யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
கிருபன்

பாதுகாப்பு தரப்பினரை கௌரவிக்கும் இராணுவ நிகழ்வு!

Recommended Posts

பாதுகாப்பு தரப்பினரை கௌரவிக்கும் இராணுவ நிகழ்வு!

army-720x450.jpg

யுத்தத்தில் உயிரிழந்த மற்றும் பாதிக்கப்பட்ட பாதுகாப்பு தரப்பினரை கௌரவிக்கும் இராணுவ நிகழ்வு இன்று இடம்பெறவுள்ளது.

ஸ்ரீ ஜயவர்தனபுர கோட்டையில் உள்ள நாடாளுமன்ற மைதானத்தில் இன்று (ஞாயிற்றுக்கிழமை) மாலை 4 மணிக்கு ஜனாதிபதி மைத்திரிபால சிறிசேனவின் தலைமையில் இந்த நிகழ்வு இடம்பெறவுள்ளது.

அத்தோடு நாட்டுக்காக உயர்நீத்த முப்படையினர், பொலிஸார் மற்றும் சிவில் பாதுகாப்பு படையினரை சேர்ந்தோருக்கு அஞ்சலி செத்துவதற்காக, இரவு 7 மணிக்கு வீடுகளில் விளக்கேற்றுமாறு கோரப்பட்டுள்ளது. பாதுகாப்பு அமைச்சு பொதுமக்களிடம் இந்த கோரிக்கையை முன்வைத்துள்ளது.

இதேவேளை தேசிய இராணுவ தினத்தை முன்னிட்டு, இராணுவ சிரேஷ்ட நிலை அதிகாரிகள் 38 பேருக்கு நேற்று ஜனாதிபதியால் பதவி உயர்வு வழங்கப்பட்டிருந்தமை குறிப்பிடத்தக்கது.

 

http://athavannews.com/பாதுகாப்பு-தரப்பினரை-கௌர/

 

Share this post


Link to post
Share on other sites

``இறுதிக்கட்டப் போரில் கைது செய்யப்பட்ட ஒரு போராளி. ஒன்பது ஆண்டுகளுக்குப் பிறகு 2017-ல் விடுவிக்கப்பட்டு, தாயகம் திரும்புகிறான். அவனுடைய பார்வையில், `போராட்டம் மவுனிக்கப்பட்ட 2009-க்குப் பிறகு ஈழத்தினுடைய நிலை என்ன?!’ என்ற கேள்வியுடன் கதையில் இரண்டு  விதமான கருத்துகளை முன்வைக்கிறேன்.

ஒன்று, `எந்நேரத்திலும் சுடப்படுவாய். செத்துப்போகத் தயாராகவே இரு’ என்று மக்களைப் பய உணர்வோடே வைத்திருப்பது. ஆமாம், ஒட்டுமொத்த தமிழர்களின் நிலப்பரப்புமே திறந்தவெளி சிறைச்சாலையாகக் காட்சி தருகிறது.

இரண்டு கிலோ மீட்டருக்கு ஒன்றாக இராணுவ முகாம்கள் இருக்கின்றன. வீதியில் 50 வாகனங்கள் சென்றால், அவற்றில் ஐந்து, ராணுவ வாகனங்கள். புலிகள் இல்லை, பிரபாகரனைக் கொன்றுவிட்டீர்கள். பிறகு எதற்கு உங்களின் கைகளில் ஆயுதம்?! ‘நீ எனக்கு அடிமை’ என்பதை உணர்த்தத்தான் இந்த ஆயுத அச்சுறுத்தல்.

