Jump to content

ஜோஃப்ரா ஆர்ச்சர்: இங்கிலாந்து உலகக்கோப்பையை வெல்ல காரணமான மேற்கிந்திய வீரர்


Recommended Posts

  • கருத்துக்கள உறவுகள்
ஜோஃப்ரா ஆர்ச்சர் இங்கிலாந்தின் ஹீரோவானது எப்படி?படத்தின் காப்புரிமை Gareth Copley-IDI/IDI via Getty Images

ஜுலை 14, 2019 - இனிவரும் ஆண்டுகளில் கிரிக்கெட் உலகம் எண்ணற்ற முறைகள் நினைவுகூரும் நாளாக அமைய ஏராளமான வாய்ப்புகள் உண்டு.

 

இங்கிலாந்து மற்றும் நியூசிலாந்து அணிகளுக்கு இடையே நடைபெற்ற பரபரப்பு மிகுந்த உலகக்கோப்பை இறுதி போட்டி டை ஆனதால், சூப்பர் ஓவர் முறையில் ஆட்டத்தின் முடிவை நிர்ணயிக்க தீர்மானிக்கப்பட்டது.

முதலில் பேட் செய்த இங்கிலாந்து 15 ரன்கள் எடுக்க, 16 ரன்கள் எடுத்தால் நியூசிலாந்து உலகக்கோப்பையை வெல்லும் என்ற நிலையில் ரசிகர்கள் மிகவும் ஆவலாக காத்திருந்தனர்.

 

இங்கிலாந்து அணியின் சார்பாக யார் சூப்பர்ஓவரை வீசுவார் என்ற எதிர்பார்ப்பு நிலவியது. கிறிஸ் வோக்ஸ், பிளங்கட் போன்ற அனுபவம்வாய்ந்த பந்துவீச்சாளர்களைவிட இங்கிலாந்தின் கேப்டன் மோர்கனின் தேர்வு ஜோஃப்ரா ஆர்ச்சராக இருந்தது.

சூப்பர்ஓவரின் முதல் பந்து வைடாக அறிவிக்கப்பட, மீண்டும் வீசப்பட்ட முதல்பந்தில் இரண்டு ரன்கள் எடுக்கப்பட்டது. இரண்டாவது பந்தில் சிக்ஸர் அடிக்கப்பட, இங்கிலாந்து ரசிகர்கள் கவலையில் ஆழ்ந்தனர்.

ஆனால், அதற்குப்பிறகு மிகவும் சிறப்பாக பந்துவீசி நியூசிலாந்தை கட்டுப்படுத்திய ஜோஃப்ரா ஆர்ச்சர், இறுதிபந்தில் தனது மிக சிறந்த பங்களிப்பை வெளிப்படுத்தினார்.

ஜோஃப்ரா ஆர்ச்சர் இங்கிலாந்தின் ஹீரோவானது எப்படி?படத்தின் காப்புரிமை Stu Forster-IDI/IDI via Getty Images

உலகக்கோப்பையை வெல்ல 44 ஆண்டுகள் காத்திருந்த இங்கிலாந்தின் சார்பாக மிகவும் முக்கியமான மற்றும் பரபரப்பான சூழலில் சூப்பர்ஓவரை வீசிய ஜோஃப்ரா ஆர்ச்சர் மே 2019-இல்தான் முதல்முறையாக இங்கிலாந்து அணியின் சார்பாக விளையாடினார்.

ஆம், இரண்டு மாதங்களுக்கு முன்பு சர்வதேசபோட்டியில் அறிமுகமான ஜோஃப்ரா ஆர்ச்சர்தான் தற்போது இங்கிலாந்தின் ஹீரோவாக கொண்டாடப்படுகிறார்.

பார்பேடாஸை சேர்ந்த ஜோஃப்ரா ஆர்ச்சர், மேற்கிந்தியதீவுகள் அணியின் 19 வயதுக்குட்பட்டவர்கள் பிரிவில் விளையாடியவர்.

