யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
பிழம்பு

கல்முனை வடக்கு தமிழ் பிரதேச செயலகத்தை தரமுயர்த்தக்கோரி, சாகும்வரை உண்ணாவிரதப்போராட்டம்

Recommended Posts

Posted (edited)
 
June 17, 2019

20190617_095904-1.jpg?zoom=1.10249994993

அம்பாறை மாவட்டம் கல்முனை வடக்கு தமிழ் பிரதேச செயலகத்தை தரமுயர்த்தக்கோரி கல்முனை வடக்கு பிரதேசசெயலகத்திற்கு முன்பாக இன்று(17) காலை 9 மணி முதல் சாகும்வரை உண்ணாவிரதப்போராட்டம் ஆரம்பித்துள்ளனர்.

 

கல்முனை சுபத்திரா ராமய விகாராதிபதி ரன்முத்துகல சங்கரத்ன தேரர் அவர்களும்,கிழக்கிலங்கை இந்துகுருமார் ஒன்றியத்தலைவர் சிவ சிறி க.கு.சச்சிதானந்த சிவம் குருக்கள்,அளகக்கோன் விஜயரெட்னம் கல்முனை மாநகரசபை உறுப்பினர், சந்திரசேகரம் ராஜன் கல்முனை மாநகரசபை உறுப்பினர் ஆகியோர் கல்முனை வடக்கு பிரதேச செயலகம் தரமுயர்த்தும் வரை உண்ணாவிரத போராட்டத்தை தொடர்ந்துள்ளனர்.  #அம்பாறைமாவட்டம் #கல்முனைவடக்குதமிழ்பிரதேசசெயலகம் #சாகும்வரைஉண்ணாவிரதப்போராட்டம்

http://globaltamilnews.net/2019/124518/

Edited by பிழம்பு

Share this post


Link to post
Share on other sites

உங்கள் அகிம்சைவழியிலான போராட்டம் வெற்றியடையட்டும்.நல்ல முயற்சி.

Share this post


Link to post
Share on other sites

இந்த பிரதேச செயலகத்தை தரமுயர்த்துவதால் முஸ்லிம்களுக்கு அப்படி என்ன பாதிப்பு?...ஏன் எதிர்க்கிறார்கள்?

Share this post


Link to post
Share on other sites

“தீர்வு கிடைக்கவில்லையாயின் நாளை 2.00 மணிக்கு உலகமே வியக்கும் செய்தியை தருவோம்”

 

தீர்வு கிடைக்கவில்லையாயின் நாளை பகல் 2.00 மணிக்கு உலகமே வியக்கும் வியப்பான செய்தியை தருவோம். என கல்முனை வடக்கு பிரதேச செயலக தரமுயர்வை குறிக்கோளாக கொண்டு உண்ணாவிரத போராட்டத்தில் ஈடுபட்டுள்ள கிழக்கிலங்கை இந்து குருமார்கள் ஒன்றிய தலைவர் ஸ்ரீ. க.கு. சச்சிதானந்தம் சிவம் குருக்கள் தெரிவித்தார்.

po17.jpg

அம்பாறை மாவட்டம் கல்முனை வடக்கு பிரதேச செயலகத்தை தரமுயர்த்தி தரவேண்டும் என்ற கோரிக்கையை வலியுறுத்தி நேற்று காலை முதல் பிரதேச செயலகத்தின் எதிரில் உண்ணாவிரத போராட்டம் ஒன்று இடம்பெற்று வருகின்றது.

இந்த உண்ணாவிரத போராட்டத்தில் கல்முனை சுபத்திராம விகாரையின் விகாராதிபதி சங்கைக்குரிய ரண்முத்துக்கல சங்கரத்ன தேரர் ,கிழக்கிலங்கை இந்துகுருமார் ஒன்றிய தலைவர் ஸ்ரீ ஸ்ரீ க.கு.சச்சிதானந்தம் சிவம் குரு, ஹிந்து மத பூசகர்கள், தேவாலய பாதிரியார்கள், அவர்களுடன் கல்முனை மாநகரசபை உறுப்பினர்களான சா.சந்திரசேகரம் ராஜன் மற்றும் அழகக்கோன் விஜயரத்னம் ஆகியோரும் கலந்து கொண்டு. இந்த உண்ணாவிரதப்போராட்டத்தை ஆரம்பித்தனர். 

po15.jpg

இந்த போராட்டத்தில் பிரதேச சமூக நல அமைப்புக்களின் சில பிரதிநிதிகளும் கலந்து கொண்டிருந்தனர். இன்றைய தினம் கல்முனை மாநகர சபை உறுப்பினர்கள் பலரும் ஆதரவாக களமிருங்கியிருந்தனர். இரண்டாவது நாளாக தொடரும் சாகும் வரையிலான போராட்டத்திற்கு மக்களின் ஆதரவும் கூடிவருகிறது.

போராட்டகார்கள் தாம் அரசியல்வாதிகளால் ஏமாற்றப்பட்டு உள்ளதாகவும் எங்கள் விடயத்தில் அரசாங்கம் பொடுபோக்காக இருப்பதாகவும் உடனடியாக இந்த விடயத்தை கவனத்தில்கொண்டு தீர்வது காணும் விதமாக கல்முனை வடக்கு பிரதேச செயலகத்தை தரமுயர்த்த வேண்டும் என்ற குறிக்கோளுடன் உண்ணாவிரத போராட்டத்தில் தொடர்ந்தும் ஈடுபட்டு வருகின்றனர்.

po14.jpg

இரண்டாவது நாளான இன்று மாலை இவர்களுடனான பேச்சுவார்த்தைக்கு அம்பாறை அரசாங்க அதிபர் , மேலதிக அரசாங்க அதிபர் , கல்முனை வடக்கு உதவி பிரதேச செயலாளர் திரு.அதிசயராஜ் ஆகியோருடன் பிரதேசத்திறக்கு பொறுப்பான பொலிஸ் உயரதிகாரிகளும் கலந்துகொண்டு உண்ணாவிரத போராட்டகாரர்களுடன் கலந்துரையாடினார்கள்.

அரச உயரதிகாரிகளுக்கு பதிலளித்த போராட்டகாரர்கள் நாங்கள் இனவாத குழப்பங்களை உருவாக்க இங்கு பட்டினியுடன் அமரவில்லை. இந்த நல்லாட்சி எங்களை ஏமாற்றி விட்டது. சகல வளமும் மிக்க செயலகமாக இந்த செயலகத்தை தரமுயர்த்தி தர வேண்டும். அதுவரை நாங்கள் எங்கள் போராட்டத்தை கைவிட மாட்டோம். அரச வர்த்தகமானி வரும்வரை காத்திருக்கிறோம். எங்கள் மக்களுக்கு அரசு அவர்களின் உரிமைகளை தர முன்வர வேண்டும் என்றனர்.

po11.jpg

தொலைபேசி மூலம் பல பேச்சுவார்த்தைகள் இடம்பெற்றும் அவை பலனளிக்கவில்லை. தொடர்ந்தும் போராட்டம் இடம்பெற்று வருகிறது.

 

https://www.virakesari.lk/article/58522

 

Share this post


Link to post
Share on other sites

எங்கட ஈழ போராளிகள் யாரையும் காணோம்......!!!!!!;

Share this post


Link to post
Share on other sites
31 minutes ago, Dash said:

எங்கட ஈழ போராளிகள் யாரையும் காணோம்......!!!!!!;

 

ஊரில் இடம் பறி போனால் என்ன?...போராளிகள் அங்கவீனர்களாய் இருந்தால் என்ன?...பொது மக்கள் மடிந்தால் என்ன?...அவர்களுக்கு வேண்டியதெல்லாம் ஆமா பாட்டும், உசுப்பேத்தும் கதைகளும் தான் 

Share this post


Link to post
Share on other sites
47 minutes ago, ரதி said:

 

ஊரில் இடம் பறி போனால் என்ன?...போராளிகள் அங்கவீனர்களாய் இருந்தால் என்ன?...பொது மக்கள் மடிந்தால் என்ன?...அவர்களுக்கு வேண்டியதெல்லாம் ஆமா பாட்டும், உசுப்பேத்தும் கதைகளும் தான் 

உங்கட கீச்சக அண்ணர் மாதிரி 

Share this post


Link to post
Share on other sites

தமிழருடன் சாகும்வரை உண்ணாவிரதத்தில் குதித்த பிக்கு! கடும் எச்சரிக்கையுடன் இரண்டுநாள் காலக்கெடு விதித்த ஞானசார!!

கல்முனை வடக்கு பிரதேச செயலகத்தை தரம் உயர்த்தக் கோரி ஆரம்பிக்கப்பட்டுள்ள சாகும் வரையான உண்ணாவிரத போராட்டத்திற்கு ஆதரவாக ஞானசார தேரர் குரல் கொடுத்துள்ளார்.

மேலும் கல்முனை வடக்கு பிரதேச செயலகம் இன்னும் இரு தினங்களில் தரம் உயர்த்தாவிடின் பாரிய போராட்டம் ஒன்றை கல்முனையில் மேற்கொள்ள இருப்பதாகவும் ஞானசாரர் குறிப்பிட்டுள்ளார்.

கல்முனை வடக்கு பிரதேச செயலகத்தை தரம் உயர்த்தக் கோரி கல்முனை விகாராதிபதி , இந்து குருமார் , கிறிஸ்தவ போதகர்கள் மற்றும் தமிழ் இளைஞர்களும் இணைந்து இப் போராட்டத்தில் ஈடுபட்டுள்ளனர்.

இந்த நிலையில் கல்முனை விகாராதிபதி ரன் முத்துகல சங்கரத்தின தேரரிடம் தொலைபேசி வாயிலாக தொடர்பு கொண்ட போது பொதுபல சேனா அமைப்பின் தலைவர் ஞானசார தேரர் மேற்கண்டவாறு குறிப்பிட்டுள்ளார்.

