ஏராளன்

பேலியோ, மருத்துவர் சிவச்சந்திரன் சிவஞானத்தின் முகநூல் குறிப்பு

Recommended Posts

On 7/30/2019 at 8:02 AM, ஏராளன் said:

கொழுப்பு என்றால் என்ன? கொலஸ்டிரால் என்றால் என்ன? கொழுப்பு தான் மாரடைப்பிற்கு காரணமா?

https://doctorarunkumar.com/paleo-lchf-diet/fat-cholesterol-heart-disease-hypothesis/

மருத்துவர் அருண் ஆரம்பத்தில் சொன்ன எல்லாவற்றையும் தனது மருத்துவப் பாடப் புத்தகத்தில் இருந்து சரியாக எடுத்து விடுகிறார், கடைசியில் ஒரு ஸ்லைட் போடுகிறார்: இருநூறு காரணங்கள் வரை குருதிக் கலனில் கொழுப்புப் படிய இருக்குதாம், அதில் அதிக கொழுப்பு என்பது கடைசிக் காரணமாம்! இந்தியாவில் பணம் வாங்கிக் கொண்டு டிகிரி தரும் போலி மருத்துவக் கல்லூரிகள் அதிகரித்ததன் விளவு தான் இப்படியான அரைகுறை மருத்துவர்கள் கிளம்பி மக்களுக்கு தங்கள் நம்பிக்கைகளை ஆப்பாக இறுக்கக் காரணம் என்று நினைக்கிறேன். நிரம்பிய கொழுப்பு (saturated fat) கொலஸ்ட்ரோலை மக்களில் அதிகரிக்கிறது என்பது மட்டுமல்ல, அது எப்படி அதிகரிக்கிறது என்றும் நிறைய ஆய்வுகள் செய்து முடிந்த முடிவாக நிரூபிக்கப் பட்டு விட்டது. இவரோ "இதையெல்லாம் மருத்துவர்கள் ஆராயவில்லை" என்கிறார். முகனூலில் இருந்து தான் இவர் மருத்துவம் படித்திருக்கிறார் போல!   

  • Like 1
  • Confused 1

Share this post


Link to post
Share on other sites

ஏராளன், உங்களை முகம் சுழிக்க வைத்தமைக்கு மன்னிக்கவும். ஒரு மருத்துவர் அண்ணளவாக 3000 மருத்துவ ஆய்வு வெளியீடுகளைத் தந்த Framingham Hearst Study ஐ எட்டிக் கூடப் பார்க்காதவர் போல பேசியதால் வந்த கோபமே அது. இனித் தவிர்க்கிறேன். ஆனால் இதய குருதிக் கலன் நோய்கள் உங்களை 10 அல்லது 30 ஆண்டுகளில் தாக்கும் வாய்ப்பை அதிகரிக்கும் அல்லது குறைக்கும் காரணிகளை பாரியளவான மக்கள் தொகையில் ஆய்வு செய்து கண்டறிந்த முடிவுகளை நீங்களே நேரடியாகப்  பார்க்கலாம், இணைப்பு இதோ: 

https://www.framinghamheartstudy.org/fhs-risk-functions/cardiovascular-disease-10-year-risk/

https://www.framinghamheartstudy.org/fhs-risk-functions/cardiovascular-disease-30-year-risk/

 

Share this post


Link to post
Share on other sites
Posted (edited)
On 8/1/2019 at 11:12 PM, Justin said:

ஏராளன், உங்களை முகம் சுழிக்க வைத்தமைக்கு மன்னிக்கவும். ஒரு மருத்துவர் அண்ணளவாக 3000 மருத்துவ ஆய்வு வெளியீடுகளைத் தந்த Framingham Hearst Study ஐ எட்டிக் கூடப் பார்க்காதவர் போல பேசியதால் வந்த கோபமே அது. இனித் தவிர்க்கிறேன். ஆனால் இதய குருதிக் கலன் நோய்கள் உங்களை 10 அல்லது 30 ஆண்டுகளில் தாக்கும் வாய்ப்பை அதிகரிக்கும் அல்லது குறைக்கும் காரணிகளை பாரியளவான மக்கள் தொகையில் ஆய்வு செய்து கண்டறிந்த முடிவுகளை நீங்களே நேரடியாகப்  பார்க்கலாம், இணைப்பு இதோ: 

https://www.framinghamheartstudy.org/fhs-risk-functions/cardiovascular-disease-10-year-risk/

https://www.framinghamheartstudy.org/fhs-risk-functions/cardiovascular-disease-30-year-risk/

 

முகச்சுழிப்பல்ல குழப்பம்(confused), நன்றியண்ணை உங்கள் தெளிவுபடுத்தலுக்கு.
நான் இவற்றை இங்கே இணைப்பது உங்களை போன்றோரின் கருத்துக்களை அறிவதற்கே.
சிவப்பு இறைச்சி ஆபத்து என்று கூறினீர்கள், ஆனால் சைவ/மரக்கறி உணவு எடுப்போருக்கும் இதய வருத்தம் வருகுதே?

Edited by ஏராளன்
something missed

Share this post


Link to post
Share on other sites
8 hours ago, ஏராளன் said:

முகச்சுழிப்பல்ல குழப்பம்(confused), நன்றியண்ணை உங்கள் தெளிவுபடுத்தலுக்கு.
நான் இவற்றை இங்கே இணைப்பது உங்களை போன்றோரின் கருத்துக்களை அறிவதற்கே.
சிவப்பு இறைச்சி ஆபத்து என்று கூறினீர்கள், ஆனால் சைவ/மரக்கறி உணவு எடுப்போருக்கும் இதய வருத்தம் வருகுதே?

ஏராளன், சிவப்பு இறைச்சி இதய நோயை அதிகரிக்கும் என்றால் அதன் அர்த்தம் அடிப்படையாக இருக்கும் இதய நோய்க்குரிய ஆபத்தை சில மடங்குகளால் அதிகரிக்கும் என்பதே. இறைச்சியே சாப்பிடாமல் நிரம்பிய கொழுப்புடைய மரக்கறி உணவுகளைச் சாப்பிட்டாலும் அதேயளவு இதய நோய் ஆபத்து வரும். தேங்காயெண்ணை ஆரோக்கியமானது என்ற புரளி முகநூல் எம்மிடையே பிரபலமான பின்னர் பரவி வரும் ஒரு பொய்யான தகவல். தேங்காய் பாலில் அல்லது எண்ணையில் ஆரோக்கியமான காய்கறிகளைச் சமைத்து உண்டால் சிவப்பு இறைச்சிக்கு நிகரான இதய நோய் ஆபத்து உருவாகும். மேலே நான் தந்த இணைப்பில் இதய நோய்க்குரிய முகாந்திரக் காரணிகள் பட்டியலாக இருக்கின்றன. முதல் காரணி ஒருவரின் வயதும் பாலும்: வயதான ஆண்களில் இதய நோய்கள் வரும் ஆபத்து அதிகம். வயதை, பாலினத்தை நாம் மாற்ற இயலாதல்லவா? அதனால் தான் மாற்றக் கூடிய விடயங்களான உணவு முறையை வாழ்க்கை முறையை நாம் மாற்றுவதால் எமது அடிப்படையான இதய நோய் ஆபத்தைக் குறைக்கலாம்! 

சுருக்கமாகச் சொன்னால்: கொழுப்பு மட்டுமே இதய நோய்க்குக் காரணம் அல்ல, என்ற கூற்று அடிப்படை உயிரியல் ரீதியில் தவறு. புகை பிடித்தல், அல்ககோல், மனப்பதட்டம், அதிக உடற்பருமன் இவையெல்லாமே உடலில் அதிக கொழுப்பைச் சேர்ப்பிப்பதாலும் அழற்சியைக் கூட்டுவதாலும் double hit ஆக குருதிக்கலன்களைத் தாக்குவதே இதய நோயின் அடிப்படை என்பது நன்கு நிரூபிக்கப் பட்டிருக்கிறது. இதை அறியாத மருத்துவர்களின் மருத்துவ அறிவில் ஏதோ பாரிய பிழை இருக்கிறது அல்லது அவர்களுக்கு வேறு உள்நோக்கம் இருக்கிறது.   

  • Like 1
  • Thanks 1

Share this post


Link to post
Share on other sites

மாரடைப்பு காரணங்கள், மரக்கறி மட்டுமே சாப்பிடுகின்றவர்களுக்கும் ஏன் மாரடைப்பு வருகின்றது மற்றும் சிவப்பு இறைச்சி யின் பங்கு பற்றி இதிலும் கொஞ்சம் அலசியிருக்கின்றார்கள்.

 

Share this post


Link to post
Share on other sites

ஊரில் நாங்கள் தே.எண்ணெயும்,தேங்காய்ப்பாலும் தானே சாப்பிட்டு வளர்ந்தனாங்கள்...இங்கு உள்ள சுப்ப மார்க்கட்டில் தேங்காய் சொட்டு எல்லாம் விக்கினம் 
 

Share this post


Link to post
Share on other sites
15 hours ago, ரதி said:

ஊரில் நாங்கள் தே.எண்ணெயும்,தேங்காய்ப்பாலும் தானே சாப்பிட்டு வளர்ந்தனாங்கள்...இங்கு உள்ள சுப்ப மார்க்கட்டில் தேங்காய் சொட்டு எல்லாம் விக்கினம் 

வெள்ளைக்காரருக்கு தேங்காயை துருவி சமைக்க/பயன்படுத்த தெரியாது. அதனால் தேங்காயை வாங்கி தேங்காய் சொட்டை சாப்பிடுவார்கள். அதனால் தேங்காய் சொட்டாகவே விற்கிறார்கள் போலும்.

காய்ந்த தேங்காய்ப்பூவும் விற்பார்கள். கேக்/வேறு எதற்கும் பயன்படுத்துவார்கள்.

Share this post


Link to post
Share on other sites

மட்டுக்களுக்கு எனது கருத்துகளை நீக்குவதில் அவ்வளவு ஆசையோ? நான் உள்ளதை தானே சுட்டிக்காட்டினேன். 😭

On 8/1/2019 at 7:03 PM, Justin said:

நிரம்பிய கொழுப்பு (saturated fat) கொலஸ்ட்ரோலை மக்களில் அதிகரிக்கிறது என்பது மட்டுமல்ல, அது எப்படி அதிகரிக்கிறது என்றும் நிறைய ஆய்வுகள் செய்து முடிந்த முடிவாக நிரூபிக்கப் பட்டு விட்டது. இவரோ "இதையெல்லாம் மருத்துவர்கள் ஆராயவில்லை" என்கிறார். முகனூலில் இருந்து தான் இவர் மருத்துவம் படித்திருக்கிறார் போல!   

அவர் சொன்னது saturated fat அதிகமாக எடுக்கும் பல நாடுகளில் குறைந்த மாரடைப்பு, குறைவாக எடுக்கும் பல நாடுகளில் அதிக மாரடைப்பு உள்ளது. அவை பற்றி மருத்துவ உலகம் ஆராயவில்லை என. (நிமிடம் 29.03 - 30.16)

Share this post


Link to post
Share on other sites
20 hours ago, ரதி said:

ஊரில் நாங்கள் தே.எண்ணெயும்,தேங்காய்ப்பாலும் தானே சாப்பிட்டு வளர்ந்தனாங்கள்...இங்கு உள்ள சுப்ப மார்க்கட்டில் தேங்காய் சொட்டு எல்லாம் விக்கினம் 
 

ரதி,

நிரம்பிய கொழுப்பு  உடலில் HDL வகை கொழுப்பைக் குறைத்து LDL வகையைக் கூட்டுவதால் இதய நோய்க்கு வழி வகுக்கும் என்பது மேற்கு  நாடுகளில் நடத்தப் பட்ட ஆய்வுகளால் கண்டறியப் பட்டிருக்கிறது. தேங்காயில் 80% இற்கும் அதிகமான கொழுப்பு நிரம்பிய கொழுப்பு. எனவே இறைச்சி, பால், முட்டை மஞ்சட் கரு என்பவை போல இதய நலனுக்கு ஒவ்வாதது என்பது விஞ்ஞான ஆய்வை அடிப்படையாகக் கொண்ட மருத்துவமுறைகளின் சிபார்சு.

