Jump to content

இந்த மனித உடல்கள் திறந்த வெளியில் அழுகும் நிலையில் இருப்பது ஏன்?


Recommended Posts

  • கருத்துக்கள உறவுகள்
கார்லோஸ் செர்ரானோ பிபிசி

எச்சரிக்கை: இந்த கட்டுரையிலுள்ள தகவல்கள் சிலர் மனதை வருத்தமடைய வைக்கலாம்.

 

செழிப்பாக வளர்ந்துள்ள ஒரு புல்வெளி. தூரத்திலிருந்து பார்க்கும்போது, நடைபயிற்சி செய்ய ஏற்ற இடம் போல இது காட்சியளிக்கிறது. ஆனால், இந்த புல்வெளியின் சில பகுதிகளில் மட்டும், புற்கள் மிக செழிப்பாக வளர்ந்துள்ளதை காண முடிந்தது. இந்த குறிப்பிட்ட பகுதிகளெல்லாம், பல வாரங்களாக சிதைந்த மனித உடல்களை உரமாகக் கொண்டு செழிப்பாக வளர்ந்துள்ளன.

அந்தப் பகுதிக்குள் உள்ளிறங்கி நடக்கும்போது, மரணத்தின் வாசம் மிகவும் அதிகமாக தெரிவதால், நம்மை கண்ணீர் சிந்த வைக்கிறது.

எச்சரிக்கை: இந்த கட்டுரையிலுள்ள தகவல்கள் சிலர் மனதை வருத்தமடைய வைக்கலாம்.

 

செழிப்பாக வளர்ந்துள்ள ஒரு புல்வெளி. தூரத்திலிருந்து பார்க்கும்போது, நடைபயிற்சி செய்ய ஏற்ற இடம் போல இது காட்சியளிக்கிறது. ஆனால், இந்த புல்வெளியின் சில பகுதிகளில் மட்டும், புற்கள் மிக செழிப்பாக வளர்ந்துள்ளதை காண முடிந்தது. இந்த குறிப்பிட்ட பகுதிகளெல்லாம், பல வாரங்களாக சிதைந்த மனித உடல்களை உரமாகக் கொண்டு செழிப்பாக வளர்ந்துள்ளன.

அந்தப் பகுதிக்குள் உள்ளிறங்கி நடக்கும்போது, மரணத்தின் வாசம் மிகவும் அதிகமாக தெரிவதால், நம்மை கண்ணீர் சிந்த வைக்கிறது.

ஒரு ஹெக்டருக்கும் அதிகமான இந்த நிலப்பரப்பில் 15 மனித உடல்கள் கிடத்தப்பட்டுள்ளன. ஆடைகளில்லாமல், சில இரும்பு கூண்டுக்குள்ளும், சில பிளாஸ்டிக் பைகளுக்குள்ளும் வைக்கப்பட்டுள்ளன. அதிலுள்ள பெரும்பாலான உடல்கள் அந்நிலப்பரப்பின் மீது படும்படியே கிடத்தப்பட்டுள்ளன.

ஒவ்வொரு உடலைச் சுற்றியும், காய்ந்த புற்கள் உள்ளன. இன்னும் சில நாட்களில், இந்த உடலின்மூலம் கிடைக்கும் கூடுதல் சத்தால், இந்த புற்கள் செழிப்பாக வேகமாக வளரவிருக்கின்றன.

அமெரிக்காவின் டாம்பா பகுதிக்கு புறநகரில், தெற்கு ஃப்ளோரிடா பல்கலைக்கழகத்தால் நடத்தப்படும் ஒரு திறந்தவெளி தடயவியல் ஆய்வுக்கூடம் இது.

சிலர் இவற்றை 'பிரேதங்களின் வயல்வெளி' என குறிப்பிட்டாலும், விஞ்ஞானிகள் இதை 'தடயவியல் கல்லறை' என்றே அழைக்கின்றனர். காரணம், ஓர் உடலில் இருந்து உயிர் பிரிந்தபிறகு, அதன் உறுப்புகளுக்கு என்னவாகிறது என்பதை அவர்கள் இங்கு கற்கின்றனர்.

மனித உடல் மரணத்தபின் சிதைவுறுவது எப்படி?படத்தின் காப்புரிமை IFAAS/USF

பொதுவாக மரணம் குறித்து கூறக்கூடிய சட்டங்களுக்கெல்லாம் எதிராக இங்கு நடக்கும் விஷயங்கள் உள்ளன என்பதைத் தவிர இங்கு நடக்கும் அனைத்தும் அறிவியலே.

முதலில் இந்த ஆய்வுக்கூடம் ஹில்ஸ்போரா பகுதியில் அமைக்கப்படுவதாக முடிவு செய்யப்பட்டு, பிறகு உள்ளூர் மக்களின் எதிர்ப்பு எழுந்ததால் இப்பகுதியில் 2017ஆம் ஆண்டு அமைக்கப்பட்டது.

ஹில்ஸ்போரா பகுதி மக்கள், இந்த ஆய்வுக்கூடம் அமைக்கப்பட்டால், இதன் அழுகும் வாசம் பிற மிருகங்களை கவர்வதோடு, துர்நாற்றத்தையும் உருவாக்கும் என்பதை முன்வைத்து எதிர்ப்பு தெரிவித்தனர்.

அப்பகுதியை சேர்ந்தவர்கள் மட்டுமின்றி, சில விஞ்ஞானிகளும் இதுகுறித்து தங்களின் சந்தேகங்களை எழுப்பியுள்ளனர். இதற்கான தேவை உள்ளதா என்ற கேள்வியை அவர்கள் முன்வைத்தனர்.

சிதையும் பிரேதங்கள்

இது மட்டுமின்றி, அமெரிக்காவில் இதுபோல மேலும் ஆறு இடங்கள் உள்ளன. அதேபோல, ஆஸ்திரேலியா, கனடா, பிரிட்டன் ஆகிய நாடுகளும் இத்தகைய ஆய்வுக் கூடங்களை உருவாக்க கடந்த ஆண்டே திட்டம் போட்டன.

இங்கு ஆய்வுக்கு உட்படுத்தப்பட்டுள்ள அனைத்து உடல்களும், அவற்றுக்கு உரியவர்கள் உயிரிழக்கும் முன்பு நன்கொடையாக அளித்தவை அல்லது அவர்களின் உறவினர்களால் நன்கொடையாக அளிக்கப்பட்டவையாகும்.

இந்த ஆய்வுக் கூடத்தின் முக்கிய நோக்கம் மனித உடல் எவ்வாறு அழுகுகிறது என்பதையும், அதன் சுற்றுச்சூழல் இந்த செயல்பாட்டில் எத்தகைய தாக்கத்தை கொண்டுள்ளது என்பது குறித்து கற்பதே ஆகும்.

