யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
nunavilan

சத்குமாரவின் கைதும் தமிழர்களின் சுயநிர்ணய உரிமையும்- பொல்காவல நீதிமன்றத்தின் தீர்ப்பு எவ்வாறு அமையும்?

Recommended Posts

இலங்கையில் நீதித்துறையின் பாகுபாடு

சத்குமாரவின் கைதும் தமிழர்களின் சுயநிர்ணய உரிமையும்- பொல்காவல நீதிமன்றத்தின் தீர்ப்பு எவ்வாறு அமையும்?

கைதானால் தமிழர்களுக்குப் பயங்கரவாதத் தடைச் சட்டமும் சிங்களவர்களுக்கு வேறு சட்டமும்
 
main photo
  •  
இலங்கையில் தேரவாத பௌத்த சமயத்தை (Theravada Buddhist) மையப்படுத்திய பிக்குமார் சிலரின் ஒருபால் சேர்க்கை (Homosexuality) தொடர்பாக சிங்கள மொழியில் களு மக்கற (Black Dragon) என்ற சிறுகதையை எழுதிய சக்திக சத்குமார என்ற சிங்கள இளைஞன், குருநாகல் மாவட்ட பொல்காவல நீதிமன்றத்தில் முன்னிலைப்படுத்தப்பட்டு தடுப்புக் காவில் வைக்கப்பட்டுள்ளார். இலங்கையின் 2007 ஆண்டு 56 ஆம் இலக்கச் சட்டத்தின் பிரகாரம் இலங்கை நாடாளுமன்றத்தால் அங்கீகரிக்கப்பட்ட சிவில் மற்றும் அரசியல் உரிமைகளுக்கான சர்வதேசச் சமவாயத்தின் பிரிவு மூன்றின் கீழ் (International Covenant on Civil and Political Rights) (ICCPR) கைது செய்யப்பட்டே முப்பத்தி மூன்று வயதான சக்திக சத்குமார நீதிமன்ற உத்தரவில் தடுத்து வைக்கப்பட்டுள்ளார். 
 
இலங்கைப் பொலிஸார் அவரிடம் விசாரணை நடத்துகின்றனர். விகாரை ஒன்றுக்குள் வைத்து பௌத்த குருமார் சிலர் சிறுவர் இளைஞர்களுடன் ஓருபால் சேர்க்கையில் ஈடுபடுவது தொடர்பாகவே சக்திக சத்குமாரவின் களுமக்கற ('Kalu Makara') (Black Dragon) என்ற சிறுகதை சித்தரிக்கின்றது.

 

 

பௌத்த சமயத்திற்கும் இலங்கை அரச கட்டமைக்குக்கும் எதிராக கருத்து வெளியிட்டால், ஏதாவது எழுதினால் ஒருவரைக் கைது செய்வற்கான ஏற்பாடுகளை மாத்திரமே ஐக்கிய நாடுகள் சபையின் சிவில் மற்றும் அரசியல் உரிமைக்கான சர்வதேசச் சமவாயத்தின் உறுப்புரை 20 இல் கூறப்பட்டுள்ள பகுதியை இலங்கை ஒற்றையாட்சி அரசு ஏற்றுள்ளது.

 

இந்தச் சிறுகதையினால் அதிருப்தியும் ஆத்திரமுமடைந்த ஜாதிக ஹெல உறுமய உள்ளிட்ட பௌத்த அமைப்புகள், சக்திக சத்குமார சமூக அபிவிருத்தி உத்தியோகத்தராகப் பணியாற்றிய நிக்கரவெட்டிய பிரதேச செயலாளர், குருநாகல் மாவட்டச் செயலாளர் ஆகியோரிடம் முறையிட்டன.

ஆனாலும் நடவடிக்கை எதுவுமே எடுக்கப்படவில்லை. இதனால் பொல்காவல பொலிஸ் நிலையத்தில் முறையிட்டனர். அதனையடுத்து சக்திக சத்குமார தனது சட்டத்தரணி பி.டபிள்யு.டபிள்யு ரட்னாயக்கேயுடன் பொலிஸ் நிலையத்திற்குச் சென்றிருந்தார்.

