யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
கிருபன்

ஐ.எஸ்.அமைப்பை இலங்கையில் தடை செய்வதில் உள்ள சவால்கள் !

Recommended Posts

ஐ.எஸ்.அமைப்பை இலங்கையில் தடை செய்வதில் உள்ள சவால்கள் !

ஈஸ்டர் தின தாக்குதல்களுக்குப்பிறகு ஐ.எஸ்.தீவிரவாத அமைப்புடன் தொடர்புடைய உள்ளூர் அமைப்புகள் இரண்டை அரசாங்கம் தடை செய்திருந்தது. ஏன் ஐ.எஸ்.அமைப்பை இலங்கையில் தடை செய்ய முடியாது என்ற கேள்விக்கு எவரும் பதில் கூற வில்லை. மாறாக அது ஒரு சர்வதேச தீவிரவாத அமைப்பு என்பதால் அதை இலங்கையில் ஏன் தடை செய்ய வேண்டும் என்ற கேள்வியும் எழுந்தது.

Band-ISIS.jpg

குறித்த அமைப்பில் பயிற்சி பெற்றவர்களை கைது செய்வதற்குக் கூட சட்ட ஏற்பாடுகள் இலங்கையில் இல்லை என பிரதமர் ரணில்  பிரித்தானியாவின் ஸ்கை நியூஸ் தொலைகாட்சி அலைவரிசைக்கு வழங்கிய நேர்காணலில் தெரிவித்திருந்தமையை நாம் அறிவோம். ஏனெனில் தீவுக்கு வெளியே உள்ள ஒரு அமைப்பின் கீழ் பயிற்சி பெற்று நாட்டில் உள்ளவர்களை கைது செய்வதற்கு சட்டங்கள் இன்னும் உருவாக்கப்படவில்லை என்பதே அதற்குக்காரணம்.

இதன் காரணமாகவே குறித்த அமைப்பில் இணைவதற்கு சிரியா உட்பட பல நாடுகளுக்குச் சென்ற இலங்கையர்கள் சிலர் யார் என்றும் தெரிந்தும் அவர்களை கைது செய்யவும் விசாரணை நடத்தவும் முடியாது இருந்தது இலங்கை அரசாங்கம். எனினும் அந்த அமைப்பினால் தேசிய பாதுகாப்புக்கு ஆபத்து வந்த பிறகு அமைப்போடு தொடர்புடையவர்களை கைதுசெய்து வருவதுடன் அமைப்புகளையும் தடை விதித்திருக்கின்றது. எனினும் பயங்கரவாத செயற்பாடுகளுடன் தொடர்புடையவர்களை சாதாரண சட்டத்தின் கீழ் கைது செய்யலாம் என்பது முக்கிய விடயம்.

சவால்கள்

வெளிநாட்டு தீவிரவாத அமைப்புகளை தடை செய்வதில் உள்ள மிக முக்கியமான பிரச்சினை என்னவென்றால் வெளிநாடுகளில் வாழ்ந்து வரும் அல்லது அங்கு தொழில் புரிந்து வருபவர்களாவர். கடந்த காலங்களில் இவ்வாறு தடை செய்த நாடுகளைச் சேர்ந்தவர்களை மிக கொடூரமான முறையில் கொலை செய்து வந்த அமைப்பே ஐ.எஸ்.ஆகும். சிரச்சேதம் செய்தல் ,துப்பாக்கியால் தலையில் சுட்டுக்கொல்லுதல், உயிருடன் கழுத்தை அறுத்து கொலை செய்தல் என இவர்களின் கொடூரச்செயல்கள் அதிகரித்து வந்தன. ஆகவே மத்திய கிழக்கு உட்பட பல நாடுகளில் தொழில் புரிந்து வரும் இலங்கையர்கள் ,மற்றும் அங்கு குடியேறியோர், உல்லாசப்பயணங்களை மேற்கொள்வோர் என அனைவரினதும் பாதுகாப்பு குறித்து தற்போது இலங்கை சிந்திக்க வேண்டியுள்ளது.