இதை பயில்வதன் மூலமாக, சில முக்கிய குற்றவியல் வழக்குகளுக்கு விடை கண்டு பிடிக்கவும், தடயங்களை கண்டறியும் முறைகளில் மேம்பாடுகளையும் கொண்டுவர முடியும் என விஞ்ஞானிகள் நம்புகின்றனர்.

மனித உடல் மரணத்தபின் சிதைவுறுவது எப்படி?

"ஒருவர் இறக்கும்போது, இயற்கையான அழுகல், குறிப்பிட்ட சில பூச்சிகளின் வருகை, அந்த உடலை சுற்றியுள்ள சூழலில் ஏற்படும் மாற்றங்கள் என பல்வேறு விஷயங்கள் அதைச்சுற்றி ஒரே நேரத்தில் நடக்கின்றன," என்று கூறுகிறார் மருத்துவர் எரின் கிம்மர்லே.

தெற்கு ஃப்ளோரிடா பல்கலைக்கழகத்தில் தடய மானுடவியல் பிரிவின் இயக்குநராக இருந்து வரும் இவர், அவரின் குழுவும், சுற்றுச்சூழலுக்கு நடுவில் ஒரு உடல் எவ்வாறு அழுகுகிறது என்பதை கற்பதும் முக்கியம் என்று நம்புகின்றனர்.

உடல் சுதைவுறும் முறை

ஓர் உடல் சிதைவுறும்போது பல்வேறு நிலைகளை கடக்கும் என்று மருத்துவர் எரின் கூறுகிறார்.

1.இதயத்துடிப்பு நின்றவுடனே, உடலில் ரத்த ஓட்டம் நிற்பதோடு, ஆங்காங்கே அவை தேங்க ஆரம்பிக்கும்.

2.உடலின் மிருதுவான திசுக்களை பாக்டேரியா உட்கொள்ளத் தொடங்கியவுடன், கவனிக்கத்தக்க வகையில் உடலின் நிறம் மாறும். உடலில் வாயுக்கள் உருவாகத் தொடங்கி, உடல் பெருக்கத் தொடங்கும்.

3.மூன்றாவது கட்டத்தில்தான் மிகப்பெரிய எடைக்குறைவு நடைபெறும். உடலில் இருந்த மிருதுவான திசுக்கள் புழுக்களால் உட்கொள்ளப்பட்டோ, கரைந்தோ அது கிடத்தப்பட்டுள்ள சுற்றுச்சூழலோடு கலந்துவிடும்.

4.இந்த கட்டத்தில், மிருதுவான திசுக்களெல்லாம் முடிந்துபோனதால் புழுக்கள், பூச்சிகள் போன்றவை உடலை விட்டு சென்றுவிடும். இறந்தவரின் உடல் மண் மீது இருந்தால், அங்குள்ள பசுமையான விஷயங்கள் அழிவதோடு, அந்த மண்ணின் அமிலத்தன்மையில் மாற்றம் ஏற்படும்.

5.இந்த நிலையில் உடலில் மிஞ்சி இருப்பது எலும்பு மட்டுமே. இதன் முதல் அடையாளம் என்பது முகம், கை மற்றும் பாதத்தில் தெரியவரும். காற்றில் ஈரப்பதம் இருந்தால், அதனாலும் மாற்றம் தெரியும். மேலும், இந்த உடலின் மூலமாக கிடைத்த சத்துகளால், அப்பகுதியில் செடிகள் நன்றாக விளைந்திருக்கும்.

இருப்பினும், இவை மட்டுமே முடிவு செய்யப்பட்ட நிலைகள் இல்லை. இந்த செயல்பாடு என்பது சுற்றுச்சூழலால் அதிகமாக தாக்கம் செலுத்தப்படும் ஒன்றாகும். இதுவே எரின் மற்றும் அவரின் குழு, இந்த ஆய்வை நடத்த காரணமாக அமைந்துள்ளது.

பயனுள்ள தரவுகள்

மனித உடல் மரணத்தபின் சிதைவுறுவது எப்படி?

பல்வேறு சூழல்களில் பிரேதங்கள் எத்தகைய சிதைவு அடைகின்றன என்பதை அறிவதற்காக, சில பிரேதங்கள் திறந்தவெளியிலும், சில இரும்பு கூண்டுக்குள்ளும் வைக்கப்பட்டுள்ளன.

அனைத்து உடல்களும் எவ்வாறு சிதைவு அடைகின்றன என்பதை விஞ்ஞானிகள் கண்டறிகின்றனர்.

ஆனால், பாதுகாப்பற்ற நிலையில், வைக்கப்பட்டுள்ள உடல்கள் சில பினந்திண்ணி மிருகங்களை ஈர்க்கத்தான் செய்கின்றன.

சில நேரங்களில் பெரிய குழுவாக வரும் இவ்வகை மிருகங்கள், உடல்களை கடித்து திண்கின்றன.

"ஒவ்வொரு உடலிலிருந்தும், முடிந்தவரை தரவுகளைப்பெற நாங்கள் முயல்கிறோம்," என்கிறார் மருத்துவர் எரின். இந்த செயல்முறையின்போது, ஆய்வாளர்கள் தினமும் இந்த பகுதிக்கு வந்து, உடல்கள் எவ்வாறு சிதைவடைகின்றன என்பதை புகைப்படம், காணொளி மற்றும் குறிப்புகள் மூலம் பதிவு செய்யப்படுகிறது.

உடல்கள் தண்ணீருக்கு அருகில், தண்ணீருக்கு வெளியே அல்லது தண்ணீருக்குள் இருக்கின்றனவா என்பது போன்ற விஷயங்களையும் இவர்கள் குறித்துக்கொள்கின்றனர்.

நில அமைப்பியல் வல்லுநர்கள் மற்றும் புவியீர்ப்பு வல்லுநர்களும் இவர்களோடு இணைந்து ஆய்வு நடத்துகின்றனர். இந்த உடல்களிலிருந்து வெளிவருபவை எவ்வாறு சுற்றுச்சூழலின்மீது தாக்கம் செய்கின்றன என்பதை அவர்கள் ஆய்வு செய்கின்றனர்.

ஓர் உடல், எலும்புக்கூடு ஆகியவுடன், `உலர்ந்த ஆய்வகத்திற்கு` எடுத்துச்செல்லப்படுகின்றன. அங்கு அவை சுத்தம் செய்ப்பட்டு, ஆய்வாளர்களும் , மாணவர்களும் பயன்படுத்த தயார் செய்யப்படுகின்றன.