அங்கு விசாரணையின் பின்னர் கைது செய்யப்பட்டு ஏப்பிரல் முதலாம் திகதி பொல்காவல நீதிமன்றத்தில் முன்னிலைப்படுத்தப்பட்டு, சிவில் மற்றும் அரசியல் உரிமைகளுக்கான சர்வதேசச் சமவாயத்தின் பிரிவு முன்றின் கீழ் விசாரணை இடம்பெறுகின்றது.

2007 ஆண்டு 56 ஆம் இலக்கச் சட்டத்தின் பிரகாரம் இலங்கை நாடாளுமன்றத்தால் அங்கீரிக்கப்பட்ட சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) பிரிவு 3 (1) இன்படி இனக் குரோதங்களைத் தூண்டுதல் மதங்களிடையே வெறுப்பை உருவாக்குதல், மனித குலத்திற்கு எதிரான குற்றங்களைத் தூண்டுதல், என்ற உறுப்புரைகள் உள்ளன.

ஐக்கிய நாடுகள் சபையின் சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) உண்மையான அடிப்படைக் கோட்பாடுகள், இலங்கை ஒற்றையாட்சி அரசின் நாடாளுமன்றத்தால் அங்கீகரிக்கப்பட்ட 56 ஆம் இலக்கச் சட்டத்தின் பிரகாரம் முழுமையாக உள்ளடக்கப்படவில்லை எனவும் சமவாயத்தில் (ICCPR) கூறப்பட்டுள்ள தமக்கு உரியதான சில உறுப்புரிமைகள் மாத்திரமே அங்கீகரிக்கப்பட்டுள்ளதாகவும் சட்டத்தரணி காண்டீபன் கூர்மைச் செய்தித் தளத்திற்குத் தெரிவித்தார்.

இனக் குரோதங்களைத் தூண்டுதல் மதங்களிடையே வெறுப்புகளை உருவாக்குதல் மனித குலத்திற்கு எதிரான குற்றங்களைத் தூண்டுதல் போன்றவற்றுடன் தேசிய பாதுகாப்புக்கு எதிரான விடயங்களும் இலங்கையின் பயங்கரவாதத் தடைச் சட்டத்தில் உள்ள பிரிவு 14 2/இல் கூறப்பட்டுள்ளது.

ஆகவே இந்த உறுப்புரைகளுடன் சேர்த்து சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) பிரிவு மூன்றும் இலங்கையில் ஒருவருடைய கருத்துச் சுதந்திரத்தை நசுக்குவதாகவே அமைந்துள்ளதாக அரசியல் விமர்சகர்கள் கூறுகின்றனர்.

இதேவேளை, சிவில் மற்றும் சிவில் மற்றும் சர்வதேசச் சமவாயத்தின் (ICCPR) பிரகாரம் சத்திக சத்குமாரவை நீதிமன்றம் தடுத்து வைக்க முடியாதென அவரது சட்டத்தரணி ரட்னாயக்கே கூறியுள்ளார்.

 

ஊடகத்துறை சார்ந்த பிரசுரங்கள், வெளியீடுகள், தொடர்பான விடயங்களில் தமிழர்கள் கைது செய்யப்படும்போது பயங்கரவாதத் தடைச் சட்டத்தின் கீழும், சிங்களவா்கள் கைது செய்யப்படும்போது சிவில் மற்றும் சர்வதேசச் சமவாயத்தின் படியும் கைது செய்யப்படுவதாகவும் இது புதிய முறையிலான இனரீதியான பாகுபாடு எனவும் அவதானிகள் சுட்டிக்காட்டியுள்ளனர்.

 

இலங்கைக் குற்றவியல் தண்டனைச் சட்டக் கோவையின் கீழ் (Penal Code) உள்ள பிரிவு 292 இன் படியும் சக்திக சத்குமாரவுக்கு எதிராக குற்றம் சுமத்த முடியாதெனவும் சட்டத்தரணி ரட்னாயக்கே தெரிவித்துள்ளார்.

ஒருபால் சேர்க்கை தொடர்பாக சிறுகதை எழுதியமை அவருடைய கருத்துச் சுதந்திரம். அது மத நல்லிணக்கத்தை அல்லது மதங்களுக்கிடையேயான வெறுப்பை உருவாக்கவில்லை என்றும் சட்டத்தரணி ரட்னாயக்கே தெரிவித்துள்ளார்.