தமது செயற்பாடுகளை முன்னெடுக்க இவ்வாறானவர்களை பணயக்கைதிகளாக பிடித்து வைத்து காரியத்தை சாதிக்கும் செயற்பாடுகளையும் இவர்கள் முன்னெடுத்து வருகின்றனர். குறிப்பாக இஸ்லாமிய மத அடிப்படைவாத குழுக்களாக இருக்கும் எல்லா அமைப்புகளுமே இவ்விடயத்தில் ஒரே பாணியில் செயற்படுவதாலேயே பாதிக்கப்பட்ட நாடுகள் அனைத்தும் ஒன்றிணைந்து இக்குழுக்களுக்கு எதிராக ஓரணியில் திரள வேண்டும் என்ற கோரிக்கைகள் எழுந்துள்ளன.

இஸ்லாமிய தீவிரவாதம் பற்றி ஜேர்மன் ஊடகம்

2014 ஆம் ஆண்டு தனது நாட்டில் ஐ.எஸ் அமைப்பை தடை செய்தது ஜேர்மன். இந்நாட்டு  ஊடகம் ஒன்று கடந்த வாரம் இலங்கை தாக்குதலை தொடர்பு படுத்தி உலகளாவிய ரீதியில் இஸ்லாமிய தீவிரவாத தாக்குதல்களின் விளைவுகள் என்ற தலைப்பில் கட்டுரை ஒன்றை வரைந்திருந்தது. இதன் படி  2001 ஆம் ஆண்டு நியூயோர்க் இரட்டை கோபுரத் தாக்குதலிலிருந்து இது வரை இஸ்லாம்  மதத்தை அடிப்படையாகக்கொண்டு இயங்கும் தீவிரவாத அமைப்புகள் உலகெங்கினும் 31,221 தாக்குதல்களை நடத்தியுள்ளதுடன் இதன் மூலம் 146,811 பேர் கொல்லப்பட்டுள்ளதாக தகவல் வெளியிட்டுள்ளது.

தாக்குதல்களை நடத்தாது வெளிநாட்டவர்களை பணயக் கைதிகளாக பிடித்து வைத்து மேற்கொள்ளப்பட்ட கொலைகளில் முதலிடம் பிடிக்கும் இயக்கமாக ஐ.எஸ்.விளங்குகிறது.

 இதே வேளை மேற்படி ஊடகம் 2001 ஆம் ஆண்டிலிருந்து இஸ்லாமிய தீவிரவாத அமைப்புகளால் மேற்கொள்ளப்பட்ட மிக மோசமான தாக்குதல்களை பட்டியல்படுத்தியுள்ளதுடன் இறுதியாக இலங்கையில் இடம்பெற்ற தாக்குதலையும் அதில் சேர்த்துள்ளது.

2004 ஆம் ஆண்டு ஸ்பெயின் தலைநகர் மட்ரிட்டில் அல் கொய்தா மேற்கொண்ட தாக்குதலில் 193 பேர் கொல்லப்பட்டதுடன் இரண்டாயிரத்துக்கும் அதிகமானோர் காயமுற்றனர். அதே போன்று 2014 ஆம் ஆண்டு  நைஜீரியா போகோ ஹாராம் குண்டு வெடிப்பில் 300 பேர் கொல்லப்பட்டனர். இதன் தொடர்ச்சியாக பாரிஸ், பிரஸல்ஸ், ஆபிரிக்கா , மற்றும் இறுதியாக 2018 ஆம் ஆண்டு சிரியாவில் ஐ.எஸ்.அமைப்பு மேற்கொண்ட தற்கொலைக்குண்டு தாக்குதலுக்குப்பிறகு இலங்கையில் இடம்பெற்ற தாக்குதலை இவ் ஊடகம் சுட்டிக்காட்டியுள்ளது.

