Sign in to follow this  
பிழம்பு

கொக்கிளாய் முகத்துவாரத்திலுள்ள தமிழ் மக்களுடைய பூர்வீக காணிகளை மாற்று இனத்தவருக்கு பறித்துக் கொடுக்காதீர்

Recommended Posts

குளோபல் தமிழ்ச் செய்தியாளர்
 
IMG_9342.jpg?zoom=1.1024999499320984&res
 
முல்லைத்தீவு – கொக்கிளாய் முகத்துவாரப்பகுதியிலுள்ள காணிகள் அனைத்தும் தமிழ் மக்களுக்குச் சொந்தமான பூர்வீக தனியார் காணிகள் எனவும், அக்காணிகளைப் பறித்து மாற்று இனத்தவர்களுக்கு வழங்கவேண்டாம் என முன்னாள் வடமாகாணசபை உறுப்பினர் துரைராசா – ரவிகரன் தெரிவித்துள்ளார். 

கடந்த 11.05.2019அன்று, கொக்கிளாய் முகத்துவாரம் பகுதியில் அத்துமீறி குடியேறி இருக்கின்ற நீர்கொழும்பு பகுதி  சிங்கள மக்கள், அவர்களுக்கான வீட்டுத் திட்ட அடிக்கல் நாட்டும் நிகழ்வை செய்ய இருந்ததாகவும்,

அந்த நிகழ்வை முல்லைத்தீவு மாவட்ட செயலகம், கரைதுறைப்பற்று  பிரதேச செயலகமும் தமிழ் தேசிய கூட்டமைப்பு பாராளுமன்ற உறுப்பினர் சாந்தி ஸ்ரீஸ்கந்தராசா அவர்களும் இணைந்து தடுத்து நிறுத்தியிருந்ததாக, குற்றம் சுமத்தி அத்துமீறி குடியிருக்கின்ற சிங்கள மக்கள் அன்றைய நாளே கவனயீர்ப்பு போராட்டம் ஒன்றையும் முன்னெடுத்திருந்தனர்.

அதன் தொடர்ச்சியாக தாம் அத்து மீறிக் குடியிருக்கின்ற தமிழர்களுடைய பூர்வீக காணிகள், தங்களுடைய காணிகள் என்று கூறி, தமக்கு வீடுகட்டுவதற்கு அனுமதிக்குமாறு கடந்த 13.05.2019முல்லைத்தீவு மாவட்ட செயலகத்தின் முன்பாகவும் கவனயீர்ப்பில் ஈடுபட்டிருந்தனர்.

அந்தவகையில் முல்லைத்தீவு மாவட்ட செயலாளர் கடந்த 13.05.2019 அன்றைய தினமே குறித்த கொக்கிளாய், முகத்துவார பகுதியில் உள்ள மக்களின் வாழ்விடங்களை பார்வையிட்டு, அப் பகுதியில் உள்ள காணிகளை அடையாளப்படுத்தி, அவ்விடத்தில் அமைந்துள்ள பாடசாலையுடனான சுமார் 3 ஏக்கர் காணியை அரசாகாணி என்ற அடிப்படையில், ஒருவருக்கு தலா 6 பேச் காணியில் 62 வீடுகள் அமைக்க, அத்து மீறி குடியிருக்கும் சிங்கள மக்களது சம்மதத்துடன் அனுமதி அளித்தார்.

இந் நிலையில் இது தொடர்பில் ஊடகவியலாளர் சந்திப்பொன்றை நடாத்திய ரவிகரன் அவர்கள், அதில் கருத்துத் தெரிவிக்கும்போதே இவ்வாறு தெரிவித்துள்ளார்.

இது தொடர்பில் அவர் மேலும் கருத்துத் தெரிவிக்கையில்,


கொக்கிளாய் முகத்துவாரம் என்பது தமிழர்களுடைய பூர்வீக நிலங்களாகும். முகத்துவாரப் பகுதியை அண்டிய இடங்கள் முழுவதும் தமிழர்களுடைய பூர்வீக நிலங்களாகும்.

அந்த பூர்வீக நிலங்களுக்குச் சொந்தக்காரர்களாக, பல தமிழர்கள் அங்கே இருக்கின்றார்கள். ஏற்கனவேயும் இவ்விடயங்களை சுட்டிக்காட்டியிருக்கின்றோம்.

குறிப்பாக கலிஸ்ரப்பிள்ளை -ஜசிந்தா, செபமாலை – செபஸ்தியாம்பிள்ளை, சந்தியாப்பிள்ளை – சீமாப்பிள்ளை, செபஸ்தியாம்பிள்ளை – மரியமதலேனம், சிந்தாத்துரை – தம்பி ஐயா, சிங்கராசா – மனுவேல்பிள்ளை, உள்ளிட்ட பலர் அந்தக்காணிகளுக்குச் சொந்தக்காரர்களாக இருக்கின்றார்கள்.

கடந்த 1984ஆம் ஆண்டு அரசாங்கத்தினுடைய, அதாவது இராணுவத்தினுடைய திடீர் அறிவித்தலின் பேரில் அங்குள்ள எமது தமிழ் மக்கள் வெளியேற்றப்பட்டிருந்தார்கள்.

அவ்வாறு உடனடியாக வெளியேற்றப்பட்டிருந்ததற்குப் பின்பு அத்துமிறிக் குடியேற்றப்பட்ட, சிங்களமக்கள் இராணுவத்தினுடைய பாதுகாப்போடு முகத்துவாரம் பகுதியில் இருந்ததென்பது யாரும் மறுக்கமுடியாத உண்மை.