இதேவேளை கொழும்பில் இருந்து வெளிவரும் வார இதழில் ஒன்றில் புலிகளின் மூத்த தளபதி உயிர்நீத்த பிரிகேடியர் பால்ராஜ் தொடர்பாக கட்டுரை எழுதியவரின் பெயர் விபரங்களை, பயங்கரவாதத் தடைச் சட்டத்தில் உள்ள பிரிவு 14- 2/ இன் பிரகாரம் குறித்த வார இதழ் ஆசிரியரிடம் இலங்கைப் பயங்கரவாதத் தடுப்புப் பிரிவு கோரியிருந்தது.

ஆசிரியர் விபரங்களை வழங்க மறுத்ததால் இலங்கைப் பயங்கரவாதத் தடுப்புப் பிரிவினர் யாழ் பிரதான நீதவான் நீதிமன்றத்தில் பி (B) அறிக்கை ஒன்றைத் தாக்கல் செய்திருந்தனர்.

ஆனாலும் விசாரணையின்போது, இலங்கை நாடாளுமன்றதால் 2007 ஆம் ஆண்டு 56 ஆம் இலக்கச் சட்டத்தின் கீழ் ஏற்றுக்கொள்ளப்பட்ட சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) படி எழுத்துச் சுதந்திரம் குறித்த உரிமைகளை யாழ் நீதிமன்றம் எடுத்துக் காண்பித்து, பி (B) அறிக்கையை கடந்த ஐந்தாம் திகதி தள்ளுபடி செய்திருந்தது.

அத்துடன் இலங்கை ஒற்றை ஆட்சி அரசின் அரசியல் யாப்பில் உள்ள உறுப்புரை 14 இல் கூறப்பட்டுள்ள கருத்துச் சுதந்திரத்தின் (Freedom of Expression) அடிப்படையில் எழுதுவதற்கான உரிமை உண்டு என்பதை யாழ் பிரதான நீதவான் நீதிமன்றம் இலங்கைப் பயங்கரவாத தடுப்புப் பிரிவுக்கு அறிவித்துமுள்ளது.

1973 ஆம் ஆண்டு இலங்கைப் பத்திரிகைப் பேரவையின் ஐந்தாம் இலக்கச் சட்டத்தின் கீழான 14-10-1981 அன்று வெளியிடப்பட்ட இலங்கை ஒற்றையாட்சி அரச வர்த்தமானி இதழின் இலக்கம் 162- 5/A பிரிவு நான்கில் கூறப்பட்டுள்ள தகவலைப் பாதுகாத்தல், இரகசியம் பேணுதல், உள்ளிட்ட விடயங்கள், குறிப்பாக கட்டுரை அல்லது செய்தியை எழுதியவர் தகவல் மூலத்தை வெளியிட மறுத்தால் அதனைக் கோர முடியாது என்று குறித்த வர்த்தமானி இதழில் கூறப்பட்டுள்ளதையும் நீதிமன்றம் சுட்டிக்காட்டியிருந்தது.

கருத்துக்களை வெளியிடும் சுதந்திரம், (Freedom of Expression) சுயநிர்ணய உரிமை, சிவில் உரிமை ஆகிய விடயங்கள் இலங்கை நாடாளுமன்றதால் அங்கீகரிக்கப்பட்ட சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) நீக்கம் செய்யப்பட்டுள்ள நிலையிலும் யாழ் நீதிமன்றம் ஐக்கிய நாடுகள் சபையின் அந்தச் சட்டத்தில் உள்ள முழுமையான அடிப்படை விடயங்களையும் எடுத்துக் காண்பித்து அந்த பி அறிக்கையை தள்ளுபடி செய்திருந்தது.

இந்த நிலையில் சத்திக சத்குமார மீது பௌத்த பிக்குமார் சுமத்தியுள்ள குற்றச்சாட்டுக்கள் எந்த அடிப்படையிலானதென்று அரசியல் அவதானிகள் கேள்வி எழுப்பியுள்ளனர்.

அதேவேளை, ஊடகத்துறை சார்ந்த பிரசுரங்கள், வெளியீடுகள், தொடர்பான விடயங்களில் தமிழர்கள் கைது செய்யப்படும்போது பயங்கரவாதத் தடைச் சட்டத்தின் கீழும், சிங்களவா்கள் கைது செய்யப்படும்போது சிவில் மற்றும் சர்வதேசச் சமவாயச் சட்டத்தின் படியும் கைது செய்யப்படுவதாகவும் இது புதிய முறையிலான இனரீதியான பாகுபாடெனவும் அவதானிகள் சுட்டிக்காட்டியுள்ளனர்.

