Jump to content

நீதியரசர் பகவதி தலைமையில் அமைக்கப்பட்ட சர்வதேச சுயாதீன குழுவை ஒரு உதாரணமாக நான் நேற்று சனிக்கிழமை வெளியிட்ட அறிக்கையில் சுட்டிக்காட்டியிருந்தேன்.


Recommended Posts

Image may contain: 1 person, beard
C.V.Wigneswaran

இலங்கையில் வெளிநாட்டு நீதிபதிகளை கொண்ட கலப்பு நீதிமன்றம் ஒன்றை சட்டரீதியாக அமைக்க முடியாது என்ற இலங்கை அரசாங்கத்தின் வாதம் தவறானது என்பதை சுட்டிக்காட்டுவதற்காகவே நீதியரசர் பகவதி தலைமையில் அமைக்கப்பட்ட சர்வதேச சுயாதீன குழுவை ஒரு உதாரணமாக நான் நேற்று சனிக்கிழமை வெளியிட்ட அறிக்கையில் சுட்டிக்காட்டியிருந்தேன்.

அறிக்கையின் எந்த இடத்திலும் பகவதி தலைமையிலான சர்வதேச சுயாதீன குழுவை போன்ற ஒரு குழுவை அமைக்க வேண்டும் என்று நான் குறிப்பிடவில்லை.

இலங்கையில் உள்நாட்டில் அமைக்கப்பட்ட உள்ளக ஆணைக்குழுவான உடலகம விசாரணை ஆணைக்குழுவை மேற்பார்வை செய்வதற்காக அமைக்கப்பட்டதே பகவதி தலைமையிலான சர்வதேச சுயாதீன குழு என்றும் சர்வதேச தராதரங்கள் மற்றும் விதிமுறைகளுக்கு அமைவாக இந்த உள்ளக ஆணைக்குழு செயற்படவில்லை என்று பகவதி தலைமையிலான குழு தன்னைத் தானே கலைத்தமை இலங்கையில் ஏன் சர்வதேச விசாரணை அவசியம் என்பதையும் எடுத்துக் காட்டுகின்றது என்றும் தெளிவாக எனது அறிக்கையில் குறிப்பிட்டுள்ளேன்.

ஆகவே,பகவதி ஆணைக்குழுவின் உதாரணம் வெளிநாட்டு நீதிபதிகளை உள்ளடக்கிய சர்வதேச விசாரணை பொறிமுறையையே எடுத்துக்காட்டுகிறது.

இலங்கையில் மேற்கொள்ளப்பட்ட போர்க்குற்றங்களை விசாரணை செய்வதற்கு சர்வதேச விசாரணை பொறிமுறை ஒன்றே தீர்வு என்பதில் நான் உறுதியாகவும் தெளிவாகவும் இருக்கிறேன். இதனை பல சந்தர்ப்பங்களில் வலியுறுத்தி அதற்கான பணிகளையும் ஆரம்பித்துள்ளேன்.

இலங்கையை சர்வதேச குற்றவியல் நீதிமன்றத்துக்கு கொண்டு செல்ல வேண்டும் என்று செப்டெம்பர் 2018 இல் நான் முதலமைச்சராக இருந்த போது வடமாகாணசபையில் தீர்மானம் ஒன்றையும் நிறைவேற்றியுள்ளேன். இவ்வாண்டு மார்ச் மாதம் மனித உரிமைகள் சபை அமர்வுகளுக்கு முன்னதாக வடக்கு கிழக்கில் மேற்கொள்ளப்பட்ட ஆர்ப்பாட்டங்கள் மற்றும் பேரணிகளிலும் சர்வதேச குற்றவியல் நீதிமன்றத்துக்கு இலங்கையை கொண்டு செல்ல வேண்டும் என்றே வலியுறுத்தப்பட்டன.

நானும் இந்த அனைத்து ஆர்ப்பாட்டங்களிலும் கலந்து கொண்டேன். சர்வதேச குற்றவியல் நீதிமன்றத்துக்கு இலங்கையை கொண்டு செல்ல வேண்டும் என்று நான் எனது அறிக்கைகளிலும் திரும்பத் திரும்ப வலியுறுத்தியுள்ளேன். அத்துடன் ஐ. நா மனிதஉரிமைகள் சபை ஆணையாளருக்கு எழுதிய கடிதத்திலும் இதனை வலியுறுத்தியுள்ளேன்.

திடீரென்று சூனியத்தில் மூழ்கிக் கிடந்த ஒருவர் விடுபட்டு வந்தது போல் தான் இதுகாறும் கூறியதை மறந்து எம்மைக் குற்றம் சாட்டுகிறார் ஒருவர்.

