• advertisement_alt
  • advertisement_alt
  • advertisement_alt
அபராஜிதன்

பொன்னியின் செல்வனும் மணிரத்தினமும்,மற்றும் ஐஸ்வர்யாவும்

Recommended Posts

ஒரு சின்ன கேள்வி.. 
நீங்கள் பொன்னியின் செல்வன் வாசித்துவிட்டீர்களா?

இது பழுவேட்டரையர் எனும் பெயரில் உள்ள ஐடியினால் Twitter ல பல நாட்களிற்கு முன்  கேட்கப்பட்ட கேள்வி 

கேள்வியை இப்பிடி கேட்கனும் "பொன்னியின் செல்வன் எத்தனை முறை வாசித்திருக்கிறீர்கள்"? என comment உடன் Re Tweet பண்ணி இருந்தேன்  

 பிந்தைய நாட்களில் மணிரத்னம் பொன்னியின் செல்வனை படமாக்க இருப்பதாகவும் ஐஸ்வர்யா தனுஷ் பொன்னியின் செல்வன வெப்சீரிஸ் ஆக எடுக்க இருப்பதாகவும் செய்திகள் வந்தன.

பொன்னியின் செல்வன் எடுப்பதில் உள்ள சிக்கலே பொன்னியின் செல்வனின் வாசகர்களின் கற்பனையில்  இருக்கும் கதாபாத்திரங்களிற்கு  வடிவம் கொடுப்பதற்கான நடிகர்கள் எவரும் இங்கு  இல்லை என்பதே..

ஆழ்வார்க்கடியான் பாத்திரத்தை யாரைக்கொண்டு நிரப்ப முடியும் 
குறும்பும் வாலிபத்திமிரும் மிக்க வந்தியத்தேவனை யார் பிரதியிடமுடியும் .யாரோ ஒருவர் சொல்லி இருந்தார்கள் மீண்டும் பொன்னியின் செல்வன் படிக்கப்போகிறேன் இம்முறையாவது மனம் வந்தியத்தேவனாக மாறாமல் இருக்கவேண்டும் என .
அந்தளவிற்கு வாசகர்மனங்களை ஆக்கிரமித்து நிற்கும்  பாத்திரங்கள் இவைகள். 

அழகும் அறிவும் மிக்க குந்தவைக்கு எந்த நடிகை வரமுடியும் ..துடிதுடிப்பும் வீரமும் நிறைந்த பூங்குழலி பாத்திரத்தை செய்வதற்கு  யார் தான் உண்டு 

அனுஷ்கா வை ஒரு இளவரசி பாத்திரத்திற்கு சரி சொல்லலாம் ஆனால் முன்பின்  தெரியாத  குந்தல இராச்சியத்தின்  இளவரசிக்கு பாந்தமா பொருந்திய அனுஷ்கா வாசகர்களின் கற்பனைகளில் இருக்கும் இளவரசிகளை ஈடுசெய்வது கடினமே 

மணிரத்னம் படம் எடுத்தாலும் நேரடியாக எடுக்க மாட்டார் .சத்தியவான் சாவித்ரி சுட்டு ரோஜா, மகாபாரதத்தை  சுட்டு தளபதி,இராமயணம் "ராவணன்"  போன்று தான் இதையும்  உல்டா பண்ணுவார் 

ஆனால் பொன்னியின் செல்வன வெப்சீரிஸ் ஆக எடுக்க ரஜினியின் மூத்தமகள் ஐஸ்வர்யாவை பிரபலநிறுவனம் அணுகி உள்ளதாகவும் அதுக்கான நடிகர்கள் தேர்வு நடைபெறுவதாகவும் கேள்விப்பட்ட போது எனக்கு ஐஸ்வர்யா தனுஸ் 
ஐ.நா சபையில் ஆடிய பரதநாட்டியம் தான் என்னையறியாமல் நினைவில் வந்து போனது 😝

  • Like 3

Share this post


Link to post
Share on other sites

அடிச்சுச் சொல்லுறன் எந்தவித பயமுமில்லாது இவர்கள் இக்கதையை சரியானபடி படமாக்கினால் எனது சொத்தையும் எழுதி வைக்கிறேன் எந்தக்கொம்பனாலும் இக்கதையை சரியானபடி படமாக்கமுடியாது

