மய்யம் கட்சி தலைவர் கமல்ஹாசன் வீட்டிற்கு பலத்த பொலிஸ் பாதுகாப்பு: சர்ச்சை பேச்சால் வந்த வினை..!

[கிருபன்]

மய்யம் கட்சி தலைவர் கமல்ஹாசன் வீட்டிற்கு பலத்த பொலிஸ் பாதுகாப்பு: சர்ச்சை பேச்சால் வந்த வினை..!

இந்தியா, தமிழ்நாட்டில் கடந்த 19ஆம் திகதி நடைபெறவுள்ள 4 தொகுதி இடைத்தேர்தலுக்கான பிரசாரம் உச்சக்கட்டத்தை எட்டியுள்ள நிலையில் அரவக்குறிச்சி தொகுதியில் போட்டியிடும் மக்கள் நீதி மய்யம் கட்சி வேட்பாளர் மோகன்ராஜை ஆதரித்து அக்கட்சியின் தலைவர் கமல்ஹாசன் நேற்று முன்தினம் அங்கு பிரசாரம் செய்துள்ளார்.

அப்போது, மக்கள் நீதி மய்யம் கட்சி தலைவர் கமல்ஹாசன் சுதந்திர இந்தியாவின் முதல் தீவிரவாதியான நாதுராம் கோட்சே இந்துதான் என குறிப்பிட்டுள்ளார். 

இந்நிலையில் கமலின் பேச்சுக்கு இந்து அமைப்புகள் கண்டனம் தெரிவித்து வருகின்றன. 

அவரது வீட்டின் முன் சில இந்து அமைப்புகள் இன்று போராட்டம் நடத்தலாம் என்று வந்த தகவலை அடுத்து ஆழ்வார்பேட்டையில் உள்ள கமலின் வீட்டுக்கு பொலிஸ் பாதுகாப்பு வழங்கப்பட்டுள்ளதாக இந்திய ஊடகங்கள் தகவல் வெளியிட்டுள்ளது.

 

http://www.virakesari.lk/article/55900

 

[புரட்சிகர தமிழ்தேசியன்]

கமல் ஆன்ரி இந்தியன் அல்ல.. ஆன்ரி மனித குலம்.. எச் ராஜா பரபரப்பு விமர்சனம் ..!

கொடைக்கானல்: கமல்ஹாசன் ஆன்ரி இந்தியன் அல்ல. அவர் ஆன்ரி மனிதகுலம் என பாஜக தேசிய உறுப்பினர் எச் ராஜா கடுமையாக விமர்சனம் செய்துள்ளார்.அரவக்குறிச்சியில் மக்கள் நீதி மய்யம் கட்சியின் வேட்பாளரை ஆதரித்து கமல்ஹாசன் பரப்புரை மேற்கொண்டார்.

அப்போது அவர் கூறுகையில் சுதந்திர இந்தியாவின் முதல் தீவிரவாதி இந்து. அவர் பெயர் நாதுராம் கோட்சே என கடும் விமர்சனத்தை முன்வைத்தார்.இதற்கு பெரும் எதிர்ப்பு எழுந்துள்ளது. இதுகுறித்து பாஜக தேசிய குழு உறுப்பினரும் சிவகங்கை எம்பி தொகுதி வேட்பாளருமான எச் ராஜா விமர்சனம் செய்துள்ளார்.

அவர் கொடைக்கானலில் செய்தியாளர்களை சந்தித்தார்.அப்போது அவர் கூறுகையில் கமல்ஹாசன் ஆன்ரி இந்தியன் அல்ல. அவர் ஆன்ரி மனிதகுலம். கமலின் இந்து தீவிரவாதி குறித்த கருத்துக்கு கமல் மன்னிப்பு கேட்க வேண்டும்.கமல் மன்னிப்பு கேட்காவிட்டால் வைரமுத்துவுக்கு எழுந்தது போல் கமலுக்கு எதிர்ப்பு உருவாகும் என்பதில் சந்தேகம் இல்லை என்றார் எச் ராஜா.

இவர் எப்போதும் ஆன்ரி இந்தியன் என்ற வார்த்தையை பயன்படுத்துவது வழக்கம்.அதாவது தேச நலனுக்கு எதிரானவர், இந்தியர்களுக்கு எதிரானவர் என்ற பொருளில் கூறுவார். ஆனால் கமல்ஹாசனை மனிதகுலத்துக்கே எதிரானவர் என கூறியுள்ளது பெரும் பரபரப்பை ஏற்படுத்தியுள்ளது.

https://tamil.oneindia.com/news/dindigul/h-raja-criticises-kamal-haasan-that-he-is-anti-humankind-350406.html

[Nathamuni]

அவரும் வாங்கின காசுக்கு கூவினார்.

மேற்க்கொண்டு துட்டு வரல்ல.... வேண்டுமென்றே அப்படி இப்படி கதைச்சு தானே ஒதுங்கீட்டார்.

அடுத்தது ரஜனி இறக்கப்படுவார்  🙄