விஜயகாந்த், கமல், சீமான்: மாற்று அரசியல் மாய்மாலங்கள்!

[கிருபன்]

விஜயகாந்த், கமல், சீமான்: மாற்று அரசியல் மாய்மாலங்கள்!

தனியன்

தமிழக அரசியலில் கமலோ, சீமானோ விஜயகாந்த் அளவுக்குக்கூடச் செல்வாக்கில்லாதவர்கள் என்பதையே இந்த மக்களவைத் தேர்தல் முடிவுகள் காண்பித்திருக்கின்றன.

விஜயகாந்த் 2005ஆம் ஆண்டு கட்சி ஆரம்பிக்கிறார். அடுத்த ஓராண்டில் (2006) அவரது கட்சி போட்டியிட்ட முதல் சட்டமன்றத் தேர்தலிலேயே 8.4% வாக்குகளைப் பெறுகிறது.

அடுத்து அவர் 2009ஆம் ஆண்டு மக்களவைத் தேர்தலில் பெற்ற வாக்குகள் 10.3%.

இதற்கு மாறாக இந்தத் தேர்தலில் சீமான் கட்சி பெற்ற வாக்குகள் 3.87%.

கமல்ஹாசன் கட்சி பெற்ற வாக்குகள் 3.78%.

இதே தேர்தலில் “மற்ற” கட்சிகள் 4.94% வாங்கியிருக்கின்றன.

NOTAவுக்கு 1.28% வாக்குகள் கிடைத்திருக்கின்றன.

அதாவது “மற்ற” கட்சிகளை விட கமலும் சீமானும் குறைவாகத்தான் வாக்குகள் வாங்கியிருக்கிறார்கள். NOTAவை விட மூன்று மடங்கு வாக்குகளை அதிகம் வாங்கியிருக்கிறார்கள் என்பதுதான் இவர்களுக்கான ஒரே ஆறுதல்.

இதுதான் தமிழக அரசியலின் யதார்த்தம்.

விஜயகாந்த் அரசியல் கட்சி ஆரம்பித்துத் தேர்தல்களைத் தனியாகச் சந்தித்தபோது ஒருபக்கம் கலைஞர், மறுபக்கம் ஜெயலலிதா என்கிற இரு பெரும் ஆளுமைகளை எதிர்த்துத் தன்னந்தனியாக 8.3% முதல் 10.3% வாக்குகளை வாங்கினார்.

பாமகவின் கோட்டையாகக் கருதப்பட்ட பகுதியில் அவரே நின்று, வென்று சட்டமன்ற உறுப்பினராகவும் சட்டசபைக்குச் சென்றார்.

கமலோ, சீமானோ ஒரே ஒரு தொகுதியில்கூட வெல்லவும் இல்லை. கட்டுத்தொகையைக்கூடக் காப்பாற்றிக்கொள்ளவும் இல்லை.

விஜயகாந்த் அளவுக்குக்கூட இவர்களால் வாக்குகளை வாங்க முடியாமல் போக என்ன காரணம்?

ஒரே காரணம் நம்பகத்தன்மை.

தமிழக அரசியலில் கமலோ, சீமானோ நம்பத்தகுந்த தலைவர்கள் அல்ல என்பதையே மக்கள் அளித்திருக்கும் இந்த வாக்குகள் காட்டுகின்றன.

கமல் பாஜகவின் மாயக்குதிரையாகவும் சீமான் அதிமுக, பாஜக இரண்டுக்குமான அடியாளாகவுமே தமிழக அரசியலில் பார்க்கப்படுகிறார்கள். தனித்து இயங்கும் தலைமைகளாகப் பார்க்கப்படவில்லை.

மாறாக விஜயகாந்த் கட்சி ஆரம்பித்தபோதும் 2006 மற்றும் 2009 ஆகிய இரண்டு தேர்தல்களிலும் இருபெரும் திராவிடக் கட்சிகளுக்கு மாற்றான மூன்றாவது கட்சியாகத் தன்னை முன்னிலைப்படுத்திக்கொண்டார். அதை மக்களும் நம்பினார்கள். அதனாலேயே அவருக்கு இரட்டை இலக்க வாக்கு சதவிகிதம் கிடைத்தது.