தாக்குதலை எதிர்பார்க்காத அரசாங்கம்

இதேவேளை இஸ்லாமிய மத அடிப்படைவாத குழுவாக ஐ.எஸ்.அமைப்பு இருக்கின்ற போதிலும் அது இலங்கை வாழ் முஸ்லிம்கள் சிலரை இணைத்து இத்தாக்குதல்களை நடத்தியதை அதியசமாகவே பார்க்க வேண்டியுள்ளதாக சர்வதேச நெருக்கடி குழுவின் இலங்கை தொடர்பான பகுப்பாய்வு நிபுணர் அலன் கீனன் தெரிவிக்கின்றார்.  ஏனென்றால் இலங்கை வரலாற்றை எடுத்துப்பார்த்தால் இங்கு வாழும் முஸ்லிகள் ஏனைய இனங்களுக்கு  எதிராக வன்முறைகளில் குழுக்களாகவோ அமைப்பாகவோ செயற்பட்டிருக்க வில்லை. தீவிர பௌத்த அடிப்படை வாத குழுக்களின் தாக்குதல்களுக்கு முகங்கொடுத்திருந்தாலும் அவர்கள் மிதமாகவே செயற்பட்டிருந்தனர் என்கிறார்.

2017 ஆம் ஆண்டு அறிக்கைகளின் பிரகாரம் தென்னாசிய நாடுகளுடன் ஐ.எஸ் அமைப்பின் தொடர்புகள் மிகவும் பலவீனமானதாகவே இருந்ததாக தெரியவருகிறது. சிரியா மீதான தாக்குதல் காலப்பகுதியில் அதாவது 2016 ஆம் ஆண்டின் படி ஐ.எஸ் அமைப்புடன் தொடர்புகளை ஏற்படுத்தி அங்கு சென்று பயிற்சி பெற்றவர்களின் எண்ணிக்கையைப்பார்க்கும் போது இந்தியா- 75, பாகிஸ்தான் -650, இலங்கை -32 என உள்ளது. 

ஆனால் இதில் எத்தனைப்போர் தமது நாட்டிற்கு திரும்பி வந்தனர் என்ற தகவல்கள் தெளிவாக இல்லை. இந்நிலையில் இலங்கையைப்பொறுத்தவரை இது தொடர்பான தேடல்கள் மிக அதிகமாகவே உள்ளன.  ஏனெனில் ஈஸ்டர் தாக்குதல் சம்பவங்களுக்குப்பிறகு இலங்கை வாழ் முஸ்லிம்களின் பாதுகாப்பு குறித்த அச்சம் அவர்களுக்கு மத்தியில் எழுந்துள்ளது. பெரும்பான்மையான முஸ்லிம்கள் இத்தாக்குதல் சம்பவங்களுக்கு தமது எதிர்ப்பை வெளிப்படுத்தியுள்ளனர்.

இந்நிலையில் அந்த முஸ்லிம்களை பாதுகாப்பதற்காக உணர்ச்சிவயப்பட்ட நிலையில் சில இளைஞர்கள் தவறான பாதைக்குச்செல்வதற்கு வழியேற்படும் நிலைமை கூட ஏற்பட இடமுண்டு. ஆகவே அரசாங்கம் இவ்விவகாரத்தில் மிகவும் கவனமாக செயற்பட வேண்டிய நிலைக்கு தள்ளப்பட்டுள்ளது.  

மறுபக்கம் தென்னாசியாவானது இஸ்லாமிய அடிப்படைவாத ஆயுத குழுக்களின் பிராந்தியமாக மாறி வரும் அபாயமும் சுட்டிக்காட்டப்பட்டுள்ளது. இதற்கு துணை போகும்  இஸ்லாமியர்களை அதிகமாகக்கொண்ட நாடுகள் தென்னாசியாவில் இருப்பதே பிரதான காரணம்.   எனினும் ஐ.எஸ் என்பது ஒரு சர்வதேச தீவிரவாத இயக்கம் என்பதிலிருந்து விலகிச்சென்றுள்ளது. ஈராக் மற்றும் சிரியாவில் அது எதிர்கொண்ட தோல்விகளையடுத்து தென்னாசியாவிலேயே அது நிலை கொண்டிருக்க முயற்சிக்கின்றது. அதற்கு சிறிய நாடுகளின் ஆதரவு அவசியம். எனினும் அதை தடை செய்வதற்கான சரியான பொறிமுறைகளை குறித்த நாடுகள் கொண்டிருக்கின்றனவா என்பது கேள்விக்குறியாகவே உள்ளது.

சி.சி.என்

 

http://www.virakesari.lk/article/55764

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • ம‌ழையால் விளையாட்டு நிறுத்த‌  ப‌ட்டு இருக்கு 😉 / 
    • ஆசியா தான் 21ஆம் நூற்றாண்டின் உலக போராட்ட தளம். ஆட்ட நாயகர்கள் : அமெரிக்கா எதிர் சீனா. ஆட்டம் தொடங்கி பல வருடங்கள் ஆகிவிட்டன. இதற்குள் இலங்கை தீவும் உள்பட்டதே.
    • இலங்கையில் முதலீடு செய்ய விரும்பியவர்கள் கூட, இந்த ஏப்ரல் 21 குண்டு வெடிப்புக்கு பின்னர் பின் வாங்கி விட்டனர். முதலீட்டாளர்கள் பல ரிஸ்குகளை (இடர்களை ) கருத்தில் எடுப்பார்கள். அதனில் முக்கியமானது political risk. உதாரணமாக, தமிழ் நாட்டில், பணத்தினைவீசி, எந்த வித அரசியல் எதிர்பினையும் முறியடிக்கமுடியும் என்பதை முதலீட்டாளர்கள் புரிந்து வைத்துள்ளார்கள் என்பதால், நம்மவர்கள் கூட, அங்கே முதலிடுகிறார்கள். இலங்கையில், religiuos dominancy இருப்பதால், அதன் மூலமான political risk அதிகமானது.  6 வருசம் உள்ள அனுப்பப்பட்ட ஒரு தேரர், 6 மாதத்தில் வெளிய வரவும், இன்னோரு MP தேரர், உண்ணாவிரதம் இருந்தே, ஒரு சமூகத்து முழு MP களை பதவி இழக்க வைக்க முடியுமாயின்..... இந்த வகை political risk அதிகமானது.
    • 2009 ஆகஸ்டில் எழுதிய கதை இது. 2019 இல்.. அதில் எழுதியதை பிபிசி தமிழ் நிஜமாக்கியுள்ளது. மனிதர்களின் இழப்பு.. உரிமை பற்றி கவலை இல்லை. மண்ணை அடுத்தவன் ஆளவிட்டு.. சொந்த மக்களை அழிக்கவிட்டு.. எப்படி.. அதில் ஆதாயம் தேடுவது என்று வழிகாட்டும்.. பிபிசி தமிழனை என்னென்பது..??!   ஒரு கவிஞனின் டயறி.     இத்தாலிய சியாமா செட்டி குண்டு வீச்சு விமானங்கள் குத்தியடிச்சு குண்டு போட்ட காலமெல்லாம்.. போய் ரஷ்சிய மிக்-27 லேசர் வழி பாதை காட்ட உயர இருந்தபடி குண்டு வீசும் காலமெல்லாம் கண்ட அந்தக் கவிஞனின் ரங்குப்பெட்டியும் முள்ளிவாய்க்கால் மணல்களிடை அநாதை பிணங்களோடு பிணமாய்க் கிடந்திருக்க வேண்டும். அதற்குச் சாட்சியாய் இரத்தக் கறைகளோடு கறள் கட்டி இருந்தது அது. காலில் தட்டுப்பட்டதற்காய் அதன் கவனம் என்னைக் கவர... திறந்து பார்த்தேன்.. செக் குடியரசின் மல்ரி பரல்கள் வீசிய எரிகுண்டுகளின் கந்தக வாசம் மூக்கை எரித்தது. இத்தாலிய தயாரிப்பில் ராஜீவின் ஊழலில் கிடைத்த போர்பஸ் பீரங்கிகள் முள்ளிவாய்க்காலில் இறுதிப் போரில் வெடித்துத் தள்ளிய எறிகணைகளின் சிதறல்கள் பட்டு ஏற்பட்டிருந்த துவாரங்கள் வழி மாலைச் சூரியக் கதிர் பட்டுத் தெறித்தன அந்த DIARY என்ற பொன் எழுத்துக்கள்.  