சிலவேளை மீம்ஸ்களைப் பார்த்து விமர்சனம் போடுகிறவர்களுக்கும் முக்கல் முனகல் பாடல்கள் கேட்பவர்கள் ரஜனி விஜை அஜித் படம்பார்ப்பவர்கள் பால் ஊத்துபவர்கள் இலக்கிய உலகின் அல்லக்கைகள் இவர்களுக்கு மணிரத்தினம் எடுக்கும் துக்கடாப்படம் பிடிக்கலாம் பொன்னியின்செல்வன் கதையை யாழ் நூல் நிலையம் எரிவதற்கு முன்பு இரவல் வாங்கி வாசித்த எம்போன்றவர்களுக்குத் திருப்தியளிக்கும் வண்ணம் யாராலும் படமாக்கமுடியாது. காரணம் அப்படிச்சிறந்த படமாக எடுக்கவேண்டுமாகில் விட்டுக்கொடுப்புகள் இல்லாதிருக்க வேண்டும். ஆனால் எல்லோரும் களைப்படைந்துவிடுவார்கள்.

  • Like 1
  • Thanks 1

Share this post


Link to post
Share on other sites

இன்றைய நடிகர்கள் முதலில் பொன்னியின் செல்வனை உள்ளார்த்தமாக வாசித்து தங்களை அதற்குத் தயார்படுத்திக் கொள்ள வேண்டும்.... மேலும் இரண்டரை மணித்தியாலத்துக்குள் அடங்குகிற விடயமா அது....!  😐

  • Thanks 1

Share this post


Link to post
Share on other sites
Posted (edited)

ஒரு  நாவலை படமாக்கும் நுட்பமும், திறனும், கலையும் தமிழ் சினிமாவில் இன்னும் இல்லை.

Edited by மெசொபொத்தேமியா சுமேரியர்
  • Thanks 1

Share this post


Link to post
Share on other sites

பொன்னியின் செல்வன் நான் 2 தடவைகள் தான் வாசித்து இருக்கிறேன்...என்னிடம் இங்கு 5 பாகங்களும் உள்ளது...என்னுடைய பேவரிட் கதா பாத்திரம் "ஆதித்த கரிகாலன்."..யார் கொன்று இருப்பார்கள்?

  • Thanks 1

Share this post


Link to post
Share on other sites

பொன்னியின் செல்வன் எம்ஜிஆர் எடுத்து அது வெளியிடப்படவில்லை என்றொரு கதையும் அடிபட்டதே?

200px-Ponniyin_selvan_unfinished_tamil_film_poster.jpg

https://ta.wikipedia.org/wiki/பொன்னியின்_செல்வன்_(வெளிவராத_திரைப்படம்)

  • Thanks 1

Share this post


Link to post
Share on other sites

எனக்கென்னமோ இந்தப் படம் எடுப்பதற்கு யாராலும் முடியாது என்றே படுகிறது.

திருவருட்செல்வர் காலத்து சிவாஜி செய்தால் நல்லா இருக்கும் என முன்பு யோசிப்பேன். ஆனால் அண்மையில் ராஜராஜ சோழன் பார்த்தேன். அந்த நம்பிக்கையும் போச்சு.

ஆயிரத்தில் ஒருவன் (2) சோழனாக பார்தீபன் எவ்வளோ டிரை பண்ணினாலும் எனக்கு திரையில் உள்ளே-வெளியே பார்தீபனே தெரிந்தார்.

 பாரதி போல தமிழுக்கு முற்றிலும் அறிமுகமில்லாத ஒரு மேடைநாடக பின்புலமுள்ள நடிகர் சரிவரலாம்.

தமிழ் நடிகர்தான் வேணும் எண்டால் - சத்யராஜ். பாகுபலி, பெரியார் இரெண்டிலும் எமக்குத் தெரிந்த நக்கல் சத்தியராஜ் கண்ணில் வராமல் நடித்தார்.

குந்தவை - நடிகை அர்சனா போல ஒருவர்.

பூங்குழலி - யாராவது புதுமுகம்.

நல்ல ஒரு டைரக்டர் - ஞான ராஜசேகரன்

இசை - ராஜா

பாடல்கள் - வைரமுத்து

வசனம் - கமல்+ஞான சம்பந்தம்

மணிரத்னம் - லைட்பாய்

ரஜனி குடும்பம் - போஸ்டர் ஒட்டுதல்.

Share this post


Link to post
Share on other sites
8 hours ago, ரதி said:

பொன்னியின் செல்வன் நான் 2 தடவைகள் தான் வாசித்து இருக்கிறேன்...என்னிடம் இங்கு 5 பாகங்களும் உள்ளது...என்னுடைய பேவரிட் கதா பாத்திரம் "ஆதித்த கரிகாலன்."..யார் கொன்று இருப்பார்கள்?

நான் கிட்டத்தட்ட5-7 தடவைகள்வரை படித்திருக்கிறேன் அப்ஸ்ல  மட்டும் 3 தடவைக்கு மேல் ஆதித்த கரிகாலனை கொன்றது யார் என கல்கி பதில் அளிக்கவில்லை வரலாற்றிற்கே யார் என தெரியாததற்கு அவரால் எப்படி அளிக்க முடியும்  பூடகமாக நந்தினி யாகவோ பெரிய பழுவேட்டரையராகவோ அல்லது நிலவறையில் ஒளிந்திருந்த ரவிதாசன் குழுவினராலையோ அது நடந்திருக்கலாம் என கோடி காட்டி இருப்பார் உடனடி பழி விழுந்தது என்னவோ வல்லவரையன் வந்தியத்தேவன் மேல் தான் 19 ஆண்டுகள் கழித்தே அதாவது ராஜராஜ சோழன் ஆட்சிப்பீடத்திற்கு வந்த பின்னரே ரவிதாஸன் குழுவினர் தண்டிக்கப்பட்டனர்.. 

7 hours ago, குமாரசாமி said:

பொன்னியின் செல்வன் எம்ஜிஆர் எடுத்து அது வெளியிடப்படவில்லை என்றொரு கதையும் அடிபட்டதே?

200px-Ponniyin_selvan_unfinished_tamil_film_poster.jpg

https://ta.wikipedia.org/wiki/பொன்னியின்_செல்வன்_(வெளிவராத_திரைப்படம்)

எம் ஜி ஆர் ற்கு இந்த கதை எடுப்பதில் மிகுந்த ஆர்வம் இருந்த்து.. அதற்கான ஆயத்தவேலைகளும் நடைபெற்றனவாம் ,ஏற்படும் பொருட்செலவு அதிகம் என்பதாலும் எம்ஜிஆர் நோய்வாய்ப்பட்டதனாலும் அதற்கான முயற்சிகள் இடை நடுவில் கைவிடப்பட்டன. 

Share this post


Link to post
Share on other sites

மணிரத்னம் அதுக்கு சரிவரமாட்டார் ஒரேயடியாய் சொதப்பி விடுவார்..... செல்வராகவன், ராஜமௌலி போன்றவர்களால் ஓரளவு செய்ய முடியும் என்று நினைக்கின்றேன்....! 

ஆனால் பொன்னியின் செல்வன், கடல்புறா, யவனராணி  போன்றவை வாசகர்களின் மனசுக்குள் கட்டி வைத்திருக்கும் அளவு பிரமாண்டமாய் யாராலும் செய்ய முடியாது என்பதே நிதர்சனம்.....!

Share this post


Link to post
Share on other sites
On 5/29/2019 at 12:55 PM, அபராஜிதன் said:

பொன்னியின் செல்வன் எடுப்பதில் உள்ள சிக்கலே பொன்னியின் செல்வனின் வாசகர்களின் கற்பனையில்  இருக்கும் கதாபாத்திரங்களிற்கு  வடிவம் கொடுப்பதற்கான நடிகர்கள் எவரும் இங்கு  இல்லை என்பதே..

அந்த நாளில் ஆனந்த விகடன் என்ற அந்த இரவல் புத்தகம் எங்கள் வீட்டுக்கு வந்ததும் அடுத்தநாள் அடுத்தவீட்டுக் குடும்பத்துக்குப் போய்விடவேண்டும் என்பது விதி. அதில் வந்த கொத்தமங்கலம் சுப்பு அவர்கள் எழுதிவந்த தில்லானா மோகனாம்பாள் என்ற தொடரை யார் முதலில் வாசிப்பது என்ற போட்டி. அக்காமார், அண்ணா என்று எங்கள் குடும்பத்தையே புரட்டிப்போடும். கடைக்குட்டி நான், பள்ளிக்கூடம், விளையாட்டு முடிந்து வீட்டுக்கணக்கும் செய்து முடித்தபின், இரவுச்சாப்பாடும் முடியத்தான் கையில் கிடைக்கும். நித்திரைத் தூக்கம், மண்ணெண்ணை விளக்கு என்றாலும், கண் எரிய எரியத் தில்லானா மோகனாம்பாள் தொடரை வாசிப்பதில் அப்படி ஒரு வெறி. வாசித்து முடித்தபின் என் கனவில்வரும் அந்தக் கதாபாத்திரங்களை எல்லாம் அப்படியே தில்லானா மோகனாம்பாள் திரைப்படத்தில் பார்த்து மகிழ்ந்தேன்.