ஆனால், மக்கள் தன் மீது வைத்த அந்த அதீத நம்பிக்கையை விஜயகாந்த் 2011 தேர்தலில் தானாகவே குலைத்துக்கொண்டார். தன்னையும் தன் கட்சியையும் ஜெயலலிதாவிடம் நல்ல விலைக்கு அவரே விற்றுக்கொண்டார், சோ ராமசாமி மூலம். அன்றே போனது விஜயகாந்த் மீதான மக்கள் நம்பிக்கை.

விளைவு, அந்தச் சட்டமன்றத் தேர்தலில் அவரது கட்சி வென்று அவர் சட்டமன்ற எதிர்க்கட்சி தலைவராகத் தேர்வானாலும் அவரது கட்சியின் அரசியல் எதிர்காலம் அந்தத் தேர்தலோடு முடிந்துபோனது. கட்சியின் வீழ்ச்சியும் தொடர்கதையானது. இந்தத் தேர்தலில் தேமுதிகவின் வாக்கு சதவிகிதம் வெறும் 2.19%. இனி, அந்தக் கட்சிக்கு அரசியலில் மீட்சியில்லை.

இரட்டை இலக்க வாக்கு சதவிகிதத்தையும் மாநிலம் தழுவிய கட்சி அமைப்பையும் கொண்டிருந்த விஜயகாந்த் கட்சியின் கதையே அதுவென்றால் அந்த இரண்டும் இல்லாத கமலும் சீமானும் தான் தமிழக அரசியலின் அடுத்த மாற்றுச் சக்திகள் என்கிற மாய்மாலமெல்லாம் சிரிப்பைக்கூட மூட்டாத நமுத்துப்போன நகைச்சுவைகள்.

மாற்று என்பது புதிய முழக்கம் அல்ல

உண்மையில் தமிழக அரசியலில் இரு திராவிட கட்சிகளுக்கும் மாற்று அரசியல் உருவாக வேண்டும் என்பது புதிய கோரிக்கையே அல்ல. மிகவும் பழைய கோரிக்கை.

திமுக, அதிமுக இரண்டையும் “ஒரே குட்டையில் ஊறிய மட்டைகள்” என்று காமராஜர் சொன்னதாகக் கூறப்படும் 1970களிலிருந்து அந்த மூன்றாவது மாற்றுக்கான முயற்சிகள் நடந்துகொண்டேதான் இருக்கின்றன.

முதலில் அதை காமராஜரே முயன்றார். பின்னர் மூப்பனார் முயன்றார். சிவாஜி முயன்றார். வைகோ முயன்றார். விஜயகாந்த் முயன்றார். இவர்கள் தவிர வாழப்பாடி, டி ராஜேந்தர் என வேறு பலரும் முயன்றார்கள். ஒருவருமே தேறவில்லை.

கட்டக் கடைசியாக மூப்பனார் தலைமையில் காங்கிரஸ் கட்சி 1989 சட்டமன்றத் தேர்தலில் வாங்கிய 21.8% வாக்குகள்தான் திமுக, அதிமுக ஆகிய இரண்டுக்கும் மாற்று அரசியல் கட்சி வாங்கிய அதிகபட்ச வாக்குகள். அந்தச் சாதனையை வேறு எந்த மாற்று அரசியல் கட்சியும் இன்றுவரை தாண்டவில்லை என்பது மட்டுமல்ல இரட்டை இலக்க வாக்கு சதவிகிதத்தைக்கூட எட்டிப்பிடிக்க முடியவில்லை. எல்லாம் ஒற்றை இலக்கில் வாக்குகள் வாங்கி ஒட்டுமொத்தமாய் கட்டுத்தொகையைப் பறிகொடுக்கும் அரசியல் ஒற்றை ரோசாக்கள்தான்.

என்ன காரணம்?

