“வடக்கின் முதலமைச்சரும் நானே அமைச்சர்களும் நானே! “ - ஆளுநர் சுரேன் ராகவன்

[கிருபன்]

“வடக்கின் முதலமைச்சரும் நானே அமைச்சர்களும் நானே! “ - ஆளுநர் சுரேன் ராகவன்

June 1, 2019

வடக்கில் மக்களால் தெரிவு செய்யப்பட்ட வடக்கு மாகாண சபை தற்போது இல்லாமையினால், முதலமைச்சரும், அமைச்சர்களும் நானே என வடக்கு மாகாண ஆளுநர் சுரேன் ராகவன் தெரிவித்துள்ளார். வட மாகாண தனியார் மருத்துவமனை நிர்வாகிகளுடனான சந்திப்பின்போதே அவர் இதனைக் குறிப்பிட்டுள்ளார்.

கொழும்பில் யார் ஆட்சிக்கு வந்தாலும், யாழ்ப்பாணத்தில் உள்ள ஐந்து லட்சம் மக்களின் வாக்குகளிலேயே அவர்களுக்கு கண் என தெரிவித்துள்ள அவர், இங்குள்ள மக்களின் நலனில் எந்தவிதமான அக்கறையும் இல்லை எனவும் தெரிவித்துள்ளார்

மேலும் வெளிநாட்டில், நாடு கடந்த அரசாங்கம் நடாத்தும் ஒருவர் இங்குள்ள விடயங்களை கிண்டிக் கொண்டிருப்பதாகவும், என்ன நடந்தாலும் ஐ.நாவுக்கு ஓடிச் சென்று முறையிடுவதாகவும் தெரிவித்த அவர் அவருக்குப் பின்னால், இங்குள்ள சில சட்டத்தரணிகளும் செல்கின்றனர் எனவும் குறிப்பிட்டுள்ளார்

அத்துடன் யாழ்ப்பாணத்தில் உள்ள தனியார் மருத்துவமனைகள், கிணறுகளில் எடுக்கும் தண்ணீருக்காக கட்டணம் செலுத்த வேண்டும் எனவும் அதற்காக நீர்வாசிப்புமானி பொருத்தப்படும் எனவும் ஆளுநர் சுரேன் ராகவன் தெரிவித்துள்ளார்.
இந்த நிகழ்வில் சுகாதரத் துறை பணிமனை அதிகாரிகளும் கலந்து கொண்டனர்.

#வடமாகாணசபை #வட மாகாணஆளுநர் #சுரேன்ராகவன்

 

http://globaltamilnews.net/2019/123281/

[Paanch]

2 hours ago, கிருபன் said:

வடக்கில் மக்களால் தெரிவு செய்யப்பட்ட வடக்கு மாகாண சபை தற்போது இல்லாமையினால், முதலமைச்சரும், அமைச்சர்களும் நானே என வடக்கு மாகாண ஆளுநர் சுரேன் ராகவன் தெரிவித்துள்ளார்.

மைத்திரியும் நானே, ரணிலும் நானே, மகிந்தரும் நானே. ஆலையில்லா வடமாகாணத்திற்கு நானே இலுப்பைப்பூச் சர்க்கரை. 🤣

[சாமானியன்]

வாய்மையின் வாழ்வதனை  சூது கவ்வும்  ……………….

[Nathamuni]

நாலு மாதத்தில மைத்திரி கிளம்ப, இவரும் பெட்டிய தூக்க வேண்டியது தான்.

[Paanch]

10 minutes ago, Nathamuni said:

நாலு மாதத்தில மைத்திரி கிளம்ப, இவரும் பெட்டிய தூக்க வேண்டியது தான்.

இவர் பெட்டியைத் தூக்காவிட்டாலும் பரவாயில்லை..... ஆனால் இவரைப் பெட்டியில் வைத்துத் தூக்கி பழியை அப்பாவித் தமிழர்கள்மேல் போடாதுவிட்டாலே போதும். 😲

[vanangaamudi]

ராதவடமகாணத்தில் ஒரு தமிழ் ஆளுனர்  முதலமைச்சரும் நானே மந்திரிகளும் நானே என்று சொல்லி மார்தட்டிக்கொள்ளும்  சந்தர்ப்பம் இன்னும் ஒரு முறை வராதும் போகலாம். இங்கு கேள்வி என்னவென்றால் இந்த அரிய சந்தர்ப்பத்தை தமிழினத்துக்கு சாதமாக மாற்ற இந்த தமிழன் என்ன செய்தான் என்பதுதான். ஒரு இஸ்லாமிய ஆளுனருக்கு இப்படி ஒரு சந்தர்ப்பம் கிடைத்தால் என்ன செய்திருப்பார். ஒரு சிங்கள ஆளுனர் என்ன செய்திருப்பார்.  ஒரு பொம்மை தர்பாரில் இருந்து கொண்டு முதலமைச்சரும் நானே மந்திரிகளும் நானே என்று  ஆட்சி நடாத்துகிறார் என்பதை உணராத கபோதி இவர்.

[புரட்சிகர தமிழ்தேசியன்]

6 hours ago, கிருபன் said:

வடக்கின் முதலமைச்சரும் நானே அமைச்சர்களும் நானே! “ 

திருவிளையாடல் மதிய காட்சி பார்த்திருப்பார் போல கிடக்கு ☺️

[போல்]

4 hours ago, vanangaamudi said:

இந்த அரிய சந்தர்ப்பத்தை தமிழினத்துக்கு சாதமாக மாற்ற இந்த தமிழன் என்ன செய்தான் என்பதுதான்.

உடனடியாக ஒரு பவுத்த பயங்கரவாதிகளின் மாநாட்டை வடமாகாணத்தில் நடத்தி முடித்துள்ளார்!

ஜெனிவா சென்று தமிழினப் படுகொலைகாரர்களை பாதுகாக்க பகீரதப் பிரயத்தனம் மேற்கொண்டார்!

தமிழினத்துக்கு எதிராக செயற்பட்டால் தான் சொகுசு வாழ்க்கையை தொடர முடியும் என்பதை ஒவ்வொரு செயலிலும் கடைபிடித்து நிரூபித்து வருகிறார்!