மனித உடல் மரணத்தபின் சிதைவுறுவது எப்படி?

விடைகிடைக்காத குற்ற வழக்குகள்:

உடல் சிதைவுருவது குறித்து படிக்கும் `டாஃபோனோமி` ஆய்வாளர்கள் மூலம் சேமிக்கப்படும் இத்தகைய தரவுகள், தடயவியல் மற்றும் சட்டப்பூர்வமான மருத்துவ விசாரணைகளின்போது பயனுள்ளதாக அமைகின்றன.

உடல் சிதைவுறும் முறை குறித்த அறிவின் மூலம், ஒரு உடல் எவ்வளவு காலமாக சிதைவுறு நிலையில் உள்ளது, ஒரு இடத்திலிருந்து நகர்த்தப்பட்டதா? எப்போதேனும் தகனம் செய்யப்பட்டதா என்ற கேள்விகளுக்கான சில விளக்கங்களை பெற முடியும். மேலும், குறிப்பிட்ட மனிதர் குறித்த கூடுதல் தகவல்கள், ஒருவரின் மரபியல் குறித்த தரவுகள், எலும்பு குறித்த ஆய்வுகள் ஆகியவை கிடைக்கும்போது, முக்கிய குற்றவியல் வழக்குகள் மற்றும் தீர்வுகாணப்படாத கொலைக்குற்றங்கள் குறித்த ஆய்வுக்கு பயன்படும்.

பிரேதங்களுடன் பணியாற்றுவதிலுள்ள சிக்கல்கள்

பிரேதங்களுக்கு நடுவில் பணியாற்றுவதை சிலர் அதிர்ச்சிகரமான விஷயமாக பார்க்கிறார்கள். ஆனால், இது தன்னை பாதிக்கவில்லை என்கிறார் மருத்துவர் எரின். தான் ஆய்வு நடத்தும் உடலுக்கு உரிமையானவர் குறித்து தெரிந்துகொள்வதுதான் மிகவும் கடினமான விஷயம் என்று அவர் கூறுகிறார்.

"சில கொலை வழக்கு விசாரணையில் பணியாற்றும்போது, நாம் கடந்துவரும் வருத்தமான கதைகள் நமக்கு வருத்தமளிக்கும். மனிதன் சக மனிதனுக்கு எத்தகைய மோசமான செயல்களையெல்லாம் செய்ய முடியும் என்பதை நினைக்கும்போதுதான் வருத்தமாக உள்ளது," என்கிறார் அவர்.

20-30 வருடங்களுக்கு முன்பு தங்களின் குழந்தைகளை இழந்த சில பெற்றோரிடமும், எரின் மற்றும் அவரின் குழுவினர் பேசும் சூழல் பல நேரங்களில் ஏற்படுகிறது. 1980ஆம் ஆண்டு முதல் இதுவரை அமெரிக்காவில் தீர்க்கப்படாமல் உள்ள 2,50,000 கொலை வழக்குகள் ஏதேனிலும் சில மேம்பாடு ஏற்பட தனது ஆய்வு உதவும் வரையில் இந்த ஆய்வுகள் மிகவும் முக்கியமானவை என்றே எரின் கருதுகிறார்.

2017ஆம் ஆண்டு அக்டோபர் மாதம் திறக்கப்பட்டது முதல், 50 பேரின் பிரேதங்களை இக்குழு பெற்றுள்ளது. இவை அனைத்தும் அந்தந்த நபரால் முன்வந்து அளிக்கப்பட்டவை. மேலும் 180 பேர் தங்களின் மறைவுக்குப் பிறகு, உடலை எடுத்துக்கொள்ளுமாறு பதிவு செய்துள்ளனர்.

மனித உடல் மரணத்தபின் சிதைவுறுவது எப்படி?

இதில் பெரும்பான்மையானோர், வயது முதிர்ந்தவர்களாகவே உள்ளனர். நோய்வாய்ப்பட்டு இறப்பவர்களின் உடல்களை இவர்கள் பெறுவதில்லை.

அறிவியல் முறை

அறிவியலுக்கு ஏற்ற தரவுகளை அளித்தாலும், இந்த ஆய்விற்கென சில வரைமுறைகளும் இருக்கின்றன.

பிரிட்டனில் உள்ள மத்திய லான்சென்ஷேர் பல்கலைக்கழகத்தை சேர்ந்த தடயவியல் மானுடவியல் துறை நிபுணரான பாட்ரிக் ரட்லோஃப், "திறந்தவெளியில் இத்தகைய ஆய்வுகளை மேற்கொள்வதில் சில பிரச்னைகள் உள்ளன," என்று கூறுகிறார்.

அவர்கள் நடத்தும் ஆய்வை சற்று ஆதரித்தே பேசினாலும், "இந்த ஆய்வில் கூர்ந்து நோக்குவதால் மட்டும் கிடைக்கும் தரவுகளை சரியாக பிரித்துப்பார்க்க முடியாது" என்று அவர் தெரிவிக்கிறார்.

இந்த ஆய்வுகள் மூலம் பெறப்படும் உதிரியான தரவுகளை, வகைப்படுத்தி எவ்வாறு அறிவியல் சமூகத்திற்கு நிலயான சில தகவல்களை அளிக்க முடியும் என்பதில்தான் பெரிய சிக்கலே உள்ளது என்று அவர் தெரிவிக்கிறார்.

மனித உடல் மரணத்தபின் சிதைவுறுவது எப்படி?

பிரிட்டனில் உள்ள லான்காஸ்டர் பல்கலைக்கழகத்தின் மானுடவியல் துறை நிபுணரான சூ பிளாக், இத்தகைய ஆய்வுக் கூடங்கள் மீது கடுமையான விமர்சனங்களை வைப்பதோடு இந்த ஆய்வின் மதிப்பு, இத்தகைய சிறிய எண்ணிக்கையிலான மாதிரிகளிலிருந்து எடுக்கப்படும் தரவுகளின் நம்பகத்தன்மை ஆகியவை குறித்த கேள்விகளை எழுப்புகிறார்.

2018ஆம் ஆண்டு அவர் எழுதிய புத்தகத்தில், "இந்த ஆய்வு முறை மிகவும் கொடூரமானது. ஒரு சுற்றுலா பயணம்போல, அந்த இடத்தை பார்வையிட அவர்கள் என்னை அழைத்தபோது, எனக்கு அதிக அளவில் அசௌகரியம் ஏற்பட்டது," என்று எழுதியுள்ளார்.