மாற்றுச் சக்தி எது, மாய்மால கும்பல் எது என்பதைத் தமிழர்கள் உணர்ந்தே இருக்கிறார்கள். மாற்று அரசியல் சக்தி என்று அவர்கள் கட்டக்கடைசியாக அடையாளம் கண்டது எம்ஜிஆரை. அது நடந்தது 1977ஆம் ஆண்டு சட்டமன்றத் தேர்தலில். 42 ஆண்டுகளாக அப்படியொரு மாற்று அரசியல் தலைமையைத் தமிழர்கள் இன்னும் அடையாளம் காணவில்லை. கிடைத்தால் ஏற்கத் தயாராகவே இருக்கிறார்கள். அதுவும் ஜெயலலிதா இல்லாத அதிமுகவின் எதிர்காலம் என்னவாகும் என்கிற குழப்பம் தொடரும் சூழலில் மாற்று அரசியலுக்கும் மாற்று அரசியல் தலைமைக்குமான வெற்றிடம் இருப்பதாகக் கருதுவதில் தவறில்லை.

ஆனால், அரசியலில் உண்மையான மாற்றுச் சக்திகளுக்கும் நிழல் மனிதர்களுக்கும் இடையிலான வேறுபாட்டைத் தமிழக வாக்காளர்கள் உணர்ந்தே இருக்கிறார்கள் என்பதற்கு இந்தத் தேர்தல் முடிவுகள் இன்னும் ஒரு சாட்சியம்.

 

 

https://minnambalam.com/k/2019/05/26/29

[nunavilan]

😋

[MEERA]

86+9= 97

[nedukkalapoovan]

58 minutes ago, nunavilan said:

😋

உவர் கிருபண்ணா தேடிப் போடும் உந்த புதிய இணையத்தளங்களின் கதாநாயகனே இவர் தான். இதெல்லாம் முதலமைச்சர் கனவு காணுது... வைகோ இதுகளை எல்லாம் முதலமைச்சர் ஆக்காமல் ஓய மாட்டாராம்.

வைகோ தன் வாயாலேயே கெட்டுக் கொண்டிருக்கிறார். தன் மதிப்பை தானே இழக்கப் பண்ணுறார். 🤣

[தமிழ் சிறி]

5 hours ago, MEERA said:

86+9= 97

ஸ்ராலின்...  தமிழில்  தான்  "வீக்" என்று பார்த்தால்,
கணக்கிலும்  "வீக்" போலை கிடக்கு. 

ஸ்ராலின் பொன்  மொழிகள்:

•  ஆனை  வரும் முன்னே... மணியோசை வரும் பின்னே.
•  பூனை...  மேல்,  மதில் மாதிரி...  

[ampanai]

முதன்மை கட்சிகள் ஒரு மூன்றாம் கட்சி வளர்வதை விரும்பியதில்லை. அவர்கள் தங்களுக்குள் இதற்காக விட்டுக்கொடுப்புக்களை கூட செய்கிறார்கள். 

தற்போதைய அமெரிக்க அதிபரான டொனால்ட் ட்ரம்பை கூட ஒருவரும் அதிபர் பதவியை வெல்லுவார் என ஆரம்பத்தில் எதிர்வு கூறவில்லை.    

[goshan_che]

மேலே கிருபன் பதிந்துள்ள கட்டுரையின் கருத்து இன்றையநிலையில் சரியே. அதாவது திமுக/அதிமுக தவிர யாருக்கு நம்பகத்தன்மை இல்லை.

ஆனால் விஜயகாந்த் செய்தது போல இருந்த நம்பகத்தன்மையையும் பாழடிக்காமல் தொடர்ந்து தனியே நிண்டால் கமல், சீமான் இருவராலும் தொடர்ந்து முன்னேற முடியும்.

சீமானே சொன்னது போல, நாத வின் பல கொள்கைகளை ஈயடிச்சான் கொப்பி அடிச்சவர் கமல். ஆனால் அதே கொள்கைக்காக சீமானுக்கு போட விரும்பாத 4% கமலுக்கு போட்டிருக்கு. அதே போலத்தான் சீமானுக்கு போட்ட 4%. 