கல்கியின் பொன்னியின் செல்வன் தொடரும் அப்படி ஒரு அனுபவத்தை எனக்குத் தந்தது. ஆனால் இதில் சிறு மாற்றம். தில்லானா மோகனாம்பாள் தொடரில் வந்த பாத்திரங்களை கனவில் கண்டேன். பொன்னியின் செல்வன் தொடரில் வந்த சில வந்தியத்தேவன், ஆழ்வார்கடியான், அருள்மொழிவர்மன் என்ற பாத்திரங்களாக நானே மாறிப்போவேன். என்னிடம் 5 பாகங்களும் உள்ளன. எத்தனைமுறை வாசித்தேன் என்ற கணக்கு எனக்கே தெரியாது. இப்போதும் கையில்கிடைக்கும் பாகத்தை எடுத்து வாசிப்பதில் அப்படி ஒரு இன்பம். இந்த இன்பம் மாறாது பாத்திரங்களை அப்படியே வடிவம் தரக்கூடிய நடிகர்கள் இன்று உள்ளனரா? திரைப்படம் அதனைத் தருமா? என்பதில் எனக்கும் சந்தேகமே.!! 

  • Like 2

Share this post


Link to post
Share on other sites

முன்பும் பலர் சரித்திர தழுவல் படம் எடுக்க முயற்சித்தவை ..

karikalan.jpg

பார்ப்பம்..👍

Share this post


Link to post
Share on other sites
Posted (edited)

மணிரத்னத்தின் பொன்னியின் செல்வனைக் கைப்பற்றுவதற்காக லண்டனிலிருந்து பறந்து வந்த தயாரிப்பாளர்.

manirathnam.jpg

மணிரத்னத்தின் ‘பொன்னியின் செல்வன்’ படத்தைத் தயாரிக்க இருப்பதாக மும்பையின் ரிலையன்ஸ் நிறுவனம் உட்பட பல்வேறு நிறுவனங்களின் பெயர்கள் அடிபட்டு வந்த நிலையில் அப்படத்தை  லைகா நிறுவனம் தயாரிப்பது நேற்று உறுதி செய்யப்பட்டுள்ளது

அமரர் கல்கி எழுதியுள்ள ‘பொன்னியின் செல்வன்’ நாவலை மையமாக வைத்து படம் எடுக்கவிருக்கிறார் மணிரத்னம்.அப்படத்தில், விக்ரம், கார்த்தி, ஜெயம் ரவி,அனுஷ்கா, கீர்த்தி சுரேஷ்,சத்யராஜ் உள்ளிட்ட முன்னணி நடிகர்கள் மற்றும் அமிதாப் பச்சன், ஐஸ்வர்யா ராய் ஆகிய இந்தி நட்சத்திரங்களையும் வைத்து ‘எடுக்கவிருப்பதாகச் சொல்லப்படுகிறது.அப்படத்திற்கான முன்தயாரிப்புப் பணிகள் தற்போது நடைபெற்று வருகின்றன.

lyca%20productions.jpg

சரித்திரப்பின்னணி கொண்ட படம் என்பதால் இந்தப்படத்தின். பட்ஜெட், இதுவரை மணிரத்னம் இயக்கிய படங்களிலேயே அதிக பட்ஜெட் ஒண்ட படமாகும். அதாவது பட்ஜெட் சுமார் 350 கோடி என்று சொல்லப்பட்டு வருகிறது. இதனால் படத்தின் தயாரிப்பாளரை முடிவு செய்வதில் தாமதம் ஏற்பட்டுக்கொண்டே வந்தது

இந்நிலையில் கடந்த வாரம் நடந்த இரு சந்திப்புகளுக்குப் பிறகு லைகா நிறுவனமே இப்படத்தை தயாரிப்பது உறுதியானது. இதற்கான ஒப்பந்தம் அண்மையில் கையெழுத்தாகியிருக்கிறதாம். அதற்காக இலண்டனில் இருந்து லைகா நிறுவனர் சுபாஷ்கரன் பறந்து வந்துள்ளார். அவரும் மணிரத்னமும் ஒப்பந்தத்தில் கையெழுத்திட்டார்களாம்.இப்படத்தின் படப்பிடிப்பு டிசம்பர் மாதம் தொடங்கவிருக்கிறது என்கிறார்கள்.