"இத்தகைய ஆய்வு மற்றும் அதன் பயன்பாடு குறித்து புரிந்தவர்கள், இந்த திறந்தவெளி பிரேத ஆய்வுக் கூடங்களின் முக்கியத்துவத்தையும் புரிந்துகொள்வார்கள்," என்பது மருத்துவர் எரினின் வாதமாக உள்ளது.

https://www.bbc.com/tamil/science-48731391

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • புலம்பெயர் தமிழ் அமைப்புக்கள் மீதான தடை நீக்கம் முதலீட்டை இலக்காகக் கொண்டதல்ல : அரசாங்கம் By T. Saranya 17 Aug, 2022 | 10:06 AM (எம்.மனோசித்ரா) புலம்பெயர் தமிழ் அமைப்புக்கள் மீதான தடை நீக்கம் முதலீட்டை இலக்காகக் கொண்டதாகும் என்பதை ஏற்றுக் கொள்ள முடியாது. பாதுகாப்பு அமைச்சின் தொடர்ச்சியான கண்காணிப்புக்களின் அடிப்படையில் முன்வைக்கப்பட்ட பரிந்துரைகளுக்கமையவே குறித்த அமைப்புக்கள் மீதான தடையை நீக்குவதற்கு தீர்மானிக்கப்பட்டுள்ளதாக அமைச்சரவை பேச்சாளர் பந்துல குணவர்தன தெரிவித்தார். பாதுகாப்புச் செயலாளர் கமல் குணரத்னவினால் கடந்த 13 ஆம் திகதி வெளியிடப்பட்ட அதிவிசேட வர்த்தமானி அறிவித்தலில் சில புலம் பெயர் தமிழ் அமைப்புக்கள் மீதான தடை நீக்கப்படுவதாக அறிவிக்கப்பட்டிருந்தது. முதலீட்டை இலக்காகக் கொண்டே குறித்த அமைப்புக்கள் மீதான தடை நீக்கப்படுவதாக பல தரப்பினராலும் கருத்துக்கள் வெளியிடப்பட்டுள்ளன.  இந்நிலையில் இது தொடர்பில் நேற்று செவ்வாய்கிழமை நடைபெற்ற அமைச்சரவை தீர்மானங்களை அறிவிக்கும் ஊடகவியலாளர் மாநாட்டில் கேட்க்கப்பட்ட போதே  அமைச்சரவை பேச்சாளர் மேற்கண்டவாறு பதிலளித்தார். இது தொடர்பில் அவர் மேலும் தெரிவிக்கையில் , முதலீட்டை இலக்காகக் கொண்டு புலம்பெயர் தமிழ் அமைப்புக்களுக்கான தடை நீக்கப்பட்டதாக கூறப்படுவதை ஏற்றுக் கொள்ள முடியாது. 1968 (48) ஆம் இலக்க அதிவிசேட வர்த்தமானி அறிவித்தலின் ஐக்கிய நாடுகள் சட்ட விதிகளுக்கமைய , பாதுகாப்பு அமைச்சினால் சர்வதேச தரநிலைக்கமைய பயங்கரவாத மற்றும் பயங்கரவாதத்துடன் தொடர்பற்ற அமைப்புக்கள் வேறு பிரிக்கப்பட்டு, அவற்றை வர்த்தமானி அறிவித்தலில் வெளியிடல் மற்றும் நீக்குதல் ஆகிய செயற்பாடுகள் முன்னெடுக்கப்படும். அதற்கமையவே கடந்த காலங்களில் தடை விதிக்கப்பட்டிருந்த 6 தமிழ் அமைப்புக்களுக்கான தடையை நீக்குவதற்கு பாதுகாப்பு அமைச்சு தீர்மானித்துள்ளது. ஐக்கிய நாடுகள் சபையின் பாதுகாப்பு சபையின் 1373 ஆம் தீர்மானத்தின் கீழ் இந்த நடவடிக்கை எடுக்கப்பட்டுள்ளது. பாதுகாப்பு அமைச்சினால் அவுஸ்திரேலிய தமிழ் காங்ரஸ், உலக தமிழ் பேரவை, உலக தமிழ் ஒருங்கிணைப்புக்குழு, தமிழ் ஈழ மக்கள் பேரவை, கனேடிய தமிழ் காங்ரஸ், பிரித்தானிய தமிழ் பேரவை என்பவை மீதான தடை இவ்வாறு நீக்கப்பட்டுள்ளது. கடந்த காலங்களில் இந்த அமைப்புக்களின் செயற்பாடுகள் தொடர்பில் தொடர்ச்சியாக முன்னெடுக்கப்பட்ட கண்காணிப்புக்களின் அடிப்படையில் முன்வைக்கப்பட்ட பரிந்துரைகளுக்கமையவே தடை நீக்கப்பட்டுள்ளதாக பாதுகாப்பு பிரிவு தெரிவித்துள்ளது. சர்வதேச ஒப்புதல்கள் மற்றும் அங்கீகாரங்களுக்கமைய, ஐ.நா. தீர்மானங்களுக்கு மதிப்பளிக்கும் வகையில் தொடர்ச்சியான விசாரணைகளின் பின்னர் இவ்வாறு தடைகளை நீக்குவதற்காள நடவடிக்கைகள் முன்னெடுக்கப்படும். சில அமைப்புக்களுக்கான தடை நீக்கப்பட்டுள்ள அதேவேளை, மேலும் 3 புதிய அமைப்புக்கள் தடை விதிக்கப்பட்டுள்ள அமைப்புக்களின் பட்டியலில் உள்ளடக்கப்பட்டுள்ளன. தாரூர் அதர் அல்லது ஜம்யுல் அதர் மொஸ்க் அல்லது தாரூல் அதர் குர்ஆர் மத்ரஸா அல்லது தாரூல் அதர் , இலங்கை இஸ்லாமிய மாணவர்கள் சங்கம் அல்லது ஜமீயா மற்றும் சேவ் த பேர்ள்ஸ் என்ற அமைப்புக்கள் தடை செய்யப்பட்டுள்ளன. அதற்கமைய 6 அமைப்புக்களுக்கான தடை நீக்கப்பட்டுள்ள அதே வேளை, 3 அமைப்புக்களுக்கு புதிதாக தடை விதிக்கப்பட்டுள்ளது என்றார்.   https://www.virakesari.lk/article/133720
