சேலம் எட்டு வழி வீதி திட்டம் ஏன்? முதல்வர்

[கிருபன்]

சேலம் எட்டு வழி வீதி திட்டம் ஏன்? முதல்வர்

சேலம் சென்னை இடையேயான 8 வழி சாலை திட்டம் ஏன்? என்பது குறித்து தமிழக முதல்வர் எடப்பாடி பழனிச்சாமி விளக்கம் அளித்துள்ளார்.

இது தொடர்பாக சேலத்தில் அரசு விழாவில் தெரிவித்ததாவது, 

“ உலக தரத்திற்கு ஏற்ப சாலைகளை ஏற்படுத்தவே எட்டு வழி சாலையை மத்திய அரசு அறிவித்தது. நீதிமன்றத்தில் நிலுவையில் உள்ள வழக்கில் நல்ல தீர்ப்பு வந்தவுடன் சேலம் எட்டு வழி வீதி திட்டம் வெற்றிகரமாக நிறைவேற்றப்படும்.

யாருடைய நிலத்தையும் பறித்து வீதி திட்டத்தை அரசு செயற்படுத்தாது. சேலம் எட்டு வழி சாலை திட்டம் பொதுமக்களின் நலனுக்காகத்தானே தவிர, தனி நபர் நலன்களுக்காக அல்ல. 8 வழி வீதி திட்டத்தை எதிர்ப்பவர்களை சமாதானப்படுத்தி அந்தத் திட்டம் செயற்படுத்தப்படும். தமிழகத்தில் உள்ள போக்குவரத்து நெரிசலை குறைக்க நடவடிக்கை எடுக்கப்பட்டு வருகிறது. அதன்படி தான் சேலத்தில் 8 வழி வீதி திட்டம் அறிவிக்கப்பட்டது.” என்றார்.

முன்னதாக சேலம் சேலத்தில் அரசு சார்பில் கட்டப்பட்ட ஈரடுக்கு மேம்பாலம் பணிகளின் நிறைவடைந்த ஒரு பகுதியை அவர் இன்று திறந்து வைத்தார் என்பது குறிப்பிடத்தக்கது.

 

http://www.virakesari.lk/article/57745

[கிருபன்]

எட்டு வழி விரைவுச் சாலை திட்டத்திற்கு ஒத்துழைப்பு வழங்குமாறு கோரிக்கை :

June 9, 2019

எட்டு வழி விரைவுச் சாலை திட்டத்திற்கு மத்திய மாநில அரசுகளுக்கு ஒத்துழைப்பு வழங்குமாறு விவசாயிகளிடம் தமிழக முதல்வர் எடப்பாடி பழனிசாமி வேண்டுக்கோள் விடுத்துள்ளார்.

மேற்கு மாவட்டங்களான சேலம் , ஈரோடு ,திருப்பூர் ,நாமக்கல் மற்றும் கோவை தொழில் வளம் நிறைந்த பகுதி என்றும், அருகாமையிலுள்ள கேரள மாநிலத்திலிருந்து வரும் கனரக வாகனங்கள் தடையில்லாமல் செல்லவும் சாலைகள் மேம்பாடு இருத்தல் வேண்டும் எனவும் அவர் தெரிவித்துள்ளார். சேலத்தில் இடம்பெற்ற நிகழ்வு ஒன்றில் கலந்து கொண்டு உரையாற்றும் போதே அவர் இவ்வாறு கோரிக்கை விடுத்துள்ளார்.

மேலும், தமிழகத்தின் தேசிய நெடுஞ்சாலைகள் அனைத்தும் இருபது ஆண்டுகளுக்கு முன்பு அமைக்கப்பட்டவை என்பதனால் தற்போது வாகன என்ணிக்கை 300 சதவீதம் அதிகரித்துள்ள நிலையில் சாலைகளின் தேவைகள் அதிகரித்துள்ளதாகவும் அவர் சுட்டிக்காட்டியுள்ளார்.

மேலும், இப்பகுதிகள் வளர்ந்துவரும் நிலையிலும் தொழிற்சாலைகள் நிறைந்த பகுதிகளாகவும் உள்ளதால் ,போக்குவரத்து மேம்பாட்டுக்கு முன்னோடியாக இவ்வகை சாலைகள் அமைக்க மத்திய அரசு நடவடிக்கை மேற்கொண்டதாகவும், தற்போது சில பிரச்சனைகள் காரணமாக நடவடிக்கை குறித்த வழக்கு நீதிமன்றத்தில் இருப்பதாகவும் தமிழக முதல்வர் குறிப்பிட்டுள்ளார்

#எட்டு வழி விரைவுச் சாலை   #ஒத்துழைப்பு #கோரிக்கை  #எடப்பாடி பழனிசாமி

 

http://globaltamilnews.net/2019/123846/