யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
கிருபன்

சிவனையும் புத்தரையும், சாத்தான்கள் எனும் மத நிகழ்வுக்குத் தடை…

Recommended Posts

சிவனையும் புத்தரையும், சாத்தான்கள் எனும் மத நிகழ்வுக்குத் தடை…

April 15, 2019

 

யாழ்.மாநகர சபை மைதானத்தில் நடைபெறவிருந்த மத நிகழ்வுக்கு யாழ்ப்பாண காவற்துறையினர் தடை விதித்துள்ளனர். மாநகர சபை மைதானத்தில் இன்று திங்கட்கிழமை முதல் எதிர்வரும் மூன்று நாட்களுக்கு மத நிகழ்வொன்று ஏற்பாடு செய்யபட்டு இருந்தது.

குறித்த மத நிகழ்வானது ஏனைய மதங்களை இழிவு படுத்தும் நிகழ்வு எனவும் , அதனால் அதற்கு தடை விதிக்க வேண்டும் என சிவ சேனை அமைப்பின் தலைவர் மறவன் புலவு சச்சிதானந்தன் யாழ்பாண காவல் நிலையத்தில் முறைப்பாடு செய்தார்.

குறித்த முறைப்பாட்டில் , குறித்த மத நிகழ்வு சில தினங்களுக்கு முன்னர் கிளிநொச்சியில் நடத்தப்பட்டது. அதில் சிவன் மற்றும் புத்தர் ஆகியோரை சாத்தான்கள் என கூறப்பட்டது. அதற்கான காணொளி ஆதாரம் உண்டு (முறைப்பட்டாளரால் காவற்துறையினரிடம் அது ஒப்படைக்கப்பட்டது அவ்வாறு ஏனைய மத கடவுள்களை சாத்தான்கள் என கூறுவது, அந்த மதம் சார்ந்தவர்களை கோபமடைய செய்யும் செயற்பாடு. இந்தியாவில் இருந்து சுற்றுலா விசாவில் வந்த மூவரே இந்த நிகழ்வை நடத்துகின்றனர். என தெரிவிக்கப்பட்டு உள்ளது.

அவற்றை ஆராய்ந்த காவற்துறையினர் குறித்த நிகழ்வை நடாத்துவதை நிறுத்துமாறு ஏற்பாட்டாளர்களுக்கு அறிவித்துள்ளனர்.

அதேவேளை குறித்த மத நிகழ்வு எதிர்வரும் 29ஆம் திகதி கிழக்கு மாகாணத்தில் கல்முனை பிரதேசத்திலும் நடாத்துவதற்கு ஏற்பாடு செய்யப்பட்டு உள்ளமை குறிப்பிடத்தக்கது.

 

 

http://globaltamilnews.net/2019/118340/

  • Thanks 1

Share this post


Link to post
Share on other sites

சரியான நடவடிக்கை. உண்மையில் இவர்களை பிடித்து கடூழிய சிறை தண்டனை கொடுக்க வேண்டும்.

  • Like 2

Share this post


Link to post
Share on other sites
2 hours ago, கிருபன் said:

குறித்த மத நிகழ்வு சில தினங்களுக்கு முன்னர் கிளிநொச்சியில் நடத்தப்பட்டது. அதில் சிவன் மற்றும் புத்தர் ஆகியோரை சாத்தான்கள் என கூறப்பட்டது. அதற்கான காணொளி ஆதாரம் உண்டு (முறைப்பட்டாளரால் காவற்துறையினரிடம் அது ஒப்படைக்கப்பட்டது அவ்வாறு ஏனைய மத கடவுள்களை சாத்தான்கள் என கூறுவது, அந்த மதம் சார்ந்தவர்களை கோபமடைய செய்யும் செயற்பாடு.

சித்திரைப் புத்தாண்டு தமிழரிடையே திணிக்கப்பட்ட ஒன்று என்பதால் அதைக் கொண்டாடக்கூடாது என்று புலம்பும் 'சீர்திருத்த வாதிகள்' இது போன்ற செயல்களைக் கண்டிப்பார்களா? இவ்வாறான, இதையும் விடக் கேவலமான இழி செயல்கள் ஐரோப்பியர் 1505 - 1948 ஈழத்தை ஆக்கிரமித்தபோதும் நிகழ்ந்தன என்பதை மறுப்பார்களா?

3000ஆண்டுகளுக்கு முன்னர் தமிழருக்கு என்ன அநியாயம் நடந்தது என்று ஆராய்ச்சி செய்வது தவறல்ல. ஆனால் இங்கு குறிப்பிட்டது போன்ற செயல்களை மூடிமறைப்பது அநியாயம்.

Share this post


Link to post
Share on other sites
38 minutes ago, மல்லிகை வாசம் said:

சித்திரைப் புத்தாண்டு தமிழரிடையே திணிக்கப்பட்ட ஒன்று என்பதால் அதைக் கொண்டாடக்கூடாது என்று புலம்பும் 'சீர்திருத்த வாதிகள்' இது போன்ற செயல்களைக் கண்டிப்பார்களா? இவ்வாறான, இதையும் விடக் கேவலமான இழி செயல்கள் ஐரோப்பியர் 1505 - 1948 ஈழத்தை ஆக்கிரமித்தபோதும் நிகழ்ந்தன என்பதை மறுப்பார்களா?

3000ஆண்டுகளுக்கு முன்னர் தமிழருக்கு என்ன அநியாயம் நடந்தது என்று ஆராய்ச்சி செய்வது தவறல்ல. ஆனால் இங்கு குறிப்பிட்டது போன்ற செயல்களை மூடிமறைப்பது அநியாயம்.

மதம் மாறுவது என்பதே ஒரு முட்டாள்தனத்தில்  இருந்து வெளியேறி வேறு ஒரு முட்டாள்த் தனத்தை ஏற்று கொள்வதாகும். இதை முற்றாக கைவிட்டு  மத முட்டாள்தனங்களை மக்கள் கேள்வி கேட் கும் போது இவ்வாறான செயல்கள் இடம் பெறாது. பிறந்த குழந்தையில் இருந்து கடவுள் என்ற கற்பனை கதாபாத்திரத்தை காட்டி குழந்தைகளை பலவீனமானவர்களாக வளர்ககாமல் தன்னம்பிக்கை உடைய மனிதர்களாக வளர்ததால் இவ்வாறான மத மாற்றும் அற்பத்தனமான மனிதர்களின் செயல்களுக்கு மனிதர்கள் எடுபட மாட்டார்கள்.  

அது சரி தமது மதத்தை ஏற்றுக்கொண்ட பக்தர்களையே  கீழ்சாதி என்று  கூறி கோவிலுக்குள் வந்தால் தீட்டு பட்டுவிடும் என்று விரட்டியடித்ததுடன் இன்றும் தங்களை தவிர ஏனையோரை அரச்சகர்களாக அனுமதிக்காத போது வராத கோபம் சிவனை,புத்தரை சாத்தான் என்று கூறியபோது  வருவது ஏன்? சிவனை சாத்தான் என்று கூறினால் சிவன் அவர்களை தண்டிப்பான் தானே.  அப்படி ஒருவன் இல்லை என்ற சந்தேகம் பக்தர்களுக்கு வந்ததால் தான் சிவன் அவர்களை தண்டிக்கமாட்டான் என்று தெரிந்து இவர்கள் அவசரப்படுகிறார்களோ

 

  • Like 2

Share this post


Link to post
Share on other sites

அனைத்து சாதியினரும்  அர்சகர் ஆகலாம் என்ற தமிழக அரசின் அரசாணைக்கமைய முறைப்படி ஆகமங்களைப் படித்து அரச்சகர் ஆக்க்கூடிய தகுதியுடன் இருக்கும் பல தூற்றுக்கணக்கான இந்துக்களை அவர்களின. பிறப்பின் அடிப்படையில் இன்றும் அர்சகர் ஆக  அனுமதிக்காத போது இந்த கோபம் ஏன் தமிழகத்தில் பல காலம்  வாழ்ந்த சிவசேனைத் தலைவர்  மறவன்புலவு சச்சிதானந்தத்திறகு ஏற்பட வில்லை. 

Edited by tulpen

Share this post


Link to post
Share on other sites

2ஆம் இணைப்பு – பாதகம் ஏற்பாட்டலே தடை..

யாழ்.மாநகர சபை மைதானத்தில் நடைபெறவிருந்த மத நிகழ்வுக்கு தாம் தடை விதிக்கவில்லை எனவும் குறித்த நிகழ்வு மத நல்லிணக்கத்திற்கு பாதகமாக முன்னெடுக்கப்பட்டாலே தடை விதிக்கப்படும் எனவும் பொலிஸ் தரப்பினர் தெரிவித்துள்ளனர்.

அது குறித்து பொலிஸ் தரப்பினர் தெரிவிக்கையில்

மாநகர சபை மைதானத்தில் இன்று திங்கட்கிழமை முதல் எதிர்வரும் மூன்று நாட்களுக்கு மத நிகழ்வொன்று ஏற்பாடு செய்யபட்டு இருந்தது.

 

அந்நிலையில் குறித்த மத நிகழ்வானது ஏனைய மதங்களை இழிவு படுத்தும் நிகழ்வாகும். இதேபோன்று சில தினங்களுக்கு முன்னர் கிளிநொச்சியில் நடத்தப்பட்டது. அதில் சிவன் மற்றும் புத்தர் ஆகியோரை சாத்தான்கள் என கூறப்பட்டது. அவ்வாறு ஏனைய மத கடவுள்களை சாத்தான்கள் என கூறுவது, அந்த மதம் சார்ந்தவர்களை கோபமடைய செய்யும் செயற்பாடு. இந்தியாவில் இருந்து சுற்றுலா விசாவில் வந்த மூவரே இந்த நிகழ்வை நடத்துகின்றனர் அதனால் அதற்கு தடை விதிக்க வேண்டும் என சிவ சேனை அமைப்பின் தலைவர் மறவன் புலவு சச்சிதானந்தன் வடமாகாண சிரேஸ்ட பிரதி பொலிஸ் மா அதிபரை நேரில் சந்தித்து முறையிட்டுள்ளார்.

அது தொடர்பில் சிரேஸ்ட பிரதி பொலிஸ் மா அதிபர் யாழ்.பொலிஸ் நிலைய தலைமை பொறுப்பதிகாரியுடன் பேசியுள்ளார். அதன் போது பொறுப்பதிகாரி குறித்த நிகழ்வுக்கு தாம் ஏற்கனவே அனுமதி வழங்கியுள்ளதாக தெரிவித்துள்ளார்.

அதனை தொடர்ந்து சிரேஸ்ட பிரதி பொலிஸ் மா அதிபர் , குறித்த மத நிகழ்வில் ஏனைய மதங்களுக்கு எதிராக கருத்து தெரிவிப்பது , ஏனைய மதங்களை இழிவு படுத்துதல் போன்ற மத நல்லிணக்கத்திற்கு பாதகம் ஏற்படுத்தும் செயல்களில் ஈடுபட வேண்டாம் என ஏற்பாட்டாளர்களுக்கு அறிவுறுத்துமாறும் , அவ்வாறு மத நல்லிணக்கத்திற்கு பாதகம் ஏற்படுத்தும் வகையில் குறித்த மத நிகழ்வு நடத்தப்பட்டால் நீதிமன்றை நாடி உடனடியாக அது தொடர்பில் சட்ட நடவடிக்கைகளை முன்னெடுக்குமாறு பொறுப்பதிகாரிக்கு அறிவுறுத்தியுள்ளார். என பொலிஸ் தரப்பினர் தெரிவித்துள்ளனர்.

http://globaltamilnews.net/2019/118340/

Edited by பிழம்பு

Share this post


Link to post
Share on other sites
20 minutes ago, tulpen said:

மதம் மாறுவது என்பதே ஒரு முட்டாள்தனத்தில்  இருந்து வெளியேறி வேறு ஒரு முட்டாள்த் தனத்தை ஏற்று கொள்வதாகும்.

அப்போ.... அந்நியர் ஆட்சிக்காலத்திலும், தற்போதும் மக்கள் மதம் மாறுவது முட்டாள்த்தனம் என்கிறீர்கள். 

அவ்வாறு மதம் மாறிய தமிழர்கள் புதிய மதத்தின் (உதாரணமாக மேலைத் தேசத்திலிருந்து வந்து திணிக்கப்பட்ட மதம்) பண்டிகைகளைக் கொண்டாடுவது சரி என்கிறீர்களா / தவறு என்கிறீர்களா?

Share this post


Link to post
Share on other sites
7 minutes ago, மல்லிகை வாசம் said:

அப்போ.... அந்நியர் ஆட்சிக்காலத்திலும், தற்போதும் மக்கள் மதம் மாறுவது முட்டாள்த்தனம் என்கிறீர்கள். 

அவ்வாறு மதம் மாறிய தமிழர்கள் புதிய மதத்தின் (உதாரணமாக மேலைத் தேசத்திலிருந்து வந்து திணிக்கப்பட்ட மதம்) பண்டிகைகளைக் கொண்டாடுவது சரி என்கிறீர்களா / தவறு என்கிறீர்களா?

மதங்கள் அனைத்துமே முட்டாள்த்தனம்  தான். பண்டிகைகளை ஜாலியாக கொண்டாடுவது வேறு அதை தமிழரின் கலாச்சார் விழுமியங்கள் என்று முட்டாள்தனமாக நம்புவது வேறு. இந்த கேள்விக்கான பதிலை வேறு ஒரு திரியில்  நிழலி  மிகச்றப்பாக உங்களுக்கு தந்து விட்டார். 

Edited by tulpen

Share this post


Link to post
Share on other sites
27 minutes ago, tulpen said:

அது சரி தமது மதத்தை ஏற்றுக்கொண்ட பக்தர்களையே  கீழ்சாதி என்று  கூறி கோவிலுக்குள் வந்தால் தீட்டு பட்டுவிடும் என்று விரட்டியடித்ததுடன் இன்றும் தங்களை தவிர ஏனையோரை அரச்சகர்களாக அனுமதிக்காத போது வராத கோபம் சிவனை,புத்தரை சாத்தான் என்று கூறியபோது  வருவது ஏன்?

எந்த ஒரு மதத்திலும் உள்ள பிற்போக்கான நடைமுறைகளை நான் ஆதரிக்கவில்லை. குறைகளைத் தேடித்தேடி விவாதிப்பதை விட எல்லா மதங்களிலுள்ள நிறைகளை மதித்து வாழுதலே பயனுள்ளது என உறுதியாக நம்புவன் நான். சித்திரை / தமிழ்ப் புத்தாண்டு உள்ளடங்கலாக பண்டிகைகளைக் கொண்டாடி வாழ்த்தி மகிழ்வதால் யாரும் தாழ்ந்துவிடப்போவதில்லை. மாறாக அவற்றைக் கிளறுவதால் வீண் மதச் சண்டைகளில் காலம் வீணாகி சமகாலத்தில் ஆராய்ந்து தீர்க்கப்பட வேண்டிய பிரச்சினைகளுக்குத் தீர்வு காணாமல் நமது ஆயுட்காலம் விரயமாகிவிடுமோ என்ற கவலை தான் எனக்கு. 

2 minutes ago, tulpen said:

மதங்கள் அனைத்துமே முட்டாள்த்தனம்  தான். பண்டிகைகளை ஜாலியாக கொண்டாடுவது வேறு அதை தமிழரின் கலாச்சார் விழுமியங்கள் என்று முட்டாள்தனமாக நம்புவது வேறு. இந்த கேள்விக்கான பதிலை வேறு ஒரு திரயில் நிழலி சிறப்பாக உங்களுக்கு தந்து விட்டார். 

அதற்கான பதிலை விரைவில் அங்கு தருகிறேன். 

எனினும் உங்கள் கருத்துக்கான பதில் என்னவென்றால், நாம் தமிழ் புத்தாண்டை மத விழாவாகத் தான் கொண்டாடுகிறோம். இந்துவான தமிழர்் கொண்டாடுவதால் தமிழ்ப்புத்தாண்டு என்று பயன்பாட்டில் வந்துவிட்டது. பண்டிகைகளைக் கொண்டாாடுவதும், விடுவதும் அவரவர் இஷ்டம். ஆனால், கொண்டாடுபவர்களை முட்டாளாக்குவது நாகரிகமடைந்த மனிதர்களின் செயல் அல்ல. மற்றவர் சுதந்திரத்தில் தலையிட அவர்களுக்கு உரிமை ஏது???

Share this post


Link to post
Share on other sites
9 minutes ago, tulpen said:

தமிழரின் கலாச்சார் விழுமியங்கள் என்று முட்டாள்தனமாக நம்புவது வேறு.

மேலும், முட்டாள்தனமாகக் கொண்டாடவில்லை. வரலாற்றைக் கிளறினால் எல்லா மதங்களிலும், இனங்களிலும் குறை காணலாம். ஆனால், இந்தக் காலத்தில் அது முக்கியமானது அல்ல.

கொண்டாட்டங்களையும் கொண்டாடிக் கொண்டு முடிந்த அளவில் நல்ல நெறியில் பயணம் செய்து பிறருக்கு நம்மாலான உதவிகளையும் செய்தால் மற்றவர்களின் அவசியமற்ற கேள்விகளுக்குப் பதில் சொல்ல வேண்டியதில்லை எனப் பேசாமல் இருந்தேன். ஆனால் சில நேரங்களில் பொறுமை சோதிக்கப்படுகிறது.  

Share this post


Link to post
Share on other sites

மிக மோசமான செயற்பாடு,

மற்றைய மதங்களை இழிவாக விழிக்கும் இந்தச் செயற்பாடு ஒரு அடிப்படை மதவாதமேயன்றி வேறில்லை.

இப்படி தென்னிந்தியாவில் இருந்து வருகைதரும் பெருமளவு கிறீஸ்த்தவப் பாதிரியார்கள் புதுமை செய்கிறோம், கூட்டாகச் செபிக்கிறோம் என்கிற போர்வையில் செய்வது சுத்த அயோக்கியத்தனம். இப்படியானவர்கள் நிறையவே பணம் சம்பாதிக்கிறார்கள். தமக்கென்று சபைகளை உருவாக்கி, படிப்பறிவு குறைந்த மக்களை ஏமாற்றி தமது வருவாயைப் பெருக்கிக் கொள்கிறார்கள். இவர்கள் பற்றி மக்கள் அவதானமாக இருப்பது அவசியமானது. 

இவர்களின் நிகழ்ச்சிக்குத் தடைவிதிப்பது சரியானதே. தமிழர்களிடையே மதரீதியிலான பிணக்குகள் அவப்போது முளைத்துவரும் வேளையில், இவர்களின் செயற்பாடு, இன்னுமின்னும் விரிசலை அதிகரிக்குமேயன்றி, குறைக்கப்போவதில்லை.

அதேவேளை, மறவன்புலவு சட்சிதானாந்தம் கூட தூரத்தில் வைக்கப்படவேண்டிய ஒருவர்தான். இந்தியாவின் சிவசேனையுடன் நேரடியாகத் தொடர்புகொண்டிருக்கும் இவரின் அமைப்பினால், தமிழர்கள் மதரீதியாகப் பிளவுபட சந்தர்ப்பம் இருக்கிறது.

  • Like 4

Share this post


Link to post
Share on other sites

தடை விதிப்பது மட்டுமின்றி இப்படியானவற்றை நிகழ்த்த முற்படுகின்றவர்கள் மீது சட்ட நடவடிக்கையும் எடுக்க வேண்டும். மத சுதந்திரம் எனபதை தவறாக பாவிப்பவர்கள் இவர்கள். 

நான் அவதானித்தவரைக்கும் இவ்வாறான ஏமாற்றும் கூட்டத்திடம் ஏமாந்து போகின்றவர்கள் கடவுளை கண் மூடித்தனமாக நம்புகின்றவர்களாகவும் தம் பிரச்சனைகளுக்கான தீர்வை சாமியார்களிடமும் சாத்திரகாரரிடமும் தேடுகின்றவர்களாகவுமே இருக்கின்றனர். எங்கே தீர்வு உடனடியாக கிடைக்கும் என நம்ப வைக்கப்பட்டு அந்த பக்கத்துக்கு ஈர்க்கப்படுகின்றனர்.

  • Like 3

Share this post


Link to post
Share on other sites

நிழலி கூறியது போல கடவுளை கண்மூடித்தனமாக நம்புபர்கள் தான் இப்படியான மதம் மாற்றும் கும்பலினால் ஏமாற்றப்படுபவர்களாக உள்ளனர். எனக்கு தெரிந்து ஊரில் சைவப்பழங்களாக இருந்த பலர் இங்கு மதம் மாறி உள்ளனர். மதம் மாற்றும் கும்பலும் ஆசியநாட்டவரை தேடியே செல்கின்றனர். இங்கு உள்ள ஐரோப்பிய மக்களிடம் இவர்களின் சேட்டை எடுபடாது என்பது அவர்களுக்கும் தெரியும்.

