Jump to content

விமான அவசரகால கதவு


Recommended Posts

  • கருத்துக்கள உறவுகள்

34-EBF907-6370-48-F9-8-C24-B3-B3-D50-DAB

கடந்த கிழமை நியூயோர்க்கிலிருந்து சன்பிரான்ஸ்சிஸ்கோ வரும் போது என்றைக்கும் இல்லாத மாதிரி முன்னால் போன மனைவி அவசரகால கதவு இருந்த இடம் ஆட்களும் இல்லை.இடமும் பெரிதாக இருந்ததால் அதிலேயே இடம் பிடித்துவிட்டா.

                                    மற்றைய விமானங்களில் இருக்கை இலக்கங்கள் தருவார்கள்.அதை தேடிப் பிடித்து இருந்திடலாம்.முன்னுக்குப் போனாலும் பின்னுக்குப் போனாலும் எமது இருக்கைகள் எமக்காக காத்திருக்கும்.ஒரேஒரு வில்லங்கம் பின் இருக்கைக்கு போகிறவர்கள் முன்னுக்கு ஏறினால் கொண்டு போற பொதிகளை முன்னுக்கு எங்கே இடம் கிடைக்குதே அங்கே தள்ளிவிட்டுட்டு போய்விடுவார்கள்.எமது இருக்கை முன்னுக்கு இருந்தாலும் கடைசியாக ஏறினால் பொதிகள் வைக்க முடியாது.தேடித் திரிந்து பின்னுக்கு எங்காவது தான் வைக்க வேண்டும்.

                                     நாங்கள் எப்போதும் உள்ளூர் பயணத்துக்கு சவுத்வெஸ்ட் விமானத்தில்த் தான் பயணிப்போம்.பெரிய விமானம்.இலவசமாக 50 இறாத்தல் எடையுள்ள இரண்டு பொதிகளும் கையில் கொண்டு போவதற்கு ஒரு பொதி.இன்னும் ஒரு சிறிய கணனி வைக்க என்று ஒரு புத்தகபை கொண்டு போகலாம்.கையில் கொண்டு போகும் பொதியின் அளவு சரியாக இருக்க வேண்டுமே தவிர எடையை பார்க்க மாட்டார்கள்.இந்த வசதி வேறு விமானங்களில் இல்லை.வேறு விமானங்களில் கையில் கொண்டு போகும் பொதிக்கும் பணம் அறவிட தொடங்கிவிட்டார்கள்.

                                     விமானம் புறப்படுவதற்கு கொஞ்சம் முன் அவசரத்திற்கு என்னென்ன செய்ய வேண்டும் என்று சொல்லுவதற்கும் ஒவ்வொன்றையும் எடுத்து எப்படி எப்படி போட வேண்டும் என்று சொல்லுவதற்காகவும் முன்னுக்கு பின்னுக்கு நடுவில் வந்து நின்று சகையால் செய்து காட்டுவார்கள்.எமது இருக்கைக்கு அருகில் வந்து நின்ற ஒரு தடியன் குத்தியன் எங்களையே ஒரு முறைப்பாக பார்த்தான்.பின்னர் இந்த இருக்கையில் இருக்க சட்டதிட்டம் தெரியுமா என்று தொடங்க அதற்கிடையில் விமானமும் நகரத் தொடங்க அறிவிப்பும் தொடங்கியது.எம்மோடு கதைத்தவர் அறிவிப்புகளுக்கு ஏற்ற மாதிரி சைகைகள் காட்டத் தொடங்கியிருந்தார்.

                                       முதலில் எம்மோடு கதைக்கும் போது என்னடா ஒரு காலமும் இப்படி யாரையும் கேட்டதைக் காணவில்லையே?இவன் என்ன துவேசம் பிடித்தவனோ என்று எமக்குள் கதைத்துவிட்டு சரி எதுக்கும் விமானத்தில் என்னென்ன செய்ய வேண்டும் என்று படங்களுடன் இருந்த மட்டையை எடுத்து விறுவிறு என்று அவசரகால கதவு பற்றிய விளக்கத்தை மேலேட்டமாக படித்தால் உண்மையிலேயே நாங்கள் அதிலிருக்க தகுதியானவர்களா என்று எமக்கே சந்தேகமாக இருந்தது.