இப்படியான நிலையில் சிங்கள மக்கள் ஏற்கனவே வந்து அங்கு தனியாக குடியேறியிருந்தனர் என்ற கருத்து எல்லாம் ஏற்றுக்கொள்ளக்கூடியதல்ல.

அதேவேளை இது தமிழ் மக்களுடைய காணி உதாரணமாக கொக்குளாய் பகுதியில் அமைந்துள்ள பௌத்த விகாரை விடயத்தில்கூட எல்லோருக்கும் தெரியும், மூன்று பேருக்குச் சொந்தமான காணியும், பிரதேசசபைக்குரிய காணிம் அதில் இருந்துகூட ஒரே ஒருவர்தான் அதுதொடர்பில் வளக்குத் தொடர்வதற்கும், தன்னுடைய காணி தனக்குத் தேவை என்றும் முன்வந்தார்.

ஏன் எனில் ஏனையவர்கள் பயத்தின் காரணமாக, இன்றைய நிலைமையில் தாம் போய் இவற்றை கேட்டால் தமக்கு ஏதாவது பிரச்சினை ஏற்பட்டுவிடுமோ என்ற பயத்தின் காரணமாகத்தான் அந்த விகாரையினுடைய காணி உரிமையாளர்களில், ஏனையவர்கள் வாதாடவில்லை.

அதேபோல்தான் இவர்கள்கூட என்னிடம் நேரடியாக ஆரம்பகாலகட்டத்தில் வருகைதந்து தங்களுடைய காணிகள் என்ற முறைப்பாட்டை விண்ணப்பித்ததன் பயனாக பலதடவைகள் ஒருங்கிணைப்புக்குழுக் கூட்டங்களில், கொக்கிளாய் முகத்துவாரக்காணி தமிழ் மக்களுக்குரியது. அதேவேளை உறுதிக்காணி அதாவது தனியார் காணி என்ற தகவல்களை, மாவட்ட ஒருங்கிணைப்புக்குழுக் கூட்டங்களிலும், மாகாணசபையிலுமாக பல தடவைகள் இதுபற்றிக் கதைத்திருக்கின்றேன்.

எல்லோரும் இருந்தபோது கூட, அமைச்சர்கள், பாராளுமன்ற உறுப்பினர்கள், மாவட்டசெயலர், பிரதேசசெயலர்கள் எல்லோரும் இருந்த ஒருங்கிணைப்புக் குழுக்கூட்டங்களில், அந்தக் காணிகள் , தனியார் காணி என்னும் கருத்து, அப்போதைய பிரதேசச்செயலாளர்களால் சொல்லப்பட்டதும் உண்மை.


ஆனால் இன்று அங்கு மூன்று ஏக்கர் காணி அரச காணி இருப்பதாக ஒரு அறிவித்தலைச் செய்து, அந்த மூன்று ஏக்கர் காணியில், அங்கு குடியேறியுள்ள சிங்கள மக்களுக்கு வழங்குவதாக செய்தி அறிக்கைகளைப் பார்க்கக்கூடியதாகவுள்ளது.

ஒரு தனியார் காணி சுற்றாடலில் எப்படி 03ஏக்கர் காணி மாத்திரம் அரசகாணியாக வரமுடியும் என்ற கேள்வியை நான் இங்கே கேட்க விரும்புகின்றேன்.

அந்த சுற்றாடல் முழுவதுமாக தனியார் காணி என்பதுதான் உண்மை. நாங்கள் முல்லைத்தீவு, முல்லைத்தீவே எமது பூர்வீகம். 

முல்லைத்தீவிலே இந்தக் கொக்கிளாய் காணி மாத்திரமல்ல, இந்த காணிகளில் பெரும்பாலான காணி விடயங்கள் எங்களுக்கு நன்றாகத் தெரியும்.

அந்த வகையில் தமிழ் மக்களுடைய பூர்வீகக்காணி, இந்தப் பூர்வீகக்காணியில் தனியார் காணியாக இருந்த அந்த வளாகத்தில், தனியே ஒரு 03ஏக்கர் காணியை, அதாவது உரிமை கோராமல் இருந்தவர்களுடைய அந்த காணியை, இப்போது எடுத்து வைத்துக்கொண்டு அந்தக் காணியை அரச காணி என்று சொல்லிக்கொண்டு, எங்களுடைய மக்களின் காணிகளை அபகரிக்கும் ஒரு வஞ்சகத் திட்டத்தினை அரச அதிகாரிகள் செய்துகொண்டிருக்கிறார்கள் என்பதே உண்மை.


சரி அப்படித்தான் என்றால், ஏற்கனவே உள்ள காணிகள் அல்லது உரிமைகோராதவர்களுடைய விடயம் எனில், புதுக்குடியிருப்புப் பகுதியில் வள்ளிபுனம், தேவிபுரம் பகுதிகளில் கிட்டத்தட்ட 280இற்கும் மேற்பட்ட குடும்பங்கள், பல ஆண்டு காலமாக 30தொடக்கம் 40ஆண்டுகளுக்கு மேற்பட்ட காலமாகக் குடியிருக்கும் குடும்பங்களுக்குக்கூட மத்திய வகுப்புக் காணி எனச் சொல்லிக்கொண்டு இன்றுவரை அவர்களுக்கான வீட்டுத்திட்டமும் இல்லை, அந்த குடும்பங்களுக்கான காணி வழங்கலும் இல்லை, அது மத்திய வகுப்புக்காணி அது ஏற்கனவே வழங்கப்பட்ட காணி என்ற ஒரு கருத்தைச்சொல்லி இந்த மக்களை ஏமாற்றிக்கொண்டிருக்கும் இந்தச் சூழ்நிலையில், இங்கு மட்டும் சிங்கள மக்கள் வந்தவுடன் சிங்களமக்களுக்கு அந்தக் காணிகளை வழங்கவேண்டுமென்ற துடிப்போடு, அல்லது ஊக்கத்தோடு அதிகாரிகள் சிலர் செயற்படுவதை நான் வன்மையாகக்கண்டிக்கின்றேன்.

