ampanai

கிழக்கில் சுமார் 300 தமிழ் கிராமங்கள், முஸ்லிம் கிராமங்களாக மாறியுள்ளதாக விக்னேஸ்வரன் குற்றச்சாட்டு

Recommended Posts

தன்னாட்சி, தட்சார்பு, தன்னிறைவு என்ற கோட்பாடுகளுக்கு ஏற்பவே தான் செயற்பட்டு வருவதாக தமிழ் மக்கள் கூட்டணியின் பொதுச் செயலாளர் சி.வி.விக்னேஸ்வரன் தெரிவித்துள்ளார்.

மட்டக்களப்பில் இன்று இடம்பெற்ற செய்தியாளர் சந்திப்பில் கலந்து கொண்டு கருத்து வெளியிட்ட போதே அவர் இதனை குறிப்பிட்டார். 

கிழக்கு மாகாணத்தில் இடம்பெற்றதாக கூறப்படும் முஸ்லிம் மயமாக்கல் தொடர்பில் அத்துரலிய ரத்தன தேரர் தனக்கு கூறியவற்றை அவர் இவ்வாறு விபரித்தார். கிழக்கு மாகாணத்தில் தமிழ் மக்கள் பலவிதமாக பிரச்சனைகளுக்கு முகம் கொடுக்க நேரிட்டது.  சுமார் 300 தமிழ் கிராமங்கள் முஸ்லிம் கிராமங்களாக மாறியுள்ளன.

கிழக்கு மாகாணத்தில் ஒன்பதினாயிரம் தமிழ் பெண்கள், இஸ்லாத்திற்கு மாற்றப்பட்டுள்ளதாக அத்துரலிய ரத்தின தேரர் என்னிடம் தெரிவித்தார். இந்த செயற்பாடு தொடர்ந்து நடைபெற்றுக் கொண்டிருக்கின்றது.

எனவே எமது காணிகள், எமது பெண்கள், உரிமைகள் என்பன பறிபோகின்றன என தமிழ் மக்கள் கூட்டணியின் பொதுச் செயலாளர் சி.வி.விக்னேஸ்வரன் இதன்போது சுட்டிக்காட்டியுள்ளாா்.

http://www.hirunews.lk/tamil/220709/கிழக்கில்-சுமார்-300-தமிழ்-கிராமங்கள்-முஸ்லிம்-கிராமங்களாக-மாறியுள்ளதாக-விக்னேஸ்வரன்-குற்றச்சாட்டு  

Share this post


Link to post
Share on other sites

இலங்கை கிழக்கு மாகாணம்: 300 தமிழர் கிராமங்கள், முஸ்லிம் கிராமங்களாக மாற்றப்பட்டுள்ளன - முன்னாள் முதலமைச்சர் விக்னேஷ்வரன்

விக்னேஷ்வரன்

இலங்கையின் கிழக்கு மாகாணத்தில் சுமார் 300 தமிழர் கிராமங்கள், முஸ்லிம் கிராமங்களாக மாற்றப்பட்டுள்ளதாக, வடக்கு மாகாண முன்னாள் முதலமைச்சரும், தமிழ் மக்கள் கூட்டணியின் செயலாளருமான சி.வி. விக்னேஷ்வரன் குற்றம்சாட்டியுள்ளார்.

கிழக்கு மாகாணத்தின் மட்டக்களப்பு பிரதேசத்தில் நடைபெற்ற செய்தியாளர் சந்திப்பில் கலந்து கொண்டு பேசியபோது இதனை அவர் கூறினார்.

இதேவேளை, கிழக்கு மாகாணத்தில் 9000 தமிழ் பெண்கள், இஸ்லாத்துக்கு மாற்றப்பட்டுள்ளதாக, தன்னிடம் ஐக்கிய தேசியக் கட்சியின் நாடாளுமன்ற உறுப்பினரும் பௌத்த பிக்குவுமான அத்துரலியே ரத்ன தேரர் கூறியதாகவும் இதன்போது விக்னேஷ்வரன் குறிப்பிட்டார்.

"எமது காணிகள் மற்றும் உரிமைகள் பறிபோவதோடு, எமது பெண்களும் பறிபோகின்றனர்" என்றும் இதன்போது அவர் விக்னேஷ்வரன் தெரிவித்தார்.

இதனையடுத்து, 300 தமிழர் கிராமங்கள் முஸ்லிம் கிராமங்களாக மாற்றப்பட்டமையை நிரூபிப்பதற்கான ஆதாரங்கள் உங்களிடம் உள்ளனவா என்று, முன்னாள் முதலமைச்சர் விக்னேஷ்வரனிடம் பிபிசி தமிழ் வினவியது. அதற்கு அவர் பதிலளிக்கையில், பத்திரிகையொன்றில் சில வருடங்களுக்கு முன்னர் வெளியான தொடர் கட்டுரைகளின் மூலம் இதனை தான் அறிந்து கொண்டதாக கூறியதோடு; "ஆதாரங்களை நீங்களே தேடிப்பார்க்க வேண்டும்" என்றார்.

"தமிழர் - முஸ்லிம் மக்களுக்கிடையில் முறுகல் நிலை ஏற்பட்டுவிடும் என்பதற்காக, இந்த உண்மையை சொல்லாமல் இருக்க முடியாது" என்றும் அவர் பிபிசி யிடம் கூறினார்.

எம்.எல்.ஏ.எம். ஹிஸ்புல்லா

இந்நிலையில், முன்னாள் முதலமைச்சர் விக்னேஷ்வரன் கூறியுள்ள இந்த விடயமானது, தமிழர் - முஸ்லிம் நல்லுறவை பாதிக்கும் என, கிழக்கு மாகாண முன்னாள் முதலமைச்சர் எம்.எல்.ஏ.எம். ஹிஸ்புல்லா கவலை தெரிவித்துள்ளார்.

விக்னேஷ்வரன் கூறுகின்றமை போல் தமிழர் கிராமங்கள் முஸ்லிம் கிராமங்களாக மாற்றப்பட்டிருந்தால், அது தொடர்பில் ஆராய்ந்து அந்தக் கிராமங்களை முடியுமான வரை தமிழர்களிடம் ஒப்படைக்க வேண்டிய தேவை தமிழர், முஸ்லிம் மக்களின் தலைமைகளுக்கு உள்ளதாகவும் ஹிஸ்புல்லா சுட்டிக்காட்டியுள்ளார்.

அதேவேளை, "பல முஸ்லிம் கிராமங்கள் தமிழர் கிராமங்களாக மாற்றப்பட்டுள்ளதாக, முஸ்லிம் தரப்பினரும் தொடர்ச்சியாக குற்றச்சாட்டுகளை முன்வைத்து வருகின்றனர்" எனவும் ஹிஸ்புல்லா குறிப்பிட்டுள்ளார்.

"முன்னாள் முதலமைச்சர் விக்னேஷ்வரன் தன்னிடத்தில் முழுமையான ஆதாரங்கள் இல்லாமல், இந்த விடயத்தைக் கூறியிருக்க மாட்டார் என்று நம்புகிறேன். ஆகவே, அவர் குறிப்பிட்ட 300 தமிழர் கிராமங்களும் எந்த மாவட்டத்தில் உள்ளன என்ற விவரத்தினை அவசரமாக ஊடகங்கள் மூலமாக தெரியப்படுத்த வேண்டும்" என்றும் ஹிஸ்புல்லா வேண்டுகோள் விடுத்துள்ளார்.

https://www.bbc.com/tamil/sri-lanka-49069613

Share this post


Link to post
Share on other sites

சிறுபான்மைக்குள் பிளவுகளை ஏற்படுத்தி பெரும்பான்மைகளின் கைகூலியாக சீ.வீ. செயற்படுகின்றாரா ?

HRS_6839.JPG

 

-எம்.ரீ. ஹைதர் அலி -
சிறுபாண்மைக்குள் பிளவுகளை ஏற்படுத்தி பெரும்பாண்மைகளின் கைகூலியாக சீ.வீ. செயற்படுகின்றாரா
என்ற சந்தேகம் தமிழ், முஸ்லிம் மக்கள் மத்தியில் தோன்றியுள்ளது - பொறியியலாளர் ஷிப்லி பாறுக்

அரசியல் அதிகாரங்களை பெறுவதற்குரிய மிகப்பெரிய மூலதனமாக இனவாதம் மாறிவிட்டதென்பதற்கு சீ.வி. விக்னேஸ்வரன் விலக்கல்ல என்பதை 300 தமிழ் கிராமங்கள் முஸ்லிம்களால் அபகரிக்கப்பட்டது என்கின்ற ஆதாரமற்ற மிகப்பெரும் குற்றச்சாட்டினை முன்வைத்திருந்தார் என முன்னாள் கிழக்கு மாகாண சபை உறுப்பினரும், இன்னாள் காத்தான்குடி நகர சபை உறுப்பினருமான பொறியியலாளர் ஷிப்லி பாறுக் தெரிவித்துள்ளார்.

இது தொடர்பில் அவர் தொடர்ந்து தெரிவிக்கையில், தமிழ் தேசியக் கூட்டமைப்பினூடாக முதலமைச்சராகிய சீ.வீ. அவர்கள் தமிழ் தேசியக் கூட்டமைப்புடன் முரண்பட்டு வெளியேறியதற்குப்பின் தனெக்கென ஒரு அரசியல் இருப்பை இனவாத்த்தினூடாக தக்கவைக்க முயற்சிப்பது அவர் வகித்திருந்த ஆதாரபூர்வமான உண்மையின் பக்கம் மாத்திரம் நீதி செலுத்தும் உயர் நீதியரசர் என்கின்ற பதவிக்கு இவர் தகுதியற்றவராக இருந்திருப்பாரோ என எண்ணத்தோன்றுகிறது.

நல்லிணக்கம், ஒற்றுமை, சமாதானம், சகவாழ்வு என்று இந்த நாட்டில் எத்தனையோ விடயங்கள் பேரின சக்திகளால் கேள்விக்குட்படுத்தப்பட்டு வருகின்ற இக்கால கட்டத்தில் சக சகோதர சிறுபாண்மை மீது இவ்வாறான ஆதாரமற்ற கருத்துக்களை வெளியிட்டதை முஸ்லிம் சமூகம் மிக வன்மையாக கண்டிக்கின்றது.

கடந்த யுத்த காலத்தின்போது யுத்தத்தில் நேரடியாகவோ அல்லது மறைமுகமாகவோ பங்குகொண்டிராத முஸ்லிம் சமூகம் எண்ணில் அடங்காத உயிர்ச் சேதங்களையும், பாரிய பொருளாதார இழப்பையும், தமது வாழ்வுரிமைகளையும் தமிழ் போராட்டக்காறர்களால் இழந்து வட, கிழக்கில் துன்பப்பட்டதை சீ.வீ. அவர்கள் மறந்துவிட்டு பேசுவது ஆச்சரியத்தை ஏற்படுத்தியுள்ளது.

21/4 தாக்குதலுக்கு பின்னரான காலத்தில் முஸ்லிம் சமூகம் பாரிய பிரச்சினைகளுக்கு முகம் கொடுத்துக் கொண்டிருக்கும் இக்காலகட்டத்தில் இவ்வாறான அபாண்டமான கருத்துக்கள் முஸ்லிம் சமூகம் மீதான சந்தேகப் பார்வையை மேலும் அதிகரிக்கும் விதமாக மாறியுள்ளது.

நாட்டில் பேரினவாதம் சிறுபாண்மைகளை ஓரம்கட்டி தனிச் சிங்கள இராச்சியத்தை உருவாக்க வேண்டும் என்ற கோசத்துடன் ஒரு பன்சலையினூடாக ஒரு ஆயிரம் வாக்கு என்ற முன்னெடுப்புக்களை முன்னெடுத்து 7,000,000 பேரின் வாக்கினால் நாட்டினுடைய தலைவரை தேர்வு செய்ய முயற்சிக்கும் மிக ஆபத்தான சூழலில் சிறுபாண்மைக்குள் பிளவுகளை ஏற்படுத்தி பெரும்பாண்மைகளின் கைகூலியாக சீ.வீ. செயற்படுகின்றாரா என்ற பலத்த சந்தேகம் தமிழ், முஸ்லிம் மக்கள் மத்தியில் தோன்றியுள்ளது.

தமிழ் தேசியக் கூட்டமைப்பு அன்றி வேறு எவராலும் தமிழ் மக்களின் பிரச்சினைக்கு தீர்வுகாண முடியாது என்கின்ற மிகப்பெரும் உண்மையை சீ.வீ. வருகின்ற தேர்தலில் தோற்கடிக்கப்பட்டு அரசியலில் இருந்து வெளியேற்றப்படும் அந்தநாளில் புரிந்துகொள்வார்.

ஆக மொத்தத்தில் சீ.வீ. அவர்கள் இனவாத அரசியலை கைவிட்டுவிட்டு ஜனநாயக நீரோட்டத்தில் இன நல்லிணக்கத்தை முன்னிலைப்படுத்தி அரசியல் செய்கின்ற நல்ல சிந்தனையுடன் எதிர்காலத்தில் பயணிக்க சிறுபான்மை சமூகம் சார்பாக வேண்டிக் கொள்கின்றேன் என முன்னாள் கிழக்கு மாகாண சபை உறுப்பினரும், இன்னாள் காத்தான்குடி நகர சபை உறுப்பினருமான பொறியியலாளர் ஷிப்லி பாறுக் தெரிவித்துள்ளார்.

https://www.madawalaenews.com/2019/07/scv.html

 

Share this post


Link to post
Share on other sites

ஷிப்லி பாறுக்  முஸ்லிம் இனவாதி கிஸ்புல்லா பற்றி ஒரு வார்த்தை பேசாத இவரின் கூற்றை எப்படி உண்மையாக எடுக்க முடியும்??

  • Like 1

Share this post


Link to post
Share on other sites

விக்கியின் கூற்றுக்கு முஸ்லீம் மதவெறியர்களின் பதிலிலுள்ள பதற்றம் அவரது கூற்றை உண்மையாக்குகிறது.

நல்ல முஸ்லிம்களுடன் இன ஐக்கியத்தை ஏற்படுத்த, கள்ளக்காணி பிடிக்கும் முஸ்லீம் காடையர்களின் செயல்களை பகிரங்கமாக அம்பலப்படுத்துவது பெரிதும் உதவும்.

கிழக்குமாகாண பிரதிநிதியான சம்மந்தன் தனது வீட்டுக்கு கிட்ட இருக்கும் கன்னியா பறிபோவது கூடத் தெரியாமல் இருக்கும் நிலையில் இந்த விடயத்தில் விக்கியின் செயல்கள் பாராட்டப்பட வேண்டியவை.

  • Like 2

Share this post


Link to post
Share on other sites
Quote

கடந்த யுத்த காலத்தின்போது யுத்தத்தில் நேரடியாகவோ அல்லது மறைமுகமாகவோ பங்குகொண்டிராத முஸ்லிம் சமூகம் எண்ணில் அடங்காத உயிர்ச் சேதங்களையும், பாரிய பொருளாதார இழப்பையும், தமது வாழ்வுரிமைகளையும் தமிழ் போராட்டக்காறர்களால் இழந்து வட, கிழக்கில் துன்பப்பட்டதை சீ.வீ. அவர்கள் மறந்துவிட்டு பேசுவது ஆச்சரியத்தை ஏற்படுத்தியுள்ளது.

போரில் அரசுக்கு முண்டு கொடுத்தே  முஸ்லிம்கள் தான். அது உளவு படையில் இருந்து தமிழ் கிராமங்களை அழிப்பது வரை.

Share this post


Link to post
Share on other sites

விக்னேஸ்வரன் ஐயா 300 கிராமங்கள் என்று இலக்கம் குறித்து பேசும்போது பொத்தாம் பொதுவாக ஆய்வு இல்லாமல் பேசுவது சரியல்ல. கிழக்கில் மொத்தமாகவே 300 முஸ்லிம் கிராமங்கள் இல்லையே என முஸ்லிம் தரப்பில் இருந்து எழுப்பபட்ட கேழ்விக்கு விக்னேஸ்வரன் ஐயா பதில் சொல்ல வேண்டும். உண்மையிலேயே பொது எல்லைகலைக் கொண்ட 300 தமிழ் மற்றும் முஸ்லிம் கிராமங்கள் கிழக்கில் இல்லையென்பதுதான் உண்மை. 

Share this post


Link to post
Share on other sites

"கிழக்கில் மொத்தமாகவே 300 முஸ்லிம் கிராமங்கள் இல்லையே என முஸ்லிம் தரப்பில் இருந்து எழுப்பபட்ட கேழ்விக்கு விக்னேஸ்வரன் ஐயா பதில் சொல்ல வேண்டும்"

விக்கினேஸ்வரன் ஐயா அவர்களின் கருத்து ஆதரமில்லாதது என்றால், இங்கே மறுதலிக்கும் தரப்பு அதை ஆதாரத்துடன் மறுப்பதே  பண்பானது.

முஸ்லீம் தரப்பு கிழக்கில் எத்தனை தமிழ் கிராமங்களை 1948இல் இருந்து முஸ்லீம் கிராமங்களாக மாற்றி உள்ளார்கள் என ஆதாரத்துடன் சேர்ப்பிக்க உரிமை உள்ளது. 

எத்தனை வேற்று மத மக்களை இஸ்லாம் மதத்திற்கு மாற்றி  உள்ளார்கள் என்ற புள்ளி விபரமும் தெரியப்படுத்தப்படலாம். அதுவும் அவர்களின் சனநாயக உரிமை. 

  • Like 1

Share this post


Link to post
Share on other sites
On 7/23/2019 at 11:19 AM, colomban said:

தமிழ் தேசியக் கூட்டமைப்பு அன்றி வேறு எவராலும் தமிழ் மக்களின் பிரச்சினைக்கு தீர்வுகாண முடியாது என்கின்ற மிகப்பெரும் உண்மையை..

tenor.gif

அதிகபடியா அவையளுக்கு இறங்கி போகினமா ..? 😢

Share this post


Link to post
Share on other sites

Asmy.jpg

தனது தமிழ் சமூகத்திலிருந்து எவரோ ஒருவர் சொன்ன வாய் பேச்சை வைத்து தன் சமூகம் பாதிக்கப்படுவதாகவும் தன் சமூகத்தின் உரிமைகள், இருப்புக்கள், வாழ்வாதாரம் பறி போவதாகவும் பகிரங்கமாக ஆதாரங்கள் இல்லை என்று தெரிந்தும் தமிழர் தரப்பின் முக்கிய அரசியல்வாதிகளில் ஒருவராக இருக்கும் முன்னாள் வட மாகாண முதலமைச்சரும், தமிழ் மக்கள் கூட்டணியின் செயலாளர் நாயகமுமான க.வி.விக்னேஸ்வரன் தன் சமூகம் சார்ந்து சொன்ன கருத்துக்களை முந்தியடித்துக் கொண்டு ஊடக அறிக்கைகள் மூலம் விமர்சிக்கும் நாம் இழந்து போயுள்ள எமது உரிமைகள், நிலபுலங்களை, பிரதேச எல்லைகளை மீட்க என்ன முன்னெடுப்புகளை செய்துள்ளோம் என நல்லாட்சிக்கான தேசிய முன்னணியின் வாழைச்சேனை பிரதேச சபை உறுப்பினர் கே.எல்.அஸ்மி கேள்வி எழுப்புகிறார்.
 
வட மாகாண முதலமைச்சரின் கருத்துக்கு முஸ்லிம் தலைமைகள் அறிக்கை விடுவதையிட்டு வெளியிட்டுள்ள அறிக்கையிலேயே மேற்சொன்னவாறு தெரிவித்துள்ளார்.
 
அவ்வறிக்கையில் மேலும் தெரிவித்துள்ளதாவது-
 
முன்னூறு கிராமங்களும் வீதிகளும் முஸ்லிம் மயப்படுத்தப்பட்டுள்ளதையும் தமிழ்ப் பெண்கள் மதமாற்றம் செய்யப்பட்டுள்ளதாகவும் ஆதராமில்லாமல் பொறுப்பு வாய்ந்த தமிழ் தலைவர்களில் ஒருவரான விக்னேஸ்வரன் ஊடங்களில் பகிரங்கமாக சொன்ன அபாண்டங்களை அவர் சமூகம் சார்ந்தும் அவரது எதிர்கால அரசியல் சர்ந்ததாகவும்  அதன் பின்னாலுள்ள சக்திகள் பின்னணிகள் குறித்தும் நாம் சிந்திக்க வேண்டுமே தவிர வெறுமனே அவருக்கெதிரான ஊடக அறிக்கைகளால் எதனையும் நாம் சாதித்து விடமுடியாது.
 
நாம் இழந்துள்ளத்தை பகிரங்கமாகப் பேசி, அதற்காகப் போராடததன் விளைவுகள் தான் இவ்வாறான அறிக்கைகளுக்கு காரணம் எனலாம். கோறளைப்பற்று மேற்கில் பறி கொடுக்கப்பட்ட காணிகள் மீட்கப்படவில்லை. வாழைச்சேனைக்கான தனியான பிரதேச சபை உருவாக்கம் இழுபறி நிலையில் உள்ளதமையால் இப்பிரதேச மக்கள் எதிர்நோக்கும் அவலங்களை கண்டும் காணாமல் இருக்கிறோமா? மீனவர்களின் வாழ்வாதாரம் இழக்கப்பட்டுள்ளது. அதற்கான சரியான தீர்வுகள் இதுவரை கிடைக்கப்பெறவில்லை. வயற்காணிகள் தொடர்பில் எழும் பிரச்சினைகள் என அடுக்கிக் கொண்டே போகுமளவிற்கு எம் சமூகத்தின் பிரச்சினைகள் நிறைந்துள்ளன.
 
நாம் இதையெல்லாம் பகிரங்கமாக எடுத்துரைத்து தீர்வு காண்பதை விட்டு விட்டு அறிக்கைகள் விடுவதால் ஆன பயன் என்பதயும் நாம் அலச வேண்டியுள்ளது. கருத்துச் சுதந்திரம் இருக்கிறது என்பதற்கான முன்னாள் நீதிபதி ஒருவர் ஆதாரமற்ற செய்திகளை விட்டு இன முரண்பாடுகள் தோற்றுவிக்கும் செயற்பாடுகளை எம்மால் ஏற்றுக் கொள்ள முடியாவிட்டாலும். எமது சமூகம் கடந்த கால யுத்த சூழலிலும் அதன் பின்னரான காலப்பகுதிகளிலும் எதிர்கொண்டு வரும் பிரச்சினைகள் பேசப்படுவது தான் இவ்வாறான கருத்துக்ளுக்கு பதிலாக அமையும்.
 
வடக்கில் முஸ்லிம்கள் பலவந்தமாக துரத்தப்பட்டு பல கிராமங்கள் இழக்கப்பட்டுள்ளன. அதே நிலைமை கிழக்கிலும் குறிப்பாக எமது பிரதேசத்தில் குஞ்சான்குளம், காயங்குளம் பகுதிகளிலும் தமிழ் அதிகாரிகள், அரசியல்வாதிகளின் தலையீடுகளும் தொடர்ச்சியாக இருந்து வருகிறது.
 
எமது பிரதேசத்தில் எழும் காணிப்பிரச்சனைகளின் போது கூட தமிழ் அதிகாரிகளும் அரசியல்வாதிகளும் களத்தில் நின்று போராடி கையகப்படுத்தும் நிலை தொடர்கிறது. இதையெல்லாம் நாம் கண்டுகொள்ளாமல் இருந்து விட்டு அறிக்கையூடாக அரசியல் செய்து விட்டுப்போவதால் சமூகம் அடையப்போகும் நன்மை தான் என்ன?
 
பிரதேசத்திலுள்ள காணி எல்லைப் பிரச்சினைகளை தீர்க்க எமது பிரதேசத்தைச் சேர்ந்த ஒருவர் பிரதேச செயலாளராக வரமுடியாத நிலை தொடர்ந்து கொண்டே இருக்கும் அதே வேளை, எமக்கு கிடைக்கிற திறமையான அதிகாரிகளையும் இழந்தே வருகின்றோம்.
 
அண்மையில் வழங்கப்பட்ட காணி உறுதிப்பத்திரங்கள் வழங்களில் கூட விரல் விட்டு எண்ணக்கூடிய அளவானவையே வழங்கப்பட்டன. இந்த விடயத்தில் கூட அரசியல்வாதிகளும் பிரதேச செயலாளர்களும் மேற்கொண்ட ஆக்கபூர்வமான முயற்சிகள், முன்னெடுப்புக்கள் என்ன?
 
ஆகக்குறைந்து குறித்த பிரதேச எல்லைக்குள் வருகின்ற காணிப் பிரச்சனைகளை தீர்க்க நீதி மன்றங்களை நாடுகின்ற போது குறித்த காணி தமது ஆளுகைக்குட்பட்ட பிரதேச செயலக எல்லைக்குள் உள்ளதென்பதைக் கூட ஊர்ஜிதப்படுத்தி ஆவணங்கள், கடிதங்களை வழங்க முடியாத அரச அதிகாரிகளை பெற்றுமுள்ளமை எமது சமூகம் பெற்றுள்ள துர்ப்பாக்கி நிலை என்று சொல்வதை விட வேறில்லை.
 
தமிழ் அரசியல்வாதிகளும் அதிகாரிகளும் அவர்கள் சமூகம் சார்ந்து குரல் கொடுப்பதையும் அதிகார ரீதியாக முன்னெடுக்கும் நடவடிக்கைகளையும் இனவாத நடவடிக்கையாக நாம் விமர்சிக்க முடியாது. அது அவர்கள் இனம் சார்ந்த நடவடிக்கையாகும். இதற்கெதிராக அறிக்கை விட்டு எமது கையாலாகாத தனத்தை வெளிக்காட்டிக் கொள்கிறோமே தவிர ஆக்கபூர்வமான எந்த செயற்பாடுகளும் எம்மிடம் இல்லை.
 
அரசியல்வாதிகள் தமக்கான வாக்கு வங்கியை இலக்காகக் கொண்டு செயற்படுவதனால் இவ்வாறான சூழ்நிலைகளில் பேச முடியாதவர்கள் இருக்கும் அதேவேளை அரச அதிகாரிகளாவது அவர்களது கடமைகளையும் சமூகம் அவர்களிடம் எதிர்பார்க்கும் தீர்வுகளையும் பெற்றுக் கொடுப்பதில் பின் நிற்பதாகவே தோன்றுகிறது. அரசியல் இயந்திரம் அவ்வாறு என்றால் அரச இயந்திரமும் இது விடயங்களில் மெத்தன போக்கையே கடைப்பிடிக்கின்றன.
 
இன்னும் எவ்வளவு எமது காணிப்பிரச்சினை தேர்தல் கால கோசங்களாக இருக்கப் போகிறது? எவ்வளவு காலம் இதையே காட்டி இரு கட்சிகளும் அரசியல் செய்யப் போகிறீர்கள்? என அவ்வறிக்கையில் மேலும் தெரிவிக்கப்பட்டுள்ளது.

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • எங்களுக்கு அறிவில்லைத்தான் நாலு எழுத்து படிக்கவில்லை உங்களை போல் ஆனால் தமிழ் தேசிய கூட்டமைப்பில் சுமத்திரன்ய் பின்கதவால் கொண்டு வந்தபோது நாங்கள் சொன்னதுதான் இதுவரைக்கும் நடந்து இருக்கு இங்கும் Elugnajiru சொன்ன கருத்துக்கு உங்களால் பதில் சொல்லமுடியாமல் என்னுடன் அதான் உங்கள் பாசையில் வெறிகாரனுடன் தனவல் முடிந்தால் அவர்களின் கருத்துகளுக்கு உங்களின் பதில் கருத்துக்களை வையுங்கள் அறிவு குறைந்த எங்களுடன் ஏன் கொள்ளுப்பாடு உங்களால் அவர்களுடன் ஆக்கபூர்வமாக கருத்தாட முடியாது ஏனெனில் உங்கள் இரத்தம் மனியடிச்சால் ஓடிபோய் உங்கள் கடமையை  செய்ய பழக்கபட்டு இருக்கு  . ( அந்தகால அரசர்கள் காலைகடனை  கதிரையில் வட்டமாக வெட்டிய பகுதியில் இருந்து கழிப்பது உண்டு எல்லாம் முடிந்தபின் அவர்கள் தங்கள் கைகளை உபயோகிப்பதில்லை பதிலாக மணியை அடிப்பார்கள் உடனே அடிமைகள் போட்டி போட்டுகொண்டு வந்து மிருதுவான பஞ்சினால் துடைத்து கிளீன் பண்ணி விடுவார்களாம் சில ராஜ்யிங்களில் அப்படி சரியாக துடைத்த அடிமைக்கு வெகுமதியும் அளிப்பது உண்டாம் )
    • ஆறு வாரங்களுக்கு முன் காஷ்மீருக்கான சிறப்பு அந்தஸ்து ரத்து செய்யப்பட்டதைத் தொடர்ந்து, அங்கு ஏற்பட்டுள்ள எண்ணற்ற உயிரிழப்புகள் குறித்தும், அதன் காரணங்கள் குறித்தும் பல முரண்பட்ட தகவல்கள் உள்ளன இந்த சூழலில் பிபிசி செய்தியாளர் யோகிதா லிமாயி ஸ்ரீநகரில் நடைபெற்ற சில சம்பவங்கள் தொடர்பாகப் பார்வையிட்டார்.       இந்திய துணை ராணுவப் படை சுட்டது ஆகஸ்டு 6ஆம் தேதி 17 வயதான அஸ்ரர் கானுக்கு, நான்கு வாரங்களில் தனது உயிரைப் பறித்துக் கொண்ட காயம் ஏற்பட்டபோது அவர், தனது வீட்டுக்கு வெளியே தெருவில் நின்று கொண்டிருந்தார். கெட்டிக்கார மாணவனாகவும், விளையாட்டில் ஆர்வமானவனாகவும், அறியப்பட்ட அஸ்ரர் கானின் உயிரிழப்பு ஏற்கனவே பதற்றத்திலிருந்த சூழலில், மீண்டும் ஒரு சர்ச்சையாக மாறியுள்ளது. அஸ்ரர் தெருவில் விளையாடிக் கொண்டிருந்தபோது, நெற்றியில் புகைக்குண்டின் சிலிண்டரும் உலோக பெல்லட் குண்டுகளும் அஸ்ரர் கானின் நெற்றியில் பட்டதாகக் குற்றம் சுமத்துகிறார் ஃபிர்தூஸ் அகமது கான். அஸ்ரருடன் விளையாடிக் கொண்டிருந்த அவனின் நண்பன் இந்திய துணை ராணுவப் படை அவனை சுட்டதாக தெரிவிக்கிறான்.   மறுக்கும் ராணுவம் அஸ்ரரின் மருத்துவ அறிக்கை அவர் பெல்லட் குண்டுகளாலும், கண்ணீர் புகைக்குண்டு வெடித்ததாலும் உயிரிழந்ததாகத் தெரிவிக்கிறது. ஆனால் காஷ்மீரில் உள்ள இந்தியாவின் உயர் ராணுவ கமாண்டர், லெஃப்டினட் ஜெனரல் கே.ஜே.எஸ்.தில்லான், காஷ்மீர் போராட்டக்காரர்கள் ஆயுதப்படைகள் மீது எறிந்த கற்கள் அஸ்ரர் மீது பட்டதாகத் தெரிவித்துள்ளார். Image caption அஸ்ரர் மருத்துவ அறிக்கை பிபிசியிடம் பேசிய காஷ்மீர் போலிஸாரும் இதையே தெரிவித்தனர். மருத்துவமனை அறிக்கை தெளிவற்றதாக இருப்பதாகவும், அதுகுறித்து மேலும் விசாரணைகள் தேவை என்றும் தெரிவிக்கின்றனர். காஷ்மீருக்கு வழங்கப்பட்ட சிறப்பு அந்தஸ்தை நீக்கி, அந்த மாநிலத்தை இரண்டு யூனியன் பிரதேசங்களாக பிரித்து இந்தியா அறிவிப்பு வெளியிட்ட நாளில்தான், இந்த சம்பவம் நடைபெற்றது. எதிர்பாராத இந்த அறிவிப்பு வெளியான நாளுக்கு முன்பாக, தொடர்ந்து சில நாட்களாக பல்லாயிரக் கணக்கான இந்தியத் துருப்புக்கள் அந்த பகுதியில் பாதுகாப்புப் பணியில் அமர்த்தப்பட்டனர். இந்துக்களின் புனித யாத்திரை ஒன்று ரத்து செய்யப்பட்டது. பள்ளி, கல்லூரிகள் மூடப்பட்டன. சுற்றுலாப் பயணிகள் அங்கிருந்து கிளம்புமாறு கேட்டுக் கொள்ளப்பட்டனர். தொலைபேசி மற்றும் இணையதள சேவைகள் துண்டிக்கப்பட்டன. மேலும் இந்த பிராந்தியத்தைச் சேர்ந்த பல அரசியல் கட்சித் தலைவர்கள் வீட்டுக்காவலில் வைக்கப்பட்டனர்.   