"2005-ல் வன்னியில் போய் இறங்கும்போது, `தமிழீழம் உங்களை வரவேற்கிறது’ என்ற சொல், கூடவே துவிச்சக்கரவண்டி, மிதிவண்டி, வெதுப்பகம், தறிப்பிடம், வைப்பகம் என்று தூய தமிழ்ப் பெயர்கள். அழகு நிறைந்த அந்தப் பகுதிகளில் அப்போது ஒரு பிச்சைக்காரரைக்கூடக் காணமுடியாது. எங்களுக்கென ஓர் அரசாங்கம் உருவாகிக்கொண்டிருந்த காலகட்டம். தமிழர்கள் எவ்விதத் தங்குதடையும் இன்றி வேறுமொழிக் கலப்பின்றி அழகாகப் பேசிக்கொண்டனர். இன்று தமிழ் இரண்டாம் நிலைக்குப்போய், எங்கும் சிங்களம். கிளிநொச்சி பிரதேசங்களில் சில கடைகளில் சிங்களப் பெயர்கள் மட்டுமே. எங்கு பார்த்தாலும் ராணுவம். விடுவிக்கப்பட்ட பிரதேசங்களில் ராணுவமயமாக்கம். சுதந்திரமாக இருக்கிறோம் என்ற எண்ணமே உங்களுக்கு வராது. யாரோ ஒருவர் உங்களைக் கண்காணித்துக்கொண்டே இருக்கிறார்கள் என்ற எண்ணம்தான் வரும். "

Share this post


Link to post
Share on other sites

ஜனாதிபதி தலைமையில் படைவீரர்களுக்கான 10 ஆவது தேசிய நிகழ்வு!

(நா.தினுஷா) 

முப்பது வருடகால யுத்தத்தை நிறைவுக்கு கொண்டுவந்த படைவீர்களை கௌரவிக்கும் படைவீரர்களுக்கான 10 ஆவது தேசிய நிகழ்வு  ஜனாதிபதி மைத்திரிபால சிறிசேன தலைமையில்  இன்று இடம்பெற்றது. 

DSC_0263.jpg

பாராளுமன்ற மைதானத்தில் அமைந்துள்ள படைவீரர்களுக்கான நினைவுத் தூபியில் இடம்பெற்ற இந்த உத்தியோகபூர்வ படைவீரர் நினைவேந்தல் நிகழ்வுகள் ஜனாதிபதி வருகையுடன் மாலை  4.30 மணியளவில் ஆரம்பமாகியது. 

army4.jpg

ஓய்வுப்பெற்ற மேஜர் ஜெனரல் சன்மிக லியனகேவின் வரவேற்புரையை அடுத்து சர்வமத வழிப்பாடுகளுடன் ஜனாதிபதி மைத்திரிபால சிறிசேனவின் விசேட உரையும் இடம்பெற்றது. 

அதன் பின்னர் சிரேஷ்ட பொலிஸ் அதிகாரி பேராசிரியர் கருணாரத்ன பண்டாரவின் வடிவமைப்பு மற்றும் பயிற்சியில் ஏற்பாடு செய்யப்பட்டிருந்த இசைவாத்திய நிகழ்வு இடம்பெற்றது.

யுத்தத்தில் உயிர் நீத்த படைவீரர்களின் உறவினர்ககளும்  இந்த தேசிய படைவீரர் கௌரவிப்பு  தின நிகழ்வில் கலந்துக்கொண்டிருந்ததோடு, யுத்தம் நிறைவடைந்து 10 வருடங்கள் கடந்திருப்பினும் தமது இறந்த வீரர்களை நினைவுப்படுத்தும் வகையில் தமது கவலையை வெளியிட்டனர்.  

இந்த நிகழ்வில் பிரதமர் ரணில்  விக்ரமசிங்க, எதிர்க்கட்சி தலைவர் மஹிந்த ராஜபக்ஷ, சபாநாயகர் கரு ஜயசூரிய, பாதுகாப்பு இராஜாங்க அமைச்சர் ருவான் விஜயவர்தன, அமைச்சர் அர்ஜூன ரணதுங்க போன்றோரும் பங்குப்பற்றியிருந்தனர். 

army1.jpg

army3.jpg

army2.jpg

மேலும் பதில் பொலிஸ்மா அதிபர் சி.டீ.விக்ரமரத்ன, விமானப்படைத்தளபதி எயார் மார்ஷல் கபில ஜயம்பதி , கடற்ப்படைத் தளபதி வயிஸ் அட்மிரல் பியல் த சில்வா , இராணுவ தளபதி லுதினல்  ஜனரால் மகேஷ் சேனாநாயக்க, பாதுகாப்பு இராஜாங்க செயலாளர் ஓய்வுப்பெற்ற ஜெனரால் சாந்த கோட்டே கொட , ஜனாதிபதி செயலாளர் உதய ரஞ்சித் செனவிரத்ன, மேல் முறையீட்டு நீதிமன்ற தலைவர் யசந்த கோதாகொட மற்றும் நீதிபதி தப்புல த லிவேரா உள்ளிட்டொரும் இந்நிகழ்வில் கலந்துக்கொண்டிருந்தனர்.

army6.jpg

army5.jpg

 

http://www.virakesari.lk/article/56294

 

Share this post


Link to post
Share on other sites

DSC_0263.jpg

தமிழனை அழித்த வெற்றிக் கொண்டாட்டத்தில் எல்லாக் கட்சி சார்ந்தும்.. சிங்களவன் எல்லாம் ஒரே மேடையில் நிற்கிறான்.

ஆனால்.. அழிக்கப்பட்ட தமிழர்கள்.. சார்பில் அஞ்சலி செய்ய எந்தக் கட்சி சார்ந்து எவனும் (ஒரு சில தனித்தனி செயற்பாடுகள் தவிர) இல்லை. மக்களே தான் மக்களின் பக்கம். 

Share this post


Link to post
Share on other sites
4 hours ago, nedukkalapoovan said:

DSC_0263.jpg

தமிழனை அழித்த வெற்றிக் கொண்டாட்டத்தில் எல்லாக் கட்சி சார்ந்தும்.. சிங்களவன் எல்லாம் ஒரே மேடையில் நிற்கிறான்.

சிங்கள-பௌத்த படுகொலைகாரர்கள், பாலியல் வன்கொடுமைக்காரர்கள், கொள்ளைக்காரர்கள், கடத்தல்காரர்கள், கப்பக்காரார்கள், ..... என வரிசைப்படுத்தக் கூடிய மிக மோசமான பயங்கரவாதிகளை சிங்கள-பௌத்த அரச பயங்கரவாத இயந்திரம் ஒன்று கூடி கவுரவிக்கிறது!  

இது உலகில் நீதி, நியாயம், தர்மம் உயிர்ப்பு நிலையில் இல்லை என்பதை பறைசாற்றுகிறது.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • (முகநூல் பக்கத்தில் இருந்து )  அண்மையில் நடந்த பத்தாம் உலக தமிழ் ஆராய்ச்சி மாநாட்டில் பலருக்கு யாழ்பாணத்தில் நடந்த படுகொலைகளை பற்றி தெரிந்திருக்கவில்லை. நாங்கள் அதனை தெரியப்படுத்த எடுத்த பல முயற்சிகளில் இரண்டுதான் வெற்றி பெற்றது.  முதலாவது சங்கங்களின் சங்கமத்தில் இலங்கை தமிழ் சங்கத்தின்(ITSC) சார்பில் அலங்கரிக்கபட்ட பாடை.   இந்த பாடை ஊர்வலத்தை மேலும் மேம்படுத்தியது . இரண்டாவது இந்த மாநாட்டின் விழா மலருக்கு எழுதிய கவிதை. இலங்கை தமிழரால் நான்காவது மகாநாட்டில் 1974 நடந்த அநியாயங்களை மறக்க முடியாது. அந்த மகாநாடுதான் பல தடைகளையும் கடந்து முதல் முறையாக எந்த  ஒரு அரசாங்கத்தினதும் பல்கலைகழகத்தினதும் ஆதரவில்லாமல் நடந்தது. தயவுசெய்து இந்த கவிதையை எல்லோருடனும் பகிருங்கள். பலருக்கு தெரியபடுத்த ஒரு வழி.  
    • யாழ்ப்பாணம், மானிப்பாய் பொலிஸ் பிரிவில் வாள்களுடன் சென்ற கும்பல் மீது பொலிஸார் மேற்கொண்ட துப்பாக்கிச் சூட்டில் ஒருவர் உயிரிழந்தாக பொலிஸார் தெரிவித்தனர். இந்தச் சம்பவம் இன்றிரவு 9 மணியளவில் இடம்பெற்றுள்ளது. 3 மோட்டார் சைக்கிள்களில் 6 பேர் கொண்ட கும்பல் பயணித்ததாகவும் காவலில்  ஈடுபட்டிருந்த பொலிஸார் அவர்களை வழிமறிக்க முற்பட்ட போதும் அவர்கள் நிறுத்தாத நிலையில் அவர்கள் மீது துப்பாக்கிச் சூடு நடத்தியதாகப் பொலிஸார் தெரிவிக்கின்றனர். சம்பவம் தொடர்பில் பொலிஸார் விசாரணைகளை முன்னெடுத்துள்ளனர். https://www.virakesari.lk/article/60850
    • அமெரிக்க தலைநகரில் ஆயிரக்கணக்கான பணத்திற்கு கொள்கையை வென்றெடுக்கும் நிறுவனங்கள் உள்ளன. ஆங்கிலத்தில் இவை ' லோபியிங்' (lobbying) என அழைக்கப்படும். சகல மேற்குலக நாடுகளில் கூட இப்படியான அமைப்புக்கள் இருந்தாலும் உலகின் மிக்வும் பொருளாதார இராணுவ மற்றும் அரசியல் செல்வாக்குகள் காரணமாக அமெரிக்க தலைநகர் வாசிங்டனில் தான் இவை அதிகம்.  (https://www.hklaw.com/en)  உள்ளூர் நிறுவனங்கள் உட்பட பல வெளிநாட்டு அரசுகள் மற்றும் அரச சார்பற்ற நிறுவனங்களும் கூட தமது கொள்கை மாற்ற உதவிக்கு இவ்வாறு அணுகுவதுண்டு.  சிங்கள அரசு கூட இவ்வாறு  முன்னர் இழந்த ஜி.எஸ். பி. வரி சலுகையை மீளப்பெற ஒரு அமைப்பை பணம் கொடுத்து அணுகி இருந்தது.  ஆக, பணம் இருந்தால் எமது மீது உள்ள தடைகள் மட்டுமல்ல தனி நாடு இல்லாவிட்டாலும் ஒரு சுயாட்சியை கூட இலங்கையில் தமிழர்கள் பெறலாம். தமிழர்களிடம் அதற்கான பணமும், கொடுக்கும் மனமும் உள்ளது என .நம்பலாம். ஆனால், அதற்கான தலைமை தான் இல்லை.  
