Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

ஃபேஸ்புக் நிறுவனத்துக்கு 5 பில்லியன் டாலர் அபராதம் விதிப்பு - தனியுரிமை மீறல் குற்றச்சாட்டு


Recommended Posts

  • கருத்துக்கள உறவுகள்

ஃபேஸ்புக் நிறுவனத்துக்கு 5 பில்லியன் டாலர் அபராதம் விதிப்பு - தனியுரிமை மீறல் குற்றச்சாட்டு

தனியுரிமை மீறல்கள்: ஃபேஸ்புக்குக்கு ஐந்து பில்லியன் அபராதம் விதிப்புபடத்தின் காப்புரிமைAFP

பயனர்களின் தனிப்பட்ட தகவல்களை தவறாக கையாண்ட புகாரின் அடிப்படையில், முன்னெப்போதும் இல்லாத வகையில் ஃபேஸ்புக் நிறுவனம் ஐந்து பில்லியன் டாலர் அபராதம் செலுத்துவதற்கு அமெரிக்க வர்த்தக ஆணையம் (எஃப்.டி.சி) உத்தரவிட்டுள்ளது.

அதுமட்டுமின்றி, ஃபேஸ்புக் நிறுவனர் மற்றும் தலைமை செயலதிகாரியான மார்க் சக்கர்பெர்க்கின் தலையீடும், கட்டுப்படும் இல்லாத தனியுரிமை குழு ஒன்றை அமைக்கவும் உத்தரவிடப்பட்டுள்ளது.

சுமார் 87 மில்லியன் ஃபேஸ்புக் பயன்பாட்டாளர்களின் தனிப்பட்ட தகவல்களை அரசியல் பிரசார ஆலோசனை நிறுவனமான கேம்பிரிட்ஜ் அனாலிட்டிக்கா தவறான முறையில் திரட்டி, பயன்படுத்தியதாக எழுப்பப்பட்ட குற்றச்சாட்டு தொடர்பாக அமெரிக்க வர்த்தக ஆணையம் விசாரணை மேற்கொண்டு வந்தது.

அதன் பிறகு, அவ்விசாரணையானது ஃபேஸ்புக் நிறுவனத்தின் முகமறிதல் தொழில்நுட்பம் உள்ளிட்ட மற்ற விடயங்களையும் இணைத்து கொண்டது.

ஃபேஸ்புக் நிறுவனத்துக்கு விதிக்கப்பட்டுள்ள இந்த ஐந்து பில்லியன் அபராதம் நுகர்வோரின் தனியுரிமையை மீறியதற்காக எந்தவொரு நிறுவனத்திற்கும் விதிக்கப்பட்ட மிகப்பெரிய அபராதமாக கருதப்படுகிறது.

"உலகெங்கிலும் உள்ள பில்லியன் கணக்கான பயனர்களுக்கு அவர்களின் தனிப்பட்ட தகவல்கள் எவ்வாறு பகிரப்படுகின்றன என்பதைக் கட்டுப்படுத்த முடியும் என்று பலமுறை வாக்குறுதிகள் அளித்த போதிலும், ஃபேஸ்புக் தனது பயன்பாட்டாளர்களின் தெரிவுகளை குறைமதிப்பிற்கு உட்படுத்தியது" என்று அமெரிக்க வர்த்தக ஆணையத்தின் தலைவர் ஜோ சைமன்ஸ் தெரிவித்துள்ளார்.

தனியுரிமை மீறல்கள்: ஃபேஸ்புக்குக்கு ஐந்து பில்லியன் அபராதம் விதிப்புபடத்தின் காப்புரிமைGETTY IMAGES

"ஃபேஸ்புக் நிறுவனத்தின் தனிப்பட்ட தகவல் பயன்பாட்டு முறையை ஒட்டுமொத்தமாக மாற்றி, இதுபோன்ற விதிமீறல்கள் தொடர்வதை தடுப்பதற்காகவே" இவ்வளவு பெரிய தொகை அபராதமாக விதிக்கப்படுவதாக அவர் மேலும் தெரிவித்தார்.

இந்நிலையில், நேற்று (புதன்கிழமை) வெளியிடப்பட்ட ஃபேஸ்புக் நிறுவனத்தின் இரண்டாவது காலாண்டு முடிவில், அதன் பயன்பாட்டாளர்களின் எண்ணிக்கை எட்டு சதவீதமும், விளம்பரம் மூலமான வருவாய் 28 சதவீதமும் உயர்ந்துள்ளது என்பது குறிப்பிடத்தக்கது.

ஃபேஸ்புக் செய்த தவறு என்ன?

ஃபேஸ்புக் சமூக வலைதளத்தில் அதன் பயன்பாட்டாளர்களின் ஆளுமையை தெரிந்துக்கொள்ளும் வினாடி வினா என்ற பெயரில் ஒரு செயலியை நிறுவச் செய்து, அதன் மூலம் திரட்டப்பட்ட 87 மில்லியன் பயன்பாட்டாளர்களின் தனிப்பட்ட தகவல்களை கேம்பிரிட்ஜ் அனாலிட்டிக்கா நிறுவனத்திடம் ஃபேஸ்புக் விற்றதாக எழுந்த புகார் தொடர்பான விசாரணையை கடந்தாண்டு மார்ச் மாதம் அமெரிக்க வர்த்தக ஆணையம் தொடங்கியது.

அதாவது, இவ்வாறு பெறப்பட்ட ஃபேஸ்புக் பயன்பாட்டாளர்களின் தனிப்பட்ட தகவலை கொண்டு 2016ஆம் ஆண்டு நடந்த அமெரிக்க அதிபர் தேர்தல் மற்றும் பிரெக்ஸிட் ஓட்டெடுப்பு முடிவில் செல்வாக்கு செலுத்தப்பட்டதாக குற்றஞ்சாட்டப்பட்டது.

தனியுரிமை மீறல்கள்: ஃபேஸ்புக்குக்கு ஐந்து பில்லியன் அபராதம் விதிப்புபடத்தின் காப்புரிமைAFP

ஃபேஸ்புக் வினாடி வினாவில் வெறும் 2,70,000 பேர் மட்டுமே பங்கேற்ற நிலையில், மற்ற 50 மில்லியன் பயன்பாட்டாளர்களின் தனிப்பட்ட தகவல்கள் அவர்களது ஒப்புதல் இல்லாமலே பெறப்பட்டதாகவும், அவர்கள் பெரும்பாலும் அமெரிக்காவை சேர்ந்தவர்கள் என்றும் கேம்பிரிட்ஜ் அனாலிட்டிக்கா நிறுவனத்தின் முன்னாள் ஊழியரான கிறிஸ்டோபர் வைலி கடந்தாண்டு அம்பலப்படுத்தினார்.

ஆனால், அச்சமயத்தில் பயனர்களின் தனிப்பட்ட தரவை அணுகியது கேம்பிரிட்ஜ் அனாலிடிக்கா மட்டுமல்ல. அந்நேரத்தில் ஃபேஸ்புக்கின் உள்கட்டமைப்பைப் பயன்படுத்தி சேகரிக்கப்பட்ட தரவை மேலும் பல நிறுவனங்கள் உரிய அங்கீகாரமின்றி பயன்படுத்திக் கொண்டன.

இதே குற்றச்சாட்டு தொடர்பாக கடந்தாண்டு அக்டோபர் மாதம், பிரிட்டனின் கண்காணிப்பு அமைப்பு ஃபேஸ்புக்கு 5 லட்சம் பவுண்டுகள் அபராதம் விதித்தது என்பது குறிப்பிடத்தக்கது.

https://www.bbc.com/tamil/science-49107302

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • போகன்வீல் நாட்டு அதிபர் பங்கெடுக்கும் நாடுகடந்த தமிழீழ அரசாங்கத்தின் அரசவை அமர்வு நாடுகடந்த தமிழீழ அரசாங்கத்தின் அரசவை அமர்வின் தொடக்க நிகழ்வில் போகன்வில் தேசத்தின் முன்னாள் அதிபர் Hon James Tanis அவர்கள், சிறப்பு அதிதியாக பங்கெடுக்கவுள்ளார் என அறிவிக்கப்பட்டுள்ளது. தேசத்தின் நெருக்கடியும் நாட்டின் மலர்ச்சியும் ( Nation under Threat – State in the Making ) என்பதனை மையப்பொருளாக கொண்டு இடம்பெறுகின்ற அரசவை அமர்வானது, எதிர்வரும் ( 4/5 Dec 2021) சனி, ஞாயிறு ஆகிய இருநாட்களுக்கு இணைவழியே இடம்பெற இருக்கின்றது. சர்வதேச வள அறிஞர்கள் பலரும் பங்கெடுக்க இருக்கின்றனர். பசுபிக் பெருங்கடல் தீவில் சுதந்திர தனிநாட்டு அரசியல் இறைமைக்காக நீண்டகாலமாக போராடி, 2019ம் ஆண்டு முதல் கட்ட பொதுவாக்கெடுப்பொன்றின் மூலம் நியூ பப்புவாக்கினாயாவில் இருந்து பிரிந்து சுதந்திர நாடாவதற்கு தமது அரசியல் பெருவிருப்பினை வெளிப்படுத்திய தேசமாக ‘போகன்வீல்’ இருக்கின்றது. சர்வதேச ஒப்பந்தத்துக்கு அமைய விரைவில் முறையான இரண்டாம் கட்ட பொதுவாக்கெடுப்பினை போகன்வீல் தேசம் எதிர்கொண்டுள்ள நிலையில், அப்பொதுவாக்கெடுப்பினை முன்னெடுப்பவர்களில் ஒருவராக இருக்கும் Hon James Tanis , போகன்வீல் தேசத்தின் அதிபராக பொறுப்பினை வகித்தவர். நியூ பப்புவாகினியாவிடம் இருந்து 2023ம் ஆண்டு நிர்வாக மாற்றம் படிபடிமுறையாக நடைபெற்று, 2027ம் ஆண்டு சுதந்திரமும் இறைமையும் கொண்ட புதியதொரு நாடாக போகன்வீல் இப்பூமிப்பந்தில் அமைய இருக்கின்றது. சுதந்திர நாட்டுக்கான வராற்று தடத்தினை கொண்டு ஒரு தேசத்தின முன்னாள் அதிபர் ஒருவர், சுதந்திரத்துக்கான போராடி வருகின்ற ஈழத்தமிழ் மக்களின் ஜனநாய போராட்ட வடிவதாக திகளுகின்ற நாடுகடந்த தமிழீழ அரசாங்கத்தின் அரசவை அமர்வில் பங்கெடுத்துக் கொள்வது முக்கியமானதொரு நிகழ்வாக அமைந்துள்ளது. தேசிய இனமுரண்பாடுகளும், பொதுவாக்கெடுப்பும் என்ற தொனிப்பொருளில் சிறப்புரையினை வழங்க இருக்கின்ற முன்னாள் அதிபர் அவர்கள், பொதுவாக்கெடுப்பு நோக்கிய செயல்வழிப்பாதையின் தமது அனுபவங்களை, ஈழத்தமிழர்களது பொதுவாக்கெடுப்பு நோக்கிய செயல்வழிப்பாதைக்கு பகிர்ந்து கொள்வார் என தெரிவிக்கப்படுகின்றது. பேராசிரியர் Prof. Matt Qvortrup, அவர்கள் ஒரு நாட்டை எவ்வாறு உருவாக்குவது ( How to create a state ) தொடர்பிலான தமது புத்தக எழுத்தாக்கத்தினை அடிப்படையாக வைத்து கருத்துரை வழங்க இருக்கின்றார். தமிழ்நாட்டில் இருந்து பேராசிரியர் இராமு மணிவண்ணன், நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் ஆகியோர் இக்கருத்துரையினை மையப்படுத்தி ஈழத்தமிழர்களின் சுதந்திர நாட்டுக்கான செயல்வழிப்பாதைகள் குறித்த கருத்துக்களை பகிரவுள்ளனர். கனடா ஒன்ராறியோ மாகாண உறுப்பினர் Aris Babikian, MPP, அவர்கள் ‘தமிழ் மக்களின் ,னப்படுகொலைக்கு அங்கீகாரம் பெறும் வழிமுறைகள்’ ( Ways and Means of getting recognition for Tamil Genocide ) தொடர்பில் கருத்துரையினை வழங்க இருக்கின்றார். கனேடிய நடாளுமன்ற உறுப்பினர் Heather McPherson, MP அவர்கள் ‘தமிழ் மக்களுக்கு நீதி பெற்றுக்கொடுப்பதில் கனடாவின் பங்கு’ தொடர்பில் ( anada’s role in securing Justice for Tamils ) கருத்தரையினை வழங்க இருக்கின்றார். அமெரிக்காவில் இருந்து Steven Schneebaum அவர்கள் ‘அமெரிக்காவில் விடுதலைப்புலிகள் மீதான தடைக்கு எதிரான சட்டப்போராட்டம்’ ( Legal Battle against ban on LTTE in US ) தொடர்பில் கருத்துரையினை வழங்க இருக்கின்றார். இதேவேளை Anuradha Mittal அவர்கள் ‘நில அபகரிப்புக்கள் ‘ தொடர்பில் கருத்துரையினை வழங்க இருக்கின்றார். சனிக்கிழமை (4-12-2021) அமெரிக்கா நியு யோர்க் நேரம் 9 மணி முதல் இந்நிகழ்வுகளை நாடுகடந்த தமிழீழ அரசாங்கத்தின் www.tgte.tv வலைக்காட்சி வழியே இதனை நேரலையாக காணலாம் என அறிவிக்கப்பட்டுள்ளது.   https://thinakkural.lk/article/153960  
    • லிபிய ஜனாதிபதி தேர்தலில் போட்டியிட கடாஃபியின் மகன் சயீஃப் அல்-இஸ்லாமுக்கு அனுமதி! லிபிய ஜனாதிபதி தேர்தலில் போட்டியிட, அந்த நாட்டின் முன்னாள் ஜனாதிபதி கடாஃபியின் மகன் சயீஃப் அல்-இஸ்லாமுக்கு தேர்தல் ஆணையம் விதித்திருந்த தடை நீக்கப்பட்டுள்ளது. தேர்தல் ஆணையத்தின் தடையை எதிர்த்து, நீதிமன்றத்தில் தொடுக்கப்பட்டிருந்த வழக்கு நேற்று (வெள்ளிக்கிழமை) விசாரணைக்கு எடுத்துக்கொள்ளப்பட்டது. இதன்போது, இந்த வழக்கை விசாரித்த நீதிமன்றம் சையிப்பை தகுதி நீக்கம் செய்யும் தேர்தல் ஆணையத்தின் முடிவை இரத்து செய்து, அவர் தேர்தலில் போட்டியிட அனுமதி வழங்கி தீர்ப்பளித்தது. இதனால் கடாபியின் மகன் சையிப் ஜனாதிபதி தேர்தலில் போட்டியிடுவது உறுதியாகியுள்ளது. கடாஃபியின் ஆட்சிக் காலத்தின்போது அரசுக்கு எதிராக கடந்த 2011ஆம் ஆண்டு போராட்டத்தில் ஈடுபட்டவர்கள் மீது வன்முறையை ஏவிவிட்ட குற்றத்துக்காக திரிபோலி நீதிமன்றம் சயீஃபுக்கு மரண தண்டனை விதித்துள்ளது. மேலும், அவர் மனித உரிமை மீறலில் ஈடுபட்டதாக சர்வதேச நீதிமன்றத்திலும் வழக்கு உள்ளது. இந்தச் சூழலில், அவர் தேர்தலில் போட்டியிட தடை விதிக்கப்பட்டிருந்தமை குறிப்பிடத்தக்கது. லிபியாவில் ஜனாதிபதியை தேர்ந்தெடுப்பதற்கு முதல் கட்ட தேர்தல் அடுத்த மாதம் 24ஆம் திகதியும், இரண்டாம் கட்ட தேர்தல் ஜனவரி 24ஆம் திகதியும் நடைபெற உள்ளது. அங்கு தற்போது முகமது அல் மெனிபி என்பவர் ஜனாதிபதியாக உள்ளார். லிபியாவின் ஜனாதிபதியாக 1969ஆம் ஆண்டு முதல் 2011ஆம் ஆண்டுவரை பதவி வகித்தவர் முஅம்மர் அல் கடாபி. 40 ஆண்டுகளாக நடைபெற்று வந்த கடாஃபியின் ஆட்சி, கடந்த 2011ஆம் ஆண்டு ஒக்டோபர் 20ஆம் திகதி முடிவுக்கு வந்தது. அவர் கிளர்ச்சிப்படையினரால் உயிருடன் பிடிக்கப்பட்டு, உடனடியாக சுட்டுக்கொல்லப்பட்டார். அதனைத் தொடர்ந்து கிளர்ச்சியாளர்களால் சயீஃப் அல்-இஸ்லாம் கைது செய்யப்பட்டார். பின்னர் தொடங்கிய உள்நாட்டுப் போரில் கடாஃபி கொல்லப்பட்டார். சயீஃபை கைது செய்து வைத்திருந்த அபுபக்கர் அல்-சித்திக் என்ற அமைப்பினர் அவரை 2017ஆம் ஆண்டு விடுவித்தனர்.   https://athavannews.com/2021/1254206