    • கோட்டபாயவின் வெளிநாட்டு செலவீனங்களுக்கு அரசு பொறுப்பில்லை - அரசாங்க தகவல் திணைக்களம் விளக்கம் By T. Saranya 17 Aug, 2022  (எம்.மனோசித்ரா) முன்னாள் ஜனாதிபதி கோட்டாபய ராஜபக்ஷவின் வெளிநாட்டு செலவீனங்களானது அவரது தனிப்பட்ட நிதியாகும். அரசாங்கம் ஒருபோதும் அந்த  செலவீனங்களை ஏற்கவோ பொறுப்புக்கூறவோ தீர்மானித்தது இல்லை என அரசாங்க தகவல் திணைக்களம் தெரிவித்துள்ளது. செவ்வாய்கிழமை இடம்பெற்ற வாராந்த அமைச்சரவை தீர்மானங்களை அறிவிக்கும் ஊடகவியலாளர் மாநாட்டில்,  முன்னாள் ஜனாதிபதி சிங்கப்பூரிலிருந்து தாய்லாந்து செல்வதற்கு பயன்படுத்திய பிரத்தியேக விமானத்திற்கு இலங்கை அரசாங்கமே பணம் செலுத்தியுள்ளது. அவ்வாறெனில் முன்னாள் ஜனாதிபதி தற்போதும் சிறப்புரிமைகளுடனா வாழ்ந்து கொண்டிருக்கின்றார்?' என்று ஊடகவியலாளர் ஒருவரால் கேள்வியெழுப்பப்பட்டது. இதற்கு பதிலளித்த அமைச்சரவை பேச்சாளர் பந்துல குணவர்தன,  முன்னாள் ஜனாதிபதி கோட்டாபய ராஜபக்ஷவிற்கு, சட்டத்தின் பிரகாரம் சிறப்புரிமைகளை வழங்க வேண்டிய பொறுப்பு காணப்படுகிறது என்று பதிலளித்திருந்தார். எவ்வாறிருப்பினும் அமைச்சர் பேச்சாளர் குறிப்பிட்ட இந்த விடயம் தொடர்பில் ஊடகங்கள் தவறான புரிதல்களுடன் செய்திகளை வெளியிட்டுள்ளதாகக் குறிப்பிட்டு, அரசாங்க தகவல் திணைக்களத்தின் பணிப்பாளர் மொஹான் சமரநாயக்கவினால்  வெளியிடப்பட்டுள்ள அறிக்கையிலேயே மேற்கண்டவாறு குறிப்பிடப்பட்டுள்ளது.  குறித்த அறிக்கையில் மேலும் தெரிவிக்கப்பட்டுள்ளதாவது, 'வாராந்த அமைச்சரவை முடிவுகளை அறிவிப்பதற்காக அரசாங்க தகவல் திணைக்கள கேட்போர் கூடத்தில் செவ்வாயன்று நடைபெற்ற ஊடக சந்திப்பில், முன்னாள் ஜனாதிபதியின் வெளிநாட்டு செலவுகள் தொடர்பில் ஊடகவியலாளர் ஒருவர் கேள்வியொன்றை எழுப்பினார். முன்னாள் மற்றும் தற்போதைய ஜனாதிபதிகளுக்கு சட்டத்தின் மூலம் சில வரப்பிரசாதங்கள் கிடைக்கின்றது என வெகுசன ஊடக அமைச்சர் பந்துல குணவர்தன  அதற்கு பதிலளித்தார். அவர் கூறிய அந்த கூற்றை முன்னாள் ஜனாதிபதியின் வெளிநாட்டு செலவுகளுக்காக அரசாங்கம் பணத்தினை செலவிடுகிறது என்று கருத்து புலப்படும் வகையில் சில ஊடகங்கள் செய்திகள் பிரசுரித்திருந்தன. இது தொடர்பில் மேலும் ஆராய்ந்து பார்ப்பதாகவும் அமைச்சர் தெரிவித்தார்.   தனது வெளிநாட்டு செலவுகள் குறித்து சில ஊடகங்கள் வெளியிட்ட செய்திகள் தவறானவை என தெரிவித்த முன்னாள் ஜனாதிபதி கோட்டாபய ராஜபக்ஷ, அனைத்து செலவுகளும் தனது தனிப்பட்ட பணத்தில் செலவிடப்படுவதாகவும் வலியுறுத்தியுள்ளார்.' என்று குறிப்பிடப்பட்டுள்ளது.   https://www.virakesari.lk/article/133761  
    • பலாலி விமான நிலையம் தொடர்ந்தும் இயங்குமா....? By T. Saranya 17 Aug, 2022  ம.ரூபன். பலாலி - சென்னை விமான சேவைகள் ஜூலை மீண்டும் ஆரம்பமாகும் என அமைச்சர் நிமால் சிறிபால டி சில்வா ஜூன் 18 இல் பலாலியில் உறுதியளித்திருந்தார். சட்டச்சிக்கல், எரிபொருள் பிரச்சினை விமான நிறுவனத்தின் எதிர்பார்ப்பு காரணமாக நடைபெறாது என அவருடன் பலாலிக்கு சென்றிருந்த அமைச்சர் டக்ளஸ் தேவானந்தா பின்னர் கூறியிருந்தார். ஜனாதிபதி ரணில் விக்கிரமசிங்க பிரதமரானதும் இதற்கு உத்தரவிட்டிருந்தார். ஏனைய நாடுகளுக்கும் இங்கிருந்து சேவைகளை ஆரம்பிக்க விமான நிறுவனங்களுடன் பேச்சு நடாத்துமாறும் அதிகாரிகளுக்கு அமைச்சர் சிறிபால ஆலோசனை கூறியதுடன்  100 பேர் பயணிக்கும் விமானங்களுக்கான ஓடு பாதையை விஸ்தரித்தாலே  அவை தரையிறங்கலாம் என்பதையும் சுதந்திர வர்த்தக தீர்வையற்ற கட்டடத்தொகுதியின் அவசியத்தையும்  சுட்டிக்காட்டியிருந்தார். ஒரு சர்வதேச விமான நிலையத்துக்கு உரிய கட்டமைப்பு வசதிகள்  இங்கு பூர்த்தியாகவில்லை. US $ 209 மில்லியன்  செலவில் சகல வசதிகளுடன் நிர்மாணித்து  2012 மார்ச் 18 இல் திறக்கப்பட்ட அம்பாந்தோட்டை மத்தள ராஜபக்ச சர்வதேச விமான நிலையமே இயங்கமுடியாத நிலையில் உள்ளபோது பலாலி எவ்வாறு சர்வதேச விமான நிலையமாக இயங்கும். கடந்த ஜனவரி 18 தமிழ்க்கட்சிகளை இந்திய உயர் ஸ்தானிகர் கோபால் பாக்லே சந்தித்தபோது இலங்கைக்கு 400 மில்லியன் அமெரிக்க டொலர் கடனாக வழங்குகிறோம். அதில் பலாலி விமான நிலையத்தின் ஓடுபாதை விஸ்தரிப்பு,புதிய முனையம் அமைக்குமாறு இலங்கை அரசிடம் கோரினோம் ஆனால் இன்னமும் அவர்களிடம் இருந்து சாதகமான பதில் கிடைக்கவில்லை எனக்கூறியிருந்தார். கட்டுநாயக்கா சர்வதேச விமான நிலையத்திலும் எரிபொருள் பிரச்சினையால் கடந்த ஜூன் 29 முதல் சிறிலங்கன் விமானங்களுக்கான எரிபொருள் சென்னை, திருச்சி, திருவானந்தபுரம், கொச்சி விமான நிலையங்களில் நிரப்பவேண்டியுள்ளதாக விமானப்போக்குவரத்து அமைச்சின் செயலாளர் கே.