நிச்சயமாக இதற்கான பதில் என்றோ ஓர் நாள் இவர்கள் சொல்லவேண்டிவரும் என்பதை, மக்களின் பிரதி நிதி என்ற வகையில் இங்கே தெரிவித்துக்கொள்கின்றேன்.

முகத்துவாரத்தில் உள்ள காணிகள் அனைத்தும் தனியார் காணிகள், அவை தனியார்களுக்குச் சொந்தமானவை இன்று மக்கள் பயந்த சூழ்நிலையில்தான் அனைவரும் அதை உரிமைகோர வரவில்லையே தவிர, இந்த காணிகளுக்கு உரிமையாளர்கள் உரிமைகோர வரும்போது அன்று அவர்களுக்கு என்ன பதிலைச் சொல்லப்போகிறீர்கள்.

இந்த வகையில் ஏமாற்று வேலைகள் அல்லது தமிழ் மக்களுடைய காணிகளை பறித்து ஏனைய இன மக்களுக்கு வழங்கும் இந்த நடவடிக்கைகளை நிறுத்த வேண்டுமென கேட்டுக்கொள்கின்றேன் என்றார்.
 

#கொக்கிளாய்   #தமிழ்மக்களுடைய   #பூர்வீககாணி #kokilai #mullaitheevu

http://globaltamilnews.net/2019/121835/

Share this post


Link to post
Share on other sites

ஏமாற்று வேலைகள் மூலம் தமிழ் மக்களுடைய காணிகளை பறித்து ஏனைய இன மக்களுக்கு வழங்கும் நடவடிக்கைகளை நிறுத்த வேண்டுமென வடமாகாணசபையின் முன்னாள் உறுப்பினர் துரைராசா ரவிகரன் கேட்டுக்கொண்டுள்ளார்.

முல்லைத்தீவு - கொக்கிளாய் முகத்துவாரம் பகுதியில் சட்டவிரோதமாக குடியேறியுள்ள சிங்கள மக்களுக்கு வீட்டுத்திட்டம் அமைப்பதற்கு முல்லைத்தீவு மாவட்ட செயலாளர் அனுமதியளித்துள்ள நிலையில் துராராசா ரவிகரன் இதனை வலியுறுத்தியுள்ளார்.

முல்லைத்தீவு - கரைதுறைப்பற்று பிரதேச செயலகப் பிரிவுக்குட்பட்ட கொக்கிளாய் முகத்துவாரம் பகுதியில் குடியேறியுள்ள நீர்கொழும்பு பகுதி சிங்கள மக்களுக்கான வீட்டுத் திட்டத்துக்கான அடிக்கல் நாட்டும் நிகழ்வு கடந்த 11 ஆம் திகதி சனிக்கிழமை முன்னெடுக்கப்படவிருந்தது.

எனினும் இந்த நடவடிக்கையை வன்னி மாவட்ட நாடாளுமன்ற உறுப்பினர் சாந்தி ஸ்ரீஸ்கந்தராசா, முல்லைத்தீவு மாவட்ட செயலகம் மற்றும் கரைதுறைப்பற்று பிரதேச செயலகம் ஆகியவற்றுடன் இணைந்து தடுத்து நிறுத்தியிருந்தார்.

இந்த நிலையில் தமக்கான வீட்டுத்திட்டம் இடடைநிறுத்தப்பட்டமைக்கு எதிர்ப்பு தெரிவித்து முகத்துவாரம் பகுதியில் குடியேறியுள்ள மக்கள் இன்றைய தினமே ஆர்ப்பாட்டம் ஒன்றை முன்னெடுத்தனர்.

கடந்த 1934 ஆம் ஆண்டு தமது மூதாதையர்கள் அங்கு தொழில் செய்து வந்ததாகவும் அதனைத் தொடர்ந்து தாம் அங்கே வாழ்ந்து வருவதாகவும் அந்த மக்கள் தெரிவித்துள்ளனர்.

1982 ஆம் ஆண்டு தமக்கு தேசிய வீடமைப்பு அபிவிருத்தி அதிகார சபையினால் 62 வீட்டுத்திட்டங்கள் அமைக்கப்பட்டதாக குறிப்பிடும் அவர்கள்,அந்த வீடுகளின் அத்திவாரங்கள் தற்போதும் காணப்படுவதாக கூறியுள்ளனர்.

இந்த நிலையில் இந்த சிங்கள மக்களது வீட்டுத்திட்ட பிரச்சனைக்கு தேசிய வீடமைப்பு அபிவிருத்தி அதிகார சபை மாவட்ட முகாமையாளர் மேலதிக மாவட்ட செயலாளர், கரைத்துறைப்பற்று பிரதேச செயலாளர், காணி உத்தியோகத்தர், நில அளவை திணைக்கள உத்தியோகத்தர், ஆகியோருடன் சம்பவ இடத்துக்கு சென்ற முல்லைத்தீவு மாவட்ட செயலாளர் குறித்த இடத்தில் அமைந்துள்ள பாடசாலையுடனான சுமார் 3 ஏக்கர் காணியில் ஒருவருக்கு தலா 6 பேச்சஸ் காணியில் 62 வீடுகள் அமைப்பதற்கு கடந்த 13 ஆம் திகதி அனுமதி அளித்துள்ளார்.