                                       அறிவிப்பு முடிந்த பின் திரும்பவும் அந்த மட்டையை எடுத்து இரண்டுகரையும் உள்ளவர்களை கவனிக்குமாறு விளங்கப்படுத்தி பின் ஒவ்வொருவராக நான் சொன்னது விளங்கியதா?
என்று கேட்கவும் ஒவ்வொருவரும் ஆம் ஆம் என்றார்கள்.எனது இருக்கை வந்ததும் அவர் கேட்க நானும் ஆம் என்றேன்.எனக்கு கேட்கவில்லை என்றார்.திரும்பவும் யெஸ் சேர் என்று அயலட்டைக்கும் கேட்கக் கூடியவாறு சொன்னேன்.கடைசியாக மனைவியையும் இரண்டு தரம் கேட்டார்.

                                      அத்தோடுவிட்டாலும் அவருக்கு நாங்கள் அதிலிருந்தது பிடிக்கவில்லை போலவே இருந்தது.

Link to comment
Share on other sites

  • கருத்துக்கள உறவுகள்
1 hour ago, ஈழப்பிரியன் said:

--- அறிவிப்பு முடிந்த பின் திரும்பவும் அந்த மட்டையை எடுத்து இரண்டுகரையும் உள்ளவர்களை கவனிக்குமாறு விளங்கப்படுத்தி பின் ஒவ்வொருவராக நான் சொன்னது விளங்கியதா?
என்று கேட்கவும் ஒவ்வொருவரும் ஆம் ஆம் என்றார்கள்.எனது இருக்கை வந்ததும் அவர் கேட்க நானும் ஆம் என்றேன்.எனக்கு கேட்கவில்லை என்றார்.திரும்பவும் யெஸ் சேர் என்று அயலட்டைக்கும் கேட்கக் கூடியவாறு சொன்னேன்.கடைசியாக மனைவியையும் இரண்டு தரம் கேட்டார்.

                                      அத்தோடுவிட்டாலும் அவருக்கு நாங்கள் அதிலிருந்தது பிடிக்கவில்லை போலவே இருந்தது.

ஈழப்பிரியன்....  அந்த  இடத்தில், ஒரு வெள்ளைக்காரன் இருந்திருந்தால்....
அப்படி, அவர் கேட்டிருப்பாரா...?  என்பது சந்தேகமே....இப்படியான விடயம், 
அதுகும்... அமெரிக்காவில் நடக்கும் போது என்னும் போது.... கவலையாக உள்ளது.

நீங்கள் அந்தப் பயணத்தில், சமாளித்து இருப்பீர்கள்...
உங்கள் மனைவி... மிகவும்  வேதனைப் பட்டு இருப்பார் என நினைக்கின்றேன்.

ஒரு விமானப் பயணியை... எப்படி நடத்த வேண்டும் என்று, 
அமெரிக்கனுக்கு தெரியாது போலுள்ளது.

உங்கள் மகளும்... விமான நிறுவனத்தில் தானே... வேலை செய்கிறார்.
அவர் மீது, சட்ட நடவடிக்கை எடுக்க... யோசிக்கலாமே....

Link to comment
Share on other sites

  • கருத்துக்கள உறவுகள்
3 hours ago, தமிழ் சிறி said:

ஒரு விமானப் பயணியை... எப்படி நடத்த வேண்டும் என்று, 
அமெரிக்கனுக்கு தெரியாது போலுள்ளது.

அந்த மட்டையில் எழுதியிருப்பதைப் பார்த்தால் மிகவும் பலசாலியாகவும் அவசரத்துக்கு அந்தக் கதவைத் திறந்து அடுத்தவரை காப்பாற்றக் கூடியவராகவும் இப்படி இன்னும் பல.அந்த இருக்கையில் நான் இருந்திருந்தா விட்டிருப்பார்.எனது மனைவி இருந்தது தான் அவருக்கு எரிச்சலூட்டி இருக்கலாம்.அந்தக் கதவை ஒருக்கா திறந்து காட்டு என்று கேட்டால் முழிசிக் கொண்டு தான் நிற்க வேண்டும்.உண்மையிலேயே இவ்வளவு சிக்கல் நிறைந்த இடத்தில் இருந்தது எமது பிழை.

பிரச்சனை என்னவென்றால் இந்த இருக்கையில் இருப்பவர்களுக்கு இந்தளவும் தெரியுமா என்பதே.அவர் எம்மை மட்டும் கேட்டால் பிரச்சனை என்று தான் இருபக்கமும் இருந்தவர்களுக்கும் விளங்கப்படுத்தி அவசரத்துக்கு உங்களால் செய்ய முடியுமா என்ற ஒவ்வொருவரிடமும் கேட்டார்.

3 hours ago, தமிழ் சிறி said:

உங்கள் மகளும்... விமான நிறுவனத்தில் தானே... வேலை செய்கிறார்.
அவர் மீது, சட்ட நடவடிக்கை எடுக்க... யோசிக்கலாமே....