டி.என்.ருவான்சந்திர தெரிவித்தார். கட்டுநாயக்கா-இந்திய சரக்கு விமான சேவைகளும் நிறுத்தப்பட்டுள்ளன. தற்போது இங்கு சில அபிவிருத்தி பணிகளும் நிறுத்தப்பட்டுள்ளன. 2018 செப்டம்பர் 17 பாராளுமன்றத்தில்  பேசிய விமானப்போக்குவர்த்து அமைச்சர் நிமால் சிறிபால டி சில்வா  பலாலி விமான நிலையத்தை விமானப்படையினர் புனரமைப்பதாகவும்  இந்திய சிவில் விமான சேவைகள் அதிகார சபைக்கு வழங்கும் எத்தகைய தீர்மானமும் கிடையாது எனவும் சில ஊடகங்கள்  குழப்புவதாகவும்  650 மீற்றர் ஓடுபாதை 325 இலக்க  விமானம் இறங்குவதற்கு விஸ்தரிக்கப்படும் எனவும் விமான சேவைகள் அமைச்சு 750 மில்லியன்,சுற்றுலாத்துறை அமைச்சு 1,000 மில்லியன் ஒதுக்கியுள்ளதாகவும் குறிப்பிட்டார். கடந்த ஆட்சியில் இதனை புனரமைத்து சேவைகளை ஆரம்பிக்குமாறு இலங்கை இந்திய அரசுகளுக்கு தமிழ்த்தேசிய கூட்டமைப்பு அழுத்தம் கொடுத்ததால் இரு தரப்பினரும் பேச்சுக்களை மேற்கொண்டு 2015 இல் உடன்படிக்கையும் கைச்சாத்தானதும் புனரமைப்பு பணிகளை சிவில் விமான  சேவைகள் அமைச்சர் அர்ஜுன ரணதுங்க 2019 ஜூலை 6  ஆரம்பித்து வைத்தார். 2019 ஒக்டோபர் 17 ஜனாதிபதி மைத்திரிபால சிறிசேன பிரதமர் ரணில் விக்கிரமசிங்க 'யாழ்ப்பாணம் சர்வதேச விமான நிலையம்' என்று திறந்து  வைத்து சேவைகள் ஆரம்பமானது. முதலாவது பயணத்தில் 12 பேரே சென்னையில் இருந்து வந்தனர். 2020 மார்ச் கொவிட் பரவலால் நிறுத்தப்பட்டன. அதுவரையான நான்கு மாதங்களில் நாலாயிரம் பேர் பயணம் செய்துள்ளனர். சேவை நிறுத்தப்பட்டு அங்குள்ள ஊழியர்களுக்கு சம்பளம் வழங்கமுடியாத நிலைமை காணப்பட்டது. பலாலி  சேவையால் கட்டுநாயக்கா சேவைகள் பாதிக்கப்படும் என சிவில் விமான சேவை அதிகாரசபை குற்றம் சுமத்தியதால் இரத்மலானை விமான  நிலையம் தரம் உயர்த்தப்படும் என 2018 இல் பிரதமர் ரணில் விக்கிரமசிங்க கூறியிருந்தார். பாதுகாப்பு தரப்பினரும் பலாலி சேவையை விரும்பவில்லை பலாலி  சேவையை தற்போதும் தெற்கில் எதிர்க்கின்றனர். ஜூலையில் திருக்கேதீஸ்வர திருவிழாவுக்கு 25 ஆயிரம் தமிழக பக்தர்கள்  வருவார்கள் என இந்தியத் தூதுவர் கூறியதாகவும் இதனால் பல டொலர்கள் கிடைக்கும் என அங்கஜன் ராமநாதன் எம்.பி.குறிப்பிட்டிருந்தார். தற்போது இந்தியாவில் கொரோனா மீண்டும் பரவியுள்ளது. பொருளாதார நெருக்கடியால் வடக்கில் இருந்து பலர் படகுகளில் தமிழகத்துக்கு தப்பிச்செல்கின்றனர். விமான சேவை ஆரம்பித்தால்  பலர் தமிழகம் வந்து நாடு திரும்ப மறுத்து தங்கிவிடலாம் என இந்திய அதிகாரிகள் தெரிவிக்கின்றனர். பலாலி சேவையால் உல்லாசப்பயணத்துறை வளரும் எனவும் அமைச்சர் சிறிபால கூறினார். நாட்டின்  போராட்டங்கள், வன்முறைகளால் உல்லாசப் பயணத்துறையும் வீழ்ச்சி கண்டுள்ளது. அமெரிக்கா, பிரிட்டன், நியூசிலாந்து  நாடுகள் தமது பிரஜைகளுக்கு இலங்கை பயணம் குறித்து எச்சரித்துள்ளன.   உல்லாசப்பயணியான ஸ்கொட்லாந்து நாட்டு கெல்லிக் பிரேஸர் என்ற பெண்ணை கோட்டா கோ ஹோம் போராட்டத்துடன் தொடர்புபடுத்தி விசாவை இரத்து செய்து நாட்டைவிட்டு வெளியேற உத்தரவிட்டனர். இத்தகைய செயல்களால் உல்லாசப்பயணிகள் வருவார்களா. வெளிநாடுகளில் வாழும் வடபகுதி தமிழர்கள்  சென்னை ஊடாக பலாலிக்கு பயணிக்கலாம் எனக்கூறுவதும் நகைப்புக்குரியது. இவர்கள் சென்னைக்கு வந்து  (Transit ) பலாலிக்கான விமானத்தில் பயணிக்கும்போது தமது பயணப் பொருட்களை முழுமையாக எடுத்துவரமுடியாது. பலாலி-சென்னை சேவையில் சிறிய விமானமே பயன்படுத்தப்படுவதால் குறைந்தளவு எடையுள்ள பயணப்பொதிகளையே எடுத்துவரலாம். சென்னை-பலாலி பயணிகளிடம் அதிகளவு கட்டணம், வரிகள் அறவிடுகின்றனர். கட்டுநாயக்கா பயணிகளுக்கான கட்டணம்,வரிகள் குறைவு. கட்டுநாயக்கா - சென்னை பயணிகள் 23 கிலோ பொதியை கட்டணமின்றி எடுத்துவரலாம். பலாலி விமான நிலைய அபிவிருத்தி, சேவைக்கு தாமே காரணம் என சில தமிழ் அரசியல்வாதிகள் கூறிவருகின்றனர். 