இலங்கையில் நடைபெற்றது இனப்படுகொலை என்பதை தொடர்ந்து மறுத்துவரும் தமிழ் தேசிய கூட்டமைப்பின் பேச்சாளரான இவர் இந்த இனப்படுகொலையை நடத்தி, நூற்றுக்கணக்கான எமது பெண்களை பாலியல் வல்லுறவுக்கு உட்படுத்திய இலங்கை இராணுவத்தை காப்பாற்றும் வகையில் ஜெனீவா மனித உரிமைகள் சபையில் செயற்பட்டுள்ளமை எனக்கு கவலையையும் வருத்தத்தையும் அளிக்கிறது. இதனை எமது மக்கள் மன்னிக்க மாட்டார்கள். சர்வதேச விசாரணை எப்பொழுதோ முடிந்துவிட்டது என்று வாதிட்டுவந்தமையையும் எமது மக்கள் மறந்துவிட மாட்டார்கள்.

Link to post
Share on other sites
  • கருத்துக்கள உறவுகள்

மக்கள் மறந்து விடுவினம் என்று நம்பித்தான் அவர்கள் செயற்படுகிறார்கள்.

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Tell a friend

    Love கருத்துக்களம்? Tell a friend!
  • Topics

  • Posts

    • இதை நான் அந்த திரியில் சொல்லியும் விட்டேன். மனித இடப் பெயர்வு ஆசியாவுடன் இணைந்த வட அமெரிக்கா வழி நடந்தாக நம்ப படுகிறது. அதேபோல் தான் அவுஸ்ரேலியா நியூசிலாந்து போனவர்களும் என. இங்கே வரலாற்றை ஆராயும் எவரும் கொலம்பஸ்ஸில் இருந்து அது ஆரம்பிப்பாதக சொல்வதில்லை. நீங்கள் அப்படி அவர்கள் சொல்வதாக கருதுகிறீர்கள். ஆனால் இதுவரை உலகம் ஏற்று கொண்ட வரலாற்று தியரிகளை தாண்டி ஏனையவற்றை முன்வைக்கும் போது அதை அப்படியே ஏற்று கொள்ள முடியாது. நான் எப்போதும் புது தியரிகளை காது கொடுத்து கேட்பேன். நடு இரவில் பூம்புகார் ரிசேர்ஜ் என இணைத்த 10 பக்க pdf இணைப்பை படித்து அதில் உள்ள குறைகளை விளக்கி பதிலும் இட்டேன். ஆகவே புதிய சிந்தனைகளுக்கு கதவுகள் எப்போதும் திறந்தே இருக்கும். ஆனால் அவை நம்ப கூடியதாக இருக்க வேண்டும். ஆமைகளை பின் பற்றி தமிழர்கள் கொலம்பியா போனார்கள் என்று சொல்லும் போது - அதை யார் சொல்கிறார் என பார்க்க வேண்டும்.  அவர் ஒரு பெளதீகவியல் இளமானி. சரி பரவாயில்லை அடுத்து அவர் இதை ஏதாவது ஆய்வுகள் மூலம் நிறுவியுள்ளாரா என பார்க்கவேண்டும். இல்லை - ஆமைகள் இப்படி போகிறன, இந்த ஊர்களில் எல்லாம் தமிழை நிகர்ந்த ஒலி வரும் ஊர் பெயர்கள் உள்ளன ஆகவே இவை தமிழ் ஊர்கள்தான், தமிழர்கள்தான் அங்கே போனார்கள் என்பதே அவரின் ஆய்வு எனும் போது. என்ன செய்ய முடியும்? நீங்கள் சொன்னது போல் நாளைக்கே 45,000 ஆண்டுகளுக்கு முன் தமிழர் நகரம் கட்டி வாழ்ந்தார்கள் என ஆய்வு வந்தால் அதை ஏற்கலாம். ஆனால் ஒன்று அந்த ஆய்வு யூடியூபில் வராது. ஏதாவது ஒரு பல்கலையில், பல துறைசார் நிபுணர்கள் உழைப்பில்தான் வரும்.