தூசி மண்டிக் கிடந்த அதனை எடுத்து தொடையில் தட்டிவிட்டு பக்கங்களைப் புரட்டிய படி முள்ளிவாய்க்காலின் அந்த இறுதி நிமிடங்களின் ரணங்களை எண்ணியபடி வெறும் வெண்மணற் தரையில் அமர முற்பட்ட எனக்கு.. குருதி உறைந்த சிறுமி ஒருத்தியின் சட்டை ஒன்று பகுதி மணலில் புதைந்து.. காற்றி பறந்தபடி இருந்தது கண்ணில் பட்டது. அதனைப் பிடிங்கி எடுத்து..தரையில் விரித்துக் கொண்டே அமர்ந்தேன். அப்படி என்ன தான் எழுதி இருப்பான்.. இறுதி விநாடிகளில் ஏதேனும் செய்தி எழுதி இருப்பானோ என்ற ஏக்கம் உருப்பெற டயரின் பக்கங்களை கடற்காற்று முட்டித்தள்ளி அகதியாய் ஓடிய என் மக்களை சிங்கள இராணுவம் விடாமல் குண்டு போட்டு விரட்டியது போல.. விரட்டப் பார்க்க அதனை விரல்களால் கட்டுப்படுத்திக் கொண்டு.. சரி முதலில் இருந்தே போவோமே என்று ஆரம்ப பக்கத்தைப் புரட்டி படிக்க ஆரம்பித்தேன்..! டயறியின் முதற் பக்கம்.. சொல்கிறது.. 1948.. யாழ்ப்பாணத்தில் இருந்து போயிலைச் சிற்பத்தோடு (புகையிலையை சொல்கிறார் போல) கொழும்பு கறுவாத்தோட்டம் போனேன். காலி முகத்திடலில்.. பல்லக்கில் சேர் பொன்கள் பவனி வரக் கண்டேன். 1952.. ரயர் புகை மண்ட.. மயிரிழையில் தப்பினேன். சிங்களக் கும்பல் ஒன்று விரோதத்தில் பத்த வைத்தது போயிலைச் சிற்பங்களை. கொழும்பில் கடை வைத்திருந்த.. தமிழர்களின் சிந்தனையையும் தான். 1954.. என் திருமணம். சிங்களப் பெண்ணான அவள்... சிந்தனையில் களங்கமில்லாதவள் என்பதற்காய் திருமணம் செய்தேன். 1956.. தனி..  ஏதோ..எழுத ஆரம்பித்துவிட்டு முடிக்காமலே விட்டிருக்கிறார். அப்போதும்.. பிரச்சனைக்குப் பயந்து சிங்களப் பொண்டாட்டியையும் கூட்டிக் கொண்டு.. ஓடி இருப்பாரோ.. என்று எண்ணிய படியே பக்கங்களைப் புரட்டுகிறேன்.. ஆனால் அதற்கு அப்பால்.. சில பக்கங்களை தனித் தனியே.. பிரிக்க முடியவில்லை. குருதி உறைந்து மழைத் தண்ணி பட்டு குழைந்து.. பக்கங்கள் ஒட்டிப் போய் இருந்தன. கஸ்டப்பட்டு ஒவ்வொன்றாய்.. பக்கங்களைப் பிரிக்கப் பார்த்தேன்.. அப்போதே சொன்னார் தந்தை செல்வா.. தனியப் போங்கடா.. இவங்களோட சிங்களக் காடைகளோட சகவாசம் வேண்டாம் என்று.. என்ற வார்த்தைகளைத் தவிர என்னால் வேறு எதனையும் படிக்க முடியவில்லை. கொத்தாக.. ஒட்டி இருந்த அந்த சில பழைய கதை