யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
சாமானியன்

கோரைக் கிழங்கும் சல்லி முட்டியும்………..

Recommended Posts

இதனை சில நாட்களின் முன்னர் அரிச்சுவடியில் பதிவிட்டிருந்தேன் , ஈழப்பிரியன் அறிவுறுத்தியிருந்தார் சரியான பகுதியில் இணைத்துவிடும் படி 

அன்பர் ஈழப்பிரியனின் குறிப்பிடுதலுக்கு அமைய அரிச்சுவடியில்   இட்ட பதிவை இங்கே வாழும் புலத்தில்மீள் பதிவிடுகிறேன்  

 

கோரைக் கிழங்கும் சல்லி முட்டியும்………..

 

எனது  தாயார்   இந்த  பாடலை  அடிக்கடி   சொல்வார்  கோரைக்  கிழங்கு  புடுங்க  கேட்க   கோவிச்சுக்  கொண்டாராம்  பண்டாரம்  , அவிச்சுக்  குவிச்சு  முன்னால   வைக்க  சிரிச்சுக்  கொண்டாராம்  பண்டாரம்  என்று  .

வேறொன்றுமில்லை  , இன்று  காலை  வெந்நீர்க்   குளியலின்  நடுவே  தெறித்து  விழுந்த  எண்ணப்  பாடொன்று  , பகிர்ந்து  கொள்ளலாம்  என  தோன்றிற்று 

யாழ்  திண்ணையில்   கருத்தாடுவது  மனதுக்கு  இதமான  ஒரு  விடயமாக  இருக்கிறது.   

திண்ணை  வாசிகள்  ஒவ்வொருவரின்  தனித்  தன்மையையும்    வெகுவாக  இரசிக்கக்  கூடியதாக  இருக்கின்றது.  உண்மையில்  எல்லோரையும்  கடந்த  2012 இலிருந்து  ரசித்துக்  கொண்டு  வருகிறேன்.   மிக   அண்மைக் காலங்களில்  இருந்து  தான்  குந்தியிருந்து  நாலு  கதை  பேச   வாய்த்திருக்கின்றது.

முகமறியாமல்  உரையாடுவது      என்பது  உரையாடல்களில்     சாதாரணமாக  இருக்கக்கூடிய  பல  தடைகளை  இல்லாமல்  செய்து  ஒவ்வொருவரும்  தத்தமக்கே   உண்மையாக  இருக்கக்  கூடியதாக  இருக்கின்றது. யாழ்  திண்ணையின்   பலன்களில்  இது  முக்கியமானதொன்றாக  அமைகின்றது   என  நினைக்கின்றேன்.

சமூக  கடப்பாடுகள்  பற்றியும்  ஒரு  தனிப்  பகுதி  இருக்கின்றது.   பலர்  பதிவுகள்  இட்டும்,   தனிப்பட்ட  முறையில்  பங்களிப்புகளை  வெளிப்படையாகவும்   மற்றவர்கள்  அறியாமலும்  செய்து  கொண்டிருக்கின்றனர்  அநேகமாக  எங்கள்  எல்லோருமே  ஏதோ  ஒரு  வகையில்  இப்படியான  முயற்சிகளில்  ஈடுபட்டுக்கொண்டிருக்கிறோம்  என  நான்  நம்புகிறேன்.

யாழ்  கூட்டுக்குடும்பமாகவும்   நாங்கள்  இந்த  முயற்சிகளை   முன்னெடுத்தால்  என்ன …..

ஏறக்குறைய 100 அங்கத்தினர்  இருக்கின்றனர்  என  எடுத்துக்  கொண்டால்  (உண்மையில்  எவ்வளவு  என  எனக்குத்  தெரியாது  ஆனால்  இதற்கு  குறையாமல்  இருக்கும்  என  நம்புகிறேன்) , ஒவ்வொருவரும்  ஒரு  கிழமைக்கு  10 வெள்ளி  வீதம்  யாழ்  சல்லி  முட்டியில்  சேமித்தால்  ஒரு  வருடத்தில்  இது   ஏறக்குறைய  52,000 வெள்ளிகளாக  மாறுகின்றது.