பயங்கரவாதத் தடைச்சட்டத் பிரிவு 14-/2 இன்கீழ் கைது செய்யப்படும் போது இலங்கைத் தேசிய பாதுகாப்புக்கு அச்சுறுத்தல் என்ற விடயம் தமிழர்கள் மீது முன்வைக்கப்படுவதாகவும் கூறுகின்றனர்.

இதேவேளை, 2007 ஆம் ஆண்டு இலங்கை அரசாங்கம் ஒப்புக்கொண்டு கையொப்பமிட்ட ஐக்கிய நாடுகள் சபையின் சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) அடிப்படைக் கோட்பாடுகள், எதுவுமே இலங்கை நாடாளுமன்றத்தினால் அங்கீகரிக்கப்படாமல் நீக்கம் செய்யப்பட்டுள்ளமை தொடர்பாக ஜெனீவா மனித உரிமைச் சபையின் ஆணையாளர் இதுவரை ஏன் கேள்வி எழுப்பவில்லை. அல்லது தமிழ்த்தரப்பு இதுவரை ஏன் எடுத்துக் கூறவில்லையென்று அரசியல் விமர்சகர்கள் கேள்வி எழுப்பியுள்ளனர்.

எனினும் இந்த விடயம் குறித்து இலங்கை நாடாளுமன்ற உறுப்பினர் சுமந்திரன் 2010 ஆம் ஆண்டு நாடாளுமன்றத்தில் கேள்வி எழுப்பியிருந்தார். ஆனால் கேள்வி எழுப்பியதுடன் அந்த விவகாரம் நின்று விட்டது.

சிவில் மற்றும் சர்வதேசச் சமவாயச் சட்டத்தின் பிரகாரம் (ICCPR) இனம் ஒன்றின் சுயநிர்ணய உரிமையை அங்கீகரித்தல், சிவில் சமூக உரிமைகளுக்கு இடமளித்தல், தன்னுடைய அரசியல் உரிமைகளை தானே தீர்மானிக்கும் உரிமை உள்ளிட்ட பல விடயங்கள் உள்ளடங்கியுள்ளன.

ஆனால், ஐக்கிய நாடுகள் சபையின் சிவில் மற்றும் அரசியல் உரிமைக்கான சர்வதேசச் சமவாயத்தின் (ICCPR) உறுப்புரை 20இல் கூறப்பட்டுள்ள பகுதி உள்ளிட்ட குறிப்பிட்ட சில விடயங்களை மாத்திரமே இலங்கை அரசாங்கம் ஏற்றுள்ளது.

ஏனெனில் பௌத்த சமயத்திற்கும் இலங்கை அரச கட்டமைக்குக்கும் எதிராக கருத்து வெளியிட்டால், ஏதாவது எழுதினால் அவரைக் கைது செய்வதே அதன் நோக்கமாகும்.

அதேவேளை, அந்தச் சமவாயத்தில் கூறப்பட்டுள்ள சுயநிர்ணய உரிமை என்பதைப் பயன்படுத்தி தமிழர்கள் வடக்கு- கிழக்கு இணைந்த சுயாட்சியைக் கோரிவிடுவார்கள் என்ற அச்சத்தினாலேயே சிவில் மற்றும் அரசியல் உரிமைகளுக்கான சர்வதேசச் சமவாயத்தின் (ICCPR) முக்கியமான பகுதிகளை இலங்கை அரசாங்கம் நீக்கியிருக்க வேண்டுமென சட்டத்தரணி காண்டீபன் சந்தேகம் வெளியிட்டார்.

எனவே ஐக்கிய நாடுகள் சபை தமிழ் மக்களை ஏமாற்றியுள்ளதா அல்லது இலங்கை அரசாங்கம் ஐக்கிய நாடுகள் சபையை ஏமாற்றியுள்ளதா என்பது இங்கு பகிரங்கமான கேள்வியாகும்.