அத்துடன் உண்ணாவிரதத்தில் ஈடுபட்டுள்ள விகாராதிபதியின் உடல் நலம் பற்றியும் கேட்டறிந்துள்ளார்.

https://www.ibctamil.com/srilanka/80/122263?ref=rightsidebar

  • Like 1

Share this post


Link to post
Share on other sites
உயிர்த்த ஞாயிறுத் தாக்குதலின் பின்னரான சூழலில் கிழக்கு மாகாணத்தில்

முஸ்லிம்களோடு தமிழர்களை மோதவிட பிக்குமார் திட்டம்

உண்ணாவிரதப் போராட்டம் என்ற பெயரில் பௌத்த ஆதிக்கத்தை நிலை நிறுத்த ஏற்பாடு
 
 
main photomain photomain photo
  • இலங்கையில் இடம்பெற்ற உயிர்த்த ஞாயிறுத் தாக்குதலின் பின்னரான சூழலில், தமிழ் பேசும் மக்களின் தாயகமான கிழக்கு மாகாணத்தில் தமிழ்- முஸ்லிம் மக்களை மோதவிட்டு. மேலும் பிளவுகளை உருவாக்க பௌத்த பிக்குமார் முற்படுவதாக பிரதேச மக்கள் குற்றம் சுமத்தியுள்ளனர். அம்பாறை- கல்முனை பிரதேச செயலகத்தைத் தரமுயர்த்துமாறு வலியுறுத்தி முன்னெடுக்கப்பட்டுள்ள சாகும் வரையான உண்ணாவிரதப் போராட்டம் பௌத்த பிக்குமாரினால் திட்டமிடப்பட்டு நடத்தப்படுகின்றது. இதற்கு சில தமிழ்ப் பிரமுகர்களும் தங்களை அறியாமல் உடன்பட்டுள்ளனர். வேறு சில தமிழர்கள் நன்கு திட்டமிடப்பட்ட இலங்கைப் புலனாய்வுத் துறையின் தந்திரத்தை அறியாமல் துணைபோயுள்ளதாகப் பிரதேச மக்கள் தெரிவிக்கின்றனர்.


 
உயிர்த்த ஞாயிறுத் தாக்குதலின் பின்னரான சூழலில், எழுபது ஆண்டுகால அரசியல் போராட்டத்தில் ஈடுபட்டு, இன்று அனைத்தையும் இழந்து நிற்கும் தமிழச் சமுகத்தின் பண்பாட்டைச் சிதைத்து, முஸ்லிம் சமுகத்தையும் கேவலப்படுத்துவதே பௌத்த பேரினவாதிகளின் பிரதான நோக்கமென பெயர் குறிப்பிட விரும்பாத அருட் தந்தையொருவர் கூர்மைச் செய்தித் தளத்திற்குத் தெரிவித்தார்.

 

தமிழ்- முஸ்லிம் மோதலை உருவாக்கி அதன் மூலம் இலங்கைத் தீவு முழுவதையும் பௌத்த சிங்கள நாடாக மாற்றுவதே பௌத்த பேரினவாதிகளின் நோக்கம். அதன் முதல் நடவடிக்கையே இந்த உண்ணாவிரதப் போராட்டமென பிரதேச மக்கள் கூறுகின்றனர்

 

கல்முனை சுபத்திராம விகாரையின் விகாராதிபதி ரண்முத்துக்கல சங்கரத்ன தேரர், கிழக்கிலங்கை இந்து குருமார் ஒன்றிய தலைவர் சிவசிறீ சச்சிதானந்தசிவம் சிவாச்சாரியார், பெரியநீலாவணை தேவாலய அருட்தந்தை தங்கமணி கிருபைநாதன், ஆகியோருடன் கல்முனை மாநகரசபை உறுப்பினர்களான சா.சந்திரசேகரம் ராஜன் மற்றும் அழகக்கோன் விஜயரத்தினம் ஆகியோரும் இந்த உண்ணாவிரதப் போராட்டத்தில் ஈடுபட்டுள்ளனர்.

நேற்றுத் திங்கட்கிழமை காலை ஆரம்பித்த உண்ணாவிரதப் போராட்டத்துக்கு சைவ, கத்தோலிக்க மதகுருக்கள் மற்றும் பிரதேச மக்களும் ஆதரவு வழங்கி வருவதாக பௌத்த குருமார் கொழும்பில் உள்ள சிங்கள ஊடகங்களுக்குத் தகவல் வழங்கியுள்ளனர்.

கல்முனை வடக்கு தமிழ் பிரதேச செயலகம் தரமுயர்த்தப்படும் வரை தமது உண்ணாவிரதப் போராட்டம் தொடருமென உண்ணாவிரதப் போராட்டத்தில் ஈடுபட்டுள்ள சுபத்திராம விகாரையின் விகாராதிபதி ரண்முத்துக்கல சங்கரத்ன கூறியுள்ளார்.

 

கிழக்கு மாகாணத்தில் முஸ்லிம் அரசியல்வாதிகள் சிலரின் செயற்பாடுகள் ஏற்புடையதல்ல. ஆனால் அதனைக் கையாள வேண்டிய வழிமுறைகள் வேறு. அதற்காக பௌத்த பேரினவாதிகளோடு கூட்டுச் சேர்ந்து போராடுவது தற்கொலைக்கு ஒப்பானதாகும்

 

ஆனால், இந்த உண்ணாவிரதப் போராட்டத்தை திட்டமிட்டு நடத்தும் சில பௌத்த பிக்குமார், இலங்கை இராணுவப் புலனாய்வுடன் இணை்ந்து போர்க்காலத்தில் பணியாற்றியவர்கள் என்வும் ஞானசார தேரர் தலைமையிலான பொதுபல சேனவின் உறுப்பினர்கள் எனவும் பிரதேச மக்கள் சந்தேகம் வெளியிட்டுள்ளனர்.

கல்முனை வடக்கு தமிழ் பிரதேச செயலகத்தைத் தரமுயர்த்துவது அவசியமெனில் அது குறித்து தமிழ் மக்களின் பெரும்பான்மை வாக்குகளைப் பெற்றுள்ள தமிழ்த் தேசியக் கூட்டமைப்பு பேச வேண்டும். கூட்டமைப்பின் கிழக்கு மாகாண உறுப்பினர்கள் இலங்கை நாடாளுமன்றத்தில் அது குறித்துப் பேசியுள்ளனர்.

ஆனால் இதுவரையும் இலங்கை ஒற்றையாட்சி அரசாங்கம் உரிய பதில் வழங்கவில்லை. எனினும் சுபத்திராம விகாரையின் விகாராதிபதி ரண்முத்துக்கல சங்கரத்ன தேரரும் மற்றும் சிலரும் அதற்காக இணைந்து உண்ணாவிரதப் போராட்டத்தில் ஈடுபடுவதை ஏற்க முடியாதெனவும், அது பௌத்த பேரினவாத அரசியல் நாடகம் என்றும் பிரதேச மக்கள் பகிரங்கமாகவே கூறுகின்றனர்.

இந்தியாவில் இருந்து வடக்கு- கிழக்குப் பிரதேசங்களில் ஊடுருவியுள்ள இந்துத்துவா அமைப்பும் இதன் பின்னணியில் செயற்படுகின்றது. பௌத்த- இந்து உறவுப்பாலம் என்று கூறிக் கொண்டு, தமிழ் மக்களுக்குள்ளேயே சமய முரண்பாடுகளை தோற்றுவிப்பதே இந்துத்துவா அமைப்பின் நோக்கம் என்று ஏலவே குற்றச்சாட்டுக்கள் எழுந்தன.

பௌத்த- இந்து என்ற அடிப்படையில் ஒற்றுமை ஒன்றைக் கட்டியெழுப்ப பௌத்த பிக்குமாரும் சில தமிழ் சைவக் குருக்களும் ஒன்றினைந்துள்ளனர். அதற்கு ஆதரவாக தமிழ்க் கிறிஸ்த்தவ குருமாரையும் இவர்கள் அழைத்துமுள்ளனர்.

ஆனால் இதனைத் தமிழ் மக்கள் ஏற்கவில்லையென முன்னாள் நாடாளுமன்ற உறுப்பினர் ஒருவர் கூர்மைச் செய்தித் தளத்திற்குத் தெரிவித்தார்.

தமிழ் மக்களுடன் தங்களுக்குப் பிரச்சினை இல்லையென்றும் போர்க்காலத்தில் சில தவறுகள் நடத்ததாகவும் ஆனாலும் அதனை மறந்து தமிழ் மக்களுடன் நல்லுறவைப் பேணி பௌத்த- இந்துசமய உறவை வளர்க்க வேண்டுமென்றும் கூறி பௌத்த பிக்குமார் சிலர் அம்பாறையில் தமிழ்ப் பிரதேசங்களில் பிரச்சாரங்களில் ஈடுபட்டு வருகின்றனர்.

ஆனால், வடக்கு- கிழக்கு தாயகப் பிரதேசங்களில் உள்ள தமிழர்களின் பாரம்பரிய காணிகள் இலங்கை இராணுவத்தின் ஒத்துழைப்புடன் அபகரிக்கப்பட்டு, அங்கு பௌத்த பிக்குமார் விகாரைகளைக் கட்டி வருகின்றனர். புத்தர் சிலைகளை வைக்கின்றனர்.

இவற்றையெல்லாம் எதிர்க்காத பௌத்த பிக்குமார், கல்முனை வடக்கு தமிழ் பிரதேச செயலகத்தைத் தரமுயர்த்துவதற்காக நடத்தும் உண்ணாவிரதப் போராட்டம் நகைப்புக்கிடமானதென மக்கள் கூறுகின்றனர்.

மீண்டுமொரு தமிழ் முஸ்லிம் மோதலை உருவாக்கி அதன் மூலம் இலங்கைத் தீவு முழுவதையும் பௌத்த சிங்கள நாடாக மாற்றுவதே பௌத்த பேரினவாதிகளின் நோக்கம். அதன் முதல் நடவடிக்கையே இந்த உண்ணாவிரதப் போராட்டமென பிரதேச இளைஞர்கள் கூறுகின்றனர்.

கிழக்கு மாகாணத்தில் முஸ்லிம் அரசியல்வாதிகள் சிலரின் செயற்பாடுகள் ஏற்புடையதல்ல. ஆனால் அதனைக் கையாள வேண்டிய வழிமுறைகள் வேறு. அதற்காக பௌத்த பேரினவாதிகளோடு கூட்டுச் சேர்ந்து போராடுவது தற்கொலைக்கு ஒப்பானதாகுமென அவதானிகள் கூறுகின்றனர்.

https://www.koormai.com/pathivu.html?vakai=4&therivu=1034&fbclid=IwAR3KbS_7YKETQMXqF9NpMGw0NAF4fSzwjiKlR5Woxb1Fco90XHQi8xAhx1U

Share this post


Link to post
Share on other sites

பிர­தமர் ரணில் வழங்­கிய வாக்­கு­று­தியை மீறி­விட்டார்  - கோடீஸ்வரன்

(ஆர்.யசி, எம்.ஆர்.எம்.வஸீம்)

கல்­முனை வடக்கு தமிழ் பிர­தேச செய­ல­கத்தை தர­மு­யர்த்­து­வ­தாக பிர­தமர் பல தட­வைகள் வாக்­கு­று­தி­ய­ளித்­துள்ளார். ஆனாலும் தனது கட­மை­யி­லி­ருந்து பிர­தமர் தவ­றி­விட்டார் என தமிழ் தேசி­யக்­கூட்­ட­மைப்பின் அம்­பாறை மாவட்ட எம்.பி. கவீந்­திரன் கோடீஸ்­வரன் தெரி­வித்தார்.

kodiswaran1.jpg

பாரா­ளு­மன்­றத்தில் நேற்று செவ்­வாய்க்­கி­ழமை இடம்­பெற்ற மது­வரி கட்­டளை சட்ட விதிகள் தொடர்­பான விவா­தத்தில் உரை­யாற்­று­கை­யி­லேயே இவ்­வாறு தெரி­வித்தார்.