இது தொடர்பில் இன்றைய தினம் ஊடகசந்திப்பை ஏற்பாடு செய்திருந்த முன்னாள் வடமாகாணசபை உறுப்பினர் துரைராசா ரவிகரன் ஒரு தனியார் காணி சுற்றாடலில் 03ஏக்கர் காணி மாத்திரம் எவ்வாறு அரசகாணியாக வரமுடியும் என கேள்வி எழுப்பினார்.

மக்கள் பயந்த சூழ்நிலையில்தான் முகத்துவாரத்தில் உள்ள காணிகளை உரிமைகோர வரவில்லையே தவிரஇந்த காணிகளுக்கு உரிமையாளர்கள் உரிமைகோர வரும்போது அன்று அவர்களுக்கு என்ன பதிலை அரசாங்கம் சொல்லப் போகின்றது எனவும் அவர் கேள்வியெழுப்பினார்.

இதேவேளை குறித்த பகுதியிலுள்ள காணிக்கான உறுதிப்பத்திரம் தங்களிடம் காணப்படுவதாகவும் அதனை தமக்கு பெற்றுக்கொடுக்குமாறும் கொக்கிளாய் முகத்துவாரம் பகுதியில் தனக்கென சொந்த காணியொன்றை கொண்டுள்ள ஒருவர் கேட்டுக்கொண்டார்.

