யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
பிழம்பு

நெதர்லாந்தின் யூட்ரெக்ட் நகரத்தில் துப்பாக்கிச்சூடு; ஒருவர் பலி - தீவிரவாத தாக்குதலா என விசாரணை

Recommended Posts

 
துப்பாக்கிச்சூடுபடத்தின் காப்புரிமை EPA

நெதர்லாந்தின் யூட்ரெக்ட் நகரத்தில், ஒரு டிராமில் நடைபெற்ற துப்பாக்கிச்சூடு சம்பவத்தில் ஒருவர் பலியாகியுள்ளார். மேலும் பலர் காயமடைந்துள்ளதாக காவல்துறை தெரிவித்துள்ளது.

நகரத்தின் மேற்கு பகுதியில் உள்ள டிராம் நிலையத்திற்கு அருகே உள்ள சதுக்கத்தில் அதிகாரிகள் குவிந்துள்ளனர். மேலும் அங்கு அவசர சேவைகளும் வரவழைக்கப்பட்டுள்ளன.

துப்பாக்கிதாரி சம்பவ இடத்தில் இருந்து காரில் தப்பிச் சென்றதாக காவல்துறை செய்தித் தொடர்பாளர் தெரிவித்தார். அப்பகுதிக்கு மக்கள் வரவேண்டாம் என்றும் அப்பகுதியில் உள்ள பள்ளிகளை திறக்க வேண்டாம் என்றும் போலீஸார் கேட்டுக் கொண்டுள்ளனர்.

இது "தீவிரவாத தாக்குதலாக இருக்குமோ" என்பது குறித்து போலீஸார் விசாரித்து வருவதாக கூறியுள்ளனர்.

நெதர்லாந்தின் தீவிரவாதத்துக்கு எதிரான ஒருங்கிணைப்பாளர், உள்ளூர் அதிகாரிகளை தொடர்பு கொண்டு, நெருக்கடி நேர குழு ஒன்றை அமைத்துள்ளார்.

இந்த சம்பவம் குறித்து மிகுந்த கவலைக் கொள்வதாக தெரிவித்த அந்நாட்டு பிரதமர் மார்க் ருட்டே, இந்த வாரத்தில் நடைபெற இருந்த கூட்டணி பேச்சுவார்த்தைகளை ரத்து செய்தார்.

துப்பாக்கிச்சூடு

உள்ளூர் நேரப்படி காலை 10:45 மணிக்கு துப்பாக்கிச்சூடு நடைபெற்றது. சம்பவ இடத்திற்கு மூன்று ஹெலிகாப்டர்கள் அனுப்பி வைக்கப்பட்டுள்ளது.

"ஒரு ஆள் துப்பாக்கியை எடுத்து கொடூரமாக சுடத் தொடங்கினார்" என சம்பவத்தை நேரில் பார்த்தவர் டச் நியூஸ் வலைதளத்திடம் தெரிவித்தார்.

24 அக்டோபர்ப்ளேன் ஜங்ஷன் என்ற இடத்தில் இந்த சம்பவம் நிகழ்ந்துள்ளது.

நகரம் முழுவதும், டிராம் சேவை தற்போது நிறுத்தி வைக்கப்பட்டுள்ளதாக யூட்ரெக்ட் போக்குவரத்து ஆணையம் தெரிவித்துள்ளது.

https://www.bbc.com/tamil/global-47612486

  • Sad 1

Share this post


Link to post
Share on other sites

நெதர்லாந்து துப்பாக்கி பிரயோகம் – சந்தேகநபர் கைது

March 19, 2019

netherland.jpg?resize=800%2C600நெதர்லாந்தின் உட்ரெச்ட் நகரில் டிராமில் இடம்பெற்ற துப்பாக்கி பிரயோகம் தொடர்பில் தேடப்பட்டுவந்த சந்தேகநபர் கைதுசெய்யப்பட்டுள்ளார். டிராம் தாக்குதல் இடம்பெற்ற பகுதியிலிருந்து 3கிலோமீற்றர் தொலைவில் உள்ள பகுதியில் உள்ள கட்டிடமொன்றில் சந்தேகநபரான 37 வயதுடைய துருக்கிப் பிரஜை கைதுசெய்யப்பட்டுள்ளார்.

துப்பாக்கி பிரயோகத்திற்கு பின்னர் தேடுதல் நடவடிக்கைகளை தீவிரப்படுத்திய பயங்கரவாத தடுப்பு பிரிவினர் வீதித் தடுப்பு சோதனைகளையும் மேற்கொண்டிருந்த நிலையில் தாக்குதல் இடம்பெற்ற பகுதியிலிருந்து சில கிலோமீற்றர் தொலைவில் உள்ள வீட்டில் வைத்து குறித்த சந்தேகநபரை கைதுசெய்துள்ளனர்

துப்பாக்கி பிரயோகத்திற்கு பயங்கரவாத நோக்கம் காரணமாகயிருக்கலாம் என அதிகாரிகள் முன்னர் தெரிவித்திருந்த போதிலும்; குடும்பதகராறே இதற்கு காரணம் எனவும் நெதர்லாந்து காவல்துறையினருக்கு அந்த நபரை முன்னரே தெரியும் எனவும் அதிகாரி ஒருவர் செய்தியாளர் சந்திப்பில் குறிபிட்டுள்ளார்.

இதேவேளை சந்தேகநபர் செச்னியாவில் மோதலில் ஈடுபட்டவர் எனவும் அவர் ஜஎஸ் அமைப்புடன் தொடர்பு வைத்திருந்ததாக கைதுசெய்யப்பட்டு பின்னர் விடுதலையானவர் எனவும் தகவல்கள் தெரிவித்துள்ளன.

 

http://globaltamilnews.net/2019/116370/

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு