லிபிய அகதிகளின் படகு கவிழ்ந்ததில்150 பேர் பரிதாபமாக பலி !

[கிருபன் 4,247]

லிபிய அகதிகளின் படகு கவிழ்ந்ததில்150 பேர் பரிதாபமாக பலி !

லிபியாவில் இருந்து ஐரோப்பாவிற்கு  சட்டவிரோதமாக சென்ற அகதிகளின் படகு கவிழ்ந்ததில் 150 பேர் கடலில் மூழ்கி பரிதாபகரமாக உயிரிழந்துள்ளனர்.

கடந்த 2011 ஆம் ஆண்டு அந்நாட்டின் ஜனாதிபதியாக  இருந்த கடாபியின் ஆட்சி முற்றாக ஒழித்த பின்னர் அங்கு அதிகார போர் உச்சக்கட்டத்தை அடைந்துள்ளதுடன் அங்கு குழுமோதல்களும் இடம்பெற்று வருவதுடன் இதில் சிக்கி பல்லாயிரக்காணக்கான பொதுமக்கள் கொல்லப்படுகின்றனர்.

இவ்வாறு ஏற்படும் மோதல்களில் இருந்து தம்மை பாதுகாத்து கொள்ள அந்நாட்டு மக்கள் வேறு இடங்களை நோக்கி கடல் மார்க்கமாக செல்ல முயற்சிக்கையில் இவ்வாறான உயிரிழப்புகள் பெருமளவில் ஏற்படுகின்றதாக அந்நாட்டு அதிகாரிகள் தெரிவிக்கின்றனர்.

இவ்வாறு லிபியாவில் இருந்து மக்கள் ஜேர்மனி, இத்தாலி உள்ளிட்ட ஐரோப்பிய நாடுகளில் புகலிடம் தேடி சட்ட விரோதமாக கடலில் ஆபத்தான பயணத்தை மேற்கொள்கின்றனர். 

இந்நிலையில், லிபியா நாட்டின் அல் கோம்ஸ் நகரில் இருந்து படகு ஒன்றில் 300 க்கும் மேற்பட்ட அகதிகள் ஐரோப்பா நோக்கி பயணித்தனர். 

லிபியாவிலிருந்து 120 கிலோ மீற்றர் தொலைவில் மத்திய தரைகடல் பகுதியில் படகு சென்று கொண்டிருந்தபோது திடீரென கவிழ்ந்து விபத்துக்குள்ளானது. 

படகு கடலில் மூழ்கியதில் 150 பேர் உயிரழந்துள்ளதாகவும் ,150 பேர் உயிருடன் மீட்கப்பட்டுள்ளதாகவும் அந்நாட்டு செய்திகள் தெரிவித்துள்ளன.

உயிரிழந்தவர்களின்  உடல்களைத் தேடும் பணிகள் இடம்பெற்று வருவதாகவும் அந்நாட்டு செய்திகள் தெரிவிக்கின்றன.

 

https://www.virakesari.lk/article/61250

[ampanai 724]

அனுதாபங்கள். 

இந்த அநியாய இறப்புக்களால் மேலும் இந்த பாதையை தொடர இருக்கும் இலட்சக்கணக்கான மக்களை தடுக்கமுடியாது.  

[raja.m1982 5]

அஞ்சலிகள்