https://tamil.asianetnews.com/cinema/lyka-productions-to-produce-ponniyin-selvan-pu3qn0

Edited by புரட்சிகர தமிழ்தேசியன்

Share this post


Link to post
Share on other sites

  • Topics

  • Posts

    • வரும் வியாழக்கிழமை (டிசம்பர் 12ம் திகதி) நடைபெறவிருக்கும் பிரித்தானிய பாராளுமன்றத் தேர்தலில் போட்டியிடும் முதன்மைக் கட்சிகளில் ஒன்றான கொன்சவேர்ட்டிவ் (பழமைவாதக்) கட்சி தனது தேர்தல் விஞ்ஞாபனத்தில் இலங்கைத் தீவில் இரண்டு நாடுகள் என்ற கோரிக்கையை ஏற்றுக்கொண்டுள்ளதாக சில தமிழ் ஊடகங்களில் செய்தி வெளியாகியிருந்தது. இன்னமும் தெளிவாகச் சொல்வதானால் தமிழீழக் கோரிக்கையை பொறிஸ் ஜோன்சன் தலைமையிலான இக்கட்சி ஆதரிக்கிறது என்பதே இத்தகவல்.  இது பற்றி குழப்பமான தகவல்கள் வெளியாகிவருவதனால் அதனைத் தெளிவுபடுத்துவது அவசியமாகிறது. கடந்த மாத இறுதியில் கொன்சவேர்ட்டிவ் கட்சியினால் வெளியிடப்பட்ட அதன் தேர்தல் விஞ்ஞாபனத்தில் (https://assets-global.website-files.com/5da42e2cae7ebd3f8bde353c/5dda924905da587992a064ba_Conservative%202019%20Manifesto.pdf) 53ம் பக்கத்தில் காணப்படும் கீழ்காணும் விபரமே இவ்வாறான தவறான செய்திக்குக் காரணமாக அமைந்தது. “”We will continue to support international initiatives to achieve reconciliation, stability and justice across the world, and in current or former conflict zones such as Cyprus, Sri Lanka and the Middle East, where we maintain our support for a two-state solution.” இதன் தமிழாக்கம் இவ்வாறு அமைகிறது. “உலகின் எல்லா பகுதிகளிலும், தற்போதும் முன்னரும் முரண்பாடுகள் கொண்ட வலயங்களாக இருக்கும் சைப்பிரஸ், சிறிலங்கா மற்றும் மத்திய கிழக்கு, அங்கு நாம் இரண்டு நாடுகள் என்ற நிலைப்பாட்டைக் பேணிவருகிறோம், ஸ்திரத்தன்மையும் நீதியும் நிலவுவதற்கான சர்வதேச முயற்சிகளுக்கு நாங்கள் தொடர்ந்து ஆதரவு வழங்குவோம்.”  ஆங்கிலத்தில் இந்தவிடயம் தெளிவாகக் குறிப்பிடப்பட்டிருந்தாலும். இதில் இரண்டுநாடுகள் என்ற நிலைப்பாட்டை நாம் பேணி வருகிறோம் எனக்குறிப்பிடப்பட்டிருப்பது மத்திய கிழக்கு பிரதேசத்தை மாத்திரமே.  ஆங்கில மூலமான இந்த ஆவணத்தில் “Middle East, where we maintain our support for a two-state solution”  எனக் குறிப்பிடப்பட்டிருக்கிறது. ஆங்கில இலக்கணப்படி, இவ்வரியில் கொடுக்கப்பட்டள்ள காற்புள்ளி பின்வரும் விடயத்தை அந்த ஒரு பிரதேசத்திற்கு என மட்டுப்படுத்துகிறது.  