https://www.ibctamil.com/srilanka/80/120040

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • ஜனாதிபதி தேர்தல் ;12 நாட்களுக்குள் 1034 முறைப்பாடுகள் (செ.தேன்மொழி) நடைபெறவுள்ள ஜனாதிபதி தேர்தல் தொடர்பில் இதுவரை 1,034 முறைப்பாடுகள் கிடைக்கப்பெற்றுள்ளதாக தேர்தல் ஆணையகம் தெரிவித்துள்ளது. கடந்த 8 ஆம் திகதி முதல் நேற்று மாலை 4 மணிவரையான 12 நாட்களுக்குள் இவ்வாறு 1,034 முறைப்பாடுகள் கிடைக்கப் பெற்றுள்ளது. இதன்போது தேர்தல் சட்டத்திட்டங்களை மீறியதாக 992 முறைப்பாடுகளும், வெவ்வேறு தேர்தல் முரண்பாடுகளின் காரணமாக 34 முறைப்பாடுகளும் மற்றும் தேர்தல் வன்முறைகள் தொடர்பில் எட்டு முறைபாடுகள் கிடைக்கப் பெற்றுள்ளதாகவும்  தேர்தல்கள் ஆணையகம் மேலும் சுட்டிக்காட்டியுள்ளது.    https://www.virakesari.lk/article/67237
    • ஜம்மூ-காஷ்மீரில் எல்லை தாண்டி தாக்குதல் ; இரு இராணுவ வீரர் உட்பட மூவர் பலி! Published by J Anojan on 2019-10-20 11:19:42 எல்லை தாண்டி பாகிஸ்தான் இராணுவம் நடத்திய தாக்குதலால் 2 இந்திய இராணுவ வீரர்கள் மற்றும் பொது மக்களில் ஒருவர் உயிரிழந்துள்ளதாக இந்திய ஊடகங்கள் செய்தி வெளியிட்டுள்ளன.  அத்துடன் இந்த தாக்குதல் காரணமாக மேலும் மூவர் காயமடைந்துள்ளனர். ஜம்மூ காஷ்மீரின், குப்வாரா மாவடத்தில் இன்று காலை இந்த தாக்குதல் மேற்கொள்ளப்பட்டிருப்பதாக பொலிஸார் தெரிவித்துள்ளனர் https://www.virakesari.lk/article/67223  
    • பிரக்சிட் ஒப்பந்தம் நிறைவேற்றத்தை ஜனவரி வரை ஒத்திவைக்க தீர்மானம் 'பிரெக்சிட்' எனப்படும் ஐரோப்பிய ஒன்றியத்திலிருந்து பிரிட்டன் வெளியேறுவதற்காக புதிதாக செய்யப்பட்டுள்ள ஒப்பந்தத்தை பிரிட்டன் பாராளுமன்றம் நிராகரித்தது.  இதற்காக நடைபெற்ற வாக்கெடுப்பில் பிரிட்டன் பிரதமர் போரிஸ் ஜோன்சனின் தீர்மானத்துக்கு எதிராக அதிக எம்.பி.க்கள் வாக்களித்தனர். ஐரோப்பிய ஒன்றியத்திலிருந்து வெளியேற பிரிட்டன் முடிவு செய்துள்ளது. பிரெக்சிட் என்று அழைக்கப்படும் இதற்கான நடவடிக்கைகள் கடந்த சில ஆண்டுகளாக நடந்து வருகிறது.  இந்த நிலையில் இம் மாதம் 31 ஆம் திகதிக்குள் வெளியேறுவதற்கு பிரிட்டனுக்கு காலக்கெடு நிர்ணயிக்கப்பட்டது. ஐரோப்பிய ஒன்றியத்திலுள்ள 27 நாடுகளின் தலைவர்களுடன் பிரிட்டன் பிரதமர் போரிஸ் ஜோன்சன் பேச்சு நடந்தினார்.  அதையடுத்து புதிய ஒப்பந்தம் தயாரானது. இந்த ஒப்பந்தத்துக்கு பிரிட்டன் பாராளுமன்றம் அனுமதி அளிக்க வேண்டும். ஒப்பந்தத்தை நிறைவேற்றுவதற்காக பிரிட்டன் பாராளுமன்ற சிறப்பு கூட்டத் தொடர் நேற்று கூட்டப்பட்டது. பிரதமர் போரிஸ் ஜோன்சன் புதிய பிரக்சிட் ஒப்பந்தத்துக்கான விவாதத்தை ஆரம்பித்து வைத்தார். அதே நேரத்தில் புதிய பிரக்சிட் ஒப்பந்த விதிமுறைகளை ஆய்வு செய்ய வேண்டும் என்பதால், ஒப்பந்த காலக்கெடுவை ஜனவரி வரை நீட்டிக்க வேண்டும் என்ற முக்கிய திருத்த தீர்மானத்தை பழமைவாத கட்சி எம்.பி ஆலிவர் லெட்வின் தாக்கல் செய்தார்.  இந்த தீர்மானம் வாக்கெடுப்பில் வெற்றி பெற்றது. ஆனால், இதை ஏற்க பிரதமர் போரிஸ் மறுத்து விட்டார். ஒப்பந்தத்தை நிறைவேற்றுவதில் அவர் உறுதியாக இருப்பதால், பெரும் பரபரப்பு ஏற்பட்டுள்ளது.  இதையடுத்து பேசிய பிரதமர் போரிஸ் ஜோன்சன், ‘‘பிரக்சிட் ஒப்பந்தம் தாமதம் குறித்து, ஐரோப்பிய ஒன்றியத்துடன் நான் இனி பேசமாட்டேன்’’ என உறுதிப்பட கூறினார். புதிய பிரக்சிட் ஒப்பந்தத்தை நிறைவேற்ற 320 எம்.பிக்களின் ஆதரவு தேவை. ஆனால் எத்தனை பேர் புதிய பிரக்சிட் ஒப்பந்தத்துக்கு ஆதரவளிப்பர் என தெரியவில்லை. அயர்லாந்துடன் சுங்க நடைமுறைகள் மற்றும் சோதனை முறைகள் தங்கள் கொள்கைக்கு எதிரானது என்பதால், இந்த புதிய ஒப்பந்தத்துக்கு ஆதரவு தெரிவிக்க வடக்கு அயர்லாந்து ஜனநாயக ஒன்றியன் கட்சி மறுத்துள்ளது.   https://www.virakesari.lk/article/67221
