வாழ்க்கை

[அபராஜிதன் 767]

வாழ்க்கை
..................

தம்பிக்குக் கிரிக்கெட்மீது பைத்தியம்
தனக்குப்பிடித்த 
நாடகத்தை தியாகம் செய்வாள்
அக்கா
.................

மகள் முள்ளை எடுக்கச்
சிரமப்படுவாள்
தலையை தான் எடுத்துவிட்டு
வால் பகுதியை
மகளுக்கு விட்டு வைப்பார்
அப்பா

...................
வளருகிற பெடியனுக்குச்
சத்துத் தேவை
கறியில் இருக்கும் தனக்குப்பிடித்த
மீன் சினைகளை 
மகனுக்கு தெரிந்து எடுத்துக்கொடுப்பாள்
அம்மா

...........................
தங்கைக்குக் கல்யாணம் முடியட்டும்
தன் காதலை கட்டுப்படுத்திக்கொள்வான்
அண்ணன்

..........................
அக்கா சொகுசாய் வாழவேண்டும்
கடன்காரனாகிப்போவான்
தம்பி

........................
அவள் நீண்டநாளாய்
ஆசைப்பட்ட சாரியை 
வாக்கிக்கொள்ளட்டும்
தனக்கு சாரன் மட்டும் 
போதுமென்று பொய் சொல்வார்
அப்பா

.........................
புருஷன் மாதக்கடைசியில்
மோட்டர் சைக்கிளுக்கு
பெட்ரோல் போடவே கஷ்டப்படுவார்
என்று தெரிந்தே
ஒவ்வொருநாளும் மரக்கறிக்காரனுடன்
பேரம்பேசி சிலநூறுகளைச்
சேமித்து வைத்திருப்பாள் 
மனைவி

.............................
விபத்தில் இறந்த‌
அக்காவின் பிள்ளைகளை
தன் பிள்ளைகளென்றே
சொல்கிறாள் சித்தி

.............................
பேரப்பிள்ளைகளுக்குக் கொடுப்பதற்காகவே
தன் முந்தானையில் சில்லறைகளை
முடிந்து வைத்திருப்பாள்
பாட்டி

...............................
ஊன்றுகோல்கள் தேவைப்படுவதில்லை
பேரப்பிள்ளைகளின்
கைகளைப்பிடித்துக்கொண்டே
நடப்பார்கள் தாத்தாக்கள்

..............................
வாழ்க்கையென்றால் என்ன‌
என்பவர்களிடம் சொல்ல
இவற்றைவிட‌ வேறில்லை
என்னிடம்.

 

முகநூல்

[suvy 8,286]

வாழ்க்கை என்றால் விடாப்பிடியாக வாழ்வதல்ல விட்டுக்கொடுத்து வாழ்வதே வாழ்க்கை........நல்ல கவிதை , நன்றி அபராஜிதன்......!   

[ஈழப்பிரியன் 3,082]

11 hours ago, அபராஜிதன் said:

தங்கைக்குக் கல்யாணம் முடியட்டும்
தன் காதலை கட்டுப்படுத்திக்கொள்வான்
அண்ணன்

 

மேலே உள்ள கவியில் ஒவ்வொரு வரியும் உள்ளம்தைத் தொடுபவையாகவும் வாழ்நாளில் நாம் பார்த்த சந்தித்த நிகழ்வுகளாக இருந்தாலும்

எனது மகன் தனது தங்கைக்காக இருந்து அடுத்த வருடம் திருமணம் செய்தது நினைவுக்கு வருகிறது.

[நிலாமதி 1,451]

 நன்றி . நல்ல பகிர்வு நாம் வாழ்ந்த வாழ்வை சொல்கிறது ஆனால் இக்கால தலை  முறை  முற்றிலும்  மாறுபட்டு  வாழ்கிறது.  

[அபராஜிதன் 767]

On 3/25/2019 at 1:13 AM, suvy said:

வாழ்க்கை என்றால் விடாப்பிடியாக வாழ்வதல்ல விட்டுக்கொடுத்து வாழ்வதே வாழ்க்கை........நல்ல கவிதை , நன்றி அபராஜிதன்......!   

 

On 3/25/2019 at 2:47 AM, நிலாமதி said:

 நன்றி . நல்ல பகிர்வு நாம் வாழ்ந்த வாழ்வை சொல்கிறது ஆனால் இக்கால தலை  முறை  முற்றிலும்  மாறுபட்டு  வாழ்கிறது.  

 

On 3/25/2019 at 1:21 AM, ஈழப்பிரியன் said:

மேலே உள்ள கவியில் ஒவ்வொரு வரியும் உள்ளம்தைத் தொடுபவையாகவும் வாழ்நாளில் நாம் பார்த்த சந்தித்த நிகழ்வுகளாக இருந்தாலும்

எனது மகன் தனது தங்கைக்காக இருந்து அடுத்த வருடம் திருமணம் செய்தது நினைவுக்கு வருகிறது.

நன்றிகள் கருத்துகளிற்கும் பச்சைக்கும்

[Gowin 129]

நல்லதொரு முகநூல்ப் பதிவு!

[uthayakumar 284]

அன்பும் காதலும் தியாகமும் கொண்டதே நல் வாழ்வு ....நல்ல குறும் கவிதைகள் அபராஜிதன் .