அவர் அங்கு தொடர்ந்து தெரி­விக்­கையில், 

அம்­பாறை மாவட்­டத்தில் கல்­முனை வடக்கு பிர­தே­சத்தில் தற்­போது மிகவும் பார­தூ­ர­மான பிரச்­சினை ஏற்­பட்­டுள்­ளது. இது நாட­ளா­விய ரீதியில் பாரிய பிரச்­சி­னையை ஏற்­ப­டுத்­தக்­கூ­டி­யது. கல்­முனை வடக்கு தமிழ் பிர­தேச செய­ல­கத்தை தர­மு­யர்த்­து­வது சம்­பந்­த­மாக மாவட்­டத்தில்   உண்­ணா­வி­ரத போராட்­டத்தை  ஆரம்­பித்­துள்­ளனர்.   30 வருட கால­மாக தர­மு­யர்த்­தப்­ப­டா­துள்ள கல்­முனை வடக்கு தமிழ் பிர­தேச செய­ல­கத்தை தர­மு­யர்த்த வேண்­டு­மென கடந்த திங்­கட்­கி­ழ­மை­யி­லி­ருந்து  உண்­ணா­வி­ர­தத்தை ஆரம்­பித்­துள்­ளனர். இந்­தப்­போ­ராட்­டத்தில் பௌத்த மதத்­த­லை­வ­ரான  ரண்­முத்­துக்­கல சங்­க­ரத்ன தேரர், கிழக்கு இந்து மத­கு­ருமார் ஒன்­றிய தலைவர் சிவஸ்ரீ சச்­சி­தா­நந்­தக்­கு­ருக்கல், மாந­க­ர­சபை உறுப்­பி­னர்கள்  சந்­தி­ர­சே­கரம் ராஜன்,விஜே­ய­ரட்ணம் ஆகியோர் உணா­வி­ரத போராட்­டத்தில் ஈடு­பட்­டுள்­ளனர். 

தற்­போது பௌத்த மதத்­த­லை­வ­ரான   ரண்­முத்­துக்­கல சங்­க­ரத்ன தேரரின் நிலை கவ­லைக்­கி­ட­மா­க­வுள்­ளது. அனைத்து மதத்­த­லை­வர்­களும் ஒன்று சேர்ந்து கல்­முனை வடக்கு தமிழ் பிர­தேச செய­ல­கத்தை தர­மு­யர்த்­தித்­த­ர­வேண்­டு­மென்று கோரியே உண்­ணா­வி­ர­த­மி­ருக்­கின்­றனர். ஒரு இனத்தை அடி­மை­யாக வைக்­கக்­கூ­டாது என்­ப­தற்­காக ,ஒரு இனத்­துக்கு செய்­யப்­பட்ட அநீ­திக்­காக நீதி கோரு­கின்­ற­வர்­க­ளாக ,அந்த இனத்­துக்­கான உரி­மையை கோரு­கின்­ற­வர்­க­ளாக இன்று அவர்கள் உண்­ணா­வி­ரத போராட்­டத்தை ஆரம்­பித்­துள்­ளனர். 

இந்த அர­சிடம் நாம் பல­த­டை­வைகள் கல்­முனை வடக்கு தமிழ் பிர­தேச செய­ல­கத்தை தர­மு­யர்த்த வேண்­டு­மென்ற பல கோரிக்­கை­களை முன்­வைத்தோம். பல கலந்­து­ரை­யா­டல்­களை நடத்­தி­யி­ருந்தோம். பிர­தமர் கூட இதனை தர­மு­யர்த்­தித்­த­ரு­வ­தாக பல தடை­வைகள் வாக்­கு­று­தி­ய­ளித்­துள்ளார். ஆனாலும் தனது கட­மை­யி­லி­ருந்து பிர­தமர் தவ­றி­விட்டார். எங்­களை பல தடை­வைகள் ஏமாற்­றி­விட்டார். 1993 ஆம் ஆண்டு இந்த கல்­முனை வடக்கு தமிழ் பிர­தேச செய­ல­கத்தை தர­மு­யர்த்த அமைச்­ச­ரவை அங்­கீ­காரம் கிடைத்­தது. ஆனால் 30 வரு­டங்­க­ளாக தமிழ் மக்­க­ளுக்­கான இந்த உரிமை மறுக்­கப்­பட்­டுள்­ளது. 

அடிப்­படை மத­வா­தத்தை தோற்­று­வித்து இஸ்­லா­மிய தீவி­ர­வா­தத்தை, இஸ்­லா­மிய ராஜ்­ஜி­யத்தை உரு­வாக்­கு­வ­தற்கு உறு­து­ணை­யாக நிற்­ப­வர்கள் தான் இந்த தமிழ் மக்­க­ளுக்­கான கல்­முனை வடக்கு தமிழ் பிர­தேச செய­ல­கத்தை தர­மு­யர்த்த தடை போடு­கின்­றனர். அந்தப் பிர­தே­சத்­திலே இருக்­கின்ற 46ஆயிரம் மக்­க­ளுக்­கான அந்த உரிமை கிடைக்­கக்­கூ­டாது என்­ப­தனை அவர்கள் நிலை­நி­றுத்தி அந்­தப்­பி­ர­தே­சத்­திலே இஸ்­லா­மிய தீவி­ர­வா­திகள் அத­னைத்­த­டுத்து நிறுத்­து­கின்­றனர். இந்த  இஸ்­லா­மிய தீவி­ர­வா­தி­க­ளுக்கு, மத அடிப்­படை வாதி­க­ளுக்கு உறு­து­ணை­யா­கவே இந்த அரசும் செயற்­ப­டு­கின்­றது. இதனை ஏறுக்­கொள்ள முடி­யாது.

கல்­முனை வடக்கு தமிழ் பிர­தேச செய­ல­கத்­தை­த­ர­மு­யர்த்­தக்­கோ­ரு­வது நியா­ய­மான கோரிக்­கை­யாகும்.  இதனால் தமிழ் மக்கள் பிரச்­சி­னையை எதிர்­நோக்­கு­கின்­றனர். அவர்­க­ளுக்­கு­ரிய நிர்­வாகம் கிடைக்க வேண்டும், அமைச்­ச­ரவை அங்­கீ­காரம் கிடைத்­துள்­ளது. அதற்­கு­ரிய சகல வளங்­களும் உள்­ளன. 29 கிராம சேவகர் பிரி­வு­க­ளையும் 234 ஆள­ணி­க­ளையும் கொண்­ட­தாக இருக்­கின்­றது. அதற்­கான நிதி அதி­கா­ரமும் காணி அதி­கா­ரமும் மறுக்­கப்­பட்­டுள்­ளன என்று அரசு கூறு­கின்­றது. ஆனால் 30 வரு­டங்­க­ளாக தமிழ் மக்கள் ஏமாற்­றப்­பட்டு வரு­கின்­றனர். 

இதற்கு காரணம் யார்?கல்­முனை வடக்கு தமிழ் பிர­தேச செய­ல­கத்தை தர­மு­யர்த்­தக்­கூ­டா­தென தேசிய தெளஹீத் ஜமாஅத் அமைப்­பினர் பள்­ளி­வா­சலில் தீர்­மா­ன­மெ­டுத்து அதற்­கான அறிக்­கை­யையும் வெளி­யிட்­டனர். ஆகவே இந்த அரசு தேசிய தெளஹீத் ஜமாஅத் அமைப்பின் கருத்தை ஏற்­றுக்­கொண்­டு­தானே கல்­முனை வடக்கு தமிழ் பிர­தேச செய­ல­கத்தை தர­மு­யர்த்­தா­துள்­ளது?தமிழ் மக்­க­ளுக்­கான நீதி கிடைக்­கக்­கூ­டா­தென தடுக்­கப்­பட்­டுள்­ளது. இந்த உய­ரிய சபையில் கூட நாம் தர­மு­யர்த்தல் வேண்­டு­கோளை விடுத்­தி­ருந்தோம்.எங்­க­ளது கட்­சியும் இது தொடர்பில் பிர­த­மரை சந்­தித்­தது.ஆனால் வாக்­கு­றுத்தி அளித்து அளித்தே பிர­தமர் தமி­ழர்­களை ஏமாற்றி விட்டார். அர­சியல் தீர்­வைத்­த­ர­வில்லை,குறைந்­த­பட்சம் கல்­முனை வடக்கு தமிழ் பிர­தேச செய­ல­கத்தை தர­மு­யர்த்தி தரு­வ­தற்கு கூடவா  இந்த அரசு மறுக்­கின்­றது என தமிழ் மக்கள் எங்­க­ளிடம் கேட்­கின்­றனர். 

எமது மக்­க­ளுக்கு மறுக்­கப்­பட்ட நீதியை, உரி­மையை இந்த சபை தர வேண்டும். கல்முனை நகரம் 95 வீதம் தமிழர்களின் பிரதேசம். இவர்களுக்கான உரிமையே மறுக்கப்பட்டுள்ளது. கல்முனை பிரதேசத்தை மாற்றும் நடவடிக்கை கூட எடுக்கப்பட்டுள்ளது. வீதி அபிவிருத்தி அதிகார சபையால் நாட்டப்பட்ட பெயர்ப்பலகை கல்முனை நகரத்திலிருந்து கல்முனைக்குடிக்கு மாற்றப்பட்டுள்ளது. இது பெரும் அநீதி. இந்த அதிகாரத்தை,அங்கீகாரத்தை கொடுத்தது யார்? கல்முனைக்குடி என்பது வேறு,கல்முனை என்பது வேறு. தமிழர்களின் செறிவைக்குறைக்கவே இவ்வாறு செயற்படுகின்றனர். எனவே அரசு உடனடியாக இதில் தலையிட்டு கல்முனை வடக்கு தமிழ் பிரதேச செயலகத்தை தரமுயர்த்த வேண்டும் என்றார். 

 

https://www.virakesari.lk/article/58534

Share this post


Link to post
Share on other sites

மூன்றாவது நாளாகவும் தொடரும் கல்முனை உண்ணாவிரதம் : களத்தில் கருணாவும்,கோடிஸ்வரனும் !!

Untitled.jpg

மூன்றாவது நாளாகவும் தொடரும் கல்முனை உண்ணாவிரதம் : களத்தில் கருணாவும்,கோடிஸ்வரனும் !!


சாகும்வரையிலான உண்ணாவிரதப் போராட்டத்தை ஆரம்பித்துள்ள கல்முனை சுபத்திரா ராமய விகாராதிபதி ரன்முத்துகல சங்கரத்ன தேரரின் தலைமையிலான போராட்டம் 3ஆவது நாளாகவும் தொடர்கிறது.

உடல்நிலை மோசமடைந்துள்ள அவருக்கு இரு தடவைகள் முதலுதவிகள் வழங்கப்பட்டுள்ள நிலையில், போராட்டம் இன்றும் (புதன்கிழமை) தொடர்கிறது.

அம்பாறை, கல்முனை வடக்கு தமிழ் பிரதேச செயலகத்தை தரமுயர்த்துமாறுக் கோரி மதகுருமார்கள் உண்ணாவிரதப் போராட்டத்தை நேற்று முன்தினம் காலை 9 மணியளவில் ஆரம்பித்திருந்தனர்.

கல்முனை சுபத்திரா ராமய விகாராதிபதி ரன்முத்துகல சங்கரத்ன தேரர், கிழக்கிலங்கையின் இந்துகுருமார் ஒன்றியத்தலைவர் சிவஸ்ரீ.க.கு.சச்சிதானந்த சிவம் குருக்கள், கல்முனை மாநகரசபை உறுப்பினர்களான அழகக்கோன் விஜயரெட்ணம், சந்திரசேகரம் ராஜன் உள்ளிட்டோர் குறித்த போராட்டத்தை முன்னெடுத்துள்ளனர்.

இந்தநிலையில், நேற்று மாலை போராட்ட களத்திற்குச் சென்ற அம்பாறை மாவட்ட அரசாங்க அதிபர் காரியாலய நிர்வாகசேவை அதிகாரிகள், போராட்டத்தை கைவிடும்படி கேட்டுக்கொண்டார்.

எனினும் போராட்டக்காரர்கள் அந்த கோரிக்கையை நிராகரித்துள்ளனர். அத்தோடு அரச அதிபர் இந்த விடயத்தில் ஏதாவது முடிவெடுப்பதென்றால் இன்று மதியம் 2 மணிக்குள் எடுக்கும்படியும் அதற்குள் முடிவொன்று எடுக்கப்படாவிட்டால் மதியம் 2 மணிக்கு அதிரடி முடிவொன்றை அறிவிக்கவுள்ளதாக தெரிவித்திருந்தனர் .

இப்போது உண்ணாவிரத போராட்டம் இடம்பெறும் இடத்திற்க்கு முன்னாள் மீள்குடியேற்ற பிரதியமைச்சர் விநாயகமூர்த்தி முரளிதரன் (கருணா அம்மான்) மற்றும் பாராளுமன்ற உறுப்பினர் க.கோடிஸ்வரன் ஆகியோர் சமூகமளித்திருக்கிறார்கள். கடந்த இரண்டு தினங்களை விடவும் இன்று அதிக மதகுருமார், பொதுமக்கள் இந்த போராட்டத்தில் ஆர்வத்துடன் கலந்துகொண்டு தமது ஆதரவை தெரிவித்துவருகிறார்கள்.

நூருல் ஹுதா உமர்
( மாளிகைக்காடு நிருபர் )

https://www.madawalaenews.com/2019/06/km.html

Share this post


Link to post
Share on other sites
20 hours ago, MEERA said:

உங்கட கீச்சக அண்ணர் மாதிரி 

தமிழரின் துரதிஸ்டத்தை  பார்த்தீர்களா மீரா ? ...மக்களால் தெரிவு செய்யப்பட பிரதிநிதிகள் இருக்கும் போது  இன்னும் துரோகியின் கையை எதிர் பார்த்து இருக்க வேண்டிய நிலை 

Share this post


Link to post
Share on other sites

எனக்கெண்டால் கருணாவை யாரும் வரச்சொல்லி ஒப்பாரி வச்ச மாதிரியும் ... அவரிண்ட  கையையோ காலையோ பிடிச்ச மாதிரியும் தெரியேல்ல ரதி... 🙄

Share this post


Link to post
Share on other sites

தமிழ் பிரதேச செயலகத்தை தரமுயர்த்தாவிட்டால் ஆதரவை விலக்குவோம் – த.தே.கூட்டமைப்பு எச்சரிக்கை

Yogeshwaran-MP-1.jpg

கல்முனை வடக்கு தமிழ் பிரதேச செயலகத்தை உடனடியாக தரமுயர்த்தாது விட்டால் அரசாங்கத்திற்கு வழங்கும் தமது ஆதரவை விலக்குவோம் என தமிழ் தேசியக் கூட்டமைப்பின் நாடாளுமன்ற உறுப்பினர் சீ.யோகேஸ்வரன் தெரிவித்துள்ளார்.

நாடாளுமன்றத்தில் இன்று (புதன்கிழமை) இடம்பெற்ற இலங்கை காணி மீட்டல் மற்றும் அபிவிருத்தி கூட்டுத்தாபன திருத்த சட்ட மூல விவாதத்தில் உரையாற்றுகையிலேயே அவர் இவ்வாறு எச்சரிக்கை விடுத்தார்.

அவர் மேலும் தெரிவிக்கையில், “கல்முனை வடக்கு தமிழ் பிரதேச செயலகத்தை தரமுயர்த்தவிடக்கூடா என்பதில் ஸ்ரீலங்கா முஸ்லிம் காங்கிரஸூம் அதன் நாடாளுமன்ற உறுப்பினருமான ஹரிஷும் மிகத் தீவிரமாகவுள்ளனர்.

இவர்களுக்காக எமது நியாயமான கோரிக்கையை அரசு உதாசீனம் செய்கின்றது. இந்த அரசையும் ஜனாதிபதியையும் பிரதமரையும் கொண்டு வந்தவர்கள் நாங்கள். அந்த நன்றிக்கடன் உங்களுக்கு இருக்கின்றதா எனக்கேட்க விரும்புகின்றோம்.

கல்முனை வடக்கு தமிழ் பிரதேச செயலகத்தை உடனடியாக அரசு தரமுயர்த்தாதுவிட்டால் அரசுக்கான தமிழ் தேசியக் கூட்டமைப்பின் ஆதரவை விலக்குவோம். இப்போது கூட தமிழ் மக்களின் விருப்பத்துக்கு மாறாகவே நாம் ஆதரவளித்து வருகின்றோம். இனியும் எமது மக்களை நாம் சமாதானப்படுத்த முடியாது. எனவேதான் அரசுக்கான ஆதரவை மீளப்பெறவேண்டிய நிலை எமக்கு ஏற்பட்டுள்ளது.

இந்நிலைமை ஏற்படக்கூடாதெனில் அங்கு தற்போது நடந்து வரும் போராட்டங்களை முடிவுக்கு கொண்டுவரும் வகையில் கல்முனை வடக்கு தமிழ் பிரதேச செயலகத்தை உடனடியாக தரமுயர்த்துவதாக பிரதமர் அறிவிக்க வேண்டும்” என்று தெரிவித்தார்.

Share this post


Link to post
Share on other sites

கல்முனை வடக்கு தமிழ் பிரதேச செயலகம் தரமுயர்த்தப்படத்தான் வேணும்.

ஆனால் இப்ப நடக்கும் போராட்டம் பக்கா அரசியல்.

Share this post


Link to post
Share on other sites

உப்ப பாத்தீங்கள் என்டால் சசி,  கருணா உண்ணாவிரத மேடைக்கு போனது தான் காணும் கூட்டமைப்பினர் அரசிற்கு எச்சரிக்கை விடுத்திருக்கினம் 

5 hours ago, Lara said:

கல்முனை வடக்கு தமிழ் பிரதேச செயலகம் தரமுயர்த்தப்படத்தான் வேணும்.

ஆனால் இப்ப நடக்கும் போராட்டம் பக்கா அரசியல்.

இந்த போராட்டம் இப்ப தொடங்கினது இல்லை ...சிறு,சிறு போராட்டமாய் நடந்து கொண்டு இருக்கையில் ஈஸ்டர் குண்டு வெடிப்புகளால் நிறுத்தப் பட்டு தற்போது தொடரப்படுகின்றது...பிக்குகள் இணைந்தது அரசியல் காரணங்களுக்காகத் தான்.அதனை தமிழர்கள் பயன்படுத்துவதில் என்ன தப்பு?...இவ்வளவு நாளும் இதே சிங்களவர் முஸ்லிம்களுக்கு வால் பிடித்துக் கொண்டு இருந்தார்கள் ..இந்த சந்தர்ப்பத்தை விட்டால் இந்த பிரச்னைக்கு தீர்வு காண முடியாது 
 

  • Like 2

Share this post


Link to post
Share on other sites
2 hours ago, ரதி said:

இந்த போராட்டம் இப்ப தொடங்கினது இல்லை ...சிறு,சிறு போராட்டமாய் நடந்து கொண்டு இருக்கையில் ஈஸ்டர் குண்டு வெடிப்புகளால் நிறுத்தப் பட்டு தற்போது தொடரப்படுகின்றது...பிக்குகள் இணைந்தது அரசியல் காரணங்களுக்காகத் தான்.அதனை தமிழர்கள் பயன்படுத்துவதில் என்ன தப்பு?...இவ்வளவு நாளும் இதே சிங்களவர் முஸ்லிம்களுக்கு வால் பிடித்துக் கொண்டு இருந்தார்கள் ..இந்த சந்தர்ப்பத்தை விட்டால் இந்த பிரச்னைக்கு தீர்வு காண முடியாது

நான் பௌத்த பிக்குகளுடன் சேர்ந்து செய்யும் இவ் உண்ணாவிரதப்போராட்டத்தை தான் பக்கா அரசியல் என கூறினேன்.

தமிழர்களையும் தூண்டி விட்டு முஸ்லிம்களையும் தூண்டி விட்டு மோதவிடும் முயற்சி. முஸ்லிம் அரசியல்வாதிகள் கடந்த காலங்களில் எதை செய்தார்களோ அனைத்தும் அரச ஆதரவுடனே செய்தார்கள். இப்பொழுதும் முஸ்லிம் அரசியல்வாதிகளுக்கு அரசு பெருசா பிரச்சினை கொடுக்காது. சாதாரண தமிழ், முஸ்லிம்களை மற்றும் முஸ்லிம், சிங்களவர்களை தான் மோத விடுகிறார்கள்.

இந்த பிக்குகளுக்கு இருக்கும் அரசியல் செல்வாக்குக்கு அவர்கள் நினைத்தால் உண்ணாவிரதம் இருக்காமலே பிரச்சினைக்கு தீர்வு காண முடியும். சும்மா இந்து-பௌத்த, தமிழ்-சிங்கள ஒருங்கிணைப்பு போல் காட்டி தமது அரசியலையும் செய்து முஸ்லிம்களையும் கடுப்பேற்ற நினைக்கிறார்கள். ஏற்கனவே இதை காரணம் காட்டி சமூக வலைத்தளங்களில் தமிழ் முஸ்லிம் மக்கள் முரண்படுகிறார்கள்.

இவர்கள் இணைந்த போராட்டத்திற்கு தீர்வு கிடைத்தால் மகிழ்ச்சி தான். ஆனால் அதன் விளைவுகளையும் எதிர் பார்த்திருக்க வேண்டும். 

முன்னர் தமிழ் முஸ்லிம் பிரச்சினை ஏற்பட்டதன் பின்னணியில் சில உளவு அமைப்புகள் இருந்தன. அதன் பாதிப்பு இன்னும் முடியவில்லை.

Share this post


Link to post
Share on other sites

5 ஆவது நாளாக தொடரும் உண்ணாவிரத போராட்டம் ; இன்று நடக்கப்போவது என்ன?

கல்முனை வடக்கு பிரதேச செயலகத்தினை தரமுயர்த்தக்கோரி இன்று ஐந்தாவது நாளாகவும் உண்ணாவிரத போராட்டம் முன்னெடுக்கப்பட்டு வருகின்றது. இந்நிலையில் கடந்த நாட்களாக பல அரசியல்வாதிகளும் வருகை தந்தது இந்தபோராட்டத்திற்காக  தங்களது ஆதரவினை கொடுத்து வருகின்றனர்.

அந்த வகையில் நேற்று வருகை தந்த அத்துரேலிய ரத்தின தேரர் இப்பிரச்சினைக்கு நல்லதொரு  தீர்வு ஒன்று இன்று எட்டப்படும் என உறுதியளித்திருந்தார்.

kalmuna.jpg

இது ஒரு புறமிருக்க தமிழ்த் தேசியக் கூட்டமைப்பினர் கல்முனை வடக்கு தமிழ் பிரிவு பிரதிநிதிகள் மற்றும் பொது நிருவாக உள்நாட்டு அமைச்சர் பிரதமர் ஆகியோருக்கு இடையிலான கலந்துரையாடல் ஒன்று கொழும்பில் நடைபெற்றுள்ளது. இதன் போது தரமுயர்துவதற்கு பிரதமர் அறிவுறித்தியுள்ளதாகவும் அறிவிக்கப்பட்டுள்ளது. 

இந்த கலந்துரையாடலில் எட்டப்பட்ட சில விடயங்களை எழுத்து மூலம் கொண்டுவந்து பிரதேச செயலகம் தரமுயர்துவதற்கு சட்டப்படியான ஆவணம் என அம்பாறை மாவட்ட அரச அதிபர் ஊடாக காண்பித்து உண்ணாவிரதத்தினை கைவிடுமாறு கோரி  போராட்டத்தினை இடை நிறுத்துவதற்கான நடவடிக்கைகள் மேற்கொள்ளப்பட்டு வருவதாக தகவல்கள் வெளியாகியுள்ளது.

64951862_464417314313801_686529595466946

இந்நிலையில் ஒருபோது தாங்கள் செவிசாய்க்க போவதில்லை எனவும் வர்த்தமானி பிரகடனத்தின் பின்னரே எமது போராட்டம் நிறைவுறுத்துவது பற்றி சிந்திப்போம் என போராட்டக்கார்கள் அறிதியும் உறுதியுமாக தெரிவித்து விடாப்பிடியிலுள்ளனர். இதுவே அனைத்து மக்களினது ஏகோபித்த தீர்மானமாகவும் இருந்து வருகின்றது எனவே இன்று போராட்டத்தில் நடக்கபோவது என்ன என்பதனை பொருத்திருந்துதான் பார்கக்க வேண்டும். 

 

https://www.virakesari.lk/article/58709

 

Share this post


Link to post
Share on other sites

முப்பது வருடம் போராடிய தமிழினத்துக்கு போராட்டம் என்பது புதிதான விடயமல்ல : வியா­ழேந்­திரன்

முப்­பது வரு­ட­காலம் போரா­டிய தமிழ் இனத்­துக்கு போராட்டம் என்­பது புதி­தான விட­ய­மல்ல என்­பதை இவ்­வி­டத்தில் நான் கூறி­வைக்க விரும்­பு­கின்றேன். கிழக்கு மாகாண தமிழ் மக்கள் அனை­வரும் இந்த போராட்­டத்தில் ஒன்­றி­ணைய வேண்­டி­யது அவ­சியம் என்று  மட்­டக்­க­ளப்­பு­ மா­வட்ட பாரா­ளு­மன்ற உறுப்­பினர் வியாழேந்­திரன் தெரி­வித்தார்.

viyalendiran.jpg

கல்­முனை வடக்கு உபபிர­தேச செய­ல­கத்தை தர­மு­யர்த்தக் கோரி பிர­தேச செய­லகம் முன்­பாக  சாகும்­வ­ரை­யி­லான உண்­ணா­வி­ரதப் போராட்டம் நடை­பெற்று வரு­கின்­றது. 

அதன் மூன்றாம் நாளா­கிய கடந்த புதன்­கி­ழமை  உண்ணாவிரதத்தில் ஈடு­பட்­டுள்­ள­வர்­களைப் பார்­வை­யிட்­ட­பின்னர் ஊட­கங்­க­ளுக்கு கருத்து தெரி­விக்கும் போதே அவர் இவ்­வாறு தெரி­வித்தார்.

அவர் அங்கு தொடர்ந்தும் கருத்துத் தெரி­விக்­கையில்

1993.07.28 ஆம் திகதி அன்று நாட­ளா­விய ரீதியில் அமை­யப்­பெற்ற 29 உப பிர­தேச செய­ல­கங்­களில் 28 பிர­தேச செய­ல­கங்கள் தர­மு­யர்த்­தப்­பட்­டி­ருக்க  ஏன் கல்­முனை வடக்கு பிர­தேச செய­லகம் மாத்­திரம் தர­மு­யர்த்­தப்­ப­டாமல் இருக்­கின்­றது என்ற கேள்வி எங்­க­ளுக்குள் எழு­கின்­றது. 

கடந்த மூன்று தசாப்தம் தாண்­டிய காலத்தில் எந்த அர­சாங்கம் வந்­தாலும் அந்த அர­சாங்­கத்­தோடு இணைந்து கொண்டு கிழக்கு மாகா­ணத்தில் தமி­ழர்­களின் இருப்பை கேள்­விக்­குள்­ளாக்­கு­கின்ற விதத்­திலே  இந்த மாகா­ணத்தை தங்­களின் மாகா­ண­மாக மாற்ற முற்­ப­டு­கின்ற செயற்­றிட்டம் இந்த மண்­ணிலே சகோ­தர இன அர­சி­யல்­வா­தி­களால் அரங்­கேறிக் கொண்டு இருக்­கின்­றது. 

இதனைக் கடந்த காலத்தில் இருந்­த­வர்கள் வாய்­பொத்தி கைகட்டி பார்த்து கொண்டு இருந்­தி­ருக்­கலாம்.

 நாம் அவ்­வாறு இருப்­ப­தற்கு தயா­ரில்­லை­யென கூறிக்கொள்ள விரும்­பு­கின்றேன்.

கிழக்கு மாகா­ணத்­திலே 58.9 வீத­மாக இருந்த தமி­ழர்கள் 38.7 வீதத்­துக்கு தள்­ளப்­பட்­டுள்­ளனர். நல்­லி­ணக்க அர­சி­யலில் கிழக்கு தமி­ழ­ரு­டைய இருப்பை கேள்­விக்­குள்­ளாக்­கு­கின்ற நிலமை கிழக்கு மாகா­ணத்­திலே நாளுக்கு நாள் நடை­பெற்றுக் கொண்டிருக்­கின்­றது. 

அம்­பாறை மாவட்­டத்­தில் இருக்­கின்ற ஒட்­டு­மொத்த தமிழ் மக்­களின் நில­வ­ளத்தை சூறை­யாடி இருப்பை கேள்­விக்­குள்­ளாக்­கு­கின்ற செயற்­றிட்­டங்­களில் ஒன்றாகவே இவ்விடயத்தை பார்க்கின்றேன். 1996 ஆம் ஆண்டில் இருந்து மூன்று தசாப்த கால­மாக இந்த பிர­தேச செய­லகம் தர­மு­யர்த்தப்படாமல் இருப்­ப­தற்கு அதுவே காரணமாகும்.

16 கிராம சேவகர் பிரி­வு­களைக் கொண்டு அமைச்சர் ஒருவர் ஓட்­ட­மா­வ­டி­யில் இரண்டு பிர­தேச செய­ல­கங்­களை அமைத்­துள்ளார். ஏறாவூர் நக­ரில் 15 கிராம சேவகர் பிரி­வுக்கு ஒரு பிர­தேச செய­லகம் அமைக்­கப்­பட்­டுள்­ளது.

 இலங்­கை­யில் எங்­கு­மில்­லா­த­படி காத்­தான்­குடி ஓட்­ட­மா­வ­டி­யையும் இணைத்து நிலத்­தொ­டர்­பற்ற தனி கல்வி வலயம் அமைக்கப்பட்டுள்ளது. 

அது­மாத்­தி­ர­மின்றி முன்னாள் ஆளுநர் காத்­தான்­கு­டியில் 22 பாட­சா­லை­களைக் கொண்டு தனி­யான கல்வி வலயம் அமைப்­ப­தற்கும் நட­வ­டிக்கை எடுத்­துள்ளார். இவ்­வாறு தங்­க­ளுக்கு ஏற்ற விதத்­தில் அர­சாங்­கங்­களை பயன்­ப­டுத்தி  தமிழ் மக்­களைப் புறந்­தள்­ளு­கின்ற இவ்­வா­றான செயற்பாடுகளை நாங்கள் இனிமேலும் பார்த்துக்கொண்டு பொறுமையாக இருக்கமுடியாது. 

இதற்கு இனியொருபோதும் இந்த கிழக்கு மண்ணிலே இடமளிக்க மாட்டோம். முப்பது வருடகாலம் போராடிய தமிழ் இனத்திற்கு போராட்டம் என்பது புதிதான விடயமல்ல என்பதனையும் இவ்விடத்தில் நான் கூறிவைக்க விரும்புகின்றேன் என்றும்   தெரிவித்தார்.

 

https://www.virakesari.lk/article/58813

Share this post


Link to post
Share on other sites

ஒரு மாதத்தில் கல்முனையை தரமுயர்த்துவாராம் ஞானசாரர்: போராட்டம் முடிக்கப்படுகிறது!

June 22, 2019
 
 

கல்முனை வடக்கு பிரதேசசெயலகத்தை தரமுயர்த்த ஒரு மாதத்தில் நடவடிக்கையெடுப்பதாக ஞானசேரர் வழங்கிய வாக்குறுதியையடுத்து, கல்முனை போராட்டம் இன்று மதியம் 1 மணிக்கு முடித்து வைக்கப்படுமென்பதை தமிழ்பக்கம் நம்பகரமாக அறிந்தது.

இன்று மதியம் 1 மணிக்கு முறைப்படி போராட்டம் முடித்து வைக்கப்படுகிறது.

