முல்லைத்தீவில் புலிகளின் ஆவணங்களைத் தேடி அகழ்வு

[கிருபன்]

முல்லைத்தீவில் புலிகளின் ஆவணங்களைத் தேடி அகழ்வு :

May 8, 2019

குளோபல் தமிழ்ச் செய்தியாளர்

முல்லைத்தீவு புதுக்குடியிருப்பு காவல்துறை  பிரிவிற்கு உட்பட்ட மூங்கிலாறு வடக்கு பகுதியில் தனிநபர் ஒருவரின் காணிக்குள் இன்று நீதிமன்ற உத்தரவிற்கு அமைவாக தோண்டும் நடவடிக்கை ஒன்று முன்னெடுக்கப்பட்டுள்ளது.

விடுதலைப்புலிகளின் முக்கிய ஆவணங்கள் இருப்பதாக தெரிவித்து நீதிமன்றின் அனுமதி பெறப்பட்டு இந்த அகழ்வு நடவடிக்கை இன்று காலை இடம்பெற்றது.

இதன்போது நீதிமன்ற பதிவாளர் மற்றும் காவல்துறையினர் , படையினர் ,தொல்பொருள் திணைக்கள அதிகாரிகள்இபிரதேச செயலக அதிகாரிகள் ,கிராம அலுவலகர் ஆகியோர் முன்னிலையில் குறித்த காணிப்பகுதியில் தோண்டப்பட்ட போதும் எதுவித பொருட்களும் அங்கிருந்து மீட்கப்படவில்லை என்பது குறிப்பிடத்தக்கது #mullaitheevu #puthukudiyiruppu #ltte #documents

  

 

 

http://globaltamilnews.net/2019/121137/

[putthan]

யாராவது சொல்லியிருப்பினம் தங்கம் இருக்கு என்று அதை நம்பி உவையளும் கிண்டியிருப்பினம், அல்லது சில ஆவணங்களை தாயாரித்து போட்டு புலிகளுக்கும் மொகமட்டுக்கும்,அப்துல்லாவுக்கும் தொடர்பு  என றீல் விடவோ தெரியாது....எல்லாம அவன் செயல்...

[சுவைப்பிரியன்]

உந்த கிடங்கை வீணாக்காமல் மீன் வளர்க்கலாம்.

[valavan]

கொஞ்சநாளா அமைதியா இருந்தார்கள்

இப்போ நாடு முழுவதும் ஐஎஸ் தீவிரவாதிகளை தேடிக்கொண்டிருக்கும் நேரத்தில்

மறுபடியும் பிரபாகரன் படம் வைத்திருந்தவர் கைது

புலிகளின் ஆவணங்களை தேடி வேட்டை அப்படியென்றெல்லாம் ஆரம்பிக்கிறார்கள்.

மிக முரட்டுதனமான சோதனைகளால் ஆட்சியாளர்கள்மேல் கொதிப்படைந்திருக்கும் ஒட்டு மொத்த முஸ்லீம் வாக்காளர்களும் மஹிந்த பக்கம் சாயாமல் இருக்க 

பாருங்கள் நாங்கள் முஸ்லீம் தமிழர்கள் என்று எல்லாம் பார்ப்பதில்லை பயங்கரவாதிகளை மட்டுமே எதிர்க்கிறோம் என்று முஸ்லீம்களுக்கு காட்டுவதற்கு எடுக்கபடும் நடவடிக்கைகள்போலவே தெரிகிறது.