பிக்குமாரின் ஓருபால் சேர்க்கைகள் பற்றிய சிறுகதையை எழுதிய சக்திக சத்குமார இலங்கையில் ஐந்து தேசிய விருதுகளைப் பெற்றவர். பல நூல்களையும் எழுதியுள்ளார்.

1986 ஆம் ஆண்டு மார்ச் மாதம் 24 ஆம் திகதி குருநாகல் வரக்காப்பொல பிரதேசத்தில் பிறந்த சக்திக சத்குமார, இரண்டு பிள்ளைகளின் தந்தை என்பது குறிப்பிடத்தக்கது.

https://www.koormai.com/pathivu.html?vakai=4&therivu=885&fbclid=IwAR3vTzPOwgJa6YhRtQvMWRKe8QT0pIX22bX9rR1LYjymJ5ea8JlK4PU1nnU

Share this post


Link to post
Share on other sites

சின்ன பெடியளை  மொட்டை போட்டு கொண்டு வந்து பிக்குகள் ஆக இந்த விகாரைகளில் ஊர்சனம் விடடால், அந்த அப்பாவிகளை துஸ்பிரயோகம் செய்வது உண்மையா, பொய்யா? 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • அதுவல்ல காரணம்; அவர்களுக்கு இதை விட்டால் வேறு வழியில்லை என்பதே
    • இலங்கையில் இந்து அடையாளங்களை அழிக்கும் முயற்சி நடக்கிறது: குற்றஞ்சாட்டும் தமிழர்கள் இலங்கையின் சில பகுதிகளிலுள்ள இந்து ஆலயங்களை பௌத்த மயமாக்கும் திட்டங்கள் மேற்கொள்ளப்பட்டு வருவதாக தமிழர்கள் குற்றஞ்சுமத்தியுள்ளனர். இந்து ஆலயங்கள் மற்றும் இந்து வரலாற்றை கொண்ட சில பகுதிகளில் பௌத்த பிக்குகளினால் மேற்கொள்ளப்பட்ட சில அசம்பாவித சம்பவங்களை அடுத்து தமிழர்கள் இந்த குற்றச்சாட்டை முன்வைக்கின்றனர். முல்லைத்தீவு - நீராவியடிப் பிள்ளையார் ஆலயத்திலுள்ள நந்தி கொடிகள் சேதமாக்கப்பட்டது, திருகோணமலை கன்னியா வெந்நீரூற்று கிணறுகளை பௌத்த மயமாக்கல், கண்ணியாவின் விகாரையொன்றை அமைப்பதற்கான முயற்சிகள் மற்றும் நுவரெலியா - கோட்லோஜ் பகுதியிலுள்ள ஆலயமொன்றில் பௌத்த கொடியொன்றை பிக்குவொருவர் வலுக்கட்டாயமாக ஏற்றியது உள்ளிட்ட பல சம்பவங்கள் கடந்த சில தினங்களுக்குள் இடம்பெற்றுள்ளன. https://www.bbc.com/tamil/sri-lanka-49042532  
    • ஜனாதிபதியுடனான சந்திப்பில் ஏன் கலந்து கொள்ளவில்லை? - சுமந்திரன் விளக்கம் ஜனாதிபதி மைத்திரிபால சிறிசேனவுடனான சந்திப்புக்கு தமிழ்த் தேசியக் கூட்டமைப்பின் தலைவர் இரா.சம்பந்தனுக்கு எந்தவொரு தரப்பினரிடமிருந்தும் அழைப்பு கிடைக்கவில்லை. இதன் காரணமாகவே ஜனாதிபதியுடனான சந்திப்பில் கலந்துகொள்ளவில்லை என்று தமிழ்த் தேசியக் கூட்டமைப்பின் நாடாளுமன்ற உறுப்பினரும் அந்தக் கட்சியின் பேச்சாளருமான எம்.ஏ.