காயம் காரணமாக அவர் சிறிதுகாலம் விளையாட முடியாமல் போனது. இந்த காலகட்டத்தில் மேற்கிந்தியதீவுகள் அணிக்காக அவர் விளையாடுவது மேலும் சிரமமானது.

ஜோஃப்ரா ஆர்ச்சர் இங்கிலாந்தின் ஹீரோவானது எப்படி?படத்தின் காப்புரிமை Andy Kearns/Getty Images)

இந்நிலையில், அவர் இங்கிலாந்து அணிக்காக விளையாட முயற்சித்தார். சஸக்ஸ் அணிக்காக அவர் முதல்தர போட்டிகளில் விளையாடினார்.

ஆஸ்திரேலியாவில் நடக்கும் பிக்பாஷ் தொடரில் விளையாட தொடங்கியதும் உலக அளவில் ஜோஃப்ரா ஆர்ச்சர் மேலும் கவனம் பெற்றார்.

2018 ஐபிஎல் தொடரில் ராஜஸ்தான் அணிக்காக விளையாட அவர் தேர்ந்தெடுக்கப்பட்டார். மும்பை அணிக்கு எதிராக தான் அறிமுகமான முதல் போட்டியிலேயே ஜோஃப்ரா ஆர்ச்சர் முத்திரை பதித்தார். 3 விக்கெட்டுகளை எடுத்த அவர் அந்த போட்டியின் நாயகனாக அறிவிக்கப்பட்டார்.

2019 ஐபிஎல் தொடரிலும் ராஜஸ்தான் அணிக்காக அவர் விளையாடினார்.

இதனிடையே 2019 உலகக்கோப்பை அணிக்கு இங்கிலாந்து அணி அறிவிக்கப்பட்டது. 15 பேர் கொண்ட இங்கிலாந்து அணியில் முதலில் ஆர்ச்சர் இடம்பெறவில்லை.

ஜோஃப்ரா ஆர்ச்சர் இங்கிலாந்தின் ஹீரோவானது எப்படி?படத்தின் காப்புரிமை Nick Atkins/Action Plus via Getty Images)

பிறகு மே மாதத்தில் இங்கிலாந்து அணியில் சில மாற்றங்கள் செய்யப்பட்டபோது அணியில் ஜோஃப்ரா ஆர்ச்சர் சேர்த்து கொள்ளப்பட்டார்.

அதுவரை 3 ஒருநாள் போட்டிகளில் மட்டுமே விளையாடிய ஜோஃப்ரா ஆர்ச்சர், உலகக்கோப்பை அணியில் சேர்த்து கொள்ளப்பட்டது பலரையும் வியப்பில் ஆழ்த்தியது.

ஆரம்ப போட்டிகளிலேயே ஜோஃப்ரா ஆர்ச்சர் சிறப்பாக பங்களித்தார். இறுதிப்போட்டிவரை 10 போட்டிகளில் விளையாடிய அவர் 19 விக்கெட்டுகளை எடுத்தார்.

தனது அணியின் சார்பாக அதிக அளவில் விக்கெட்டுகள் எடுத்தது மட்டுமல்ல நடப்பு உலகக்கோப்பை தொடரில் மிகவும் சிக்கனமாக பந்துவீசியும் ஜோஃப்ரா ஆர்ச்சர் இங்கிலாந்தின் வெற்றிக்கு பல போட்டிகளில் காரணமாக இருந்தார் என்பது குறிப்பிடத்தக்கது.

மேற்கிந்திய தீவுகளில் பிறந்து இங்கிலாந்து அணிக்காக விளையாடிய முதல் வீரர் ஜோஃப்ரா ஆர்ச்சர் அல்ல.

ஆனால், அணிக்காக சர்வதேச போட்டிகளில் அறிமுகமான இரண்டே மாதங்களில் உலகக்கோப்பை இறுதி போட்டி போன்ற அழுத்தம் நிறைந்த போட்டியில் முக்கிய தருணத்தில் பந்துவீச அழைக்கப்பட்டதும், இங்கிலாந்தின் நெடுநாள் கனவை அவர் நிறைவேற்றியதும் சாதாரண நிகழ்வு அல்ல.

https://www.bbc.com/tamil/sport-48985784

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.