பேசும் பக்கங்களை.. ஒரேயடியாகப் புரட்டித்தள்ளிவிட்டு.. மிகுதியை தனித்தனியே பிரித்துப் படிக்க முயன்றேன். அப்போது.. குட்டிக் கரப்பான் பூச்சி ஒன்று.. அகதியாகி செல்லட்டிக்குப் பயந்து பங்கருக்குள் ஒளித்திருந்துவிட்டு வெளியே வருவது போல.. தாள்கள் இடையில் பதுங்கி இருந்து விட்டு.. வெளிச்சத்தில் விடியலைக் கண்ட மகிழ்ச்சியோ என்னவோ.. ஓடி மடியில் விழ கைகளால் தட்டி அந்தச் சிற்றுயிரை.. சுடுமணலில் தள்ளிவிடக் கூடாது என்பதற்காக அதனை அதன் வழி போக அனுமதித்து விட்டு பக்கங்களைப் புரட்டுவதில் மீண்டும் கவனத்தை திருப்பினேன்.  சில பக்கங்கள் தாண்டியதும்.. மீண்டும் படிக்கக் கூடிய தெளிவோடு இருந்த வரிகள் கண்டு.. படிக்க ஆரம்பித்தேன்.. 1972.. சிறிமா.. பிறிமா மாவுக்கு கியுவில் கிடக்கவிட்டார். 1977.. தமிழீழமே இறுதி முடிவு. என் கைகளை பிளேட்டால் கிழித்து இரத்தத் திலகமிட்டு சத்தியம் செய்தேன். என் மனைவியோடு மீண்டும் யாழ்ப்பாணம் வந்த முதற் தடவையும் அது தான். "சிங்களத்தியை கூட்டிக் கொண்டு வந்திருக்கிறான்" என்று திட்டிய திட்டுக்களையும் காதில் வாங்காமல் இருக்கவில்லை அப்போது. இருந்தாலும் என்னோடு சேர்ந்து அவளும் இரத்தத் திலகமிட்டாள். தமிழீழமே தமிழருக்கும் தமிழனோடு வாழும் தனக்கும் தீர்வு என்பது போல. 1981.. மீண்டும் ரயர்.. தீ 1983.. கொழும்பை விட்டு ஒரேயடியா மூட்டை முடிச்சைக் கட்டிக் கொண்டு கப்பலில் காங்கேசந்துறை வந்து சேர்ந்தேன். மனைவியால் உயிர் பிழைத்தேன். 1985.. சிங்களத்தியை கலியாணம் கட்டி இருக்கிறீர் கவனமா இரும். நாங்கள் தமிழீழம் பெற போராட வெளிக்கிட்டிருக்கும் ஆயுதம் தாங்கிய இளைஞர்கள். சரியே. மிரட்டல் வந்த நேரம் பயந்து போனேன். மீண்டும் கொழும்புக்கு ஓடுவமோ என்று நினைச்சனான். மனிசி தான் தடுத்தவள். என்ர உடன்பிறப்புகளான சிங்கள ஆக்களை விட இந்தப் பொடியள் பறுவாயில்லை இங்கையே இருப்பம் என்றவள் அவள் தான். 1987.. இந்திய அமைதிப் படைக்கு பூமாலை போட்டேன். கைலாகு கொடுத்தேன். அப்ப மணத்த சப்பாத்தி எண்ணெய் இப்பவும் மணக்குது. 1989.. இந்தியப் படை சுட்டு தோள்பட்டையில் காயப்பட்டு 6 மாதம் ஆஸ்பத்தியில் கிடந்தேன். 1990.. மீண்டும் புலிகள் வந்தார்கள். எனது மனைவியிடம் சிங்களம் கற்றார்கள். அன்பாகப் பிள்ளைகள் போல பழகினார்கள். அவர்களோடு பழகிய பின்.. தனக்கு பிள்ளைகளில்லாத குறையை இப்போது தான் உணரவில்லை என்று என் மனைவி சொன்னது இப்பவும் ஞாபகத்தில் நிற்கிறது. 