறை எதற்காக, எப்படி இந்த வெகுமதி வென்றுள்ளார் என்பதை அறிந்துகொள்வதற்காக பிபிசி தமிழ் அவரிடம் பேசியது. அதிகரிக்கும் ஹேக்கிங் சம்பவங்கள் உலகம் முழுவதும் கோடிக்கணக்கானோர் பயன்படுத்தும் ஃபேஸ்புக், இன்ஸ்டாகிராம், ட்விட்டர், கூகுள் போன்ற தொழில்நுட்ப நிறுவனங்களின் சேவைகளில் மிகப் பெரிய பாதுகாப்பு குறைபாடு இருப்பதாக அவ்வப்போது செய்திகள் வெளிவருகின்றன. அதன் மூலம், எண்ணிலடங்கா புகைப்படங்கள், காணொளிகள் என பயன்பாட்டாளர்களின் தனிப்பட்ட தகவல்கள் அவர்களது ஒப்புதல் இல்லாமலே பொதுவெளியில் வெளியாகும் ஹேக்கிங் சம்பவங்கள் அதிகரித்து வண்ணம் இருக்கின்றன. படத்தின் காப்புரிமைGETTY IMAGES இந்நிலையில், தனது ஃபேஸ்புக், இன்ஸ்டாகிராம் உள்ளிட்ட சேவைகளில் பாதுகாப்பு குறைபாட்டை கண்டறியும் வல்லுநர்களுக்கு வெகுமதி அளிக்கும் வழக்கத்தை கொண்டுள்ள ஃபேஸ்புக் நிறுவனம், அதன் ஒரு பகுதியாக நடத்தப்பட்ட திட்டத்தின் மூலமாகவே லக்ஷ்மனனுக்கும் இந்த வெகுமதியை அளித்துள்ளது. "நான் என்ன கண்டறிந்தேன்?" 20 லட்சம் ரூபாய் வெகுமதியை பெறுவதற்கு காரணமான கண்டுபிடிப்பு குறித்து லக்ஷ்மனிடம் கேட்டபோது, "சுருக்க சொல்ல வேண்டுமென்றால், மற்ற சமூக ஊடகங்களை போன்று இன்ஸ்டாகிராமிலும் மறந்து போன கடவுச் சொல்லை மாற்றியமைப்பதற்கான வழி உள்ளது. அதாவது, உங்களது பயனர் பெயரை பதிவிட்டு, அதோடு பதிவு செய்யப்பட்ட அலைபேசி எண்ணுக்கு சரிபார்ப்பு எண்ணை பெற்று, அதை உள்ளீடு செய்வதன் மூலம் கணக்கை மீட்டெடுக்க முடியும். இந்த வழியிலுள்ள பாதுகாப்பு குறைபாட்டை பயன்படுத்தி எந்த இன்ஸ்டாகிராம் பயனரின் கணக்கையும் ஹேக் செய்யும் முடியும் என்பதை ஃபேஸ்புக் நிறுவனத்துக்கு தெரியப்படுத்தியதன் மூலமே எனக்கு இந்த வெகுமதி கிடைத்துள்ளது" என்று அவர் கூறுகிறார். ஹுவாவேவை பார்த்து மிரள்கிறதா அமெரிக்கா? காரணம் என்ன? நொடிக்கு 7ஜிபி வேகம்; 5ஜி தொழில்நுட்பம் உங்களுக்கு தேவையா? ஒரு இன்ஸ்டாகிராம் பயனர் தனது கணக்கில் உள்நுழைவதற்கான கடவுச்சொல்லை மறந்துவிட்டு, தவறான கடவுச்சொல்லை ஒரு குறிப்பிட்ட முறைகளுக்கு மேலாக பதிவு செய்தால், அக்கணக்கு முடக்கப்படும். அதே போன்று, கடவுச்சொல்லை மாற்றுவதற்கு, பதிவு செய்த அலைபேசிக்கு வரும் எண்ணை பதிவு செய்யும் இந்த முறையில் ஹேக் செய்வதை தடுக்கும் வசதியை