ஆனால் அக்காற்புள்ளி அவ்விடத்தில் தரப்படாவிடத்து அது ஏனைய இரண்டு நாடுகளையும் சேர்த்துக் குறிப்பிடுவதாக அமையும். இங்கு கொடுக்கப்பட்டுள்ள விடயத்தில் மயக்கமான நிலைக்கு காரணமாக அமைந்த இன்னொருவிடயம். இலங்கைத் தீவிலும் சைப்பிரசிலும் தனிநாட்டுக் கோரிக்கை உயிர்ப்புடன் இருக்கிறது. இலங்கைத்தீவில் சிறிலங்கா, தமிழீழம் என்று இருநாட்டுக் கோரிக்கை உள்ளதுபோலவே, கிரேக்கர்களும் துருக்கியரும் வாழும் சைப்பிரசில், கிரேக்க – சைப்பிரஸ், துருக்கி – சைப்பிரஸ் என இருநாட்டுக் கோரிக்கை உயிர்ப்புடன் உள்ளது.  இஸ்ரேல் – பாலஸ்தீன நாட்டினையே இவ் விஞ்ஞாபனத்தில் மத்திய கிழக்கு எனக்குறிப்பிடப்பட்டுள்ளது. மத்திய கிழக்குப் பிரதேசத்தில் வேறும் நாடுகள் உள்ளபோதும் இஸ்ரேல் – பாலஸ்தீனத்தை மத்திய கிழக்கு எனக்குறிப்பிடுவதன் மூலம் யூத மக்களை ஆத்திரப்படுத்தாமலும், பாலஸ்தீன மக்களை அரவணைப்பது போன்றும் சொற்கள் பயன்படுத்தப்பட்டுள்ளன. கொன்சவேர்ட்டிவ் கட்சியினர் இலங்கைத் தீவில் இரண்டு நாடுகள் என்ற கொள்கையை ஆதரித்ததில்லை. ஈழத்தமிழ் மக்களை ஒரு தேசமாகவோ அவர்கள் சுயநிர்ணய உரிமைக்கு உரித்தானவர்கள் என்பதனையோ அக்கட்சி இதுவரை ஏற்றுக் கொண்டதில்லை. அக்கட்சியில் அதிகாரமற்ற பின்வரிசை பாராளுமன்ற உறுப்பினர்களில் ஒரிருவர் தமிழ் மக்கள் ஏற்பாடு செய்யும் நிகழ்ச்சிகளில்  இருநாட்டுக் கொள்கை, இனவழிப்பு போன்ற விடயங்ககளைக் குறிப்பிட்டிருந்தாலும், கட்சியின் தலைமை அவ்வாறான நிலைப்பாட்டை வெளிப்படுத்தியதில்லை.  அதுபோல் சைப்பிரஸ் விடயத்திலும் இரண்டு நாடுகள் என்ற கொள்கையை கொன்சவேர்ட்டிவ் கட்சி ஒருபோதும் வலியுறுத்தியதில்லை. இஸ்ரேல் – பாலஸ்தீன விடயத்தில்கூட ஒரு நழுவலான போக்கையே கடைப்பிடித்து வருகிறது. மேற்படி விஞ்ஞாபனத்தில் இலங்கைத்தீவு பற்றிக் குறிப்பிடப்பட்டுள்ள விடயங்களை தெளிவுபடுத்துமாறு பிரித்தானிய தமிழர் பேரவை, தமிழ் மக்களுக்கான அனைத்து கட்சி பாராளுமன்ற குழுவின் தலைவரும், கொன்சவேர்ட்டிவ் கட்சியின் உபதலைவருமான போல் ஸ்கலியிடம் (Paul Scully) எழுத்து மூலம் கேட்டிருந்தது.  அதற்குப் பதிலளித்த போல் ஸ்கலி, தனித்து மத்தியகிழக்கு விவகாரத்தில் மாத்திரமே இரண்டு நாடுகள் தீர்வு என்ற நிலைப்பாட்டில் தமது கட்சியிருப்பதாகவும். இலங்கைத் தீவு விடயத்தில், பிளவு பட்ட சமூகங்களுக்கிடையில் நல்லிணக்த்தை ஏற்படுவதே தமது கொள்கை என எழுத்து மூலம் உறுதிப்படுத்தியுள்ளார். அவரது ரூவிற்றர் பதிவுகளிலும் இதனைக் குறிப்பிட்டுள்ளார். லண்டனிலுள்ள சிறிலங்கா தூதுவர் எழுதிய கடிதத்திற்கும் இவ்வாறான பதிலே வழங்கப்பட்டுள்ளதாக கொழும்பிலிருந்து வெளியாகும் டெயிலி மிரர் பத்திரிகை செய்தி வெளியிட்டுள்ளது.  