சுமந்திரன் தெரிவித்தார். கன்னியா விவகாரம் உள்ளிட்ட பல்வேறு பிரச்சினைகள் தொடர்பில் ஜனாதிபதி மைத்திரிபால சிறிசேனவுடன் நேற்றுக் கலந்துரையாடுவதற்கு ஏற்பாடு செய்யப்பட்டது. தேசிய ஒருமைப்பாடு, அரசகரும மொழிகள், சமூக மேம்பாடு மற்றும் இந்து சமய அலுவல்கள் அமைச்சர் மனோ கணேசன் இந்தச் சந்திப்புக்கான ஏற்பாட்டைச் செய்திருந்தார். இந்தச் சந்திப்பில் பங்கேற்குமாறு அமைச்சர் மனோ கணேசன் தமிழ் நாடாளுமன்ற உறுப்பினர்களுக்கு அழைப்பு விடுத்திருந்ததாக தெரிவித்திருந்தார். ஆனால், நேற்று நடைபெற்ற சந்திப்பில் தமிழ்த் தேசியக் கூட்டமைப்பின் நாடாளுமன்ற உறுப்பினர்கள் பங்கேற்றிருக்கவில்லை. கூட்டமைப்பினர் பங்கேற்காமை தொடர்பில் அந்தக் கட்சியின் ஊடகப் பேச்சாளர் எம்.ஏ.சுமந்திரன் இவ்வாறு தெரிவித்தார். “அமைச்சர் மனோ கணேசன் நேற்றுமுன்தினம் இரவு ஜனாதிபதியுடனான சந்திப்பு பற்றிக் கூறினார். ஜனாதிபதியுடன் யார் சந்திப்பை ஒழுங்குபடுத்தினாலும், சந்திப்புக்கான அழைப்பு ஜனாதிபதி செயலகத்தால் நாடாளுமன்ற உறுப்பினர்கள் ஒவ்வொருவருக்கும் விடுக்கப்படும். இந்தச் சந்திப்புக்கான அழைப்பு ஜனாதிபதி செயலகத்தாலோ, ஜனாதிபதியிடமிருந்தோ கிடைக்கவில்லை. கிண்ணியா விவகாரம் தொடர்பில் பேசப்பட இருந்ததால், அந்த மாவட்டத்தைப் பிரதிநிதித்துவப்படுத்தும் எமது கட்சியின் தலைவரும் நாடாளுமன்ற உறுப்பினருமான இரா.சம்பந்தன் கலந்துகொள்ள வேண்டும். அவரைத் தொடர்புகொண்டு, கூட்டத்துக்கான அழைப்பு கிடைத்ததா என்று கேட்டேன். எந்தவொரு தரப்பினரிடமிருந்தும் தனக்கு அழைப்புக் கிடைக்கவில்லை என்று அவர் கூறினார். மேலும், ஜனாதிபதியை இந்த விவகாரங்கள் தொடர்பில் தனியாகச் சந்தித்துப் பேசுவதற்கு நாங்கள் கோரியிருந்தோம். எனவே, அவரை நேரில் சந்தித்துப் பேச்சு நடத்துவோம். http://thinakkural.lk/article/31976
    • நாட்டில் மத சுதந்திரத்தை நிலைநிறுத்துவதற்கும், அதனை மேம்படுத்துவத்றகும் அரசாங்கம் உறுதிக்கொண்டுள்ளதாக  அமெரிக்காவிற்கான இலங்கைத் தூதுவர் ரொட்னி பெரேரா தெரிவித்திருக்கிறார். அமெரிக்க இராஜாங்கத் திணைக்களத்தினால் வோஷிங்டனில் ஏற்பாடு செய்யப்பட்டிருந்த மத சுதந்திரத்தை மேம்படுத்துவதற்கான அமைச்சர்களுக்கான இரண்டாவது கூட்டத்தில் கலந்துகொண்டு உரையாற்றிய போதே தூதுவர் ரொட்னி பெரேரா இவ்வாறு கூறியிருக்கிறார்.  அத்தோடு இலங்கைக்கு வழங்கும் ஆதரவு மற்றும் இலங்கை மக்களுடனான ஒருமைப்பாடு என்பவற்றுக்காகத் தனது நன்றியையும் அங்கு வெளிப்படுத்தினார் என்று வெளிவிவகார அமைச்சு வெளியிட்ட அறிக்கையில் குறிப்பிடப்பட்டுள்ளது. https://www.virakesari.lk/article/60780
    • ஒரு இனத்தின் வரலாற்றுச் சான்றுகளையும் அதன் பூர்வீகத்தையும் அழித்தல் என்பது அந்த இனத்தின் இருப்பை அழித்தலாகும் என தமிழர் மரபுரிமை பேரவை தெரிவித்துள்ளது. கன்னியா பிள்ளையார் ஆலயம் தொடர்பாக தமிழர் மரபுரிமைப் பேரவை அறிக்கை ஒன்றினை வெளியிட்டுள்ளது. இன்றையதினம்(19) குறித்த அறிக்கை வெளியிடப்பட்டுள்ளது. அந்த அறிக்கையிலேயே மேற்கண்டவாறு தெரிவிக்கப்பட்டுள்ளது .   கடந்த 16.07.2019 அன்று தென்கயிலை ஆதினத்தால் கன்னியா பிள்ளையார் கோயிலை மையப்படுத்தி அங்கு சென்று சமய வழிபாடுகள் செய்யும் நோக்குடனும் கன்னியா தமிழரின் பூர்வீகம் என்பதை அடையாளப்படுத்தும் நடவடிக்கையாகவும் வடக்கு கிழக்கு தழுவிய கவனயீர்ப்பு போராட்டமொன்று ஒழுங்குப்படுத்தப்பட்டிருந்தது. அந்த கவனயீர்ப்புக்குச் சென்ற பல பேர் குறிப்பாக  வெளியிடங்களிலிருந்து சென்றவர்கள் இராணுவ, பொலிஸார் சோதனைச் சாவடிகளைக் கடந்து மிரட்டல்களுக்கும் இராணுவ கண்காணிப்புகளுக்கும் மத்தியில் சென்றடைந்ததையும் களத்தில் நடந்த சம்பவங்களையும் பதிவு செய்வது காலத்தின் கட்டாயமாகும். பல நூற்றாண்டுகளாக சைவ சமயத்தோரும் அதன் இதிகாச வரலாற்றோடும் தொடர்புடைய கன்னியா வெந்நீரூற்றையும் அதை அண்டி இருந்த கன்னியா பிள்ளையார் கோவிலையும் தொல்லியல் திணைக்களம் அபகரித்ததை யாவரும் அறிந்தது.     கன்னியா வெந்நீரூற்றுக்கு அருகில் பௌத்த விகாரையின் வரலாறு ஒரு தசாப்ததிற்குட்பட்டது. தமிழரின் பூர்வீகம் அதன் வரலாறு வரலாற்றில் திரிவுபடுத்தப்படுகின்றது. சிங்கள பௌத்த மையம் கூர்ந்து இதனூடு சிங்கள பௌத்த தேசியம் தன்னை ஒரு பூர்வீக தூய்மையான கலப்பற்ற இனமாக சித்தரிக்க முற்படுகின்றது. இவ் அரசியல் நிகழ்ச்சி ஏனைய இனங்களின் பூர்வீகத்தையும் அதன் வரலாற்றையும் கேள்விக்குட்படுத்தி மாற்றியமைக்க முற்படுகின்றது. ஒரு இனத்தின் வரலாற்றுச் சான்றுகளையும் அதன் பூர்வீகத்தையும் அழித்தல் என்பது அந்த இனத்தின் இருப்பை அழித்தலாகும்.  கன்னியாவின் பூர்வீகம் தமிழின இருப்பின் பூர்வீகம். பிள்ளையார் கோவிலில் வழிபாடு செய்யச் சென்ற சமயக் குருக்களையும் பக்தர்களையும் பொலிஸார் தடை செய்தது என்பது ஒரு சமயத்திற்குரிய வழிபடுகின்ற உரிமையை மறுத்தலாகும். நீதிமன்ற தடையுத்தரவு கண்பிக்கப்பட்டு அம்முயற்சி தடை செய்யப்பட்டபோது மக்கள் தங்கள் எதிர்ப்பை மிக அமைதியான முறையில் காட்ட முற்பட்ட போது இராணுவத்தினர் விசேட  அதிரடிப்படையினர், கலகமடக்கும் பொலிஸார் குவிக்கப்பட்டு மக்கள் தங்கள் அதிருப்தியை காட்டுவதற்கான வெளி முற்றாகவே குறைக்கப்பட்டது. மக்கள் மத்தியில் அச்சத்தை உண்டுபண்ணி அவர்களின் இருப்புசார் கோரிக்கைகள் கைவிடப்பட வேண்டும் என்பதே அதன் உள் நோக்கமாக இருந்தது. ஒரு சமய மதத் தலைவரை