இன்ஸ்டாகிராம் ஏற்படுத்தவில்லையா என்று அவரிடம் கேட்டபோது, "நீங்கள் உங்களது இன்ஸ்டாகிராம் செயலியின் கடவுச்சொல்லை மறந்துவிட்டு, புதிய கடவுச்சொல்லுக்காக வேண்டுகோள் விடுப்பதாக வைத்துக்கொள்வோம். அதன் பிறகு, உங்களது அலைபேசிக்கு ஆறு எண்கள் கொண்ட குறுஞ்செய்தி பாதுகாப்பு சரிபார்ப்புக்காக அனுப்பப்படும். அதை உள்ளீடு செய்வதன் மூலம் நீங்கள் புதிய கடவுச்சொல்லை ஏற்படுத்தி உங்களது கணக்கை மீண்டும் பயன்படுத்த முடியும். இவ்வாறாக அனைத்து இன்ஸ்டாகிராம் பயன்பாட்டாளர்களுக்கும் அனுப்பப்படும் பாதுகாப்பு சரிபார்ப்பு எண்கள், அந்நிறுவனத்தின் ஒரு குறிப்பிட்ட பத்து லட்சம் எண்ணிக்கை கொண்ட தொகுப்பிலிருந்து எடுத்தாளப்படுகிறது. படத்தின் காப்புரிமைFACEBOOK இதில் முக்கியமான விடயம் என்னவென்றால், ஒரு இன்ஸ்டாகிராம் பயனரின் கணக்கோடு தொடர்புடைய அலைபேசி எண்ணுக்கு அந்த பத்து லட்சம் தொகுப்பிலிருந்து எந்த எண்கள் சரிபார்ப்புக்காக அனுப்பப்படுகிறது என்பதை கண்டறிவதன் மூலம் அந்த கணக்கை ஹேக் செய்ய முடியும். இந்த பாதுகாப்பு குறைபாட்டை நிரூபிப்பதற்காக, நான் 1,000 மைக்ரோ கணினிகளை பயன்படுத்தி ஒரே சமயத்தில் இரண்டு லட்சம் எண்களை உள்ளீடு செய்தேன்" என்று லக்ஷ்மன் விளக்குகிறார். ஒரே சமயத்தில் 1,000 கணினிகள் எப்படி சாத்தியம்? ஒரு இன்ஸ்டாகிராம் கணக்கிற்கு இரண்டு லட்சம் புதிய கடவுச்சொல் கோரிக்கைகளை அனுப்பவது சாத்தியமா? இதுபோன்ற இயல்புக்கு மாறான செயல்பாட்டின்போது, அக்கணக்கு உடனுக்குடன் அடையாளம் காணப்பட்டு முடக்கப்படாதா? என்று அவரிடம் கேட்டபோது, "நீங்கள் ஒரேயொரு கணினியில்/ ஐபி முகவரியில் இருந்து நூற்றுக்கும் குறைவான தவறான கடவுச்சொல்லை உள்ளீடு செய்தாலே அந்த இன்ஸ்டாகிராம் கணக்கு முடக்கப்பட்டு விடும். ஆனால், இதுவே வேறுபட்ட கணினி/ ஐபி முகவரியிலிருந்து ஒரே இன்ஸ்டாகிராம் கணக்கின் கடவுச்சொல்லை மாற்ற முயற்சித்தால் அதை தடுக்கும் தற்காப்பு அமைப்பு இன்ஸ்டாகிராமிடம் இல்லை என்பதையே இதன் மூலம் நான் நிரூபித்து காண்பித்தேன். இன்ஸ்டாகிராம் பயனர்களின் அந்தரங்க தரவுகள் கசிவு - நீங்கள் அச்சமடைய வேண்டுமா? உங்கள் கைபேசியிலுள்ள அந்தரங்க தகவல்கள் இப்படியும் திருடப்படுமா? ஒரே நேரத்தில் ஆயிரம் உண்மையான கணினிகளை பயன்படுத்துவதற்கு பதிலாக, அமேசான் நிறுவனத்தின் மேகக்கணினியக தொழில்நுட்பத்தை