உறுப்பினர்கள்  எவராவது   ஒரு  வருடத்தின்  பின்னர்( அல்லது 6  மாதங்களின் பின் )    செயல்  திட்டங்களை  முன்  மொழியலாம்  – உரிய   விபரங்கள் , தரவுகள்  , நன்மைக்கூற்றுகள்  etc ..etc

யாழ்    திண்ணை  வாசிகள்  இதனை  திண்ணையில்  வைத்து  ஆராய்ந்து    ,  ஒரு  வாக்கெடுப்பு  மூலம்  குறிப்பிட்ட  செயல்திட்டத்தை  முன்னெடுப்பதா  இல்லையா  என  தீர்மானிக்கலாம் .

முன்னெடுப்பது  என்று  தீர்மானிக்கும்  பட்சத்தில்  , திண்ணை  வாசிகள்  அந்த  செயல்  திட்டத்தை  செயற்படுத்துவதற்கு   பொறுப்பாக  3 திண்ணை  வாசிகளை தெரிவு  செய்யலாம்  , (விரும்பும்  திண்ணை  வாசிகள்  தங்களின்  ஒத்திசைவை  தெரிவித்ததின்  மேல் ) அம்மூவருமே  இதற்கு  முழுமையான  பொறுப்பாக  இருப்பார்கள்.

இதனை  செயற்படுத்தும்  ஒரு  பொதுக்கணக்கிற்கு  திண்ணைவாசிகள்  தங்கள் தங்கள்  சல்லி  முட்டியை  திறந்து  உரிய  பங்களிப்பை  செய்து  விட  வேண்டும்  ( ஒரு   சிறிய  செயற்திட்டம்  10,000 வெள்ளி  எனில்  திண்ணை  வாசிகள்  ஒவ்வொருவரும்  100 வெள்ளியை  செலுத்தி  விட்டு  தொடர்ந்து  திண்ணைக்   கருத்தாடல்களில்  ஈடுபடலாம்  பொறுப்பான  மூவரிடமும்  எந்த  கேள்விகளையாவது  கேட்பதை  தவிர்த்துக்  கொண்டு )  . எல்லோரும்  பங்களித்து,   தேவையான  முழுத்  தொகையும்  கணக்கில்  சேர்த்த  பின்னரே  அம்மூவரும்   செயற்திட்டத்தை  நடைமுறைப்  படுத்துதலில்  ஈடுபடுவர்.  அந்த  மூவரும்  செயற்திட்டம்  பற்றி  திண்ணையில்  ஒழுங்கான  அடிப்படையில்  தகவல்கள்  வழங்கிக்  கொண்டிருக்க  வேண்டும்.

முதலாவது  செயற்றிட்டம்  எவ்வாறு  முன்னேறுகிறது    என்பதைப்  பொறுத்து  , இரண்டாவது  , மூன்றாவது  என  திட்டங்களை  தொடரலாம்.   

ஒவ்வொரு  புதுத்  திட்டத்திற்கும்  முன்பே  பொறுப்பாக  இருந்த  உறுப்பினர்களைத்  தவிர்த்து  ஏனையவர்கள்  தெரிவு  செய்யப்  படலாம்.   

என்ன,  கோரைக்  கிழங்கு  புடுங்கிப்  பார்ப்போமா …….

 

Share this post


Link to post
Share on other sites
4 hours ago, சாமானியன் said:

இதனை சில நாட்களின் முன்னர் அரிச்சுவடியில் பதிவிட்டிருந்தேன் , ஈழப்பிரியன் அறிவுறுத்தியிருந்தார் சரியான பகுதியில் இணைத்துவிடும் படி 

 அன்பர் ஈழப்பிரியனின் குறிப்பிடுதலுக்கு அமைய அரிச்சுவடியில்   இட்ட பதிவை இங்கே வாழும் புலத்தில்மீள் பதிவிடுகிறேன்  

 

இப்ப தான் நீங்க சாமானியன்.