    • ஐந்து அரசியல் கட்சிகளும் பேரம்பேசும் சக்தியை சரியாக கையாள வேண்டும்: யாழ்.பல்கலை மாணவர் ஒன்றிய செயலர் செவ்வி பொது இணக்­கப்­பாட்­டுக்கு வந்­துள்ள ஐந்து கட்­சித்­த­லை­வர்­களே அடுத்த கட்­ட­மான மூன்று பிர­தான வேட்­பா­ளர்­களைச் சந்­திக்­க­வுள்­ளனர். அவர்கள் கூட்­டுப்­ப­லத்­துடன் ஏற்­பட்­டுள்ள பேரம்­பேசும் சக்­தியை பயன்­ப­டுத்தி அர­சியல் சூழலை சரி­யாக கையாள்­கின்­றார்­களா என்­பதை தொடர்ந்தும் அவ­தா­னித்­துக்­கொண்டே இருப்போம் என்று யாழ்.பல்­க­லைக்­க­ழக மாணவர் ஒன்­றி­யத்தின் செய­லாளர் எஸ்.பி.எஸ்.பபி­லராஜ் வீர­கே­சரி வார­வெ­ளி­யீட்­டுக்கு வழங்­கிய செவ்­வி­யின்­போது தெரி­வித்தார். அச்­செவ்­வியின் முழு வடிவம் வரு­மாறு, கேள்வி:- வடக்கு, கிழக்கு பல்­க­லைக்­க­ழக மாண­வர்கள் தமிழ்த் தேசிய பரப்பில் உள்ள அர­சியல் கட்­சி­களை ஒன்­றி­ணைக்கும் முயற்­சி­யினை கையி­லெ­டுத்­த­மைக்­கான காரணம் என்ன? பதில்:- தமக்­கான நிரந்­த­ர­மான அர­சியல் தீர்­வொன்­றினை பெற்­றுக்­கொள்­வ­தற்­கா­கவே தமிழ் மக்கள்  நீண்­ட­ கா­ல­மாக போராடிக் கொண்­டி­ருக்­கின்­றார்கள். பல்­வேறு வழி­க­ளிலும் அம்­மக்கள் தமது போராட்­டங்­களை விரி­வு­ப­டுத்தி ஜன­நா­யக ரீதியில் முன்­னெ­டுத்துக் கொண்­டி­ருக்­கின்­றார்கள். இச்­சந்­தர்ப்­பத்தில் ஜனா­தி­பதித் தேர்­த­லொன்று அறி­விக்­கப்­பட்­டுள்­ளது. இத்­த­கை­ய­தொரு நிலை­மையில் தமிழ்த் தேசிய பரப்பில் உள்ள அர­சியல் கட்­சிகள் வெவ்­வேறு தரப்­புக்­க­ளாக பிள­வு­பட்டு நிற்­பதால் தமிழ் மக்­க­ளுக்­கான பேரம்­பேசும் பலம் இழந்­து­விடும் துர்ப்­பாக்­கிய நிலைமை ஏற்­படும் ஆபத்து உள்­ள­மையை  கூர்ந்து கவ­னித்தோம். தமிழ்த் தேசிய அர­சியல் பரப்­பி­லுள்ள கட்­சி­களை ஒன்­றி­ணைத்து தமி­ழர்­களின் பேரம்­பேசும் சக்­தி­யினை பலப்­ப­டுத்தி ஒரு­மித்த முடி­வினை எடுக்க வேண்­டி­யது என்­பது காலத்தின் கட்­டாய தேவை­யாகும் என்­பதை உணர்ந்து கொண்டோம். தற்­போ­தைய சந்­தர்ப்­பத்­தினை முன்­னி­லைப்­ப­டுத்தி தமிழ்த் தேசிய அர­சியல் கட்­சி­க­ளிடம் நாம் நிலை­மை­களை எடுத்­துக்­கூ­றினோம்.  தமிழ் ­த­ரப்­புக்கள் அனைத்தும் தற்­போ­தைய அர­சியல் சூழலை உணர்ந்து கொண்­டன. அத­னை­ய­டுத்தே கலந்­து­ரை­யா­டல்கள் ஆரோக்­கி­ய­மான முறையில் முன்­னெ­டுக்­கப்­பட்­டன. கேள்வி:- பேச்­சு­வார்த்­தையில் பங்­கேற்ற ஆறு கட்­சி­க­ளி­டை­யேயும் ஆரம்­பத்தில் இணக்­கப்­பாடு எட்­டப்­பட்­ட­போதும் தமிழ்த் தேசிய மக்கள் முன்­னணி பொது நிபந்­த­னை­களைக் கொண்ட ஆவ­ணத்தில் கைச்­சாத்­தி­ட­வில்­லையே? பதில்:- ஆம், புதிய அர­சி­ய­ல­மைப்­புக்­கான இடைக்­கால அறிக்­கையை நிரா­க­ரிக்க வேண்டும் என்று தமிழ்த் தேசிய மக்கள் முன்­னணி முன்­வைத்த கருத்தால் 13ஆம் திகதி நடை­பெற்ற நான்­கா­வது சுற்று கலந்­து­ரை­யாடல் நீண்­டு­கொண்டு சென்­றது. இதனால் அன்­றை­ய­தினம் பொது இணக்­கப்­பாட்டில் கைச்­சாத்­தி­டப்­ப­டா­ம­லேயே கலந்­து­ரை­யாடல் மறுநாள் 14ஆம் திக­திக்கு ஒத்­தி­வைக்­கப்­பட்­டது. அனைத்து கட்­சி­க­ளையும் இணங்க வைத்து பொது உடன்­பாட்டை கைச்­சாத்­திடும் நோக்­குடன் 14ஆம் திகதி  அன்று மதியம் 1.30இற்கு ஆரம்­ப­மான கலந்­து­ரை­யா­டலின் போது இடைக்­கால அறிக்­கை­யினை நிரா­க­ரிக்க வேண்டும் என்­ப­தனை ஆவ­ணத்தில் உள்­ள­டக்க வேண்டும் என்ற நிலைப்­பாட்டில் தமிழ்த் தேசிய மக்கள் முன்­ன­ணி­யினர் உறு­தி­யாக இருந்த நிலையில் தமி­ழ­ர­சுக்­கட்சி, புளொட், என்­பன அதனை ஆவ­ணத்தில் உள்­ள­டக்கக் கூடாது என்றும் இலங்கை அர­சாங்கம் சர்­வ­தே­சத்­திற்கு வழங்­கிய உறு­தி­மொ­ழியின் பேரி­லேயே யாப்பு உரு­வாக்க முயற்சி இடம்­பெ­று­கின்­றது. அதனை நாம் குழப்பி விடக்­ கூ­டாது என்­றனர். அதே­வேளை ரெலோ தரப்­பினர் தாம் இடைக்­கால வரைபு வந்த போதே அதனை எதிர்த்­த­வர்கள் என்றும் தற்­போ­தைய  நிலையில் அதனை ஆவ­ணத்தில் உள்­வாங்கி தமி­ழ­ரசுக் கட்­சி­யி­ன­ருக்கு சங்­க­டத்தை ஏற்­ப­டுத்­து­வ­தனை தவிர்க்க வேண்­டு ­மென்றும் தாம் ஒன்­றாக பய­ணிப்­ப­வர்கள் என்­பதால் இவ்­வி­ட­யத்தில் தமி­ழ­ர­சுக்­கட்­சி­யுடன் இணைந்து இவ் ஆவ­ணத்தில் இடைக்­கால அறிக்கை நிரா­க­ரிப்­பதை உள்­ள­டக்க தமது எதிர்ப்பை வெளிப்­ப­டுத்­தி­னார்கள். தமிழ் மக்கள் கூட்­டணி மற்றும் ஈ.