Jump to content

'2015 தேர்தலில் எனக்கு எதிராக செயற்பட்ட சஹ்ரான் ஜனாதிபதியின் வெற்றிக்காக வேலை செய்தார் '


Recommended Posts

  • கருத்துக்கள உறவுகள்

'2015 தேர்தலில் எனக்கு எதிராக செயற்பட்ட சஹ்ரான் ஜனாதிபதியின் வெற்றிக்காக வேலை செய்தார் '

 

தற்­கொலை குண்­டு­தாரி சஹ்ரான் என்­பவர் கடந்த ஜனா­தி­பதி தேர்­தலில் எனக்கு எதி­ராக செயற்­பட்­ட­துடன்  தற்­போ­தைய ஜனா­தி­ப­திக்­காக பாரிய பணியாற்றியவர் என்று எதிர்க்­கட்சித் தலை­வரும் முன்னாள் ஜனா­தி­ப­தி­யு­மான மஹிந்த ராஜ­பக்ஷ தெரி­வித்­துள்ளார். 

MAHINDA.jpg

சிங்­கள வார இறுதி பத்­தி­ரி­கை­யான லங்­கா­தீ­ப­வுக்கு  அளித்துள்ள செவ்­வி­யி­லேயே அவர் இதனைத் தெரி­வித்­துள்ளார். 

அதன் விபரம் வரு­மாறு,

கேள்வி: நாட்டின் தற்­போதைய நிலைமை தொடர்பில் திருப்­தி­ய­டைய முடி­யுமா?

பதில்: கடந்த தினங்­களில் நாட்டில் இடம்­பெற்ற சம்­ப­வங்கள் யாராலும் நினைத்துப் பார்க்க முடி­யா­தவை. பாது­காப்பு பல­வீ­னங்கள் தென்­பட்­டன. 

கேள்வி: புல­னாய்வு உறுப்­பி­னர்கள் கைது­செய்­யப்­பட்­ட­மையே பாது­காப்பு வீழ்ச்­சிக்கு காரணம் என்­பதை அர­சாங்கம் மறுக்­கி­றதே...?

பதில்: அவர்கள் எத­னையும் ஏற்­றுக்­கொள்­ள­வில்­லையே. புல­னாய்வு அதி­கா­ரிகள் நெருக்­க­டி­க­ளுக்கு முகம்­கொ­டுத்­தனர். சிலர் கைது­செய்­யப்­பட்டு பிணையில் உள்­ளனர். மேலும் சிலர் சிறை­களில் உள்­ளனர். தற்­போது நாடு ஸ்திர­மற்ற நிலையில் இருக்­கி­றது. மக்­களின் மனதில் உள்­ள­வற்றைக் கேட்க வேண்டும்.

கேள்வி: பொலிஸ் மா அதி­பரும் இரா­ணுவத் தள­ப­தியும் பாது­காப்பு சிறப்­பாக உள்­ள­தாக தெரி­வித்­துள்­ளனரே?

பதில்: 90 வீதம் 80 வீதம் நன்­றாக உள்­ளது என்று கூறிப் பல­னில்லை. பாது­காப்பு 100 வீதம் உறு­திப்­ப­டுத்­தப்­பட வேண்டும். 

கேள்வி: அப்­ப­டி­யானால் மாண­வர்­களை ஏன் பாட­சா­லைக்கு வரு­மாறு அழைத்­தீர்கள்?

பதில்: இந்த நிலை­மையை நீடிக்க இட­ம­ளிக்க முடி­யாது. பாது­காப்புத்துறை சார்ந்­த­வர்­களும் பிர­த­மரும் நாடு பாது­காப்­புடன் இருப்­ப­தாக கூறினால்  குறிப்­பி­டத்­தக்க அளவில் ஏற்க வேண்டும். அத்­துடன் தொடர்ந்தும் பாட­சா­லை­களை மூடிக்­கொண்­டி­ருக்க முடி­யாது. அத­னால்தான் நாம் பொறுப்­புடன் செயற்­பட்டு இந்த அழைப்பை விடுத்தோம். 

கேள்வி: இது சர்­வ­தேச பயங்­க­ர­வாதம் என பிர­தமர் தெரி­வித்­துள்­ளாரே...?

பதில்: இது சர்­வ­தேச மற்றும் உள்­ளக பயங்­க­ர­வாதம். இந்தப் பயங்­க­ர­வாத நட­வ­டிக்­கையில் வெளிநாட்­ட­வர்கள் ஈடு­ப­ட­வில்லை. உள்­நாட்டில் இருந்­த­வர்­களே இதனைச் செய்­துள்­ளனர். 

கேள்வி: தற்­கொலை குண்­டு­தா­ரி­களைக் கொண்ட அமைப்பு உங்கள் ஆட்சிக் காலத்தில் உரு­வா­கி­யதா?