1995.. யாழ்ப்பாணத்தை விட்டு அனுரத்த ரத்வத்தையால் அடித்து விரட்டப்பட்டோம். வன்னியில் அடைக்கலம் தேடினோம். கிளாலியூடு கடற்புலிகள் பாதுகாப்பு வழங்க பயமின்றி இருந்தது அந்தப் பயணம். ஆனையிறவு செல்லுக்குத் தவிர எனக்கு வேறு எந்தப் பயமும் இல்லை என்றாள் என் மனைவி அப்போது. 1996.. முல்லைத்தீவுத் தாக்குதல். விடிய விடிய கேட்ட முழக்கத்தோடு ஒரு விடியல் பொழுதின் உதயம் ஆரம்பமானது. இருந்தாலும்.. மனதில் சில கேள்விகள்.. இரு பக்கமும் மாண்டது மனிதர்கள் தானே. ஏனுந்த யுத்தம். பேசி தீர்க்கலாம் தானே. 1998.. புலிகளோடு பேச்சுக்கே இடமில்லை. ஆயுதங்களை கைவிட்டால் மட்டுமே பேச்சு. கதிர்காமர் முழங்கித்தள்ள.. மனசுக்குள் சலனம் இன்றி ஒரு தெளிவு பிறந்தது. 1999.. ஓயாத அலைகளில்.. பின் களப் பணி தேசிய துணைப்படை வீரனாய்.. நானும் வீராங்கணையாய் என் மனைவியும்.. செயற்பட்டோம். 2001.. வன்னி எங்கும் சமாதானம் என்று வெள்ளைப் புறாக்கள் பறந்தடித்தன. சந்தோசத்தோடு சந்தேகமும் கூடவே இருந்தது. 2004.. துரோகத்தின் புதிய அத்தியாயத்தைப் படித்தோம். 2005.. சுனாமி தந்த வடுக்களை சுமந்தோம். 2006.. மீண்டும்.. முழக்கங்கள். நாங்களும் தயாரானோம். இறுதியில் இரண்டில் ஒன்றிற்காய். 2008.. ஒப்புக்கு சர்வதேச மத்தியஸ்தம் என்ற பெயரில் போட்ட சதி வலை எம்மைச் சூழ்ந்து பிடிக்க.. ஒப்பந்தம் கிழிந்து காற்றில் பறந்தது.. வழமை போலவே. 2009 ஜனவரி.. இறுதி நகரையும் இழந்தோம். நம்பிக்கை இருக்கிறது. விடுதலைக்கு வாய்ப்பிருக்கிறது என்ற நம்பிக்கையோடு பின் தள்ளிப் போனோம். 2009 மார்ச்.. நம்பினோர் எல்லாம் கைவிட அனாதைகளாய்.. பிணங்களாய் சரிய ஆரம்பித்தோம். அப்போதும் இறுதி வரை போராட வேண்டும் என்ற துணிவை இழக்கவில்லை. 2009 ஏப்ரல்.. ஆட்லறி செல்லுக்கு என் மனைவி இரையானாள். வாழ்க்கையில் நான் சந்தித்த கடும் சோகம். இருந்தும் தேசிய துணைப்படை வீரனாய் என் பணி தொடர்ந்தது. 2009 மே.. முடிவை நெருங்கி விட்டோம் என்பதை உணர்ந்தேன். ஆனால் விடிவின் கனவை இழக்கவில்லை. என் மனைவியின் பாதையில்.. பயணிக்க காத்திருக்கிறேன். நிச்சயமா சரணடைய மாட்டேன். இங்கு இறந்து கிடக்கும் பிஞ்சுகளின் நடுவே இருந்து இந்த கடைசி வரிகளை எழுதுகிறேன். எனி இந்த டயரியில் எழுத எனக்கும் தெம்பில்லை.. பக்கமும் இல்லை. சுருங்க என் சுயசரிதையை எழுத வேண்டும் என்பதற்காக இதனை எழுதி வைத்துவிட்டுச் செல்கிறேன். தமிழரின் தாகம் தமிழீழத் தாயகம். ... இப்படியாய் எழுதி முடிக்கப்படிருந்த அந்த டயறியின் வரிகளைப் படிக்கப்படிக்க.. என் கண்களில் இருந்து பெருகிய கண்ணீர் துளிகள் வடிந்து வீழ்ந்து பக்கங்களைக் கனதிப்படுத்தி இருந்தன. அதன் ஈரலிப்பை என் கரங்களும் உணரச் செய்தன. எல்லாம் முடிய.. இறுதில் ஒரு மூலையில்.. கண்டேன். "நான்.. ஒரு கவிஞன்.. என்று வாழ ஆசைப்பட்டேன். என் கவிதை என்பது.. தமிழீழ தேசிய கீதமாய் அமைய வேண்டும் என்று விரும்பினேன்.." என்ற அந்த டயறிக்குரியவரின் கடைக்குறிப்புக்களை. அந்தக் கடைக்குறிப்புக்கள் என் மனதில் ஆதிக்கம் செய்ய ஆரம்பிக்க.. அவற்றைக் கொண்டே அந்த டயறிக்கு "ஒரு கவிஞனின் டயறி" என்று பெயரிட்டு, அதனை என் மன அறையில் பக்குவப்படுத்திக் கொண்டு முள்ளிவாய்க்கால் மணற்தரையில் இருந்து விடை பெற ஆரம்பித்தேன். அப்போது.. நான் அமர்ந்திருந்த அந்தக் இரத்தக் கறை படிந்திருந்த சட்டையும் என் உடல் பாரத்தால் ஒட்டிக் கொண்டோ என்னவோ அதுவும்.. என் கூடவே வந்தது. அதற்கும் என்னோடு உறவாட ஆசை போலும்.. அதன் சொந்தக்காரியின் சோகங்களைப் பரிமாறுவான் என்ற நோக்கம் போலும். அதனையும் டயறியோடு காவியபடி.. இறுதியாய் ஒரு தடவை.. முள்ளிவாய்க்காலை சுற்றும் முற்றும் திருப்பிப் பார்த்தேன்..! அப்போ.. நான் நின்று கொண்டிருந்த இடத்தில் இருந்து கொஞ்சம் தூரே இரண்டு வெள்ளைச் சோடிகளும் ஒரு இந்தியச் சோடியும்.. தமக்குள் பேசிக் கொள்கின்றனர்.. இதுதான் புலிகளை அழித்த முள்ளிவாய்கால். கவாய் போல.. மெரீனா போல... அழகான பீச்சா இருக்கே. அடுத்த முறையும் விடுமுறைக்கு இங்கேயே வரலாம். பயங்கரவாதிகள் இங்கு நல்லாத்தான் என்ஜோய் பண்ணி இருப்பார்கள் போல. இதைக் கேட்ட எனக்கு.. பெரு மூச்செறிவதை விட.. வேறெதனையும்.. செய்ய முடியவில்லை. முழத்துக்கு முழம்.. துப்பாக்கிகளோடு சிங்களச் சிப்பாய்களும்.. முள்ளிவாய்க்காலின்.. கடற்காற்றில் உப்புக் குடித்தபடி.. எதையோ காப்பதாய் கற்பனை செய்தபடி.. காதலிகளின் நினைவுகளோடு.. அங்கு காய்ந்து கொண்டு இருந்தனர். அவர்களை கடக்க... மெளனமே பாதுகாப்பான பாஸ்போட் என்பதால் மெளனத்தை முதன்மைப்படுத்தி.. விடை பெற்றேன். http://kundumani.blogspot.com/2009/08/blog-post_30.html
    • வ‌ங்ளாதேஸ்சின் தோல்வி உறுதி / ஓட்ட‌ம் கூட‌ குடுத்திட்டின‌ம் 😉