சீமானையும் கமலையும் பிரிக்கும் ஒரே விசயம் தமிழ்தேசியம் மட்டுமே.

சீமான் சரியான மூலோபாயத்தை, தந்திரோபாயத்தை கடைப்பிடித்தால், முதலில் கமலின் வோட்டுகளையும், பின்னர், பாமக, மதிமுக, விசிக, அமமுக,  வோட்டுக்களையும் தம்பக்கம் திருப்பலாம்.

இப்படியே ஒரு threshold ஐ தாண்டிவிட்டால், அப்புறம் வளர்சி சுலபமாயிருக்கும்.

இது மறுவழமாக கமலுக்கும் பொருந்தும். 

[தமிழ் சிறி]

 

ஸ்ராலின் தான்...  மீத்தேன்  திட்டத்தை,
வாசிக்காமல், கை  எழுத்துப் போட்ட புண்ணியவான்.
இவரின் தகப்பன்,  இவரை... நல்ல பள்ளிக்  கூடத்தில்  சேர்த்திருக்கலாம்.
ஹ்ம்ம்.... அவங்களுக்கு,  அப்ப  வசதி இல்லாமல் இருந்திருக்கலாம்.

இப்ப... வசதி வந்தவுடன்,  தமிழ்நாட்டின்...
தலைவர் ஆக.... ஆசை வந்திட்டுதோ ?
உதயநிதி... வேறை... வரிசையில நிற்கிறான்...

உங்களுக்கு... உதைப்பதை, தவிர.. வேறு வழியில்லை.
சட்ட மன்றத்தில், எதிர்க் கட்சி தலைவராக... இருந்து,  
சட்டையை ..... கிழித்துக் கொண்டு, வெளியே  வாருங்கள்.

கொழுப்பு... முத்திய அரசியல், இனியும் செய்ய வேண்டாம்.
அது, உங்களுக்கு... ஆபத்தானது.

[பையன்26]

On 5/30/2019 at 7:35 AM, தமிழ் சிறி said:

 

ஸ்ராலின் தான்...  மீத்தேன்  திட்டத்தை,
வாசிக்காமல், கை  எழுத்துப் போட்ட புண்ணியவான்.
இவரின் தகப்பன்,  இவரை... நல்ல பள்ளிக்  கூடத்தில்  சேர்த்திருக்கலாம்.
ஹ்ம்ம்.... அவங்களுக்கு,  அப்ப  வசதி இல்லாமல் இருந்திருக்கலாம்.

இப்ப... வசதி வந்தவுடன்,  தமிழ்நாட்டின்...
தலைவர் ஆக.... ஆசை வந்திட்டுதோ ?
உதயநிதி... வேறை... வரிசையில நிற்கிறான்...

உங்களுக்கு... உதைப்பதை, தவிர.. வேறு வழியில்லை.
சட்ட மன்றத்தில், எதிர்க் கட்சி தலைவராக... இருந்து,  
சட்டையை ..... கிழித்துக் கொண்டு, வெளியே  வாருங்கள்.

கொழுப்பு... முத்திய அரசியல், இனியும் செய்ய வேண்டாம்.
அது, உங்களுக்கு... ஆபத்தானது.

அன்று அந்த‌ திருட‌ன் வ‌ந்த‌ ர‌யில‌ கொழுத்தி இருந்தா , த‌மிழ் நாட்டுக்கு எப்ப‌வோ விடிவு கால‌ம் பிற‌ந்து இருக்கும் / 

திமுக்கா
பமாகா
மாதிமுக்கா / இந்த‌ மூன்று க‌ட்சிக‌ளும் அருவ‌ருக்க‌ த‌க்க‌ க‌ட்சிய‌ல் /

இவ‌ர்க‌ள் இன்னும் எவ‌ள‌வு கால‌த்துக்கு தான் ம‌க்க‌ளை ஏமாத்த‌ போகிறார்க‌ள் , 

கொள்கை இல்லா க‌ட்சி என்றால் இந்த‌ மூன்று க‌ட்சியும் தான்