ஜேக்கப்பின்டே ஸ்வர்கராஜ்ஜியம் V$ ஜோமோன்டே சுவிஷேசங்கள்

[அபராஜிதன்]

 

கதை ஒன்று  என சொல்லலாம் நடக்கும் சம்பவங்கள் மற்றும் இடம் மட்டும் வெவ்வேறு ,

கேரளாவிலிருந்து அரபு நாட்டுக்கு சென்று அங்கு தனது கடின உழைப்பால் தொழிலதிபராகும் ஒருவர் ,மிக்க மகிழ்ச்சியாக வாழ்க்கை சென்று கொண்டிருக்கும் போது எதிர்பாராத துரோகத்தினால் தொழிலில் கடன் நெருக்கடி ஏற்பட சட்டபிரச்சினை ஏற்பட்டு கைதாகும் ஆபத்து இருப்பதால் தலைமறைவாகிறார்.சீரும் சிறப்புமாக இருந்த வாழ்க்கை ஒரே நாளில்  தலைகீழாக மாறுகிறது,தகப்பன் தலைமறைவாகிட அம்மா கைதுசெய்யப்பட மூத்த மகனான நிவின் பாலி இதை எல்லாம் எப்படி எதிர் கொண்டு அப்பாவின் வியாபாரத்தை எப்படி தலை நிமிர்த்துகிறார் என்பதே ஜேக்கப்பின்டே ஸ்வர்கராஜ்ஜியம்.

ஜோமோன்டே சுவிஷேசங்கள்  
திருச்சூரில் தொழிலதிபராக இருக்கும் வின்சென்ட் அவரின் கடைசி மகன் ஜோமோன்(துல்கர் சல்மான்)  மூத்தவர்கள்  எல்லாம் வாழ்க்கையில் செட்டிலாகி விட ஜோமோன் மட்டும் பொறுப்பற்று திரிகிறார் எப்படி எனில் நாளை சகோதரியின் திருமணத்தை வைத்துகொண்டு இன்று இரவு நண்பனுடன் தண்ணி பார்ட்டி போடும் அளவிற்கு..
 அத்தோடு இல்லாமல் அவர் வீட்டு வேலைக்காரர்களே பொறுப்பில்லாமல் திரிகிறாய் என சொல்லிகாட்டும் அளவு பொறுப்பில்லாதவர்

தகப்பனிடம்  மோட்டார் சைக்கிள் வாங்க கெஞ்சி அனுமதி வாங்கி தகப்பனோ 3 லட்சம் வரையில் தான் விலை இருக்கும் என நினைத்து கொண்டிருக்கும் போது 18லட்சம் ரூபா பில்லை  தகப்பன் கையில் கொடுக்கும் அளவிற்கு  ஜாலி பேர்வளி. 

மகிழ்ச்சியாக சென்று கொண்டிருக்கும் வாழ்வில் தகப்பனின் கட்டுமான நிறுவனம் தொடங்கிய புதிய கட்டட வேலைகள் சுற்றுசூழல் அமைப்பின் அனுமதி பெறவில்லை என இழுத்து மூடுகிறார்கள் ஒன்றன் பின் ஒன்றாக தகப்பனின் மற்றைய தொழில்களும் மூடுவிழா காண கடன் நெருக்கடி ஒருபக்கம் எந்த நேரமும் தகப்பன் கைது செய்யபடக்கூடிய நிலமை 

தகப்பனின் பினாமியான ராவுண்ணி ? தலையிட்டு தான் தான் உண்மையான சொந்தக்காரர் எனச்சொல்லி  தான் கைதாகி தகப்பனை கைது நடவடிக்கையிலிருந்து விடுவிக்கிறார்,
அதற்கிடையில் வீட்டு மேல் வாங்கிய கடன் காரணமாக வீடும் போக மூத்தவர்கள் 
ஒவ்வொருவராக பொறுப்புகளிலிருந்து கழண்டு கொள்ள ஜோமோன் மற்றும் தகப்பன் இருவரும் திருச்சூரிலிருந்து தமிழகத்தின் திருப்பூரிற்கு வருகிறார்கள் மோட்டார்சைக்கிளை விற்று நண்பனின் நிறுவனத்தில் பார்டனராக ஆகும் ஜோமோனிடம் நிறுவனத்தின் உண்மை நிலையை மறைத்து இவரையும் பார்டனராக்கி கையிலிருந்த பணத்தையும் இழக்க வைத்து நடுத்தெருவில் நிக்க  வைக்கிறான் நண்பன் 

,பூஜ்ஜியத்திலிருந்து ஆரம்பித்து எவ்வாறு மீண்டு வந்தார் என்பதை காண படம் பாருங்கள்.. முதல் பாதியில் அனுபமா பெரிதாக வேலை எதுவும் இல்லை இரண்டாம் பகுதியில் ஐஸ்வர்யா படம் முழுக்க வருகிறார் ,திருப்பூரை சுற்றியுள்ள தமிழர்களை நல்லவராகவும் உதவி செய்பவர்களாகவும் காட்டியுள்ளார்கள்.. ஒரு பாட்டில் பணக்காரர் ஆக மாறும் அபத்தங்கள் எதுவும் இல்லை, சிறிது சிறிதாக எப்படி முன்னேறிவருகிறார்  என்பதை நம்பும் விதமாக காட்டியுள்ளனர்.. இடையே மனோபாலா ஐஸ்வர்யாவின் அப்பாவாக வருகிறார் அவருக்கும் வின்சன்ட் க்கும் வரும் நட்பு.வின்சென்ட் க்கும்555 சிகரெட்க்கும் உள்ள பந்தம்..என்ன தான் பினாமி யாக இருந்தாலும் தன் நண்பனுக்காக சிறை செல்லும் ராவுண்ணி ? தன்நம்பிக்கையூட்டும் கதைகள் எனக்கு பிடிக்கும் அந்த வகையில் ஒருமுறை பார்க்க கூடிய படம் 

இப்படியான கதைகள் தமிழில் வருவதே இல்லை என சொல்லலாம் ? நான் பார்க்காமல் தவற விட்டனோ தெரியல 
மலையாளத்தின் முன்னணி நடிகர்களான நிவின் துல்கர் போன்றோர் துணிந்து இப்படியான கதைகளை தெரிவு செய்யும்போது தமிழின் பின்வரிசையில் உள்ளோர் கூட இப்படியான படங்களில் தங்களை முயற்சிக்காதமைக்கு காரணம் என்னவாக இருக்கும்?

[ரதி]

நன்றி பதிவுக்கு...படம் பார்க்கத் தான் இருக்கு 

 

[குமாரசாமி]

3 hours ago, ரதி said:

நன்றி பதிவுக்கு...படம் பார்க்கத் தான் இருக்கு 

 

படம் பாக்க தனிய போக வேண்டாம் தங்கச்சி....காலம் கெட்டுப்போய் கிடக்கு...😎

[அபராஜிதன்]

18 hours ago, ரதி said:

நன்றி பதிவுக்கு...படம் பார்க்கத் தான் இருக்கு 

 

ஒரு முறை பார்க்கலாம் கொஞ்சம் இழுவை