பி.ஆர்.எல்.எப் தாம் இடைக்­கால அறிக்­கை­யினை வெளிப்­ப­டை­யாக நிரா­க­ரித்­துள்ள போதும், புதிய யாப்பு உரு­வாக்கம் கைவி­டப்­பட்ட நிலை­யிலும் இவ் ஆவ­ணத்தில் ஒற்­றை­யாட்சி நிரா­க­ரிப்பு என்ற வாசகம் இருப்­பதன் அடிப்­ப­டை­யிலும் இடைக்­கால அறிக்கை பற்றி இவ் ஆவ­ணத்தில் உள்­ள­டக்க வேண்­டிய தேவை இல்லை எனவும் வாதிட்­டனர்.   தமிழ்த் தேசிய மக்கள் முன்­ன­ணி­யினர் புதிய யாப்பு உரு­வாக்க முயற்சி தொடர வாய்ப்­புள்­ள­மையை ஜனா­தி­பதி வேட்­பா­ளர்­களின் கருத்­துக்­களை குறிப்­பிட்டு முன்­வைத்­தார்கள். அதனால் ஒற்­றை­யாட்சி இடைக்­கால வரைபு நிரா­க­ரிக்க வேண்டும் எனும் தமது நிலைப்­பாட்­டி­லி­ருந்து பின்­வாங்­க ­வில்லை.   இந்­நி­லையில் விவாதம் நீண்டு கொண்டு செல்­வ­தாலும் இதனை ஓர் முடி­வுக்கு கொண்டு வர வேண்டும் எனும் நோக்­கிலும் அடிக்­கு­றிப்­பி­லேனும் இடைக்­கால அறிக்கை நிரா­க­ரிக்­கப்­பட வேண்டும் என்று தமிழ்த்­தே­சிய மக்கள் முன்­னணி பிரே­ரித்­தது என்று குறிப்­பி­டலாம் என்று கலந்­து­ரை­யா­டலில் பங்­கு­கொண்ட சிவில் சமூக தரப்­பி­னரால் ஓர் கருத்து முன்­வைக்­கப்­பட்­டது. அதனை தமிழ்த் ­தே­சிய மக்கள் முன்­னணி ஏற்­றுக்கொண்ட போதும் ஏனைய கட்­சிகள், அடிக்­கு­றிப்­பினை இடு­வது எம்முள் இணக்­கப்­பாடு இல்லை என்­ப­தனை தெளி­வாக காட்­டு ­மென்­ப­துடன் பொது ஆவணம் பல­வீன­ம­டையும் எனக் கூறி அதனை அடி­யோடு மறுத்­து­விட்­டனர். இறு­தி­யாக இடைக்­கால அறிக்கையை நிரா­க­ரித்தல் வேண்டும் என்ற விட­யத்தை ஆவ­ணத்தில் உள்­ள­டக்­காது விடு­வது என்­ப­துடன் தமிழ்த் தேசிய மக்கள் முன்­னணி உட்­பட கட்­சிகள் வெளிப்­ப­டுத்­திய கருத்­துக்­க­ளையும் நிலைப்­பா­டு­க­ளையும் நாம் ஊடக அறிக்கை ஒன்றின் மூல­மாக பகி­ரங்­கப்­ப­டுத்­து­வ­தென்றும் அனை­வரும் இதனை ஏற்­றுக்­கொண்டு கையொப்­ப­மிட வேண்டும் என்றும் நாம் கூறிய போதும் தமிழ்த் தேசிய மக்கள் முன்­ன­ணி­யினர் கையொப்­ப­மிட மறுத்­தனர். சிவில் சமூ­கத்­தினர் சார்பில் பங்கு கொண்ட மத­கு­ரு­மார்கள் மேற்­கொண்ட சம­ரச முயற்­சிகள் வெற்றி அளிக்­காத நிலையில் தமிழ்த் தேசிய மக்கள் முன்­ன­ணி­யினர்  பொது உடன்­பாட்டில் கையொப்­ப­மிட மறுத்­த­தோடு தமது கவ­லை­யி­னையும் பதிவு செய்து வெளி­யேறி சென்­றனர். கேள்வி:- அடுத்த கட்டச் செயற்­பா­டு­களில் பல்­க­லைக்­க­ழக மாண­வர்­களின் வகி­பாகம் எவ்­வாறு இருக்­கப்­போ­கின்­றது? பதில்:- கையொப்­ப­மிட்ட ஐந்து கட்­சியின் தலை­வர்கள் அடங்­கிய குழு­வினர் இவ் ஆவ­ணத்தை முன்­னி­றுத்தி ஜனா­தி­பதித் தேர்­தலில் கள­மி­றங்­கி­யுள்ள பிர­தான  மூன்று  வேட்­பா­ளர்­க­ளு­டனும் கலந்­து­ரை­யா­டல்­களில் ஈடு­­ப­ட­வுள்­ளனர். அதன் அடிப்­ப­டையில் அடுத்­த­கட்ட நகர்­வுகள் எடுக்­கப்­ப­ட­வுள்­ளன. பொது இணக்­கப்­பாட்­டிற்கு வந்த அர­சியல் தலை­வர்­க­ளி­டத்தில் இவ் விட­யத்­தினை ஒப்­ப­டைத்து பொறுப்பு வாய்ந்த மாண­வர்­க­ளாக நாம் விலகிக் கொண்­டுள்ளோம். கலந்­து­ரை­யா­டல்­களின் முன்­னேற்­றங்­களின் அடிப்­ப­டையில் அர­சியல் கட்சித் தலை­வர்­களே தொடர்ச்­சி­யாக இந்த விட­யத்­தினை கையாள்­வார்கள். எதிர்­வரும் ஜனா­தி­பதித் தேர்­தலில் இரு பிர­தான வேட்­பா­ளர்­களில் எவ­ருமே 50 சத­வீ­தத்­திற்கும் அதி­க­மான வாக்­கு­க­ளினை பெறப்­போவ­தில்லை. அவ்­வா­றான சூழலில் இரண்டாம் விருப்பத் தெரிவு கணக்கில் எடுக்­கப்­பட்டே புதிய ஜனா­தி­பதி தெரி­வு­செய்­யப்­ப­டுவார் என்­ப­தனை கருத்தில் கொண்டு தமிழ் அர­சியல் கட்சித் தலை­வர்கள் இப்­பே­ரம்­பேசும் சக்­தியை