    • அமெரிக்க அரசிடமும், மக்களிடமும் தன் நாட்டின் மீது ஏற்பட்டுள்ள அவப்பெயரை நீக்கி, உயர்வான எண்ணத்தை ஏற்படுத்துவதற்காக  அமெரிக்காவை சேர்ந்த நிறுவனத்தை பாகிஸ்தான் பணம் கொடுத்து ஒப்பந்தம் செய்துள்ளது.அமெரிக்க அதிபராக டிரம்ப் கடந்த 2017ம் ஆண்டு பதவியேற்ற பின், பாகிஸ்தான் உடனான உறவில் விரிசல் ஏற்பட்டுள்ளது. தீவிரவாதத்தை கட்டுப்படுத்த தவறியதாகவும் அமெரிக்காவுக்கு துரோகம் இழைத்து விட்டதாகவும் பாகிஸ்தான் மீது அதிபர் டிரம்ப் குற்றம்சாட்டி வருகிறார். இதனால், பாகிஸ்தானுக்கு அளிக்கப்பட்டு வந்த பல்லாயிரம் கோடி நிதியுதவியை கடந்த 2018 ஜனவரி முதல் நிறுத்தி விட்டார். இதனால், பாகிஸ்தானுக்கு பெரும் நிதி நெருக்கடி ஏற்பட்டுள்ளது.இந்நிலையில், 3 நாள் அரசு முறைப் பயணமாக அமெரிக்கா வரும் பாகிஸ்தான் பிரதமர் இம்ரான்கான், வெள்ளை மாளிகையில் உள்ள ஓவல் அலுவலகத்தில் அதிபர் டிரம்ப்பை நாளை சந்திக்க இருக்கிறார். டிரம்ப் பதவியேற்று ஏறக்குறைய 4 ஆண்டுகள் முடியும் நிலையில், தற்போதுதான் பாகிஸ்தான் பிரதமரை சந்திக்க உள்ளார். இந்நிலையில், அமெரிக்க அரசிடமும், அதன் மக்களிடமும் தனது நாட்டை பற்றி ஏற்பட்டுள்ள தவறான எண்ணத்தை மாற்றவும், இவர்களிடம் தனது நட்டை  பற்றி உயர்வான எண்ணத்தை ஏற்படுத்தவும் ‘ஹாலண்ட் அண்ட் நைட்’ என்ற அமெரிக்க நிறுவனத்தின் உதவியை பாகிஸ்தான் நாடியுள்ளது. இது தொடர்பாக, இந்த நிறுவனத்தின் ஆலோசகர் ரெய்னால்ட்சுடன் பாகிஸ்தான் வெளியுறவு அமைச்சர் முகமது குரேஷி பேச்சுவார்த்தை நடத்தி, ஒப்பந்தம் ஒன்றை கையெழுத்திட்டு இருக்கிறார். இந்த ‘ஜால்ரா’ வேலையை செய்வதற்காக, அந்த நிறுவனத்துக்கு பாகிஸ்தான் அரசு கோடிக்கணக்கில் பணம் கொடுத்துள்ளது.இது தொடர்பாக குரேஷி கூறுகையில், ``ஹாலண்ட் அண்ட் நைட் நிறுவனம் பாகிஸ்தான் தூதரகத்துடன் இணைந்து செயல்பட்டு, அமெரிக்கா மீது பாகிஸ்தான் வைத்திருக்கும் நல்லெண்ணத்தை திறம்பட எடுத்துரைக்கும்,’’ என்றார். இந்த நிறுவனத்தின் ஆலோசகர் ரெய்னால்ட்ஸ், நியூயார்க் நகரத்தின் முன்னாள் காங்கிரஸ் எம்பி.யாக இருந்தவர். அவர் கூறுகையில், ``எங்கள் நிறுவனத்தின் மீது முழு நம்பிக்கை வைத்து, இந்த பொறுப்பை ஒப்படைத்த பாகிஸ்தானுக்கு நன்றி தெரிவிக்கிறேன். பாகிஸ்தான்-அமெரிக்கா இடையிலான இருதரப்பு உறவு, புரிந்துணர்வு தொடர்பாக வலுவான நம்பிக்கையை உருவாக்கும் முயற்சிகளில் எங்கள் நிறுவனம் செயல்படும்,’’ என்று கூறினார்.சவுதி இளவரசர் உதவி:அமெரிக்க அதிபராக டிரம்ப் பதவி ஏற்றதில் இருந்தே அமெரிக்கா - பாகிஸ்தான் உறவு பாதித்துள்ளது. இந்த உறவை சீராக்கும் முயற்சியில் பாகிஸ்தான் பிரதமர் இம்ரான் கான் ஈடுபட்டுள்ளார். இதற்கு, சவுதி இளவரசர் முகமது பின் சல்மானும் உதவி வருகிறார். டிரம்பின் மருமகன் ஜரேட் குஷ்னருடன் சல்மான் நெருங்கிய நட்பு வைத்துள்ளார். அவர் மூலமாகதான், டிரம்ப் - இம்ரான் சந்திப்புக்கு ஏற்பாடு செய்துள்ளதாக கூறப்படுகிறது. தூதர் இல்லத்தில் தங்கல்:பாகிஸ்தான் கடும் நிதி நெருக்கடியில் சிக்கியுள்ளதால், தனது நாட்டில் பல்வேறு செலவுகளை குறைப்பதற்கான சிக்கன நடவடிக்கைகளை இம்ரான் எடுத்துள்ளார். தனது அமெரிக்க பயணத்திலும் இதை அவர் பின்பற்றுகிறார். அமெரிக்காவில் அவர் நட்சத்திர ஓட்டலில் தங்கவில்லை. பாகிஸ்தான் தூதரின் இல்லத்திலேயே தங்குகிறார்.    http://www.dinakaran.com/News_Detail.asp?Nid=511798