Share this post


Link to post
Share on other sites

புலம்பெயர் உறவுகள் எல்லோரும் தங்கள் தங்கள் நாட்டில் குழுக்களாக அல்லது வீட்டில் மாதம் 5 படி வருடம் 60 (இத்தொகை விரும்பினால் அதிகப்படுத்தலாம்) சேர்த்து பெரும் நிதியங்களை உருவாக்கினால் அதன் மூலம் நிறைய உதவிகள் செய்யலாம்.
ஏனெனில் வறுமையில் இருக்கும் மக்களுக்கு தீடீரென ஏற்படும் மருத்துவ செலவுகளிற்கு செலவளிக்க பணம் இருக்காது, அத்தகைய சந்தர்ப்பங்களில் இப்படி சேர்த்து வைத்த பணத்தை உடனடியாக கொடுத்து உதவலாம்.

  • Like 1

Share this post


Link to post
Share on other sites
On ‎3‎/‎30‎/‎2019 at 12:20 AM, ஏராளன் said:

புலம்பெயர் உறவுகள் எல்லோரும் தங்கள் தங்கள் நாட்டில் குழுக்களாக அல்லது வீட்டில் மாதம் 5 படி வருடம் 60 (இத்தொகை விரும்பினால் அதிகப்படுத்தலாம்) சேர்த்து பெரும் நிதியங்களை உருவாக்கினால் அதன் மூலம் நிறைய உதவிகள் செய்யலாம்.
ஏனெனில் வறுமையில் இருக்கும் மக்களுக்கு தீடீரென ஏற்படும் மருத்துவ செலவுகளிற்கு செலவளிக்க பணம் இருக்காது, அத்தகைய சந்தர்ப்பங்களில் இப்படி சேர்த்து வைத்த பணத்தை உடனடியாக கொடுத்து உதவலாம்.

ஏராளன்,

வருகைக்கும்  கருத்துக்கும்  நன்றி  .

வீட்டில்  வைத்திருக்கக்  கூடிய  யாழ்  உண்டியலில்  ஒவ்வொருவரும்  தமக்கு  வசதியான  சில்லறையை  ஒவ்வொரு  மாதமும்  இடலாம்  , நான்  முன்பு  கிழமைக்கு  10 வெள்ளி  என்று  சொன்னது  ஒரு  பருமட்டான  தொகையே  அவரவர்  வசதிக்கேற்ப  இது  மாறுபடலாம்.  

யாழில்  இது  தொடர்பாக  ஒரு  விபரக்கொத்து  இணைக்கப்படலாம் .  ஒவ்வொருவரின்  பெயருடன்  அவரின்  உண்டியலில்  கிழமையில் / மாதத்தில்  அவர்  இடும்  தொகை  மற்றும்  அன்றைய  திகதியில்  இந்த  திட்டத்தில்  உலகளாவிய  ரீதியில்  சேர்ந்திருக்கக்  கூடிய  மொத்த  தொகை  என்பன    அடக்கப்பட்டிருக்கும்    , இது  திட்டத்தில்  பங்கு  கொள்ளும்  எல்லோரினதும்  பார்வைக்காக.   

மருத்துவ  உதவி ,  குறுகிய  நீண்ட  கால  பயனளிக்கக்கூடிய  பல்வேறு  வகையான  செயற்பட்டுத்  திட்டங்கள்  என   எவ்வளவோ  செய்யலாம் .

அதை  விட  இந்த  திட்டத்தில்  இணைவதின்  மூலம்  பொருத்தமான  கட்டுப்பாடுகளுடன்    கூடிய  பலரும்  பங்கு பற்றக்   கூடிய செயற்திட்டங்களை  எவ்வாறு  ஆரம்பித்து  முன்னெடுத்துச்  செல்லலாம்  என  வீட்டிலுள்ள  இளையோர்களும்  அறிந்து  கொள்ளக்  கூடியதாக  இருக்கும்.  ஒரு  பங்குபற்றல்     மனப்பான்மையை  அவர்களினிடையே இலகுவாக  அறிமுகம்  செய்யலாம்  , இது  அவர்களின்  நீண்டகால  ஆளுமை  வளர்ச்சிக்கு   பங்களிக்கக்  கூடிய  தன்மை  கொண்டதாகவும்  அமையும் .

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு