• advertisement_alt
  • advertisement_alt
  • advertisement_alt
Sign in to follow this  
கிருபன்

70 வருடங்களை கடந்துவிட்ட நேட்டோ ; அடுத்தது என்ன?

Recommended Posts

70 வருடங்களை கடந்துவிட்ட நேட்டோ ; அடுத்தது என்ன?

 

பெய்ஜிங் ( சின்ஹுவா ) - வட அத்திலாந்திக் ஒப்பந்த நாடுகள் அமைப்பு (North Atlantic Treaty Organisation -- NATO  ) கடந்த வியாழக்கிழமை 70 வருடங்களை நிறைவுசெய்திருக்கிறது. நவீன வரலாற்றில் மிகவும் நீண்டகாலமாக நிலைத்திருக்கும் ஒரு இராணுவ கூட்டணி என்ற வகையில் நேட்டோ சற்று நின்று நிதானமாக அதன் பாதை குறித்து சிந்திப்பதற்கான உகந்த  நேரம் இதுவாகும்.1949 ஆம் ஆண்டில் நேட்டோ அமைக்கப்பட்டபோது  அன்றைய சோவியத் யூனியனுக்கும் அதன் சார்பு நாடுகளுக்கும் எதிரான ஒரு கூட்டு பாதுகாப்பு அமைப்பாக செயற்பட்டது.பனிப்போரின் ( Cold War ) முடிவையடுத்து அது அத்திலாந்திக் சமுத்திரத்துக்கு இரு மருங்கிலும் உள்ள  நாடுகளுக்கிடையிலான இடையிலான ( Transatlantic) ஒரு பாதுகாப்பு கூட்டமைப்பாக தொடருகிறது.

nato.jpg

பல தசாப்தங்களாக நேட்டோ பல்வேறு சவால்களுக்கு (1956 சுயெஸ் கால்வாய் நெருக்கடி தொடர்பாக எழுந்த உள் தகராறுகள் தொடக்கம் 1966 ஆம் ஆண்டில் நேட்டோவின் இராணுவக் கட்டளையில் இருந்து  பிரான்ஸின் வெளியேற்றம் வரை, 1880 களில் மூண்ட ஐரோப்பிய ஏவுகணை நெருக்கடி தொடக்கம் 1990 களில் பொஸ்னியா நெருக்கடி வரை ) பல்வேறு  முகங்கொடுத்திருக்கிறது.

இப்போது, பேர்லின் சுவரின் வீழ்ச்சிக்குப் பிறகு கிட்டத்தட்ட மூன்று தசாப்தங்கள் கடந்துவிட்ட நிலையில் நேட்டோ இன்னமும் சிக்கலில் மாட்டிக்கொண்டிருக்கிறது.உண்மையில், அண்மைய ஹார்வாட் அறிக்கையொன்றில் நேட்டோவுக்கான முன்னாள அமெரிக்கப் பிரதிநிதிகளான டக்ளஸ் லூட்டும் நிக்கலஸ் பேர்ண்ஸும் குறிப்பிட்டதைப் போன்று " இந்த இராணுவக் கூட்டணி அதன் வரலாற்றில் மிகவும் அச்சுறுத்துகின்ற சிக்கலான சவால்கள் பலவற்றை எதிர்நோக்கிக்கொண்டிருக்கிறது." 

இத்தடவை மிகவும் குறிப்பிடத்தக்க சோதனை ஐயுறவு மனப்பான்மைகொண்ட வாஷிங்டனிடமிருந்தே வருகிறது. நேட்டோவுக்காக பெருமளவில் செலவுசெய்துகொண்டிருப்பதால் அமெரிக்கா கடுமையான நெருக்கடிக்குள்ளாகவேண்டியிருக்கிறது என்று கூறிக்கொண்டு தற்போதைய அமெரிக்க நிருவாகம்   ஐரோப்பிய நேச நாடுகள் பாதுகாப்புச் செலவினங்களை கடுமையாக அதிகரிப்பதற்கு நெருக்குதலைக் கொடுக்கும் ஒரு முயற்சியாக அந்த நாடுகளும் சுமையைப் பகிர்ந்துகொள்ளவேண்டும் என்று  உரக்கப்பேசுகின்றது. அமெரிக்காவின் இந்த அணுகுமுறை ஐரோப்பாவை விழிப்படையச்செய்தது." மற்றவர்கள் மீது நிபந்தனையின்றி தங்கியிருக்கக்கூடிய காலம் கடந்துபோய் விட்டது " என்று ஜேர்மன் அதிபர் அஞ்சலா மர்கெல் கூறல் இது தொடர்பில் கூறிய கருத்து கவனிக்கத்தக்கதாகும்

நேட்டோவின் உறுப்பு நாடுகள் மத்தியிலான வேறுபட்ட நலன்களும் இன்னொரு முக்கிய தடையாக இருக்கிறது. ஆரம்பத்தில் 12 நாடுகளைக் கொண்டிருந்த நேட்டோ 29 நாடுகளைக்கொண்டதாக விரிவுபடுத்தப்பட்டது.விரைவில் அதில் மெசடோனியாவும் இணைந்துகொள்ளும் என்று எதிர்பார்க்கப்படுவதால் உறுப்புநாடுகளின் எண்ணிக்கை 30 ஆகலாம்.புவிசார் அரசியல் நிலக்காட்சி விரிவுபட்டுக்கொண்டிருப்பதால் பொதுவான இலக்குகளை நாடுவதும் மிகவும் கஷ்டமானதாகிப்போயிருக்கிறது. நேட்டோவின் கிழக்கு ஐரோப்பிய உறுப்பு நாடுகளைப் பொறுத்தவரை, ரஷ்யாவுக்கு எதிரான தடுப்பு வியூகத்தையே அதியுயர் முன்னுரிமைக்குரியதாக அவை நோக்குகின்ற அதேவேளை,  மற்றைய நாடுகள் தங்களுக்கு பெருமளவுக்கு பிரதிபலனைத் தராத விவகாரங்களில் கணிசமானளவு தேசிய வளங்களை முதலீடு செய்வது அவசியமானது என்று நோக்குவதாக இல்லை. 

சில முக்கிய ஐரோப்பிய நாடுகள் அவற்றின் உள்நாட்டுப் பிரச்சினைகளைச் சமாளிக்கமுடியாமல் தடுமாறிக்கொண்டிருக்கின்றன. இந்த தொந்தரவான சூழ்நிலையில் இருந்தே நேட்டோவுக்கான மூன்றாவது சவால் தோன்றுகின்றது. ஐரோப்பிய ஒன்றியத்தில் இருந்து வெளியேறுவதற்கு நடைமுறைச்சாத்தியமான பாதையொன்றைக் கண்டுபிடிப்பதில் பிரிட்டன் கடும் முயற்சி செய்துகொண்டிருக்கின்ற அதேவேளை,  பிரான்ஸ் இரைச்சல்மிக்க மஞ்சள் அங்கி இயக்கத்தின் வடிவில் வளர்ந்துவரும்  ஜனரஞ்சக அரசியலை முறியடிக்கப் போராடிக்கொண்டிருக்கிறது.இந்த பிரச்சினைகளை எல்லாம் உகந்தமுறையில் நேட்டோ கையாளமுடியும் என்பதற்கான அறிகுறியை இதுவரை காணக்கூடியதாக இல்லை.

தொடக்கத்தில் இருந்ததைப் போன்று நேட்டோ அதன் கவனத்தை ரஷ்யாவை எதிர்ப்பதற்கான வியூகத்தின் மீது திருப்பியிருக்கும் ஒரு அச்சம் தருகின்ற போக்கை காணக்கூடியதாக இருக்கிறது. 

 2014 ஆம் ஆண்டில் கிறிமியாவை ரஷ்யா பலவந்தமாக இணைத்துக்கொண்டபிறகு கிழக்கு ஐரோப்பிய நாடுகளுடனான அமெரிக்காவின் அணிசேருகை தீவிரமடைந்திருக்கிறது.அத்துடன் பெரு வல்லரசுகளுக்கிடையிலான மேலாதிக்க அரசியல்  போட்டி மீண்டும் உக்கிரமடையும் என்று பேசுவதையும் காண்கிறோம்.

ஆனால், மாஸ்கோவின் மிகவும் நெருக்கமான அயல்நாடுகளின் மத்தியில் நேட்டோவின் பிரசன்னம் ஆபத்தான எதிர்நடவடிக்கைகளைத் தூண்டிவிடக்கூடிய சாத்தியத்தைக் கொண்ட ஆத்திரமூட்டும் செயலாகவே நோக்கப்படும். நேட்டோ தனது நோக்கத்துக்கேற்ப எல்லாமே நடக்கும் என்ற நினைப்பில் நகர்வுகளைச் செய்வதாக பலரும் கருதுகிறார்கள்.

கடந்த 500 வருட காலத்தில் உலகில் இருந்த முக்கியமான இராணுவக் கூட்டணிகள் குறித்து ஆராய்ந்த புரூக்கிங்ஸ் அறிக்கையொன்று அவற்றில் 47 கூட்டணிகள் சுக்குநூறாகிப்போனதாக கண்டறிந்திருக்கிறது. நேட்டோ அதன் நீண்ட ஆயுளைக் கொண்டாடுகின்ற அதேவேளை, அதன் நோக்கத்தை மறுமதிப்பீடு செய்வதுடன் முன்னோக்கிய  பாதையையும் தெளிவுபடுத்தவேண்டும்.

பிராந்திய அளவிலோ அல்லது பரந்துபட்டதாக உலக அளவிலோ சமாதானத்தையும் உறுதிப்பாட்டையும் கட்டியெழுப்புவதில் நேட்டோவுக்கு நாட்டமிருந்தால்,  பாதுகாப்பை உறுதிப்படுத்துவது என்ற பெயரில் மற்றைய நாடுகளை ஆத்திரமூட்டவோ அல்லது பிரச்சினைகளின் ஒரு தோற்றுவாயாக மாறவோ கூடாது. பனிப்போர் யுக மரபிலிருந்து தன்னை மாற்றிக்கொண்டு  அபிவிருத்திக்கு ஆதரவான பல்தரப்பு அமைப்பாக நேட்டோ வடிவெடுப்பது நல்லதொரு சிந்தனையாக இருக்கமுடியும்.

( வீரகேசரி இணையத்தள வெளியுலக அரசியல் ஆய்வுக்களம் )

 

http://www.virakesari.lk/article/53403

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • கீழடி பொருட்களை ஆய்வு செய்ய மேலும் 3 வெளிநாட்டு பல்கலைக்கழகங்கள் விருப்பம்..! கீழடி பொருட்களை ஆராய்ச்சி செய்வதற்காக மதுரை காமராஜர் பல்கலைக்கழகத்துடன் ஏற்கனவே ஹார்ட்வேர் பல்கலைக்கழகம் ஒப்பந்தம் செய்திருந்த நிலையில் தற்போது மேலும் மூன்று சர்வதேச பல்கலைக்கழகங்கள் இணைந்து ஆராய்ச்சி செய்ய விருப்பம் தெரிவித்துள்ளதாகவும், கீழடி பொருட்கள் குறித்த ஆய்வுகள் மார்ச் மாதத்திலிருந்து தொடங்கும் எனவும் காமராஜர் பல்கலைக்கழகத்தின் துணைவேந்தர் கிருஷ்ணன் பேட்டியளித்துள்ளார். தமிழக அரசு கீழடி அகழ்வாராய்ச்சியில் கிடைத்த பொருட்களின் வரலாறு குறித்து ஆய்வு செய்வதில் தீவிரமாக செயலாற்றி வருகிறது. மேலும் நாளை (19-02-2020) கீழடியில் 6வது அகழாய்வு பணியையும் தமிழக முதல்வர் தலைமையில் தொடங்கி வைக்கவுள்ளார். இந்நிலையில் தமிழக அரசுடன் மதுரை காமராஜர் பல்கலைக்கழகமும் இணைந்து கீழடி அகழ்வாராய்ச்சியை தீவிரமாக நடத்துவதற்கு திட்டமிட்டுள்ளது. அறிவியல் பூர்வமாக அன்சியண்ட் டிஎன்ஏ (Ancient DNA) ஆராய்ச்சி குறித்து ஹார்வர்ட் பல்கலைக்கழகத்துடன் இணைந்து செயல்பட உள்ள நிலையில், சிகாகோ பல்கலைக்கழகம், பூனே டெகான் பல்கலைக்கழகம் மற்றும் ஆஸ்திரேலியாவில் உள்ள பல்கலைக்கழகமும் மதுரை காமராஜர் பல்கலைக்கழகத்துடன் இணைந்து ஆராய்ச்சியை மேம்படுத்துவதற்காக தயார் நிலையில் இருப்பதாக மதுரை காமராஜர் பலகலைக்கழகத்தின் துணை வேந்தர் கிருஷ்ணன் பேட்டியளித்துள்ளார். கீழடி அகழ்வாராய்ச்சியில் கிடைத்த பொருட்களை வெளிநாடுகளுக்கு எடுத்துச் சென்று பரிசோதனை செய்வதற்கான அனைத்து வழிமுறைகளையும் பின்பற்றுவதற்கான ஏற்பாடுகள் செய்யப்பட்டுள்ளன எனவும் அவர் தெரிவித்தார். மேலும் மானஸா என்ற ஆராய்ச்சியாளர் கீழடியில் கிடைக்கப்பெற்ற அன்சியண்ட் DNA தொல்லியல் பொருளை பூனேவில் உள்ள டெக்கான் ஆராய்ச்சி கூடத்தில் ஆராய்ச்சி செய்து வருவதாகவும், அதனுடைய முடிவுகள் தமிழக அரசுக்கு தெரிவிக்கப்படும் என்றும் கூறினார். மேலும் ரூசா அமைப்பின் சார்பில் ரூ. 34 கோடி மதுரை காமராஜர் பல்கலைக்கழகத்திற்கு வழங்கப்பட்டுள்ளதாகக் கூறிய அவர் ரூ. 2 அல்லது 3 கோடி கீழடி அகழ்வாராய்ச்சிக்காக ஒதுக்க வேண்டும் என்று தமிழக அரசுக்கும் மத்திய அரசுக்கும் மதுரை காமராஜர் பல்கலைக்கழகம் கோரிக்கை விடுத்துள்ளதாக கூறினார். இந்த வருடம் மார்ச் மாதம் இதற்கான நிதி ஒதுக்கப்பட்டு வேலைகள் தொடங்கும் எனவும், அதற்காக 20,000 சதுர அடி கொண்ட பிரத்தியேக கட்டிடம் ஆராய்ச்சிக் கூடமாக செயல்பட தயாராக உள்ளதாகவும் துணை வேந்தர் கிருஷ்ணன் தெரிவித்தார். https://ns7.tv/ta/tamil-news/tamilnadu-important/18/2/2020/three-more-foreign-universities-showed-interest-test?fbclid=IwAR2FzFJprHzbS6Mr98I1cWZKFYQKeT18-RGOUKBShm0MGZ7hELupB9NZZM8
    • எப்படி யோசிக்கிறாங்க… கடவுள் சிவனுக்காக ஒரு சீட் 'ரிசர்வ்' உத்தரப் பிரதேசம் வாரணாசியில் இருந்து 3 ஜோதிர் லிங்கங்களைக் காணும் வசதியுடன் அறிமுகப்படுத்தப்பட்ட காசி மஹாகால் எக்ஸ்பிரஸ் ரயிலில் கடவுள் சிவனுக்காக ஒரு படுக்கையை ரயில்வே துறை ஒதுக்கியுள்ளனர். உத்தரப் பிரதேசம் வாரணாசியில் இருந்து 3 ஜோதிர் லிங்கங்களைக் காணும் வசதியுடன் அறிமுகப்படுத்தப்பட்ட காசி மஹாகால் எக்ஸ்பிரஸ் ரயிலில் கடவுள் சிவனுக்காக ஒரு படுக்கையை ரயில்வே துறை ஒதுக்கியுள்ளனர். பிரதமர் மோடி தனது மக்களவைத் தொகுதியான வாரணாசியில் பல்வேறு வளர்ச்சித்திட்டங்களை தொடங்கிவைத்தார். அதில் வாரணாசியில் இருந்து மத்தியப்பிரதேசம் இந்தூர் வரை செல்லும் மஹாகால் எக்ஸ்பிரஸ் ரயிலை பிரதமர் மோடி கொடியசைத்துத் தொடங்கி வைத்தார். இந்த ரயில்  இந்தூர் அருகே இருக்கும் ஓம்கரேஸ்வர், உஜ்ஜைனில் உள்ள மகாகாலேஸ்வர், வாரணாசியில் உள்ள காசி விஸ்வநாதர் ஆகிய 3 ஜோதிர் லிங்க தரிசனங்களை இணைக்கும் வகையில் அறிமுகப்படுத்தப்பட்டுள்ளது. இந்த ரயிலில் பி-5 எனும் பெட்டியில் படுக்கை 64-ம் எண்ணைக் கடவுள் சிவனுக்காக முன்பதிவு செய்துள்ளனர். அந்த இருக்கையில் யாரும் அமராமல் அந்த இருக்கையைச் சிறிய கோயிலாகவும் உருவாக்கியுள்ளனர். இதுகுறித்து வடக்கு ரயில்வே செய்தித் தொடர்பாளர் தீபக் குமார்  கூறுகையில், "வாரணாசியில் இருந்து இந்தூர் வரை செல்லும் மஹாகால் எக்ஸ்பிரஸ் ரயிலில் பி-5 பெட்டியில் 64-ம் எண் படுக்கையைக் கடவுள் சிவனுக்காக முன்பதிவு செய்துள்ளோம். அந்த இருக்கையில் யாரும் அமரமாட்டார்கள். முதல் முறையாக ரயிலில் சிறிய கோயில் உருவாக்கப்பட்டுள்ளது. இந்த இருக்கை கடவுள் சிவனுக்காக உருவாக்கப்பட்டது என்பதைப் பயணிகள் உணர வேண்டும்" எனத் தெரிவித்தார். https://tamil.asianetnews.com/india/seat-reserved-for-lord-siva--q5w1bz
    • ஆனால், அன்று எம்மவர்கள் படுகொலைகளை நிறுத்த ஒரு பெருந்தெருவை மறித்த பொழுது, சட்டம் வேகமாக பலமாக பாய்ந்தது.
    • இலங்கையில் மீண்டும் கை கோர்த்த மஹிந்த - மைத்திரி: சஜித் - ரணில் தரப்பு தொடர்ந்து இழுபறி படத்தின் காப்புரிமை Getty Images ஸ்ரீலங்கா பொதுஜன பெரமுன மற்றும் ஸ்ரீலங்கா சுதந்திர கட்சி ஆகியன இணைந்து கூட்டணியொன்றை ஆரம்பிக்க தீர்மானித்துள்ளன. ஸ்ரீலங்கா சுதந்திர பொதுஜன கூட்டமைப்பு என்ற பெயரில் இந்த கூட்டணியை பதிவு செய்வதற்கான ஆவணங்கள் தேர்தல்கள் ஆணைக்குழுவிடம் இன்று சமர்ப்பிக்கப்பட்டுள்ளன. இந்த கூட்டமைப்பின் தலைவராக பிரதமர் மஹிந்த ராஜபக்ஷவும், தவிசாளராக முன்னாள் ஜனாதிபதி மைத்திரிபால சிறிசேனவும் நியமிக்கப்பட்டுள்ளனர். முன்னாள் அமைச்சர் பஷில் ராஜபக்ஷ இந்த புதிய கூட்டமைப்பின் செயலாளராக நியமிக்கப்பட்டுள்ளார். இராஜாங்க அமைச்சர் தயாசிறி ஜயசேகர மற்றும் அமைச்சர் விமல் வீரவன்ச ஆகியோர் இந்த கூட்டமைப்பின் தேசிய அமைப்பாளர்களாக நியமிக்கப்பட்டுள்ளனர். ஸ்ரீலங்கா சுதந்திர பொதுஜன கூட்டமைப்பின் சின்னமாக ஸ்ரீலங்கா பொதுஜன பெரமுனவின் சின்னமான தாமரை மொட்டு தெரிவு செய்யப்பட்டுள்ளது. ஸ்ரீலங்கா சுதந்தர பொதுஜன கூட்டமைப்பை பதிவு செய்வதற்கான ஆவணங்கள் தேர்தல்கள் ஆணைக்குழுவிடம் இன்று சமர்ப்பிக்கப்பட்டுள்ளன. இந்த கூட்டமைப்பில் 9 கட்சிகள் இடம்பிடித்துள்ளதாக ஸ்ரீலங்கா சுதந்திர கட்சியின் பொதுச் செயலாளர் தயாசிறி ஜயசேகர தெரிவித்தார்.   படத்தின் காப்புரிமை Sajith/ Twitter ஐக்கிய தேசியக் கட்சியின் நிலைப்பாடு எதிர்வரும் நாடாளுமன்றத் தேர்தலில் ஐக்கிய தேசியக் கட்சி எந்த சின்னத்தில் போட்டியிடுவது என்பது தொடர்பில் இதுவரை தீர்மானம் எட்டப்படவில்லை என அந்த கட்சியின் உறுப்பினர்கள் தெரிவிக்கின்றனர். யானை அல்லது அன்னம் சின்னத்தின் கீழ் எதிர்வரும் தேர்தலில் போட்டியிட தாம் கலந்துரையாடி வருவதாக ஐக்கிய தேசியக் கட்சியின் உறுப்பினர்கள் குறிப்பிடுகின்றனர். ஐக்கிய தேசியக் கட்சியின் தலைவராக ரணில் விக்ரமசிங்கவும், ஐக்கிய தேசியக் கட்சி தலைமையில் உருவாக்கப்படவுள்ள புதிய கூட்டமைப்பின் தலைவராக சஜித் பிரேமதாஸவும் செயற்பட கடந்த சில வாரங்களுக்கு முன்னர் தீர்மானிக்கப்பட்டது. இந்த நிலையில், ஐக்கிய தேசியக் கட்சியின் சின்னமான யானை சின்னத்தின் கீழ் போட்டியிட ஐக்கிய தேசியக் கட்சியின் சிலர் எதிர்ப்பை வெளியிட்டு வருகின்றனர். இந்த நிலையிலேயே ஐக்கிய தேசியக் கட்சி எதிர்வரும் தேர்தலில் எந்த சின்னத்தில் போட்டியிடுவது என்பது தொடர்பில் சர்ச்சை நிலவி வருகின்றது. எவ்வாறாயினும், இந்த சர்ச்சைக்கு எதிர்வரும் புதன்கிழமைக்குள் தீர்வொன்றை பெற்றுக்கொடுக்க தாம் எதிர்பார்த்துள்ளதாக ஐக்கிய தேசியக் கட்சியின் பொதுச் செயலாளர் அகில விராஜ் காரியவசம் தெரிவிக்கிறார். இதேவேளை, எதிர்வரும் தேர்தலில் இதயம் சின்னத்தில் போட்டியிட ஐக்கிய தேசியக் கட்சியின் ஒரு தரப்பினர் முயற்சித்து வருகின்றனர். எனினும், அந்த சின்னத்திற்கு மற்றுமொரு கட்சி உரிமை கோரியுள்ளது. தேசப்பற்றுள்ள ஐக்கிய தேசியக் கட்சியே இதயம் சின்னத்திற்கான உரிமையை கோரியுள்ளது. இதனால் ஐக்கிய தேசியக் கட்சி எந்த சின்னத்தில் எதிர்வரும் தேர்தலில் போட்டியிடுவது என்பது தொடர்பில் தொடர்ந்தும் சர்ச்சை நிலவி வருகின்றது. https://www.bbc.com/tamil/sri-lanka-51542383