யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
நிழலி

என் சில கிறுக்கல்கள் - நிழலி

Recommended Posts

யன்னல்களால் வெளியே
ஓங்கி வீசும்
பெருங்காற்றின் சத்தங்களை
தடுக்க முடியுது இல்லை

...

பிணைச்சல்களையும் பூட்டுக்களையும்
கடந்து வீட்டின் உள்ளே
நுழைந்து
மாடிப்படிகள் ஒவ்வொன்றிலும்
நிதானமாக ஏறி
என் அறையின் வாசல் கதவு
வரைக்கும் வந்து
நிற்கின்றன காற்றின்
சத்தங்கள்

படுத்துக் கிடக்கும் எனை
எழுப்ப விருப்பமின்றியும்
சொல்ல வந்த பெருங்கதையை
சொல்லாமல் போக மனமின்றியும்
அறையின் கதவோரங்களில்
காத்து நிற்கின்றன

விடிந்த பின்
கதவை திறக்கும் போது
அவை மீண்டும்
யன்னல்களினூடு
வெளியேறிச் செல்லும்
கொண்டு வந்த கதைகளை
சுமந்து கொண்டு

அவை சொல்ல
எத்தனிக்கும் கதைகளையும்
சங்கதிகளையும்
கேட்க
விருப்பமின்றி
என் நாட்கள் கடந்து
செல்லும்......

-June 02,2019

 

  • Like 3

Share this post


Link to post
Share on other sites

பனி புகார் (The fog)
-----------------------------------

வெளியே நிலவொளியையும்
வீதிகளில் தனித்து நிற்கும்...
விளக்கொளிகளையும்
மூடி இருந்த பனிப் புகார்
என் வழித்தடங்களை
மோப்பம் பிடித்து வந்து
அறைக்குள் வந்து இருக்கு..

ஒரு விளக்கை பற்ற வைத்து
விட்டால் அதை சுற்றி
வட்டமிடும்
விளக்குடன் போட்டியிடும்
ஒளியுடன் மல்லுக்கட்டும்
பின் சொல்லாமல் விலகிவிடும்

நான் என் அறையில்
இன்று
விளக்கேற்ற போவதில்லை

ஒளியுடன் போரிட்டு
ஒவ்வொரு முறையும்
விலகிவிடும் பனிப்புகாரை
என் அறைக்குள் இருந்தும்
விரட்டியடிக்கப் போவதில்லை

அதன் நிறங்களில் உறைந்து இருக்கும்
இருள்மையும்
அதன் துளிகளில் படர்ந்து இருக்கும்
ஈரமும்
அதன் மயக்கும் குளிரில் விரிந்து இருக்கும்
கூதலும்
என் அறையை விட்டு
விரட்டியடிக்க போவதில்லை

நாளை விடிய கதைவை திறக்கையில்
என் தோள்களில் அதை
ஏற்றிக் கொண்டு
வீதியின் ஓரம் ஒன்றில்
இறக்கி விடுவேன்.
வாசல் கதவுகளை
திறந்து வைத்துக் கொண்டு

Feb 03,2019

Share this post


Link to post
Share on other sites

எனை
எழுப்ப விருப்பமின்றியும்
சொல்ல வந்த பெருங்கதையை
சொல்லாமல் போக மனமின்றி  கவிதைக்கு வாழ்த்துக்கள்.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு