’தமிழ் தெரியாதது குறைபாடு’

[ampanai]

இனங்களுக்கு இடையில் புரந்துணர்வை ஏற்படுத்த, வெவ்வேறு மொழிகளைப் பேசும் திறன் முக்கியமானது என்று தெரிவித்துள்ள பிரதமர் ரணில் விக்கிரமசிங்க, தமிழ் மொழியைக் கற்றுக்கொள்ளாதது, தன்னிடமுள்ள பெரும் குறைபாடு என்றும் தெரிவித்துள்ளார்.

வெவ்வேறு மொழிகளைப் பேசும் திறன் இன்மையே, யுத்த சூழ்நிலைக்கு வழிவகுத்து என்றும் அவர் கூறினார்.

மொழிப் பிரச்சினையால் புரிந்துணர்வு இல்லாமற்போகும் போது அது முரண்பாட்டிற்கு வழிவகுக்கும் என சுட்டிக்காட்டியுள்ள பிரதமர், அந்தக் காலத்தில் தாங்கள் தமிழ் மொழியைக் கற்றுக் கொள்ளவில்லை எனவும் அது தனது குறைபாடு என்றும் குறிப்பிட்டார்.

எனினும் அப்போது ஆங்கில மொழியைக் கற்றுக் கொண்டதாக தெரிவித்த அவர், தமது ஊர்ப் பகுதிகளில் பெரும்பாலான மக்கள் ஒரு மொழியை மாத்திரமே கற்றுக் கொண்டதாகவும், பேசியதாகவும் தெரிவித்ததுடன், இப்போது ஏனைய மொழிகளின் அவசியத்தையும் உணர்வதாக தெரிவித்தார்.

http://www.tamilmirror.lk/செய்திகள்/தமிழ்-தெரியாதது-குறைபாடு/175-235595

மும்மொழி  திட்டத்தை  வெற்றியடைய செய்வதே பிரதான  இலக்கு  : மனோ கணேசன் 

மொழி விருத்தியின் ஊடாகவே தேசிய நல்லிணக்கத்தை கட்டியெழுப்ப முடியும். பல்லின சமூகம் வாழும் நாட்டில்  ஒருவர் பிறிதொரு மொழியிலும் தேர்ச்சிப் பெற்றிருப்பது  கட்டாயமாகும்.

பொதுமொழியான  ஆங்கிலத்திலும் தேர்ச்சிப் பெற்றால் உலகையே வெல்லலாம் . மும்மொழி  திட்டத்தை வெற்றியடைய    செய்வதே எமது பிரதான  இலக்கு என தேசிய ஒருமைப்பாடு அரச கரும மொழிகள், சமூக மேம்பாடு மற்றும்  இந்து சமய  அலுவல்கள் அமைச்சர் மனோ கணேசன் தெரிவித்தார்.

கல்வி பொது தராதர சாதாரண தர பரீட்சையில் இரண்டாம் மொழி  பாடங்களில்  சித்தியடைந்த மாணவர்களுக்கு சான்றிதழ் வழங்கும் நிகழ்வு நேற்று  அலரி மாளிகைளில் பிரதமர் ரணில் விக்ரமசிங்கவின் தலைமையில் இடம்  பெற்றது. இந்நிகழ்வில் கலந்துக் கொண்டு கருத்துரைக்கையில் அவர் மேற்கண்டவாறு குறிப்பிட்டார்.

 கல்வி பொதுத்தராதர   சாதாரண தர பரீட்டையில் இரண்டாம் மொழிகளான தமிழ், சிங்கள மொழிகளில்  கடந்த வருடத்தை  விட இந்த வருடம்  அதிகமான மாணவர்கள் சித்தியடைந்துள்ளார்கள். அரச  கரும மொழிகள் அமைச்சு தேசிய மட்டத்தில்  முன்னெடுத்த செயற்திட்டங்களின் பெறுபேறாகவே  இந்த வெற்றிக் காணப்படுகின்றது  என அவர் தெரிவித்தார்.

https://www.virakesari.lk/article/60792

[vanangaamudi]

இது போன்ற கருத்துகளை முக்கிய அரசியல் தலைவர்கள் நாடாளுமன்றம் போன்ற அரசியல் அரங்குகளில்தான் வெளியிடவேண்டும். கண்ணுக்கு எதிரில் உள்ள யதார்த்தமான பிரச்சினைகளுக்கு தீர்வு காண்பதை நோக்கமாக கொள்ளவேண்டும்.