மக்கள் மதங்களை பற்றி கவலைப்படாத agnostics ஆக வாழ தலைப்படும் போது இந்த மதவாத குழுக்களின் வேலை வரகளிடம் எடுபடாது.   

Share this post


Link to post
Share on other sites

சில வாரங்களுக்கு முன்னர் கோப்பாயில் இயங்கும் 5 தொடக்கம் 18 வயது வரை உள்ள கைவிடப்பட்ட , அநாதை பெண் குழந்தைகளை பராமரிக்கும் இளம் ஒன்றிட்கு சென்றிருந்தேன். 
எல்லாமே அழகான, அமைதியான, அநாதரவான குழந்தைகள்.
நடத்துவது நீங்கள் மேலே குறிப்பிட்டது போன்ற ஒரு மத அமைப்பு. குழந்தைகளை அவர்களை மத கோட்பாட்டில் தான் வைத்து பராமரிக்கிறார்கள்.
அவர்கள் செய்யும் சேவை பெரிது , போற்றத்தக்கது.
இவர்கள் செய்யும் இந்த மத போதனை , மாற்றங்கள் தான் மனதை நெருடுகிறது...
யாழ்பண நகர பஸ் வண்டிகள் நிறுத்தும் இடத்தில பெரியதொரு கட்டவுட் காணப்பட்டது.
"சுவிசேஷக்கூட்டம் ... துன்பங்களில் இருந்து விடுதலை , ஆராதனை இத்தியாதி...
இவை நாளொரு மேனியும் பொழுதொரு வண்ணமுமாக நடந்து  கொண்டு  தான் இருக்கிறது. 😲
 

Share this post


Link to post
Share on other sites

மத நிறுவனங்களும் கருத்து திணிப்பு மையங்கள்......

Share this post


Link to post
Share on other sites

ஏனைய (குறிப்பாக குரலற்று இருக்கும் இந்து/சைவ) மதங்களை குறைகூறும், ஏனைய மதத்தவர்களின் சொத்துக்களை அபகரிக்கும்,  மதவெறியர்களின் நடமாட்டம் வடகிழக்கில் அதிகரிப்பது நல்லதல்ல. குறிப்பாக நிறுவனமயப்பட்ட பௌத்த, கிறிஸ்தவ, இஸ்லாம் மதங்களைச் சேர்ந்த சில மதவெறியர்கள் தான் இதுபோன்ற ஈனச் செயல்களில் ஈடுபடுகின்றனர்!  

இவ்வாறான சில மதவெறியர்கள் உயர் பொறுப்புகளில் இருக்கும் போது, அண்மையில் சிவராத்திரி காலத்தில் திருக்கேதீஸ்வரத்திலும் திருக்கோணேஸ்வரத்திலும் நடந்ததைப் போன்ற அடாவடித்தனங்கள்,  இடம்பெறுவதும், அவற்றை நியாயப்படுத்தும் ஈனச் செயல்கள் இடம்பெறுவதும் அதிகரிக்கவே செய்யும்.

இதன் ஒரு பகுதியாகவே ஆட்சி அதிகாரத்தில் உள்ள மதவெறியர்களால் வன்னிப் பிரதேசத்தில் பல தொன்மையான சைவ வழிபாட்டிடங்கள் ஆக்கிரமிக்கப்படுவதையும், கீரிமலைப் பிரதேசத்தை ஆக்கிரமிக்க முயலுவதையும் கருத வேண்டும். 

  • Like 1

Share this post


Link to post
Share on other sites

பிற மதங்களை இழிவுபடுத்தவில்லை…

April 17, 2019

 

பிற மதங்களை இழிவுபடுத்தும் வகையில் தாம் செயற்படவில்லை எனவும் , அதற்கான தேவை தமக்கு இல்லை எனவும் யாழ்ப்பாணம் கிறிஸ்தவ சபைகள் ஸ்தாபனங்கள் ஐக்கியம் தெரிவித்துள்ளனர்.

யாழ்.மாநகர சபை மைதானத்தில் கடந்த திங்கட்கிழமை முதல் இன்றுவரை வரையில் நடைபெறும் மத நிகழ்வில் , ஏனைய மதங்களை நேரடியாக இழிவு படுத்தபடுகின்றது எனவும் , சிவனையும் புத்தரையும் சாத்தான்கள் என பரப்புரை செய்கிறார்கள் எனவும் சிவசேனை அமைப்பின் தலைவர் மறவன் புலவு சச்சிதானந்தன் காவற்துறையினரிடம் முறையிட்டிருந்தார். எனவும் அதனால் அந்த நிகழ்வுக்கு தடை விதிக்கப்பட்டுள்ளது எனவும் ஊடகங்களில் வெளியான செய்திகள் தொடர்பில் விளக்கமளிக்கும் போதே அவ்வாறு தெரிவித்தார்கள்.

அது தொடர்பில் மேலும் தெரிவிக்கையில் ,

தாம் எந்த மதத்தையும் இழிவு படுத்தவில்லை. அதற்கான தேவையும் தமக்கு இல்லை. பிற மதங்களை இழிவு படுத்தும் எந்த செயற்பாட்டிலும் தாம் ஈடுபடவில்லை. பிற மதங்களை இழிவு படுத்தும் எந்த கருத்துக்களையும் நாம் வெளியிடவில்லை. உரிய தரப்பினர்களிடம் உரிய அனுமதிகளை பெற்றே நிகழ்வுகளை நடாத்தியதாகவும், திட்டமிட்ட படி எமது நிகழ்வுகள் நடைபெற்றன எனவும் தெரிவித்தனர்.

 

http://globaltamilnews.net/2019/118466/

Share this post


Link to post
Share on other sites
On 4/15/2019 at 1:29 PM, tulpen said:

மதங்கள் அனைத்துமே முட்டாள்த்தனம்  தான். பண்டிகைகளை ஜாலியாக கொண்டாடுவது வேறு அதை தமிழரின் கலாச்சார் விழுமியங்கள் என்று முட்டாள்தனமாக நம்புவது வேறு. இந்த கேள்விக்கான பதிலை வேறு ஒரு திரியில்  நிழலி  மிகச்றப்பாக உங்களுக்கு தந்து விட்டார். 

 சாதரணமாக ஒரு தமிழன் எப்படியிருக்க வேண்டும்? எப்படி வாழ வேண்டும்? எந்தெந்த பண்டிகைகளை கொண்டாட வேண்டும்? ஏதாவது முன் யோசனைகள் உங்களிடம் இருக்கின்றதா?
இதற்கும் நிழலியை மேற்கோள் காட்டவேண்டாம்.

Share this post


Link to post
Share on other sites
2 hours ago, குமாரசாமி said:

 சாதரணமாக ஒரு தமிழன் எப்படியிருக்க வேண்டும்? எப்படி வாழ வேண்டும்? எந்தெந்த பண்டிகைகளை கொண்டாட வேண்டும்? ஏதாவது முன் யோசனைகள் உங்களிடம் இருக்கின்றதா?
இதற்கும் நிழலியை மேற்கோள் காட்டவேண்டாம்.

மல்லிகை வாசம் என்னிடம் கேட்ட கேள்விக்கு தான் கொடுத்த பதிலை மேற்கோள் காட்டி நீங்கள் இதை என்னிடம் கேட்டதே அபத்தமான விடயம். 

நாம் எல்லொரும் இங்கு கருத்துக்களத்தில் தத்தமது கருத்துக்களை தெரிவிக்கிறோம். மற்றவர்கள் எப்படி வாழவேண்டும் என்று நிர்பந்திக்க அல்ல. கருத்து தெரிவிக்க வாழ்வியலில் கலாசார சம்பிரதாயங்களை விமர்சிக்க  உரிமை எல்லோருக்கும்  உண்டு. எவருக்கும் எனது  கருத்தை நான்  திணிக்கவில்லை. நான் சொல்வது தவறு என்று நீங்கள் அறிவுபூர்வமாக  நிருபித்தால் நிச்சயம் அதனை ஏற்றுக்கொள்வேன். கேள்வி எதுவும் இன்றி முன்னோர் சொன்னார்கள் என்பதற்காக எதையும் அறிவுக்கண்ணை மூடிக்கொண்டு  ஏற்றுக்கொள்பவன் மனிதனே அல்ல. முன்னோர்களும்  எங்களைப் போலவே தவறிழைக்கும்  சாதாரண மனிதர்கள் தான்.  

  • Like 2

Share this post


Link to post
Share on other sites

துல்பேன்,

மதம் சார்ந்த உங்களின் கருத்துக்களை வாசித்து வருகிறேன். நான் அறிந்தவரையில் எம்மதத்தையும் நீங்கள் சார்ந்து எழுதுவதில்லை என்று எடுத்துக்கொள்ளலாமா? எனது நிலைப்பாடும் அப்படித்தான். தமிழருக்கு மதம் தேவையில்லை என்பதே எனது கருத்து.

நான் தாய்வழியாக கிறீஸ்த்தவ மதத்தைப் பின்பற்றிவந்தாலும்கூட, அது எம்மேல் வலிந்து திணிக்கப்பட்ட மதம் என்கிற உணர்வு எப்போதும் எனக்குள் இருந்துகொண்டே இருக்கிறது. தமிழர்களின் ஆதி மதத்தில் இருந்தால் (அது எதுவென்று தெரியவில்லை) நன்றாக இருந்திருக்குமோ என்று நினைக்கிறேன்.

மதங்கள் மனிதனால் உருவாக்கப்பட்டவை என்பது எனது நிலைப்பாடு. அவைக்காக மனிதர் தமக்குள் அடிபட்டு அழிவது அநியாயம்.

மதங்களைத் தூக்கிச் சற்று தள்ளிவைத்து தமிழர்களாக அடையாளம் காண்போம். எவர் மதமும் புண்பட வேண்டாம்.

 

  • Like 3
  • Thanks 1

Share this post


Link to post
Share on other sites
10 hours ago, tulpen said:

மல்லிகை வாசம் என்னிடம் கேட்ட கேள்விக்கு தான் கொடுத்த பதிலை மேற்கோள் காட்டி நீங்கள் இதை என்னிடம் கேட்டதே அபத்தமான விடயம். 