    • அமெரிக்காவுக்கு எதிராக இந்தியாவுடன் ‘கூட்டு’ சீனா திடீர் முடிவு சீனாவின் ஏற்றுமதி அதிகரித்து வர்த்தக பற்றாக்குறை 539 பில்லியன் டாலர் அளவுக்கும் அதிகமாக சென்றுவிட்டது, இதனால் ஏற்றுமதியை குறைத்து இறக்குமதியை அதிகரிக்குமாறு சீனாவுக்கு அமெரிக்க அதிபர் டிரம்ப் கோரிக்கை விடுத்தார். ஆனால், இதை சீனா பொருட்படுத்ததால், சீனாவின பொருட்களுக்கு இறக்குமதி வரியை அதிகரித்தார். இதையடுத்து, இரு நாடுகளுக்கும் இடையே வர்த்தகப் போர் மூண்டது. இந்நிலையில், இந்தியாவுடன் வர்த்தக உறவை மேம்படுத்திக் கொள்ள சீனா முயற்சி மேற்கொண்டுள்ளது. இந்தியாவில் இருந்து சீனாவுக்கு இறக்குமதி சமீபத்தில் 15 சதவீதம் அதிகரித்துள்ளது.  இந்தியாவில் இருந்து சீனாவுக்கு வேளாண்மை பொருட்களின் ஏற்றுமதி கடந்த ஆண்டில் இரண்டு மடங்காக அதிகரித்துள்ளது. இந்த ஆண்டின் முதல் பாதி வரையிலான புள்ளிவிவரத்தை  பார்த்தால், சீனாவுடனான இந்தியாவின் வர்த்தக பற்றாக்குறை 5 சதவீதம் குறைந்துள்ளது.  தொடர் பேச்சுவார்த்தைகள் மூலம் இரு நாடுகளுக்கு இடையிலான வர்த்தக பற்றாக்குறையை படிப்படியாக குறைத்து, சமநிலைக்கு கொண்டு வர முயற்சி மேற்கொள்ளப்பட்டுள்ளது என்றும் சீன அதிகாரி தெரிவித்தார்.இறக்குமதி பொருட்களுக்கு அதிக அளவில் வரி விதித்து அமெரிக்காவின் முதல் கொள்கையை மற்றவர்கள் மீது திணிக்கும் அதிபர் டொனால்டு டிரமப்பின் கொள்கைக்கு எதிராக போராட வேண்டும். இந்த வர்த்தக போரில் இந்தியாவும் எங்களுடன் இணைந்து போராட வேண்டும் என்று அந்த சீன அதிகாரி தெரிவித்தார். சீனாவுடன் வர்த்தக பற்றாக்குறை 539 பில்லியன் டாலர் அளவுக்கும் மேல் சென்றதால், சீனாவில் இருந்து இறக்குமதி செய்யப்படும் பொருட்களுக்கு 25 சதவீதம் வரையில் வரி விதித்து அமெரிக்க அதிபர் டிரம்ப் உத்தரவிட்டார். இதனால், இரு நாடுகளுக்கும் இடையே வர்த்தகப் போர் மூண்டது. அதேபோல், முன்னுரிமை வர்த்தக அந்தஸ்து அளிக்கப்பட்ட நாடுகள் பட்டியலில் இருந்து இந்தியாவை நீக்கி உத்தரவிட்டார். இதனால் இந்தியாவுக்கு பாதிப்பு ஏற்பட்டது. அதாவது, 5.6 பில்லியன் டாலர் அளவுக்கு வரி இல்லாமல் இந்தியாவில் இருந்து அமெரிக்காவுக்கு பொருட்களை ஏற்றுமதி செய்ய அனுமதிக்கப்பட்டு இரு்ந்தது. அந்த அனுமதி ரத்து செய்யப்பட்டது. இதை ஒரு வாய்ப்பாக பயன்படுத்தி இந்தியாவுடன் சீனா நெருங்கி வருகிறது என்று வர்த்தத் துறை வட்டாரங்கள் தெரிவித்தன. http://www.dinakaran.com/News_Detail.asp?Nid=511799