    • உங்களின் சிந்தனைகளை  மாற்றுவது நல்லது ஐந்தாம் வகுப்பென்ன அந்த அந்த மாநிலங்களில் அவர்களின் மொழி கட்டாயமாக படிப்பிப்பது அவர்களின் அடிப்படை உரிமை இந்த உண்மை கூட விளங்காமல் அல்லது உங்கள் பார்வையில் மற்ற மொழிக்காரர்கள் மேன்மையானவர்கள் எண்ணம் சிறுவயதிலே பதிந்து இருக்கனும் ஆனபடியால்தான் ஒன்றில் இருந்து ஐந்து மட்டும் தமிழ் கட்டாய பாடமாகினது பெரிதாக தெரிகின்றது . கீழே தமிழ்நாட்டுக்கு அருகில் உள்ள மலையாளம்  Malayalam made compulsory in Kerala schools from classes 1 to 10...... https://english.mathrubhumi.com/news/kerala/malayalam-made-compulsory-in-kerala-schools-from-classes-1-to-10-malayalam-language-learning-1.2797814   அடுத்து தெலுங்கு  AP Makes Telugu Compulsory in Schools: Details Inside https://english.sakshi.com/news/andhrapradesh/ap-makes-telugu-compulsory-schools-details-inside-140546 ஹிந்தி இங்கு ஹிந்தி இல்லாவிட்டால் பட்ட படிப்பு கிடையாது எனும் நிபந்தனையை போட்டு ஹிந்தியை கட்டாயம் ஆக்கியுள்ளார்கள்  https://www.hindustantimes.com/delhi/du-circular-makes-hindi-test-compulsory-for-graduation-degrees/story-6wRYoEUzaVXnXJa6eRqdKI.html#:~:text=Students of Delhi University (DU,a circular said on Thursday.&text=Hindi was not compulsory in,CBCS)%2C implemented last year. என்னசெய்வது கொடிபிடிக்காதே போராடாதே அவர்கள் தருவதை அமைதியாக இருந்து வாங்கிக்கொள்ளுங்கள் நூற்றாண்டு அடிமைகளுக்கு போதிக்கப்பட்ட இலவச விடயம் இலகுவில் மாறாது .
    • 1798ல் இருந்து 1948வரை இந்த லோயர்களும் அவர்கள் வழித்தோன்றல்களும் ஆங்கிலேயர்களிடம் கற்றுக்கொண்ட பாடத்தின் வழிமுறையில் நின்று, அதன்வழியே இன்றும் செயல்பட்டு வருவதில் ஆச்சரியம் எதுவும் இல்லையே. ஆங்கிலேயர்களுக்கும் அது தெரியும். தெரிந்துதான் தஞ்சம் கொடுக்கிறார்கள். அவர்கள் படிப்பித்த பாடம் அவர்களுக்குத் தெரியாதா....??🤔
    • மீனவர்களின் பிரச்சினைகளுக்கு தீர்வு கோரி யாழில் கையெழுத்து வேட்டை! யாழ்ப்பாண நகர பகுதியில் தேசிய மீனவ ஒத்துழைப்பு இயக்கம் மற்றும் வட மாகாண கடற்றொழிலாளர் இணையம் ஆகியவற்றின் ஏற்பாட்டில் இன்று (சனிக்கிழமை) கையெழுத்து சேகரிக்கும் நடவடிக்கை முன்னெடுக்கப்பட்டது.   மக்களிடம் பெற்றுக்கொள்ளப்படும் கையெழுத்துகளுடனான மகஜர்  ஜனாதிபதி, சட்டமா அதிபர் மற்றும் கடற்றொழில் அமைச்சரிம் கையளிக்கப்படவுள்ளதாக தெரிவிக்கப்பட்டுள்ளது. ஏற்கனவே மன்னார், கிளிநொச்சி மற்றும் முல்லைத்தீவு மாவட்டங்களில் கையெழுத்து சேகரிப்பு நடவடிக்கை  இடம்பெற்ற நிலையில், இன்றையதினம் யாழ். நகர பகுதியில் குறித்த நடவடிக்கை முன்னெடுக்கப்பட்டமை குறிப்பிடத்தக்கது.   https://athavannews.com/2021/1254290
×
×
  • Create New...

Important Information

By using this site, you agree to our Terms of Use.