இதுபோன்ற விடயங்களில் அறிக்கை வெளியிடும் நடைமுறை இல்லாததால் கொன்சவேர்ட்டிவ் கட்சி உத்தியோகபூர்வமான அறிக்கை எதனையும் வெளியிடவில்லை. கொன்சவேர்ட்டிவ் கட்சி இலங்கைத் தீவில் இரண்டு நாடுகள் என்ற கொள்கை நிலைப்பாட்டில் இல்லை என்பதனை அதனை ஆதரிக்கும் தமிழர்கள் நன்கறிவர். அதேபோல் அனைத்து கட்சி பாராளுமன்ற குழுவின் தலைவரும் என்ற வகையில் போல் ஸ்கலியுடன் இவர்கள் தொடர்புகளைப் பேணிவருகின்றனர். இவ்வியடயங்கள் தெளிவுபடுத்தப்பட்டுள்ள நிலையில், கொன்சவேர்ட்டிவ் கட்சியை ஆதரிக்கும் தமிழர்களில் ஒரு சாரார், ஆகக்குறைந்தது இலங்கைத் தீவில் பிளவுபட்ட சமூகங்கள் இருப்பதனை கொன்சவேர்ட்டிவ் கட்சி ஏற்றுக்கொண்டுள்ளதாக மார்தட்டிக்கொள்கிறார்கள். இன்னொரு சாராரோ கொன்சவேர்ட்டிவ் கட்சி தனிநாட்டுக் கொள்கைக்கு ஆதரவு வழங்குவதாக தவறான பரப்புரைகளைத் தொடர்ந்து மேற்கொண்டு வருகின்றனர். பிரித்தானியாவில் வாழும் தமிழ்மக்கள் தாம் விரும்பிய கட்சியை ஆதரிப்பது அவர்களது சுதந்திரம். ஆனால் தவறான பரப்புரைகள் மூலம் அவர்களது வாக்குகளை தாம் விரும்பும் கட்சிக்கு பெற்றுக்கொடுக்க முனையும் சில நபர்களையிட்டு தமிழ் மக்கள் அவதானமாக இருக்கவேண்டும். https://www.thaarakam.com/news/102289?fbclid=IwAR1VoZKmk-8EkNNqr-LSHNntEZZlY-lLHa7dzkFNZFEUl4s_A_YPS1_liAo
    • மிகமுக்கிய காரணம் எல்லாம் சொல்லிக்கொடுத்த பள்ளிகளில் சமூக ஒற்றுமை பற்றி சொல்லி கொடுக்கபடவில்லை எடுத்துக்காட்டுக்கு வடகிழக்கின்  புகழ் பெற்ற கல்லூரிகளில் தற்போது உள்ள பழைய மாணவர் சங்கம்கள். ஏதாவது ஒரு கல்லூரி ஒரே ஒரு பழைய மாணவர் சங்கம் உண்டா ?
    • புலம்பெயர் பிள்ளைகளை நினைக்கும்போது எதிர்காலம் பயங்கரமானதாய் உள்ளது எந்த ஒரு மாற்று  தலைமையும் இன்றி புலம்பெயர் சமூகம் எங்கள்  கண்முன்னே மேட்குலகின் பிளாக் ஹோல் போன்ற சமூக பழக்க வழக்கம்களில் விழுந்து காணாமல் போக போகின்றனர் .
    • காப்புரிமை Reuters சௌதி அரம்கோ நிறுவனம் பங்குச்சந்தை வணிகத்தில் ஈடுபட தொடங்கிய முதல் நாளிலேயே அதன் பங்குகளின் மதிப்பு புதிய உச்சத்தை அடைந்துள்ளது.   சௌதி அரேபிய அரசுக்கு சொந்தமான உலகின் மிகப் பெரிய எண்ணெய் உற்பத்தி நிறுவனமான சௌதி அரம்கோ, சமீபத்தில் தனது நிறுவனத்தின் பங்குகளை முதல் முறையாக விற்பனை செய்தது. சௌதி அரம்கோ நிறுவனத்தின் பங்குகள் இன்று (புதன்கிழமை) அந்நாட்டு பங்குச்சந்தையில் பட்டியலிடப்பட்டு வணிகத்துக்கு வந்தபோது, 25.6 பில்லியன் டாலர்களை திரட்டி அந்நிறுவனம் பெரும் சாதனை படைத்துள்ளது. வெறும் எண்ணெய் வளத்தை மட்டுமே சார்ந்திராமல், புதிய வணிக முன்னெடுப்புகளை எடுக்கும் முயற்சியில் சௌதி அரேபிய அரசாங்கம் ஈடுபட்டுள்ளது.   