தேங்காய் உடலுக்கு நல்லது என்ற குழப்பகரமான கருத்திற்கு,  சில ஆதிவாசி மக்கள் கூட்டங்களில் 1980 , 90 களில் நடந்த ஆய்வுகளின் (observational studies) முடிவுகள் காரணம். மிகவும் மெலிந்த தோற்றமுடைய பொலினேசியன் ஆதுவாசிகளில் தேங்காய் பிரதான உணவாக இருந்தாலும் இதய நோய், மூளை இரத்த அடைப்பு என்பன இருக்கவில்லை என்ற அவதானத்தைத் தான் இந்த ஆய்வுகள் செய்தன. இந்த ஆதிவாசிகள் தேங்காயோடு சேர்த்து வேறெதை உணவில் சேர்க்கிறார்கள், எவ்வளவு உடலுழைப்பில் ஈடுபடுகிறார்கள், எந்த விதமான மனப்பதட்ட நிலையில் வாழ்கிறார்கள் போன்ற இதய நலனுடன் தொடர்புடைய எந்த தகவல்களும் ஆராயப் படவில்லை. மேலும் எல்லாவற்றிற்கும் அடிப்படையான ஆதிவாசிகளின் ஜீன் மாற்றங்களும் ஆராயப் படவில்லை!. எனவே இந்த ஆதிவாசிகளின் ஆரோக்கியம் தேங்காய் சாப்பிட்டதால் வந்ததா அல்லது வேறு காரணிகளோடு இணைக்கப் படும் போது தேங்காயின் நிரம்பிய கொழுப்பின் தீமைகள் மறைந்தனவா ஆகிய கேள்விகளுடன் இந்த ஆய்வுகள் முற்றுப் பெற்று விட்டன.

இதே போன்ற நிலையொன்று, உடலுழைப்பு, அதிக வெப்பமும் வியர்வையும் ஆகியவை சிறி லங்காவில் எங்களைத் தேங்காயின் தீமைகளில் இருந்து காத்திருக்கலாம். உழைப்புக் குறைவான வடதுருவ நாடுகளில் தேங்காய் உணவில் சேர்க்கப் படுவது சிவப்பு இறைச்சி போல ஆபத்தானது என்று மருத்துவர்கள் சொல்கிறார்கள்.

நியாண்டர் செல்வனின் புத்தகம்:    இந்த முற்றுப் பெறாத ஆய்வுகளைத் தங்கள் கற்பனைகளால் முற்றாக்கி தேங்காயை சர்வ ரோக நிவாரணியாக மாற்றும் வேலையை நியாண்டர் செல்வன் போன்ற முகநூல் விஞ்ஞானிகள் செய்து வருகிறார்கள். நியாண்டர் செல்வன் போன்ற ஆட்களின் கருத்துகளுக்கு (மேலே ஏராளன் இணைத்த நகைச்சுவைப் புத்தகத்தில் இருப்பது போல!) எந்த விஞ்ஞான ரீதியான ஆதாரமும் இல்லை! உதாரணமாக, தேங்காயில் இருந்து வரும் கொழுப்பு உடலில் சேராது அழிக்கப் பட்டு விடும் என்கிறார் நியாண்டர் செல்வன். இதை ஆராய்ந்து கண்டு பிடித்தது யார் என்று தெரியவில்லை! அப்படியொரு கொழுப்பைக் கண்டு பிடித்தவர் மருத்துவ நோபல் பரிசு வேண்டாமென்று முகநூலில்  ஒளித்திருப்பது துயரமானது! ஏனெனில் உணவில் சுவையையும் கூட்டி, கொழுப்பில் மட்டுமே கரையும் விற்றமின்களையும் உடலுக்கு வழங்க வேண்டுமெனில் இப்படி உடலில் தங்காத கொழுப்பு வகை ஒரு சிறந்த வரப்பிரசாதமாக மாறும்.   

இதய குருதிக்கலன் நோய்கள் , கொழுப்புணவுகள் தொடர்பான நம்பிக்கையான ஆய்வின் அடிப்படையிலான தகவல்களை கீழே உள்ள இணைப்பில் சென்று பெறுங்கள்:

https://www.heart.org/

  • Like 1

Share this post


Link to post
Share on other sites
Posted (edited)
20 minutes ago, Justin said:

நிரம்பிய கொழுப்பு  உடலில் HDL வகை கொழுப்பைக் குறைத்து LDL வகையைக் கூட்டுவதால் இதய நோய்க்கு வழி வகுக்கும் என்பது மேற்கு  நாடுகளில் நடத்தப் பட்ட ஆய்வுகளால் கண்டறியப் பட்டிருக்கிறது. தேங்காயில் 80% இற்கும் அதிகமான கொழுப்பு நிரம்பிய கொழுப்பு. எனவே இறைச்சி, பால், முட்டை மஞ்சட் கரு என்பவை போல இதய நலனுக்கு ஒவ்வாதது என்பது விஞ்ஞான ஆய்வை அடிப்படையாகக் கொண்ட மருத்துவமுறைகளின் சிபார்சு.

நிரம்பிய கொழுப்பு LDL ஐ அதிகரிப்பதுடன் HDL ஐயும் அதிகரிக்கிறதாமே. (குறைந்தளவிலாக இருக்கலாம்)

LDL இதய நோய் வருவதற்கான ஆபத்தை அதிகரிக்கும் அதே வேளை HDL அதை குறைக்கிறது எனவும் கூறுகிறார்கள்.

தவிர சிறிய பருமனுள்ள LDL தான் அதிக ஆபத்தை கொண்டது, நிரம்பிய கொழுப்பு LDL இன் பருமனை அதிகரிப்பதால் அது ஆபத்தை குறைக்கிறது என்றும் கூறுகிறார்கள். இது பற்றி உங்கள் கருத்து என்ன?

Edited by Lara

Share this post


Link to post
Share on other sites
4 hours ago, Lara said:

நிரம்பிய கொழுப்பு LDL ஐ அதிகரிப்பதுடன் HDL ஐயும் அதிகரிக்கிறதாமே. (குறைந்தளவிலாக இருக்கலாம்)

LDL இதய நோய் வருவதற்கான ஆபத்தை அதிகரிக்கும் அதே வேளை HDL அதை குறைக்கிறது எனவும் கூறுகிறார்கள்.

தவிர சிறிய பருமனுள்ள LDL தான் அதிக ஆபத்தை கொண்டது, நிரம்பிய கொழுப்பு LDL இன் பருமனை அதிகரிப்பதால் அது ஆபத்தை குறைக்கிறது என்றும் கூறுகிறார்கள். இது பற்றி உங்கள் கருத்து என்ன?

இந்தப் பொறிமுறை பற்றி நான் அறியவில்லை. தேடிப் பார்க்கிறேன். ஆனால் தற்போதைய LDL, HDL பற்றிய மருத்துவ விளக்கம் இது தான்:

1. LDL  ஈரலில் இருந்து உடல் இழையங்களை நோக்கி கொழுப்பைக் காவிச்செல்வதாலும் அதிக triglycerides (TG) என்ற கொழுப்பை தன்னுள் வைத்திருப்பதாலும் குருதிக் கலன்களில் திட்டுகள் ஏற்பட ஒரு காரணியாகிறது.

 2. HDL உடல் இழையங்களில் இருந்து கொழுப்பை ஈரலை நோக்கி எடுத்துச் செல்வதாலும் TG குறைவாகக் கொண்டதாலும் குருதிக் கலன்களில் திட்டுகள் ஏற்படாமல் குறைக்கிறது.

 3. இந்த TG என்ற கொழுப்பு வகை உடலில் பெரும்பாலான கொழுப்பு காணப்படும் வடிவம். இது அதிகரிப்பது குருதிக்கலன் நோய்க்கான ஆபத்தை அதிகரிக்கும் என்று நிரூபிக்கப் பட்டிருக்கிறது. இந்த TG ஆபத்தில்லாத உடலுக்கு அவசியமான கொழுப்பு வகை என்று சில பேலியோ இணையங்களில் மிகவும் தவறான தகவலைக் குறிப்பிடுகிறார்கள்.

கீழே உடலின் கொழுப்பு வகைகளின் அடிப்படை பற்றிய ஒரு இணைப்பு தருகிறேன். ஆர்வமுள்ளோர் வாசித்தறியுங்கள். குறிப்பாக அட்டவணை 32.1 இனைப் பாருங்கள்.

https://www.ncbi.nlm.nih.gov/books/NBK351/

 வார இறுதியில் எனது தொடரில் மேலதிக தகவல்கள் தருகிறேன்.

Share this post


Link to post
Share on other sites
On ‎8‎/‎5‎/‎2019 at 4:12 PM, Justin said:

ரதி,

நிரம்பிய கொழுப்பு  உடலில் HDL வகை கொழுப்பைக் குறைத்து LDL வகையைக் கூட்டுவதால் இதய நோய்க்கு வழி வகுக்கும் என்பது மேற்கு  நாடுகளில் நடத்தப் பட்ட ஆய்வுகளால் கண்டறியப் பட்டிருக்கிறது. தேங்காயில் 80% இற்கும் அதிகமான கொழுப்பு நிரம்பிய கொழுப்பு. எனவே இறைச்சி, பால், முட்டை மஞ்சட் கரு என்பவை போல இதய நலனுக்கு ஒவ்வாதது என்பது விஞ்ஞான ஆய்வை அடிப்படையாகக் கொண்ட மருத்துவமுறைகளின் சிபார்சு.

தேங்காய் உடலுக்கு நல்லது என்ற குழப்பகரமான கருத்திற்கு,  சில ஆதிவாசி மக்கள் கூட்டங்களில் 1980 , 90 களில் நடந்த ஆய்வுகளின் (observational studies) முடிவுகள் காரணம். மிகவும் மெலிந்த தோற்றமுடைய பொலினேசியன் ஆதுவாசிகளில் தேங்காய் பிரதான உணவாக இருந்தாலும் இதய நோய், மூளை இரத்த அடைப்பு என்பன இருக்கவில்லை என்ற அவதானத்தைத் தான் இந்த ஆய்வுகள் செய்தன. இந்த ஆதிவாசிகள் தேங்காயோடு சேர்த்து வேறெதை உணவில் சேர்க்கிறார்கள், எவ்வளவு உடலுழைப்பில் ஈடுபடுகிறார்கள், எந்த விதமான மனப்பதட்ட நிலையில் வாழ்கிறார்கள் போன்ற இதய நலனுடன் தொடர்புடைய எந்த தகவல்களும் ஆராயப் படவில்லை. மேலும் எல்லாவற்றிற்கும் அடிப்படையான ஆதிவாசிகளின் ஜீன் மாற்றங்களும் ஆராயப் படவில்லை!. எனவே இந்த ஆதிவாசிகளின் ஆரோக்கியம் தேங்காய் சாப்பிட்டதால் வந்ததா அல்லது வேறு காரணிகளோடு இணைக்கப் படும் போது தேங்காயின் நிரம்பிய கொழுப்பின் தீமைகள் மறைந்தனவா ஆகிய கேள்விகளுடன் இந்த ஆய்வுகள் முற்றுப் பெற்று விட்டன.

இதே போன்ற நிலையொன்று, உடலுழைப்பு, அதிக வெப்பமும் வியர்வையும் ஆகியவை சிறி லங்காவில் எங்களைத் தேங்காயின் தீமைகளில் இருந்து காத்திருக்கலாம். உழைப்புக் குறைவான வடதுருவ நாடுகளில் தேங்காய் உணவில் சேர்க்கப் படுவது சிவப்பு இறைச்சி போல ஆபத்தானது என்று மருத்துவர்கள் சொல்கிறார்கள்.

நியாண்டர் செல்வனின் புத்தகம்:    இந்த முற்றுப் பெறாத ஆய்வுகளைத் தங்கள் கற்பனைகளால் முற்றாக்கி தேங்காயை சர்வ ரோக நிவாரணியாக மாற்றும் வேலையை நியாண்டர் செல்வன் போன்ற முகநூல் விஞ்ஞானிகள் செய்து வருகிறார்கள். நியாண்டர் செல்வன் போன்ற ஆட்களின் கருத்துகளுக்கு (மேலே ஏராளன் இணைத்த நகைச்சுவைப் புத்தகத்தில் இருப்பது போல!) எந்த விஞ்ஞான ரீதியான ஆதாரமும் இல்லை! உதாரணமாக, தேங்காயில் இருந்து வரும் கொழுப்பு உடலில் சேராது அழிக்கப் பட்டு விடும் என்கிறார் நியாண்டர் செல்வன். இதை ஆராய்ந்து கண்டு பிடித்தது யார் என்று தெரியவில்லை! அப்படியொரு கொழுப்பைக் கண்டு பிடித்தவர் மருத்துவ நோபல் பரிசு வேண்டாமென்று முகநூலில்  ஒளித்திருப்பது துயரமானது! ஏனெனில் உணவில் சுவையையும் கூட்டி, கொழுப்பில் மட்டுமே கரையும் விற்றமின்களையும் உடலுக்கு வழங்க வேண்டுமெனில் இப்படி உடலில் தங்காத கொழுப்பு வகை ஒரு சிறந்த வரப்பிரசாதமாக மாறும்.   

இதய குருதிக்கலன் நோய்கள் , கொழுப்புணவுகள் தொடர்பான நம்பிக்கையான ஆய்வின் அடிப்படையிலான தகவல்களை கீழே உள்ள இணைப்பில் சென்று பெறுங்கள்:

https://www.heart.org/

அவித்த முட்டை உடம்புக்கு நல்லது என்று சொல்லினம்...சில பேர் காலை சாப்பாட்டுக்கு தனிய இரு அவித்த முட்டைகள் மட்டும் சாப்பிடினம்[டயட் இருக்காதவர்கள்] ...டொக்டர்மாரும் சாப்பிட சொல்லி ரெகமண்ட்  பண்ணினதாகவும் சொல்லினம்...அவர்களுள் சலரோகக்காரரும்,இருதய நோயாளிகளும் அடக்கம் 

 

Share this post


Link to post
Share on other sites

கடந்த வாரம் இரு மரணங்கள் என் நண்பர்களது உறவுகள் வட்டத்தில் நிகழ்ந்தன.