கல்முனையை தரமுயர்த்துமாறு கோரி நடத்தப்படும் போராட்டம் இன்றுடன் 6வது நாளை எட்டியுள்ளது. நேற்று அரசியல் பிரமுகர்கள் போராட்டக்களத்திற்கு சென்றிருந்தனர். அப்பொழுது முன்கூட்டியே திட்டமிட்ட அடிப்படையில் செயற்பட்டு, அவர்கள் மீது எதிர்ப்பு தெரிவிக்கப்பட்டிருந்தது.

இந்தநிலையில் இன்று அங்கு சென்ற ஞானசார தேரருடன் பேச்சு நடந்து வருகிறது.

போராட்டத்தை கைவிடும்படியும், தான் கல்முனையை தரமுயர்த்த நடவடிக்கை எடுப்பதாகவும் ஞானசார தேரர் கூறினார். 7 நாள் அவகாசம் தருவதாக போராட்டக்காரர்கள் குறிப்பிட்டனர்.

“என்னால் 5 நாளிலும் கல்முனையை தரமுயர்த்தி தர முடியும். ஆனால் விளைவுகள் மோசமாக இருக்கும். நிதானமாக இந்த நடவடிக்கையை செயற்படுத்த எனக்கு ஒரு மாதம் அவகாசம் தாருங்கள். அதற்குள் கல்முனையை நான் தரமுயர்த்தி தருவேன்“ என ஞானசாரர் தெரிவித்தார். இந்த பேச்சுக்கள் தற்போது நடந்து வருகிறது.

எனினும், இன்று மதியம் 1 மணிக்கு போராட்டத்தை ஞர்னசாரர் முடிப்பதென்றும், அவர் தரமுயர்த்தும் நடவடிக்கையை பொறுப்பேற்பார் என அறிவிப்பதென்றும் முடிவாகியுள்ளது.

நேற்று அரச, தமிழ் தேசிய கூட்டமைப்பு பிரதிநிதிகளின் 3 மாத அவகாசத்தை ஏற்காத போராட்டக்குழு, இன்று ஒரு மாத அவகாசம் கோரும் மததத்தலைவரின் பேச்சை ஏற்றுள்ளமை குறிப்பிடத்தக்கது.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • என்வாழ்வில் புதுப்பாதை கண்டேன் ....!   😁
    • கன்னியா: சிவபுராணம் எதிர் இராணுவம்? நிலாந்தன்.. July 21, 2019   கன்னியா வெந்நீரூற்றில் தமது மரபுரிமைச் சொத்தைக் காப்பாற்றுவதற்காக சுமார் இரண்டாயிரம் மக்கள் திரண்டிருக்கிறார்கள். கடந்த செவ்வாய்க்கிழமை தென்கயிலை ஆதீனமும், கன்னியா மரபுரிமை அமைப்பும் மேற்படி திரட்சியை ஒழுங்குபடுத்தியிருந்தன. ஒரு வழிபாடாக தேவாரங்களைப் பாடிக்கொண்டு கன்னியாப் பிரதேசத்திற்குச் செல்வது இத்திரட்சியின் நோக்கமாகும். முகநூலில் விடுக்கப்பட்ட அழைப்பு மற்றும் கைபேசிச் செயலிகளின் வலையமைப்பு போன்றவற்றிற்கூடாக மக்கள் திரட்டப்பட்டிருக்கிறார்கள். தமிழ்த்தேசிய மக்கள் முன்னணி, தமிழ்த்தேசியக் கூட்டமைப்பு, தமிழ் மக்கள் கூட்டணி ஆகிய மூன்று கட்சிகளின் பிரதிநிதிகளும் அங்கே காணப்பட்டார்கள். கூட்டமைப்பில் இரண்டு நாடாளுமன்ற உறுப்பினர்களும், மக்கள் முன்னணியின் தலைவரும் பிரதானிகளும் உட்பட தொகையான அரசியற் செயற்பாட்டாளர்களும் அங்கே காணப்பட்டார்கள். எனினும் கூட்டமைப்பின் திருமலை மாவட்ட பிரதானிகளை அங்கே காண முடியவில்லை. 2009ற்குப் பின் தமிழ் பகுதிகளில் நடந்து வரும் பெரும்பாலான போராட்டங்களைப் போலவே இப்போராட்டத்திலும் மக்கள் முன்சென்றார்கள். தென்கயிலை ஆதீனத்தின் குரு முதல்வர் இத்திரட்சிக்குத் தலைமை தாங்கினார். 2009ற்குப் பின் தமிழ் அரசியற்பரப்பில் துருத்திக்கொண்டு மேலெழுந்த ஒரு சமயப் பெரியார் அவர். யாழ்ப்பாணத்தைப் பூர்வீகமாகக் கொண்ட ஒர் ஓய்வுபெற்ற சங்கீத ஆசிரியர். கட்டையான தோற்றம். ஆனால் சுறுசுறுப்பானவர். தமிழ் பகுதிகளில் காணப்படும் ஏனைய ஆச்சிரமங்கள், ஆதீனங்களோடு ஒப்பிடுகையில் வளம் குறைந்த ஓர் ஆதீனம் அது. சில மாதங்களுக்கு முன்பு முள்ளிவாய்க்காலில் மே பதினெட்டை எப்படி நினைவு கூர்வது என்ற கூட்டத்தில் கலந்து கொள்வதற்கு மேற்படி குருமுதல்வர் தனது உதவியாளரோடு திருகோணமலையிலிருந்து முல்லைத்தீவிற்கு மோட்டார் சைக்கிளில் வந்திருந்தார். அண்மைக் காலங்களில் தமிழ் பகுதிகளில் நடக்கும் போராட்டங்களில் அடிக்கடி காணப்படும் ஒருவராக அவர் துருத்திக்கொண்டு தெரிகிறார். ஏற்கெனவே ஈழத்தமிழர்கள் மத்தியில் ஸ்தாபிதமாக இருக்கும் பல ஆதீனங்கள் ஆன்மீகப் பணிகளுக்குமப்பால் அகலக்கால் வைப்பதில்லை. பொது வைபவங்களிலும் சில சமயங்களில் அரசியல் நிகழ்வுகளிலும் தோன்றி ஆசியுரை வழங்குவதோடு சரி. ஆனால் அண்மைக்காலங்களாக விதி விலக்காக யாழ்ப்பாணம் சின்மயா மிஷனைச் சேர்ந்த ஒரு துறவியும் தென்கையிலை ஆதீனக் குருமுதல்வரும் அரசியல் நிகழ்வுகளிலும் குறிப்பாகப் பொதுமக்கள் போராட்டங்களிலும் அதிகமாகக் கலந்து கொள்கிறார்கள். துணிச்சலாகவும், கூர்மையாகவும் கருத்துக்களை முன்வைக்கிறார்கள். பொதுவாகத் தமிழ் அரசியல் பரப்பில் கிறிஸ்தவ மதகுருக்களே அதிகம் காணப்படுவதுண்டு. எனினும் ஆயுதப் போராட்டத்தில் பெருமளவு இந்து மதகுருக்கள் இணைந்திருக்கிறார்கள். கிறிஸ்தவ சமய மரபில் மதகுருவே போதகராகவும் சமூகச்சிற்பியாகவும் தொழிற்படுவார். இந்து சமயத்தில் பூசகர் வேறு பிரசங்கி வேறு ஆதீனம் வேறு என்ற ஒரு வலுவேறாக்கம் உண்டு. அரிதான சில புறநடைகள் தவிர பூசகர்கள் பூசையோடு நின்று விடுவார்கள். ஆதீன முதல்வர்கள் ஆன்மீகத்தோடு நின்றுவிடுவார்கள். இவ்வாறானதோர் சமூக சமய அரசியல் பாரம்பரியத்தில் 2009ற்குப் பின் ஒரு தனிக் குரலாகச் சன்னமாக ஒலித்தவர் முன்னாள் மன்னார் ஆயர் ராயப்பு ஜோசப் ஆவார். அக் காலக்கடத்தில் அவருக்கு நிகராக வேறெந்த மதத்தலைவரும் குரல்கொடுத்ததில்லை. இப்போதிருக்கும் திருமலை ஆயரும் செயல்களில் தீவிரமானவர். முன்னாள் மன்னார் ஆயரைப் போல வெளிப்படையாக அரசியலைக் கதையாதவர். ஆனால் பாதிக்கப்பட்ட மக்களுக்கு துணிச்சலாக வழிகாட்டும் ஒருவர். திருமலை கத்தோலிக்க ஆதீனத்திற்கு அப்படியொரு ஆயர் கிடைத்திருக்கும் ஓர் அரசியற் சூழலில் இந்து மதப்பரப்பில் யாழ்ப்பாணம் சின்மயா மிஷனைச் சேர்ந்த ஒரு துறவியும் திருமலை தென்கயிலை ஆதீன முதல்வரும் துணிச்சலாக துருத்திக்கொண்டு மேலெழுகிறார்கள். கடந்த செவ்வாய்க்கிழமை நடந்த ஆர்ப்பாட்டத்தில் ஆதீனத்தின் குரு முதல்வர் அவமதிக்கப்பட்டிருக்கிறார். தேவாரம் பாடிக்கொண்டு சென்ற மக்களை பொலிசும் படைத்தரப்பும் ஆயுதங்களோடு மறித்திருக்கின்றன. தேவாரங்களை மட்டும் ஆயுதங்களாகக் கொண்டு தமது வழிபாட்டு உரிமையைக் கேட்டு அங்கு திரண்ட மக்களை ஆயுதம் தாங்கிய நூற்றுக்கணக்கான பொலிசாரும், படை வீரர்களும் எதிர்கொண்டிருக்கிறார்கள். தமிழர்கள் உதிரியாகக் கன் னியாவுக்குச் செல்வதை யாரும் தடுப்பதில்லை. ஆனால் ஒரு திரளாகத் தமது மரபுரிமையைக் கேட்டுச் செல்லும் போதே தடுக்கப்பட்டிருக்கிறார்கள். 2009ற்குப் பின் திருமலையில் இப்படியாக மக்கள் திரண்டது ஓர் அசாதாரணம். அந்த மக்களை அடக்க பெருந்தொகை இராணுவமும் பொலிசும் திரண்டதும் ஓர் அசாதாரணம். குறிப்பாகப் படை வீரர்கள் முகங்களை கறுப்புத்துணியால் மூடிக்கொண்டு காணப்பட்டார்கள். தேவாராத்தோடு வந்த தமிழ் மக்களை அரசாங்கம் தனது அனைத்து உபகரணங்களோடும் எதிர்கொண்டது. பொலிசும் படைத்தரப்பும் மட்டுமல்ல நீதிமன்றமும் அந்த மக்களுக்கு தடையுத்தரவு பிறப்பித்தது. அந்த மக்கள் தமது மரபுரிமைச் சொத்தைக் வழிபடுவதற்கு அனுமதிக்கப்படவில்லை. தடையுத்தரவைக் காட்டி மக்கள் திரட்சியைத் தடுத்த பொலிசார் முடிவில் ஆதீன முதல்வரையும் கன்னியாப் பிள்ளையார் கோவில் அமைந்திருக்கும் காணிக்குச் சொந்தக்காரரான மூதாட்டியையும் உள்ளே செல்ல அனுமதித்திருக்கிறார்கள். உள்ளே சென்ற இருவர் மீதும் அரசாங்கத்தின் மற்றொரு உபகரணமான காடையர்கள் சூடான எச்சில் தேநீரை முகத்தில் ஊற்றி அவமதித்திருக்கிறார்கள். தென்கயிலை ஆதீன முதல்வரின் மீது வீசப்பட்ட எச்சில் தேநீர் முழுத் தமிழ் மக்கள் மீதும் வீசப்பட்ட ஒன்றுதான். தமது மரபுரிமைச் சொத்துக்களைப் பாதுகாக்கச் சென்ற ஒரு சிறிய மக்கள் கூட்டத்தின் மீது வீசப்பட்ட எச்சில் தேநீர்தான். தமது வழிபாட்டு உரிமையைக் கேட்டுச்சென்ற ஒரு மக்கள் கூட்டத்தின்மீது வீசப்பட்ட எச்சில் தேநீர்தான். தேவாரங்களோடு வந்த ஒரு மக்களை ஓர் அரச எந்திரம் இப்படியாக எதிர்கொண்டிருக்கிறது. ஆதீன முதல்வர் ஒரு அரசியற் செயற்பாட்டாளரல்ல. முதலாவதாக அவர் ஒரு சமயப் பெரியார். ஓர் அரசியல் செயற்பாட்டாளரின் நோக்கு நிலையிலிருந்து சிந்தித்திருந்தால் அவர்களை நம்பி அங்கே திரண்ட கிட்டத்தட்ட 2000 பொதுமக்களுக்கு மறுக்கப்பட்ட அனுமதி தங்களுக்கும் வேண்டாம் என்று மறுத்திருந்திருக்க வேண்டும். மாறாக இரண்டு பேர் மட்டும் அந்த அனுமதியைப் பெற்றுக்கொண்டு சென்று அவமதிக்கப்பட்டிருக்கிறார்கள். எனினும் அந்த அவமதிப்பு அப்போராட்டத்தை உணர்ச்சிகரமாகத் திருப்பியிருக்கிறது. நிலமை மிகவும் கொதிப்பாகக் காணப்பட்டது. ஆனால் அவ்வுணர்ச்சிகரமான சூழலை வெற்றிகரமாகக் கையாண்டு அதன் அடுத்த கட்டத்திற்குத் தலைமை தாங்க அங்கே யாரும் இருக்கவில்லை. கடந்த பத்தாண்டுகளாக தமிழ்ப் பகுதிகளில் நடந்து வரும் பெரும்பாலான மக்கள் மையப் போராட்டங்களில் காணப்படும் அதே பலவீனம் இங்கேயும் வெளிப்பட்டிருக்கிறது. போராட்டத்தின் முடிவில் தென்கயிலை ஆதீனம் வெளியிட்டிருக்கும் அறிக்கையில் அது மிகச் சரியாகவே கூறப்பட்டிருக்கிறது. ஆதீன முதல்வர் அவமதிக்கப்பட்டதற்கு எதிராக பொலிசில் முறைப்பாடு செய்யுமாறு அங்கிருந்த பொலிஸ் அதிகாரிகள் கூறியிருக்கிறார்கள். அடிப்படை உரிமைகளில் ஒன்றாகிய வழிபாட்டுரிமை தடுக்கப்பட்டமை குறித்து மனித உரிமைகள் ஆணையக்குழுவில் சில முறைப்பாடுகளும் செய்யப்பட்டுள்ளன. இவற்றோடு கன்னியாவிலிருப்பது தமிழ் மரபுரிமைச் சொத்தே என்பதனை சான்றாதாரங்களோடு நிரூபித்துச் சட்டப்படி அதற்கொரு தீர்வைப் பெறுவதற்கும் சில தரப்புக்கள் முயல்வதாகத் தெரிகிறது. ஆனால் அது ஒரு சட்ட விவகாரம் மட்டுமல்ல. அடிப்படை உரிமைகள் விவகாரம் மட்டுமல்ல. அதைவிட ஆழமாக அது ஓர் அரசியல் விவகாரம். அதை அரசியற் தளத்திலேயே அணுக வேண்டும். அரசியல்வாதிகளும் அரசியல் இயக்கங்களும், அரசியற் செயற்பாட்டாளர்களும் அதற்குத் தலைமை தாங்க வேண்டும். சமயப் பெரியார்களும், சமூக அமைப்புக்களும் அவர்கள் பின் திரள வேண்டும்.