அந்த வகையில், உலகின் மிகப் பெரிய லாபம் படைக்கும் அரசுத்துறை நிறுவனமான சௌதி அரம்கோவை தனியார்மயமாக்கும் நடவடிக்கையில் அந்நாட்டு அரசு ஈடுபட்டு வருகிறது. இதன் மூலம் திரட்டப்படும் பணத்தை எரிசக்தி தவிர்த்த மற்ற துறைகளில் பயன்படுத்துவதற்கு அந்நாட்டு அரசாங்கம் திட்டமிட்டுள்ளது. இந்நிலையில், சௌதி அரம்கோ நிறுவனத்தின் பங்குகள் பங்குச்சந்தை வணிகத்தில் ஈடுபட தொடங்கிய முதல் நாளான இன்றே, 10 சதவீத உயர்வை கண்டது. ரியாத் பங்குச்சந்தையின் விதிகளின்படி, ஒரு நிறுவனத்தின் பங்குகள் ஒரு நாளைக்கு அதிகபட்சம் 10 சதவீத உயர்வை மட்டுமே அடைவதற்கு அனுமதி உள்ளதால், சௌதி அரம்கோ நிறுவனத்தின் பங்குகள் வணிகத்தில் ஈடுபட தொடங்கிய சில மணிநேரங்களிலேயே நிறுத்தப்பட்டது. இதன் மூலம், அந்நிறுவனத்தின் சந்தை மதிப்பு 1.88 ட்ரில்லியன் டாலர்களாக உயர்ந்துள்ளது. படத்தின் காப்புரிமை Reuters Image caption முகம்மது பின் சல்மான் எனினும், அரம்கோ நிறுவனத்தின் சந்தை மதிப்பு இரண்டு ட்ரில்லியன் டாலர்களை அடைய வேண்டும் என்ற சௌதியின் பட்டத்து இளவரசர் முகம்மது பின் சல்மானின் இலக்கை அடைய 0.12 ட்ரில்லியன் டாலர்கள் இன்னும் தேவைப்படுகிறது. https://www.bbc.com/tamil/global-50742253   சோதனை முயற்சியில் வெற்றி தனது நிறுவனத்தின் பங்குகளை பங்குச்சந்தையில் வெளியிடும் நடவடிக்கையின் முதல் சோதனை முயற்சியில் சௌதி அரம்கோ வெற்றி பெற்றுள்ளது. தனது நிறுவனத்தின் 1.5 சதவீத பங்குகளை வாங்குவதில் வெளிநாடுகள் பெரியளவில் ஆர்வம் காட்டாத நிலையில், உள்நாட்டு மற்றும் பிராந்திய முதலீட்டாளர்களை நம்பியே சௌதி அரம்கோ நிறுவனம் பங்குச்சந்தை வணிகத்தில் களமிறங்கியது. தொடக்கத்தில் சௌதி பங்குச்சந்தை அல்லது ரியாத் பங்குச்சந்தை மற்றும் வெளிநாட்டை சேர்ந்த ஒரு பங்குச்சந்தை ஆகியவற்றின் மூலம் 100 பில்லியன் டாலர்களை திரட்டுவதற்கு அரம்கோ திட்டமிட்டிருந்தது. எனினும், வெளிநாட்டு முதலீட்டாளர்கள், காலநிலை மாற்றம், அரசியல் சூழ்நிலை மற்றும் வெளிப்படைத்தன்மை இல்லாதது குறித்து கவலைகளை எழுப்பிய பின்னர் இந்த திட்டம் மாற்றியமைக்கப்பட்டது. மாறாக, சௌதி அரேபிய முதலீட்டாளர்கள் மற்றும் வளைகுடா பிராந்தியத்திலுள்ள நட்பு நாடுகளின் மீது கவனத்தை திருப்பியது. மேலும், சௌதி மக்கள் அரம்கோவின் பங்குகளை வாங்க அந்நாட்டு வங்கிகள் குடிமக்களுக்கு மலிவான கடன் வழங்கின. மிகப் பெரிய திட்டங்களுக்கு நிதியளிப்பதற்கும் புதிய தொழில்களை உருவாக்குவதற்கும் தேவையான பல்லாயிரக்கணக்கான டாலர்களை திரட்டும் நடவடிக்கையில் சௌதி அரேபியா தொடர்ந்து ஈடுபட்டு வருகிறது.