ஒருவர் இறந்தது 44 வயதில், மற்றவர் இறந்தது 42 வயதில்.

முதலாமவர், மரக்கறி உணவை மட்டுமே உட் கொள்கின்றவர் (Pure Vegetarian), புகை மற்றும் மது என்பனவற்றை ஒருக்காலும் அருந்தாதவர், கடும் தெய்வ பக்தி நிரம்பியவர். கொழும்பில் வசிப்பவர், காலையில் கோயிலுக்கு சென்று விட்டு வீட்டுக்கு வந்த பின் நெஞ்சு வலி வந்து இருக்கு. அம்மாவிடம் மிளகாய் அவிச்சு தரச்சொல்லி விட்டு சாய்ந்தவர் தான். பின்னர் எழுந்திருக்கவில்லை. களுபோவில ஆஸ்பத்திரிக்கு கொண்டு சென்று இருக்கினம். அவர் ஆஸ்பத்திரிக்கு வர முன்னரே இறந்து விட்டார் என மருத்துவர்கள் கூறி விட்டனர். மரணத்துக்கு காரணம் மாரடைப்பு.

கடும் கண்டிப்பான பெற்றோர்கள் அவரது குடும்ப வாழ்விலும் தலையிட்டமையால் மனைவியை பிரிந்து வாழ்ந்தவர் என்றும் மன அழுத்தம் / Stress என்பனதான் காரணமாக இருக்கலாம் என நண்பர்கள் அபிப்பிரயப்படுகின்றனர். 4 வயதில் மகளுமுண்டு

இரண்டாமவருக்கு எந்த இதய நோய்க்கான அறிகுறிகளும் இருக்கவில்லை. ஆனால் மிக அதிகளவில் மது அருந்துகின்றவர் (Heavy alcoholic) என்று என் நண்பன் சொல்கின்றான். முதலாமவர் போலவே இலேசான நெஞ்சு வலி வந்து முதலாவது மாரடைப்பிலேயே சடுதியாக இறந்து விட்டார். கனடாவில் தான் வசித்தவர். மனைவி பிள்ளகள் உண்டு. எவரும் கொஞ்சம் கூட எதிர்பார்க்கவில்லை.

இந்த இருவரும் ஒருவருக்கு ஒருவர்  நேரெதிரான வாழ்க்கை முறைகளையும், உணவு முறைகளையும் பழக்கங்களையும் கொண்டவர்கள். 45 வயதுக்குள் மாரடைப்பால் இறந்து விட்டனர்.

மாரடைப்புக்கு இவை தான் காரணங்கள் என பட்டியலிட்டு அவை அனைத்தையும் விலக்கி வைத்தோ அல்லது மாரடைப்பை தடுக்கும் முறைகள் என சொல்லப்படுபனவற்றை பட்டியலிட்டு அவற்றை கடைபிடித்தோ மாரடைப்பை தடுக்க முடியாது என்பது தான் நான் கண்ட உண்மை. இது புற்று நோயுக்கும் பொருந்தும்.

எல்லாவற்றையும் மிதமான அளவுகளில் (Moderate level) செய்து விட்டு வாழும் வரைக்கும் வாழ்ந்து விட்டுப் போக வேண்டியது தான்.

 

  • Like 2

Share this post


Link to post
Share on other sites
32 minutes ago, நிழலி said:

கடந்த வாரம் இரு மரணங்கள் என் நண்பர்களது உறவுகள் வட்டத்தில் நிகழ்ந்தன.

ஒருவர் இறந்தது 44 வயதில், மற்றவர் இறந்தது 42 வயதில்.

முதலாமவர், மரக்கறி உணவை மட்டுமே உட் கொள்கின்றவர் (Pure Vegetarian), புகை மற்றும் மது என்பனவற்றை ஒருக்காலும் அருந்தாதவர், கடும் தெய்வ பக்தி நிரம்பியவர். கொழும்பில் வசிப்பவர், காலையில் கோயிலுக்கு சென்று விட்டு வீட்டுக்கு வந்த பின் நெஞ்சு வலி வந்து இருக்கு. அம்மாவிடம் மிளகாய் அவிச்சு தரச்சொல்லி விட்டு சாய்ந்தவர் தான். பின்னர் எழுந்திருக்கவில்லை. களுபோவில ஆஸ்பத்திரிக்கு கொண்டு சென்று இருக்கினம். அவர் ஆஸ்பத்திரிக்கு வர முன்னரே இறந்து விட்டார் என மருத்துவர்கள் கூறி விட்டனர். மரணத்துக்கு காரணம் மாரடைப்பு.

கடும் கண்டிப்பான பெற்றோர்கள் அவரது குடும்ப வாழ்விலும் தலையிட்டமையால் மனைவியை பிரிந்து வாழ்ந்தவர் என்றும் மன அழுத்தம் / Stress என்பனதான் காரணமாக இருக்கலாம் என நண்பர்கள் அபிப்பிரயப்படுகின்றனர். 4 வயதில் மகளுமுண்டு

இரண்டாமவருக்கு எந்த இதய நோய்க்கான அறிகுறிகளும் இருக்கவில்லை. ஆனால் மிக அதிகளவில் மது அருந்துகின்றவர் (Heavy alcoholic) என்று என் நண்பன் சொல்கின்றான். முதலாமவர் போலவே இலேசான நெஞ்சு வலி வந்து முதலாவது மாரடைப்பிலேயே சடுதியாக இறந்து விட்டார். கனடாவில் தான் வசித்தவர். மனைவி பிள்ளகள் உண்டு. எவரும் கொஞ்சம் கூட எதிர்பார்க்கவில்லை.

இந்த இருவரும் ஒருவருக்கு ஒருவர்  நேரெதிரான வாழ்க்கை முறைகளையும், உணவு முறைகளையும் பழக்கங்களையும் கொண்டவர்கள். 45 வயதுக்குள் மாரடைப்பால் இறந்து விட்டனர்.

மாரடைப்புக்கு இவை தான் காரணங்கள் என பட்டியலிட்டு அவை அனைத்தையும் விலக்கி வைத்தோ அல்லது மாரடைப்பை தடுக்கும் முறைகள் என சொல்லப்படுபனவற்றை பட்டியலிட்டு அவற்றை கடைபிடித்தோ மாரடைப்பை தடுக்க முடியாது என்பது தான் நான் கண்ட உண்மை. இது புற்று நோயுக்கும் பொருந்தும்.

எல்லாவற்றையும் மிதமான அளவுகளில் (Moderate level) செய்து விட்டு வாழும் வரைக்கும் வாழ்ந்து விட்டுப் போக வேண்டியது தான்.

 

உங்கள் நிலைப்பாடு சரியானதுதான் .......

ஆனால் இதுவும் எமது மதங்கள் பேய் பிசாசுகள் கதைகள்போல 
இன்னமும் சரியான ஆய்வை செய்யவில்லை என்பதுதான் உண்மை.

மேலே ஜஸ்டின் அவர்கள் போட்டு தாக்குவதுபோல மேலோட்ட்மாகவே இருக்கும் 
உள் நோக்கிய பார்வைகள் மிக மிக குறைவு.
அமெரிக்காவை பொறுத்தவரை யாரையும் உண்மையை பேச விட மாட்டார்கள் என்பதுதான் 
உண்மை. அதையும் மீறி யாரும் பேசினால் கான்ஸிபிரசி தியரி என்றுவிடுவார்கள்
எல்லாம் சரியாகிடும். 

உணவை தவிர்த்து விட்டு 
நீங்கள் உங்கள் வீடை ஒருமுறை சுற்றி பாருங்கள் எவ்வளவு கெமிக்கல்களை நாம் 
புதிதாக மிக சாதரணமாக பாவிக்க தொடங்கி இருக்கிறோம் என்று. 

கோதுமை மாவில் பெரிதாகவே பிலீச்ட் பிளாவர் என்று எழுதி இருக்கு 
நாம் ஆடைகளை துவைக்க பாவிக்கும் அதே பிலீச்ட் தான் அங்கும் பாவிக்கிறார்கள் என்பதை 
மூளைக்கு தெரிந்தாலும்   மனது புட்டின் மீது உள்ள மோகத்தில் மறுக்கிறது. 

மரக்கறி உண்பவர்கள் அதிகம் இராசயனம் உட்க்கொள்ள சாத்தியம் உண்டு 
இவை உள்ளே என்ன விளைவை உருவாக்குகிறது என்பது சரியாக தெரியவில்லை. 
சரியாக தெரிந்தவர்கள் வாய் திறக்க போவதும் இல்லை.

இங்கு உங்களை போல ஐடி வேலை செய்யும் பல இந்தியர்கள் குடும்பத்துடன் தற்கொலை செய்து இருக்கிறார்கள்  நீங்களும் வாசித்து இருப்பீர்கள் மன அழுத்தம் உடலை எவ்வளவு பாதிக்கும் என்று 
எந்த  அளவை வைத்து அளப்பது?  

இந்த குழப்பவாதங்கள் நச்சு உணவகளை விற்கும் பாரிய நிறுவனங்களுக்கு சாதகமாக இருக்கிறது 
வரும் லாபத்தில் அரசியல்வாதிகளை விலைக்கு வாங்கிவிட்டு தொடர கூடியதாக இருக்கிறது. 

நமக்குத்தான் இங்கு வேறு வழியில்லை என்றால் 
ஊரிலும் சோம்பேறித்தனமும்  இரசாயன உணவும் சாதாரண ஒன்றாக மாறிக்கொண்டு இருக்கிறது.

உடற்பயிற்சியால் இவற்றை கொஞ்சம் குறைக்கலாம் என்று நான்  நம்புகிறேன் 
கரணம் ஒன்று உடல் உறுதியாக இருக்குறது  மற்றது நாம் குறைவாக சாப்பிடுகிறோம் 
தேவை இல்லாது மது அருந்த மனம் வாராது இப்படி சில நண்மைகளும். உடலில் சக்தி இருப்பதாலோ என்னமோ சோம்பேறித்தனமும் குறைகிறது.

ஊரில் பிராமணர்கள் அதிகமாக மரக்கறிதானே சாப்பிடுகிறார்கள் 
அவர்கள் உடல் வடிவம் பெரிதாக கெல்தியாக தெரியவில்லை 

Share this post


Link to post
Share on other sites
18 hours ago, நிழலி said:

கடந்த வாரம் இரு மரணங்கள் என் நண்பர்களது உறவுகள் வட்டத்தில் நிகழ்ந்தன.

ஒருவர் இறந்தது 44 வயதில், மற்றவர் இறந்தது 42 வயதில்.

முதலாமவர், மரக்கறி உணவை மட்டுமே உட் கொள்கின்றவர் (Pure Vegetarian), புகை மற்றும் மது என்பனவற்றை ஒருக்காலும் அருந்தாதவர், கடும் தெய்வ பக்தி நிரம்பியவர். கொழும்பில் வசிப்பவர், காலையில் கோயிலுக்கு சென்று விட்டு வீட்டுக்கு வந்த பின் நெஞ்சு வலி வந்து இருக்கு. அம்மாவிடம் மிளகாய் அவிச்சு தரச்சொல்லி விட்டு சாய்ந்தவர் தான். பின்னர் எழுந்திருக்கவில்லை. களுபோவில ஆஸ்பத்திரிக்கு கொண்டு சென்று இருக்கினம். அவர் ஆஸ்பத்திரிக்கு வர முன்னரே இறந்து விட்டார் என மருத்துவர்கள் கூறி விட்டனர். மரணத்துக்கு காரணம் மாரடைப்பு.

கடும் கண்டிப்பான பெற்றோர்கள் அவரது குடும்ப வாழ்விலும் தலையிட்டமையால் மனைவியை பிரிந்து வாழ்ந்தவர் என்றும் மன அழுத்தம் / Stress என்பனதான் காரணமாக இருக்கலாம் என நண்பர்கள் அபிப்பிரயப்படுகின்றனர். 4 வயதில் மகளுமுண்டு

இரண்டாமவருக்கு எந்த இதய நோய்க்கான அறிகுறிகளும் இருக்கவில்லை. ஆனால் மிக அதிகளவில் மது அருந்துகின்றவர் (Heavy alcoholic) என்று என் நண்பன் சொல்கின்றான். முதலாமவர் போலவே இலேசான நெஞ்சு வலி வந்து முதலாவது மாரடைப்பிலேயே சடுதியாக இறந்து விட்டார். கனடாவில் தான் வசித்தவர். மனைவி பிள்ளகள் உண்டு. எவரும் கொஞ்சம் கூட எதிர்பார்க்கவில்லை.

இந்த இருவரும் ஒருவருக்கு ஒருவர்  நேரெதிரான வாழ்க்கை முறைகளையும், உணவு முறைகளையும் பழக்கங்களையும் கொண்டவர்கள். 45 வயதுக்குள் மாரடைப்பால் இறந்து விட்டனர்.

மாரடைப்புக்கு இவை தான் காரணங்கள் என பட்டியலிட்டு அவை அனைத்தையும் விலக்கி வைத்தோ அல்லது மாரடைப்பை தடுக்கும் முறைகள் என சொல்லப்படுபனவற்றை பட்டியலிட்டு அவற்றை கடைபிடித்தோ மாரடைப்பை தடுக்க முடியாது என்பது தான் நான் கண்ட உண்மை. இது புற்று நோயுக்கும் பொருந்தும்.

எல்லாவற்றையும் மிதமான அளவுகளில் (Moderate level) செய்து விட்டு வாழும் வரைக்கும் வாழ்ந்து விட்டுப் போக வேண்டியது தான்.

 

நிழலி:

1. நான் ஏற்கனவே பல இடங்களில் சொல்லியிருப்பது போல, எல்லோருக்கும் அடிப்படையான ஒரு இதய நோய் றிஸ்க் (baseline or residual risk) இருக்கிறது. உங்கள் பெற்றோருக்கு இருந்தால் உங்களுக்கு இந்த அடிப்படை றிஸ்க் அதிகம். நீரிழிவும் அப்படியே. ஆனால், 2000 ஆம் ஆண்டில் மனிதனின் ஜீன்களை எறத்தாழ sequence செய்து விட்டார்கள். அதன் பிறகு அந்த ஜீன்களில் என்ன வகையான விகாரங்கள் இருக்கின்றன என்றும் கண்டறிந்து விட்டார்கள். இதனால் பயன் என்ன? ஜீன்களால் பரம்பரையால் ஒருவருக்கு ஒரு நோய் வரும் வாய்ப்பை அவரது டி.என்.ஏயைப் பரிசோதிப்பதால் அண்ணளவாக ஊகிக்க முடியும். 23 & me என்ற தனியார் கம்பனியே சில நோய்களுக்கான வாய்ப்புகள் தரும் ஜீன்களைப் பரிசோதிக்கும் சேவையை வழங்குகிறார்கள். அஞ்சலினா ஜோலி தனக்கு ஆபத்தான triple negative மார்புப் புற்று நோய் வரும் வாய்ப்பு இருப்பதாக இப்படியான பரிசோதனையில் கண்டறிந்த பின்னர் தான், தன் மார்பகங்களை சத்திர சிகிச்சை  மூலம் அகற்றி விட்டார்.

2. மருத்துவ ஆய்வுகள் கண்டறியாத காரணங்கள் கூட இதய நோய் உட்பட பல நோய்களுக்கு இருக்கலாம் என்பது உண்மை. ஆனால், 70 ஆண்டுகள் நடந்த ஆயிரக்கணக்கான ஆய்வுகளில் என்னென்ன காரணிகளை மாற்றினால் இதய நோய் ஆபத்து குறைகிறது என்று கண்டறிந்திருக்கிறார்கள். இந்த ஆய்வுகள் பாரிய சனத்தொகைகளில் செய்யப் பட்டவை (population studies). இதனால் ஒரு சனக்கூட்டத்தில் 95% ஆன நபர்களுக்கு இந்த ஆய்வின் முடிவுகள் பொருந்தும் என்று கூற முடியும். மிகுதி 5% பேரில் மருத்துவம் இது வரை கண்டறியாத காரணங்களால் ஆய்வின் முடிவுகள் பொருந்தாது (புள்ளி விபரவியல் துறையில் இருப்போர் இதை இலகுவாக விளக்க முடியும், எனக்கு இவ்வளவு தான் முடியும்!). நாம் நாளாந்தம் காணும் கேட்கும், நற்பழக்கங்கள் உடையவர்களும் மாரடைப்பினால் இறந்தார்கள் என்ற செய்தி எமக்கு இந்த 5% இனைத் தான் சுட்டிக் காட்டுகிறது. ஆனால், 95% ஆன நபர்களில், கொழுப்பைக் குறைப்பதும், உடற் பயிற்சி செய்வதும், மன அழுத்தம் குறைப்பதும், மிகைக் குடியைத் தவிர்ப்பதும்  இதய நோய் வாய்ப்பைக் குறைக்கும் என்பதை நாம் நினைவில் வைத்திருக்க வேண்டும்.     

  • Like 2

Share this post


Link to post
Share on other sites

"என்னம்மா...இப்படி பண்றீங்களேம்மா.." கதறும் ஆர்வர்டு பல்கலைகழகம்

கெட்டிகாரன் புளுகு எட்டு நாளைக்கு என்பார்கள்.

அம்மாதிரி ஆர்வர்டு பல்கலைகழகம், அமெரிக்க ஹார்ட் அசோசியேஷன் அனைவரின் புளுகும் அம்பலத்துக்கு வந்துள்ளது.

14 விஞ்ஞானிகள் ஒன்று சேர்ந்து இதுநாள்வரை சிகப்பிறைச்சி கெடுதல் என வந்த அனைத்து ஆய்வுகளையும் தொகுத்து மில்லியன்கணக்கான சாம்பிள் சைஸுடன் ஐந்து பாகமாக ஒரு மெகா ஆய்வை கிரேடு எனும் மிக புதிய, மிக துல்லியமான ஆய்வுமுறையின் மூலம் வடிகட்டி எடுத்தார்கள்.

அந்த ஆய்வு முடிவுகள் ஆனலஸ் ஆஃப் இன்டர்னல் மெடிசின் எனும் உலகின் நம்பர் ஒன் மருத்துவ ஜர்னலில் வெளியாகியுள்ளது

"சிகப்பிறைச்சியால் எந்த கெடுதலும் இல்லை" என அந்த ஆய்வு சொல்ல:

அதிர்ச்சி அடைந்த ஆர்வர்டு பல்கலைகழகம், அமெரிக்க ஹார்ட் அசோசியேச்ன் ஆகியவை அந்த கட்டுரையையே தடை செய்யவேண்டும், வழக்கு போடுவோம் என தாம், தூம் என குதித்து வருகிறார்கள்...

அறிவியல் ஆய்வுக்கு ஏன் இவர்கள் இப்படி பதறவேன்டும்? தடை செய்ய சொல்லும் ரேஞ்சுக்கு போகவேண்டும்?

அவர்களின் ஸ்பான்சர்களின் அடிமடியில் கைவைத்தால் என்ன செய்வார்கள்?

ஆய்வை பற்றி படிக்க

https://www.vox.com/science-and-health/2019/10/1/20893070/beef-bacon-red-meat-health-effects

விடியோ பதிவாக

https://www.youtube.com/watch?v=r8cqPCtCpWQ

Share this post


Link to post
Share on other sites
On 10/2/2019 at 2:01 AM, ஏராளன் said:

"என்னம்மா...இப்படி பண்றீங்களேம்மா.." கதறும் ஆர்வர்டு பல்கலைகழகம்

கெட்டிகாரன் புளுகு எட்டு நாளைக்கு என்பார்கள்.

அம்மாதிரி ஆர்வர்டு பல்கலைகழகம், அமெரிக்க ஹார்ட் அசோசியேஷன் அனைவரின் புளுகும் அம்பலத்துக்கு வந்துள்ளது.

14 விஞ்ஞானிகள் ஒன்று சேர்ந்து இதுநாள்வரை சிகப்பிறைச்சி கெடுதல் என வந்த அனைத்து ஆய்வுகளையும் தொகுத்து மில்லியன்கணக்கான சாம்பிள் சைஸுடன் ஐந்து பாகமாக ஒரு மெகா ஆய்வை கிரேடு எனும் மிக புதிய, மிக துல்லியமான ஆய்வுமுறையின் மூலம் வடிகட்டி எடுத்தார்கள்.

அந்த ஆய்வு முடிவுகள் ஆனலஸ் ஆஃப் இன்டர்னல் மெடிசின் எனும் உலகின் நம்பர் ஒன் மருத்துவ ஜர்னலில் வெளியாகியுள்ளது

"சிகப்பிறைச்சியால் எந்த கெடுதலும் இல்லை" என அந்த ஆய்வு சொல்ல:

அதிர்ச்சி அடைந்த ஆர்வர்டு பல்கலைகழகம், அமெரிக்க ஹார்ட் அசோசியேச்ன் ஆகியவை அந்த கட்டுரையையே தடை செய்யவேண்டும், வழக்கு போடுவோம் என தாம், தூம் என குதித்து வருகிறார்கள்...

அறிவியல் ஆய்வுக்கு ஏன் இவர்கள் இப்படி பதறவேன்டும்? தடை செய்ய சொல்லும் ரேஞ்சுக்கு போகவேண்டும்?

அவர்களின் ஸ்பான்சர்களின் அடிமடியில் கைவைத்தால் என்ன செய்வார்கள்?

ஆய்வை பற்றி படிக்க

https://www.vox.com/science-and-health/2019/10/1/20893070/beef-bacon-red-meat-health-effects

விடியோ பதிவாக

https://www.youtube.com/watch?v=r8cqPCtCpWQ

விஞ்ஞானிகளால் பின்பற்றப் பட்டு வரும் மருத்துவ ஆய்வு முறைகளின் அடிப்படையில், இவர்கள் பின்பற்றிய கிறேடிங் முறையும் அதனால் கிடைத்த முடிவுகளும் தவறானவை. இதை நான் விளங்கப்படுத்தி நேரம் விரயம் செய்வதை விட, ஹார்வார்ட் வெளியிட்டிருக்கும் அறிக்கையைக் கீழே பார்த்து விளங்கிக் கொள்ளலாம் (அல்லது சிவப்பிறைச்சியை  தொடர்ந்து வெட்டலாம், பாதிப்பு ஹார்வார்ட்டுக்கோ எனக்கொ அல்ல!😎)

https://www.hsph.harvard.edu/nutritionsource/2019/09/30/flawed-guidelines-red-processed-meat/ 

Share this post


Link to post
Share on other sites

நேத்து உண்மையானது இன்று பொய்யாகலாம் இன்று உண்மையானது நாளை பொய்யாகலாம் இதுதான் நவீன மருத்துவம் .

  • Like 1

Share this post


Link to post
Share on other sites

பெருமாள்,

Research எனப்படுவதே மீள மீளக் கிண்டி தவறுகளைத் திருத்தி அமைப்பது தான்! ஆனால் இங்கே செய்யப்பட்டிருக்கும் meta-analysis என்பது இந்த 14 புள்ளிவிபரவியல் ஆய்வாளர்களாலும் மீள நடத்தப் பட்ட ஆய்வுகள் அல்ல! ஏற்கனவே நடந்த ஆய்வுகளில் தமக்கு உவப்பான சிலதை எடுத்து, சிலதைத் தவிர்த்து மீள புள்ளிவிபரவியல் (statistics) செய்திருக்கிறார்கள்! அவர்கள் எடுத்துக் கொண்ட ஆய்வுகளில் சில சிவப்பிறைச்சியோடு தொடர்பில்லாதவை. விலங்குகளில் செய்யப் பட்ட ஆய்வுகளை தவிர்த்து விட்டார்களாம். மேலும், உடலுக்கு வெளியே கலங்கள், திசுக்களில் செய்யப் பட்ட ஆய்வுகளையும் விட்டு விட்டார்களாம். அப்படி எல்லாவற்றையும் தவிர்த்தும் இவர்களின் இரண்டு ஆய்வுகள் சிவப்பிறைச்சியால் உடல் நலக்கேடு வருவது அதிகரிக்கும் என்று தான் முடிவு தந்திருக்கிறது, ஆனால் அதை "நம்பிக்கை குறைவு (low certainty) " என்று நிராகரித்திருக்கிறார்கள்! அதாவது தாங்கள் செய்த meta-analysis ஏ தமக்கு நம்பிக்கை குறைவென்று தள்ளி வைத்து விட்டு, நம்பிக்கையோடு " சிவப்பிறைச்சியைத் தவிர்த்தால் உடல் நலக் கேடு குறையாது, எனவே சாப்பிடுங்கள்" என்று சொல்லியிருப்பதால் தான் ஹார்வார்டும் அமெரிக்க இதயநோய் அமைப்பும் இதை பொறுப்பற்ற அறிக்கை என்று முத்திரை குத்தியிருக்கின்றன. ஆனால், ஏராளன் சொன்னது போல வழக்குப் போடுவோம் என்றெல்லாம் சொல்லவில்லை, அது ஏராளனின் கற்பனையென்று நினைக்கிறேன்!