பயன்­ப­டுத்தி சூழலை சரி­யாக கையாள்­கி­றார்­களா என்­ப­தனை நாம் தொடர்ந்தும் அவ­தா­னித்த வண்­ணமே இருப்போம். கேள்வி:- பொது இணக்கத்திற்கு வந்துள்ள கட்சிகள் வழி தவறினால் அடுத்த கட்டம் என்னவாக இருக்கும்? பதில்:- அரசியல் கட்சிகளிடையே ஜனாதிபதித் தேர்தல் தொடர்பான ஒருமித்த நிலைப்பாடு ஒன்றினை எடுக்கும் வகையில் எம்மாலான  முயற்சிகளை செய்துவிட்டோம். இதனை  மக்கள் முன்னும் பகிரங்கப்படுத்தியுள்ளோம். அரசியல் கட்சிகள் இணங்கிக்கொண்ட நிலைப்பாட்டிலிருந்து மாறுவார்கள் எனில் தாயகவாழ் தமிழ் மக்களே தீர்க்கமான முடிவுகளை சுயாதீனமாக எடுக்கவேண்டும். அத்துடன் தமிழ் அரசியல் தலைவர்கள் சரியான முடிவினை எடுக்கும் வகையிலும் அவர்களின் நகர்வுகளினை தொடர்ந்தும் அவதானித்த வண்ணம் இருத்தல் வேண்டும். எம்மினத்தின் அரசியல் உரிமைகளினை வென்றெடுப்பதற்கான பயணத்தில் தொடர்ந்தும் எம்மாலான பங்களிப்புக்களை செய்துகொண்டே இருப்போம் என்பதில் மாற்றுக்கருத்திற்கு இடமில்லை. நேர்காணல்கள் : ஆர்.ராம்   https://www.virakesari.lk/article/67222
    • தமிழர்களிற்கும் முஸ்லீம்களிற்கும் கோத்தாபய ஒரு கொடுங்கனவாக காணப்படுவார். டெய்லர் டிப்போர்ட தமிழில் ரஜீபன் எதிர்வரும் ஜனாதிபதி தேர்தலில் தங்களிற்கான வெற்றியை சிறுபான்மையினத்தவர்களின் வாக்குகள் உறுதி செய்யும் என ஜிஎல்பீரிஸ் அவ்வளவு நம்பிக்கையுடனும்  உறுதியுடனும் ஏன் கருத்து தெரிவித்துள்ளார் என்பது குறித்து நான் குழப்பத்தில் உள்ளேன். சிறுபான்மை சமூகத்தினரிற்கு வழங்கிய வாக்குறுதிகளை இந்த அரசாங்கம் கடந்த நான்கரை வருடங்களில் நிறைவேற்ற தவறியுள்ளது என்பது உண்மை தான்.சிறுபான்மை சமூகத்தவர்களின் துயரங்களிற்கு இந்த அரசாங்கம் போதியளவிற்கு தீர்வை காணவில்லை. ஆனால் பதவிக்கு வந்தால் கோத்தாபய அரசாங்கம் எப்படி சிறுபான்மையினத்தவர்களை நியாயமாக நடத்தும் என்பது விளங்காத விடயமாக உள்ளது. மாறாக மற்றுமொரு ராஜபக்ச அரசாங்கம் தேசம் பெற்றுக்கொண்ட பலவீனமான ஜனநாயகத்தின் பலாபலன்களை அழித்துவிடுவதற்கான வாய்ப்புகளே அதிகமாக உள்ளன. மேலும் சிறுபான்மையினத்தவர்களிற்கு எதிரான நிகழ்ச்சி நிரலை எதிர்பார்க்கலாம். மைத்திரிபால சிறிசேனவும் அவரது நிர்வாகத்தவர்களும் பாரிய ஏமாற்றத்தை அளித்துள்ளனர் என்பதில் எந்த சந்தேகமும் இல்லை,ஊழல் இன்னமும் பாரிய பிரச்சினையாக உள்ளது. ஆனால் நாங்கள் பயணிக்கும் திசை தெரியாத, திறமையற்ற, பலவீன நிர்வாகத்துடன் ஈவிரக்கமற்ற குடும்ப ஆட்சியை அடிப்படையாக கொண்ட பரம்பரை அரசியலில விருப்பம் கொண்டுள்ள ஏதேச்சதிகார ஆட்சியை ஒப்பிடக்கூடாது. கோத்தாபயவின் தத்தெடுக்கப்பட்டுள்ள ஜி.எல்.பீரிஸ் போன்றவர்கள் அர்த்தமற்ற விடயங்களை தெரிவித்துவருகின்றனர். கோத்தாபயவின் தத்தெடுக்கப்பட்டுள்ள ஜி.எல்.பீரிஸ் போன்றவர்கள் மேலும் மேலும் அர்த்தமற்ற விடயங்களை தெரிவித்து வருகின்றனர். கோத்தபாயவின் சாதனைகள் நன்கறியப்பட்டவை என்றபோதிலும் அவர் அரசியலிற்கு புதியவர்.அவர் 2009 இல் தமிழர்கள் படுகொலை செய்யப்படுவதை மேற்பார்வை செய்தார்.அதன் பிறகு எழுச்சியடைந்த ஏதேச்சதிகாரத்திற்கு  அவர் உற்சாகமான பங்களிப்பை வழங்கியிருந்தார். இதன் காரணமாக தமிழர்களும் முஸ்லீம்களும் அளவுக்கதிகமான விதத்தில் பாதிக்கப்பட்டனர். சிறுபான்மையினத்தவர்களின் மனித உரிமைகளை காலால் போட்டு மிதித்ததன் காரணமாக கோத்தாபய ராஜபக்ச அதிகளவு வாக்குகளை பெறப்போகின்றார்.ஆனால் ராஜபக்சாக்கள் மீண்டும் ஆட்சிக்கு வந்தால் அதன் காரணமாக தமிழர்களும் முஸ்லீம்களும் நன்மையடைப்போவதில்லை. ராஜபக்சாக்கள் தீராத இனவாதிகள் - யுத்த குற்றம் முதல் தொடர்ச்சியான இராணுவமயப்படுத்துதல் வெள்ளை வான்கள் என ஜனநாயகவிரோத சான்றுகளை கொண்டவர்கள். கோத்தபாயவினால் தத்தெடுக்கப்பட்ட ஜிஎல் பீரிஸ் போன்றவர்கள் நோய்வாய்ப்பட்ட பொய்யர்கள் அல்லது பெரும் ஏமாற்றுக்காரர்கள்.   https://www.virakesari.lk/article/67214