1950 இல் கைத்தொழில்,கடற் றொழில் அமைச்சரான ஜீ.ஜீ.பொன்னம்பலம் காங்கேசன்துறை சிமெந்து தொழிற்சாலைக்கு விஜயம் செய்த பிரதமர் டி.எஸ்.சேனாநாயக்காவிடம்  பலாலி விமான நிலையம், காங்கேசன்துறை துறைமுக அபிவிருத்தியை வலியுறுத்தினார். ஊர்காவற்றுறை எம்.பியும் பிரபல கப்பல் முகவருமான  அல்பிறட் தம்பி ஐயாவும் இதனை கோரியிருந்தார்.தொழிலதிபர் சேர்.சிற்றம்பலம் கார்டினர் தனது சொந்த ஊரான அச்சுவேலிக்கு அடிக்கடி விமான மூலம் வந்தபோதும் பலாலி விமான நிலைய  அபிவிருத்தியை அரசின் கவனத்துக்கு முன்வைத்தார். யாழ்.மேயர் அல்பிறட் துரையப்பாவும் பிரதமர் சிறிமாவோ,அமைச்சர்கள் விமானத்தில் வந்தபோதும் பலாலி கட்டடங்களை,சூழலை காண்பித்து அபிவிருத்தியை கோரினார். யாழ் மாவட்ட அரசியல் அதிகாரியும் நல்லூர் எம்.பியுமான சீ.அருளம்பலமும், அமைச்சர் செ.குமாரசூரியரும் இதனை வலியுறுத்தினர். சுதந்திரக்கட்சி ஆட்சியில் சில அபிவிருத்தி வேலைகள் இங்கு இடம்பெற்றன. தமிழரசுக் கட்சியினரின் கறுப்புக்கொடி போராட்ட காலம். இலங்கை வரலாற்றில் பலாலி விமான நிலையம் முக்கிய இடம்பெற்றது. 1940 இல் 2 வது உலக யுத்த காலம் பிரித்தானிய விமானப்படையினர் ( Royal Air Force) தளமாக பயன்படுத்தி அவர்கள் சென்றதும் மூடப்பட்டது. பிரிட்டிஷ் ஆட்சியாளர் வேறு தேவைகளுக்கு பயன்படுத்த நடவடிக்கை எடுத்தனர். யாழ்.புனித பத்திரிசியார் கல்லூரி அதிபர் அருட்.தந்தை ரீ.எம்.எவ்.லோங் அடிகளார் அன்றைய ஆளுநர் மற்றும் அதிகாரிகளுடன்  யாழ்.மக்களின் விமானப் பயணத்துக்கு பயன்படுத்தலாம் மூடவேண்டாம் என கேட்டிருந்தார்.  1947 டிசம்பர் 10 சிவில் விமானப் போக்குவரவு திணைக்களம் இரத்மலானையில் இருந்து பலாலி ஊடாக (Air Ceylon) விமான சேவையை 16 பயணிகளுடன் சென்னைக்கு முதலில் ஆரம்பித்தது. பலாலியில் தரித்தபோது  சென்னைக்கு  பயணிப்பவர்கள் ஏறிக்கொண்டர். இச்சேவை தடையின்றி தொடர்ந்தது. யாழ்ப்பாணத்தில் இருந்து கொழும்புக்கு விமானத் தபால் சேவையும் நடைபெற்றது. காலை 10 மணிக்குள் யாழ்.தபாற் கந்தோரில் ஒப்படைக்கும் அ(ஏயரோகிறாம்) தபால் மாலையில் கொழும்பில் விநியோகிக்கப்பட்டது.இந்தியாவுக்கும் விமானத் தபால் சேவை நடைபெற்றது. 1978 செப்டம்பர் 7  அவ்ரோ பயணிகள் விமானக் குண்டு வெடிப்பு சம்பவத்தால் இச்சேவை நிறுத்தப்பட்டது.பலாலியில் இருந்து இரத்மலானை சென்ற இவ்விமானம் இரத்மலானையில் தரையிறங்கி பயணிகள் இறங்கிய பின்னர் விமானத்தில் மறைத்து வைக்கப்பட்டிருந்த குண்டு வெடித்தது. இரத்மலானையில் இருந்து அவ்விமானம் மாலைதீவுக்கு செல்லவிருந்தது. 1950- 60 களில் பலாலிக்கும் தமிழகத்தும் இடையிலான விமான சேவையால் இந்தியாவில் உயர் கல்வி கற்ற மாணவர்கள் பயனடைந்தனர். தமிழக ஆலயங்களுக்கு பலர் சென்றவர்கள். அரச ஊழியர்கள் தமது மூன்று புகையிரத பயண ஆணைச்சீட்டுகளை பயன்படுத்தி இரத்மலானை-பலாலி விமானத்தில் குடும்பத்துடன்  பயணம் செய்யலாம். சுங்கப்பிரிவும் இயங்கியது. மதகுரு ஒருவர் குடையின் கைப்பிடிக்குள் தங்கச்சங்கிலியை மறைத்து வைத்து பிடிபட்ட சம்பவம் அன்று பத்திரிகைகளில் செய்தி. தமிழக பத்திரிகைகள்,சஞ்சிகைகள் விமான  மூலமே யாழ்ப்பாணம்,கொழும்புக்கு அனுப்பப்பட்டன. தமிழக கலைஞர்கள்,பிரமுகர்கள் பலர் வடக்கிலும் கொழும்பிலும் இடம்பெற்ற நிகழ்வுகளுக்கு விமானத்தில்  வந்தனர்.1965 ஒக்டோபர் 24 மக்கள் திலகம் எம்.ஜி.ஆர், நடிகை சரோஜாதேவி கொழும்பிலிருந்து  யாழ்ப்பாணத்துக்கு விமானத்தில் பலாலிக்கு வந்ததும் குறிப்பிடத்தக்கது.  