மனித ஆரோக்கியம் தொடர்பான பரிந்துரைகள் மனிதர்களில் மட்டும் செய்யப் பட்ட ஆய்வுகளை முழுவதும் நம்பி உருவாக்கப் படுவதில்லை. மனிதர்களில் செய்யப் படும் ஆய்வு, எலி, குரங்கு போன்ற விலங்குகளில் நடத்திய ஆய்வுகள், முக்கியமாக உடலுக்கு வெளியே வளரும் மனிதத் திசுக்களில் செய்த மூலக்கூற்று மட்ட ஆய்வுகள், என மூன்றையும்  இணைத்தே மனித ஆரோக்கியம் தொடர்பான பரிந்துரைகள் உருவாகின்றன. இந்த மூன்று மட்டங்களிலும் 70 ஆண்டுகளாக நடந்த ஆய்வுகளின் முடிவுகள் தான் இன்றைய சிவப்பிறைச்சி, கொழுப்பு, உடற்பருமன், நீரிழிவு நோய்கள் தொடர்பான பரிந்துரைகளின் அடிப்படைகள்!

உதாரணமாக, உங்களுக்கும் எனக்கும் பரிச்சயமான ஒரு விடயத்தைப் பார்ப்போம்: மொன்சான்ரோவின் கிளைபொசேட் மனிதனில் புற்று நோயை உருவாக்கும் என்று மனிதர்களில் நடந்த ஆய்வுகள் நிரூபிக்கவில்லை! அது தான் உண்மையும் மொன்சான்ரோவின் கோர்ட் வாதத்தின் அடி நாதமும்! ஆனால், விலங்குகளிலும், மனித திசுக்களிலும் கிளைபோசெட் புற்று நோய்க்குரிய மாற்றங்களை உருவாக்குவது நிரூபிக்கப் பட்டிருக்கிறது! இதை அடிப்படையாக வைத்தே WHO கிளைபோசேட் புற்று நோய்க் காரணி என்று நிர்ணயித்தது. அமெரிக்க கோர்ட்டும் மொன்சான்ரோ பலருக்கு நஷ்ட ஈடு வழங்க உத்தரவிட்டது!

இந்த 14 ஆய்வாளர்களிடமும்  மொன்சான்ரோவின் கேசைக் கொடுத்தால் அவர்களின் முடிவு கிளைபோசேட் மனிதருக்குப் பாதுகாப்பான களை கொல்லி என்றே சொல்வர்! இது எவ்வளவு புத்திசாலித்தனமான ஆலோசனை என்பதை உங்கள் யோசனைக்கே விட்டு விடுகிறேன்!