பயன்படுத்தி அதன் மூலம் சில நிமிடங்களுக்கு 1,000 மைக்ரோ கணினிகளை வாடகைக்கு எடுத்து இதை நிகழ்த்தினேன். இதற்காக நான் சுமார் 3,500 ரூபாய் மட்டுமே செலவிட்டிருப்பேன்" என்று தனது கண்டுபிடிப்பை விளக்குகிறார் லக்ஷ்மன். தனது பணிசார்ந்த வாழ்க்கையில் ஏற்றத்தை அடைவதற்காக, இதுபோன்ற மிகப் பெரிய பாதுகாப்பு குறைபாட்டை கண்டுபிடிக்கும் பணியில் சில ஆண்டுகளாக இடைவேளைக்கு பிறகு, கடந்த மார்ச் மாதம் களத்தில் இறங்கியதாக கூறுகிறார் இவர். "இரண்டு மாதகால கடுமையான சோதனைகளுக்கு பிறகு இன்ஸ்டாகிராமிலுள்ள இந்த குறைபாட்டை கடந்த மே மாதம் கண்டறிந்தவுடன் ஃபேஸ்புக் நிறுவனத்துக்கு அனுப்பினேன். நான் அனுப்பிய தகவல்கள் போதுமானதாக இல்லாததால், ஃபேஸ்புக் நிறுவனத்தின் கோரிக்கையின்படி, எனது சோதனை தொடர்பான செய்முறை காணொளியையும், மேலதிக விளக்கத்தையும் ஜூன் மாதம் அனுப்பிய நிலையில், கடந்த 10ஆம் தேதி எனக்கு இந்த வெகுமதி அளிக்கப்படுவதாக ஃபேஸ்புக் தரப்பில் தெரிவிக்கப்பட்டது." அடுத்தது என்ன? படத்தின் காப்புரிமைGETTY IMAGES காரைக்குடியை பூர்விகமாக கொண்ட லக்ஷ்மன் முத்தையா, அங்கு தனது பள்ளிக்கல்வியை முடித்துவிட்டு, சென்னையிலுள்ள தனியார் பொறியியல் கல்லூரில் 2014ஆம் ஆண்டு கணினி பொறியலில் இளங்கலை பட்டம் பெற்றவர். அதன் பிறகு 2015ஆம் ஆண்டு வரை தனியார் நிறுவனத்தில் இணையதள வடிவமைப்பாளராக பணியாற்றிய இவர், அதற்கடுத்த ஆண்டு தனது நண்பர்களுடன் இணைந்து 'நெட்மை சாஃப்ட்' எனும் மின்னணு பாதுகாப்பு மற்றும் இணையதள வடிவமைப்பு நிறுவனத்தை சென்னையில் தொடங்கி நடத்தி வருகிறார். முன்னதாக, 2013ஆம் ஆண்டு டிசம்பரில், ஒரு ஃபேஸ்புக் பயனரால் பிளாக் செய்யப்பட்ட ஒருவர், தொடர்ந்து தன்னை பிளாக் செய்தவருடன் தொடர்பு கொள்ளும் வகையிலான பாதுகாப்பு குறைபாட்டை கண்டறிந்ததற்காக 4,500 டாலர்கள் வெகுமதியும், 2015ஆம் ஆண்டு பிப்ரவரியில், ஒரு ஃபேஸ்புக் பயனர் மற்றொருவரின் கணக்கிலுள்ள புகைப்படங்களை அழிக்கக் கூடிய குறைபாட்டை கண்டறிந்ததற்காக 12,000 டாலர்களும், அதே ஆண்டு மார்ச் மாதம் ஒருவருக்கு தெரியாமலேயே அவரது ஃபேஸ்புக் செயலியில் பதிவேறியுள்ள புகைப்படங்களை, அதே அலைபேசியில் பதியப்பட்டுள்ள மற்ற செயலிகளின் தயாரிப்பாளர்கள் பார்க்கக் கூடிய குறைபாட்டை கண்டறிததற்காக 10,000 டாலர்களும் என இதுவரை ஃபேஸ்புக் நிறுவனத்தின் தயாரிப்புகளிலுள்ள பாதுகாப்பு குறைபாடுகளை கண்டறிந்ததன் மூலம் மட்டும் பல்லாயிரக்கணக்கான டாலர்களை அந்நிறுவனத்திடமிருந்து வெகுமதியாக பெற்றுள்ளார் லக்ஷ்மன் முத்தையா. "தொழிற் வாழ்க்கையில் முன்னேற்றம் பெறுவது மட்டுமின்றி, கோடிக்கணக்கானோர் பயன்படுத்தும் ஃபேஸ்புக், இன்ஸ்டாகிராம் உள்ளிட்ட சேவைகளிலுள்ள குறைபாட்டை கண்டறிந்து வெளிப்படுத்துவது மக்களுக்கு பலனளிக்கும் என்பது மிகுந்த மகிழ்ச்சியை ஏற்படுத்துவதோடு, எனது பணியை உத்வேகத்துடன் தொடருவதற்கு உதவுகிறது" என்று பெருமையுடன் கூறுகிறார் லக்ஷ்மன் முத்தையா. https://www.bbc.com/tamil/science-49064934
    • சந்திராயன்-2 விண்கலம் வெற்றிகரமாக விண்ணில் ஏவப்பட்டது 27 நிமிடங்களுக்கு முன்னர் இதை பகிர ஃபேஸ்புக்கில்   இதை பகிர Messenger   இதை பகிர டுவிட்டரில்   இதை பகிர மின்னஞ்சல்   பகிர்க படத்தின் காப்புரிமைISRO கடந்த வாரம் ஏவப்படுவதாக இருந்து கடைசி நேரத்தில் நிறுத்தப்பட்ட இந்தியாவின் இரண்டாவது நிலவுப்பயணத் திட்டமான சந்திரயான்-2 இன்று திங்கள் கிழமை பிற்பகல் இந்திய நேரப்படி 2.43 மணிக்கு ஏவப்பட்டது. ஸ்ரீஹரிக்கோட்டாவில் உள்ள சதீஷ் தவான் வின்வெளி மையத்தில் உள்ள ஏவு தளத்தில் இருந்து இந்த விண்கலத்தை சுமந்துகொண்டு ஜி.எஸ்.எல்.வி. மார்க் III ராக்கெட் சீறிப்பாய்ந்தது. கடந்து செல்க டுவிட்டர் பதிவு இவரது @isro   இதைப் பற்றி 9,032 பேர் பேசுகிறார்கள்       முடிவு டுவிட்டர் பதிவின் இவரது @isro இந்தப் பயணத்தின் சிறப்பு சந்திரயான்-2 என்பது மூன்று பகுதிகளை உடைய ஒரு விண்கலத் தொகுப்பு. இதில், நிலவை சுற்றி வரும் கலன் ஒன்றும், நிலவில் தரையிறங்கும் கலன் ஒன்றும், நிலவின் தரைப்பரப்பில் ஊர்ந்து சென்று ஆய்வுகள் செய்யும் உலாவி (ரோவர்) ஒன்றும் இருக்கும். சுற்றுவட்டக் கலனில் இருந்து, தரையிறங்கும் கலன் 'விக்ரம்' பிரியும். தரையிறங்கும் விக்ரம் கலனில் இருந்து பிறகு 'பிரக்யான்' உலாவி பிரியும். இந்த வின்கலத் தொகுப்பு இஸ்ரோவின் ஜி.எஸ்.எல்.வி. மார்க்3 செலுத்து வாகனம் (ராக்கெட்) மூலம் விண்ணுக்கு ஏவப்படும். இந்தியா உருவாக்கியதிலேயே மிகவும் சக்திவாய்ந்த இந்த செலுத்துவாகனம் 640 டன் எடையுள்ளது. 