Jump to content
  • advertisement_alt
  • advertisement_alt
  • advertisement_alt

மைத்திரி அங்கிள் - 2015 தொடக்கம் 2019 வரை அதே அங்கிள் தான்.


Recommended Posts

  • கருத்துக்கள உறவுகள்

மகிந்த மாமா வீட்டு மைத்திரி அங்கிள்…

ஜனவரி 28, 2015 · Filed under ஈழத் துயர், ஈழம், கவிதை, கவிதைகள், சமூகம், தமிழீழம்

MR-Maithri

அலரி மாளிகை

மாடி வீட்டு மகிந்த அங்கிள்

வர்ணக் கிளி வளர்க்க

குறுனி தூவி…

ஏசி றூமில் நாய் வளர்க்க

நாய்க்கு ஒரு நாலு பெயர் வைச்சு

அழகு பார்த்த மைத்திரி அங்கிள்…

 

கொடூர சுறா வளர்த்து

குஞ்சு மீனை தீனியாக்கி

அது துடிச்சுச் சாக

துள்ளிக் குதித்து

குரூரமாய் ரசித்து

மகிழ்ந்த

கோத்தா எனும் கொடூரன்

குருவி சுடுவது போல்

தமிழனை சுட்டு தள்ள

கைக்கட்டி வேடிக்கை பார்த்த

மைத்திரி அங்கிள்…

 

செம்மணியை

தமிழர் குருதியால்

சிவப்பாக்கி..

எங்கள் தங்கை

கிருசாந்தியை

கிண்டிப் புதைத்து

அதை மறைக்க ஆயிரம்

சித்து விளையாடிய..

சந்திரிக்கா என்ற

அரக்கி வீட்டில்

தர்ப்பார் நடத்தும் மைத்திரி அங்கிள்…

 

ஜே ஆர் தாத்தாவின்

கொள்கையில் வளர்ந்த..

கொஞ்சம் கொஞ்சமாய்

ஈழத்தீவில்

தமிழரை பூண்டோடு அழிக்க

தந்திரம் படித்த

ரணில் அங்கிள் வீட்டு

படி அளக்கும் மைத்திரி அங்கிள்..

 

எம் பாட்டன் முப்பாட்டன்

நிலமெல்லாம் விழுங்கி

உயர் பாதுகாப்பு வலயம் அமைச்சு

சிங்களச் சொத்தாக்கி..

எங்கள் அண்ணா அக்காவை

கொன்று புதைத்த நிலங்களாக்கி..

வெற்றி வெடி வெடித்த

சரத் பொன்சேகா அங்கிள்

அமெரிக்க டொலரில்

குளிர் காயும் மைத்திரி அங்கிள்..

 

உங்களின் வெற்றிக்கு வாக்குச் சேர்த்த

சம்பந்த.. சுமந்திர

கூட்டம் கூட மெளனமாகி விட்டது.

அகதியாய் ஓடியாந்த தமிழருக்கு

இரட்டைக் குடியுரிமை

கூட்டமைப்பு பிரதான அரசியலாகி விட்டது.

100 நாள் கடக்க எல்லாம் சரியாகும்

பொதுத் தேர்தல் வர

எல்லாம் கைகூடும்

கதையளக்க தயாராகி விட்டது…

அந்தக் கூடார குதிப்பில்

மகிழ்ந்திருக்கும் மைத்திரி அங்கிள்..

 

எதுஎப்படியோ கிடக்கட்டும்..

மாற்றம் ஒன்று வேண்டும்

மகிந்த மாமா தொலைய வேண்டும்

எண்ணிய உள்ளங்கள்

இணைந்து அளித்த வாக்கில்

உச்சிக்கு வந்திட்டீங்க..

எங்கள் உச்சி குளிர ஒன்றும் செய்ய வேண்டாம்

குச்சு ஒழுங்கையில்

எங்கள் அக்கா தங்கையை

கணக்குப் பண்ண நிற்கும்

உங்க ஆமியை கொஞ்சம்

உள்ள நகர்த்த மாட்டியளா..???!

 

https://kuruvikal.wordpress.com/

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use.