நாம் எல்லொரும் இங்கு கருத்துக்களத்தில் தத்தமது கருத்துக்களை தெரிவிக்கிறோம். மற்றவர்கள் எப்படி வாழவேண்டும் என்று நிர்பந்திக்க அல்ல. கருத்து தெரிவிக்க வாழ்வியலில் கலாசார சம்பிரதாயங்களை விமர்சிக்க  உரிமை எல்லோருக்கும்  உண்டு. எவருக்கும் எனது  கருத்தை நான்  திணிக்கவில்லை. நான் சொல்வது தவறு என்று நீங்கள் அறிவுபூர்வமாக  நிருபித்தால் நிச்சயம் அதனை ஏற்றுக்கொள்வேன். கேள்வி எதுவும் இன்றி முன்னோர் சொன்னார்கள் என்பதற்காக எதையும் அறிவுக்கண்ணை மூடிக்கொண்டு  ஏற்றுக்கொள்பவன் மனிதனே அல்ல. முன்னோர்களும்  எங்களைப் போலவே தவறிழைக்கும்  சாதாரண மனிதர்கள் தான்.  

நான் கேட்ட கேள்விக்கு பதில் சொல்லாமல் அபத்தம் என்றுவிட்டு......வேறு எதையோ புலம்புவதன் அர்த்தம் என்னவோ? இதற்கு பதில் எழுதினால் இன்னொரு பச்சை புள்ளிகிடைக்க இறைவனை வேண்டுகின்றேன். 🤣

  • Like 1
  • Haha 1

Share this post


Link to post
Share on other sites

எனக்கும் கடவுள்  நம்பிக்கை  மிக  மிக  அரிது

ஆனாலும்  இவர்கள்   சிவனை சாத்தான்  எனும்  போது கோபம்   வருகிறது

அது எனக்கு  மட்டுமல்ல  என்பது  இங்கே  கருத்து எழுதியவர்களை  பார்க்கும் போது  தெரிகிறது

Edited by விசுகு

Share this post


Link to post
Share on other sites
On 4/15/2019 at 11:16 AM, மல்லிகை வாசம் said:

சித்திரைப் புத்தாண்டு தமிழரிடையே திணிக்கப்பட்ட ஒன்று என்பதால் அதைக் கொண்டாடக்கூடாது என்று புலம்பும் 'சீர்திருத்த வாதிகள்' இது போன்ற செயல்களைக் கண்டிப்பார்களா? இவ்வாறான, இதையும் விடக் கேவலமான இழி செயல்கள் ஐரோப்பியர் 1505 - 1948 ஈழத்தை ஆக்கிரமித்தபோதும் நிகழ்ந்தன என்பதை மறுப்பார்களா?

3000ஆண்டுகளுக்கு முன்னர் தமிழருக்கு என்ன அநியாயம் நடந்தது என்று ஆராய்ச்சி செய்வது தவறல்ல. ஆனால் இங்கு குறிப்பிட்டது போன்ற செயல்களை மூடிமறைப்பது அநியாயம்.

வெள்ளைக்கார்ரின் ஆக்கிரமிப்பிலும் கொடியது ஆரிய ஆக்கிரமிப்பு. வெள்ளையர் மதத்தை மட்டும்தான் திணித்தனர். ஆரியர் முக்கியமாக தமிழ் மொழியையும் அல்லவா சீர்குலைத்தனர். இதற்குக் கோபம் கொள்ளாது உதற்குமட்டும் கொடிபிடித்து எப்பயனும் இல்லை மல்லிகை வாசம்.

Share this post


Link to post
Share on other sites
9 minutes ago, மெசொபொத்தேமியா சுமேரியர் said:

இதற்குக் கோபம் கொள்ளாது உதற்குமட்டும் கொடிபிடித்து எப்பயனும் இல்லை மல்லிகை வாசம்.

ம்... மீண்டும் ஆரம்பிச்சாச்சா அக்கா? 😮 புதுவருடக் காய்ச்சல் முடிந்து ஈஸ்டருக்கு எனது கிறிஸ்தவ நண்பர்களுக்கு வாழ்த்துச் சொல்லியாவது மற்றத் திரியில் கடந்த 4 நாளா மண்டைக்குள்ள சேர்ந்த எதிர்மறை எண்ணங்களை ஒழிக்கலாம் என்று பார்தேன். சரி, விளக்கம் கேட்கிறீங்க, கொடுத்திடுவோம். 😃

 

Share this post


Link to post
Share on other sites
15 minutes ago, மெசொபொத்தேமியா சுமேரியர் said:

வெள்ளைக்கார்ரின் ஆக்கிரமிப்பிலும் கொடியது ஆரிய ஆக்கிரமிப்பு. வெள்ளையர் மதத்தை மட்டும்தான் திணித்தனர். ஆரியர் முக்கியமாக தமிழ் மொழியையும் அல்லவா சீர்குலைத்தனர். 

அக்கா, இரண்டு அந்நியரின் ஆக்கிரமிப்பையும் நீங்களும் நேர பார்க்கேல, நானும் பார்க்கேல. 

இதில ஆரிய ஆக்கிரமிப்பு 2000 ஆண்டுகளுக்கு முன்னர் ஆரம்பித்தது என்று பழைய நூல்கள், அகழ்வாராய்ச்சிகள், செவிவழிக் கதைகள் மூலமாகத் தான் எமக்குத் தெரியும். 

ஐரோப்பியரது 5 நூற்றாண்டுகளுக்கு முந்தைய ஆக்கிரமிப்பு பற்றி பல்வேறு ஆவணக்குறிப்புகள், நூல்கள் மட்டுமல்ல எங்கள் பாட்டன், முப்பாட்டன் சொல்லியும் கேள்விப்பட்டிருப்போம். 

அப்படிப் பார்த்தால் ஐரோப்பியரது ஆக்கிரமிப்பு பற்றித் தான் ஒப்பீட்டளவில் அதிகம் நம்பகத்தன்மையான தகவல்கள் (அதுவும் அண்மையில் நிகழ்ந்ததால்) நமக்குக் கிடைத்துள்ளன. 1900 களின் ஆரம்பத்தில் பிறந்தவர்களைக் கேட்டாலே இதன் நேரடித் தாக்கங்களைப் பற்றி நிறையச் சொல்வார்கள்.

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • ஜானவி மூலே பிபிசி மராத்தி படத்தின் காப்புரிமை facebook Image caption பாயல் தட்வி பாயல் தட்வி. இவருக்கு மருத்துவராகி சமூக சேவை செய்ய வேண்டும் என்பதே விருப்பம். மகாராஷ்டிர மாநிலத்தின் ஜல்கோன் என்ற பகுதியை சேர்ந்த இவர், மருத்துவ படிப்பு முடிந்த பிறகு பழங்குடியினருக்காக மருத்துவ சேவையாற்ற வேண்டும் என்று கனவு கண்டார். மும்பையில் உள்ள டோபிவாலா மருத்துவக் கல்லூரியில் பெண்கள் நல மருத்துவம் படித்து வந்தார். ஆனால், அந்தக் கனவுகள் எல்லாம் நிறைவேறாமலேயே போனது. கடந்த 22ஆம் தேதி தூக்கு மாட்டிக் கொண்ட பாயல், தன் வாழ்க்கையை முடித்துக் கொண்டார். அவர் பிற்படுத்தப்பட்ட சாதியை சேர்ந்தவர் என்பதால், அவர் கல்லூரியில் துன்புறுத்தலுக்கு ஆளாகி, தூக்கு மாட்டிக் கொண்டதாக அவரது உறவினர்கள் குற்றஞ்சாட்டியுள்ளனர். இந்திய தண்டனை சட்டம் 306/34ன் கீழ் அக்ரிபடா காவல் நிலையத்தில் இது தொடர்பாக மூன்று இருப்பிட மருத்துவர்கள் மீது வழக்குப்பதிவு செய்யப்பட்டுள்ளது. இந்த சம்பவம் தொடர்பாக விசாரணை தொடங்கப்பட்டுள்ளதாக துணை ஆணையர் தீபக் குடள் தெரிவித்துள்ளார். என்ன நடந்தது? மேற்கு மகாராஷ்டிராவில் உள்ள மீரஜ் - சங்லி என்ற இடத்தில் தனது எம்.பி.பி.எஸ் படிப்பை முடித்தார் பாயல். கடந்த ஆண்டு மேற்படிப்புக்காக மும்மையில் உள்ள டோபிவாலா மருத்துவ கல்லூரிக்கு விண்ணப்பித்திருந்தார். பின்தங்கிய வகுப்பை சேர்ந்த இவர், இடஒதுக்கீட்டின் கீழ் சேர்த்துக் கொள்ளப்பட்டார். அங்கிருந்த மூன்று மருத்துவர்கள், பாயலை சாதியின் அடிப்படையில் பேசி துன்புறுத்தியதாக குற்றம்சாட்டப்படுகிறது. இதனை தாங்கிக் கொள்ள இயலாமல் பாயல் தற்கொலை செய்து கொண்டதாக அவரது குடும்பத்தினர் கூறுகின்றனர். பாயலின் தாய் ஆபீதா தட்வி இது தொடர்பாக எழுத்துப்பூர்வமான புகார் ஒன்றை அம்மருத்துவமனையின் டீனிடம் வழங்கியுள்ளார். புற்று நோய்க்காக அங்கு சிகிச்சை பெற்றுவந்த ஆபீதா, பாயல் சந்தித்த இன்னல்களை தாம் நேரில் பார்த்ததாகக் கூறுகிறார். படத்தின் காப்புரிமை Getty Images "அப்போதே புகார் தர இருந்தேன். ஆனால் பாயல் என்னை தடுத்துவிட்டார். புகார் அளித்தால், அதிகமான துன்புறுத்தலுக்கு ஆளாக வேண்டி வருமோ என்று பாயல் அஞ்சினார்," என்று டீனுக்கு எழுதிய கடிதத்தில் ஆபீதா குறிப்பிட்டுள்ளார். ஏழ்மையான குடும்பப் பின்னணி மற்றும் பிற்படுத்தப்பட்ட சாதியில் இருந்து வந்தாலும், அவர் மருத்துவரானார் என்றும் தன் மகளின் சாதனை குறித்து தாம் பெருமைப்பட்டதாகவும் ஆபீதா கூறுகிறார். மேலும் நோயாளிகளுக்கு முன்பாகவே பாயலை அங்குள்ள சில மூத்த மாணவர்கள் அவமானப்படுத்துவார்கள் என்று அவர் தெரிவித்தார். தொடர்ந்து மருத்துவம் பயிலவிட மாட்டோம் என்று மிரட்டியதால் பாயல் மிகுந்த மன அழுத்தத்தில் இருந்துள்ளார். பாயலின் மனநிலை குறித்து அவரது தாய் வருத்தத்தில் இருந்திருக்கிறார். மேலும் அத்துறையில் இருந்து மாற்றிக் கொள்ளவும் அவர் கோரிக்கை விடுத்திருந்தார். இறுதியாக பாயல் மே 22ஆம் தேதி தனது வாழ்க்கையை முடிந்துக் கொண்டார். படத்தின் காப்புரிமை Jean-Francois DEROUBAIX மகாராஷ்டிரா இருப்பிட மருத்துவர்கள் அமைப்பு (MARD) இதில் சம்மந்தப்பட்ட இருப்பிட மருத்துவர்களை இடைநீக்கம் செய்துள்ளது. அத்துறை தலைவரையும் நீக்க வேண்டும் என்று பாயலின் குடும்பம் வலியுறுத்துகிறது. MARD அமைப்பின் உறுப்பினர்கள் பாயலுக்கு மரியாதை செலுத்தி, "எங்களுக்கு என்ன சொல்வது என்று தெரியவில்லை. நாங்கள் அவர்கள் குடும்பத்துடன் துணை நிற்போம். எங்கள் பிரார்த்தனைகள்" என்று குறிப்பிட்டு அறிக்கை ஒன்றையும் வெளியிட்டுள்ளனர். இது தொடர்பாக கடுமையான நடவடிக்கை எடுக்க வேண்டும் என்று பாயலுடன் வேலை பார்த்தவர்கள் சமூக ஊடகங்களில் குரல் கொடுத்து வருகின்றனர். பாயலின் மரணம் அங்கு பெரும் அதிர்ச்சியை ஏற்படுத்தியுள்ளது. பாகுபாடு காண்பிப்பது, மன அழுத்தம் போன்ற விவகாரங்கள் குறித்து மீண்டும் அவர்கள் பேசத் தொடங்கியுள்ளனர். இது தொடர்பாக, ஜே.ஜே மருத்துவமனையில் பணிபுரியும் மருத்துவரும், டாக்டர் அம்பேத்கர் மருத்துவ அமைப்பின் முன்னாள் தலைவருமான மருத்துவர் ரீவட் கனின்டேவிடம் பேசினோம். "மருத்துவத்தில் மேற்படிப்பு படித்து வந்த மாணவி இப்படி ஒரு முடிவை எடுத்துள்ளார். அப்போது அவர் எந்த அளவிற்கு துன்பத்தை அனுபவித்திருப்பார் என்று நினைத்து பாருங்கள்" என்று அவர் கூறுகிறார். "அனைத்து பல்கலைக்கழகங்கள் மற்றும் கல்லூரிகளில் 'சம வாய்ப்பு அறை' ஒன்று இருக்க வேண்டும் என பல்கலைக்கழக மானியக் குழு பரிந்துரைத்துள்ளது. ஆனால், மகாராஷ்டிராவில் உள்ள எந்த கல்லூரிகளிலும் இது இல்லை. தங்கள் சொந்த ஊர்களில் இருந்து தள்ளி வந்து மாணவர்கள் படிக்கிறார்கள். அவர்களுக்கு சரியான ஆலோசனை வழங்கப்பட வேண்டும். இது போன்ற வழக்குகளில் உடனடியாக நடவடிக்கை எடுக்க எஸ்.சி - எஸ்.டி அலுவலரை நியமிக்க வேண்டும்" என்று அவர் மேலும் கூறுகிறார். பேரிழப்பு மருத்துவக் கல்லூரியின் டீன் ரமேஷ் பர்மல், "திறமையான ஒரு மாணவரை இழந்துவிட்டோம். அவர் மரணம் எங்களுக்கு பேரிழப்புதான். கிராமப்புறத்திலிருந்து வந்தவர் அவர், கிராம மக்களுக்காக பணியாற்ற விரும்பினார்.” என்கிறார். மேலும் அவர், "சுகாதார அறிவியலுக்கான மஹாரஷ்ட்ரா பல்கலைக்கழகம் மற்றும் இந்திய மருத்துவ மன்றத்தின் வழிக்காட்டலின்படி பகடி வதை எதிர்ப்பு குழு அமைக்கப்பட்டுள்ளது. அவர்கள் சம்பவம் நடந்த அடுத்த நாளிலிருந்தே விசாரணையை தொடங்கிவிட்டார்கள். 25 பேரிடம் விசாரித்து வாக்குமூலத்தை பதிவு செய்துள்ளனர்" என்கிறார்.. https://www.bbc.com/tamil/india-48415043  
    • ஒருவர் மனதை ஒருவர் அறிய .....!  😁
    • பொதுத் தேர்தல் முடிவுகள் வெளியானபோது, தி.மு.க. கூட்டணியைச் சேர்ந்தவர்களும் எதிர்க்கட்சியினரும் மிக உன்னிப்பாக கவனித்த தொகுதி சிதம்பரம் தொகுதி. வாக்கு எண்ணிக்கையின்போது கடைசிவரை இழுபறியாக நீடித்த இந்தத் தொகுதியில், விடுதலைச் சிறுத்தைகள் கட்சியின் தலைவர் திருமாவளவன் பெற்றிருக்கும் வெற்றி, தமிழகத்தின் சமீபகால தேர்தல் வரலாற்றில் குறிப்பிடத்தக்க ஒன்று. சென்னை அசோக் நகரில் உள்ள அக்கட்சியின் அலுவலகம் கட்சித் தொண்டர்களாலும் தோழமைக் கட்சித் தலைவர்களாலும் நிரம்பி வழிகிறது. இந்த பரபரப்புக்கு நடுவில் சிதம்பரம் தொகுதி வெற்றி குறித்தும் அடுத்த ஐந்தாண்டு காலத்திற்கான தனது திட்டங்கள் குறித்தும் பிபிசியின் செய்தியாளர் முரளிதரன் காசிவிஸ்வநாதனிடம் பேசினார் தொல். திருமாவளவன். பேட்டியிலிருந்து: கே. 2019ஆம் ஆண்டு பொதுத் தேர்தல் முடிவுகளை தேசிய அளவிலும் தமிழக அளவிலும் எப்படிப் பார்க்கிறீர்கள்? ப. தமிழ்நாட்டைப் பொறுத்தவரையில் ஜாதிய, மதவாத சக்திகளுக்கு இடமில்லை என்பதை மக்கள் உணர்த்தியிருக்கிறார்கள். 2016ஆம் ஆண்டு சட்டப்பேரவைத் தேர்தலுக்குப் பிறகு தி.மு.க. தலைமையில் மதச்சார்பற்ற ஜனநாயக சக்திகள் ஒருங்கிணைந்து தொடர்ச்சியாக மோதி அரசுக்கு எதிரான போராட்டங்களை முன்னெடுத்ததன் விளைவாக மோதி எதிர்ப்பு அலை இங்கே வலுவாக கட்டமைக்கப்பட்டது. அதன் விளைவாகத்தான் தி.மு.க. கூட்டணி மாபெரும் வெற்றிபெற்றது. தமிழக அரசியல் வரலாற்றில் இல்லாதபடி ஒவ்வொரு தொகுதியிலும் பல லட்சக்கணக்கான வாக்குகள் வித்தியாசத்தில் தி.மு.க. கூட்டணி வேட்பாளர்கள் வெற்றிபெற்றிருக்கின்றனர். இந்தியா முழுவதும் பா.ஜ.க. மற்றும் அதன் கூட்டணிக் கட்சி வேட்பாளர்களுக்கு வெற்றி கிடைத்த நிலையில், தமிழ்நாட்டில் அதற்கு இடமே இல்லை என்ற நிலை உருவாகியிருக்கிறது. அதன் தாக்கம் தென்னிந்திய மாநிலங்களான கேரளா, ஆந்திராவிலும் வெளிப்பட்டிருக்கிறது. தமிழ்நாடு சமூகநீதிக்கான மண் என்பதை அகில இந்திய அளவில் மதவாத சக்திகளுக்கு இந்தத் தேர்தல் முடிவுகள் உணர்த்தியிருக்கின்றன என்று நான் நம்புகிறேன். படத்தின் காப்புரிமை FACEBOOK / THOL THIRUMAVALAVAN அ.தி.மு.க. - பா.ஜ.க. கூட்டணி ஒரு பொருந்தாக் கூட்டணி. வாக்குவங்கி அரசியலுக்காக கடைசி நேரத்தில் பேரம்பேசி உருவாக்கப்பட்ட ஒரு கூட்டணி. அதனால் அக்கூட்டணி கடுமையான தோல்வியை சந்திக்க நேர்ந்துள்ளது. ஆனால், தி.மு.க. கூட்டணி இரண்டு ஆண்டுகளுக்கு முன்பே உருவாக்கப்பட்ட கூட்டணி. கொள்கை சார்ந்து உருவாக்கப்பட்ட கூட்டணி. குறிப்பாக மதசார்பின்மையை பாதுகாக்க வேண்டும் என்ற அடிப்படையில் பா.ஜ.க. உள்ளிட்ட சங்கபரிவார அமைப்புகளை தமிழ்நாட்டில் வேறூன்றவிடாமல் தடுக்க வேண்டும் என்ற அடிப்படையில் நீட் எதிர்ப்பு, ஹைட்ரோ கார்பன் போன்ற திட்டங்களை எதிர்த்து பல போராட்டங்கள், நியூட்ரினோ, ஸ்டெர்லைட் எதிர்ப்பு என படிப்படியாக பல போராட்டங்கள் இங்கு வலுப்பெற்றதால் வேறு எங்கும் இல்லாத அளவுக்கு மோதி எதிர்ப்பு அலை தமிழ்நாட்டில் இருந்தது. இது மிகப் பெரிய வெற்றியை தி.மு.க. கூட்டணிக்கு வழங்கியிருக்கிறது. தமிழகத்தில் கிடைத்த இந்த வெற்றி, அகில இந்திய அளவில் வேறு மாநிலங்களில் அமைய முடியாமல் போனதற்குக் காரணம் இங்கே தி.மு.க. தலைமையில் ஒரு மத சார்பற்ற அணி உருவானதைப் போல வேறு மாநிலங்களில் உருவாகவில்லை. தென்னிந்தியாவில்கூட கர்நாடகா, ஆந்திரா, கேரளா, தெலுங்கானா போன்ற இடங்களில் மதசார்பற்ற சக்திகளை ஒருங்கிணைக்கும் முயற்சிகள் நடக்கவில்லை. நடந்தாலும் வெற்றிபெறவில்லை. அதனால்தான் உத்தரப்பிரதேசம், மேற்கு வங்கம், காங்கிரஸ் ஆளும் மாநிலங்களான மத்தியப் பிரதேசம், சட்டீஸ்கர், ராஜஸ்தான் ஆகியவற்றில் படுதோல்வியை சந்திக்க நேர்ந்தது. மேற்கு வங்கத்தில் மம்தா பேனர்ஜியும் உத்தரப்பிரதேசத்தில் அகிலேஷும் காங்கிரசுடன் இணைந்து செயல்பட்டிருந்தால் பாரதீய ஜனதாக் கட்சியின் இந்த தனிப் பெரும் வெற்றியைத் தடுத்திருக்க முடியும். ஒரு வேளை தொங்கு பாராளுமன்றம்கூட உருவாகியிருக்கும். அப்படி ஒரு ஒருங்கிணைப்பு இல்லாததால், பா.ஜ.க. ஆட்சிக்கு வரக்கூடிய சூழலை வட மாநிலங்கள் உருவாக்கிவிட்டன என்பது வேதனைக்குரியது. கே. எதிர்க்கட்சிகளின் ஒற்றுமையின்மை மட்டுமே இந்த வெற்றிக்குக் காரணம் என்று சொல்லிவிட முடியுமா? நாடு முழுவதும் ஒரு இந்து எழுச்சியை பா.ஜ.க. வெற்றிகரமாக ஏற்படுத்தியிருப்பதே அக்கட்சியின் எழுச்சிக்கு முக்கிய காரணம் என்றும் சொல்லப்படுகிறது.. ப. தமிழ்நாட்டில் தி.மு.க. கூட்டணிக்கு வாக்களித்தவர்களை இந்து அல்லாதவர்கள் எனச் சொல்லிவிட முடியாது. அதேபோல, வட இந்திய மாநிலங்களில் எதிர்க்கட்சிகள் பெற்றிருக்கும் வாக்குகளிலும் வெற்றிகளிலும் இந்துக்களின் வாக்குகளே அதிகம். ஆகவே இந்துக்கள் எதிர்க்கட்சிகளுக்கு வாக்களிக்கவில்லை எனச் சொல்ல முடியாது. இந்து - இந்து அல்லாதவர்கள் என்ற உணர்வை தங்களுக்குச் சாதகமாக பயன்படுத்திக் கொண்டது பாரதிய ஜனதாக் கட்சி. ஆனால், ஒட்டுமொத்த இந்து சமூகமும் பா.ஜ.கவின் பின்னால் நிற்பதாக இந்த வெற்றியைப் புரிந்துகொள்ளக்கூடாது. அந்த சமூகத்தில் உள்ள ஜனநாயக சக்திகள் பா.ஜ.கவுக்கு எதிராகத்தான் வாக்களித்திருக்கிறார்கள். சிறுபான்மை சமூகத்தை சார்ந்தவர்கள் கடந்த ஐந்து ஆண்டுகளில் கடுமையான அச்சுறுத்தலுக்கு ஆளான நிலையில், மிக மூர்க்கமாக பா.ஜ.கவை எதிர்த்து வாக்களித்திருக்கிறார்கள். ஆகவே இந்து எழுச்சியால் கிடைத்த வெற்றி என்பதைவிட, மதச்சார்பற்ற ஜனநாயக சக்திகளிடையே இருந்த பலவீனம்தான் அவர்களிடையேயான வெற்றிக்கு வழிவகுத்துவிட்டது. இருந்தாலும் இந்து உணர்வு என்ற கருவியைப் பயன்படுத்தியிருக்கிறார்கள் என்பதும் ஓரளவுக்கு உண்மைதான். கே. மத்தியில் காங்கிரஸ் ஆட்சியமைக்காத காரணத்தால், தி.மு.க. கூட்டணிக்குக் கிடைத்த வெற்றியின் காரணமாக தமிழகத்திற்கு எந்தப் பலனும் கிடைக்காது என்ற கருத்தும் இருக்கிறது. ப. நலத்திட்டங்கள் என்ற அடிப்படையில் மட்டுமே நாடாளுமன்ற வெற்றியை நாம் அணுக முடியாது. நாடாளுமன்றத்தில் கொள்கை முடிவு எடுக்கும் நேரங்களில், சட்டங்களை வரையறுக்கும் நேரங்களில் எதிர்க்கட்சிகளின் பங்களிப்பு மிக முக்கியமானது. நாடாளுமன்றத்திற்குச் செல்வதே அமைச்சராக வேண்டுமென்பதற்காக அல்ல. கொள்கை தொடர்பானவற்றை விவாதிக்கத்தான். ஒரு சட்டத்தை உருவாக்கும்போது மக்களின் உணர்வுகளைப் பிரதிபலிக்க வேண்டும் என்பதற்காகத்தான். எனவே மதவாத சக்திகளின் கைகளில் ஆட்சி இருக்கும்போது, மிகப் பெரிய பெரும்பான்மையுடன் அவர்கள் ஆட்சி அதிகாரத்தைப் பெற்றிருக்கும் சூழலில் அவர்கள் விரும்பியபடி அரசியல் அமைப்புச் சட்டத்தை மாற்றும் வாய்ப்பு இருக்கிறது. விரும்பியபடி புதிய அரசியல் சட்டத்தை எழுத வாய்ப்பு இருக்கிறது. சிறுபான்மைச் சமூகத்திற்கு எதிராக காய்களை நகர்த்த வாய்ப்பு இருக்கிறது. இதையெல்லாம் தடுத்து நிறுத்த எதிர்க்கட்சிகளால் முடியும். அல்லது எதிர்த்துக் குரல் எழுப்ப முடியும். நாடு தழுவிய அளவில் மக்களிடையே அந்த உணர்வை உருவாக்க முடியும். நாடாளுமன்றத்தில் நாங்கள் எழுப்பும் குரல் மக்கள் மன்றத்தில் எதிரொலிக்கும். எனவே மதசார்பின்மையை பாதுகாக்க எதிர்க்கட்சிகளின் குரல் வலுவாக நாடாளுமன்றத்தில் எழும். ஆகவே, அமைச்சராகாவிட்டால் நாடாளுமன்றத்தில் எம்.பி. ஆவது வீண் என்பது பயன்கருதக்கூடியவர்களின் சிந்தனை. பதவி, பவிசை மனதில் வைத்திருப்பவர்களே இம்மாதிரி கருத்தைச் சொல்கிறார்கள். என்னைப் பொறுத்தவரை மக்களுடைய உணர்வை பிரதிபலிக்க இந்த வாய்ப்பு உதவுமென நம்புகிறேன். படத்தின் காப்புரிமை FACEBOOK கே. கேபினட் கமிட்டிகளில் தமிழகத்தைச் சேர்ந்த அமைச்சர்கள் இல்லாமல் போவது, அமைச்சரவைக் கூட்டங்களில் தமிழகம் தொடர்பாக என்ன முடிவு எடுக்கிறார்கள் என்பதுகூட தெரியாமல் போவதற்கு வாய்ப்பை ஏற்படுத்தாதா? ப. அப்படி அல்ல. எந்த முடிவு எடுத்தாலும் எதிர்க்கட்சிகளுக்கு தெரிவிக்க வேண்டியது ஆட்சியாளர்களின் கடமை. எதிர்க்கட்சிகளின் கருத்து வெற்றிபெற முடியாமல் போகலாமே தவிர, நம்முடைய குரல் எடுபடாமல் போகலாமே தவிர நம் கவனத்திற்கு வராமல் எதுவும் நடக்காது. எல்லா முடிவுகளும் நாடாளுமன்றத்தின் பார்வைக்கு வந்துதான் போகும். அவை நிச்சயமாக நாடாளுமன்றத்தில் விவாதத்திற்கு உட்படுத்தப்படும். நம் விருப்பத்திற்கு ஏற்றபடி அதில் மாற்றத்தை ஏற்படுத்த முடியாமல்போனாலும் மாற்றுக் கருத்தைச் சொல்ல முடியும். அது மக்கள் மன்றத்தில் பிரதிபலிக்கும். போராட்டங்களாக வெடிக்கும். கே. விடுதலைச் சிறுத்தைகள் கட்சியின் சார்பில் ஒற்றை உறுப்பினராக நாடாளுமன்றத்தில் நீங்கள் இருக்கும்போது நீங்கள் பேசுவதற்குக் கிடைக்கும் வாய்ப்பு மிகக் குறைவாகவே இருக்கும். இந்த சவாலை எப்படி எதிர்கொள்வீர்கள்? ப. நாடாளுமன்றத்தில் 8 எம்.பிக்கள் இருந்தால்தான் நாடாளுமன்ற கட்சி என அங்கீகரிப்பார்கள். 5 உறுப்பினர்கள் இருந்தால் அதை ஒரு 'க்ரூப்' என அங்கீகரிப்பார்கள். ஐந்துக்கும் கீழே இருந்தால் உதிரி என்றுதான் நாடாளுமன்றத்தால் பார்க்கப்படும். எனவே, 'பார்ட்டி', 'க்ரூப்' ஆகிய பிரிவுகளுக்குத்தான் நேரம் பகிர்ந்தளிக்கப்படும். மற்றவர்களுக்கு நேரம் ஒதுக்கீடு செய்யப்பட மாட்டாது. நாமாக வலிந்து, நேரம் கேட்டுத்தான் பேச வேண்டும். மற்றபடி எல்லா அதிகாரங்களும் எல்லா உறுப்பினர்களுக்கும் உண்டு. கே. நாடாளுமன்றத் தேர்தல் முடிவுகள் வெளிவந்தபோது, நீங்கள் போட்டியிட்ட சிதம்பரம் தொகுதியில் உங்களுடைய வெற்றி என்பது இறுதிவரை போராட்டமாகவே இருந்தது. என்ன காரணம்? ப. எனக்கு துவக்கத்திலிருந்தே போராட்டம்தான். முதலில் கூட்டணி அமைவதே போராட்டமாகத்தான் இருந்தது. இரண்டு ஆண்டுகளுக்கும் மேலாக தி.மு.கவுடன் இணைந்து போராட்டக் களத்தில் செயல்பட்டிருந்தாலும்கூட தேர்தல் கூட்டணி அமைக்கும் நேரத்தில் தி.மு.கவும் பா.ம.கவும் பேச்சுவார்த்தை நடத்தின. தி.மு.க. - பா.ம.க. கூட்டணி அமையாது என்ற நம்பிக்கையில் நான் பொறுமையாகக் காத்திருந்தேன். இதுவே ஒரு போராட்டமாகத்தான் ஒரு சில நாட்கள், சில வாரங்கள் கடந்தன. கடைசியில் தி.மு.கவோடு கூட்டணியில் தொடரும் சூழல் அமைந்தது. கூட்டணியில் இடம்பெற்ற பிறகு, தொகுதிப் பங்கீடு, என்னென்ன தொகுதி என அடையாளம் காணுதல் போன்றவற்றில்கூட கடுமையாக நாங்கள் போராட வேண்டியிருந்தது. பின்னர் இரண்டு தொகுதிகளைப் பெற்று நாங்கள் தேர்தல் களத்தில் இறங்கினோம். மற்ற எந்தத் தொகுதியிலும் இல்லாத அளவுக்கு சிதம்பரம் தொகுதியில் மிக மூர்க்கமாக சாதி வெறி சக்திகளும் மதவெறி சக்திகளும் எங்களை எதிர்த்தார்கள். வாக்கு சேகரிக்க விடாமல் தடுத்தார்கள். பல கிராமங்களில் நுழையவிடாமல் தடுத்தார்கள். எழுதிய விளம்பரங்களை அழித்தார்கள். ஒட்டிய போஸ்டர்களைக் கிழித்தார்கள். கல்லெறிந்தார்கள். காயப்படுத்தினார்கள். சாதிப் பெயரைச் சொல்லி வசவுபாடினார்கள். அது ஜாதி மோதலாக மாறிவிடக்கூடாது என்பதற்காக எல்லாவற்றையும் நாங்கள் பொறுத்துக்கொண்டோம். வாக்கு சேகரிப்பது ஒவ்வொரு வேட்பாளரின் உரிமை. எல்லா தேர்தலிலும் பிரசாரத்தின்போது நான் எதிர்ப்பை சந்திப்பது வழக்கம்தான். ஆனால் இந்தத் தேர்தலில் திட்டமிட்டு ஜாதி அடிப்படையில் இதைச் செய்தார்கள். எனக்காக வாக்கு சேகரித்தவர்கள் மீது தாக்குதல் நடந்தது. குறிப்பாக தி.மு.கவை சேர்ந்த பொறுப்பாளர்களை, அவர்கள் ஒரு குறிப்பிட்ட சமூகத்தைச் சார்ந்தவர்கள் என்பதாலேயே அவர்களை இழிவுபடுத்தி பேசினார்கள். எனக்கு வேலை செய்யக்கூடாது, வாக்கு சேகரிக்கக்கூடாது என அவர்களுக்கும் நெருக்கடி தந்தார்கள். ஒடுக்கப்பட்ட மக்களை வாக்களிக்கவிடாமல் பல கிராமங்களில் தடுத்தார்கள். அவர்களே அந்த வாக்குச் சாவடிகளைக் கைப்பற்றி வாக்குகளை பதிவுசெய்துகொண்டார்கள். அந்தத் தொகுதியில் சங்கபரிவார அமைப்புகளைச் சேர்ந்தவர்கள் எனக்கெதிராக தீவிரமாக அவதூறுகளைப் பரப்பினார்கள். பிரசாரம் செய்தார்கள் என்ற தகவல்களும் வந்தன. அதை உறுதிப்படுத்தும் வகையில் பொன்பரப்பியில் இந்து முன்னணியைச் சேர்ந்த ஒருவர், பலரைத் திரட்டி எங்கள் விளம்பரங்களை அழிப்பது, சுவரொட்டிகளைக் கிழிப்பது, பானையை உடைப்பது, பக்கத்து கிராமங்களைச் சேர்ந்தவர்களைத் திரட்டி எங்களுக்கு வாக்களித்த மக்கள் மீது தாக்குதல் நடத்துவது போன்றவற்றையும் செய்தார். நான் வெற்றிபெற்றுவிடக்கூடாது என திட்டமிட்டு ஜாதீய, மதவாத சக்திகள் கோடிக்கணக்கில் பணத்தைக் கொட்டி இறைத்தார்கள். எனக்கெதிரான அவதூறுகளைத் திட்டமிட்டு பரப்பினார்கள். மிக நெருக்கடியான சூழல்களை எனக்கெதிராக உருவாக்கினார்கள். என்னோடு வந்தவர்களின் வாகனங்களின் மீது கல்வீச்சுத் தாக்குதல் நடத்தினார்கள். நான் செல்லும் வழியில் மரங்களைக் குறுக்கே போட்டு, பாறாங்கற்களைத் தூக்கிப்போட்டு பயணங்களைத் தடைசெய்தார்கள். தலித் அல்லாத குடியிருப்புகளுக்குள் நுழையக்கூடாது என மறித்தார்கள். எல்லாவற்றையும் மீறி இந்தத் தேர்தலில் மக்கள் எனக்கு வெற்றிவாய்ப்பைத் தந்திருக்கிறார்கள். 7 இடங்களில் போட்டியிட்ட பா.ம.க. தோற்றுப்போனது. என்னைத் தோற்கடிக்க வேண்டும் என்ற முயற்சியிலும் அவர்கள் தோற்றுப்போனார்கள். பா.ம.க. மட்டுமல்ல, சங்கபரிவார அமைப்புகள் அனைத்தும் ஒருங்கிணைந்து எனக்கெதிராக வேலை செய்தார்கள். தேர்தல் நேரத்தில் நான் சனாதன எதிர்ப்பு மாநாடு நடத்தியது அவர்களுக்கு மிகப் பெரிய உறுத்தலாகவும் எரிச்சலாகவும் இருந்தது என்பதை அவர்கள் செய்த பிரசாரத்தில் என்னால் புரிந்துகொள்ள முடிந்தது. இதையெல்லாம் மீறி ஒடுக்கப்பட்டவர்கள், கிறிஸ்தவர்கள், இஸ்லாமியர்கள் தி.மு.க. கூட்டணியையும் என்னையும் ஆதரித்தார்கள். அதைத் தாண்டி சாதிய அடிப்படையில் என்னை ஒதுக்க நினைத்த சூழலில், தலித் அல்லாத, சிறுபான்மைச் சமூகம் சாராத மக்களும் கணிசமாக வாக்களித்த காரணத்தால்தான் 5 லட்சம் வாக்குகளை என்னால் பெற முடிந்தது. சொற்பமான வாக்கு வித்தியாசமாக இருந்தாலும்கூட வெற்றிபெற முடிந்தது. எனவே அங்குலம் அங்குலமாக இந்தத் தேர்தல் களத்தில் நான் போராடிப் போராடி வெற்றியை எட்ட முடிந்தது. இந்த வெற்றி இலகுவாகக் கிடைத்துவிடவில்லை. இந்த வெற்றியை வழங்கிய மக்களுக்கு நன்றிக்கடன் பட்டிருக்கிறேன். கே. தேர்தல் நெருங்கும் நேரத்தில் சனாதன எதிர்ப்பு மாநாட்டை நீங்கள் நடத்துவதற்கு என்ன காரணம்? இம்மாதிரியான முயற்சிகள் இந்து வாக்குகளை உங்களுக்கு எதிராக ஒருங்கிணைக்க உதவுமே.. ப. தேர்தலில் வரப்போகும் வெற்றி-தோல்வியைப் பற்றி நான் கவலைப்படவில்லை. தமிழ்நாட்டில் மோதிக்கு எதிராக ஒரு உளவியல் இருக்கிறது. அதை வலுப்படுத்த வேண்டும், நிலைப்படுத்த வேண்டும் என்ற வேட்கை எனக்குள் இருந்தது. 2016 தேர்தலை ஒட்டி அமைக்கப்பட்ட மக்கள் நலக் கூட்டணி, தேர்தல் முடிந்த உடனேயே தொடர்ந்து இயங்க முடியாமல் போனது. ஆனால், நான் அப்படியே முடங்கிப்போகாமல், உடனடியாக மதசார்பின்மை பாதுகாப்பு மாநாடு ஒன்றை ஒருங்கிணைத்தேன். அந்த மாநாட்டில் காங்கிரஸ் உட்பட பல அமைப்புகளை ஒருங்கிணைத்து தமிழ்நாட்டில் மோடிக்கு எதிராக மதவாத சக்திகளுக்கு எதிராக, அனைத்து முற்போக்கு சக்திகளையும் ஒருங்கிணைக்கும் முயற்சிகளை மேற்கொண்டேன். தொடர்ச்சியாக தி.மு.கவோடு கைகோர்த்து அனிதாவின் மரணத்திற்குப் பிறகு நீட் எதிர்ப்பு, ஹைட்ரோ கார்பன் திட்டத்திற்கு எதிர்ப்பு என அடுத்தடுத்து மோதிக்கு எதிரான உளவியலைக் கட்டமைப்பதில் பெரும்பங்கு ஆற்றினோம். அதனுடைய உச்ச நிலைதான், சனாதன எதிர்ப்பு மாநாடு. மதச்சார்பற்ற கட்சிகள் எல்லாம் இணைந்துதேர்தலைச் சந்திக்க வேண்டும்; அகில இந்திய அளவில் காங்கிரஸ் தலைமையில் இடதுசாரிகளும் இணைந்து பா.ஜ.கவை வீழ்த்த வேண்டும் என்பதை மையமாக வைத்து அந்த மாநாட்டை நடத்தினேன். படத்தின் காப்புரிமை FACEBOOK கே. இந்தத் தேர்தலில் உங்களுக்கான வெற்றி மிகப் பெரிய போராட்டத்திற்குப் பிறகே கிடைத்தது. தி.மு.கவின் உதயசூரியன் சின்னத்தில் நின்றிருந்தால் வெற்றி எளிதாகக் கிடைத்திருக்கும் என்று ஒரு வாதம் இருக்கிறது. நீங்கள் ஏன் தனிச் சின்னத்தில் நிற்க முடிவு செய்தீர்கள்? ப. அதை நான் மறுக்கவில்லை. உதயசூரியன் சின்னத்தில் நின்றால் எளிதாக வென்றுவிடலாம் என்றாலும்கூட, விடுதலைச் சிறுத்தைகள் கட்சி நீண்ட காலமாக தனிச் சின்னத்திலே போட்டியிட்டு தேர்தலை சந்தித்துவந்திருக்கிறோம். இந்தத் தேர்தல்களில் எல்லாம் நாங்கள் தோல்வியைச் சந்தித்தாலும்கூட விடுதலைச் சிறுத்தைகள் கட்சி ஒரு தனித்தன்மையுடன் வளர்ந்துவரும் கட்சி; சுதந்திரமாக இயங்க வேண்டும் என்ற தொலைநோக்கு பார்வையோடு செயல்பட்டுவரும் கட்சி. ஆகவே அந்தத் தனித்துவத்தைக் காப்பாற்றவேண்டும் என்ற எண்ணத்தில் இரண்டு தொகுதிகளிலுமே தனிச் சின்னத்தில் போட்டியிட விரும்பினோம். முடிவெடுத்தோம். விழுப்புரம் மாவட்டத்தை பொறுத்தவரை ஏற்கனவே நாங்கள் மூன்று - நான்கு முறை தனிச் சின்னத்தில் போட்டியிட்டு தொடர்ந்து தோல்வியைச் சந்திக்க நேர்ந்திருக்கிறது. அதை பரிசீலனைக்கு எடுத்துக்கொண்டோம். கடலூர் மாவட்டத்தில் உதயசூரியன் சின்னத்தில் வெற்றிபெற்றிருக்கிறோம். 2001ல் நான் மங்களூர் தொகுதியில் உதயசூரியன் சின்னத்தில் போட்டியிட்டுதான் வெற்றிபெற்றேன். அதன் பிறகு தொடர்ச்சியாக தனிச் சின்னத்தில்தான் போட்டியிட்டுவருகிறோம். 2006ல் அ.தி.மு.க. கூட்டணியில் இடம்பெற்றபோது இரட்டை இலை சின்னத்தில் போட்டியிடும்படி ஜெயலலிதா அம்மையார் கேட்டுக்கொண்டார். ஆனாலும் அப்போது நாங்கள் மணிச் சின்னத்தில் போட்டியிட்டு கடலூரில் 2 இடங்களில் வெற்றிபெற்றோம். ஆனாலும் அப்போது விழுப்புரத்தில் வெற்றிபெற முடியவில்லை. 2009ல் தி.மு.க. கூட்டணியில் இருந்தபோது, நான் சிதம்பரம் தொகுதியில் ஸ்டார் சின்னத்தில் வெற்றிபெற்றேன். அப்போதும் விழுப்புரம் மாவட்டத்தில் 2000 வாக்குகள் வித்தியாசத்தில் வெற்றிவாய்ப்பை இழந்தோம். 2011ல் மெழுகுவர்த்தி சின்னத்தில் தி.மு.க. கூட்டணியில் போட்டியிட்டோம். ஆனால், தி.மு.க. அணிக்கு எதிரான அலை தமிழ்நாடு முழுவதும் வீசியது. ஆகவே போட்டியிட்ட எந்தத் தொகுதியிலும் வெற்றிபெற முடியவில்லை. 2014 நாடாளுமன்றத் தேர்தலிலும் தி.மு.க. கூட்டணியில்தான் இருந்தோம். அப்போது நாங்கள் மோதிரம் சின்னத்தில் போட்டியிட்டோம். சிதம்பரம், திருவள்ளூர் ஆகிய இரு தொகுதியிலுமே தோல்வியைத் தழுவ நேர்ந்தது. இருந்தாலும் தனிச் சின்னத்தில் போட்டியிட்டோம் என்ற திருப்தி இருந்தது. 2016ல் மக்கள் நலக் கூட்டணியில் 25 இடங்களில் மோதிரம் சின்னத்தில் போட்டியிட்டோம். காட்டுமன்னார் கோவில் தொகுதியில் நான் 3,000 வாக்கு வித்தியாசத்தில் வெற்றிபெற்றதாக முதலில் அறிவித்தார்கள். சில நிமிடங்களில் 87 வாக்குகளில் நான் தோற்றதாக அறிவித்தார்கள். வெற்றியோ, தோல்வியோ 25 இடங்களில் தனிச் சின்னத்தில் நாங்கள் போட்டியிட்டோம் என்பது ஒரு சிறப்பு. இந்த முறையும் தனிச் சின்னத்தில் போட்டியிட வேண்டுமென்றுதான் விரும்பினோம். ஆனால், விழுப்புரத்தில் மறுபடியும் தனிச் சின்னத்தால் வெற்றிவாய்ப்பை இழந்துவிடக் கூடாது; கூட்டணிக் கட்சியின் சின்னமான உதயசூரியன் சின்னத்தில் போட்டியிடலாம் என்ற முடிவை எடுத்தோம். அதனால் நான் தனிச் சின்னத்திலும் ரவிக்குமார் உதயசூரியன் சின்னத்தில் போட்டியிடுவதென்று முடிவெடுத்தோம். இப்போது இரு தொகுதிகளிலும் வெற்றி கிடைத்திருக்கிறது. இது போராடிக் கிடைத்த வெற்றி என்றாலும்கூட தனித் தன்மையோடு வி.சி.க. ஒரு தொகுதியிலாவது போட்டியிட்டு வெற்றிபெற்றிருக்கிறது என்ற வரலாற்றை பதிவுசெய்திருக்கிறோம். கே. அடுத்த ஐந்தாண்டுகளில் நாடாளுமன்றத்தில் என்ன செய்யத் திட்டமிட்டிருக்கிறீர்கள். ப. மக்களுடைய உணர்வுகளை நாடாளுமன்றத்தில் பிரதிபலிக்க முடியும். மதசார்பின்மையைப் பாதுகாப்பதுதான் இப்போது நம் முன்னால் உள்ள மிகப் பெரிய சவால். சிறுபான்மை மக்களுக்கு, தலித் மற்றும் பழங்குடி மக்களுக்கு, பெண்களுக்கு இந்துத்துவ, சனாதன சக்திகளிடமிருந்து பாதுகாப்பை உறுதிப்படுத்த வேண்டிய தேவை இருக்கிறது. அதற்கான ஒரு போராட்டத்தை நாடாளுமன்றத்தில் எங்களால் முன்னெடுக்க முடியுமென நம்புகிறேன். மற்றபடி ஒரு நாடாளுமன்ற உறுப்பினர் தனக்குரிய அதிகாரத்தைப் பயன்படுத்தி மக்களுக்கு என்னவெல்லாம் செய்ய முடியுமோ அதையெல்லாம் செய்வோம். என்றாலும் சாலைகளை அமைத்தோம், கட்டடங்கள் தந்தோம், வேலைவாய்ப்பு தந்தோம் என்பதையெல்லாம்விட அடுத்த தலைமுறையைப் பாதுகாக்க ஒரு சித்தாந்த யுத்தத்தை நடத்தினோம் என்பதற்கான வாய்ப்பாக இந்த ஐந்தாண்டு காலத்தை நாங்கள் பயன்படுத்திக்கொள்வோம்.. https://www.bbc.com/tamil/india-48422301
    • May 27, 2019 யாழில் போலி ஆவணங்கள் தயாரித்து காணிகள் விற்கப்படும் சம்பவங்கள் நடைபெற்று வருவதாகவும் , அது தொடர்பில் விழிப்பாக இருக்குமாறு யாழ்.மாவட்ட செயலகம் கோரியுள்ளது. காணிகளுக்கு போலி (கள்ள) உறுதிகள் முடித்து காணிகள் விற்கும் செயற்பாடுகள், வெளிநாடுகளில் நீண்ட காலமாக வசித்து வருவோரின் காணிகளை கையகப்படுத்தல் போன்ற செயற்பட்டுகள் அதிகரித்துள்ளன. அவ்வாறு கையகப்படுத்தும் காணிகளை குறைந்த விலைகளுக்கு விற்பனை செய்கின்றனர். அக்காணிகளை வாங்கியவர்கள் பின்னர் அதனை சட்டரீதியாக , சட்டத்தரணிகள் ஊடாக தமக்கு பெயர் மாற்றம் செய்ய முற்படும் போதே தாம் ஏமாற்றப்பட்ட விடயங்கள் அவர்களுக்கு தெரியவருகின்றன. கடந்த 2018 ஆம் ஆண்டு முதல் இதுவரையான கால பகுதியில் காணி பதிவாளரின் சார்பாக மேலதிக காணி பதிவாளர் நீதிமன்றில் 4 வழக்குகளை எதிர்கொண்டு உள்ளார். என்பதும் குறிப்பிடத்தக்கது. http://globaltamilnews.net/2019/122828/
    • May 27, 2019 Add Comment Share This! Facebook Twitter Google Plus Pinterest LinkedIn கிளிநொச்சி மகாவித்தியாலயம் உள்ளிட்ட பிரபல பாடசாலைகளில் இன்று விசேட சோதனைகள் இடம்பெற்றன. காவல்துறையினரும் படையினரும் இணைந்து குறித்த சோதனை நடவடிக்கையினை முன்னெடுத்திருந்தனர். இன்று காலை கிளிநாச்சி மகாவித்தியாலயத்தில் இவ்வாறு சோதனைகள் முன்னெடுக்கப்பட்டதுடன், பலத்த பாதுகாப்பு கடமைகளிலும் காவல்துறையினர் மற்றும் படையினர் ஈடுபட்டதுடன் பாடசாலை சூழல் மோப்ப நாய்களைக் கொண்டு தேடுதலும் மேற்கொள்ளப்பட்டது, இதேவேளை வழமைபோன்று பாடசாலை மாணவர்கள், ஆசிரியர்கள் உள்ளிட்ட பாடசாலை சமூகம் அனைவரது பொதிகளும் சோதனையிடப்பட்டன. 21ம்திகதி தாக்குதலின் பின்னர் பாடசாலைகளின் பாதுகாப்பு பலப்படுத்தப்பட்டு வந்தது. எனினும் கெடுபிடிகள் படிப்படியாக குறைவடைந்து வந்த நிலையில் இன்று திடீர் சோதனை மேற்கொள்ளப்பட்டமை குறிப்பிடத்தக்கது. #கிளிநொச்சி  #பிரபல #பாடசாலைகளில் #விசேட சோதனை #kilinochchi #checking http://globaltamilnews.net/2019/122791/