வடக்கில்  கடல் வழியாக (கள்ளக்குடியேற்றம்) கடத்தல் போன்ற சட்டவிரோத செயற்பாடுகளை தடுப்பதற்கு 1976 இல் பலாலியில் விமானப்படை  முகாம் சுதந்திரக்கட்சி ஆட்சியில் நிறுவப்பட்டது. இங்கிருந்து ஹெலிகொப்டர்களில்  வடபகுதி கடற்பகுதியை கண்காணித்தனர்.1982 இல் விமானப் படையினர் அதிகரிப்பு. யுத்த நடவடிக்கைகளுக்கு படையினருக்காக மட்டும் பலாலி விமான நிலையம்  பயன்படுத்தப்பட்டது.பலாலியை சூழவுள்ள பகுதிகளில் மக்கள் இடம்பெயராது 1990 ஜூன் வரை வாழ்ந்தனர். 1987 மே வடமராட்சி 'லிபரேசன் ஒப்ரேசேன்'  முதல் 1995 'சூரியகதிர்'  வரையான குடாநாட்டின் படை நடவடிக்கைகளுக்கு பலாலி விமான நிலைய மே கேந்திர இடம். எறிகணை (ஆட்லறி ஷெல்)வீச்சுக்கள் பலாலியில் இருந்தே போரின்போது குடாநாட்டின் பகுதிகளுக்கு ஏவப்பட்டன.மேலதிக படையினர் இங்கு இருந்தே ஹெலிகளில் யுத்த களத்துக்கு கொண்டு செல்லப்பட்டனர்.காயமடைந்த படையினரும் விமான மூலம்  கொழும்புக்கு அனுப்பப்பட்டனர்.முப்படை தளபதிகள் அடிக்கடி வந்தனர். 1987 ஜூலை இலங்க இந்திய ஒப்பந்தத்தை தொடர்ந்து இந்திய இராணுவம் நிலைகொண்டது.இந்திய விமானங்கள் தரையிறங்கின. இந்திய படை அதிகாரிகள்,  இந்திய உயர் ஸ்தானிகர் ஜே.என்.டிக்சிற்,புலிகளின் தலைவர் வே.பிரபாகரன்,அரசியல் ஆலோசகர் அன்ரன் பாலசிங்கம் பலாலி விமான நிலையத்தில் சமாதானப் பேச்சுக்களை நடாத்தினர். 1987 ஒக்டோபர் 5 இல் குமரப்பா புலேந்திரன் உட்பட 12 புலி உறுப்பினர்களை விமான மூலம் விசாரணைக்காக கொழும்புக்கு கொண்டு செல்ல இலங்கை படையினர் முயன்றதும் சயனைட் அருந்தி மரணமானதும் பலாலி விமான நிலையத்தில். 1987 ஒக்டோபர் 30 புலிகளுக்கும் இந்திய இராணுவத்துக்கும் மோதல் ஆரம்பித்ததும் பலாலி விமான நிலையத்தில் இருந்தே இந்திய படையினரின் கவச வாகனங்கள், செயின் புளொக்,ஹெலிகொப்டர்கள் தாக்குதலுக்கு சென்றன.மேலதிக படையினரும் கொண்டு செல்லப்பட்டனர். இந்திய படை காலம்  இரத்மலானை-பலாலி தனியார் விமான பயணிகள் சேவை நடைபெற்றது.1996 குடாநாட்டை இலங்கை இராணுவம் பிடித்ததும் 'லயன் எயர், 'மொன்றா' இரு பயணிகள் விமான சேவைகள் ஆரம்பமாகின. 1998 செப்டம்பர் 29 'லயன் எயர்'  விமானம் பூநகரி பகுதியில் புலிகளால் சுட்டு வீழ்த்தப்பட்டு 48 தமிழ்ப் பயணிகள் பலி என அரசு அறிவித்ததுடன் இச்சேவைகள் நிறுத்தப்பட்டன. 1995 ஏப்ரல் 28  விமானப்படை " அவ்ரோ 748 ரக விமானம் பலாலியில் புறப்பட்ட சில மணிக்குள் புலிகளால் சுட்டு வீழ்த்தப்பட்டதில் 51 பேர் பலியானார்கள். 2002 புலிகள்- ரணில் அரசு சமாதானப்பேச்சு  பயணிகள் விமான சேவை இரத்மலானை- பலாலி நடைபெற்றது. 2009 யுத்தம் முடிந்ததும் 2012  ஜனவரி இல் 25 ExpoAir  விமான சேவை பலாலி- இரத்மலானை நடைபெற்றதும் குறிப்பிடத்தக்கது.   https://www.virakesari.lk/article/133764  
    • கோபாலன் எங்கே உண்டோ கோகுலம் அங்கே உண்டு.......!  😍
    • வணக்கம் வாத்தியார்........! ஆண் : கஞ்சா பூவு கண்ணால செப்பு செலை உன்னால இடுப்பு வேட்டி அவுருதடி நீ சிரிச்சா தன்னால ஆண் : ஒன் தட்டாங்காயி பல்லால நீ சொன்ன ஒத்த சொல்லால சூரியனையும் ஒடைப்பேன்டி கவட்டை எடுத்து கல்லால ஆண் : கருப்பட்டி கரைச்சு செஞ்சு வச்ச செலையா பச்சரிசி போட்ட பொங்கப்பானை ஒலையா ஆண் : ஈரக்கொலைய சொரண்டியென்ன கொல்லுறாயே கொலையா ஈரக்கொலைய சொரண்டியென்ன கொல்லுறாயே கொலையா ஆண் : அந்தி நடுச்சாமம் எழுப்பி அந்த நட்சத்திரம் உலுப்பி ஒன் மூக்குல காதுல தோட மாட்டி தொங்க விடப்போறேன்…. ஆண் : அந்த ராத்திரியே கிள்ளி கொஞ்சம் கருத்த மேகம் அள்ளி ஒன் இமைய பூசும் கண்ணு மையா மாத்திக்கொண்டு நானும் வாரேன் ஆண் : மாடுக்குத்தி கிழிச்சாலும் பொழச்சுக்குவேன்டி ஒன் புருவக்கத்தி குத்திப்புட்டா என்ன செய்யுவேன்டி ஆண் : சூரிக்கத்தி வீசுனாலும் நிமிந்து நிப்பேன்டி ஒன் சுண்டு விரல் பட்டு போன சுணங்கி போவேன்டி ஆண் : நீ மனசு வெச்சா மந்தக்கல்லையும் திண்டு செமிப்பேன்டி நீ மனசு வெச்சா மந்தக்கல்லையும் திண்டு செமிப்பேன்டி......! --- கஞ்சா பூவு கண்ணால ---
×
×
  • Create New...

Important Information

By using this site, you agree to our Terms of Use.