94 சதவீதம் மதிப்பெண் உயிரிழந்த அஸ்ரர் தனது 10-வது வகுப்புத் தேர்வில் 94 சதவீதம் மதிப்பெண் பெற்றதைக் காட்டும் ஒரு ரேங்க் கார்ட்டும், கிரிக்கெட் கோப்பையுடன் அவரின் புகைப்படம் உள்ள ஒரு செய்தித்தாளும்தான் தற்போது அவரின் குடும்பத்துக்கு விலைமதிப்பில்லா பொக்கிஷங்கள். Image caption அஸ்ரர் பெற்ற மதிப்பெண் ''இந்தியப் பிரதமர் நரேந்திர மோதி எனது வலியை அறிவாரா? இதற்கு அவர் மன்னிப்பு கேட்டாரா? இது குறித்து அவர் கண்டனம் தெரிவித்தாரா?'' என்று அஸ்ரரின் தந்தை பிபிசியிடம் வினவினார். ''நாளை உயிரிழப்புகள் மேலும் அதிகரிக்கலாம். இன்றைய காஷ்மீரில் யாரும் எதற்கும் பொறுப்பேற்பதில்லை'' என்று அவர் மேலும் கூறினார். காஷ்மீரின் சிறப்பு அந்தஸ்து ரத்து செய்யப்பட்ட பிறகு, பாதுகாப்புப் படையினரின் நடவடிக்கையால் ஒரு உயிரிழப்பு கூட நடக்கவில்லை என்று இந்திய அரசு தெரிவித்தது. ஆனால், அரசு எதிர்ப்பு போராட்டங்களில் எறியப்பட்ட கற்களால் தாக்கப்பட்டு அஸ்ரார் உள்பட இரண்டு பேர் இறந்ததாக அரசு கூறுகிறது. ஆயுதம் தாங்கிய கிளர்ச்சியாளர்களால் மேலும் மூவர் இறந்ததாக அரசு தெரிவித்துள்ளது.   குலாமை சுட்டது யார்? கடந்த ஆகஸ்ட் 29-ஆம் தேதியன்று, 60 வயதான குலாம் முகமது என்ற கடைக்காரர் கடையின் உள்ளே தனது மனைவியுடன் அமர்ந்திருந்தபோது மோட்டார் பைக்கில் வந்த மூன்று பேர் அவரை சுட்டு விட்டுத் தப்பியோடியுள்ளனர். கடையைத் திறக்கக்கூடாது என்ற தீவிரவாத குழுக்களின் எச்சரிக்கையை மீறி கடையைத் திறந்ததால் குலாம் முகமது கொல்லப்பட்டிருக்கலாம் என்ற யூகம் நிலவுகிறது. குலாம் முஹமதின் குடும்பத்தினரை பிபிசி சந்தித்தபோது, அவர்கள் இது குறித்துப் பேச அச்சப்பட்டனர். குலாம் கொலை செய்யப்பட்டதன் உள்நோக்கம் குறித்து தாங்கள் விசாரணை செய்து வருவதாக போலீசார் பிபிசியிடம் தெரிவித்தனர். ஆனால், அண்மைய நாட்களில் இறந்த தங்களின் உறவுகள், நண்பர்களின் எண்ணிக்கைக்கும், அரசு வெளியிடும் அதிகாரப்பூர்வ உயிரிழப்பு எண்ணிக்கைக்கும் வேறுபாடு உள்ளதாகப் பலர் கூறுகின்றனர்.   பானுவின் கதை அதில் ஒருவர் ரஃபிக் ஷாகூ. ஸ்ரீநகரில் உள்ள பெமினா பகுதியில் ஆகஸ்டு 9ஆம் தேதி, தனது மனைவி ஃபெமீடா பானுவுடன் தனது இரண்டடுக்கு மாடிக் கொண்ட வீட்டில் தேநீர் அருந்திக் கொண்டிருந்தபோது போராட்டக்காரர்களுக்கும், பாதுகாப்புப் படைகளுக்கும் இடையே உள்ள பகுதியில் மோதல் வெடித்ததாக பிபிசியிடம் தெரிவித்தார். போராட்டக்காரர்களைக் கலைக்கப் பாதுகாக்கப் படைகளால் பயன்படுத்தப்படும் கண்ணீர்ப் புகை தனது வீட்டைச் சூழ்ந்து கொண்டதாகவும், 34 வயதான ஃபெமீடா அதனால் மூச்சு திணறியதாகவும் தெரிவிக்கிறார். மூச்சு விடுவதில் சிக்கல் இருப்பதாக அவள் என்னிடம் தெரிவித்தாள். எனவே அவளை மருத்துவமனைக்கு அழைத்துச் சென்றேன். அவள் தொடர்ந்து என்னிடம் தனக்கு என்ன நடக்கிறது என்று கேட்டுக் கொண்டே இருந்தாள். மிகவும் பயந்துவிட்டாள். மருத்துவர்கள் அவளைக் காப்பாற்ற பெரிதும் முயன்றனர். ஆனால் அவளைக் காப்பாற்ற முடியவில்லை. பானுவின் மருத்துவ அறிக்கை அவர் விஷவாயுவை சுவாசித்தால் இறந்துவிட்டதாகத் தெரிவிக்கிறது. தற்போது பானுவின் கணவர் தனது மனைவியின் இறப்பு குறித்து விசாரிக்க வேண்டும் என நீதிமன்றத்தில் வழக்குத் தொடுக்கப் போவதாகத் தெரிவிக்கிறார். பானுவை போன்ற கதைதான் ஸ்ரீ நகரில் உள்ள சஃபகடல் பகுதியைச் சேர்ந்த 60 வயது முகமது அயூப் கானின் கதையும். ஆகஸ்டு 7ஆம் தேதி இந்த போராட்டம் வெடித்த போது அந்த பகுதியை அயூப் கான் கடந்து சென்றதாக அவரின் நண்பர் ஃபயஸ் அகமது கான் தெரிவிக்கிறார். கானின் காலுக்கடியில் இரண்டு கண்ணீர் புகைக் குண்டுகள் வந்து விழுந்ததாக அவர் பிபிசியிடம் தெரிவித்தார். உடனே அவர் மருத்துவமனைக்கு அழைத்துச் செல்லப்பட்டார். ஆனால் அங்கு அவர் ஏற்கனவே இறந்துவிட்டதாக மருத்துவர்கள் தெரிவித்தனர். இதுவரை அவரின் இறப்பு குறித்து அவரின் குடும்பத்திற்கு எந்த ஓர் அறிக்கையும் தரப்படவில்லை. ஆனால் கான் கண்ணீர் புகையைச் சுவாசித்ததால்தான் உயிரிழந்தார் என்று கூறுவது வதந்தி என போலீஸார் தெரிவிக்கின்றனர்.   தகவல் தர மறுக்கும் போலீஸார் அந்த பகுதியில் முழு அடைப்பு நடைபெற்று வந்தாலும், தடை உத்தரவு மீண்டும் மீண்டும் அமலில் இருந்தபோதும், அங்கு போராட்டக்காரர்கள், அரசுக்கும், பாதுகாப்புப் படைக்கும் எதிராகப் போராட்டங்கள் நடத்துகின்றனர். அது வன்முறையாகவும் மாறி வருகிறது. படத்தின் காப்புரிமை Getty Images இதுவரை எத்தனை பேர் உயிரிழந்துள்ளனர் என்பது குறித்து மருத்துவமனைகள் எந்த தகவலையும் தர மறுக்கின்றன. காயமடைந்த பலர் தங்களின் காயங்களுக்கு முறையான சிகிச்சை பெற மருத்துவமனைக்குச் செல்ல விரும்புவதில்லை. ஏனென்றால் அவர்கள் கைது செய்யப்படலாம் என அஞ்சுகின்றனர். ஆயிரக்கணக்கான செயற்பாட்டாளர்கள், உள்ளூர் அரசியல்வாதிகள், மற்றும் வணிகர்கள் ஆகியோரை அரசு தடுத்து வைத்திருக்கிறது என நம்பப்படுகிறது. இதில் பலர் உள்ளூர் சிறையிலிருந்து நகரத்தின் வெளியே உள்ள பிற சிறைச்சாலைகளுக்கு மாற்றப்பட்டுள்ளார்கள். இதில் எத்தனை பேர் இறந்துள்ளனர் அல்லது காயமடைந்துள்ளனர் என அறிவது கடினமாக இருந்தாலும், ஒரு விஷயம் மட்டும் தெளிவாகத் தெரிகிறது. அதாவது காஷ்மீர் இதற்கு முன்னால் எதிர்கொண்ட அமைதியின்மையைவிட ஒப்பீட்டளவில் இது சிறியது. காஷ்மீர் ஆளுநர் சத்யபால் மாலிக், "2008, 2010 மற்றும் 2016 ஆகிய ஆண்டுகளில் நடந்த வன்முறைச் சம்பவங்களில் அதிகளவிலான மக்கள் உயிரிழந்தனர்." என்கிறார். "பாதுகாப்புப் படை இரவும், பகலும் அயராது உழைத்து, எந்த தனி மனிதரையும் காயப்படுத்தாமல் அமைதியை உறுதிப்படுத்தி உள்ளனர்" என்று தெரிவிக்கிறார். தொலைத்தொடர்பு துண்டிப்பு, ராணுவ நடவடிக்கை காரணமாகத்தான் உண்மையான நிலவரம் இன்னும் முழுமையாக வெளியே தெரியவில்லை எனப் பலர் கூறுகின்றனர். காஷ்மீரில் நடைமுறையில் உள்ள பல தடைகள் எப்போது முடிவுக்கு வரும், அப்படி முடிவுக்கு வரும்பட்சத்தில் என்ன நடக்கும் என முழுமையாகத் தெரியவில்லை. https://www.bbc.com/tamil/india-49714631
    • பல நாடுகள் ஏற்கனவே பாகிஸ்தானுடன் மத்திய கிழக்கு நாடுகளில் தான் விளையாடுகின்றன. இலங்கையும் அவ்வாறு செய்யலாம். இவரும் இம்ரான்கான் போன்று அரசியலில் இறங்க உள்ளார் போல் தெரிகின்றது.  🙂 🙂 
    • இந்த கட்டுரையாளர் என்ன நோக்கத்திற்காக எழுக தமிழ் நடந்தது என்பதை விளங்காமல் எழுதினாரா இல்லை விளங்கியும் வேறு நோக்கத்துடன் எழுதினாரா? என்ற கேள்வி எழுகின்றது. காரணம், இங்கே இவர் எழுப்பும் கேள்விகள் நியாயமானவை,. ஆனால், எழுப்பிய நேரமும் இடமும் தவறானவை.