பதில்: எமது காலத்தில் குறிப்­பிட்­ட­ளவில் உரு­வாகிக்கொண்டு வந்­தது. அப்­போது நாங்கள் அவர்கள் குறித்து தேட ஆரம்­பித்தோம். அவ்­வா­று அவர்­களின் குழுக்­க­ளுக்குள் எமது குழுக்­களை அனுப்பி சில திட்­டங்­களை ஆரம்­பித்தோம்.

கேள்வி:  அவர்­க­ளுக்கு சம்­பளம் வழங்­கப்­பட்­டுள்­ளதா?

பதில்: புல­னாய்­வா­ளர்கள் ஒரு சேவையை வழங்­கு­கின்­றனர். அதனால் அவர்­க­ளுக்கு கொடுப்­ப­னவு வழங்­கப்­பட வேண்டும். இல்­லா­விடின் எந்தத் தக­வலும் கிடைக்­காது.

கேள்வி: ஆனால் மஹிந்த ராஜ­பக்ஷ தனது நன்­மைக்­­காக சில குழுக்­களை வைத்­தி­ருந்­த­தாக சிலர் கூறு­கின்­ற­னரே?

பதில்:  அப்­படி இல்­லா­விடின் எவ்­வாறு உளவுத் தக­வல்­களை பெறு­வது. அதற்கு நாம் எமது ஆட்­களை அங்கு அனுப்ப வேண்டும். இந்­தியா இது தொடர்பில் எமக்கு தகவல் வழங்­கி­யது. அவர்கள் எவ்­வாறு இந்த தக­வல்­களை வழங்­கி­னார்கள். சாத்­திரம் பார்த்து வழங்­க­வில்லை. அவர்­களின் உளவுப் பிரிவு ஊடாக கிடைத்த தக­வல்­களை வழங்­கி­னார்கள். எமது காலத்தில் இந்த அமைப்­புக்கள் என்ன செய்­தது என்­பதை பார்த்துக் கொண்­டி­ருந்தோம்.

கேள்வி: மஹிந்­தவின் காலத்தில் சிறு­பான்­மை­யினர் நெருக்­க­டிக்கு உட்­பட்­டனர். அதன்  விளை­வா­கவே இந்தக் குழுக்கள் உரு­வா­கின. இதனை ஏற்­கி­றீர்­களா?

பதில்: அப்­படி எந்த நெருக்­க­டி­களும் இருக்­க­வில்லை. அனைத்து மக்­களும் சுதந்­தி­ர­மாக இருந்­தனர். இருந்த அழுத்­தத்தை நாமே நீக்­கினோம். 

கேள்வி: அளுத்­கம–தர்­கா­நகர் சம்­ப­வங்கள்...-? 

பதில்: அவை அர­சியல் சம்­ப­வங்கள். அர­சியல் ரீதி­யாக அவை நடத்­தப்­பட்­டன. அதனை என்­ மீது சுமத்தி சிறு­பான்மை மக்­களின் வாக்­கு­களைப் பெற முயற்­சித்­தனர். இந்த சஹ்ரான் என்­பவர் கடந்த ஜனா­தி­பதி தேர்­தலில் எனக்கு எதி­ராக செயற்­பட்டு தற்­போதைய ஜனா­தி­ப­திக்­காக பாரிய பணியாற்றியவர். எனவே பேரு­வளை–தர்­கா­நகர் சம்­ப­வங்­களை செய்­தவர் யார் என அனை­வ­ருக்கும் தெரியும்.

கேள்வி: யார் அவர்கள்?

பதில்: அது தேவை­யில்லை. எவ்­வாறு யார் திட்­ட­மிட்­டார்கள் என அனை­வ­ருக்கும் தெரியும். 

கேள்வி: அமைச்சர் ரிஷாத்­துக்கு எதி­ராக நம்­பிக்­கை­யில்லா பிரே­ரணை சமர்­ப்பிக்­கப்­பட்­டுள்­ளது. அனைத்து பாவங்­க­ளையும் அவர் மீது சுமத்த முயற்­சிக்­கி­றீர்­களா?

பதில்: அந்தப் பயம் எனக்கும் இருக்­கி­றது. அர­சாங்­கத்தின் அனைத்துப் பாவங்­க­ளையும் ரிஷாத்  மீது சுமத்தி தப்­பி­வி­டு­வார்கள் என சிந்­திக்­கிறேன். ஆனால் அவ்­வாறு முடி­யாது. ரிஷாத் இந்த அர­சாங்­கத்தின் ஒரு பங்­கு­தாரர். அவர் மீதான குற்­றச்­சாட்­டுக்களை பார்க்­கும்­போது அவை நியா­ய­மா­னவை என்றே தெரி­கி­றது. ஆனால் அவரை விசா­ரிக்­க­வு­மில்லை. கைது செய்­ய­வு­மில்லை. வீட்டுச் சிறை வைத்­தா­வது அவரை விசா­ரிக்க வேண்டும் அல்­லவா? அவர் சந்­தே­க ந­பர்கள் விட­யத்தில்  இரா­ணுவத் தள­ப­திக்கு தொலை­பே­சியில் பேசி­யி­ருக்­கிறார். அதனை நாங்கள் கூற­வில்லை. இரா­ணுவ தள­ப­தியே கூறி­யுள்ளார். 