இது போன்ற போராட்டங்களை சமய அமைப்புகள் எதுவரை முன்னெடுக்கலாம்? சில மாதங்களுக்கு முன் டாண் ரிவியின் சாதனை விருது வழங்கும் நிகழ்ச்சியில் கலந்து கொண்ட போது என்னருகில் மூத்த நிர்வாக சேவை அதிகாரி ஒருவர் இருந்தார். அவர் ஒரு கிறிஸ்தவர். இம்முறை அவ்விருது ஆறு திருமுருகனுக்கு வழங்கப்பட்டது. என்னருகில் இருந்த அதிகாரி சொன்னார் ‘நாவற்குழியில் திட்டமிட்டு உருவாக்கப்பட்ட குடியேற்றம் அதையொட்டிக் கட்டப்பட்டுவரும் விகாரை என்பவற்றின் பின்னணியில் ஆறு திருமுருகனின் திருவாசக அரண்மனைக்கு ஒரு முக்கியத்துவம் உண்டு’ என்று அதாவது, நாவற்குழியில் சிங்கள பௌத்த மயமாதலுக்கு எதிரான மதப்பல்வகைமையை திருவாசக அரண்மணை கட்டியெழுப்பபுகிறது என்ற பொருளில். ஆனால் சிங்கள பௌத்த மயமாதலுக்கு எதிராக சைவசமயத்தை முன்னிறுத்துவது ஒர் இறுதித் தீர்வல்ல. பௌத்த மதத்தின் பலவர்ணக் கொடிகளுக்கு மாற்றாக நந்திக்கொடியை உயர்த்திப் பிடிப்பதும் ஒர் இறுதித் தீர்வல்ல. இது முதலாவதாக ஒரு மதப்பிரச்சினையல்ல. இது முதலாவதாகவும் இறுதியானதாகவும் ஓர் அரசியற் பிரச்சினை. இங்கு மதம் ஆக்கிரமிப்பின் ஒரு கருவி. தேசியம் எனப்படுவது ஒரு நவீன சிந்தனை. அது பல்வகைமைகளின் திரட்சி. தமிழ்த்தேசியம் மதப் பல்வகைமைiயின் மீதே கட்டியெழுப்பப்படவேண்டும். மதம் ஆக்கிரமிப்பின் கருவியாக வரும் போது அதை அரசியல்த்தளத்திலேயே எதிர் கொள்ள வேண்டும். அதன் அரசியல் அடர்த்தியை மத விவகாரமாகக் குறுக்கவும் கூடாது குறைக்கவும் கூடாது. புத்தர் சிலைகளை அவர்கள் எல்லைக் கற்களாக முன்ந்கர்த்தும் போது தமிழர்கள் அதற்கு எதிராக சிவலிங்கத்தை முன் நகர்த்தக் கூடாது. ஏனெனில் சிங்கள பௌத்த பெருந் தேசியவாதம் தமிழ்த் தேசியத்திற்கு ஆசிரியர் இல்லை. ஒரு மதத்தின் சின்னங்களுக்கு எதிராக அல்லது மாற்றாக இன்னொரு மதத்தின் சின்னங்களை முன்னிறுத்தும் போது அது தேசியவாத அரசியலுக்கு எதிராகத் திரும்பாமற் பார்த்துக் கொள்ள வேண்டும். கொடிகளும் சின்னங்களும் உணர்ச்சிகரமாகச் சனங்களைத் திரட்டும். ஆனால் அத்திரளாக்கம் சிலசமயம் தேசியத்தை உடைக்கும். சில சமயம் அடிப்படைவாதிகளின் வழிகளை இலகுவாக்கிக் கொடுத்துவிடும். ஏற்கெனவே தமிழில் இந்து அடிப்படைவாதிகள் மெல்ல மேலெழத் தொடங்கி பார்க்கிறார்கள். எனவே கன்னியா விவகாரத்தை ஓர் அரசியல் விவகாரமாக முன்னெடுக்கவல்ல தரப்புக்கள் ஒன்று திரள வேண்டும். அதை கூட்டமைப்பிற்கு எதிரான ஒரு களமாகப் பயன்படுத்த விளையும் கட்சிகளும் சரி ஏனைய செயற்பாட்டாளர்களும் சரி அதை ஒரு கூட்டுப் பொறிமுறைக்கூடாக முன்னெடுக்க வேண்டும். அதற்கொரு ஒட்டுமொத்த அரசியற் தரிசனமும் வழிவரைபடமும் கொண்ட ஒரு மக்கள் இயக்கம் வேண்டும். இப்பொழுது கன்னியாவைப் பற்றியும் செம்மலை நீராவியடியைப் பற்றியும் கட்டுரை எழுதும் நாங்கள் சில மாதங்களுக்கு முன்பு காணாமல் ஆக்கப்பட்டவர்களைப் பற்றியும் கேப்பாபிலவைப் பற்றியும் கட்டுரைகளை எழுதிக்கொண்டிருந்தோம். இடைக்கிடை அரசியற் கைதிகளுக்காகவும் கட்டுரை எழுதினோம். இப்பொழுதும் ஓர் அரசியற் கைதி சாகும்வரை உண்ணாவிரதமிருக்கிறார். இதில் எந்தவொரு விடயத்திலும் முழுத் தீர்வு கிடைக்கவில்லை. முடிவுறாத முன்னைய போராட்டத்தை புதிதாக எழும் ஒரு புதிய போராட்டம் பின்தள்ளிவிடுகிறது. நாளை இந்தப் போராட்டமும் ஒரு பழைய போராட்டமாகிவிடும். வேறொரு புதிய போராட்டம் அல்லது வேறொரு புதிய விவகாரம் முன்னுக்கு வந்துவிடும். இப்போராட்டங்கள் யாவும் உதிரியானவையல்ல. 2009ற்குப் பின்னரான ஓர் ஒட்டுமொத்த யுத்த வியூகத்தின் பகுதிகளே இவை. ஒரு போராட்டத்திற்குத் தீர்வு கிடைக்காமலேயே இன்னொரு போராட்டத்திற்குத் தாவுவது என்பது தற்செயலானது அல்ல. தமிழ் மக்களின் கவனத்தை திட்டமிட்டே சிதறடிக்கிறார்கள். எனவே உதிரி உதிரியாகப் போராடாமல் ஓர் ஒட்டுமொத்த யுத்த வியூகத்தை எதிர்கொள்ள முதலில் ஒட்டுமொத்த தற்காப்புக் கவசத்தையும் அதைத்தொடர்ந்து ஒட்டுமொத்த கூட்டு எதிர்ப் பொறிமுறையையும் தமிழ் மக்கள் கண்டுபிடிக்க வேண்டும்.   http://globaltamilnews.net/2019/127003/
    • பெர்லின் மெற்ரோவுக்கு  அருகில் இருக்கும் ஒரு பிரசித்தமான  தெருவோர கடையில்  மதிய உணவு.......!  👍
    • “எனது கணவர் திருகோணமலை அரசியல்துறை பொறுப்பாளராக இருந்தபடியால், எனக்கும் கிழக்குக்கும் ஒரு தொடர்பு இருக்கிறது” July 21, 2019   பாறுக் ஷிஹான் “கூட்டமைப்பு கிழக்கு மாகாணத்தில் சரியான பாதையில் செல்ல வேண்டும் தற்போது கூட்டமைப்பின் பாதை ஒழுங்கீனமானது. எனது கணவர் திருகோணமலை அரசியல்துறை பொறுப்பாளராக இருந்தபடியால் எனக்கும் கிழக்குக்கும் ஒரு தொடர்பு இருக்கிறது எனவே மக்களை பாதுகாக்கவே நாம் கிழக்கு மாகாணத்திற்கு அடிக்கடி பயணம் செய்கிறோம்” என முன்னாள் வட மாகாண அமைச்சரும் ஈழத் தமிழர் சுயாட்சிக் கழகத்தில் செயலாளர் நாயகமுமான அனந்தி சசிதரன் தெரிவித்தார். கல்முனையில் சனிக்கிழமை (20) மாலை 4 மணியளவில் ஊடக சந்திப்பொன்றில் கலந்து கொண்டு மேற்கண்டவாறு தனது கருத்தை கூறினார். வட மாகாண அரசியல் தலைமைகள் ஏன் அண்மைக்காலமாக அம்பாறை மாவட்டத்தை குறிவைத்து செயல்படுகின்றனர் இது அம்பாரை மாவட்டத்திற்கு கிடைக்கின்ற ஒரே ஒரு தமிழ் பிரதிநிதித்துவத்தை சிதைப்பதற்காகவா என ஊடகவியலாளர்கள் எழுப்பிய கேள்விகளுக்கு பதிலளித்த அவர் “நாங்கள் கூட்டமைப்பை சிதைப்பதற்காக கிழக்கில் களமிறங்கவில்லை கூட்டமைப்பு சரியான பாதையில் பயணிக்க வேண்டும் என்பதற்காக அழுத்தத்தை கொடுப்பதற்காகவே கிழக்கிற்கு விஜயம் செய்கின்றோமே தவிர வாக்குகளை சிதைப்பதற்காகவல்ல.நாங்கள் வடக்கிலே ஸ்திரமான நிலையில் எமது கட்சி காலூன்றாத நிலையில் கிழக்கில் அரசியல் செய்வது நமது நோக்கமல்ல. கூட்டமைப்பின் தலைமை உள்ள கிழக்கு மாகாணத்தில் பல இடங்கள் பறிபோயுள்ளது இவற்றைக் கூட கூட்டமைப்பு சரிவர செய்யவில்லை இதன் நிமித்தமே நாங்கள் வடக்கு கிழக்கு என்ற பாராமல் தமிழர்கள் என்ற நோக்கிலே குரல் கொடுப்பதற்காக வருகின்றோம்.கிழக்கில் உள்ள மக்கள் தங்களுக்கான சரியான தலைமைகளை தேர்ந்தெடுக்க வேண்டிய கட்டாயத்தில் இருக்கின்றார்கள் நாங்கள் ஒரு போதும் வடக்கிலிருந்து வந்து கிழக்கிலே தேர்தலில் இறங்கப் போவதில்லை. விடுதலைப் போராட்டத்தில் கூட பலவற்றை இழந்து இருக்கிறார்கள் வடக்கில் நிலைமை வேறு கிழக்கின் நிலைமை வேறு காலத்திற்கு காலம் பல்வேறுபட்ட நெருக்கடிகளை கிழக்கு மக்கள் அனுபவித்து வருகிறார்கள் . எனது கணவர் திருகோணமலை அரசியல்துறை பொறுப்பாளராக இருந்தபடியால் எனக்கும் கிழக்குக்கும் ஒரு தொடர்பு இருக்கிறது. யாருக்கும் அஞ்சி வடக்கு வேறு கிழக்கு வேறு என வேறுபடுத்த தயாரில்லை. காணாமல் ஆக்கப்பட்டோர் சார்பாக சரிவர குரல் கொடுக்கவில்லை என காணாமல் ஆக்கப்பட்டோர் சங்கத்தினர் உங்களை பலர் விமர்சிக்கின்றனர் இது குறித்து உங்களுடைய கருத்து என்ன? 2014 மார்ச்சில் இருந்து வெறும் அறிக்கை மாத்திரம் அல்ல அவர்களுடைய சரியான விவரங்கள் வரை ஐநா சபைக்கு வழங்கியுள்ளேன். காணாமல் ஆக்கப்பட்டோர் சம்பந்தமாக நான் காத்திரமாக செயற்பட்டு வருகிறேன் . இன்று வடக்கு கிழக்கு மாகாணங்களில் காணாமல் ஆக்கப்பட்டோர் சம்பந்தமான விடயங்களில் யாரோ ஒருவரது நிகழ்ச்சி நிரலின் கீழ் போய்க் கொண்டு இருக்கிறார்கள். எனவே இதனை பெரிய விடயங்களாக பார்க்காமல் எம்மால் முடிந்ததை செயற்படுத்துவது எமது நோக்கம்” என தெரிவித்தார்.   http://globaltamilnews.net/2019/127034/
    • மன்னார் பாலியாற்றில் தொடர்ச்சியாக மணல் அகழ்வு -அணைக்கட்டு இடிந்து விழும் நிலையில் July 21, 2019   மன்னார் – பாலியாற்று அணைக்கட்டுப் பகுதியில் இரவு பகலாக தொடர்ச்சியாக மணல் மண் அகழ்வு செய்யப்பட்டு வெளியிடங்களுக்கு விற்பனைக்காக கொண்டு செல்லப்படுகிறது. இதனால் அடம்பன் குளம் , பெரிய வெள்ளாங்குளம் , முள்ளிக்குளம் , உயிலங்குளம் , போன்ற பகுதிகளில் உள்ள 800 ஏக்கர் விவசாய நிலங்கள் பாதிப்படையும் நிலை ஏற்பட்டுள்ளதாகவும், இவ்விடயம் தொடர்பாக அனைத்து தரப்பினருக்கும் தெரியப்படுத்தியும் எந்த விதமான நடவடிக்கைகளும் மேற்கொள்ளப்படவில்லை. எனவே வடக்கு மாகாண ஆளுநர் இவ்விடையத்தில் தலையிட்டு பாலியாற்று மணல் அகழ்வை தடுத்து நிறுத்த வேண்டும் என அப்பகுதி விவசாய அமைப்பினர் தெரிவித்துள்ளனர். -இவ்விடயம் தொடர்பாக மேலும் தெரிய வருகையில்,,, பாலியாற்று அணைக்கட்டானது 1978 ஆம் ஆண்டு கட்டி முடிக்கப்பட்டு அது சேதமடைந்த பின் 2012ஆம் ஆண்டு புதிதாக கட்டப்பட்டது. இந்த அணைக்கட்டு ஊடாக அடம்பன் குளம் , பெரிய வெள்ளாங்குளம் , உயிலங்குளம் , போன்ற பகுதிகளில் உள்ள பெரிய ,சிரிய நீர்ப்பாச குளங்களினூடாக சுமார் 800 ஏக்கர் விவசாய நிலங்கள் பயிரிடப்படுகின்றது. அணைக்கட்டுகளின் அருகில் ஒரு நாளைக்கு 150 டிப்பருக்கும் அதிகமாக மணல்கள் எடுக்கப்படுகிறது.நீர் ஊற்று வரும் வகையில் மணல் அகழ்வு செய்யப்படுவதுடன் உழவு இயந்திரங்கள் மூலமாக இரும்புத்தகடுகளை பொருத்தி ஆற்றுக்குள் இருந்து மணல்களை கரைக்கு வழித்துக்கொண்டு செல்கின்றனர். இதனால் கரையோரங்களில் உள்ள பெரிய மரங்கள் பல விழுந்துள்ளதுடன் அணைக்கட்டுப் பகுதிகளும் மணல் அரிப்பினால் விழும் நிலையில் உள்ளது. அப்படி இந்த அணைக்கட்டு சேதப்பட்டு உடையுமானால் உடனடியாக எவரும் சீரமைத்துத் தருவதற்கு முன்வர மாட்டார்கள். இதனால் விவசாயத்தை வாழ்வாதாரமாக கொண்டு வாழும் ஆயிரக்கணக்கான குடும்பங்களும் 800 ஏக்கருக்கும் அதிகமான விவசாய நிலங்களும் பாதீப்படையும்.இந்த அணைக்கட்டில் நீர் தேங்கி இருப்பதனால் கிராமங்களில் உள்ள வீட்டுக் கிணறுகளில் குடி நீர் தட்டுப்பாடு ஏற்பட்டதில்லை. இதன் மூலம் மேட்டு நில பயிர்ச் செய்கையும் பாரிய அளவில் மேற் கொள்ளப்பட்டு வருகிறது. இந்த மணல் அகழ்வை தடுத்து நிறுத்தாவிட்டால் இன்னும் இரண்டு வருடங்களில் அணைக்கட்டு முற்றாக அழிந்து விடும் அபாயம் உள்ளது.பாலியாற்று மணல் அகழ்வு தொடர்பாக அனைத்து அரச அதிகாரிகளுக்கும் பல வருடங்களாக தெரியப்படுத்தியும் எந்த ஒரு நடவடிக்கையும் எடுக்கவில்லை. -எனவே வடக்கு மாகாண ஆளுநர் தலையிட்டு பாலியாற்று மணல் அகழ்வினை தடுத்து நிறுத்தி எமது ஆற்று நீர் வளங்களையும் மக்களின் வாழ்வாதாரத்தினையும் பாதுகாக்க உதவுமாறு அப்பகுதி விவசாய அமைப்புகள் வேண்டுகோள் ஒன்றை விடுத்துள்ளமை குறிப்பிடத்தக்கது.  #மன்னார்  #பாலியாற்றில் #மணல் அகழ்வு #அணைக்கட்டு #இடிந்து   http://globaltamilnews.net/2019/127020/