அங்கிருந்தவர்கள் அநாகரிகமாக அவதரித்தது என்பது ஏற்றுக்கொள்ள முடியாததொன்று. இதே அவமதிப்பு ஒரு பௌத்த பிக்கு ஒருவருக்கு நடந்திருந்தால்  அது அரசியல் மயமாக்கப்பட்டு வன்முறைச்சூழல் உருவாக்கப்பட்டிருக்கும் ஆனால் தமிழர்கள் இச் சந்தர்ப்பத்தை பயன்படுத்தி தமிழர்கள் அகிம்சைவாதிகள் வன்முறையை விரும்புபவர்கள் அல்ல என்பதை நிரூபிக்கின்றார்கள்.  அதிகார ஆயுத அரசியல் பலத்தோடு பெரும்பான்மையினர் தாங்கள் விரும்பியதை ஏனையவர்களின் உரிமையை பறிப்பதாக கூட இருக்கலாம் செய்யலாம் என்ற தோற்றப்பாடு வரலாற்றில் நடந்தேறியுள்ளது மீண்டும் அது நிரூபிக்கப்பட்டுள்ளது.   மத வழிபாடு செய்வது நாட்டின் இன நல்லிணக்கத்தை பாதிக்கும் என்பது அப்பட்டமான பொய். அவ்வாறெனில் வடக்கு கிழக்கில் பின் முள்ளிவாய்க்கால் வரலாற்றில் காளான்களாக முளைத்த பௌத்த விகாரைகள் தொடர்பில் எடுக்கப்பட்ட நடவடிக்கைகள் என்ன? இவ்வாறான நடவடிக்கைகள் மீண்டும் மீண்டும் இலங்கை ஒரு சிங்கள பௌத்த நாடு அது சிங்கள பௌத்தர்களுக்குரியது. ஏன்பதை சுட்டி நிற்கின்றது. அவ்வாறெனில் இலங்கையின் பல்லினத்தன்மைக்கான வெளி மறைக்கப்பட்டு விட்டதா ?? பெரும்பான்மை சனநாயக வெளியில் ஒற்றையாட்சித் தன்மையில் ஏனைய இனக் குழுமங்கள் நாளடைவில் இன அழிப்பை சந்திக்கும் என்பதற்கு வரலாற்றில் நிறைய உதாரணங்கள் உண்டு. அவ்வாறான பாதையை இலங்கை அரசு தெரிந்தெடுத்திருப்பது என்பது இவ்வாறான நடவடிக்கைகள் மூலம் நிருபணமாகின்றது. மேற்குலக நாடுகளுக்கும் ஐ.நாவுக்கும் தன்னை ஒரு சனநாயக நாடு நல்லிணக்க சமாதான விரும்பி என காட்டிக்கொண்டு அதன் இன்னொரு கோர முகத்தை பெரும்பான்மை தவிர்ந்த இனத்தவர் மேல் காட்டுவது என்பது உண்மையில் இலங்கை அரசின் அரசியல் இருப்பில் ஐயம் கொள்ளச் செய்கின்றது. அண்மைய காலங்களில் பௌத்த பிக்குகளின் இலங்கை சனநாயகத்தை சிதைக்கின்ற முயற்சிகளும் அவர்கள் சட்டத்திற்கு அப்பாற்பட்டவர்கள், தண்டனை விலக்கீட்டு நிலையில் இறைமை ஆட்சி நோக்கிப் பயணிக்கின்றதா என்று சந்தேகக் கொள்ளச் செய்கின்றது. மேற்கூறப்பட்ட அரசியல் நிகழ்ச்சிகள் தொடர்பில் தங்களை மக்கள் பிரதிநிதிகள், மக்களால் தேர்ந்தெடுக்கப்பட்டவர்கள் எனக் கூறிக் கொள்பவர்கள் மௌனம் காப்பது இந்நிகழ்சியில் இவர்களும் பங்காளிகள் என சந்தேகம் கொள்ளச் செய்கின்றது. இதுவரைக்காலம் இது பற்றி தமிழ் அரசியல்வாதிகள் என்ன நடவடிக்கை எடுத்திருக்கின்றார்கள். தமிழின இனப்படுகொலையின் தமிழ் அரசியல் கட்சிகளதும் அரசியல்வாதிகளதும் வகிபங்கை வரலாறு பதிவு செய்யும். https://www.virakesari.lk/article/60753