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • ஜனாதிபதி வேட்பாளர்களுக்கு ஒரு வினாத்தாள்   1.தேசியப் பாதுகாப்பு இந்த ஜனாதிபதித் தேர்தலைப் பொறுத்தவரையில் தேசிய பாதுகாப்பு விடயமானது முக்கியமானதொன்றாக மக்கள் மத்தியில் இடம்பிடித்திருக்கின்றது எனலாம். உயிர்த்த ஞாயிறு தாக்குதல் இந்த நிலை ஏற்படக் காரணமாக அமைந்திருக்கலாம். ஒரு நாடு என்ற அடிப்படையில் தேசிய பாதுகாப்பு குறித்து முறையான பாதுகாப்பு பொறிமுறையொன்று அமைத்துக்கொள்வதில் கவனம் செலுத்துவது மிக மிக அவசியமான விடயம் என்பதில் மாற்றுக் கருத்துகள் இருக்கமுடியாது. விஜேவீர என்பவரால் தெற்கில் ஏற்படுத்தப்பட்ட செயற்பாடுகள் மற்றும் பிரபாகரன் மூலமாக வடக்கே ஏற்படுத்தப்பட்ட செயற்பாடுகள் மற்றும் போரின் பின்னர் சஹ்ரானின் செயற்பாடுகள் என்பன ஊடாக ஏற்பட்ட நாசகார வேலைகள் இலங்கையின் பாதுகாப்பின் மீது மேற்கொள்ளப்பட்ட பாரிய அச்சுறுத்தல்களாக குறிப்பிடலாம். முதலாவது செயற்பாடு சிங்கள செயற்பாடாகவும் இரண்டாவது மூன்றாவது செயற்பாடுகளை முறையே தமிழ் மற்றும் முஸ்லிம் செயற்பாடுகளாகக் குறிப்பிடலாம். எனினும், மேற்படி செயற்பாடுகள் எதுவுமே வானத்திலிருந்து வந்து இறங்கியவையாக குறிப்பிட முடியாது என்பதுடன் அவை வெளிநாட்டின் ஆக்கிரமிப்பு என்பதாகவும் கருதமுடியாது. பாதுகாப்பு தொடர்பான பிரச்சினைகள் என எதுவுமே மேற்படி தீவிரவாதங்கள் ஏற்படுவதற்கு காரணமாக அமைந்திருக்கவில்லை என்பதுடன் சமூக அரசியல் காரணங்களே மேற்படி தீவிரவாதங்களுக்கு காரணமாக அமைந்திருந்தன. தீவரவாதங்கள் தலைதூக்காத அடிப்படையில் சாதி, இனம், மதம் என்ற அடிப்படையிலான பிரிவினைவாதங்களுக்கான அங்கீகாரத்தினை இல்லாமல் செய்து அனைத்து மக்களுக்கும் சம உரிமை மற்றும் சம அங்கீகாரம் கிடைக்கும் அடிப்படையிலான இலங்கை தேசமொன்று அமைக்கப்பட்டிருக்குமானால் இப்படியான கலவரங்களை நாடு எதிர்நோக்காமலிருந்திருக்கும். ஜே.வி.பியின் இரண்டாவது கலவரத்தினை முடிவுக்குக் கொண்டுவந்ததன் பின்னர் இளைஞர்களின் விரக்தி குறித்து ஆராய்வதற்காக ஜனாதிபதி ஆணைக்குழு ஒன்று அப்போதைய ஜனாதிபதி ரணசிங்க பிரேமதாசவினால் நியமிக்கப்பட்டது. தெற்கின் சிங்கள கலவரங்களுக்கும் வடக்கின் தமிழ் கலவரங்களுக்கும் சாதி, இன, மத வேறுபாடுகளே காரணமாக அமைந்ததாக அந்த ஆணைக்குழு அறிக்கையாக சமரப்பித்தது. சஹ்ரானின் ஒரு நாள் தற்கொலைத் தாக்குதலுக்கு சர்வதேச முஸ்லிம் தீவிரவாதக் குழுக்களின் தீவிரவாதக் கருத்துக்களின் தாக்கம் இருப்பதாக கூறப்பட்டபோதிலும் போர் வெற்றியின் பின்னரான காலப்பகுதியில் முஸ்லிம்களுக்கு எதிராக மேற்கொள்ளப்பட்ட தாக்குதல்கள் இதற்கு காரணமாக அமைந்திருக்கலாம் எனக் கருதலாம். இராணுவம் மற்றும் புலனாய்வுத்துறைகளை நவீனமயப்படுத்தி ஆயத்த நிலையில் வைத்திருப்பது அவசியமான விடயம் என்றபோதிலும் தேசிய பாதுகாப்பு உறுதிப்படுத்தப்பட வேண்டுமெனில் சாதி, இனம், மதம் என்பவற்றினை அடிப்படையாகக் கொண்டு கலவரங்கள் உருவாகாத நிலை உருவாக்கப்படல் வேண்டும். சுதந்திரம் பெற்று 71 வருடங்கள் கடந்த நிலையிலும் இவ்வாறான சூழ்நிலையை உருவாக்க முடியாத நிலையில் இருக்கின்ற எமது நாட்டில் மேற்படி செயற்பாடுகள் ஊடாக மாத்திரமே தேசத்தைக் கட்டியெழுப்ப முடியுமாக அமையும். இந்த தேவைப்பாட்டினை பூர்த்திசெய்யாத நிலையில் பாதுகாப்பு படையினரையும் புலனாய்வுத் துறையினரையும் ஆயத்த நிலையில் வைப்பது எந்த வகையில் தீர்வாக அமையும்? (I) இது தொடர்பில் ஜனாதிபதி வேட்பாளர்களின் கருத்து என்ன? (II) சிங்கள தமிழ் மக்களிடையே ஏற்பட்டிருக்கின்ற இனத்துவம் மற்றும் இன வேறுபாடு குறித்து கருதுவது என்ன? (III) இனத்துவ முறையின் அடிப்படையில் அழுத்தத்திற்கு உட்பட்டிருக்கும் இனத்தவர்கள் மீது வன்முறைகளும் அழுத்தங்களும் பிரயோகிக்கப்படுகின்றது என்பதனை ஏற்றுக்கொள்வார்களா? (IV) இந்த நிலையைப் போக்கி அவர்களுக்கும் சம அந்தஸ்த்தினை வழங்குவதற்காக மேற்கொள்ளவேண்டிய மீள்கட்டமைப்பு நடவடிக்கைகள் யாவை? (V) இன மத அடிப்படையிலான பிணக்குகள் ஏற்படாதிருக்கும் விதத்தில் சகவாழ்வினை ஏற்படுத்தும் வழிமுறைகள் யாவை? (VI) சிங்கள, தமிழ் கலவரத்துக்கு காரணமாக அமைந்த விடயங்கள் மற்றும் குறித்த கலவரத்தை அடக்கியதன் விளைவாக ஏற்பட்ட மனிதாபிமானத்துடன் தொடர்புடைய பிரச்சினைகள் தொடர்பில் ஆராயப்படுதல் குறித்த நிலைப்பாடுகள் என்ன? 2. நாடாளுமன்றம் 19ஆவது சீர்திருத்தத்தின் பிரகாரம் அடுத்த ஜனாதிபதி தெரிவுசெய்யப்பட்டவுடன் நாட்டை நிர்வாகிக்கும் சர்வாதிகார அதிகாரம் நாடாளுமன்றத்தை சார்ந்துவிடுகின்றது. எனினும், அந்த பாரிய பொறுப்புக்களை ஏற்று உரிய முறையில் நிர்வகிக்கும் அளவில் இன்றைய நாடாளுமன்றம் காணப்படுவதில்லை. மிகவும் பலவீனமடைந்ததாகவும் வினைத்திறன் குன்றியதாகவுமே காணப்படுகின்றது. நாடாளுமன்ற உறுப்பினர்கள் பெரும்பாலானவர்கள் சட்டத்துக்கு புறம்பாக அரசாங்கத்துடன் வியாபார நடவடிக்கைகளில் ஈடுபடுவதன் விளைவாகவே இந்த நிலை ஏற்பட்டிருக்கின்றது. நாடாளுமன்ற உறுப்பினர்கள் அரசாங்கத்துடன் வியாபாரம் செய்வது அவர்களது நாடாளுமன்ற உறுப்பினர் பதவியையே இல்லாமலாக்கிவிடும் அளவில் பாரதூரமான குற்றமாகும். இது கடந்த 40 வருடங்களாக நடைபெற்றுவரும் குற்றச் செயல் என்பதுடன் இந்த குற்றங்களை சரிசெய்வதற்காக நாடாளுமன்றம் எந்த நடவடிக்கைகளையும் மேற்கொள்ளவில்லை என்பதுடன் அவ்வாறு மேற்கொள்ளப்படுவதனை விரும்புவதுமில்லை (I) ஜனாதிபதி தேர்தலில் போட்டியிடுகின்ற வேட்பாளர்களில் சிலர் நாடாளுமன்ற உறுப்பினர்களைக் கொண்டுள்ள கட்சிகளைச் சார்ந்தவராக இருக்கின்றனர். நாடாளுமன்ற உறுப்பினர்கள் அரசாங்கத்துடன் வியாபார நடவடிக்கைகளில் ஈடுபடுவது விடயம் குறித்து அபிப்பிராயம் என்ன? (II) குறித்த பிரச்சினை நாடாளுமன்றத்தின் அபிமானத்தினை இல்லாமல் செய்யூம் ஒன்றாக கருதுமிடத்து அது தொடர்பாக நாடாளுமன்ற விசாரணை ஒன்றுக்கான முன்மொழிவொன்றினை தேர்தலுக்கு முன்னதாக குறிப்பிடுவதற்கு அவர்கள் தயாரா? (III) நாடாளுமன்ற உறுப்பினர்களைக் கொண்டிராத கட்சிகளில் அங்கம் வகிப்பவர்களின் அபிப்பிராயம் ளஎன்ன? 3. சொத்துக்கள் பொறுப்புக்கள் குறித்த சட்டம் முறையற்ற விதத்தில் சொத்துக்களை ஈட்டியிருக்கின்ற மக்கள் பிரதிநிதிகள் மற்றும் அரச உயர் அதிகாரிகளை மக்களது ஒத்துழைப்புடன் சட்டத்தின் முன் நிறுத்துவதற்கான பலமான ஏற்பாடுகள் 1988ஆம் ஆண்டு 74ஆம் இலக்கம் மூலமாக திருத்தியமைக்கப்பட்ட 1975ஆம் ஆண்டு 01ஆம் இலக்க சொத்துக்கள் பொறுப்புக்கள் வெளிப்படுத்தல் சட்டத்தின் மூலமாக வழங்கப்பட்டிருக்கின்றது. எனினும், அந்தச் சட்டத்தின் முன் நிறுத்தப்படுகின்றவர்கள் இலகுவாக வெளிவர முடியுமான அடிப்படையிலான துளைகளுடனே குறித்த சட்டம் அமைக்கப்பட்டிருகின்றது என்று குறிப்பிடலாம். குறித்த துளைகள் அடைக்கப்படுவதன் ஊடாக முறைகேடாக சொத்துக்களை ஈட்டுபவர்களை சட்டத்தின் பிடிக்குள் கொண்டுவரக்கூடிய வகையில் சிறந்த சட்டமொன்றாக அதனை மாற்றியமைக்கலாம். குறித்த சட்டத்திற்கு அமைய சொத்துக்கள் பொறுப்புக்கள் என்பவற்றை வெளிப்படுத்தாமலிருக்கும் ஒருவருக்கு எதிராக விதிக்க முடியுமான தண்டப்பணத்தின் அளவு ரூ 1000 ஆகும். சொத்துக்கள் பொறுப்புக்கள் என்பவற்றை வெளிப்படுத்துவதற்காக அமைக்கப்பட்டிருக்கும் படிவம் கூட இன்றைக்கு பொறுத்தமானதாக இல்லை. வேண்டுமென்றே சொத்துக்கள் பொறுப்புக்கள் விபரம் வெளியிடாது இருக்கின்றவர்களுக்கான தண்டப்பணத்தினை ஐந்து இலட்சம் ரூபாவாக நிர்ணயிக்கப்படவேண்டும். அத்துடன், ஒரு வருட சிறைத் தண்டனை வழங்குவது கட்டாயமாக்கவும் முடியும். இதற்காக வழங்கப்படும் விண்ணப்பங்கள் இலத்திரனியல் முறையில் அமைத்து இலஞ்ச ஊழல் ஆணைக்குழு அல்லது கணக்காளர் நாயகத்தின் இணையதளத்தில் சமர்ப்பிக்கப்பட்ட அனைத்து சொத்துக்கள் பொறுப்புக்கள் குறித்த விண்ணப்பப்படிவங்களையும் காட்சிப்படுத்தும் முறையொன்றினை அறிமுகப்படுத்த முடியும். இந்தச் சட்டவாக்கத்தின் மூலமாக முறைகேடாக சொத்து சேகரிப்பவர்களை சட்டத்தின் பிடிக்குள் கொண்டுவர முடியுமாக அமையும். (I) இது தொடர்பில் ஜனாதிபதி வேட்பாளர்களது அபிப்பிராயம் என்ன? (II) நாடாளுமன்றத்தினை பிரதிநிதித்துவப்படுத்தும் கட்சிகளின் வேட்பாளர் களால் இது குறித்த சட்டவாக்கத்திற்கான முன்மொழிவொன்றினை தேர்தலுக்கு முன்னதாக முன்வைப்பார்களா? 4. கல்வி கல்வி என்பது ஒரு தேசத்தின் முதுகெழும்பாக கருதப்படுகின்றது. காலாவதியான ஒன்றாகவே நாட்டின் கல்வி முறைமை காணப்படுகின்றது. கல்வி, திறன், ஒழுக்கம் என்பவற்றை சமூகத்திற்கு வழங்குவதன் ஊடாக நேர்மையான கல்விச் சமூகம் ஒன்றை உருவாக்குவதற்கான இயலுமையை இன்றைய கல்வி முறை பெற்றிருப்பதாகத் தெரியவில்லை. தேசத்தில் காணப்படுகின்ற சாதி, இன, மத பேதங்களுக்கான அங்கீகாரத்தினை இல்லாமலாக்குவதற்கும் நாட்டின் பொருளாதார நிலையை மேம்படுத்துவதற்கும் அவசியமான செயற்பாடுகளை கல்வி முறை வழங்கத்தவறியிருக்கின்றது. மனனம் செய்யும் கல்வி முறை ஒன்றையே முதலாம் தரம் முதல் பல்கலைக்கழகம் வரையான கல்வி சார்ந்த கட்டமைப்பில் காணமுடிகின்றது. இது மாணவர்களின் ஆக்கத் திறன்களை இழக்கச் செய்கின்ற ஒரு நாசகார முறைமை என்பதனை கல்வி சார்ந்த அதிகாரிகளும் ஆசிரியர்களும் புரிந்துகொள்ளத் தவறிவிட்டனர். மனனம் செய்யும் முறையானது மாணவர்களை உளவியல் ரீதியில் பாதிப்பதன் காரணமாக இந்த நிலை மாணவர்களை போதைப் பொருள் பாவணைக்கு கூட அடிமைப்படுத்துகின்ற ஒரு காரணியாகவும் அடையாளப்படுத்தப்படுகின்றது. மாணவர்களுக்கு கணிதப் பாடத்தினை சரியான முறையில் கற்பிக்கத் தெரியாத ஒரு நாடாக இலங்கை காணப்படுகின்றது. அதன் காரணமாக சாதாரண தர பரீட்சையில் கணிதப் பாடத்தில் சித்தியடையாத மாணவர் விகிதம் 65 ஆக அதிகரித்துள்ளது. இந்த நிலையை மாற்றியமைப்பதற்காக மாணவர்கள் ஆர்வமாகக் கற்கும் முறையொன்றினை அறிமுகப்படுத்துவதற்கான முயற்சிகளை கல்வி சார் அதிகாரிகள் மேற்கொண்டிருக்கவேண்டும். ஆனால், அவ்வாறான முயற்சிகளை மேற்கொள்ளாது சித்தியடைவதற்காக பெறவேண்டிய ஆகக்குறைந்த புள்ளிகள் 29 என்பதாக குறைக்கப்பட்டது. அதன் விளைவாக தற்போது