கேள்வி: அர­சுக்கு எதி­ராக ஜே.வி.பி. நம்­பிக்­கை­யில்லா பிரே­ரணை சமர்ப்­பித்­துள்­ளதே?

பதில்: அவர்கள் தொடர்ந்து அர­சாங்­கத்­து­ட­னேயே இருந்­தனர். 

கேள்வி: நீங்கள் முன்­வைத்த நம்­பிக்­கை­யில்லா பிரே­ர­ணைக்கு சுதந்­திரக் கட்­சியின் மைத்­திரி தரப்பு என்ன செய்யும்.....?

பதில்: அவர்கள் எம்­முடன் இணைந்து வாக்­க­ளிப்­பார்கள் என எதிர்­பார்க்­கிறோம். 

கேள்வி: ஆனால் ஜனா­தி­பதி அரசின் தலைவர்.....? 

பதில்: எனினும் அவர் நேர­டி­யான ஒரு முடிவை எடுப்பார் என நம்­பு­கிறோம்.

கேள்வி: நேர­டி­யான முடிவு என்றால்...?

பதில்: ஆத­ர­வாக வாக்­க­ளிப்பார் அல்­லது நடு­நி­லைமை வகிப்பார்.

கேள்வி: பயங்­க­ர­வாத எதிர்ப்புச் சட்டம் அவ­சி­ய­மில்லை என்று அமைச்சர் சஜித் கூறி­யி­ருக்­கிறார் அல்­லவா....?

பதில்: ஆம், நானும் அதனைக் கண்டேன். 

கேள்வி: அப்­ப­டி­யாயின் உங்கள் போராட்­டத்தை சஜித் கையில் எடுத்­துள்­ளாரா...?

பதில்: எமது போராட்­டத்­துக்கு ஆளும் தரப்பில் ஆத­ரவு கிடைப்­பது நல்­லது. எனினும் அவர் இதனை சமர்ப்­பிக்க ஆத­ரவு  வழங்­கினார். எனினும் அது தவ­றா­னது என தற்­போது அவர் புரிந்­து­கொண்­டுள்­ளமை நல்­லது. ஆனால் இவர் அமைச்­ச­ர­வையில் உடன்­ப­டு­கிறார். வெ ளியில் எதிர்க்­கிறார்.

கேள்வி: சர்­வ­தேச பயங்­க­ர­வா­தத்தை தோற்­க­டிக்க இந்தச் சட்டம் தேவை என பிர­தமர் கூறி­யுள்­ளாரே...?

பதில்: அவ்­வா­று தேவை­யில்லை. அப்­படி தேவை­யாயின் தற்­போ­தைய சட்­டத்தில் திருத்தம் செய்­யலாம். 

கேள்வி: திருத்தம் கொண்­டு­வந்தால் ஆத­ரவு வழங்­கு­வீர்களா....-?

பதில்: நிச்­ச­ய­மாக ஆத­ரவு வழங்­குவோம்.

கேள்வி: இந்தப் பிரச்­சி­னைக்கு மத்­தியில் தேர்­தல்கள் பிற்­போ­டப்­ப­டுமா....?

பதில்: மாகாண சபைத் தேர்தல் ஏற்­க­னவே தாம­த­ம­ா­கி­விட்­டது. இந்த அர­சாங்கம் தேர்தல்களுக்கு பயந்துவிட்டது. ஆனால் தேர்தல்களை தாமதிக்க முடியாது. 

கேள்வி: அப்படியானால் ஜனாதிபதி தேர்தல்....-?

பதில்: ஜனாதிபதி தேர்தல் இந்த வருடம் நடைபெற வேண்டும். அதனை தாமதிக்க முடியாது. 

கேள்வி: நாட்டின் நிலைமையைக் கருத்திற்கொண்டு....-?

பதில்: ஜனாதிபதி தேர்தலை தாமதிப்பார் என நான் எண்ணவில்லை. அவர் ஒரு தரம் பதவி வகிப்பதாகவே கூறியிருந்தார். 

கேள்வி: மொட்டின் ஜனாதிபதி வேட்பாளர் யார்?

பதில்: அதில் எந்தப் பிரச்சினையும் இல்லை. எமது வேட்பாளர் யாராயினும் வெற்றி பெறுவார். 

கேள்வி: கோத்தபாயவின் பெயரை ஏன் கூறாமல் தவிர்க்கிறீர்கள்?

பதில்: யார் வேட்பாளர் என்பதை கட்சி இன்னமும் தீர்மானிக்கவில்லை. 

 

நன்றி: லங்காதீப

 

http://www.virakesari.lk/article/56821

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.