மகள் வேலை செய்வது விமான நிறுவனமல்ல.போயிங் என்று விமானம் செய்யும் கம்பனி.

Link to comment
Share on other sites

  • கருத்துக்கள உறவுகள்

மன்னிக்கோணும்.....இந்த குறை குற்றங்களை வாசிக்கேக்கை.....
எனக்கு எங்கடை   ஊர் தட்டிவான் ஞாபகம்  தென்றலாய்  வீசிச்சென்றது...😎

 

 

Link to comment
Share on other sites

  • கருத்துக்கள உறவுகள்

ஓம் அந்த இருக்கையில் இருப்பவர் கதவை நெட்டித் திறக்க கூடிய வலுவுள்ளோராய் இருக்க வேணும். சின்ன பிள்ளைகளை, வலு குறைந்தோரை இந்த வரிசையில் இருத்த மாட்டார்கள். தப்பி தவறி அந்த வரிசை ஒதுக்கப் பட்டாலும், சிப்பந்திகள் இருக்கையை மாத்தி அமர்த்துவார்கள்.

Link to comment
Share on other sites

  • கருத்துக்கள உறவுகள்
14 minutes ago, குமாரசாமி said:

மன்னிக்கோணும்.....இந்த குறை குற்றங்களை வாசிக்கேக்கை.....
எனக்கு எங்கடை   ஊர் தட்டிவான் ஞாபகம்  தென்றலாய்  வீசிச்சென்றது...😎

 

 

தட்டிவான் பின் சீற்றில் இருந்தா தான் சந்தோசம்.

12 minutes ago, goshan_che said:

ஓம் அந்த இருக்கையில் இருப்பவர் கதவை நெட்டித் திறக்க கூடிய வலுவுள்ளோராய் இருக்க வேணும். சின்ன பிள்ளைகளை, வலு குறைந்தோரை இந்த வரிசையில் இருத்த மாட்டார்கள். தப்பி தவறி அந்த வரிசை ஒதுக்கப் பட்டாலும், சிப்பந்திகள் இருக்கையை மாத்தி அமர்த்துவார்கள்.

இவ்வளவு காலமும் விமான பயணம் செய்தாலும் இதுவரை அந்த மட்டையை எடுத்து பார்த்ததில்லை.இனிமேல் அந்தப்பக்கம் தலைவைத்து படுக்க மாட்டோம்.
நல்லதொரு பாடம் கற்றுக் கொண்டோம்.

Link to comment
Share on other sites

  • கருத்துக்கள உறவுகள்
5 hours ago, குமாரசாமி said:

மன்னிக்கோணும்.....இந்த குறை குற்றங்களை வாசிக்கேக்கை.....
எனக்கு எங்கடை   ஊர் தட்டிவான் ஞாபகம்  தென்றலாய்  வீசிச்சென்றது...😎

 

 

அதுக்கு எல்லா பக்கமும் அவசரகால கதவு உண்டு  என்று நினைக்கிறன் .

Link to comment
Share on other sites

  • 2 weeks later...
  • கருத்துக்கள உறவுகள்

நீங்கள் நடுத்தர வயதுக்கு மேல் தென்பட்டு இருப்பீர்கள். அதனால் தான் அப்படி கேட்டிருப்பான். நான் Southwest இல் அநேகமாக அந்த சீட்டில் தான் இருப்பேன். வந்து கேட்கும் போதுஅதெல்லாம் நான் பாத்துக்கொள்வேன் என்று சொல்லவேண்டியதுதான். மட்டையில் என்ன எழுதிகிடக்கு என்று வாசிப்பதே இல்லை. பின்னுக்கு இருப்பவர்கள் முன்னுக்கு பொதிகளை வைப்பது மிகவும் எரிச்சலான விடயம். நான் பலதடவை முறைப்பாடு செய்தேன் ( ஒன்லைனில்) பலன் இல்லை. 
அமெரிக்காவில் ஒன்று மட்டும் கவனித்தேன். நாங்கள் நன்றாக உடுத்து படுத்து,  அவர்களை ( முக்கியமாக கறுப்பர்களை) ஒரு பார்வை ஏற இறங்க பார்த்தாள் ஒரு கேள்வியும் கேட்கமாட்டார்கள். கொஞ்சம் தன்மையாக நடந்தால் ஏறி மிதிப்பார்கள். நான் வாயே திறப்பதில்லை. எல்லாம் பார்வையில்தான். ஏதாவது சொல்லிவிட்டால் போலீசை கூப்பிட்டு விடுவார்கள்

Link to comment
Share on other sites

  • கருத்துக்கள உறவுகள்
4 hours ago, nilmini said:

நீங்கள் நடுத்தர வயதுக்கு மேல் தென்பட்டு இருப்பீர்கள். அதனால் தான் அப்படி கேட்டிருப்பான். நான் Southwest இல் அநேகமாக அந்த சீட்டில் தான் இருப்பேன். வந்து கேட்கும் போதுஅதெல்லாம் நான் பாத்துக்கொள்வேன் என்று சொல்லவேண்டியதுதான். மட்டையில் என்ன எழுதிகிடக்கு என்று வாசிப்பதே இல்லை. பின்னுக்கு இருப்பவர்கள் முன்னுக்கு பொதிகளை வைப்பது மிகவும் எரிச்சலான விடயம். நான் பலதடவை முறைப்பாடு செய்தேன் ( ஒன்லைனில்) பலன் இல்லை. 
அமெரிக்காவில் ஒன்று மட்டும் கவனித்தேன். நாங்கள் நன்றாக உடுத்து படுத்து,  அவர்களை ( முக்கியமாக கறுப்பர்களை) ஒரு பார்வை ஏற இறங்க பார்த்தாள் ஒரு கேள்வியும் கேட்கமாட்டார்கள். கொஞ்சம் தன்மையாக நடந்தால் ஏறி மிதிப்பார்கள். நான் வாயே திறப்பதில்லை. எல்லாம் பார்வையில்தான். ஏதாவது சொல்லிவிட்டால் போலீசை கூப்பிட்டு விடுவார்கள்

உண்மை தான்.
அதோடு சவுத் வெஸ்ற்ரில் இருக்கைகளை முதலே தேர்வு செய்ய முடியாது.
ஒரே ஒரு நல்ல விடயம் கூடகுறைய சாமானுகளை அள்ளிக்கட்டிக் கொண்டு போகலாம்.

Link to comment
Share on other sites

  • 3 months later...
  • கருத்துக்கள உறவுகள்

நான் கொறியா சென்றபோது எனக்கு அந்த இடம் தான் ஒதுக்கப்பட்டிருந்தது. நல்ல வசதியாக காலை நீட்டிக்கொண்டு போனேன். 😀

யாரும் எதுவும் சொல்லவில்லை

Link to comment
Share on other sites

  • கருத்துக்கள உறவுகள்
8 minutes ago, மெசொபொத்தேமியா சுமேரியர் said:

நான் கொறியா சென்றபோது எனக்கு அந்த இடம் தான் ஒதுக்கப்பட்டிருந்தது. நல்ல வசதியாக காலை நீட்டிக்கொண்டு போனேன். 😀

யாரும் எதுவும் சொல்லவில்லை

அவங்கள் பயத்திலை ஒண்டும் கதைக்கேல்லை போலை....😎

Link to comment
Share on other sites

  • கருத்துக்கள உறவுகள்
15 minutes ago, மெசொபொத்தேமியா சுமேரியர் said:

நான் கொறியா சென்றபோது எனக்கு அந்த இடம் தான் ஒதுக்கப்பட்டிருந்தது. நல்ல வசதியாக காலை நீட்டிக்கொண்டு போனேன். 😀

யாரும் எதுவும் சொல்லவில்லை

பிஸ்னஸ் கிளாஸ்ல அப்படித்தானாம். சொல்லக் கேள்வி.

Link to comment
Share on other sites

  • கருத்துக்கள உறவுகள்
6 hours ago, மெசொபொத்தேமியா சுமேரியர் said:

நான் கொறியா சென்றபோது எனக்கு அந்த இடம் தான் ஒதுக்கப்பட்டிருந்தது. நல்ல வசதியாக காலை நீட்டிக்கொண்டு போனேன். 😀

யாரும் எதுவும் சொல்லவில்லை

இவ்வளவு காலம் விமான பிரயாணத்தில் எங்களை மட்டுமல்ல வேறு யாரையும் இப்படி கேட்டு பார்க்கவில்லை.அதனால்த் தான் எமக்கும் தர்மசங்கடமாகி விட்டது.

Link to comment
Share on other sites

  • கருத்துக்கள உறவுகள்
5 hours ago, goshan_che said:

பிஸ்னஸ் கிளாஸ்ல அப்படித்தானாம். சொல்லக் கேள்வி.

2015 இல் துருக்கி விமானத்தில் நேபால் போனபோது துருக்கியில் இருந்து அமெரிக்கா புத்தகத்துக்கு4-5 பேர் தாங்களாகவே முதலாம் வகுப்புக்கு மாற்றி தந்தார்கள்.இது தான் முதல்தடவை.கதிரை கட்டிலாக மாறியது.நீட்டி நிமிர்ந்து படுக்கலாம்.கண்ணை முழித்தா என்ன வேணும் சார் என்ற உபசரிப்பு.தண்ணி அடிக்கிறவைக்கு சும்மா கையைக் காட்டினா காணும்.இத்தனை மடங்கு பணத்தை ஏன் வாங்குகிறார்கள் என்பது அப்ப தான் புரிந்தது.

இலவச முதலாம் வகுப்பென்றபடியால் அதைஇதைக் கேட்க கொஞ்சம் கூச்சமாக இருந்தது.

Link to comment
Share on other sites

  • கருத்துக்கள உறவுகள்
On 6/7/2019 at 1:19 PM, ஈழப்பிரியன் said:

34-EBF907-6370-48-F9-8-C24-B3-B3-D50-DAB

 

                                       அறிவிப்பு முடிந்த பின் திரும்பவும் அந்த மட்டையை எடுத்து இரண்டுகரையும் உள்ளவர்களை கவனிக்குமாறு விளங்கப்படுத்தி பின் ஒவ்வொருவராக நான் சொன்னது விளங்கியதா?
என்று கேட்கவும் ஒவ்வொருவரும் ஆம் ஆம் என்றார்கள்.எனது இருக்கை வந்ததும் அவர் கேட்க நானும் ஆம் என்றேன்.எனக்கு கேட்கவில்லை என்றார்.திரும்பவும் யெஸ் சேர் என்று அயலட்டைக்கும் கேட்கக் கூடியவாறு சொன்னேன்.கடைசியாக மனைவியையும் இரண்டு தரம் கேட்டார்.

                                      அத்தோடுவிட்டாலும் அவருக்கு நாங்கள் அதிலிருந்தது பிடிக்கவில்லை போலவே இருந்தது.

இல்லை அண்ணா 
அது எவ் எ எ (Federal Aviation Administration FAA) விதிமுறை   
எமெர்ஜெண்சி கதவு அருகில் இருப்பவர்கள்தான் ... ஒரு அவசர சூழ்நிலையில் 
பணிபெண்களுக்கு உதவ வேண்டும் ... நீங்கள்தான் பயணிகளில் இறுதியாக இறங்குபவரும்.
எல்லோரும் அவசரமாக இறங்க உதவிய பின்புதான் நீங்கள் இறங்க வேண்டும்.

அவர்கள் சொன்னது எல்லாம் புரிந்தது ... நான் உங்களுக்கு உதவியாக அவசர சூழலில் 
இருப்பேன் என்று சொன்னவர்களை மட்டுமே அதில் உட்க்கார விடலாம் அது விதிமுறை.

சில பணிப்பெண்கள் எங்கே அவசர நிலைமை வரப்போகிறது என்று எல்லோரையும் 
கேட்பதில்லை ... அவர்கள் கேட்டு எஸ் என்று சொன்னவர்களைத்தான் இருக்க விட வேண்டும் என்பதும் 
இல்லாத பட்ஷத்தில் வேறு ஒரு சீட்டில் மாத்தி விட வேண்டும் என்பதும் விதிமுறை. 

அதில் இருப்பவர்களுக்கு சரளமான ஆங்கிலம் தெரிய வேண்டும் என்பதும் அதில் அடங்கும். 

Link to comment
Share on other sites

  • கருத்துக்கள உறவுகள்

விமான அவசர கதவில் ஒரு அனுபவ கதை .....

Link to comment
Share on other sites

  • கருத்துக்கள உறவுகள்
10 hours ago, ஈழப்பிரியன் said:

2015 இல் துருக்கி விமானத்தில் நேபால் போனபோது துருக்கியில் இருந்து அமெரிக்கா புத்தகத்துக்கு4-5 பேர் தாங்களாகவே முதலாம் வகுப்புக்கு மாற்றி தந்தார்கள்.இது தான் முதல்தடவை.கதிரை கட்டிலாக மாறியது.நீட்டி நிமிர்ந்து படுக்கலாம்.கண்ணை முழித்தா என்ன வேணும் சார் என்ற உபசரிப்பு.தண்ணி அடிக்கிறவைக்கு சும்மா கையைக் காட்டினா காணும்.இத்தனை மடங்கு பணத்தை ஏன் வாங்குகிறார்கள் என்பது அப்ப தான் புரிந்தது.

இலவச முதலாம் வகுப்பென்றபடியால் அதைஇதைக் கேட்க கொஞ்சம் கூச்சமாக இருந்தது.

மச்சக்காரர் ஐயா நீங்கள்.

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.