கணிதப்பாடத்தில் சித்தியடைவோரின் தொகை 65 வீதமாக அதிகரித்துள்ளது. இந்தச் செயற்பாடு மாணவர்களது கல்வி வளர்ச்சியில் பாரிய பின்னடைவை ஏற்படுத்துவதற்கு காரணமாக அமைந்திருக்கின்றது. உலக வங்கியின் கணிப்புக்கு அமைய ஏனைய தொழில்களுடன் ஒப்பிடும்போது ஆகக் குறைந்த சம்பளம் வழங்கப்படும் தொழிலாக ஆசிரியர் தொழில் கருதப்படுகின்றது. இலங்கையில் காணப்படுகின்ற கல்வி முறை இலவசக் கல்வி முறையாக அடையாளப்படுத்தப்பட்ட போதிலும் போட்டிப் பரீட்சைகளில் சித்தியடைவதற்காக மேலதிக வகுப்புக்களை நாடியே ஆகவேண்டும் என்ற நிலை காணப்படுகின்றது. இந்தநிலையானது ஏழ்மையில் இருப்பவர்கள் கல்வியின் ஊடாக உயர்வடையச் செய்வதற்கான வாய்ப்புக்களை இல்லாமலாக்குகின்ற ஒரு காரணியாக மாறிவிடுகின்றது. பணம் படைத்தவர்களுக்கு சகல வதிகளுடன்கூடிய பாடசாலையும் ஏழைகளுக்கு எதுவுமற்ற பாடசாலைகளும் என்ற நிலைதான் இன்றைய கல்வி முறையில் காணமுடிகின்றது. இதன் ஊடாகவும் ஏழ்மையில் இருப்பவர்கள் கல்வியின் ஊடாக உயர்வடையச் செய்வதற்கான வாய்ப்புக்களை இல்லாமலாக்குகின்ற நிலையே உருவாகியிருக்கின்றது. சிறந்த கல்விமுறைகளைக் கொண்ட நாடுகளில் ஆரம்பப்பள்ளிகளுக்கு பிள்ளைகளைச் சேர்க்கும் போது தனது வீட்டுக்கு கிட்டிய ஆரம்பப் பாடசாலைகளில் ஒன்றிற்கு அவர்களைச் சேர்க்க வேண்டும் என்ற முறையே காணப்படுகின்றது. அனைத்து ஆரம்பப் பாடசாலைகளும் கிட்டத்தட்ட ஒரே விதமான தரத்தினைக் கொண்டதாகவே காணப்படுகின்றன. எனவே, பிள்ளையின் முதலாவது பாடசாலையைத் தெரிவுசெய்வதில் போட்டித்தன்மை ஏற்பட்டு அதிக பணத்தைச் செலவிட வேண்டிய நிலை ஏற்படுவதில்லை. இந்த மாசுபட்ட நிலையினை மாற்றியமைக்க வேண்டியதன் அவசியப்பாட்டினை இளைஞர் அமைதியின்மை தொடர்பிலான ஆணைக்குழு மற்றும் தேசிய கல்வி ஆணைக்குழு என்பன தமது சிபாரிசுகளை முன்வைத்திருந்த போதிலும் அதிகாரத்தில் இருப்பவர்கள் இந்த முறைமையினை மாற்றியமைப்பதற்கு இடம்கொடுப்பதில்லை. (I) இலங்கையின் கல்வி முறை குறித்த ஜனாதிபதி தேர்தலில் போட்டியிடுகின்ற வேட்பாளர்களின் எண்ணப்பாடுகள் என்ன? (II) கல்வித்துறையில் மேற்கொள்ளப்படவேண்டிய சீர்திருத்தங்கள் யாவை? 5. பால் மற்றும் இறைச்சி இலங்கையில் பால்மா இறக்குமதிக்காக வருடாந்தம் 500 மில்லியன் டொலர்கள் அளவில் செலவாகின்றது. இலங்கைக்குத் தேவையான பால்மாவினை இலங்கையிலேயே உற்பத்தி செய்துகொள்ளமுடியுமான நிலை காணப்பட்ட போதிலும் இறைச்சிக்காக மாடுகளை வளர்ப்பது பாவகாரியம் என்பதாக நாட்டில் பரவியிருக்கின்ற நம்பிக்கையானது இந்த முயற்சிக்கு பாரிய தடையாக காணப்படுகின்றது. பால் பெறுவதற்காக மாத்திரம் மாடுகளை வளர்ப்பது சாத்தியமான ஒன்றாக இருப்பதில்லை. பால் உற்பத்திக்காக மாடுகளை வளர்க்கும் அதே நேரம் இறைச்சி உற்பத்தியையும் கருத்தில் கொள்வது பொருளாதார ரீதியில் சிறந்த பிரதிபலன்களை நாட்டுக்கு பெற்றுத் தருவதாக அமையும். இந்தியா ஒரு இந்துத்துவ நாடு என்பதுடன் இந்துக்கள் பொதுவாக இறைச்சி சாப்பிடுவதில்லை. எனினும், உலகிலே பாரிய அளவில் மாட்டிறைச்சி ஏற்றுமதி செய்கின்ற நாடாக இந்தியா காணப்படுகின்றது. 2014ஆம் ஆண்டில் இந்தியா 2,087,000 மெட்ரிக் தொன் இறைச்சியை ஏற்றுமதி செய்துள்ளது. அது உலக இறைச்சி ஏற்றுமதியில் 20 வீதமாகும். குறித்த வருடம் இறைச்சி ஏற்றுமதி ஊடாக இந்தியா பெற்றுக்கொண்ட வருமானம் 4781.18 மில்லியன் டொலர்களாகும். மாட்டிறைச்சி தொடர்பில் இலங்கையிலும் முறையான கொள்கை ஒன்று அமைக்கப்படுமாயின் பால் உற்பத்தியில் தன்னிறைவு அடைவதுடன் பண்ணைத் தொழிலினை அபிவிருத்தி செய்ய முடியுமாகவும் அமையும். இலங்கையர் மாட்டிறைச்சி உண்ணாதவிடத்து இறைச்சியை ஏற்றுமதி செய்வது ஊடாக அந்நியச் செலாவணியை உழைத்துக்கொள்ள முடியுமானதாக அமையும். (I) குறித்த பிரச்சினைகள் தொடர்பில் ஜனாதிபதி வேட்பாளர்களின் நிலைப்பாடு என்ன? (II) இறைச்சி உற்பத்தி தொடர்பில் தேசிய கொள்கை ஒன்று வகுக்கபபட வேண்டும் என்பதனை ஏற்றுக்கொள்கின்றனரா? 6. குப்பைப் பிரச்சினை தெரிவு செய்யப்படுகின்ற சில இடங்களில் மலைபோன்று குப்பைகளைக் கொட்டிவிடுகின்ற நடைமுறைகளே இலங்கையில் கழிவு அகற்றல் நடவடிக்கையாக பின்பற்றப்பட்டு வருகின்றது. தற்போது இலங்கையின் பிரதான நகரங்களைச் சூழ ஆங்காங்கே குப்பை மேடுகள் காணப்படுவதுடன் அவ்வப்போது குப்பை மேடுகள் சரிந்து விழுதல் ஊடாகவும் அவற்றில் வெடிப்புகள் ஏற்படுவது ஊடாகவும் உயர்ச் சேதங்களும் பொருட்சேதங்களும் ஏற்படுவதாக அறிய முடிகின்றது. குப்பைகள் கொட்டப்படும் இடங்களைச் சூழ வசிக்கின்றவர்கள் எதிர்கொள்கின்ற பாதகங்கள் கருத்தில் கொள்ளப்படாத நிலையிலேயே குப்பைகள் கொட்டப்படுகின்றன. (I) இலங்கையில் கழிவகற்றல் பிரச்சினை குறித்து ஜனாதிபதி வேட்பாளர்களின் நிலைப்பாடு என்ன? (II) கழிவகற்றல் தொடர்பில் இலங்கை பின்பற்றுகின்ற கொள்கைகளை அவர்கள் ஏற்றுக்கொள்கின்றார்களா? (III) மாற்று நடவடிக்கைகள் ஏதும் இருக்குமாயின் அவைகள் என்னென்ன? 7. விவசாயத்திற்கு கேடு விளைவிக்கின்ற வன விலங்குகள் தொடர்பில் விவசாய நடவடிக்கைகளுக்கு கேடு விளைவிக்கின்ற குரங்குகள், பன்றிகள், மயில்கள், முள்ளம் பன்றிகள், மர அணில்கள் என்பவற்றின் எண்ணிக்கை கட்டுப்பாடின்றி அதிகரித்துவருகின்றன. அதன் விளைவாக அவைகள் ஊடாக விவசாயத்திற்கு ஏற்படுத்தப்படும் பாதிப்புக்களும் அதிகரித்திருக்கின்றன. அரசாங்கத்தின் கணக்கெடுப்புக்கு அமைய மொத்த விவசாய உற்பத்திகளில் 30 வீதமானவை விலங்குகளால் அழிவுக்குள்ளாகின்றன. எந்த நாடுகளிலும் அளவுக்கதிகமாக விலங்குகள் ஊடாக விவசாயத்திற்கு பாதிப்பு ஏற்பட அனுமதிக்கப்படுவதில்லை. ஏதாவது ஒரு விலங்கு அசாதாரண வேகத்தில் பெருகுகின்றதாயின் அந்த விலங்குகளை வேட்டையாடுவதற்கு பொதுமக்கள் அனுமதிக்கப்படும் வகையிலான கொள்கைகள் பின்பற்றப்பட வேண்டும் அல்லது உள்ளூராட்சி மன்றங்கள் ஊடாக குறித்த விலங்குகள் கட்டுப்படுத்துவதற்கு நடவடிக்கைகள் மேற்கொள்ளப்படவேண்டும். கங்காரு அவுஸ்திரேலியாவின் தேசிய விலங்கு என்ற போதிலும் அதனது தொகையை ஒரு மில்லியனால் குறைப்பதற்கான தீர்மானம் ஒன்று அவுஸ்திரேலியா அரசாங்கத்தினால் மேற்கொள்ளப்பட்டுள்ளது. அதன் முதற்கட்டமாக பத்தாயிரம் கங்காருகள் கொல்லப்பட்டுள்ளன. விவசாய உற்பத்திகளுக்கு கேடு விளைவிக்கின்ற வன விலங்குகளை வேட்டையாடவும் அவற்றின் இறைச்சிகளை வைத்திருக்கவும் எடுத்துச் செல்வதற்கும் விவசாயிகளுக்கு அனுமதி வழங்குவதானது விவசாயத்திற்கு கேடு விளைவிக்கும் விலங்குகளை கட்டுப்படுத்துவது தொடர்பிலான சிறந்த தீர்வாகும். (I) குறித்த பிரச்சினை தொடர்பில் ஜனாதிபதி வேட்பாளர்களின் நிலைப்பாடு என்ன? (II) வன விலங்குகளை வேட்டையாட அனுமதிப்பது தொடர்பில் அவர்களது அபிப்பிராயம் என்ன? 8. குற்றவியல் வழக்குகள் முன்னைய அரசாங்கத்தின் காலப்பகுதியில் ஏற்பட்டதாக குறிப்பிடப்படும் சில குற்றச்சாட்டுகள் சமூகத்தில் பேசுபொருளாக இருந்தன. லசந்த விக்ரமதுங்கவின் கொலை, பிரகீத் எக்னலிகொடவின் கடத்தல், தாஜுதீனின் கொலை, கப்பம் பெறுவதற்காக 11 பேர்களைக் கடத்திச்சென்று அவர்களை காணாமலாக்கியமை, போத்தல ஜயந்த, கீத் நயார், உபாலி தென்னகோன் போன்ற ஊடகவியலாளர்கள் கடுமையாகத் தாக்கப்பட்டமை என்பன மேற்குறிப்பிடப்பட்ட குற்றச்சாட்டுகளில் முக்கியமானவைகளாகும். குறித்த சம்பவங்கள் தொடர்பில் ஆரம்பிக்கப்பட்டுள்ள விசாரணைகள் மற்றும் அவற்றில் சில சம்பவங்கள் தொடர்பில் பதிவு செய்யப்பட்டுள்ள வழக்குகள் தெடர்பில் மேற்கொள்ளப்பட வேண்டிய அடுத்த கட்ட நவடிக்கைகள் என்ன? (I) இவை தொடர்பில் ஜனாதிபதி வேட்பாளர்களின் நிலைப்பாடு என்ன? (II) குறித்த விசாரணைகள் மற்றும் வழக்குகள் தொடரப்படவேண்டியவைகளா? அல்லது அவை தொடர்பில் மேற்கொள்ளப்பட வேண்டிய நடவடிக்கைகள் என்ன? 9. அரசியல்யாப்பு தற்போதைய யாப்பானது அதற்குறிய பரிசுத்தத் தன்மையையும் யாப்பொன்றிற்கு இருக்கவேண்டிய நேர்த்தியையும் இழந்து இனிமேலும் பயன்படுத்த முடியாத நிலையிலேயே காணப்படுகின்றது. புதிய ஒரு யாப்பை உருவாக்க வேண்டிய கட்டாயத்தில் எமது நாடு இருக்கின்றது. நாடாளுமன்ற உறுப்பினர்கள் யாப்பு உருவாக்கும் குழுவாக நின்று யாப்பு ஒன்றை அமைக்கும் நடைமுறையே இதுவரைகாலமும் இலங்கையில் பின்பற்றப்பட்டு வருகின்றது. இது ஒரு காலாவதியான முறைமையாக உலக நாடுகள் கருதுகின்றன. நாடாளுமன்ற உறுப்பினர்களிடையே ஊழல் காணப்படுவதானது சிறந்த ஒரு யாப்பு உருவாக்குவதற்கான வாய்ப்பு அற்ற நிலையை உருவாக்கியுள்ளது. யாப்பு உருவாக்கும் குழுவில் நாடாளுமன்ற பிரதிநிதிகளுக்கு குறைந்த அதிகாரங்களும் பொதுமக்கள் சார்ந்த பிரதிநிதித்துவங்களுக்கு கூடிய அளவிலான அதிகாரங்களும் கிடைக்கப்பெறுகின்ற அமைப்பிலான பங்களிப்பு யாப்பு உருவாக்கமே 21ஆம் நூற்றாண்டின் யாப்பு உருவாக்கும் முறையாக கருதப்படுகின்றது. யாப்பு உருவாக்கப் பணிகளுக்கு மாத்திரம் இந்த நடைமுறையினை மட்டுப்படுத்தாது அனைத்து துறைகளிலுமுள்ள குறைபாடுகளை ஆராய்ந்து மாற்றங்களை ஏற்படுத்த முடியுமான சிறந்ததொரு முறையாகவும் இது காணப்படுகின்றது. (I) இவை தொடர்பில் ஜனாதிபதி வேட்பாளர்களின் நிலைப்பாடு என்ன? (II) நாடாளுமன்ற உறுப்பினர்களின் பங்குபற்றுதலுடன் மாத்திரம் உருவாக்கப்படுகின்ற பழைய முறையைப் பின்பற்றியா புதிய யாப்பு உருவாக்கப்படவேண்டும்? அல்லது யாப்பு குழுவில் மக்களுக்கு கூடிய அதிகாரங்கள் வழங்கப்படுகின்ற அடிப்படையிலா? விக்டர் ஐவன்     https://maatram.org/?p=8141
    • அவர்களை சிறைவைக்க உத்தரவிட்டதும் உங்களை விடுதலை செய்த நீதிமன்றமே Maatram Translation  on October 17, 2019     பட மூலம், AP Photo/Eranga Jayawardena, NEWS YAHOO தான் ஜனாதிபதியாகத் தேர்வு செய்யப்பட்டால் சிறைவைக்கப்பட்டுள்ள அனைத்து இராணுவ சிப்பாய்களையும் விடுதலை செய்வதாக தன்னுடைய முதலாவது கூட்டத்தின்போது ஜனாதிபதித் தேர்தலில் போட்டியிடும் வேட்பாளரான கோட்டபாய ராஜபக்‌ஷ கூறியிருந்தார். இந்த இராணுவத்தினர் பொய் குற்றச்சாட்டுகளின் அடிப்படையில் சிறைவைக்கப்பட்டிருக்கின்றனர் என்று மொட்டு கட்சியின் ஜனாதிபதி வேட்பாளர் கூறுகின்றார். தடுப்பில் இருக்கும் இராணுவத்தினர் தொடர்பாக கோட்டபாய ராஜபக்‌ஷ கூறாத விடயமொன்றும் இருக்கிறது. அது – பொலிஸாரால் கைதுசெய்யப்பட்ட 42 இராணுவ சிப்பாய்களுள் இன்று 7 பேர் மாத்திரமே சிறைவைக்கப்பட்டுள்ளதோடு, ஏனைய அனைவரும் பிணையில் விடுதலை செய்யப்பட்டுள்ளனர். அத்தோடு, சேவை நேரத்தின்போது செய்த குற்றத்தினால் எவரும் கைதுசெய்யப்பட்டு தடுத்துவைக்கப்படவில்லை. ஊடகவியலாளர்களை கொலை செய்தமை, ஊடகவியலாளர் மீது தாக்குதல் மேற்கொண்டமை, ஊடகவியலாளர்களை கடத்திச் சென்றமை, கப்பம் பெறும் நோக்கில் இளைஞர்களை கடத்திச் சென்றமை போன்ற குற்றச்சாட்டுகளுக்காக மட்டும்தான் சில இராணுவ சிப்பாய்கள் நீதிமன்றின் முன் நிறுத்தப்பட்டனர். இவ்வாறான செயற்பாடுகள் இராணுவ சிப்பாயின் உத்தியோகபூர்வ வேலை அல்ல. இவை அரசியல் நோக்கங்களுக்காக அல்லது உத்தரவின் பேரில் இடம்பெற்ற குற்றங்கள் என்பது தெளிவாகத் தெரிகிறது. இந்த விடயங்களை ஒருபுறம் வைத்துவிட்டு, அநுராதபுரத்தில் கோட்டபாய ராஜபக்‌ஷ அளித்த உறுதிமொழி குறித்து மீண்டும் பார்ப்போம். நவம்பர் 17ஆம் திகதி கைதுசெய்யப்பட்டுள்ள அனைத்து இராணுவ சிப்பாய்களையும் விடுதலை செய்யப்போவதாக மொட்டு கட்சியின் ஜனாதிபதி வேட்பாளர் உறுதிமொழி அளிந்திருந்தார். ஜனாதிபதிக்கு வழங்கப்பட்டுள்ள அதிகாரத்தின் படி, நீதிமன்றம் ஊடாக குற்றவாளியாக்கப்பட்டு தண்டனை வழங்கப்பட்ட பின்னரே ‘ஜனாதிபதி மன்னிப்பு’ வழங்கமுடியும். அப்படியில்லாமல், நடத்தப்படும் விசாரணையில் சந்தேகநபர்கள் நீதிமன்ற உத்தரவின் பேரில் தடுத்துவைக்கப்பட்டிருக்கும் போது அவர்களை விடுதலை செய்யும் அதிகாரம் ஜனாதிபதிக்கு இல்லை. கோட்டபாய ராஜபக்‌ஷ கூறுவது போன்று நம்பர் 17 அதிகாலை இராணுவ சிப்பாய்களை விடுதலை செய்வதற்கு இலங்கையில் தற்போது நடைமுறையில் இருக்கும் சட்டத்தில் அதற்கான சந்தர்ப்பம் எங்கும் இல்லை. அப்படியிருந்தும் அவர் கூறியதைப் போன்று செய்வதாக இருந்தால் அது, நீதிக் கட்டமைப்புக்கும் நீதியை நிலைநாட்டுவதற்காக ஸ்தாபிக்கப்பட்டுள்ள நிறுவனங்களுக்கும் எதிராக நேரடியாக விடுக்கப்படும் அச்சுறுத்தலாம். சட்டத்தின் ஆட்சி என்பது சட்டத்தின் மேல் யாரும் இல்லை என்பதாகும். சட்டத்தின் முன் எல்லோரும் சமம் நீதிமன்றின் உத்தரவினை அடுத்தே இராணுவத்தினர் அனைவரும் தடுத்துவைக்கப்பட்டுள்ளனர். கோட்டபாய ராஜபக்‌ஷ ஜனாதிபதித் தேர்தலில் போட்டியிடுவதை தடுக்கும் வகையில் தாக்கல் செய்யப்பட்ட மனுவை தள்ளுபடி செய்த அதே சுயாதீன நீதிமன்றம்தான் மேற்கண்ட உத்தரவையும் பிறப்பித்துள்ளது. இராணுவ சிப்பாயோ அல்லது வேறு எந்தவொரு நபரோ கடத்தல் மற்றும் கொலை போன்ற குற்றச் செயல்களில் ஈடுபட்டார்கள் என்றால் அவர்களுக்கு எதிராக சட்ட நடவடிக்கை எடுக்கவேண்டும். இது சாதாரண மக்களுக்கு எதிரான குற்றங்களாகும். கோட்டபாயவின் ஒழுக்கமான சமூகத்தில் இவர்களுக்கு விசேட இடம் இருக்கிறதா? அல்லது அந்த ஒழுக்கமான சமூகத்தில் இந்த விசேடமானவர்களுக்கு குற்றங்களில் ஈடுபட முடியுமா? 2005இலிருந்து இராணுவத்தின் கௌரவத்தை உறுதிப்படுத்தியதாக கோட்டபாய கூறுகிறார். எப்படி இருந்தபோதிலும் 2015ஆம் ஆண்டு ஆட்சிக்கு வந்த அரசு (சட்டத்தின் முன் அனைவரும் சமம் என்று கருதி குற்றங்களில் ஈடுபட சீருடையை பாதுகாப்புக் கவசமாகப் பயன்படுத்தியவர்களுக்கு எதிராக சட்ட நடவடிக்கை எடுத்து) இராணுவத்தின் கௌரவத்தை மீண்டும் நிலைநாட்டியுள்ளது. ஐக்கிய நாடுகள் சபையின் அமைதிப் படையில் பணியாற்றுவதற்காக எமது முப்படையினருக்கு அழைப்பு விடுக்கப்பட்டுள்ளது. இதற்காக அவர்களுக்கு நல்ல கொடுப்பனவும் வழங்கப்படுகிறது. ஆனால், 2015ஆம் ஆண்டுக்கு முன்னர் கௌரவமிக்க முப்படையினரை வீதிகளை சுத்தம் செய்ய, மரக்கறி விற்பனை செய்ய அப்போதிருந்த பாதுகாப்பு அமைச்சின் செயலாளர் கோட்டபாய ராஜபக்‌ஷ உத்தரவிட்டிருந்தார் என்பதை யாரும் மறக்கக்கூடாது. அரசியல் ரீதியாக துன்புறுத்தி இராணுவ சிப்பாய்களை சிறைவைத்தது யார்? மஹிந்த ராஜபக்‌ஷவுக்கு எதிராக போட்டியிட்டதற்காக போரை முடிவுக்குக் கொண்டுவந்த இராணுவத் தளபதி சரத் பொன்சேகாவை சிறைக்கு அனுப்பிய விதம், முன்னாள் இராணுவத் தளபதி மஹேஷ் சேனாநாயக்க ஜனாதிபதிப் போட்டியில் நுழைந்தவுடன் அவருக்கு எதிராக முன்வைக்கப்படும் பொய்க்குற்றச்சாட்டுகள் போன்றவற்றை நினைவில் கொள்வோம். சரத் பொன்சேகா மட்டுமன்றி, தேர்தலின்போது அவருக்கு உதவிபுரிந்த அனைத்து முன்னாள் இராணுவ அதிகாரிகளும் கைதுசெய்யப்பட்டு அரசியல் ரீதியாக துன்புறுத்தப்பட்டனர். மக்களுடைய வாக்குகளால் தெரிவுசெய்யப்படுவார் என்று நம்புகிற கோட்டபாய ராஜபக்‌ஷ தான் நினைத்தாற் போல் சட்டத்தை கையாளப்போவதாக உறுதியளித்து பிரசாரத்தை தொடங்குகிறார். மக்களின் வாக்குகளால் நாட்டின் உயர் பதவிக்குத் தெரிவாகி அதிகாரத்துக்கு வர எதிர்பார்க்கும் கோட்டபாய ராஜபக்‌ஷ, தன்னுடைய முதல் பிரசாரக் கூட்டத்திலேயே இதுபோன்ற சட்டத்துக்கு விரோதமான முறையில் உறுதிமொழி வழங்கியமையால் நாட்டில் சட்டத்தை மதிக்கும் குடிமக்கள் அதிர்ச்சியடைந்துள்ளார்கள். அவரின் அந்தப் பேச்சு நாட்டின் எதிர்காலத்தை இருண்ட படுகுழிக்குள் கொண்டுசெல்லும் என்பது தெளிவான, ஆபத்தான எச்சரிக்கையாகும். අනේ! ඔවුන් සිර­ග­තව සිටින්නේ ඔබ නිදොස් කළ අධි­ක­ර­ණ­යේම නියෝ­ග­යෙනි! என்ற தலைப்பில் சிலுமின பத்திரிகையில் விஹங்க வீரசேகர எழுதிய கட்டுரையின் தமிழாக்கம்.   https://maatram.org/?p=8134  
    • ஈழமக்கள் ஜனநாயக கட்சியின் பிரச்சார கூட்டம் இடைநிறுத்தம் வவுனியா தாலிக்குளம் பகுதியில் ஈழமக்கள் ஜனநாயக கட்சியின் தேர்தல் பிரச்சார கூட்டம் இன்றையதினம் காலை இடம்பெற்றிருந்தது. குறித்த கூட்டத்தில் யாழ்மாவட்ட பாராளுமன்ற உறுப்பினர் டக்ளஸ் தேவானந்தாவும் கலந்து கொண்டிருந்தார். இந்நிலையில் குறித்த கூட்டம் இடம்பெற்றுக்கொண்டிருந்த நிலையில் வவுனியா மாவட்ட  தேர்தல் திணைக்களத்திலிருந்து வருகை தந்த உத்தியோகஸ்தர்கள் பிரச்சார கூட்டத்தினை இடைநிறுத்துமாறு தெரிவித்தனர். குறித்த பிரச்சார கூட்டத்திற்குத் தேர்தல் திணைக்களத்திடம் இருந்து  உரிய முறையில் அனுமதி பெறப்படவில்லை எனத் தெரிவித்தே கூட்டம் இடை நிறுத்தப்படுவதாக அதிகாரிகள் தெரிவித்தனர். இந்நிலையில் குறித்த கூட்டம் இடை நடுவில் நிறுத்தப்பட்டு பாராளுமன்ற உறுப்பினர் டக்ளஸ் தேவானந்தா உட்படக் கட்சியின் முக்கியஸ்தர்கள் மீண்டும் திரும்பிச் சென்றிருந்தனர். இதனால் சற்று நேரம் குழப்பநிலை ஏற்பட்டிருந்தது. வேறு ஒரு பிரச்சார கூட்டத்திற்குச் செல்ல இருந்த நிலையில் ஆதரவாளர்கள் விரும்பியமையால் இங்கு வந்து கலந்து கொண்டேன். சட்டரீதியான அனுமதி பெறப்படாமையினால் இந்த கூட்டத்தைத் தொடர்ந்து நடத்த முடியாத நிலை ஏற்பட்டுள்ளது. எனவே பிறிதொரு நாள் உங்களைச் சந்திப்பதாக டக்ளஸ் தேவானந்தா இதன்போது பொதுமக்களிடத்தில் தெரிவித்திருந்தார்.     https://www.virakesari.lk/article/67206
    • பருத்தித்துறை.. தெல்லிப்பழை.. வரணி..சாவகச்சேரி.. குருநகர் பாடசாலைகள் முன்னணியில் இருக்க... யாழ் நகர.. நகர்ப்புறப் பாடசாலைகளான.. யாழ் இந்து.. யாழ் பரியோவான்.. யாழ் மத்தி.. மாணவர்களின் சேர்க்கைக்கு பணம் அறவிடுவதில் தான் கணக்குப் புலிகளாக இருக்கிறார்கள் போல.  வாழ்த்துக்கள் சாதித்த மாணவர்களே. சாதிக்காதவர்கள் சிந்திக்க. 
    • கடற்படையின்இரகசியமுகாம்கள்- இலங்கை மாநாட்டில் கலந்துகொள்ளவுள்ள சர்வதேச பிரதிநிதிகளிற்கு சூக்கா முக்கிய வேண்டுகோள்   கொழும்பில் திங்கட்கிழமை ஆரம்பமாகவுள்ள காலி உரையாடல் சர்வதேச  மாநாட்டில் கலந்துகொள்ளும் பிரதிநிதிகள் இலங்கையில் உள்ள கடற்படையினரின் இரகசிய தடுப்பு முகாம்களில் இடம்பெற்ற  சித்திரவதைகள் குறித்த விசாரணைகளிற்கு  இலங்கை கடற்படையினர் ஒத்துழைப்பை வழங்கவேண்டும் என பகிரங்கமாக வலியுறுத்தவேண்டும் என சர்வதேச உண்மை மற்றும் நீதிக்கான திட்டம் என்ற சர்வதேச அமைப்பு வேண்டுகோள் விடுத்துள்ளது. கடற்படையினரின் புலனாய்வு பிரிவினர் இவ்வாறான சித்திரவதைகளில் ஈடுபட்டவேளை கடற்படையின் புலனாய்வு பிரிவின் இயக்குநராக பணியாற்றிய இலங்கை கடற்படையின் தற்போதைய பிரதானி  நிசாந்த உலுகெட்டெனவின் அமர்வை சர்வதேச பிரதிநிதிகள் புறக்கணிக்கவேண்டும் எனவும் அந்த அமைப்பு வேண்டுகோள் விடுத்துள்ளது. 2008- 2009 இல் 11 பேர்  இலங்கை கடற்படையின் விசேட புலனாய்வு பிரிவினரால் கடத்தப்பட்டு காணாமலாக்கப்பட்டமை  குறித்து இலங்கையின் காவல்துறையினர் விசாரணைகளை மேற்கொண்டுள்ளனர் என தெரிவித்துள்ள உண்மை மற்றும் நீதிக்கான திட்டத்தின் நிறைவேற்றுப்பணிப்பாளர் ஜஸ்மின் சூக்கா கடற்படையினர் மேற்கொண்ட குற்றங்களில் இது ஒரு சிறியபகுதியே எனவும் தெரிவித்துள்ளார். கடற்படையினரின் பல முகாம்களில் இடம்பெற்ற சட்டவிரோதமாக தடுத்துவைத்தல்  சித்திரவதைகள் காணாமற்போகச்செய்யப்படுதல் ஆகியவற்றுடன் கடற்படையின் பல  தளபதிகளிற்கு தொடர்புள்ளது அல்லது அவர்கள் அதனை அறிந்திருந்தனர் என தெரிவித்துள்ள ஜஸ்மின் சூக்கா இவர்கள் குறிப்பிட்ட முகாம்களின் தலைமை அதிகாரிகளாக விளங்கியதுடன் இந்த குற்றங்களில் ஈடுபடுமாறு உத்தரவையும் வழங்கியிருந்தனர் எனவும் தெரிவித்துள்ளார். சர்வதேச மாநாட்டை நடத்துபவர்களில் ஒருவரான  இலங்கை கடற்படையின் தற்போதைய பிரதானி  நிசாந்த உலுகெட்டென 2011 முதல் 2013 வரை கடற்படையின் புலனாய்வு பிரிவின் இயக்குநராகயிருந்தார் என தெரிவித்துள்ள சர்வதேச அமைப்பு 2012 நடுப்பகுதி வரை குறிப்பிட்ட முகாமை கடற்படையின் புலனாய்வு பிரிவினர் இயக்கிவந்தனர் , புலனாய்வு பிரிவின் இயக்குநர் என்ற அடிப்படையில் இலங்கை கடற்படையின் தற்போதைய பிரதானி  நிசாந்த உலுகெட்டென இது குறித்து தெரிந்திருக்கவேண்டும் ஆனால் அவர் நடவடிக்கை எடுக்க தவறிவிட்டார் எனவும் குறிப்பிட்டுள்ளது. இலங்கை கடற்படையினருடன் கடல்சார் பாதுகாப்பு குறித்  தபேச்சுவார்த்தைகளிற்காக கொழும் செல்லும் உலக நாடுகளின் கடற்படை அதிகாரிகள் சர்வதேச நியாயாதிக்கத்தை கொண்ட சித்திரவதைக்கு எதிரான பிரகடனத்தில் தங்கள் நாடுகள் கைச்சாத்திட்டுள்ளதை மறந்துவிடக்கூடாது எனவும் ஜஸ்மின் சூக்கா வேண்டுகோள் விடுத்துள்ளார்   https://www.virakesari.lk/article/67209