நடிகரும் முன்னாள் நாடாளுமன்ற உறுப்பினருமான ஜே.கே. ரித்தீஷ் மாரடைப்பால் மரணம்

[பிழம்பு]

காப்புரிமை FACEBOOK / J K RITHEESH Image caption ஜே.கே. ரித்தீஷ்

நடிகரும் முன்னாள் நாடாளுமன்ற உறுப்பினருமான ஜே.கே. ரித்தீஷ் காலமானார். நாடாளுமன்றத் தேர்தல் பிரச்சாரத்தில் ஈடுபட்டிருந்த நிலையில், போது மாரடைப்பு ஏற்பட்டு, உயிரிழந்தார்.

ராமநாதபுரம் தொகுதியில் அ.இ.அ.தி.மு.க. கூட்டணியில் போட்டியிடும் பா.ஜ.க. வேட்பாளர் நயினார் நாகேந்திரனுக்காக ஜே.கே. ரித்தீஷ் தற்போது பிரச்சாரங்களை மேற்கொண்டுவந்தார். சனிக்கிழமையன்று வீட்டிலிருந்தபோது அவருக்கு நெஞ்சுவலி ஏற்பட்டதையடுத்து அவர் உயிரிழந்தார்.

1973ல் இலங்கையின் கண்டியில் பிறந்த ரித்தீஷின் இயற்பெயர் சிவக்குமார். 70களின் பிற்பகுதியில் ராமநாதபுரத்திற்குக் தன் பெற்றோருடன் குடிபெயர்ந்த ரித்தீஷ், சினிமாவின் மீது ஆர்வத்தில் 2007ஆம் ஆண்டில் கானல் நீர் படத்தின் மூலம் அறிமுகமானார். அதற்குப் பிறகு நாயகன், பெண் சிங்கம், எல்.கே.ஜி. ஆகிய படங்களிலும் அவர் நடித்திருக்கிறார்.

2009ஆம் ஆண்டு நாடாளுமன்றத் தேர்தலில் தி.மு.கவின் சார்பில் ராமநாதபுரம் தொகுதியில் போட்டியிட்ட ரித்தீஷ், தன்னை எதிர்த்துப் போட்டியிட்ட அ.தி.மு.கவின் சத்தியமூர்த்தியைவிட 69 ஆயிரம் வாக்குகள் அதிகம் பெற்று வெற்றிபெற்றார்.

படத்தின் காப்புரிமை FACEBOOK / J K RITHEESH

2011ஆம் ஆண்டில், அமெரிக்க வாழ் இந்தியர் ஒருவர் நிலம் வாங்கித் தருவதாகக்கூறி ஏமாற்றியதாக, அவர் மீது வழக்குப் பதிவுசெய்யப்பட்டது.

ஆனால், 2014ஆம் ஆண்டு ஏப்ரலில் ஜெயலலிதாவைச் சந்தித்த ரித்தீஷ். அவர் முன்னிலையில் அ.தி.மு.கவில் இணைந்தார்.

அவருக்கு ஜோதீஸ்வரி என்ற மனைவியும் ஆரிக் என்ற மகனும் உள்ளனர்.

https://www.bbc.com/tamil/india-47920519

[putthan]

11 hours ago, பிழம்பு said:

1973ல் இலங்கையின் கண்டியில் பிறந்த ரித்தீஷின் இயற்பெயர் சிவக்குமார். 70களின்

73 ஆண்டு பிறந்தவர்  70 களில் ராமநாத புரத்தில் குடிபெயர்ந்தார்,,,,,,எப்படி

RIP

[நிழலி]

3 hours ago, putthan said:

73 ஆண்டு பிறந்தவர்  70 களில் ராமநாத புரத்தில் குடிபெயர்ந்தார்,,,,,,எப்படி

RIP

 இவர் இலங்கையில் பிறந்தவர் என்று சில தகவல்கள சொல்கின்றன

அத்துடன் ஈழத் தமிழர் தொடர்பான பல கூட்டஙகளுக்கு நிதி உதவி அளித்தவர் எனவும் அறிய முடிகின்றது

[vanangaamudi]

1973 இல் இலங்கையில் பிறந்து 1976 இல் இந்தியாவுக்கு குடிபெயர்ந்தார்.
பிற்குறிப்பு: இவர் நடித்த நாயகன்(Nayagan 2008) படம் கமல் நடித்த நாயகன்(Nayakan 1987) படம் அல்ல.