    • கடற்படையினருக்கு ஒரு அங்குலம் நிலத்தை கூட வழங்குவதற்கு ஒட்டுமொத்த தமிழ்மக்களும் தயாரில்லை- கஜேந்திரன் கடற்படையினருக்கு ஒரு அங்குலம் நிலத்தை கூட வழங்குவதற்கு ஒட்டுமொத்த தமிழ்மக்களும் தயாரில்லை என தமிழ்தேசிய மக்கள் முன்னணியின் நாடாளுமன்ற உறுப்பினர் கஜேந்திரன் தெரிவித்தார். இன்று மண்டதீவில் பொதுமக்களின் காணிகளை இராணுவத்தினர் சுவீகரிப்பதற்கான நடவடிக்கைகளை மேற்கொண்டவேளை அதனை கண்டித்து பொதுமக்களும் தமிழ்அரசியல்வாதிகளும் ஆர்ப்பாட்டத்தில் ஈடுபட்டனர். இந்த ஆர்ப்பாட்டத்தில் கலந்துகொண்ட நாடாளுமன்ற உறுப்பினர் கஜேந்திரன் இதனை தெரிவித்தார் அவர் மேலும் தெரிவித்ததாவது 29 குடும்பங்களை சேர்ந்த மக்களும் தங்களின் சொந்த நிலங்களை இழக்க தயாரில்லை. மீண்டும் மீண்டும் மக்களை குழப்பும் விதத்தில் காணி திணைக்களம் நடந்துகொள்கின்றது பிரதேச செயலாளர் இந்த பிரதேசத்தின் நிர்வாகத்திற்கு பொறுப்பானவர் என்ற அடிப்படையில் அவர்களிற்கு இதனை தெரிவிக்கவேண்டும். மீண்டும் மீண்டும் நிலங்களை அளப்பதற்கு அனுப்புகின்றனர் ஆற்றில் ஒடும் நீர் நித்திரையா முழிப்பா என பார்ப்பதற்கு கொள்ளி வைத்து பார்ப்பது போல காணித்திணைக்களம் செயற்படுகின்றது, இது மக்களை குழப்புகின்ற முயற்சி மக்களிற்கு இதில் விருப்பமில்லை என காணித்திணைக்களத்திற்கும் அரசாங்க அதிபருக்கும் பிரதேச செயலாளர் தெரிவிக்கவேண்டும் மக்களை அபிவிருத்தி செய்து முன்னேற்றுவதற்கான ஆக்கபூர்வமான முயற்சிகளை அரசாஙகம் எடுக்கவில்லை,காணிகளை பறிப்பதற்கு மாத்திரம் தான் அலுவல்கள் இடம்பெறுகின்றன காணித்திணைக்களத்திடம் இந்த நோக்கத்தை கைவிடுமாறு பிரதேச செயலாளர் தெரிவிக்கவேண்டும்,வாழ்க்கையில் கடற்படையினருக்கு காணி கொடுப்பதற்கு ஒருபோதும் மக்கள் இணங்கமாட்டார்கள் இந்த மக்களும் தங்கள் காணிகளை விட்டுக்கொடுப்பதற்கு தயாரில்லை என அவர் தெரிவித்தார். Thinakkural.lk  
    • யாரும் சாப்பாட்டு கடை வைத்திருப்பவர்களிடம் கொடுத்தால்  குறைந்த நேரத்தில் அதிக அளவான புட்டு அவிக்கலாமா? என்றாவது பரிசோதனை செய்து பார்ப்பார்கள்  யாருக்கும் பிரியோசனம் இல்லாமல் சும்மா கிடக்கு 
    • புத்தர் சிலை கொண்டுவரப்பட்டு முல்லைத்தீவு குருந்தூர் மலை சிவன் ஆலயப்பகுதியில் தொல்லியல் ஆய்வுகள் ஆரம்பம் முல்லைத்தீவு குருந்தூர் மலை புராதன சிவன் ஆலயப் பகுதியில் இராணுவத்தினரின் ஆதரவுடன் தொல்லியல் திணைக்களம் ஆய்வுகளை ஆரம்பித்துள்ளது தேசிய மரபுரிமைகள் இராஜாங்க அமைச்சர் விதுரவிக்கிரமநாயக்க இதனை ஆரம்பித்து வைத்துள்ளார்.தொல்லியல் திணக்கள அதிகாரிகள் உட்பட படைத்தரப்பினரும் இதில் கலந்துகொண்டுள்ளனர். குருந்தூர் மலைபகுதிக்கு புத்தர்சிலை கொண்டுவரப்பட்டு வழிபாடுகள் இடம்பெற்று அகழ்வாராய்ச்சி நடவடிக்கைகள் ஆரம்பமாகியுள்ளன முல்லைத்தீவு குருந்தூர் மலை புராதன சிவன் ஆலயப் பகுதியை ஆக்கிரமிப்பதற்கு தொல்பொருள் திணைக்களம் முயற்சிகளை மேற்கொண்டுள்ளதாக அச்சம் வெளியிடப்பட்டள்ள நிலையில் இன்றுதமிழ்தேசியமக்கள் முன்னணியினதும் தமிழ்தேசிய கூட்டமைப்பினதும் நாடாளுமன்ற உறுப்பினர்கள் அந்த இடத்தை சென்று பார்வையிட்டனர்   Thinakkural.lk  
    • உழுந்து மஞ்சள் மிளகு எல்லாம் ஊரில் தட்டுபாடாம்.
×
×
  • Create New...

Important Information

By using this site, you agree to our Terms of Use.