44 மீட்டர் அல்லது 144 அடி உயரமுடையது. ஏறத்தாழ 14 மாடி கட்டடத்தின் உயரத்துக்கு சமமானது இதன் உயரம். Image captionசந்திரயான் விண்வெளியில் பிரசவிக்கப் போகும் ஜி.எஸ்.எல்.வி. மார்க் III செலுத்துவாகனம். 2008-ம் ஆண்டு இந்தியா தமது முதல் நிலவுப் பயணத் திட்டமான சந்திரயான்-1 ஐ ஏவியது. இந்த விண்கலன் நிலவில் தரையிறங்கவில்லை. நிலவைச் சுற்றிவந்து நிலவில் தண்ணீர் இருக்கிறதா என்பது பற்றி முதல் விரிவான ஆராய்ச்சியை தமது ரேடார்கள் உதவியோடு நடத்தியது. 150 மில்லியன் டாலர் செலவில் தயாரிக்கப்பட்டுள்ள தற்போதைய சந்திரயான்-2 திட்டம் தண்ணீர் மற்றும் தாதுப் பொருட்கள் நிலவில் இருப்பது பற்றியும், 'நிலவு'நடுக்கம் (புவியில் நடந்தால் 'நில நடுக்கம்'. நிலவில் நடந்தால் 'நிலவு நடுக்கம்') தொடர்பாகவும் ஆய்வுகள் செய்யும். சந்திரயான்-2 எப்போது போய்ச்சேரும்? நேற்று ஞாயிறு மாலை 6.43 மணிக்கு சந்திரயானை சுமந்துள்ள ஜி.எஸ்.எல்.வி. மார்க்3 செலுத்துவாகனத்தை ஏவுவதற்கான கவுண்ட் டவுன் தொடங்கியது. திங்கள் பிற்பகல் இந்த செலுத்துவாகனம், சென்னை அருகே உள்ள ஸ்ரீஹரிக்கோட்டா சதீஷ் தவான் விண்வெளி மையத்தில் இருந்து புகையும், நெருப்பும் கக்கியபடி கிளம்பும். ஆனால், 3.84 லட்சம் கி.மீ. பயணம் ஒரே மூச்சில் முடிந்துவிடாது. உண்மையில் சந்திரயான் விண்கலத் தொகுப்பின் மூன்று பாகங்களில் ஒன்று நிலவில் தரையிறங்குவது செப்டம்பர் 6 அல்லது 7-ம் தேதி தான் நடக்கும். ஏனென்றால் சந்திரயான்-2 நேர்க்கோட்டுப் பாதையில் நிலவை நோக்கிப் பயணிக்காமல் புவியைச் சுற்றி சுற்றி அடுத்தடுத்து பெரிய வட்டப் பாதையில் பயணித்து ஒரு கட்டத்தில் நிலவின் சுற்றுவட்டப்பாதையில் நுழையும். நிலவின் சுற்றுப் பாதையில் பயணிக்கும் கலனில் இருந்து நிலவில் தரையிறங்கும் கலன் பிரிவதில் இருந்து தரையிறங்குவது வரையிலான 15 நிமிடங்கள்தான் விஞ்ஞானிகளுக்கு மிகவும் சவாலானதாக இருக்கும் என்று தெரிவித்துள்ளார் இந்திய விண்வெளி ஆராய்ச்சி நிறுவனத்தின் தலைவர் டாக்டர் சிவன். https://www.bbc.com/tamil/science-49070127
    • 10 நபர்கள் 45 பேருக்கு சட்டப்படி இந்த அடி அடித்துள்ளார்கள் என்றால் என்ன சொல்லவது ஜக்கி சான், ஜெட்லீ, சம்மொ, டொனி ஜா, டொனி யென் போன்ற martial art நடிக வீரர்கள் இந்த நாட்டில்தான் வாழ்கின்றார்கள். சுவரா இந்த இனதெரியாதோர் இவர்களின் வில்லன்களின் அடியாட்களாக இருக்கும்